فنادق*فنادق

المنصوري ... أنا قلت تخيلو ما قلت صدقوا

إلي يعرف حلم مستحيل يخاف منها يا أحلى شيف منصوري :)

انا صدقت ههههه

مره ثانيه لا تصدق !!

الله يستر من أنامل ودموع جان صدقوا مثلكم :)

يــعــنـــي إذا ثنيــنـــه من شــوّاب الواحــــات ( عن يزعل قلوب دبي :fa56: ) زاغوا منـــــج .. فما بالــــج ببنـــوتـــات الواحـــــات !! خصه إنه لونج اتغيـّـــر :k_devil2:

اقتباس:

---

المشاركة الأصلية كتبت بواسطة المزوحي

إذا عن الفنادق حتا فيها ( فندق فورت )

http://www.jebelali-international.co.../Overview.aspx

وعندهم مكان للزياره Hatta Heritage Village


http://www.tropicalisland.de/united_...05340x3400.jpg

---

شكرا المزوحي - ^_^ بس بغيت أسأل عن المسابح والجم وهل توجد غرف بداخلها مسبح خاص؟

السلام عليكم


انا عندي ادمان على الفنادق ...


نبدأ ..الكوف روتانا اللي الكل مدحه ..انا ما رقدت فيه .. بس زرت المطاعم اللي فيه وما حبيتها ابداً ..لا البوفيه ولا المطعم الايطالي ... الكوفي اللي في الريسبشن حلو ...واليلسه حلوه بس وايد ضيجه ...اقصد اللي برع...

وجربت بعد فندق الهيلتون الللي في معيريض ... وايد حلو حجره حلوه ونظيفه وخدمتهم اوكي ,,, بوفيه الريوق حلو ...والمطعم الايطالي اللي فيه حلو حق عشاء..

فندق خت .. حلو في الجو البارد ..حجرهم اشوي ضيجه ...بس نظيف .. والاكل في البوفيه حلو ... واحلى شيء فيه عين خت ..


بالنسبه لفنادق دبي:

من اللي ذكرتوها ... جربت ..

الكمبنسكي ...وكان وايد حلو ... خدماتهم مميزه...

قمر الدين ... حلو ... بس الحمامات كرمكم الله شفافه ....

جراند حياه ... احب كل شيء فيه ... المطاعم والكوفي ... والغرف ... حلو وايد ووخصوصا البوفيه اللي تحت ... في انواع مختلفه من الاكلات ...هندي على ايطالي على لبناني ... بس فيه مشروب طبعا دامه في فندق ....


ومن أورع الفنادق ... رويال ميراج ... حتى لو ما سكنتوا فيه ... لازم تاكلون فيه ..لأنه المطاعم اللي ذكرتهم اختي شمعة أمل حلوه وايد .... والتمشي على البحر وعند الحوض بعد حلو ....


فندق جراند الحبتور .... حلو واحلى شي فيه البحر ويلسة البحر ... والاشياء اللي مسوينها ..حق اليهال ... انا سرت له اول ما فتح قبل 4 سنين تقريباً .. وحجرهم حلوه ورومانسيه وايد ... اضاءة الممرات حلوه ..بس مب احلى عن اضاءة رويال ميراج ...

رحت فندق البستان روتانا قبل العيد .(اللي اغتالوا فيه المبحوح).. وكانت اسوأ تجربه بس لأني كنت مضطره ابا مكان جريب من مردف والطوار ..وهالاماكن ... وندمت وايد على هالاختيار ..الحجر ضيجه وايد ..والخدمه سيئه .... ما حبيته ...حتى ريوقهم مب حلو ..وندمت ما حجزت في الفنادق اللي عند الفستفل ... لأني سكنت مره في واحد منهم بس ما اذكر اذا كان الانتر أو الثاني بس كلهم حلوين وفيهم مطاعم اوكي ...

فندق ارماني ...من اسوأ واغلى الفنادق اللي سكنتها ...مافي شي حلو غير الشاور جل اللي في الحمام :redface: الحجره ضيجه وايد ... وكتمه غير طبيعيه مووول ما حبيته والوانه وايد غامجه اونه كلاسيك ... بس ما دخل مزاجي ابداً

فندق قصر الامارات ..حلو وايد ..والحجره كانت واسعه ومطله على الحديقه ..وشرحه وايد ... واكلهم لذيذ اللي طلبناه في الحجره ... وحمام واسع وايد ... والسرير مريح ..حبيته وايد ..وكنت طالبه وانا احجز انه يسوونا ارينجمنت .. وكانت واااااااو ... السرير كله ورد ..روعه شي خيالي .. وحتى الحمام والبانيوم كله ورد ... ويابولنا كيك وعصير اول ما وصلنا ..واول ما سوينا الجيك ان عطوني باقة ورد كبيره ... شي دلع من الخاطر ..

فندق تريدرز ..تابع لشنغريلا ... وهو اربع نجوم .. حجزنا فيه يوم ما حصلنا حجز في شنغريلا وكنت مبوزه ما اباه ... بس تفاجأت الحجر واسعه ..ونظيف وايد ومرتب ... وريوقهم روعه .. البوفيه وايد متنوع والفندق هادي وايد ...وكانوا مسوين عرض فالصيف الحجره على 400 تقريبا ... وايد كانت مفاجأه بالنسبه لنا .. بس حلو حق اللي يبا مكان هادي ...

فندق العقه ...سرت له اكثر من 3 مرات ... حلو .. ونظيف ..وخدمتهم حلوه بعد .. بس خلاص ما افكر اسير له ..

في العيد رحنا لشاليهات ..روتانا بيتش اعتقد في دبا ... كانت حلوه وخدمتهم بعد اوكي ..بس المطعم اللي عندهم هو واحد ...حق ال3 وجبات ... واكله مب هاك الزود وبتأخر وايد ... بس كنا بروحنا مسوين جو ... يايبين طرادات وسكوترات ... وما كان شيء وقت حق اليلسه في الشاليه كله على البحر .... :fa34:


تعبت من الكتابه ... وبعدني ما خلصت فنادق الدوله ....

انا بعد كل حجوزاتي عن طريق موقع bookin

i will be back

فالعيد ثاني يوم قررنا نحجز ونسير تريدرز اللي حذال شنغريلا لانه ما حصلنا مكان ثاني وكانت الليلة ب 900 والغرفة عادية يعني ما حبيت الفندق وايد ..


وثاني يوم سرنا فندق ياس وايد عيبني وحبيييييييييييته .. بش حشرة الفورملا من 9 الصبح وايد ازعاج واسعاره مناسبة بالنسبة للفندق 750

^__^

ومن فترة سرت قصر الامارات وعيبني وحلووو بس المطعم ابدا ما عيبني جربتته ما اذكر شو اسمه بس البوفيه انترناشيونال عندهم كان ..

والفندق اللي وايد عيبني فيرمونت باب البحر وايد حلو الفيوو عالبحررر والغرف وكل شي ^__^

شهر 10 اللي خطف كنت مسافر وكانت لي تجربه مع فنادق يديده ومنها فنادق متعود اتردد عليها وانقل اليكم التجربه:

- لندن : فندق رويال جاردن ، 5 نجوم ، حاجز سويت وهذا الفندق ايعيبني وايد لانه شويه بعيد عن منطقة تجمع العرب ومكانه على كينجستون ستريت

- باريس : فندق نابليون ، 4 نجوم ، حاجز سويت ، بس الموقع زين والا هو مووووول ما يسر ابدا ... وما انصح حد يسيرله ابدا ، كانت تجربه ومحازفه..

- ميونخ : فندق ويست جراند ارابيلا ، 5 نجوم ، الفندق اللي مستحيل اتخلى عنه وايد زين للي بيسير ميونخ.

- انترلاكن : فندق دورنت : 4 نجوم لانه المدينه هاي مافيها 5 نجوم ، بس موقع الفندق فوق الجبل وكشخه وطبيعه حلوه ولكن مول مافيها شي غير الطبيعه

- زيرمات : فندق ذا امنيه THE OMNIA وايد حلوو الفندق من حيث الموقع وزيرمات وايد حلوه من الاماكن الحلوه في سويسرا

- زيورخ : فندق الماريوت : 5 نجوم ، كان حلو والمدينه جيده لا باس فيها .

وسلامتكم هاي علوم شهر 10

:)

ماشاء الله... عساه شهر عشره كان حلو عليك

رمش الغلا على طاري فندق تريدرز البارحه ربيعي خبرني عنه هو سار له الخميس ويمدحه اللي تابع لشنغريلا قرية البري ..

أما أكل قصر الامارات انت ثاني شخص يقول اكلهم مب حلو ، غريبه على فخامته إنه اكلهم مب ذاك الزود

^
حتى الكوفي شوب اللي في قصر الإمارات تعبان .. اليلسه حلوه بس الأكل مب لين هناك !

وطبعا وهاي كانت تجربتي في الكوفي شوب اللي في فندق الميدان ( ند الشبا ) مب شي ، سيراميك كافيه احلى عنه

سبوج....غريب هالادمان عالفنادق...نقلت العدوى لعيالي...اليوم ريلي يسألني شو حد مدح الكوفا من كثر مب حاشرتنه ابا اسير ابات براك...

رويال ميراج ابصم بالعشرة وياج ومطعم اوليفز الي مدحنه شمعه وايد حبيه...وبعد المطعم الايطالي الي بميرامار دبا وايد يعيبني...تصدقون كل المطاعم الايطاليه حلوة


عيبتني سالفه قصر الامارات ...اخر فندق جربته فندق ياس حلو بس ماشيء وايد فسلتيز...والباجي برع


جنه حد مدح لي سوفيتل في دبي والفيرمونت حد جربهم

مساء الخير
أدور على فندق في ابوظبي قريب على زايد العسكري
لنهاية الاسبوع و ياليت لو اكل الفندق يكون غاوي و الفندق
يكون شرررح و عائلي ماكو حشره



لو يكون شاليه افضل "الفزعه" =) لو سمحتوا

صباحووو
مدحوا لي شنغريلا !! و أظن حد مدحه هني بعد
اتصلت بالليل فيهم الفيلا على 25 شي جذي أقول حق اختي مصاخه يسمونها هاي بعد

بتصل بعد شوي بشوف ان كان عدهم 3 غرف

شنغريلا رووعه

صح هالفندق وااايد رووعه

ما بتندمين جان جربتيه

رحنا شنغريلا
الفندق حلو بس خدمتهم تعبانه تأخرنا على بال ما سوا الـ check in & check out

هالأسبوع قعدنا أبـ أرجان بارك "روتانا" بوظبي
وايد هادي الفندق، أمي عيبها المكان و ريوقهم كذلك =)

السلام عليكم..

بسالكم.. حد جرب فندق ارماني ؟؟

السبوع اللي طاف رحت الحمرا في راس الخيمة ..
وحلوو المكان وااااااااايد


امم مجربة ارماني المطعم عندهم .. بس وحدة من الاهل سايرة الفندق وتمدحه تقوله ستايله كله مودرن =)

السلام عليكم


اختي شوق القلوب أنا جربت أرماني ...ما حبيته موووووول

كنا معاريس...وطلبنا ارينجمنت ..محد سوالنا سالفه اونه ممنوع يحطون ورد ... لأنه فندق كلاسيك

بس نحنا كنا في غرفة مجابله النافوره .. الموقع فوق وحلو ..

بس الغرفه ما عيبتني والألوان غامجه ... عشان كلاسيك .. ما ادري أذا عيبني الصراحه ..اللوبي وايد ضيج ومظلم .. الممرات ضيجه ..حالياً اسعاره تبدأ من 2700 تقريبا حق الغرفه العاديه .. بس كانت أغلى يوم انا سرت لأنه كان يديد ...

اذا تبين مكان رومانسي وحلو ما انصحج فيه ابداً ..


انا حاجزه هالويك اند في ذا ادرس دبي مول... في حد جربه ؟؟

هي انا ميربتنه... احيدنا حاجزين غرفه.. بس يوم سرنا قالوا والله ماشي غرفه فيها كنج بيد.. وقالوا بيعطونا سويت.. كان المكان حلو.. بس ماجربنا لفسيلتيز لانه يدوب سوينا جيك ان.. و ع طول شوووووبنج..والصبح سوينا جيك اوت ... ...

احلى شي انج اتكونين هلكانه من المول.. فجاه اتلاقين عمرج مرتاحه على سريرج

لمحبين الفنادق.. جربتوا فندق اضني اسمه سرايا... شي جي... يقولون انه واااااااااو

هلا شوق، يمكن تقصدين زعبيل سراي

شوفي هالرابط

http://www.jumeirah.com/en/hotels-an...-Zabeel-Saray/

السلام عليكم


:mf_leia:انا جربت هالفندق من شهر تقريبا

حلو وايد وفخم اللوبي وايد حلو ديكوره ومممممممم الحجره كانت الديلوكس فيها بانيوم كبير وفيه دريشه كبيره على السرير،البانيوم كأنه برايفت بول ...الحجره اضاءتها رومانسيه ومريحه .. مممممم منظر اتلانتس حلو لانه تقريبا مجابلنه بس بينهم البحر .. المشي برع على الشاطي وايد حلو وفي عندهم بعد فلل بس دخلتها .. بس شفتها ..من برع... وفي يلسه برع حلوه بس فيها شيشه ..

مممممممممممممم وفي وايد مطاعم منها الهندي اللي عنده اوفر حلو النفر على 225 درهم وينزلج كل المنيو بس اطباق صغيره واللي يعيبج ممكن تطلبينه ..بس تشبعين من المقبلات ..واكله لذيذ .. وفيه بودابار شرات اللي في لبنان ..ومطعم صيني ومطعم لبناني ..بس اللبناني ما كان فاتح بعده..

وفي بوفيه على الريوق والغداء والعشاء ..انترناشيونال .. وفي مكان للعب الاطفال .. يعني الفندق اذا دخلتيه ما بتطلعين كل شي فيه .. واللي حبيته في وايد مواطنين ومواطنات ... تستانسين وما تحسين بالغربه ..:fa34:

تجربه حلوه .. وكنت حاجزه عن طريق موقع بوكنج ..والليله كانت بألف واربعميه ويا التاكس طلعت 1600 ومع الريوق ..


هذا كان اخر فندق زرته فالبلاد

مسآگم ورد ..


من الفنادق لي جربتها فـ دبي :

اتلانس

باب الشمس

ذا بلس ..

وفي فندق يدييد مادل اسمه جريب منالمروج روتانا ..

وجربنا بعد ذا آدرس ..


گل فندق له شييميزه وفيه شي حلو ..

الموقع بالنسبه لي واااايد مهم ..


وفي بوظبي سگنا فـقصر الامارات
وگان ف خااااطري ابات ف ياس لگنه فللللل


في دبا :

سگنا روتانا + المينماار

ممم روتانا ماحبيتهوايد بعكس الثاني.

طبعا گلهم مطلين ع البحر


فـالفجيره نفسها

جربت آرجان روتانا + كونگورد

ممم السويت فالاول احلى من الـ٢

رغم انهن ٢ يداد بس انا ماحبيت ال٢ مـاعرف ليش



وفي منتجع فطريق خصب او هي خصب نفسها مادل هذاك اليوم كنت مبوزه لوول
المكان يجنن ؛ يريح الاعصاب



وبس

اخر فندق سرته ادرس الي في مرسى دبس حبيته وايد حجزنا سويت مريح وايد وهادي والحين افكر احجز اتلاتنس عسب اليهال يستانسون...وما ادري قولولي شو شيء يديد وحلو

خططي اليايه على فندق القصر الي على دبي مول وبن بطوطه جت

الصراحة الموضوع وااائد مفييئيد كملو

فندق بارك حياه في دبي >> حلو وهادي <<

فندق ياس في بوظبي << حلو وزوين >>

بيتنا بعد غاوي اخير منهم كلهم وخاصه حجرتي احلي سويت ههههه

فندق جال بالفجيررررة

الصراحه روعــــــــــه المكااان


هالصورة من تصويري

http://dubaieyes.net/up/upadmin/1314...-437971932.jpg

حق ريلاكسسسسسسسسسس واايد رووعه

في مسابح خاصه لليهال والنسااا

هيه يمدحونه... حتى ميرامار...

انا سايرتنه اول ما فتح هو وميرامار بس بنظري جال احلى وارقى وميرمار قاعة العاب اليهال اكبر والمطعم الايطالي يعيبني

زعبيــل سراي حلـو

تصميمه جيه تركـي على مادري گيف ..