الصيف قرب و السفر حان طاريه

المزوحي مانصحك بلبنان.. خطر
من فتره احيد امي تقول واحد نعرفه سار لبنان ومادري شو استوى واضطرو بسـرعه يطلعونه من سوريـا
ليش ماتسيرون الاردن بدل لبنان.. احس حلوه

شمعة لأنه عندنا بيت في لبنان ( في اليبل ) يعني احتمال نسير سوريا ويمكن نمر بالسيارة على تركيا

ونخلي لبنان عند الرده ...

المزوحي

طيران الامارات سيئ سيئ سيئ سيئ سيئ سيئ
و بعد سيئ

لو ركبت طيارة البويينغ 777 بيكون اوكي

لكن للأسف 90% من طياراتهم ايرباص الخايسه



انا سرت المانيا على القطرية و على الامارات

بصراحه القطرية كانت افضل بواااااااااااااااايد صح انه الطيارة الي ركبناها مافيها تلفزيونات بس كم يسوى انه شي مساحه تروم تمد فيها ريولك

في طيران الامارات مخلين المسافات ضييييييييييجه
اظني مصممين الطيارة للأطفال بعمر 10 سنوات لوول

ذنيني ما احب ادفع وما احصل خدمات في اشي كان .........

بالنسبة لرحلتكم بتنزلون في فرانكفورت أول بادي، على طول بتسيرون ميونخ وإلا ناوين اتمون فيها ؟؟؟

بنبات ليلة في فرانكفورت و ثاني يوم الظهر بنسير ميونيخ

هيه زين، لأني سمعت إنه مافيها شي يستاهل ...

الله يوفقكم

المزوحي : مصر تلوّع بالجبــــــــد :shutup:

المزوحي
لو انا في مكانكم مابسـير :s حتى لو عندكم بيت هناك.. تكونون في أمان أهم من انه تسيرون بلاد عندكم بيت فيه


ذنيني
لهــــالدرجه ماتحب طيران الامارات =s صدقني هم أحسـن عن غيـرهم.. يعني حتى وهم رافعيـن الاسعار.. ماتقدر تحصل كرسي من كثر الزحمه

انا من استويت ما أحب أسافر على طيران الامارات ...بس حكم القوي على الضعيف

وجربنا الطيران السنغافوري طلع أرحمممممممممم بليار مره وخدمتهم رهيبه

وجربت بعد الاتحاد ....بس طيارة السيره أحسن عن طيارة الرده على قولة الوالده ...

أف أف شو هالأسعار!!! متأكدين إنكم تتكلمون عن تذاكر سفر وإلا تذاكر ماركه ؟؟؟

ههههههه p;
حلم اذا بتسـيرين الهند شليني وياااااااااج 3>

يا زينهن صلاله و خصب و الذيد
:4:

أفا عليج يا شمعتي .... زهبي الشنطه من اليوم ...

أنا أشوف أنه خدمات طيران الامارات وايد أحسن عن الباقين

بس المشكله أسعارهم :shutup:

.
.

حلم الطفوله.. لا تيبين هالطاري عن تستوي السالفه صدق .. هذا اللى ناقص :boxed:

عاده عقب بيطيح سوق طيران الامارات :k_harhar1:

انا دايما على حظي ولله الحمد اتكون طياره 777 ..
وما جد جربت الإيرباص إلا مره وحده .. في رحلة سنغافورة *اعتقد* ..

السلام عليكم..

طيـــران الامارات اهتمامهم و خدماتهم كلها منصبه على الدرجه الاولى... اما السياحيه فمن اسوأ ما يكون..

..

حالياً لو خيروني بسير على الاتحاد.. لانها احسن ..

و القطريه جربتها من جريب.. كانت وايد زينه.. وفيها تلفزيونات لكل شخص..

..

المشكله ان البدائل كلها أرف .. الاتحاد فبوظبي ومطار بوظبي لوعة جبد يقولون وبعيد
برتش ايرويز مهمليييين وايد جبرتهم ويضيعون الاغراض .. virgin atlantic مب مال عايله مال هني مون لول لانه سعرها دبل الامارات بس ماركبت طياره احلى عنها ..

فـ من بين الخيارات اللي عنا اشوف الامارات احسن شي .. والسيرفس مالهم واااايد زين يدلعوني لول

الياه ... بالعكس مطار بوظبي أحلى ما فيه إنج تدخلينه وتشوفين عمرج جدام بوابة الطياره بربع ساعه

بس السفر بمطار دبي غييييييييييييييييير !!!

^

هههه ترا هذا هو .. احب المطار وايد

ابغي اصرف دولارات، كم اصرف في البلاد ؟؟؟ والشي الثاني كم ياخذون نسبة على السحب بالبطاقة برع

اصرف في الأنصاري .. او
uae exchange
..(3.68)..تقريبا
وكم على حسب حاجتك ..
وكم يظربون على البطاقه .. اعتقد 20 او 30 درهم على كل سحبه وعلى حسب البنك اللي تتعامل وياه .. !
اسأل البنك ..بعد احسن !

حد متعامل ويا الطيران السويسري ..
وشو رايكم فيه !

مشكور مايهزك ريح، عطيت واحد يصرف لي من البنك وللحين ماعرفت الرييت اللي يعطونه في البنك ..

أنـا جربت السويسـري مره.. انه سرنا من جنيـف ليـن لندن
ف سرنا على طيـاره صغيره .. حسيت انه خسرنا بيزاتنا على الفاضي.. لانه الطياره بس فيها بزنس وسياحي.. والصراحه موووول ماشي فرق
السرفس عادي basic طياره وايد سمبل وخدمات بسيطه جداً .. هذا كله طبعا لانه رحلتنا سريعه قم بو ساعه مادري ساعتيـن.. ف حسيـتها تنفع .. نفس اللوفثانزاا.. بس اذا سرت مره ثانيـه احس بسيـر سياحيـه لانه نفس الشي بالضبط بس الفرق في وزن الشنط الى تروم تاخذها
بس اذا رحلتكم طويـله ماعرف

المزوحي .. البنك اعتقد انه الريت فيه اعلى من اي مكان .. عشان جيه انا ما اصرف عندهم >_<"


مرحبا شمعة أمل .. تقريبا عندي وياهم اذا ظبط يعني بتكون رحلتين طوال .. وحده 6 ساعات والثانيه 9 ساعات !
يا رب اتكون اوكيه ..وما اتبهدل ..دا انا مش ..وش بهدله ^_^

9 ساعات! ويييه الله يعييينك.. آخر مره يوم سرت لندن خذ منا 8 ساعات عشان نوصل حسيـت اني خلاص بنفجـر لول.. لاني ماروم اكون في اماكن ضيجه لـ فترات طويـله xD عشان جي دوم ايلسووني عند الدريشه

انا طالب window seat ولا بموت من الضيج .. ^_^!!

مايهزك ريح : الله يعينك
جربت السويسريه في 2005 .. كئييييبه الطياره >.< صح الكراسي وسيعه بس مادري كئيبه S:

شكلي بتم ويا طيران الإمارات .. ما رمت اغير الحجز >_<

حد سار صوب اخن و كولن و دوسلدورف في المانيا
طبيعتهم حلوة ولا سويسرا احلى ؟

مادري محتارين نسير هالاماكن ولا سويسرا ..

أنا مول ماداني ألمانيا>_<
سيرو المكان الى ولا مره سرتوله.. بتستانسون اكثر

عفاريتو سيروا ألمانيا وسويسرا

مايهزك ريح صرفت دولارات طلعن 1360 دولار مقابل 4998 درهم (3.675)

صح الصرف .. انا عطيتك التقريبي .. ^_^!!