حصان اذا بطالع اي لاب توب عامتن شو الأشياء الرئيسية الي لازم انتبه لاها
عرض للطباعة
حصان اذا بطالع اي لاب توب عامتن شو الأشياء الرئيسية الي لازم انتبه لاها
أهم الأشياء اللي (إنتي ) لازم تنتبهين لها هي اللي حطيتهن من قبل ، وبذكرهن مرة ثانية :
1- المعالج (processor ) وحطيت لك مواصفاته .
2- ال(RAM ) وعندك المواصفات .
3- القرص الصلب (Hard Drive ) ، وعندك المواصفات .
4- مقاس الشاشة .
5- كرت الشاشة (VGA Card ) .
6- CD ROM ، CD Writer , DVD Writer
هذا بالنسبة لج يكفي ، بعدها شوفي حجم اللاب توب والكيبورد والشكل العام ، وأهم شي في الكيبورد تكون الأزرار خفيفة ومش صلبة ، وغير عن جذه حاولي تحطين ايديك وتكتبين شي معين ، لأن بعض اللاب توبات مش مريحة نهائيا .
كذلك شوفي إذا كان فيه كاميرا ، بلوتوث ، كم سيريال بورت ، نوع ال Network Card إلخ .
هذا اللي في بالي حاليا .
شو السيريال بورت و كرت الشاشة
السيريال بورت ، الفتحة اللي تحطين فيها مثلا الفلاش ميموري (بكل بساطة) .
كرت الشاشة ، أو بالأحرى VGA Adapter ، والمقصود من هذا الأمر Video Graphics Array أو عند البعض Video Graphics Adapter ، وهو يعتبر حلقة الوصل بين الكمبيوتر وتشغيل شاشته بالألوان اللي نشوفها جدامنا .
طبعا هناك عدة أنواع من كروت الشاشة وكل نوع له صفاته اللي تميزه عن غيره .
أخاف أدخل في العمق وتضيعين معاي ، شو رايك :m_m7tar:
الله يسلمك علمني شو أفضل نوع منهم و
اكتفي بهالقدر من المعلومات ^^; مشكور أو ما قصرت يا حصان
أنا حاليا في الدوام ، بجهز لج أشياء معينة في كرت الشاشة وإن شاء الله بعرضه عليج .
شكلي بنزل موضوع خاص بالكمبيوتر وأساسياته ، شو رايج ؟
اللــه !
من متى كان خاطــري في موضوع حلــوو جي. . .!
أنا جربت التوشيبا والآي بي أم وحالياً Acer ، بس أحس قصـّوا علي بالمواصفات ..
فـ يزاااكم الله خيـــر خصوصاً حصان طرواده ع المعلومات "القيّمــة" !
وااايد استفدت من الموضووووع . . .!
إيه أحبك ..
بالتوفيق يا قلبي ،، وان شاء الله تحصلين اللاب توب اللي يناسبج. . .!
=)
مشكوره أمطار ^^ الحمدلله انه فادج شرات ما فادني لوول حسيت اني مفيده XP
--
حصان والله تسوي فينا خير ومنها تفتك من حشرتنا XP
أمطاار
ذكرتيني ، قبل كم يوم رحت محل بلج إنس اللي في الفيستيفال سيتي ، دخلت أشوف آخر تطوراتهم .
شفت وحده تدور وتطالع اللاب توبات مسكينه شكلها غشيمه مب عارفه شو السالفة . وعاد هنه يستغلون الآسيويين الفرصة ويقصون على الزباين يرفعون من منتجاتهم السما وهي ما تسوى بيزة .
حصان طرواده
ماشاء الله عليك كونت موسوعة كبيرة لخصائص ومواصفات الكمبيوتر
الصراحة أستفدنا من هالمعلومات القيمة الي حطيتها
يزاك الله خير بن عمي
إيه أحبــك
إن شاء الله تحصلين الاب توب الي يناسبج
:)
ايه أحبك
بخصوص كروت الشاشة ، بعرضهن في الموضوع الياي إن شاء الله .
وألحين قاعد أرتبه ، اشوي بيطول لين أجمع المعلومات المناسبة وأترجمها .
بصراحة دخت وأنا أقرا بالعربي مب فاهم شي ، وأساس المشكلة إن درسنا كل هذا بالإنجليزي ، والمجلات والكتب اللي أقراهن كلهن بالإنجليزي ، فبحاول أخلي الموضوع بالعربي قدر المستطاع .
.................................................. ................
منو قالج أبا الفكة ؟
تدرين إني أستفيد من أسئلتكم ؟
أحسها مراجعة لي .
مشكور أخوي عيماني على إطرائك
أنا موجود في خدمتكم وفي أي وقت
الحمدلله انه الموضوع مفيد للكل مب بس لي
بشاره خير اليوم دقولي الدوام وقالو انه التكنشن قدر يصلحه ولو اني في خاطري اشتري واحد يديد بس دامه صلحوه انا افتكيت لنه الكليه ما بتسوي لي بلبله عسب اني شاريه لاب توب من برع الكليه
على العموم بشوف شو فيه جيتكس يمكن اخذ لي واحد ثاني حق بعدين
مشكور يا حصان في انتظار معلوماتك.. حلو الواحد يعرف معلومات غير عن الي متعود دوم يقرا ويعرف عنها
---
عيماني
الحمدلله انه اتصلح لاب توبي ومشكور على مرورك ودعاءك ^_^
ها شو صار بلاب توبج ؟
اعتدل حاللللللله XD الحمدلله اغراضي ما ضاعو مثل ما توقعت ما في شي صار في الهارد دسك لنه ما في فيروس بس الي كان خربان هو الشت بوتون الي تشغل لاب توب وشي بعد ما فهمت له بس الحمدلله اعتدل
D=
تسلم على السؤوال ^_^
قلت لج من قبل إذا ما كان فايروس فالهارد درايف في أغلب الحالات بيكون شغال ،
بس سؤال
غيروا المذر بورد ولا مجرد تصليح ؟
لا ما ظني اتصدق لنه ما كلفني وايد هي كم تقريبا تكون تكلفة المذر بورد ؟
هو يعتمد على النوع والبراند ، يعني لو تبين شي رخيص ومال قوم بوعبود عندك بو 20 دولار .
وإذا تبين شي زين مثل الإيسوس والإنتل يبدأ من ال130 دولار ويوصل لحد 300 دولار وأكثر .
كم دفعوج ؟
هوو كله طلع لي 750 درهم
إلا أخاف ناصبين عليج ، تكون المشكلة بسيطة وضاربين عليج 750 درهم .
انزين ما عطوج فاتورة ؟
هيه بس ما فهمت عليه وهي الحين عند الشركه الي انا كنت اشتغل فيها بس دفعت حقهم الي في الفاتوره
تتدري شوه خليتني اشك في الموضوع بخلي السكريتره اتسوي سكان حق الفاتوره وبراويك ايها
ممم
لو كانت عندج كنت بقولج حطيها هنه عشان نشوف شو فيها
المهم رد لاب توبج مثل قبل وإن شاء الله ما تواجهين أي مشكلة مستقبلا بسبته
شكرا بحطها بعد ما اسويها اسكان انشالله
:inlove:
هذي الأشياء الي غيرها في لاب توب
• Repair Power problem
• Troubleshoot Boot problem
• Replace Memory with 256MB (X2) because the old one was defective.
اين انته يا حصان ؟؟؟
موجود ،
السعر غالي اشوي
لأنه أول اثنين اللي سواهن مجرد تصليح مش تبديل خصوصا إن power problem كلمة عامة يعني شو المشكلة بالتحديد ؟
كذلك الرامات ، ليش هو كم حسب عليج الرام الواحد ؟
------------
على فكرة تراني بعدني زعلان منج :argue:
خير انشالله ليش زعلان ما عرف اراضي XP
---
ما عرف الصراحه لنه كاتب صوبه بس التوتل 750 وما كتب شي بشي فهمت علي
فاتوقع انه هو يتحرى الشركه هي الي بتدفع وزيد في السعر
افف اخبر عليه المدير X@
عيل خيرها بغيرها ، بس أهم شي المرات الياية تسئلين عن كل صغيرة وكبيرة .
.....................
ليش زعلان ؟
عقب الطرده المحترمة تبيني أضحك !!!
لوووول صير احسن عني وسامحني XP
لووول كنت بس امزح والله
----
والله حتى لو سألت عنه ما بفهم له لني ما اعرف وما عندي اي خبره في مجال الكومبيتر فيا ليتك تسرع من وضع الموضوع الي يختص بالكومبيتر ...
بكل سهولة سامحني ها :a046:
..........................
الموضوع إن شاء الله بطرحه في أقرب فرصة ، اشوي انشغلت هاي الأيام ، لكن أوعدج بيكون موجود في الأيام القليلة القادمة .
خلاص في الأنتظار
---
المسامح كريم ^_^