°o.O صور ف حياتي O.o°¨

حادث دهس
جريب المغرب وانا طالع من الملعب اتصل رفيجي وقالي شيء حادث ف الجزيرة
رحت لـ موقع الحادث لكن لـ الأسف ركبوا الريال وطاروا فيه لـ المستشفى
طبعآ رحت لـ المستشفى لئني كنت يالس اكلم الدكتور المناوب عن الحادث
قالي تعال المستشفى ولما وصلت شفت الريال وكان نسبة الحياه فيه قليله جدآ
كسور ف الجمجمه مع نزيف جدآ حاد ف المخ والصدر و البطن
مع كسر ف الرجل اليسرى مع جروح ف الوجه مع احتمال خلخله ف فقرات الرقبه
والنتيجه كما ف كل اضافه الوفاه لا حول ولا قوة الا بالله !

http://oasis.bindubai.com/bin/upload...1188307570.jpg

http://oasis.bindubai.com/bin/upload...1188307570.jpg

ومثل ما هو واضح ف الصوره الأولى بأن الدكتور يسحب الدم اللي ف الفم
خوفآ من الأنسداد لـ مرجى التنفس لحين وصول الدكتور المتخصص ف العناية او العمليات
والصوره الثانيه يتم تركيب الأكسجين ولكن نحن كـ مسعفين نركب الأثنين
يعني نسحب الدم ونفس الوقت نعطيه اكسجين ليش ؟
إذا سحبنا الدم في احتمال بأن الأكسجين ينقص مع سحب الدماء
اما إن سحبنا الدم ونفس الوقت نعطيه اكسجين او نعوضه اللي نسحبه !
شغلنا مش احسن عن الدكاتره ولكن نحن مسعفين ف لازم نقلل من الأظرار
والدكتور او الاختصاصي عنده اكثر من حل كونه ملم ف بحر الطب ونحن نقطه ف معلوماتهم اكيد
عذرآ عذرآ ع الأطاله
لي عوده إن شاء المولى

ماشاء الله عليك

في اشياء استفدنا منها ..

بس عندي سؤال


"ومثل ما هو واضح ف الصوره الألوى بأن الدكتور يسحب الدم اللي ف الفم
خوفآ من الأنسداد لـ مرجى التنفس "

احيد قبل 4 سنوات تقريبا سويت حادث >> الله لا يرويكم هاك اليوم..

كنت داعم شاحنه ..

فيوم رحت المستشفى كنت بكامل وعيي .. بس كنت اقولهم انه حلجي كله دم وهم مسوين لي ابووو الطاااااااف.. لين ما وصل اخوي قلت له حلجي فيه دم ابا اطلعه مب قادر اسرطه

واحتشر عليهم اخوي وعقب يابولي كلينكس..

وخاطولي راسي .. بخيط يخيطون فيه جروس الريول خسهم الله.. ويوم رحت ابطل الخياطه عقب قالولي منو مسولك هالخياطه كلها غلط ومادري شو

@_@ يعني لازم تهزبهم انزين @__@

بسم الله الرحمن الرحيم

,

خيال الحب
سعودنا الغالي الحمدلله ع السلامه ولو متأخره !
انزين شيخي اي مستشفى هذا ؟
ع العموم انا بتكلم عن مستشفى صقر واجراءاتهم !
بخصوص الدم اللي ف حلجك اعتقد انك كنت مكبر الموضوع شوي
قولي ليش ؟
دام عطوك كلينكس يعني الدم كان بسيط
:whistling:
وبخصوص الخياطه ترى شيء هناك ناس يايه تتعلم شراتي كـ عسكري او مدني من كلية الطب
يعني من فتره قالي الدكتور معاذ تعال دق هالأبره !
وإذا انا خطيت فيها بيقول المريض شو هالممرض اللي مايفهم شيء وانا اصلآ ولا يخصني !
او بالأحرى مش مجالي دق الأبر دام اني ياي المستشفى لـ التذكير او التنشيط ومش مؤهل لـ هالأمور
يعني تصير هالسوالف ف هالمستشفى ولكنه نعمه من الله صدقني
:smile:
صح هناك اشياء وتهاونات ولكن الدكاتره يسوون اللي عليهم واكثر وانا عايش وياهم وعارف ضروفهم
الرواتب جدآ بسيطه واقصد الدكاتره اللي ف الحوادث كوني اعرفهم زين ما زين
وعندك نقص ف المعدات وهالكلاموصل لي من مسؤل قسم الحوادث بنفسه

,

اخاف عقب كل هالرمسه يطلع مستشفى ثاني !
:birgits_giggle:

اقتباس:

---

المشاركة الأصلية كتبت بواسطة ألم ترى

خطايا
لو كان شغلج اسعافات او شيء ف الطيب
اول ايام بتكون نفسيتج دوم متعكره وكوابيس جدآ مزعجه
وعلى طاري الكوابيس بخبرج قصه صارت لي مع احد الأموات !
احيد مره كنت شال ميت وانا وياه ف السياره شفت عينه مفتوحه
وانا دوم اتعبث لـ اشياء استفيد منها مستقبلآ
المهم انا سكرت عينه ورديت فتحتها مره ثانيه عشان اشوف البؤبؤ كيف كبره
لئن الميت البؤبؤ يكبر عنده ولما شفت اللي ابيه رديت سكرتها !
اها اللحين هذا الكلام ف الحادث وكان هالكلام بين المغرب و العشاء
نمت ع الساعه 11 او 11:30 ما اذكر بالضبط
المهم حلمت ف الشخص نفسه كان يصلي ويانا صلاة العصر وبعد الصلاه
سلم ع كل اللي موجودين ف المسيد الا انا وفهمت من نظرت عيونه بأنه يقولي ليش تفتح عيوني ؟
قمت من النوم خايف واستغفرت ربي ودعين له ورديت نمت
يعني شيء جدآ مزعج مع إني ما كنت اقصد شيء !

---

معاذ معقوله سويت جي ! لو انا مكانك احس موول ما بتيني الجرأه حتى لو من باب الفضوول ..
الله يعينك والله .. شغلتكم وايد صعبه :(

بخصوص حادث الدهس معااذ ..
تعاافى الريال عقب ولا !! ...

ويعطيك العافيــة شيخي ... والله يقويك

بسم الله الرحمن الرحيم

,

خطايا
هلا اختي
ما ادري ليش !
يمكن لـ فضول ويمكن لـ التعليم وتقوية القلب
:k_special2:
شكرآ لج ع التواصل

خطاب
هلا خوي
الصراحه الريال مات بعد ساعه ونص تقريبآ !
واللحين بروح اعدل الرد لئني نسيت
:boxed:
شكرآ لك ياخوي

,

لنا عوده إن شاء الرحمن

همممممم

انا بقولك وانته قول

لساني كان شوي وبينقص .. كانو بيخيطونه لي بس الوالد ماطاع

ضرسين ورا منكسرين

ماعتقد انه دم شوي بيظهرر @___@

بس الحمدلله ع سلامتي فديتني >>>لين اليوم هاك الحادث يكدرني لما اتذكره صدق صدق اييني نفس الكابوس:(

بسم الله الرحمن الرحيم ..

هلا خوي ..

اووو جي الكلام يتغير عيل :whistling: ! ..

انزين سعود ماقلت لي اي مستشفى ؟ ..

والحمدلله ع سلامتك فديتك :4: ..

لا حول ولا قوة الا بالله.
الله يرحمهم!!
تسلم ألم ترى على الموضوع .. مادري كيف تتحمل تشوف هالأشيـاء يوميـا =s

الله يعينك يا معاذ انا بصراحة ما اقهر اشوف الدم ..
اخوي العود يوم يشوف الدم يغمى عليه .. ^_^

بسم الله الرحمن الرحيم

,

شمعة أمل
اسعدني تواجد جدآ !
ف انتظار تواصلك إن شاء الله
:smile:
شكرآ لك

مايهزك ريح
بخصوص الدم تراااه عادي
لكن لما يختلط بالماي تستوي مشكله ف الريحه !
:fa52:
شكرآ ع اضافتك ولا تحرمني تواصلك

,

لي عوده إن شاء الله

حادث دهس
وصل لنا بلاغ من عمليات الشرطة يفيد بوجود شخص مصاب ع شارع الجولان
تم تحريك إسعاف وجمس المعدات الثقيله !
ونحن ف الطريق اتصلنا لـ العمليات لجل ناخذ عنهم معلومات كافيه عن الحادث و المصاب
قالوا لنا بأن المصاب ريله مبتوره بشكل عام !
يعني فيه نزيف يعني بيدخل ف صدمه يعني لازم نتلاحق الريال قبل ما يودع
وصلنا لـ مكان الحادث ولا الريل متوفى !
نعود لـ سبب الحادث لـ سمحتوا يعني
الريال المصري اللي توفى كان قاطع الشارع بدراجه ناريه من الفئه الصغيره
تفادى الموتر الأولى وماشاف الثاني اللي كان ع السيد السريع جان يدعمه
وكان المدعون مصري الجنسية ياي زياره الله يرحمه
وتخطيط الحادث يقول بأن اليمني كان مسرع ودعم المصري ونطره 300 متر جدام !
اسباب الوفاه الله اعلم بها ولكن الريال فيه نزيف مع قطع ف الرجل اليسرى
وقطع ف المثانه مع خدوش ع اجساء متفرقه ف الجسم

http://oasis.bindubai.com/bin/upload...1189025535.jpg

http://oasis.bindubai.com/bin/upload...1189025535.jpg

http://oasis.bindubai.com/bin/upload...1189025535.jpg

http://oasis.bindubai.com/bin/upload...1189025756.jpg

http://oasis.bindubai.com/bin/upload...1189025756.jpg

http://oasis.bindubai.com/bin/upload...1189025756.jpg

اللهم ارحمه وتجاوز عنه
لي عوده إن شاء الرحمن

اقتباس:

---

المشاركة الأصلية كتبت بواسطة ألم ترى

بسم الله الرحمن الرحيم ..

هلا خوي ..

اووو جي الكلام يتغير عيل :whistling: ! ..

انزين سعود ماقلت لي اي مستشفى ؟ ..

والحمدلله ع سلامتك فديتك :4: ..

---

صقر هوسبيتال:icon_rr:

بس مالومهم مثل ما انت قلت ضعف المعاشات.. الله يعينهم ويعطيهم الصحه والعافيه:fa42:

تعال بسآلك انت
بلاك كل دخلاتك الفير ؟
شكلك سهير غبر
:vampire:
صدق صدق الله يعينهم الدكاتره والممرضين اللي هناك !
شكرآ لك ع التواصل

لا حول ولا قوة إلا بالله
الله يرحمه برحمــه
تشكرر أخوي ألـم ترى على المجهــوود
:)

لا حول ولا قوة الا بالله .. الله يرحمه ...

يعطيك العافية يا معاذ على كل الي تقومون به ..

لا إله إلا الله ..

موووضوع جديد وفريد ومميز ..

موضوعك جداً رائع ويعور القلب في نفس الوقت ..

فـ خاطري أشتغل شغلتكم بس تعرف بحكم أني بنية فـ هـ الشغلة بتكون واايد صعبة ..

الصراحة مهنة الطب بشكل عام إنسانية وإنسانية من الخاطر .. وشغلتكم ما في مثلها واايد أحبــها ..

بالتوفيق لكم والله يعطيكم العافية ..

والله يرحم موتنا وموتى كل المسلمين يا رب !

الله يرحمه برحمته .. حليله مكتووب ومقدر ...

يعطيك العافيه اخوي معاذ انته والكل اللي كانوا وياك ...

ألم ترى
ماعندك صور ناس عاشو من حوادث =s

يالله !

وااايد اشيااا فظييعه شفتها اليوووم من موضوعك
انا قايله مابحدر لان قلبي ضعييييييييييييف مادري شو الي دخلني !
صدق الله يعييينك عاللي تشوفه كل يوم
هالسبب الرئيسي الي شردني من مهنة الطب

يزااك الله الف خير عاللي تسويه
انزين ما اتييكم حالات يعني الميت مبتسم
ولا ويهه منور
وريحته حلوه
باختصار صور اشخاص مايروعون ؟

بسم الله الرحمن الرحيم

,

عيماني
وينك افتقدناك من كم اضافه ؟
العفو شيخي ويزاك الله خير ع الدعاء
:smile:
رحم الله والديك ع التواصل

هيثم
الله يعافيك وماتشوف شيء يكدرك ف هالدنيا !
غناتي انا ممتن لـ تواصلك واضافاتك ف كل موضوع اطرحه
:inlove:
بارك الله فيك ويزاك كل خير
شكرآ لك ياخوي

,

لي عوده إن شاء الرحمن

بسم الله الرحمن الرحيم

,

الوحيده
الله ع هالشغله هاي !
والله رووووعه وصدق احبها من الخاطر ولله الحمد
وعادي اختي انتي بعد تشتغلين هالشغله !
لئن دبي وغيرها يعينون البنات لـ الحوادث وبتكون مهمتكم لـ النساء
يعني تتعلمين ف الإسعافات الأولية ثم تلتحقين بالمعهد الطبي لـ فتره ثم تردين لـ شغلج الأساسي
واللي ما احبه ف هالشغله لما اصادف واحد اعرفه وهو ميت !
الله كم هالموقف يقطع مصراني من الخاطر والحمدلله ماقد مر عليه الا مره وحده
:fa52:
اسآل الله بأن جعلك سعيد ف الدارين ومايحرمك من اعز ما تملك

خطايا
بارك الرحمن ف حياتج
شكرآ شكرآ ع التواصل اللا محدود من شخصك الكريم
ف انتظار تواصلك دائمآ اختي الكريمة
:thumbup1:
شكرآ لك

,

لي عوده إن شاء الله

بسم الله الرحمن الرحيم

,

شمعة أمل
ادري ادري معصبه عليه !
اختي في اضافتين لـ ناس مش متوفيين
وحده لـ شخص راسه مطرور والثانيه لـ واحد صبعه مجروح !
واما الصور اكثرهم لـ الوفيات فهنه اقدر اخذ راحتي ف التصوير
ولكن إن كان مصاب فوقتي يكون ف اسعافه بأذن الله مش تصويره
إن شاء الله ف المرات اليايه بحاول اني اصور الأحياء واصاباتهم
واعذريني ياختي إذا الموضوع كدركم
:fa46:
شكرآ لك

بنت الدلع
هلا اختي
ف البدايه اعتذر ع المشاهد اللي ف الموضوع
وسامحيني ياختي
:k_special2:
اما بخصوص الوفيات اللي نقدر نسميهم حسن او سوء الخاتمه !
في مره وصل لنا بلاغ بأن هندي مدعوم ع دراجه
وصلنا لـ مكان الحادث وشلينا الريال وتأكدنا بأنه متوفي
عاد انا تميت اجيك ع جسمه واطلع اغراضه اللي ف مخابيه
وانا ارفع ايده اليمين شفت صبح السبابه واقف !
جيكت عليه وعرفت بأنه متشهد والله اعلم
ومره وصل لنا بلاغ بوجود شخص يحتاج لـ نقل لـ المستشفى
وصلنا لـ المكان وكان الريال متوفي وهو هندي مسيحي او هندوسي
ع العموم كانت ريحته خايسه عاد انا ما ادري هل هو رجع او هاي من الله فالعلم عن الله !
عذرآ ع الأطاله وشكرآ ع الأضافه

,

لي عوده إن شاء المولى

الله يعينكم والله على هالمناظر اللي تشوفونها ... يعطيكم العافيه ..~

نتريا باقي المواقف ..

يالله !!
اشياااء فضييعة
صدق شي يقطع القلب .. لا حول و لا قوة الا بالله
الله يرحمهم برحمته

متابعين للموضوع ان شالله
حتى اخواني متابعين بعد ..

بسم الله الرحمن الرحيم

,

خطايا
بارك الله فيك ع الأضافات المتواصله
شكرآ شكرآ لكي اختي الكريمة
:smile:
لا عدمناك

عفاريتووو
ممتن انا لـ تواجدك معنا !
إن شاء الله بنواصل معاك ومع اخوانك
:smile:
شكرآ ع الأضافه

,

لي عوده إن شاء الرحمن

طولت يا معاذ .. عسى المانع خيير

بسم الله الرحمن الرحيم ..

لا خوي هيثم ..

المانع خير لكن الوقت ضيج لجل اعدل ف الصور ! ..

بحاول اليوم إني انزل الأضافه اليديده ومن بعدها بوقف لـ وقت وبرد مره ثانيه إن شاء الله ..

شكرآ لك حبوب ..

سقوط مسجد قيد الإنشاء !
كنت ألعب حديد ف النادي وجان يتصل واحد من الشباب وقالي :
سقوط مسجد قيد الإنشاء ف منطقة أذن ويوجد 40 شخص تحت الأنقاض
يعني الموضوع تحول لـ زلزال كون الجماعه تحت المبنى !
ودام إني احمل رخصة دولية ف الإسعافات وجب علي المساعده
رحت لـ منطقة أذن ووصلت لـ مكان سقوط المسجد
تبين بأن هناك 16 شخص مصاب وحالتهم بين البسيطه و الخفيفه
وتم نقلهم لـ المستشفى ويوجد شخص تحت المسيد واللي كان متوفي
حاولنا ف اخراجه اكثر من ساعتين ورفعنا جزء بسيط من المبنى بالأجهزه الثقيله والوسايد الهوائيه
وتم نقله لـ مستشفى صقر

http://oasis.bindubai.com/bin/upload...1189451051.jpg

http://oasis.bindubai.com/bin/upload...1189451051.jpg

http://oasis.bindubai.com/bin/upload...1189451672.jpg

http://oasis.bindubai.com/bin/upload...1189451051.jpg

http://oasis.bindubai.com/bin/upload...1189451672.jpg

http://oasis.bindubai.com/bin/upload...1189451672.jpg

http://oasis.bindubai.com/bin/upload...1189452158.jpg

http://oasis.bindubai.com/bin/upload...1189452158.jpg

http://oasis.bindubai.com/bin/upload...1189452158.jpg

http://oasis.bindubai.com/bin/upload...1189451855.jpg

http://oasis.bindubai.com/bin/upload...1189452323.jpg

http://oasis.bindubai.com/bin/upload...1189452323.jpg

http://oasis.bindubai.com/bin/upload...1189452323.jpg

http://www.5ayal.net/upload/upload/74246762.jpg

http://www.5ayal.net/upload/upload/32556962.jpg

ع حسب اللي سمعته بأن 16 شخص كانوا فوق المبنى وقت صب السميت
والشخص اللي توفى كان تحت او بمعنى اصح داخل المسجد لجل يشوف هل السميت يسرب او لأ
وقدر الله سبحانه بأن هالشخص يكون اخر يوم له ف هالدنيا !
لـ الأمانه تم نقل اخر صورتين من منتدى دلع راك
يتبع بنفس الحادث إن شاء الله

يتبع بـ حادث سقوط مسجد أذن !

http://oasis.bindubai.com/bin/upload...1189550970.jpg

http://oasis.bindubai.com/bin/upload...1189550970.jpg

http://oasis.bindubai.com/bin/upload...1189551480.jpg

http://oasis.bindubai.com/bin/upload...1189551480.jpg

http://oasis.bindubai.com/bin/upload...1189552212.jpg

http://oasis.bindubai.com/bin/upload...1189552212.jpg

http://oasis.bindubai.com/bin/upload...1189551480.jpg

http://oasis.bindubai.com/bin/upload...1189552212.jpg

لـ الأمانه الصور تم اخذها من قسم الشرطة
لي عوده إن شاء المولى

لا حول ولا قوة إلا بالله

قدر الله وماشاء فعل

لا إله إلا الله ....
الله يرحمه ويرحمنا بـ رحمته

الصور صعبه وتعور القلب :(
والدمار واضح فـ المكان

تسلم عـ الصور & الجهود اللي تبذلها
والسموحه لاني قطعت عن الموضوع فتره

لا إله إلا الله

معاذ خف علينا!!
آخر اضافتين مريت عالسريع عليهم
صور ما قدرت اتمعن فيها. :redface:

يزاكم الرحمن خير عـ اللي تبذلونه

لا حول ولا قوة الا بالله ...

مكتووب ومقدر .. ومكتووب له انه يمووت تحت حطام المسيد..~

مشكوور أخوي معاذ على هالمواقف .. شفت الصور عادي احس اني ما قمت اخاف من هالمناظر مادري ليش

يعطيك العافيه اخوي معاذ ...~

بسم الله الرحمن الرحيم

,

الاسطوري
والنعم بالله سبحان
شكرآ لك ع المرور و الاضافه
لا عدمناك

عذبة الروح
صدق صدق كان الكل حزين ع اللي صار !
والحمدلله ع كل حال ونحن مسلمين مؤمنين بحكم الله
شكرآ لك ع التواصل

مزن هتان
من اي ناحيه ياختي ؟
ع العموم انا بوقف وبرد لكم مره ثانيه
شكرآ ع الإضافه

خطايا
هلا اختي
خلاص القلب صار قوي ؟
ماشاء الله عليج
لا تحرمينا تواصلك

,

لنا عوده اخرى بعون الرحمن

لاحول ولا قوة ألا بالله العلي العظيم
الله يرحمهم برحمتـه
/
يعطيـك العافية ياخويه
وسلمـت :)

الله يرحمهم

الله يرزقنا حسن الخاتمه ان شاء الله


اندمجت ف الموضوع بس مارمت اشوف الصور كنت اغمض عيني وانزل بسرعه

ربي يعينكم ويرحم موتى المسلمين

يعطيك العافيه أخوي،، تسلم عالمجهود الطيّب

والله يهدينا ويهدي شباب المسلمين

بسم الله الرحمن الرحيم ..

احبتي الزوار ..

سأتوقف عن الطرح وسأعوده بعد حين إن شاء الله ! ..

شكرآ لكم ..