الي يبا يضعــف يدخل هنــــي الحيين

انا بقولكم قبل فتره كنت اسوي رجيم ومنتظمه
رجيمي كان

ريوق : ماي قبل الريوق ب15 دقيقه
- توسته + شريحة حبن + جاي حليب بس مب ريمبو ( فرش ملك ) / بس انا ما كان يعيبني الفرش ملك وي الجاي فكنت حاذفتنه

بعد ساعتين : فواكه 6 مشاميش او سنطرتين او برتقاله ( بس انا كنت احس اني فل فكنت احذفه )

قبل الغدا بساعه : ماي + تفاحه ( لازم لازم لازم ما تسون سكب حق هالشي لانه هالشي ايشبعكم عالغدا فيوم اتيون تتغدون اتحسون انكم ما تبون اتكثرون )

الغدا : كباب ايراني :tounge: لا اقص عليكم .. تقدرون تاكلون سلطه على الكيف + جناح ديايه او ست حبات دياي شيش تاوو"ء" او صيخ كباب تكه ( مادري شو يسمونه بس هذا المفروم )

العصر : سلطه فواكه !

الفليل قبل الساعه ثمان : المفروض تاكلون شوربة خضار اواي نوع من السلطه او لبنه و شريحه وحده من الخبز
بس انا يوم كنت احذفها كنت انزل اسررررررررررع

يعني بدال 5 كيلو في الاسبوعين تنزلون ثمانيه !


بس على فكره انا من النوع الي ينزل بسسسسسسسسسسسسسسسسسرعه و يزيد وزنه اسسسسسسسسسسسسسسسسسسسسسسسس سسسسسسسسرع

وسلامتكم


هيه صح .. الي كان يشوف لستة اكلي يقول شويه . .بس والله ونتو اتطبقونه اتحسون بطنكم بينفجر ومابتحسون باليوع !

على فكره لا تقصون على عماركم المشي مب رياضه المشي بس حرق سعرات !

الايربكس هي الرياضه الي لازم تسوونها ( ومب من اول يوم ! .. . لازم تبتدونها رابع اسبوع! )

وهي الي تسويلكم شيب للجسم وهي الي تحميكم من الترهلات

ذنيني بس ها اللي تاكله ؟؟

والله يبالي اجرب ( بس مشكلتيه مع المشي ^^)

الأله ماحب امشي فيها وايد ممله

ومحد متفيج يمشي ويايه هاي الايام

بس بجرب فالاكل ^^ ( الله يعيني كيف بودر الجالكسي خخخخخ)

تحفه ( ها جدولج ) واااااايد اكل فيه ؟؟

احس هب مال رجيم ها خخخخ

مال ناس ماتسوي رجيم يعني تاكل عادي ^^

انا عندي خاربه
هي خاربة هي خاربه خلينا نعميها

أنـا نزلـت كيلـو ونص

وللـه الحـمد صرت ، 47 ونص ، يـعني بس بـاجي لـي كيلو نص كيـلوو وبفـتك من الـرجيم هذا لـووول

الحين عـرفـت أنه الريـاضه هي لـها دور أســاسي . . .

ما تــريقـــت ..
بس تغــديت سلطــه .. والحـين أشـرب سفـن أب داايـت ..
ع فكـره يــوم الجمـعــه يكون فـري .. ! يعنـي آكـل اللي أبــااه .. عـشان ما أحـس بالنـقص يوم اتبـع جدولي لول

قرموووشة

كلي الي تبغينه
بس بعقل D=

يعني لااااا تبالغين وايد و تاكلين اشياء فيها كريما و دهووون و ما ادري شو
اوكي كلي بس لا تكثرين من الاشياء الي مب زينه

مهابه

اوكي انتي (Y)
اشطر وحده بصراحه

ايه احبك
انتي مب شاطره

بل مره بعد

انا امس ماتغديت بس تعشيت نص سندويجة

وكلت شوي جيتوز وبسسسس


واليوم من نشيت من الرقاد لين الحينه ماكلت شي ^_^

صح عصير الأناناس والكيوي واكل الليمون بعد الغدا او العشا اينزل من الوزن

استاذ ذنـيني أفـا عليـك انته بس D= نــاكل بعقلانيه لول

اليـوم يـوم الجمـعــه
ما تريقت ..
وع الغدا
كــلت سمـج مـشواي ( كانو مسوين قباب وشعري ) فـ كـلت لي شعري + ملاس من العيش وسمن ذوابه XD لووول
وتونـي شـربت عـصـير أننــاس والحـين بسير أسوي ريــاضــه

ايه احبك
هيه مب شاطره مره و مرتين و ثلاث مرات لول

اوكي خربي الرجيم شوي لكن مب تعمينها
قلنا لازم تكونين جديه و تسيطرين على عمرج

شدي حيلج عسب تخفين P=
========
لو تاكلين اناناس بيكون احسن بدال ما تشربين عصيره
عسب تستفيدين من الالياف الي فيه
الكيوي و الليمون ما عندي فكره عنهم
بس الي اعرفه انه الجريب فروت و الاناناس يساعدون على حرق الدهون

أبا أرد البلااااااااااااااااااااا ااد

والله هني الواحد يعمي عمره بالأكل ..

بدون ما نحس كله ناكل خخخخ ...

رغم أني من يومين ما أتعشى ،، بس أشرب جاي أخضر ،، لكن بعد ،، العمى عمى طول اليوم !!!

متنرفزة من عمري ،، واليوم الجو الخايس ما يساعد على الرياضة ههههههههه

عاد خايس ،، أقصد مطر صبيييييييييييب وساعات نتفلع بالبرد ،، يعني مال يلسه في كوفي ،، مب مشي ،، خاصة نحن العرب ،، لأنه لبسنا مب لبس رياضة ،، خاصة أني ما تنازلت عن لبسي ،، أقصد الشيلة والعباة فالسفر ..

فقلت لازم أتحرك وإلا بزيد ما بنقص ،،ف قررت وطبقت

شقتنا طابقين

فأصعد الدري وأنزل ،، هاي مرة ،،

ألحين ركبت ونزلت 11 مرة

باجلي 14 ههههه ،، ماروم زود خخخ بتتكسر ركبي
==============

=(
شكلي أبطء وحدة بينكم بنزل

يـاسـلام ، قـالـوا عـني شــاطرة :a049:


الـيوم جـدولي كـان كـ الـتالي:

قـمت من الرقـاد ، كلـت حبة بـطيخة صغـنونـه
امممم شربـت شويه بيبسي ، أقـل من الربـع بـعد !
ع العـشـا ، كلـت قفشـتين من معـكرونه بالبـاشميل + سـلطـه

بس!

والـريـاضـه كـ الـتالي:

جريـت لـمدة 10 دقـايق

سـويـت تمـرين الضـغط امم 20 مــره

انا اليوم

بس كلت كيكه( قطعة صغيره)

وسندوجة وبس ^_^

طبعا لا ماي ( ادري انه لازم اقل شي لتر واحد بس ^_^ ماقدر خخخخخخ )

وبس

تعـشــيت خـضره مـفورره ( بروكـلي + يزر + زهـره ) .. بس كـلت قبلـهـا سلطــة (مله صغيرونه )

الوالده تقولي ويهـج ضعـف .. ! ~* أخـس شي يوم أسوي رجـيم ويهـي أول شي يضعـف فينـي
مـع انـي مااأبــا =( ,, أبا ويهـي يتـم على حـالـه بس أبــا جسمي شوي يعتدل

اقتباس:

---

المشاركة الأصلية كتبت بواسطة الدلووووعة

تحفه ( ها جدولج ) واااااايد اكل فيه ؟؟

احس هب مال رجيم ها خخخخ

مال ناس ماتسوي رجيم يعني تاكل عادي ^^

---

هيه فيه اكل وايد .. يعتمد ست - خمس وجبات يوميا

وها احسن من الثلاث وجبات مركزه .. لأن يوم تاكلين اي شي جسمج يحرق سعرات في عملية الهظم .. اعتقد 30 سعره .. (عشان جي ينصحون بالتفاح دايما .. لان مافيه سعرات + يعطي انرجي) فيعني احسن تاكلين اكثر من ثلاث وجبات يوميا

وعلى فكره الدكتور الي مسويه عنده هالنظام دكتور تغذيه وفنفس الوقت نفساني

حتى يوم كنت اسيرله ما اطلع بسرعه .. انتم ساعه الا ربع يقعد يكلمنا علشان يغسل مخنا عشان استوي صحيه لول

ولله الحمد اليوم وصلت ال76 ..

بس بعد لازم اشيل الكرشة

اناا حاط ف بالي اني ما اوزن إلا عقب شهر من الريااضة عسب ما اتحطم ...

وانا بديت في الرياضة من أربعة أياام ... ورياضة قاسية بكل ما في الكلمة من معنى ...

واشووفكم عقب شهر ان شاء الله .. وببشركم بالفرق ان شاء الله .. بس ما نبا حد فيكم يتحطم وعقب تردون علي

اليوم تريقت weetabix ويا حليب قليل الدسم
http://www.transmeri.fi/content_images/Weetabix.jpg

و على الساعة 8 كلت سلطة يونانية greak salad

و قبل شوي و انا راد كلت سندويج شيش طاووق

==========

مشيت ساعه اليوم
و باجر ان شاء لله بسير اسبح ويا ربيعي

يومي مكان خربان وايد شرات باقي اليام
ابتعدت عن الحلويات قد الي اقدر
نشيت الساعه 1 ونص واكلت سندويج وجبن عادي ويا حليب جي مع رشة شكر --- ها كله وما خربته XD
وبعدين ما كلت شي لين الساعه 5 اكلت شبوره مع لبنه قليلة الدسم
وبين الفترات كنت احس بالجوع فكنت اكل سليسه وحده سمره XP
واكلت كيوية وحده مع خوخ و موز
وشربت شوربة خظرا طشونه
وغصبن عني تعشيت في سبوي بس كل الي حطيته مال الرجيم والحين يالسه امشي

أنـا للحيـن ماكلـت غـير بـرتقــالتـين . . .
وتـعلمـت تـمرين يــديد ، أول مره أسويه اليـوم
وتـمرين الضـغط 10 مــرات
وجـري لـمدة 10 دقــايـق


مـعـلومه:

يقـولكم كثرة الـرقاد ، تســاعد فـي تخفيف الوزن ، قريـته فـ مجلة الصحة والطب . .

مهابة لا تصدقين كل شي تقرينه P=

لأنه اذا على جي
جان حصلتيني اضعف واحد في الواحات لول
===========

انا توني راد من البحر
سرت بحر ام القيوين عند ربعي القيوانيه

ما شاء الله الشاطئ الي عندهم من احلى الشواطئ للسباحة
البحر نظيف و مافيه حصى

^
لـوول ، يمكـن ، كـل شي جـايز !
بس أنا فـهالإجازه هب مقصـره ، محطمه الرقم القيـاسي فـ الـرقـــاد

<<<<<<<<<<<<<<<<<<<<<<<<<<<

الـيوم بـعد الـتمارين اللي سـويتها
تعشيـت كـ الـعاده
العـشــا عــندي فري ، بـموت لو ماكـلت
وطبعـاً كلـت محشي ورق عنـب + اورنج جـوس

بسم الله الرحمن الرحيم ..

هلا اخواني ..

يعيبني فيكم روح الأخوه و الحماس :thumbup1: ! ..

ماشاء الله عليكم وربي يرزقكم مناكم ..

انا وزني 89 اعكسوها عاد لووول :vampire: ..

عن جد وزني 98 وفخاطر انزل لـ 80 ــ 75 ! ..

المصيبه اللي كنت فيها اني اتمرن حديد وكل شهر يمر عليه ازيد من 7 كليلو لـ 5 ..

اللحين تركت الحديد وامارس الركض ولعب الكوره ومرات اسبح ع البحر ..

من بعد هالجدول نزلت لـ 93 ومستمر إن شاء الله ..

عا انا لما اكل شيء يقولي لا توقــــــــف :fa46: ! ..

انا ما بسجل حضوري كوني مزاجي ولكن لما بينزل وزني بحطيه لكم هنه ..

ع فكره نصوركا اتشوف الصوره اللي ف توقيعي ؟ ..

كل ما اشوفها وربي اني اذكرك وخاصه يوم اشوف الاعصامه ..

شكرآ دكتور رجيم :fa35: ..

ألم ترى لا تخليني أتهور و احط صورتي لول
أخاف يغمى عليهم من الزيغه خخخخ
هو تقريبا نفس الوقفة و نفس العصامه و نفس الصبغه

بس مب انا P=

لا تتهور ولا شيء
انا اللي بحط صورتك !
:glare:

انا هاي الفتره لازم اتغدى واتريق واتعشى ( عسب الدوا ) يعني بودر فتره الرجيم حاليا ^^

^
ماتـشوفـين شــر دلــوعتنا . .

أنـا اليوم من قـمت من الرقــاد وخاطري بسويـت ، وجان أكل كيـك

وشربـت بيبسي كــامل

تعـشيت فخض ديايه ، بس مب كامل طبعـاً ، يعـني هبشـت شويه

وكلت ككاو كيت كات

وبس !

اليوم من ناحية الأكل احس اني ماقصرت ،كلت من الخاطر

اما الـريـاضه فـ جريـت لـمده 10 دقايق + التمارين الإعتياديــه

انا اليوم صدق عميييييييتها

سرت مول الامارات و تغديت همبرغر في فرايديز
و متعشي بيتزا في جيلاتو

و طبعا ماشي رياضة لأني واصل البيت الساعة 11 و شي

^
نسور بن عمـي .. وياك نحن نآآزرك حتى في هـ السوالف .. عمينــااها قبل فتره قصيره في جيليز وكلنا جكن مونتراي XD

اليــوم كنت صـــايمــه وباجر بصوم بعـد ان شا ءالله ..
ع الفطـور .. كلت حبه سـح + وشربت نص قلاص لبن وملـه من شورربـه + عن خاطري حبـه سمبوســه
وتونــي تسحرت سلطـه فواكــه .. وشربت green tea

الريــاضــه همممم ما رمت البــارحـه أمــشي مشي سريــع لان المزارع كان يسـقي الزررع
بس سويت تمارين معده خفيفــه ..
ما أبــا أقيس وزنـي حـااليــا عـشان ما أتحطم لول .. ناويـه أقيسـه ان شا ءالله قبل ما أبداا الدوام بيوم واحـد D=

حلو التشجيع وايد تحمست أنا أبا وزني يرد 50...مثل ما كنت قبل لا احمل...يعني ان شاء الله عقب ما اولد بشارك معاكم...وعموما اشرب قرين تي وفي هالحمل ما زاد وزني وايد يمكن بسبب القرين تي ...يالله ادعولي الله ايسر علي خلال هاليومين.

^
اللـه ايـسر عــليج أم عــبداللــه

الله يسهـل عليـج وييسر أمورج يا رب

الله ايسر امورج ام عبادي

==========


اليوم ان شاء الله ناوي اصلح الاغلاط الي سويتها البارحة

غداء كان عبارة عن لوزه و الحين بسير اصلي و عقب الصلاة بسير اركظ

اليـوم أنـا جـدولي كـ الـتالي :

قـمت من الرقــاد و، مـاكلـت غير صبع كيت كات بس! وشربـت مــااي

واليوم ماطلعت أجري فالحوش، لاني من قمت من الرقاد وانا مصدعه ، قمت أركب وانزل من الدري تـقريباً 30 مـره ، ليما هزبتني امـايه:fa39:

والتمارين الاعـتياديه اللي أسويها دووم

حسيت بالدوخه وجان أشرب عصير برتقااال

والحين أتـريا العشـا ، وكـ الـعادة العشـا عنــدي فـــررري

الله يقومج بسلامه طير الحب ترى وصية جان طلعت بنت سميها ايه احبك XD غصب لوول
---
الله يسلمكم اليوم اكلت سليس اسمر ويا جبن و خيار وخس مع جاي اخضر ها الصبح
وبعدين الساعه 1 اكلت نفس الوجبه بدون قرين تي
وبعدين اكلت رطب وشربت نسكافي مع حليب
وبعدين رديت البيت الساعه 8 ونص اكلت لي ديايه مشويه ويا برقره مشويه
وسلامت راسكم
انزين الرطب يمتن ؟

ايه احبك

الرطب زين بس طبعا مب زين تكثرين منه
احسن من الجوكليت