ادور على شنطة تنفع اني اشل الكيمرة و اكثر من عدسة فيها ..
بشو تنصحوني .. وهل آخذ اللي بتواير .. ولا لأ
عرض للطباعة
ادور على شنطة تنفع اني اشل الكيمرة و اكثر من عدسة فيها ..
بشو تنصحوني .. وهل آخذ اللي بتواير .. ولا لأ
اي وحده احسن وليش .. او شو الفرق .. :doh:
Nikon 10.5mm f/2.8G ED AF DX Fisheye Nikkor
Sigma 10-20mm f/4-5.6 EX DC HSM Lens for Nikon
العدستين يعتبرونهن wide angle بس لين الحين مب عارف اي وحده اوكيه .. :a116:
ما يهزك ريح
النيكور 10.5 تعتبر عدسة فيش آي
الي تعطيك زاويه 180 درجة و تخلي المنظر يستوي دائري
الـ السيجما 10-20 تعبر سوبر وايد آنغل بس ما توصل لدرجة انها تخلي الصورة دائرية
الفيش آي مش عملية و استعمالها محدود جدا
انصحك تاخذ السيجما 10-20،، اعتبرها افضل عدسه عندي و نتايجها روعه
ذنيني
لو سمحت سؤال ....
ناوية آخذ الكانون 40d
بس ما اعرف شو اخذ وياها من عدسات ...؟!
بشو تنصح ؟
العجيبه
40D ولا 400D
الاولى للهواة المتقدمين
و الثانية للهواة و المبتدئين
الاولى اثقل و اكبر في الحجم
الثانيه أخف في الوزن
كـ بداية انصحج تاخذينها مع عدسة 17-85 IS
كلكلووش عنده نفس الكاميرا مع العدسة المذكوره و سعر الـ Kit حوالي 7000 درهم
========
بس اذا انا مكانج باخذ الـ 400D لأنها اخف و اسهل في الاستخدام و سعرها ارخص
خذيها مع العدسه الي ذكرتها فوق
طبعا هالعدسة تعتبر عدسة المجال المتوسط يعني هي الي اغلب الوقت بتكون على الكاميرا
بالنسبة للعدسات الثانية
لو كنت من محبين تصوير المناظر الطبيعية عدسة سيجما 10-20 لا يعلى عليها في هالمجال و سعرها تقريبا 1700
لو كنتي من محبين الماكرو و التصوير المقرب عدسه كانون 100 تعتبر هي الافضل و سعرها 2350 درهم
او عدسة سيجما 105 و سعرها 1400
===============
في عدسة انا وااايد انصح فيها و هي عبارة عن عدستين في وحده و الي هي سيجما 18-200 OS
بتعطيج مجال متوسط و في نفس الوقت تعطي مجال بعيد
لو خذتي هالعدسه ما اعتقد انج بتشلينها عن الكاميرا لأنها بتستوي الكل في الكل
سعرها 1500 درهم و فيها مضاد اهتزاز،، ركزي على هالحرفين اذا فكرتي فيها OS
طبعا اذا فكرتي بهالعدسه مب لازم تاخذين العدسة الي ذكرتها في اول الرد لنها تعطي نفس المجال و اكثر
شايفة كل الفروووق بين الكيمرتيين وبين أنواع من النايكون ... وعيبتني الـ 40d أكثـر ....
هووو أهم سبب يخليني أفكـر في 40d اللايف فيو .. بيساعدني أكثر لأن النظارة دووم فـ عيوني ...
شكـــراااا أخووي ذنيني ...... دشت مزاجـي العدسة الأخيــرة ..،
thanks ^_^
ذنيني + مايهزك ريح عيل يالله صورو لنا المسيرة باجر :)
المزوحي اي مسيره ؟
بمناسبة الاحتفالات بالذكرى الثانية لتولي صاحب السمو الشيخ محمد بن راشد آل مكتوم نائب رئيس الدولة رئيس مجلس الوزراء حاكم دبي مقاليد الحكم في إمارة دبي..
ايواااااا
و انا اقول اي مسيرة الي ترمس عنها لول
ذنيني .. حصلت ترايبود نفس اللي عندك بس ماركة ثانيه اسمه benro عند المحلات الكبرى ..
جد سمعت عنه !
http://www.benro.cn/Product/1/pa4.html
سعره .. 479 درهم ..
http://www.benro.cn/Product/2/pb5.html
والراس ماله نفس اللي عندك ( كوره ) وسعره 206 درهم
هالماركه زينه
كلكلووش يمكن ياخذ من عندهم
بس الي عيبنا سعره الف و شوي لأنه مصنوع من الكربون
بس بالنسبة لي شخصيا افضل مانفروتو لأنه اكسسواراته متوفره بكثرة
و الترايبود الي عندي على خذ جائزة افضل اكسسوار لعام 2007
مشكور ذنيني .. وانا بعد افكر آخذ نفس مالك لأنه تقريبا نفس الأسعار .. بس الزين في اللي عندك انه القواعد اللي يوقف عليهن احسن من بينرو .. احس به اوثق
العدسه اللي عندك 10 -20 امخلصه عندهم.. وب1660 استوت ..
بس انا بعد ابا الزوم 70-300 من نيكور واللي حصلتهن نوعين وحده ب628 بدون VR والثانيه 2550 بـVR
مب عارف آخذ اللي بـ VR والا العاديه لأنه وايد فرق في السعر .. !!!
شور عليه ذنيني ..
الي مع VR زينه لكن سعرها غالي
الي بدون VR جودتها مب بالمستوى المطلوب
شوف عمرك اذا وايد محتاج للزوم خذ الغالية
و اذا ما بتستخدمها وايد ما اشوف انه لها داعي و الي بدون VR بتأدي الغرض
شكرا ذنيني .. ^_^
شكلي بحط بدجت 5000 وباخذ اللي في خاطري
اخويه مايد انته ناوي تحترف ولا التصوير عندك مجرد هوايه لا أكثر ولا اقل
لأنه اذا مش ناوي تحترف التصوير اشوف انه حرام تعق مبالغ كبيره على العدسات
العدسه الي بدون VR بتأدي الغرض المطلوب منها و بشكل ممتاز
لو انا مكانك بسوي شي واحد
باخذ عدسه 18-200 VR و خلاص
بفتك من الصدعه و من تبديل العدسات
و بكملها بعدسة 10-20 من سيجما
و الردي عندك ماكرو
بيبقالك فلاش خارجي
كيف أكون محترف في التصوير ؟؟؟
البدايات بدون سالفة الكاميرات الكبيرة هااي واس ال ار
ناصر ..اني احترف هاي بعدني ما فكرت فيها .. !!
هواية لا اكثر .. :fa46::k_blush-anim-cl:
بس ساعات العدسه اتحدني من اني اصور شي اباه .. فأكتشف اني احتاج غيرها !!
يعني العدسه ام 18-135 ملوعة جبدي (الوحيده اللي زوم عندي ) ..
احس لو كنت شاري الكيمره بدي وخذت روحي عدسات ابرك .. >_<
بس اول ما خذت الكيمره ما كنت اعرف هالشي !!
لو ينزلون 18- 300 بدون ما افكر بشتريها .. :10:
طيب سؤال هل 70 -300 الزووم قوي ولا احسن 18-200 .. لأني ما اعرف شو آخذ محتار .. :a116:
والبدجت اللي حاطنه عشان آخذ عدستين وريموت مع الترايبود ..
لأنه الترايبود اللي عندي وايد ممل .. ومب مستحمل الكيمره .. ويوم اصور وااااايد يهتز .. !!
ما حسيت بهالسالفه إلا يوم يلست اصور الألعاب النارية :bash:
اي وااااحد احسن ^_^
هذا ..
http://www.ec-mall.com/catalog/pimag..._mcdc1_1_1.jpg
ولا هذا ..
http://img.nokaut.pl/p/90/fa/90faf34...cd2130x130.jpg
المزوحي
للأسف كل ربعنا يقولون نبغي "نحترف" بس بدون كاميرا كبيرة و هالشي شبه مستحيل
يعني كأنك تقول ابغي اكون سائق سباق محترف بس بدون سيارة سباق
في كامتينرا مب احترافيه لكنها فيها وايد ميزات مأخوذه من الكاميرات البروفشنال
الاولى هي كانون G9
و الثانية هي فوجي 9600
ما يهزك ريح البارحه كنت يالس اقرى ريبورت عن عدسه 70-300 VR
بصراحه ماااااااااااا عليها كلاااااااااااااام
فعلا عدسه ممتازة بكل معنى الكلمه
لو كنت استعمل نيكون جان خذتها بدون تردد
==============
الحين يبالك زوم تيليفوتو و انصحك بالعدسه الي ذكرتها فوق و بشده
و العدسة الثانيه خذلك سيجما 10-20 >> روعه هالعدسه
و عن الترايبود اذا ما تبغي تخسر وايد و تبغي ترايبود قوي خذلك ترايبود من ماركه SLIK
وااايد قوي و سعره حلو
بالنسبة للرموت
كل واحد له استخدام
في شي في الكاميرات اسمه BULB
و بهذه الوضعيه الشتر يتم مفتووح الين ما انته تحدد وقت غلقه بنفسك
يعني ممكن تخلي الشتر مفتوح لمده نص ساعه لو تبغي
هالشي بيكون صعب لو سويته بالرموت اللاسلكي
و في نفس الوقت اللاسلكي فليكسبل اكثر
شوف الي ترتاحله اكثر "الاعتمادية ولا المرونه" ؟
ما عندي مشكله في السعر ذنيني يالنسبة للترايبود .. بس يوم سرت شرف دج حصلت جريب من الترايبود الي عندك وبدون الراس .. ما رمت اشتريه .. وكان اسمه 190 xb !
الريموت .. اذا استخدمت البلب ما بقدر استعمله ! يعني آخذ العادي بو واير !!
حاط في بالي 70-300 VR
+ 10-20 + ترايبود + ريموت .. ^_^!!
بتقدر تستعمله يا مايد بس بو واير شغله مظمون اكثر....عالعموم انته ما بتستعمله بالساعات، الوايرلس رموت بيكون افظل بالنسبة لك...... بالنسبة للترايبود امسات كنت ويا كلكلووش ندورله شرات الي عندي بس ما حصلناله كان آوت أوف ستوك
ظنك اتوكل على الله واخذ الوايرلس رموت..
الترابود >> عشان جيه انا ما لقيته .. انزين الله يخليك يوم بتحصلونه قولي وين عشان آخذ لي انا بعد ^_^
واسمحلي لعوزتك ويايه
افا عليك يا مايد
عزيز و غالي
و لو حصلت واحد احسن منه بعد بخبرك
ذنيني .. حاليا كاميرتي عادية جدا اللي هي كانون ديجيتال 12.0 ميغا بكسل ... خلني أعرف اصور بها
وبعدين ابتدي باللي ذكرتهن .. ولازم نحط الصور في الواحة عسب نشوف الانتقاد ونتعلم ..
المزوحي
كيمرتك على ما اعتقد G9 صح ولا انا غلطان ..؟
كم اعشقكِ يا أيتها الـ 5D
كنتي ولا زلتي ملكة الكاميرات الرقميه في هذا العالم
:fa35:
http://www.bhphotovideo.com/images/l...ges/397314.jpg
كنت ناوي آخذها على الشهر الياي بس سعرها غالي و انا عندي اولويات
و غير جي،، يبالها عدسات خاصة و هذه بروحها يبالها ميزاانية
سعرها 12 الف درهم مع العدسة الي وياها و الي هي 24-105 L
لكنها "في نظري" تستاهل كلللللل فلللللللس يندفع فيها
==========
==========
==========
عالعموم الـ wish list تغيرت
و الحين ناوي على التالي
كانون 40D
http://www.bhphotovideo.com/images/l...ges/518207.jpg
طبعا بدون العدسة
=========
و أبغي هالعدسة من كانون
طبعا هالعدسه تعتبر الفئة L و الي تعتبر افضل العدسات الي تصنع من قبل كانون
و تتميز بالخط الاحمر
:heart:
http://www.bhphotovideo.com/images/l...ges/397662.jpg
"ذنيني"
شو هالعدسه الخطيرة تدري أول مره أشوفها! هل
فتحتها مثل ماهو مبين؟ وكم
سعرها هاي؟
:k_nono:
الاسطوري
اعرف شو الي فهمته لول
فتحتها 1:4
مب 1.4
الاولى معناها F4
و الثانية F1.4
سعرها يا طويل العمر 4000 درهم "شوي اكثر, شوي أقل"
قلبي كان بيوقف لأن اللي أعرفه للحين مافي ولا عدسة
زوم فتحتها 1.4 وتدري كنت عادي أحرق
كيمرتي بالعدسات
:fa32:
أكبر فتحه على عدسات الزوم هي 2.8
و أكبر فتحه موجوده في الوقت الحالي هي 1.2
و موجوده في عدستين من كانون و الي هم 50mm L 1.2
و 85mm L 1.2
و كااااان عندهم عدسه فتحتها 1.0 لكنهم وقفوها
=========
:inlove:
حبيتهـا
عندي كمن سؤااال :14:
أول شي كم سعرهــا؟
شو مميزات هـ الكيمـره وبـ شو تختلف عـن الـ D400 .. ؟ و في شو أحـسن ؟
وشو اللي تكـافئهـا من الـ nikon ?
واذا بغيت أقارن بينهـا وبين النكيون اللي تكــافئهــا .. أي وحده فيهم بتكـون أحـسن ؟
ومنكم نستفيد
:fa51:
سعااااااااااااااااااااااا اااال يطرح نفسه ويخمس شوي هيهيهي
شو رايكم بالترايبود الي ينباااااااااااع في كارفور؟؟ زين ولا مووو زين @__@ رخيص اشوفه
ذنيني انته :fa42: ماشاء الله عليـــك
قرموشة
همممممممم
الـ 40دي تعتبر فئة اعلى من 400 دي
سعرها الله يلسمج 5500 درهم "البدي فقط"
و تفرق عن الـ 400 في عدة اشياء
اولا البدي اكبر و مصنوع من الماغنيسيوم "اثقل"
ثانيا سريعة جدا "تاخذ 6.5 فريم في الثانية
ثالثا فيها ميزه اللايف فيو, يعني ترومين تصورين و انتي تشوفين الشاشة
رابعا موجهة اكثر للمحترفين و للهواة الجادين
الكاميرا الي تكافئها من نيكون بشكل رسمي هي دي 80 لكن الكانون متفوقه عليها و هالشي يجعلها اقرب الى شقيقة الدي 80 الي اكبر منها و الي يسمونها دي 300 و الفرق بينهم بسيط و يتمثل في السرعه و الرزليوشن
كانون 40 دي 10.2 ميجا بكسل نيكون دي 300 12.3 ميجا بكسل
كانون 40 دي 6.5 فريم في الثانية نيكون دي 300 6 فريم في الثانية
بس لازم ما ننسى انه النيكون دي 300 اصلا فئتها اعلى من فئة الكانون 40 دي
يعني الكانون 40 دي كفو عليها انها قادره تنافس كاميرا بقوة النيكون دي 300 و هي في فئة اقل منها
سعر النيكون دي 300 يبلغ 7200 للبدي فقط
بالنسبة لي شخصيا
لو ما كان عندي عدة كانون لكانت النيكون دي 300 هي اختياري
طبعا هالاعتراف انا اعتبره خطير كوني انسان "كانوني" متعصب،،، لكن هالشي ما يمنع اني ابدي اعجابي بالـ دي 300 من نيكون
خيال الحب
خل مال كارفور يولي عنك
سير شرف ديجي و خذلك SLIK pro صدقني احسن بالف مررره عن مال كارفور
شكـرآ نــاصـر .. كـفيت ووفيــت =)
دخـلت مـزاجـي هـ الـ D50 ~ ان شاء الله آخـذهـا بعـد ما أتمكـن من اللي عندي وأصير أحـسن واحـسن
ما تقـصر .. شكـرآ مـره ثانـيه D=
بسير اغايض ناس هيهيهييي ..