ولد الشحوح
وضح كلامك اكثر؟؟
شو تقصد به
وبعد قال الرسول -صلى الله عليه وسلم-:
تنكح المراه لاربع لدينها ومالها وجمالها ونسبها<ماعرف اذا الترتيب صح بس بهالمعنى
وحط تحت دينها مليون خط
شكرا ع مشاركتك
عرض للطباعة
ولد الشحوح
وضح كلامك اكثر؟؟
شو تقصد به
وبعد قال الرسول -صلى الله عليه وسلم-:
تنكح المراه لاربع لدينها ومالها وجمالها ونسبها<ماعرف اذا الترتيب صح بس بهالمعنى
وحط تحت دينها مليون خط
شكرا ع مشاركتك
اقتباس:
المشاركة الأصلية كتبت بواسطة سليم الحص
تتكلم عن الرسول و العادات والتقاليد وتضرب بتصرف ..... انه تزوج وخذ أجنبيه على قولتك مثال سلبي؟
الرسول صلى الله عليه وسلم تزوج من مختلف الديانات والأقوام .....
اذا هالبنت أصلح من غيرها ليش لأ؟!
خبروني ليش لأ؟
^آسفه إذا متكلمه بـ"خشونه"
خذاني الحماس ........ احب شيخنا (L)
قال رسول الله صلى الله عليه وسلم :[أقلهن مهراً أكثرهن بركه ] يعني هايلا البنات اللي يطلبون شي وشويات تقل بركتهن بايدهن انا ما يبت الكلام من عندي ..؟!؟
تحفه
نحن ما نقدر انقارن شبابنا بالرسول-صلى الله عليه وسلم-
او حتى حاكم دوله مثل الشيخ محمد بن راشد
لانه هم غير
حياتهم غير
مسؤولياتهم غير
فالشباب لا يقولون مثلا شيخنا سوا وبنسوي مثله
لا ما يصير
شكرا لج وللأخ سليم الحص
ولد الشحوح
كلامك صح
بس ترا مب كل البنات جي
مب كل وحده تطلب وايد
ويكون مهرها غالي
المهر 20000 واللي تطلب زياده
هاي تكون من مستوى معين وما تبغي تعيش اقل من مستواها
تطلب وايد وتكسر ظهر اللي يباها
واخر شي هي اللي بتعيش في نكد وتعاسه من الديون اللي هي سببها
شكرا ع مشاركتك مرة ثانيه
اللي يكسر ظهر الريال مب بس المهر والله نبا حفلة الملجة تكون جي وجي وجي لان بنت يارتنا سوت جي وجي ونبا نكون أحسن عنها وفكل زيارة خمس جنط هدايا يعني تنصرف البيزات اللي المفروض يستانسون فيها الزوج والزوجة على اشياء تافه جدا ؟!؟
ولد الشحوح
تدري في واحد يا يخطب خالتي
بس خالتي رفضت لان الريال طلع بخيل وااايد
المهم يوم عرف الريال ان خالتي رفضت
قال لها زين مني بسوي ليله حنا واخر ليله شو تبين زياده
ضحكت عليه من الخاطر يوم جي قال
اقولهم جي هو شو بيسوي زود
غصبن عنه يسوي هالليلتين
كل الناس جي تسوي
بس اللي يسون بدل الليلتين 4 ليالي مادري 5 هذيل صدق يصرفون من الخاطر
والله يعين اللي بياخذهم
بس الليلتين ضروريات بس بدون مصاريف زايده
شكرا مره ثانيه
أخي الكريم .. سليم الحص
عندما يتعدى شخص على الآخرين
بفعله و تصرفاته
من الممكن ان نعيب عليه ذلك
لكن لا أدري كيف كان التعدي
بزواج سليم صحيح
لتأتي و تقول للأسف اتخذتموه قدوه !
نحترم رأيك بكل تأكيد
و لكن نتمنى منك عدم التعرض
للحكومة أو الأشخاص عند التعبير عن اعتقاداتك
فكلمة للأسف
لن يتقبلها محبي الشخص او غيره
لذلك نتمى منك الالتزام و عدم التعدي
على الشخصيات السياسية أو غيرها
فكل انسان له حرية التصرف خصوصاً ان لم
يتعدى بتصرفه على أحد :smile:
سيتم تعديل ردك .. و أتمنى أن لا يتكرر منك ذلك
اجمل التحايا
اقتباس:
المشاركة الأصلية كتبت بواسطة بنوتة جميرا
اختي
منو قالج اني مع الفكره ؟!!
لا حبوبه
انا مب وياها ... ومب ضدها
يعني متحيزه ...
فيها الزين وفيها الشي .. لكن ما اقدر ارفضها
...
لاني لو كنت وياها .. اكون ضد الزواج من بنات لـ بلاد // وهـ الشي مستحيل
ولو ضدها .. يعني نكرت ورفضت شي الشرع محلله
...
الموضوع تحكمه ظروف وحالات مختلفه
يعني انا وافقت الموضوع على أساس مبدأ
ولكن لو دخلنا فـ تفاصيل أكثر
مثل اللي ذكرتيها انت والباقيين
ارفض مثلا انه ياخذ الاجنبيه الغربيه سواء روسيه او انجليزيه او .... الخ
لانه ما تعرف تربي عيالنا عـ الدين
لكن العربيه الملتزمه ... ممكن يكفي انها مسلمه ولها من عاداتنا وتقاليدنا لو بـ الشي القليل
بغض النظر عن بنت لـ بلاد :a058:
اللي كل همها السفر والسوق والصيحات
ولو كان عندها عيال ...
ما تجيسهن وما تعرف عنهن شي
وعاقتنهن عـ البشاكير من يوم ولدها عمره اسبوع ان ما كان أقل :fa46:
هـ الشي ما يشرف .. ولا اتيين تقولين العكس
لانه هـ الشي منتشر بين الحريم 90 - 95 % إن ما كان 100% :pullhair:
عذبه الروح
لا تقولين 100% من الحريم عاقين عيالهم ع الخدم
ماقولج ماشي شي بس بعد في اللي كل اهتمامها عيالها
فما نقدر انقول 100%
انا اعرف كثير بنات عرسوا في سن صغيره
بس ضحوا بمستقبلهم وحياتهم الجامعيه
بس عسب يربون عيالهم ومايكونون عند الخدم
نحن ظهرنا عن الموضوع
بس كلامج في هالنقطه ماعيبني
لج رايج
شكرا ع مرورج مره ثانيه
الاختلاف في الراي لايفسد للود قضيه ^_^
حلو يوم الواحد يتناقش ويعرف شو سبب تفكير الطرف الثاني
بنت الدلع
شكرا ع مرورج
اقتباس:
المشاركة الأصلية كتبت بواسطة بنوتة جميرا
قلتِ رايج انه كلامي ما عيبج :8:
وانا ما قلت 100 % <--- راجعي كلامي عدل :h_qor9anah:
بس صدق خاطري اعرف كم النسبه اللي تحطينها غير 90-95%
مقارنة بين ام مواطنه وام مب مواطنه
ممكن اعرف ؟؟؟؟؟!!!
عذبه الروح
وضحي سؤالج اكثر وبجاوبج
؟؟؟
بنت جمـيرا
أنتي ليـــــش مب قادره تقتنعين أنه لكل شخص وجهة نظر خاصـة فيه .. وكل شخص مسوي إحصائيه
تقديريـه ع اللي جافـه من مواقف .. وألا تجربـه عاشها !
غلط ..
وغلط كـبـــير بعد .. أني أعارض شخص في شي هو يجوفه بهالطريقـة
يمكن هو حاس بالموقف أكـثر منج أنتي لانـه عايشنـه ..
أنتي قلتي رايج
والناس قالو رايهــم والموضوع أساسـه يتكلم عن آراء الناس في هالقضية وأنتي بأيدج كاتبه هالشي
عــــــــــــــــااادي مافيها شي .. بس الغلط أني أعمم راي الشخصي على المجتمع كله وأقذف ناس
وعيال هالناس من دون ما أحس ( والإنتهاء بكلمة أنا ضدج في كل كلمة قلتيها )
مثل ما قلت في ردي الأول * أكــيد أنا مب من اللي يشجعون الشباب يتزوجون من برع*
لاكني مش ضد اللي تزوج أجنبية .. واااااايـــد أجانب مسلمين ومحترمين ويعرفون كيف يربون عيالهم
التعصب في الرأي
( أبــــــــــــــدا ً ما يساعد في حل القضايا أو السهولة في النقاش ) بس يكـبرها
والواحد يوم يكون rude محد بيتجاوب وياه ..
المشكله أنج تعممين في أفكارج
والشي الوحـيد اللي أتمناه أنكم تراعون الناس اللي نصهم أجنبي - لأنهم اول شي منا وفينا -
وثانــي شي متربين عدل وبفكرتي هاي بعد ما أعمم .. في كل شي ( الزين + الشين )
والسموحــــــه
الياه
اتقبل رايج فيني وفي رمستي
رايج واحترمه
وانا رايي قلته
وماعندي استعداد اغيره
شكرا مره ثانيه
^
شكرا ً ونحن بعد نحترم رايج و ( أبـد ) ما قلنا أنج لازم تغيرين رايج ..
لكن في نفس الوقت مب من حقنا نسكت الناس أو نفرض عليهم راينا صح =)
ومشكوووره حبوبــه ..
مشكوره الياه
اخواتي ...
انا ضد زواج المواطن من اجنبيه..( غير عربيه)...
نفس المشاكل في الجهتين ...بس ارحم اتكون عربيه ولا تكون اجنبيه ...
كيف يتقبلها مجتمع الامارات...من تصرفات غريبه ودخيله علينا....
التفكير في التربيه ....خاصة البنات....
كيف انربيها على الدين واحترام العادات السائده في مجتمعنا ...والسنع والمذهب...
نحن في عائلتنا استوت هذه الزيجات...بس من بعيد...
والحل الطلاق...
1-البنات مب متعودات على الشيله مب الحجاب....لو قالولهن اتحجبن ...اعتقد بيشردن..
2-الطلعات في اي وقت ماحد يسيطر عليهن...
3-القدوه الام,الله يستر عليها ....!!!
4- السهر من الاولاد بحجة الصداقه...
يعني امورهن ماتناسبنا ابداً....ولايقدرن يخالطن حريم الدار او من عائلات اخرى...
الزواج من اجنبيه ...اعتقد انه نقص في شخصية الزوج !!!
شو فيها بنت البلد او العربيه؟؟؟
الواحد يفتخر انه مناسب بنت فلان ومن العائله الفلانيه...
الاولاد شو ذنبهم يعانون باجر من اهل امه ...ونحن عندنا هالشي مهم ...الواحد يفتخر بخواله..
...... في تكمله باجر بكملها....الموضوع طويل ما له نهايه..........
روضه
هاللي حبيت اسمعه من بنات بلادي
شكرا غاليتي ع المشاركه
وان شاء الله بتابع الموضوع وبقرا تكمله ردج
من فتره واحد مع وحده في السوق حافظ عليها ...عبايه وشيله ومنك شقرا وشي غريب مب طبيعي...
وهو ماشي عدالها ..شكله مستحي او مستنكر وجوده معاها...هي كاشفه ويها...والمشيه غريبه...والبس اللي تشتريه أغرب وصراخ بالتلفون ..كل شي غريب..وهو كل شويه يحاول يبعد عنها..
الحين انت مفتضح من نفسك ...باجر اعيالك بيسوون جيه...
ليش بنات الدار شوفيهن؟؟؟
عسب المهور؟؟ ...والله في ناس ع قد حالهم ...ويطلبون الشي المستطاع...واللي يبيض ويهم جدام المعازيم.... ولايريدون غير الستر ع بناتهم ....
والحمدلله ...بناتنا يشرفن اللي ياخذهن...وينحطن تاج ع الراس ....
..........ولنا تكمله.......
روضه
كلامج اكثر من الحلو
وانا معاج
كذا مره اصادف مواطنين لو كانوا ماخذين وافدات
وخاصه من شرق اسيا
يمشي ومستحي مادري مفتشل ويمشي بعيد شوي عنها
اوكي يوم انت جي شو اللي حادنك بالزواج منهن ؟؟
وبتابع الموضوع وردودج غاليتي
شكرا مره ثانيه ع المشاركه
السلام عليك ورحمتة الله وبركاته
اختي الكريمه / بنوتة جميرا المحترمه
- شكرالله لك على هذا الموضوع ، الزواج من الاجنبيات ظاهرة معروفة في مجتمعنا الاماراتي المحافظ آثاره بائنه .
تتكون المجتمعات من اسر والاسر من افراد منهم الاب والام والاخ والاخت ، الابناء يكونون في الغالب صورة مصغره عن الاباء والامهات ، البس مثل ابي وهي تلبس مثل امها ، لساننا لسان آبائنا وديننا دين آبائننا ، شرفنا وعزتنا وكرامتنا اعظم ما عندنا ، لدينا قيم وعادات وتقاليد ومفاهيم نود ان نورثها لللاجيال الآتيه .
اذا اتينا بمقدار معين من السكر وخلطناه بمقدار معين من الماء تكون درجة حلاوة الماء حسب رغبتنا ، كذلك تقل الحلاوة بمقدار السكر .
زواج المواطن من الاجنبية يضعف مجتمعنا المحافظ بشكل عام كما يضعف زيادة الماء على حلاوة الشراب .
هذا وجهة نظري فقط ( بن شداد ) وانا ما امثل احد.
بن شداد
انا معاك في اللي قلته
وشاكره لك مشاركتك اخوي
اخوي بن شداد ....كلامك جميل فعلا...
ماأدري هل هي غيره على بناتنا واخواتنا؟؟؟؟
او غيره على شبابنا ما نريدهم يروحون حق حد غريب؟؟؟؟
اعتقد الكل يحب ويفضل ان المواطنه للأماراتي وبس..
والإماراتي للمواطنه نحن من بلد واحد ومجتمع واحد نفس العادات والتقاليد..والسنع والمذهب...
تحكمنا ظروف واحده...ومشاكلنا مشتركه تلقاها في كل عائله...مب دخيله علينا...
بحكم عملي بالتربيه ...
اشوف واسمع ...بلاوي دخيله علينا بسبب هالشي....
المواطنه اتحن على الزوج اكثر من غيرها....لأنها منه وفيه...ويردها العادات والتقاليد اللي تربت عليها في بلادها...
عندنا مشاكل مع الطلاب في مدارسهم ...يالله..هاتوا الام ...نسألها عن دورها ...او الاب ...طبعاَ الاب في الشغل ...وصلت الام ..والله يجازيها كل خير..على اهتمامها...
الحين كيف نتفاهم معاها؟؟؟
الام اجنبيه!!!!............سكتنا مانقدر اناقش اي شي...
اختلاف في اللغه
العادات
التقاليد
البيئه
التعليم
الدين اولاَواخيرا!
نرجع للأساس ...الأب.....راعي المسؤليه اولاَ واخيراً
والله وااايد من هذه المشاكل ....دووووم ...
الله يهديهم ...
روضه
انا معاج
كثير من المشاكل اتصير مع الابناء في المدارس
ويوم يستدعون الام مايعرفون يتفاهمون معاها
خالتي تشتغل في نفس مجالج
ودوم اتيب لنا هالسوالف
والله ماقمت اعرف نضحك والا شو نسوي بالضبط
شكرا لج غاليتي
السلام عليكم ورحمة الله وبركاته
اختي الكريمة / بنوتة جميرا شكرا على ثنائك .
اختي الفاضلة / روضة اشكرك على مديحك واقول غيرة........ حرقة ........على بناتنا وشبابنا .
كوني انا فرد من هذا المجتمع لدي اخوات وخالات وعمات وبناتي وبنات الاخ وبنات الاخت وبنات الخالات وبنات العمات(قريبات في سن الزواج) ....................... لي المصلحة كل المصلحة في الحديث عن هذا الموضوع ..........................نعم لدينا شريحه كبيرة من الشباب المقبلين على الزواج ولدينا بناتنا ........... بجمعهم نقل عدد العوانس والارامل والمطلقات .................. عفو انا لست ضد الزواج من الاجنبيات ............... ولكن لدي مسوؤلية ملقاة على عاتقي وعلى عاتق كل من لديه قريبه في سن الزواج ......................... كيف هذه المسكينه تتزوج قبل ان يفوتها سن الزواج ............ عذرا الزواج قسمة ونصيب .................. والغيب لا يعلمه الا الله سبحانه وتعالى ............. والسموحه على هذه المداخلة ................
اخي بن شداد ....واختي بنوتة جميرا....
اتمنى الايام الجايه تختفي هذه الرغبه والنزوه الدخيله علينا....
يمكن بسبب كثرة هالجاليات في بلادنا....خربوا الفئة القليله من شبابنا...
ماشالله عليهم اعيالنا ...والله يعرفون كيف يختارون ..ويحسنون الاختيار..
((حلاة الثوب رقعته منه وفيه))
ما قالوها أهلنا وما توارثناها ...عن عبث...
.................................................. .........
لوشفتوا اللغه ...او اللهجه ...في اي عائله غير مواطنه كل افرادها...اتشوفون العجب..
شبابنا من خيرة الرجال ...وانشالله يتمسكون فينا..مثل مانحن متمسكين فيهم ....الله لا يحرمنا من بعض...هم خير سند لنا...وعماد بلادنا...والله يبعد عنهم بنات ....
بن شداد + روضه
شكرا ع مداخلاتكم الجميله