[ بــيـــت الواحـــات].. من هنـــــــــا

رجعــنالــكم..

طبعــا هذا ترتــيب البيــت :
خيال الحب .. الجد

عنود الريف .. الجده

وحي القلم .. (الجده الثانية)

//

الأبو : سفير الخيال

دمعة شوق .. الأم

إيه أحبك .. البنت (الحفيدة)

الدلووووعة .. البنت (الحفيدة الصغيرة)

الاسطوري .. الولد (الحفيد)

//

قرموشة .. الخاله (خالتي قماشه)

دموع قلم .. بنت الخاله

العجــيبه: بنت الخاله


//

الخال : خطاب

خطايا .. بنت الخال

طيرا الغرام: بنت الخال




//

ألم ترى .. العم

أنامل قلب .. بنت العم

مهابه .. بنت العم (الصغيرة)



//

عهد الوداع .. العمه
مزروعيه بطرانه: بنت العمه
بنوتة جميرا: بنت العمه

دمعة عين .. بنت العمه

عذبة الروح: العمه الصغيره

:k_harhar1: هذا ترتيبــكم في الــبــيت.. اوكـــيشـــن

انزيــن وشحـــالكم ياعيــاليه.. وينكــم اليوم ماشووف لكــم حس في البيـــت.. ليكون بعدكـــم رقوود:d014: مسودين الويه( الي يقول انا ناش من غبشه الحين:k_harhar1: ).. ووين عيال عياليه:d014: .. ليش عيال خالتكم وعيال عمتكــم يبون يظهرون من بيتنـــا هاع:3: شو سويــتو حقــهم.!! اكــيد مضاربيــنهم:bash: ؟

تعــالو ياعيــــاليـــه انا بقـــولـــكم شــي خـــطير.. لعــبه خطــيرة صايــره في بــــلادنــــا..

هذا اليوم الصبح انا ويدتــكم سايرين الكارفــور ولا اشــوف البضــاعه مسعره بسعــر غريـــب:fa56: .. مثـــــلا السنــكرز( يدكـــم متطور ترا:k_harhar1: ) بدرهم و90 فلـــس.. والبرنــجلز ب6 و65 فلـــس:glare:

ويــوم ييـــنا نحــــاسب طــلع الحســـاب 1000 و 95 فلـــس( معاش الشؤون كله طار:k_harhar1: ) .. بس الهنــدي ما رجـــع لنـــا هال 5 فلوس الي باجـــيه ليـــش:glare: .. نحـــن لازم نقـــترح شــي او نســـوي شـــي.. 5 فلوس من عنــدنا و5 فلوس من عنــد فلان و5 فلوس من عنــد علان ربحوو هاييلا المهنـــده:d014:

لا هالــكلام مايصـــير ابــــدا:k_busted_cop:

^ أووه كلامك صـح ..

مرة رحـت السوق أنا بعـد وطلع الحساب فيه 15 فلس ، يوم ييـت بعطيهم الفلوس ( هذيله الصغاااار اللي لونهم نحاسي ومرسوم عليهم سفينة )

يـت الفلبينـيـة وقالــت لاا مامـا ما يصير هالكلام !

يا بنـت الناس هذي معتمدة من البنـك المركـزي ولا مسويينهــا طـــــــل !

وبعــد حشرة وعفســة وربشــة ، شلــت النصابة ربع درهم عني !


لازم نقــدم شكــوى للبنــك المركـزي عشـان يكبــرون فئات الفلوس قوم بو خمس وعشرة فلس ، يمكن حد يعبرهم !!


ولا شو رايك يــدي ؟!

هيه والله صدقت يا بو سفير
ما تسوى علينا هالسيرة اللي سرناها كارفور ... واونه قلنا بيكون أرخص من الجمعية .. طلعوا الا شرات بعض .. ونحن المساكين مقصه .. بس اندفع هالبيزات ..
الا شو رايكم نتصل في البث المباشر عند بو عمر .. والا عند بو راشد .. نخبرهم .. يمكن يسوون لنا شي ؟؟؟

السلام عليكم يدي شحالك شخبارك عساك طيب ليش متعب عمرك ورايح كارفور اليوم جان قلت لي
بييب لك الاغراض اللي تباها وانت يالس مكانك تراني فاضي هالفترة ، أما
بخصوص الأسعار طولي بعمرك أحيد قبل
في الجمعيه كانوا يتعاملون
بالطريقه هاي لكن العكس بعد صحيح يعني لو اشتريت شي بـ 8.10 ياخذون منك بس 8 يعني يجبرون
الكسور ويقربون الرقم للربوع الموجوده يعني اما يكون 0.00 او 0.25
او 0.50 او 0.75 والارقام اللي بينهم
تكون لصالح الاقرب
يعني اما تروح عليك 10 فلس او تروح عليهم بس ليش معور راسك في هالموضوع شوعليك منهم ،،
يدي عاد أنا اليوم ياي أشكي لك من الوالد الله يطول بعمره اللي هو ولدك
شاغل عمره بالعقارات والشركات ومانشوفه
مول وأمسات طلبت منه
شي بسيط وردني وقال اشتغل وكد على عمرك وسو اللي تباه وأنا ماطلبت شي إلا بورش كاريرا جي تي
بـ مليون وشويه وأفكر عقب ماآخذها أغير لونها كل شهر مره عشان
ماكون طماع وايد فـ شو رايك انت
تاخذها لي
:4:

هني تفاصيل تغيير لون السيارة شوفها يمكن تعيبك السالفه وتغير
لون سيارتك الكابريس 1991 وتصير جنها
2008 باللون اليديد
:a033:

أبـى أغيـر لـون سيارتـي

بـنت عـمكم الصغيـرة داخلـه عـرض، وتقـول لـك يـا يـديه :

لاتـسمع كـلام حـفيدك ، تـراه يـتدلـع ، شـو بـورش بـعد:fa44:

انا اقـول لك خذ لـه شي من هالسـايير الصـغار ، اللي ماتخسر بـترول:4: وايـد أحسـن

وعن موضوع تـغير لون السيـاره تـراه عـيبني ، ويوفـر ( جني مستويه زطيه)

^
لا حول هاي اللي تبى تخرب علينا ماصدقت يدي يعطيني ويه وأفاتحه في الموضوع تيي هاي اللي
طولها شبرين وتتدخل وتخرب ماعليه براويج إذا ماخليت عمي ألم ترى
ياخذ لج سيكل بدل سيارة أحلامج بتشوفين
وعقب غيري لونه
للوردي وحطي استكرات باربي عشان يصير سيكل حلو ،، ومن يوم يومج انتي تغارين مني لأني
الحفيد الوحيد المدلل بس ماعليه باخذ البورش وبصيح ويلات جدام
بيتكم يوم بيكون عمي طالع عشان
أقهرج أكثر
:k_harhar1:

بسم الله الرحمن الرحيم ..

يدي يدي واللي يرحم والديك انا مب اجتامعي مول :fa46: ! ..

طلعني من هالدربكه كلها وخلني عايش ف اوهامي ..

صدق عايش وهم وينوه ؟ ..

اسمني يالس اغير الموضوع هااا :vampire: ! ..

يدي انا اليوم بسافر يعني لا اتسويلي حساب ..

اقتباس:

---

المشاركة الأصلية كتبت بواسطة الاسطوري

^
لا حول هاي اللي تبى تخرب علينا ماصدقت يدي يعطيني ويه وأفاتحه في الموضوع تيي هاي اللي
طولها شبرين وتتدخل وتخرب ماعليه براويج إذا ماخليت عمي ألم ترى
ياخذ لج سيكل بدل سيارة أحلامج بتشوفين
وعقب غيري لونه
للوردي وحطي استكرات باربي عشان يصير سيكل حلو ،، ومن يوم يومج انتي تغارين مني لأني
الحفيد الوحيد المدلل بس ماعليه باخذ البورش وبصيح ويلات جدام
بيتكم يوم بيكون عمي طالع عشان
أقهرج أكثر
:k_harhar1:

---

:k_harhar1: :k_harhar1: :k_harhar1:
عـمك ع قـولـته بيســافـر !
بس ع طـاري السيكل ، اممم شـورايك يـا الحفيد المدلل ، اتدور لنا سياكل حلـوه وبنوتيه غـاويه وتحطـهن لـنا فـ واحة السيـارات

وتخـتار لي واحد وتـشـتري لـي إيــاه بــعد:fa44:


اللـه يحفظك بـابـاتي ، تـروح وترجع بـالسـلامـه
طـول قـد ماتـقدر عـسب أخذ راحتـيه :bye2:

ولاتنـسى الصـوغه

جذبها صدقوها الناس !
اقصد اني بشرد من الموضوع

السلالالام عليكم

اشحالكم

شو مسوين ...ان شاء الله مرتاحين

ما شاءا لله منو بيسافر وعلى وين ,,,اكيد بانكوك ها خبروني ,,,,

يا بنات وينكم بسكم من الهوامه ,,,

تعالوا سلموا على يدكم ,,,

باباتي ألم ترى ..
وين بتنحاش .. تعال عطني خرجيتي قبل لول ..

اممم .. بالنسبة لموضوع تغيير لون السياره .. أحس صدق السالفه شي .. ^_^ ..
بس خل باباتي يرضا آخذ الليسن قبل .. احم .. !!
عطاري الليسن .. شو رايكم باللي ياخذونه بعمر متقدم ..
خاصه لو كانو من العنصر النسائي :fa46: .. >> ناوية على شر خخخ ..

صح انه حلو وحابه من الحين آخذلي الليسن ..
بس مادري لمن اتخيل المنظر وكيف عيال الثنوية العامه ..
من صوب مالحقو يستلمون شهادة الثنوية .. راحو من الصوب الثاني يسجلون حق الليسن .. !!

مادري والله ..
بالأول والأخير أحسه يعتمد .. والشور للوالد جان بيطيع يخلي بناته ياخذون الليسن من وقت ..
مادري شو لزمة موافقة ولي الأمر .. >> أستغفر الله :glare: ..

:

ومهابو .. شطوره ..
لا تنسين .. النص بالنص باللي بيظهرج لول .. :fa35:

................
ملاحظة : بتم أرز فيسي لي باجر .. وعقبها سحبو اسمي للظروف اللي قتلكم عنها :3: ..

اوه عموووو عهد الوداع ..
وعليكم السلام والرحمه ..
الحمدلله بخير ونعمه ..

لا تحاتين .. محد بينحاش ..
بس يعني واللي يرحم والديج كلمي باباتي عساس لا يقصر معانا بالخرجية ..
مادري اشـ طاري عليه صاير مقتصد هالفتره لول ..
تراه بيسمع من اخته .. ^_^ >> محد يتمصلح .. !!\

وينوووووووو يدي ..
خل بنسلم عليه ولو انه كل ما يشوفنا يقعد يتحرطم خخخ ..

بخبركم عااااد عيزتوا الشيبه من كثر ما تخربطون على راسه
خلوه يرتاح شوي ... مسكين من الصبح وهو يراكض في عزبته ..
يابويه يالاسطوري سياااااارة بمليووووووووووووووووون ... <<< زين ما يتني السكته وانا اقرا هالرقم ... لا تيب طااري هالرقم ليدك الله يحفظه ... ما عندنا غيره ... تبا شي عندك ابوك وان ما طاع اشتغل واشتر السيارة برووحك ... وعن البطرة هاي .. كل يوم سيارة والا لون والا ما ادري شو ..

خل عنك .. وودر سوالف البطالية هاي ...
انا اقوولك شو رايك بهالسيايير الصغار وغير لونها على كيفك ... حد عطاك احسن عن الشور؟؟؟

ويـنه يـديه ، ويـدوه عن أبـويه واختيه

شـوفـوهم يبـون يسـافـرون ويخلـوني الروحي اهنيه

وحـليلي أنـا

مابا أتم الروحي

مايسـتوي جيـه

اهـزبوهم ، دخيلكــم