عرض للطباعة
اقتباس:
المشاركة الأصلية كتبت بواسطة العجيبة
عزيزتي .. نحن تكلمنا عن المبادئ و القيم و الأعراف ..
مب عن العاطفه ((مع أن لها دور)).. و هذا حق لهم و نحن ما نقدر نسلبهم حريتهم !!!
واذا النقاب مسوي مشكله .. في ألف طريقة ممكن يتخذونها عسب يحلون المشكلة ,,
مب يحلون مشكلة بـ مشكلة ثانيه !!!
ف الاخير هذا رايج و أنا أحترمه .. لكن حبيت أوضح لج النقطة اللي انتي قلتيها .. ((عن العاطفه))
شرطة ابوظبي اتحاول اتعالج مشكله من المشاكل
ولازم تتقبل راي و اعتراض الناس
الكل يعطي رايه ولكل حل سلبيه اشياء سلبية وايجابية ،،
الله يعين اصحاب القرار
ممكن أستفسر : انا اذكر ان الشريعة الاسلامية صالحة لكل زمان ومكان بالتالي الله ما بيحلل شي اذا كان فيه ضرر للمسليمن ... واذا عن اللي يستخدمونه بشكل غير قانوني اذا بنحل مشكلتهم بالمنع عيل انحرمنا من كل شي لان كل شي ممكن تستخدمه فالزين والشين ...
بس غريبـه إذا النقاب يحجب الرؤيـه ( المخفي والشامل ) ما يحجبون الرؤيـه ؟
وإذا صدق صدق مصرين أنه يحجب الرؤيـة
ليش الدكتور واللي هو دكتور ويسوي عمليات خطيرة جدا ً يحط شي على عينه
مع أنه في هالحاله المفروض يركز أكثر ( معقول ممكن يمنعون هالشي ؟ ) ..
لول
ماعليكم مني أخربط
قرار وصدر شو بيسووون .. وأنا شلي فـ بوظبي اصلن هههه .. أنا لو الشور شوري أمنع شبابهم يطلعون من لبيوت
اووه قمت اخورها
باي
بإختـــصــار ..
القرار سيطبق لأيام و بعدين راح يكون قانون ميت و مهمل !
مثل قانون الاحتشام في امارة الشارجه .. طبقوه لأيام و بعدين نسوه ..
مهما يكون فـ الانسان حر في لبسه .. و اذا انا البس غتره و غيري استخدمه بـطريقة خاطئه شو دخلني انا !
^
أنت فنان D=
جنون امرآة ..
شكلج ما شفتي هالجملة اللي كتبتها أختي شوق القلوب
على أساسها تكلمت عن العاطفة :fa56:اقتباس:
على فكـــره اللي مب متنقبات ما بيحســون بمدى تأثير هالقرار.. لانهم بالاساس مب مقتنعين بموضوع النقاب نفسه.. فكيف بيتعاطفون..؟؟!
اليـــاه .. كفاية أبوظبي هي العاصمة .. وعـاد شوفي شلـج فيهـا :8:
كلكلووش
:fa42: عين الصواباقتباس:
القرار سيطبق لأيام و بعدين راح يكون قانون ميت و مهمل !
^
Duuuh ! أعرف أنها العاصمه .. بس so what شو لي في قرارتهم .. حمدالله إني مب هناك
بس اكتشفت إني يلست أعارض على شي مالي خص فيه لول
بعد تفكير :
صح كلامك .. المفروض ما يعاقبون فئه بكبرها عسب كمن حاله تعدت على القانون !!
السلام عليكم...
أحس المسألة مسوية ضجة...وتقريبا كالعادة بتكون مجرد زوبعة بفنجان.
ما أشوف حرج انه المرأة ما تلبس نقاب وهي تسوق لأنه الحين مع المخفي وهالسوالف ما اعتقد بيقدر أي شخص يحدد ملامحهم...وعموما كل النساء مضطرات لخلع النقاب في الحج والعمرة...
وجه نظر لا أكثر.
عموما لجميع المتحاورين...لنكون دائما متاكدين أننا نمثل دولة بنائها رجل(الشيخ زايد رحمه الله) وهي دولة الإمارات العربية المتحدة وجميعنا ننتمي لها.
السلام عليكم،،
غريب القرار ينبني على مثل هالحالات.. وعسب يتــأكدون من توافق السايقة مع ليسنها يحق لهم يطلبون منها تكشف عن ويههــا بس يعممون خلع النقاب << ما يحق لهم الصراحة ..
وعندي حل وسط >> السيايير اللي يسوقها متنقبــات يحطون استكرات ((متنقبة تقود السيارة))>> نفس مال الـ pets inside :birgits_giggle:
شكراً ع الطرح.. صدى