تحبيــني ولا ما اتحبيـــني ؟؟!

دمعـــتــي ..

يحليـــلهم خـــواتج..!

زيغتيهم.. بس في نفس الوقت أطمنتي .. صح المحبه ظاهره.. وما يبالها تأكيد.. بس حلو الواحد يجدد في سمعه .. لانه المشاعر تنتفض من حاله الركود و الخمول.. و اتبث فيها مشاعر أقوى و أجمل..

.
.

عســـــــــاكم دايم ع المحبه.. بإذن رب العالمين.. :)

حلمـــي الجميــــــــل..

تســــاهلين هالـــردود الحلـــــوه... ومنو ما يحب حلم الطفـــوله..؟؟؟ :inlove:

بس ما خبرتينا... بشـــو ردت عليـــج شــــــــوق الـ :fa41: :fa41: :fa41: :fa41: ... ؟؟؟

صــبـــاح الــخـــير
,.,

شــوق القــلــوب

بصـراحه ما أتـجرأ وأسـأل أخوانيـه هالـسـؤال
مادري ليـش .؟!!

,.,

بس الشـيء اللي متأكـده منـه هـو أنيـه أسـتـحي منهم
يعني ما أتخيـل عمريه رايحه لـخويـه
وأقـولـه تحـبــنـي ..؟!!
وااااااايه بيـقـول تخبـلت البـنت ،،، بس عند خواتيه عادي
:fa46:

,.,

الـجــنــيـــه

:fa56:
صـراحـه أنتي مافـيـج حيـله
لـو أنا بعق عمريه من فوق البيـت
ولا بتـجرأ أطالعه مره ثـانيه

,.,

بس حـلو يوم يـكون جيـه من بيـن الأخوان أو الأهل بشكل عام
امممم حلو حلو تعبــر عن شـعـورك
,.,

دامنـــيــه ما أتـجــرأ أقــول حـق خـوانيــه وأبــويـه في الـويــه :

أحبــــــــــــــــــكم في الـلـه
:heart:
,.,

يستوي أجاوب ؟؟ :kcl: عني أنا ما أحبج .. اعزج :bow:

هالكلمة صعب ينطقونها عندنا .. وأنا قلت بتغير وبجربها .. حتى الصغيروني يوم أقوله أحببببببببك
يتم يتطالعني .. مادري شو السبب . مستغرب من حبي له brgll: بس من اسبوعين جربت هالشي من يهال العايلة .. أشوف هالأسبوع كلهم يركضون صوبي .. أظن يبون يسمعونها مره ثانية :cop:

مـــــوضوعج حــــــلو .. شـــوّاقــة ..

مـــــا أتخيــل أقــول لأخواني الشبــاب ..أنت تحبنــي!

بس أعــرف أنا نحب بعض .. وعمــرنــــا ما تزاعلنـــــا مع بعض يوم

وأخــــتي الوحيدة ما يحتــــــاي أسألهــــا .. أعرف ردها

والــــوالد .. صــدى حبيبتي دوم على ألســــانه (.: اللــــه يخليــه لنـــا ويخلينا لبعضــنا :.)

بداية..

اشكرج على الموضوع الي فعلا رسم الابتسامه علينا واحلى من الرائع..

اتمنى هذا الموضوع هب بس يتثبت عسب الكل يقراه .. اتمنى ينقل لواحة المواضيع القيمه.. لانه موضوع مع الاحساس هب موضوع اي كلام..

اشكر كل الاعضاء الي اتحفونا بردودهم وخبرونا بنتايج قرائتهم لهذا الموضوع مع اهاليهم.. لان الردودهم تعمم الفايده على الجميع..

واحب اشكر الاخ نبراس الليل الي فعلا شدني ردودهم الي اشوفها منطقيه وواقعيه وان دل فانه يدل على رجاحه عقل هذا الانسان..


بالنسبالي مااختلف عنكم في شي غير ان الحياء زايد حبتين.. الا اني عوضا عن الكلمه الطيبه ( احبج او اعزج او اي كان ) مع افراد اسرتي احاول ماخليهم محتاجين شي باي صوره من صور الاهتمام والخدمه.. ولو فتحت قلبي لهم وبينتلهم معزتي لهم ماراح اخلص.. بس في شي غامض يمنع من الافصح عن المشاعر للاهل..

وباحد ردود نبراس ذكر ان لازم يكون على الاقل وسيط بين كل اثنين عند الاهل ينقل مشاعر الاخرين للاخرين وهنا تاتي الام.. وبواقع حال بيتنا فعلا هي الام الي تربط مشاعرنا ببعض ومثل ماذكر نبراس بالضبط..

من بداية الموضوع لي نهايته يلست ابتسم لكل رد فعلا .. المشاهر شي مبهر اذا افصحنا عنها شي فوق ما نتصوره.. ومثل ماتفضلوا بعض الاهضاء الحياء يكون اكثر عن الاخوان الكبار ليش ماادري؟!!!!

متابع لهذا الموضوع الشيق...

يسلمووو

عـبرت عن حــبي ومعزتي .. بضمة .. يعني أنا ماقدر أسوي هالأمور .. بس فعلا .. جربت إني احضن بنت الرضيعة على صدري .. تمت حاطه راسها .. مبسوطة .. لدرجة إنها صاحت عقب ...
ومع الولد الشقي ... قلت له تعال .. قال مابغي .. خذته صوبي .. وتم يرافس وعقب حطيته في حضني تم يالس مارضى يقوووم .. هههههه .. بس أنا قلت حق الوالده تحبيني ؟؟؟ قالت: في أم ماتحب عيالها ؟!!
قلت : لااااا بس أحب أسمعها :kcl:

بسم الله الرحمن الرحيم

السلام عليكم و رحمة الله و بركاته اما بعد ...

" احبك":kcl:

لم اسمعها كثيرا في حياتي ... سوى من والدي - الله يحفظه - يقولها لي مرات عدة في اليوم الواحد ... و ارى ايضا ذلك من افعاله .. من ضمي في اول مجيئي من العمل ... و تقبيلي على يدي و جبهتي و وجنتي .. كلها علامات حب لا اريدها ان تندثر يوما :fa35:

أمي لا تعرف كيف تعبر عن حبها لنا مع درايتنا لمدى حبها لأبنائها .. و بشكل كبير جدا .. حتى سلوكيا .. يصعب عليها التعبير كونها عاشت و تربت تحت ظل قاس في حياتها ... تتوق إلى سماعها منا او حتى التعبير السلوكي لها من مجالستها كل يوم .. و الضحك معها او حتى تقبيل جبهتها الطيبة كل يوم ..

اخوتي .. اممم ... لم اقلها يوما لأي من اخوتي الذكور .. سوى اخي الصغير - سليمان - اضمه إلي و احبه كثيرا جدا ... اما البقية .. يصعب علي التلفظ بذلك .. و اظهار حبنا للآخر لا يكون إلا عن طريق الإيثار او المادة او سلوكيا .. فقط ..

و لكنني اقولها لأختي .. و اعلم تماما حب اخوتي لي و هم يعرفون مدى حبي لهم ...

اما لصديقاتي .. فإنني اقولها لهم مرات عدة .. رغم انني ارى علامات تعجب في وجوههم عندما اقولها لهم ... لأنني اقولها من دون سابق انذار .. فجأة و هكذا " احبج والله .. وايد " brgll:

و هذا لا يمنع انني اتوق اليها .. لسماعها ... و لكن ابي يرويني بتعبير حبه لي .. اكثر من اللازم :yes:

و لست املك الجرأة الكافية كي اقولها لأهلي ... اكثر من ان اعبر سلوكيا عن حبي لهم .. :)

احبج في الله اختي شوق .. :ttmasha:

نبراس الليل.. طارق..

بصراحه أعجبني تفكيرك المنطقي و تحليلك لما يحصل داخل الاسره..
فالاحبــاء هم غرب عنـا ، فنبدأ في التقرب اليهم بالهدايا و الكلمات .. وكل رقيق و لبق من التعامل و الاحترام..
ولكن البعض يندفع.. و يترك أحق الناس في تعامله الطيب..

أتمنى بحق أن يسود الوئام و الحب قولاً وفعلا.. بين الاخوة و الاخوات.. :)

سيـــدة الحب....

هذي هي المشكله اللي الواحد يخاف منها.. هو بحث الفتاه / الشاب .. على كلمه أحبك خارج أسوار البيت و بطريقه عشوائيه ، يمكن يكون دافعهم انجذاب نحو الطرف الاخر.. لكن في نقص داخلهم يحركم و بشكل أكبر وهو البحث عن الدفء العاطفي ..

لو كان المرء مكتفي بلمه أهله و اخوانه بمشاعر تشبع العاطفه اللي فيه ، جان ما شفنا هالكم الكبير من العلاقات الطايشه في المجتمع !

شاكره لج مرورج الطيب.. :)

سفيـــر الخيـــال..

وما أروع المحبه حين تعتلي عرش قلـــوبنا..
.
.

لوجودك.. كل العبق
كن قريباً
:fa35:

جربت هالحركه لانها عجبتني وايد
سمعوا الردود بس,هذول خواتي :boxed:

الاولي : تر الفيني مكفيني يوزي عن سوالفج
الثانية: خير!!!!!!!
الثالثة:اكرهج اه ونص

شفتو الهنه الي انا فيه :narr:
بس ادري بهم يحبوني حتي لو ما قالوها لي:kcl:
قلت خلني اسال امي شفويا لانها ما وصلت لها للحين حركات اس ام اس وهالسوالف
انا: يمه تحبيني
امي : انتي عيوني الي اشوفه فيها,
الله الله عليج هذا الرد والا فلا
طبعا اخواني الشباب ما في امل اسالهم لانهم اكيد ماراح يعطوني ويه هذا اذا ما طردوني من حجرتهم هههههه
بالنسبة لج يا شوق القلوب اكيد كل الي بالواحات يحبونج لانج انسانه مهذبه :kcl:

دعوة لـ تجديد المشاعر
:fa41:



مزن

انا شويه عندي صعوبه اقولها شفويا لول

بس عادي اكتبها لربعي مسجات ( حبيبتي جي جي وجي )

ماما بعد اكتب لها مسجات ..

بابا ما جد .. استحي وايد

اختي ما اقولها بس هي اتعرف اكيد

اخواني يوم يسوون شي يبط جبدي اقولهم مثلا ( ما احبك يوم جي تسوي ) فاكيد يفهمون اني احبهم

بشاكيرنا دايما احاول اقولهم شكرا وابتسم لهم و اسوي لهم eye contact حرام يكسرون الخاطر مغتربين علشان الرزق


وهيك

هالموضوع.. يريح قلبي يوم أقراه..

:fa41: