مجلس الأصدقاء ،،

السلام عليكم جميعا وش حالكم عساكم طيبين ؟ :m_atmasha:

شو علومكم ؟؟

شو الجو عندكم، :a042:

يا هلااا فيييييييييكم

الجو جداا جميييل
عدنا مطر صبيييييب مغرقناااا
مب قادر امشي



انتوا شخباركم
شو مسوين ؟
شو عاملين؟
اشتقتولي ولا لااا؟
اكييد هيه
ههههه

وايد حرررر

هاي الغيمه أكيد بس هـ الشهامه صح حمود ؟
يالله شلون خقاق شوي شوي عن تطير

ساعدوني وصلني مسج بس ما اقدر اقراه
جيه مربعات مربعات
و ضروري اقراه عندي سوني اريكسون الوردي الغبي

مزن طرشي المسج على موبايل ثاني واقريه

سويت بس هم ما صار طلع لي نفس الشي

شكرا مروان

مجموعة انسان شو الجو في استراليا شهر 11

مساء الخير ...^_^

يا الله .. مول مالي بارض ارتب الشنطه ..
اللي ما احبه في السفر ترتيب الشنط .. واللي كانت اترتبلي مسافره .. >_<
كنت دايما اعتمد عليها ..
ان شاء الله ما انسى شي هالمره ^_^!!

خلاص باقي يوم واحد واقولكم مع السلامه .. !

ما شي اخبار يديده ..

مساء النور عهد الوداع

مايهزك ريح ... في ناس يرتبون الشنط قبل السفر بسبوع، بحيث يحطون اللي يبونه، وخلاص تتسكر الشنطة.

مب نحن لين آخر لحظه ..

عشان ما تنسى شي، تكتب اللي تباه على السريع في ورقه، وشوف شو بجى لك

كل الأغراض جاهزه بس تبا حد يرتبها .. ^_^

هيازه فيه .. بس اليوم لازم ارص عمري وارتبها .. عشان افتك !

لأنه باجر برتبش ووايد عندي اشيا ..
ابا اغسل موتري وانظفه قبل لا اسير واظربه بطربال ..
ولازم ادفع الفواتير اللي عليه .. تليفون + نت +كهرب+ سالك.. O_0

سبحان الله الشغلات تظهر قبل السفر ... مثل ربيعي قبل ما يسافر قال بتم اسبوع في البيت عسب يخلص أموره

وعقب سافر

هيه والله .. الأشغال ما تخلص إلا وانته راكب الطياره !

...

تسير وترد بـ السلامة مـآيد =)

ولا تنسـآنا بـ الصوغة لول ... "أسولف ويـآكـ" ...

الليل غير
الجو غير
الشعر غير
و الناس غير
صلوا على ذكر النبي صلوا على ذكر النبي

تبونها بالشر شر .. تبونها بالخير خير والا نحكم ها البنات فما تبون ومانبي

جمهور غير .. بو شهاب غير .. فزاع غير و الاب غير صلوا على ذكر النبي صلوا على ذكر النبي

تبونها بالشر شر .. تبونها بالخير خير والا نحكم ها البنات فما تبون ومانبي

وانا ادا حكمت البنات العذر يا الجمع الغفير .

ارتاح من شكل الاسد وا موت في شكل الظبي

الأمسية ماهي بكرسي , طاولة , نجم كبير ولاهي باعجاب بنت فاتنة .. ولا صبي
الامسية .. شعور أشعر به ونا طفل صغير في مشرقي أحس به .. واحس به في مغربي
ومشاعري كني محرك من دبي عند العصر لريس الدولة حفظه الله داخل / أبوظبي /
من شدة النشوة على حد السحب يمكن أطير مع صديقي و حبيبي وبن أمي وبن أبي
و في المرجلة معاي خبرة سيد المجد الخبير محمد بن راشد آل مكتوم فارسنا الأبي
والله .. لو مالي قدم .. وتشلني على المسير على دروب اهل المراجل والله اني لاحبي حبي
لكن حبيبة قلبي اللي ثائرة .. وتستثير مشاعري .. ورغبتي .. وكل جهدي .. وتعبي
ون كانها من بينكم .. قولوا ترى وضعي خطير دخيلكم دخيلكم .. يااهل الغطاوي والعبي .

قدام تسمع صوتي اللي ينبث عبر الاثير ولا تشاهد صورتي على على سما دبي
/ قولوا لها مشاعري في الوقت الاول والاخير الأولة جتها هدو .. والثانية جتها سبي
بنت حريرية قبل ماتلبس انواع الحرير الشطر هذا للذكي أهديه .. ماهو للغبي
ان شفتها يا محمد بن المر
ما دري ويش يصير
كتبت فيها اجمل اللي تكتبه يا صاحبي

ولو شافها ضيدان بن قضعان دندن يا ستير و غنالها من وصف نسناس الشمال اللي تبي

و لو شافها ابن الذيب سل السيف من غمد الجفير
و اعلن حروب العشق في بحر الغرام العربي
و لو شافها الشاعر سعد علوش و ارسله نذير
باحلى قصيدة صوب بن جدلان سعد الاكلبي
و لو شافها حامد ولد زيد بالشعور المستنير
لقى الخناجر الاربعة في قلبي و في منكبي


و لو شافها الشاعر سعيد دري تلقونه كسير
يقرى عليها سورة الكوثر و صلى عالنبي
و لو شافاها الشاعر خلف هدال باحساس الامير
راح السعودية كلها ساعة و راجع الى دبي

ولو شافها احمد
ولو شفتها يا أحمد ...... نسيت الشعر والجمع الغفير
وطلبت ختم الأمسية يابن أمي وبن أبي
حبيبتي اجمل بشر ..
أحلى فرس ..
أطهر عبير ..
وبين الظبا وان صنفوها ظبي
هي .....أحلى ظبي



:m_atmasha: :m_atmasha:

^ وفـزآع " غيـر " .... =)

والواحات غير

^__^ لول ..

صباحكم عسل ...

شو اصبحتوا ؟؟

زين انا الحين دخلت من كمبيوتر ربيعي في الدوام، لأنه عنده نت، وهو في إجازة حاليا

بس انا استأذنت منه، إني ممكن استخدمه مرات .. وقال برايك

بس بطئ واااايد .. في البيت النت عندي احسن بوايد عن الدوام .

شو مخططاتكم .. بالأحد إجازة

انا رتبت الشنطه البارحه .. واليوم باقي الأشغال وان شاء الله على الفجر الطياره .. !

سامحوني اذا قصرت او اذا غلطت على حد .. ^_^


الله يسلمج اختي رمش الغلا ^_^!!

وأخيرا مايهزك ريح رتبت الشنطة، ألقي نظرة أخيرة، اتذكر لو ناسي شي .. :m_9admah:



تسيرون وتردون بالسلامة :a042:

ومسموح .. :m_atmasha: ولا تشل هم :a018:


:m_bye:

وخــّطاب غيـر ، وما يهزك ريح غــير ، والمزوحي غــير ، ورمش الغـلا غيـــر .. لول

---

تروووح وتررد بالسلاامة عزيزي مااايد ، وبنفتقد توااااجدك أخوي ..
والله يحفظك وين ما تكون ..

ومسموووح شيخي ، إنت من الناس الطيبين إلي نشهد لهم بكل خير
والنعم فيك وفي أخلاقك الغالي ...

ههههه خــّطاب

مايهزك ريح طيارتك اللي بتطير 8 الصبح ؟؟؟

بنات اختي طيارتهم الساعه 8 الصبح، بس متوجهين لندن ..

يمكن تشوفهم في المطار

مزن هتان غير

الكل غير والغير غير

مرحبااا شحالكم

اقولكم شووو الصدق الحين اوونه بيخلون دوام المدرسه من 8 لين 3 او بس الجمعه اجازه ...

جمعه مباركه على الكل

وش حالكم ؟؟؟

يالله كيف حر ...

عهد // كيف يعني ، ما فهمت ..

==


وينهم الجماااعة .. الميللللس فاااضي ..

خطاب

الله يسلمك تراا لازم يعوضون الاجازه الي بياخذونها في رمضان ..فسمعت انهم بيخلون الجمعه بس اجازه والسبت دوام وبعد سمعت انه الدوام بيكون من الساعه 8 لين 3 ..فما ادري شووو الخبر الصحيح بالضبط خبلووو في اليهال هههههههه .....

^ السيء بهالقرار إن بنفس البيت يكون عدنا مثلا اثنين يداومون وواحد منهم لا ، او العكس مثلا ،
إلا في حال هالمدارس الخاصه حبو بيمشون ع نفس القرار ، مع ان للحين ماشي عنهم خبر !

نحن اللي عدنـآ مدارس خـآصة وعادي

بيأجزون

اللي سمعناه ان المدارس اللي تتبع المناهج الحكومية كلها بتأجز ..

فـ مدارسهم تتبع المنهج الامريكي والمنهج العادي .. و بيأجزون كلهم =)

^ زين والله ، نحن ما وصلنا خبر !

هو المفروض جي يكون ،
ولا الخبصه اللي بتصير جان ماطبقو كلهم هالقرار ^^"

هيه صح كلام رمش الخاص والحكومي كلهم بيأجزوون .... ^-^

يقولكم 3 يتحملون صيف الامارات
1. الضب
2. البعير
3. مواطن ما عنده بيزات

لو كان بيننا ~ ..

الصراحه موووقف مضحك مريييت فيه البارحه ... شفت وحده لابسه نقاب وعبايه ع الراس واخر شي رنة الموبايل معلايه هيهيهيهيهي... الله المستعان ... !!

واخباااركم ..شوو تسووون .....تعشيتوا ولا بعدكم .... انا كلت اندومي قبل شويه خلالاص احس ان شبعااانه ...(:


في خاطري اتحنى من زمااان ما تحنيت لوووول ...بس مب متفيجه ماعرف ليش مع اني فااضيه ....

مزن ، اليوم وصلني عـ البلاك بيري لول .. =)

------

عهودة ... انا الحمدلله اتعشيت جيكن فيليه ...

انا آخر مرة اتحنيت قبل شهر بـ الضبط ... =)

بالعافييييه رمشووه ...


حمستيني اسير اتحنى + احب ريحته ):

سمعتو عن الكسووف الي بيصير يوم الاربعاء والله اعلم .... بس يقولون ما بيي صوووبنااا ...

بسم الله الرحمن الرحيم
اللهم صل على محمد وال محمد
السلام عليكم ورحمة الله وبركاته

كيف الحال يا اهل الواحات
اشتقت الى دبي والى الواحات
انا خارج الدولة مع العائلة

دعواتك لى


والله الموفق
المفتاح

أنامل قلب
وجهت السؤال لـ مزن فـ ....
:fa41:

ممكن بس أعرف على أي قناة ينعرض و بـ أي يوم و الساعة كم ؟
أقلها نستغل وقتنا بشي مفيد


عهد الوداع و رمش الغلا
يقولكم مزن شهر 4 و 5 و 6و 7 تحنت و الشهر الياي بعد بتحنى
تحنوا تحنوا وناسه أنا خلاص ادمنت الريحه