اهم شي للرجيم
الارادة
خف من الاكل
استمر في الرياضه
بكل سهوله بتلقى وزنك نقص
بس بعدين الصعوبه انك اتخافظ عليه :)
عرض للطباعة
اهم شي للرجيم
الارادة
خف من الاكل
استمر في الرياضه
بكل سهوله بتلقى وزنك نقص
بس بعدين الصعوبه انك اتخافظ عليه :)
عفاريتووو شدي حيلج ماعندنا لعب
قلوب دبي انا امشي من فتره بس يوم اخربط الاكل، مره مثلا وآكل من الوجبات السريعه ، أونه هذا اللي يسوي رياضه ، اقول مايخصه على الاقل ما اقطع المشي
أنا مع كلام من يشجع على الرياضه وتركها من أسباب زيادة الوزن - سمعت عن عيادة هدفها فحص جسم الأنسان من تحاليل وغيرها بحيث يبين للجسم عن الغذاء المؤدي لزيادة الوزن - لي قريب وزنه ما يقارب 80كيلو وكان مهتم كثيراً بتخفيف وزنه مما أضطر لترك كل ما يحتوي على أي أكلات مطبوخه بالزيت وكان فقط مكترث بأكل السلطه والفواكه وللأسف لم ينقص وزنه بالشكل المطلوب ألا أن نقص كيلو واحد فقط - وفي يوم ما أنصدمت بوزنه الناقص كثيراً ما يقارب 65كيلو وقلت في خاطري أكيد سمع كلامي وقام يتريض بس الغريب انه قال لي في عيادة متخصصه تموا فحصه وأخبروه أن هو حاله نادره يعني لو يأكل أي أكل وأي شيء ما بيمتن إلا أذا كل فواكه فهي ألي بتمتن
فهمت من هذا
أن الأنسان له خلايا مختلفه عن غيره يعني أنا لو أشرب حليب ما بمتن وغيري لو يشرب كاس واحد يمكن يمتن
متابع
^ ردك يخوف !.
مع ان اظني كلنا ملاحظين نفس الشي ،
شلون إن يعني مرات نحسنا ناكل بزياده بس نلقانا نضعف ،
ولمن نحسنا المفروض نظعف ، يصير العكس !.
عموما مثل ما قلت الرياضه بالأول والأخير بتنفعنا كلنا ،
نفسيا وجسديا وصحيا وذهنيا :surrender: ..
وووو بالنسبه لأنامل قلب ،
وزني نفس ما اهو ولله الحمد ما تغير ،
مع إني أحسني متنانه كيف مادري !.
بعدني أبي أنزل بس اممم ما عندي هييج الرغبه ، يعني جان بنزل فبالرياضه ،
المفروض اكون اقل عن طولي ابـ 100 + 10 ، وقتها بصير راضيه تماما ..
اونه تماما !"
:fa34:
آنــآ نـقـصـت كيـلويــن
~~
:mf_leia:
وآستـمروا ولا تقطعون المشي أو الرياضه بشكل عام
انا بصراحه قطعت المشي صارلي اسبوعين
:fa48:
بس امس وزنت والحمدالله تفاائلت لول
والاهم انكم ماتخربطون في الأكل
الأهم الواحد يعرف شو ياكل ويعرف شو من الاكلات ألي جسمه ينتفخ منها
لازم الواحد يكون عنده ثقافة بالأكل
ينقل للواحة العلمية مع تثبيته
^_^
ممكن تجيب لنا اسم العياده اللي تطريها أخوي فرفوش
أن شاء الله برساله خاصه^_^اقتباس:
المشاركة الأصلية كتبت بواسطة مزن هتان
ويييه هجرنا الموضوع
كل ما اقول اليوم بسير امشي يردني الحر ولو بتقولون زين إنه الواحد يعرق عسب تظهر السموم من جسمه ( كل يوم افكر في العمال اللي يشتغلون )
حبيت أسأل صدق البلاك كوفي يضعف !
^
انا سامعه جي
بس مادري من صحة المعلومة !
البلاك كوفي الخالي من السكر ومشتقات الحليب أو الأبيض
المزوحي : لا ما يضعف انا سألت
بس ما يأثر إذا ما حطيت عليه حليب او كوفي ميت يعني هالشغلات الإضافية
زين اللي يبا يضعف يدخل هني الحين
والموضوع بمثابة تحدي أو يخليكم تلتزمون بانقاص الكيلوات اللي تبونها !
سمعت معلومه إنه انقاص الوزن مايرتبط بالنادي بالدرجه الاولى ونقلت هالكلام حق واحد ، وقال كلامك صحيح ، وانا مستمتع بالمشي حول الحديقة ،، وقدر ينزل من وزنه
المزوحي:
تدري عندنا في المدرسة المعلمة عندنا كان وزنها 79 والحين 67
اشترت الة المشي وخفت من الاكل اللي يزيد الوزن بالاخص السويت والجبس
وطبعا كل يوم تمشي على الة المشي ساعه او ساعه الا ربع
بدت فيه من شهرين والله لو تشوفها الحين فررررررررررررق ما شالله عليها
مناير الاراده مهمه، ولو نخلي المشي عاده، مب موضه ، زين ماشاء الله عليها
انا و اخويه دباديب شوي
الوالده قالتلنا لو خفيتوا ١٠ كيلو قبل السفر كل واحد له ٥٠٠٠ درهم من عندي
و لو ما ضعفتوا ١٠ كيلو انتوا تعطوني ٥٠٠٠ درهم خخخخخ
والله حركات هالام
ههههههه
تبيني اسلفك هههه
:birgits_giggle:اقتباس:
المشاركة الأصلية كتبت بواسطة ذنـيـنـي
عيــل شـدوا حيـلكم
:a116:
:fa39:
وزني مو طايع يتحرك ثاااابت، مفكره أبتدي رجيم
أون شو مزن انتِ ضعفانه وايد، تحمست و صعدت الميزان
و زعلت من اسبوعين و الوزن مثل ما هو، حتى المرض ما أثر
على وزني كفو عليّه الصراحه =)
بنتحر ان زاد وزني بالفتره اليايه
:fa43:
لكل انسان عنده خليه تحرق الاكل
خليه تحرق الدهون
وخليه تحرق السكريات وخليه تحرق الدهون والسكريات
يعني مرات انحصل شخص ضعيف جدا مع انه ياكل وايد ماشاء الله عليه وياكل كل شيء وما يمتن - هذا لان لديه خليهة حرق الدهون والسكريات
اما المتين فعليه ان يعرف شو من الحرق الي يحرقه عشان يعرف شو الاكل الي يمتنه
والي يتمرن وايد - فالتمرين يحرق كل شيء في الجسم
فيه أحصائية أتقول أن نسبة زيادة الوزن لشعب الإمارات سببها الرئيسي السكريات
أي أن الفواكه والتمور والحلويات والعصائر الطازجه أم الصناعية والحليب والأرز والمعكرونه والخبز والعدس وغيرها من النشويات والبقوليات تؤدي لزيادة الوزن
ورمضان أن شاء الله أتي فنغتنم الفرصة في تحسين الوزن
والبعد عن القيمات ^_* والحلويات
^
صـح كلآمــك
ورمـضـآن احس آلواحد صعبه ينزل وزن ،
كـله معجنـآآت وووخرآبـيط :s
بس الواحد لازم يحآسب على أكله
ويخصص على الاقل نص ساعه للمشى في رمضآن
^^
ليش تمتنون في رمضان :ohboy:؟
أنا ما أحس إنه رمضان يمتن لووول
مع إنه في رمضان يكون لنا بارض نتفنّن بالأكل و نسوي سويتات ما نفكر فيها في الفطر
يعني نحن فطورنا كل يوم لازم فيه هالسوالف
سمبوسة "جبن و لحم و بطاطا و خضرة" + كبة + باكورة + و بف باستري أو فطاير أو سبرينغ رول
يقولك فرفوش أكو ناس فطورهم عادي يقتصر عـ اللقيمات و التانج :a116:
شلون نبتعد عنه ؟!! ما يصير
تصور انه مزن ما تتفطر عند اهل امها لأنهم ما يسون لقيمات
شكلي بسوي لقيمات باجر :blush:
نازله كم كيلو :mf_leia: في شهر و شوي
بس طبعا وقفت اللي كنت أسويه
كنت اروح الجم يوميا ساعه و 45 دقيقه باستثناء اليمعه
و ما كنت أكل عيش الا بالسبت ، كنت أكل أي شيء عادي بس بمقدار بسيط
أشرب ماي و المشروبات الغازيه أصلا مبتعده عنها تقريبا بس لازم سفن اب مره فالاسبوع
ما استغنى عنه، اللي اسويه مش رجيم كثر ما انه احافظ على أكلي مش مهم عندي أضعف
بس خلاص احس بنفجر، آخر شي بطير نفس هاك الارنب اظن اللي بالرسوم المتحركه :a068:
ماكو وقت برمضان حق الرياضه، و خاصه نحن الاناث
الصبح دوام، الظهر اذا الوحده فينا بتريح لين العصر و بعدين دخلت المطبخ
بعد الفطور يدوب نتجهز للصلاه، نرجع البيت الا لمة الحريم لين قريب الـ 11 و بعدها نرقد :ohboy:
مزن هتان :wink:
لا تنفجرين
:fa34:
أنزين عندج الدايت سفن أب لو تشربينه كل يوم ما يمتن
أبتعدي عن العيش نهائي وعن أي شيء مطبوخ بالطحين
وأبتعدي عن الخبز الأسمر والأبيض وبداله خذي خبز الصويا او خبز الهاي بروتشن
أبتعدي عن السكر الأبيض والأسمر وبداله خذي السويتنر بتحصلينه في الصيدلية
ابتعدي عن الفواكه والحلويات
بالمختصر المفيد أبتعدي عن اي شيء يتعلق بالسكريات والبقوليات
وشوفي النتائج كيف بتصير
عندج المسموح به وهو
البيض
اللحم
السمك
الدياي
النقانق
فقط حليب النوق أو حليب لكتوس المراعي بس مره في اليوم
خبز الصويا او خبز هاي بروتيشن بس مره في اليوم
سكر السويتنر للشاي والقهوة
العصائر والغازات الخالية من السكر يعني (الدايت)
مب مشكله اذا تانج او فيمتو بس شرط ما يكون فيه سكر
الخضره من جميع انواعها
وفاكهة الابوكادو
ومن المكسرات مسموح فقط الفستق الحلبي وجميع أنواع الحب فقط
ومن الشوربة مسموح جميع انواع الشوربة كالسي فود والدجاج والسمك او اللحم او الخضرة
اما شوربة العدس وشوربة الشوفان او الحريريه وشوربة بها عيش او معكرونه فغير مسموح
بينقص وزنج بدون رياضه
بس 1غرام سكر يسوي بلاوي في الجسم
يعني لاتقولين مره وحده او شوي ما يأثر
الاحصائيات اتقول سبب زيادة الوزن في الامارات
90% سكريات
ولكن بعد لازم نوازن يعني الجسم محتاج سكر
فثلاث حبات تمر او رطب في اليوم
او بديله نصف موزه كبيره
او يح حجم كبر كف اليد
او 12 حبه عنب
طبعا اختاري واحد من الفواكه وليس كلهم
حـلو كلآمــك يـآ فـرفوش
:mf_leia:
يشجـع آلوآحــد
~
قـصوده
وهآلآشيـآآء ماتـمتـن ؟
من غير الحلويآت وبآقي الأشيـآآء
:fa39:
~
مزون
نفس مآقـآل فرفوش خذي الأشياء الدايت وبتشوفين آلفـرق
:redface:
~
آلوآحـد من يخفف آلأكل خلاص بيتعـود
بيتعود أنه يآكل شـوي وبالقدر اللي المعدة تعودت عليـه ،
بـس سآلفـة آلجسـم يتأقـلم ويتعــود ،
")
فرفووش : كلام جميييل
يا ليت نطبقه
========
دمعة : لا ... عن نفسي ما يأثر فيني في رمضان
تعرفين ؟ .. لاحظت اني يوم اسوي مثل ما قالت مزن (آكل كل شي بس بكميات بسيطة يعني بدون حرمان) أنزل بسررررعــــــة =)
لكن لو وقفت كل شي أحبه أو قمت أخبص ==> في الحالتين أزيد
فرفوش
أحاول ما انفجر، لا تحاتي
كلام جميل و شاكرتلك اضافتك
بس بعقب عليه "هذربان" + وقت مستقطع عن الشغل
1.انا العيش مو مهم عندي، في رمضان ما أكل العيش أبد
2. ماصبر عن الكوكيز أسبوع بدون مبالغه موضوعه شرات السفن، ماحب اني اشرب دايت سفن اب
كأنه مياه غازيه طعمه ماصخ، اترك السفن آب و لا اشرب الدايت
3. المكسرات و الفواكه و الخضره "ما اكل هـ الاشياء"
الخضره أكلها سوتيه "أطري الميمده"، الفواكه بس جيه أحس انه شي مو مهم و المكسرات تسبب لي حساسيه
"عدنا طاوله بالصاله، مستحيل تكون فاضيه.
درابيل، رهش، خنفروش "من كويت" كوكيز + كاكاو "من لندن"، شبس "من البحرين"
بقلاوه و غريبّه "من سوريا" و من غير الكيك اذا بيسون الخدامات و الا معجنات :a116:
أنا ذكرت الاشياء الموجوده عـ الطاوله حاليا
دمعة شوق
ان شاء الله بحاول اخذ بديل الاشياء اللي أحبها دايت
اقتباس:
المشاركة الأصلية كتبت بواسطة دمعة شوق
اقتباس:
المشاركة الأصلية كتبت بواسطة دمعة شوق
دمعة شوق
:fa42:
أختي قصايداقتباس:
المشاركة الأصلية كتبت بواسطة قصايد غلا
ذكرتيني بشخص أعرفه وهو دايم ولازال يخبص بالأكل وياكل كل شيء وما يقدر يستغني عن الاكل
واتبع رياضة الركض نص ساعه كل يوم
جهاز الركض في بيته ومجابل التلفزيون وكل يوم نص ساعه يركض فيه
ونقص وزنه من 110 كيلو إلى 70 كيلو
الرياضه تحرق كل شيء في الجسم وما تعرف سكر ولا دهون
أختي مزن هتاناقتباس:
المشاركة الأصلية كتبت بواسطة مزن هتان
الصراحه هذه الطاولة أرهابية
عدوتج
أحذري منها
،
نسيت أخبرج أن الكورن فلكس والذره بعد من السكريات
مادري ليش ما اقتنع بموضوع دايت ( ببسي او سفن . الخ ) او حتى سويتنر ، عندي اخلي المشروب الساخن بليا شي او احط شويه من الشكر العادي ولا استخدم هالشغلات
ومثل ما قال فرفوش إنه الرياضه تحرق الدهون والاكل .. في ناس تاكل دونت وإلا برجر وفي نفس الوقت تحرق هالاشياء
لالا عند جد يبالنا نمشي
فرفوووش : ماشاااء الله علييييه 40 كيلووو برياضة نص ساعة ، وااايد زييييين
لا عاد أنا مب ما أقدر أستغنى عن الأكل =p
أنا أطري إني بدال لا آكل فاكهة ، آكل قطعة ككاو مع إني مب من محبي الككاو بخبال
أو بدال لا أشرب لي عصير فرش باااارد أقوم أشرب لي كراميل فرابتشينو ينعشني =D
و الأكل مثلا بدال لا آكل شي صحي آكل فاست فود
على فكرة ترى الربع يأثرون واااايد ، أنا من أطلع ويا بنات خالي واااايد أخبص >.<
في بيتنا ما تدخل المشروبات الغازية ، بس يوم أطلع أشربها لأن بنات خالي يقولون لي اشربــي بس اليوم (و أنا نفسي ضعيفة لووول)
سجلت بالجم البارحه =)
هالفتره بروح العصر و في رمضان بعد التراويح مباشره بإذن الله تعالى
زين ماشاء الله، نص الرياضه وتخفيف الوزن في الحركه
لفتتني إضافة مزن هتان
نحن عدنا نفس الطاوله بصالتنا
كل ما تشتهيه العين 24 ساعه
مهما حاولت أحتج لوجودها .... يطنشوني
لدرجة إني عاندت هالفتره وما علمت الشغاله أي نوع من أنواع لسويتات
ناقصين سويتات نحن !!
زدت كيلو =) هذا يوم الاحد
اليوم اظن بترجع تاخذ لي الوزن و من عقبها راح يكون كل اسبوعين
حاليا اروح الجم ساعتين و الى 3 ساعات و الابو معترض ليه يوميا تعب عليج
حلم الطفوله
شلينا كل اللي عـ الطاوله، استعدادا لـ رمضان
مزن كيف استعداد لرمضان، في رمضان بتستوي طاولتين كلها حلويات !
رمضان فرصه إنه الجسم يرتاح من الاكل، ونحن نزيد المعده من الاكل والدسم والحلو
وعلى فكره مب شرط العيش يمتن ...
^
لآتكثرون آكل ف رمضـان
وحاولوا تمشون ولو نص ساعه قبل الاذان او ساعه وانتوا صايمين بعد زين
مهابه للأسف وايد ناس تزيد وزنها في رمضان ، من الدسم والحلو
غيرت وقت الجم صرت اروح قبل الافطار بـ ساعه
زميلتي اللي بدوام تقول ما ينفع اروح قبل، هل هذا صحيح ؟ اللي سمعتوا انو العكس وايد زين
حتى كاهي مهابه تقول انه قبل الافطار أفضل
الرياضية وقت الصيام غير صحية و ممكن تكون خطرة على بعض الناس
الصايم جسمة يعتمد على الطاقة المخزنة فالجسم من اخر وجبة كلها "السحور" عسب يقدر يكمل يومه
فما بالج اذا الواحد اجهد عمره بالرياضة و هو صايم ؟
الرياضية تفقد السوائل فالجسم و بدون السوائل يسبب جفاف و ارهاق للجسم و غير انخفاض السكر فالدم و من الامور الثانية
و في بعض الحالات توفقة القلب من التعب و سرعة دقات القلب
كلام سمعته من دكتور سأل عن نفس الموضوع
^_^