.. يمعتنا يا محلاهـــــــا ..

قاعده أحاول إني أظل واعيه ،
بس صدق صدق صدق دايخه ..

مشكلتي إني أنام الحين ، اطوف عالأغلب صلاة المغرب ،
وفوق هذا ، اسهر إليـ قريب الـ 2 أو 3 الفير ، وأقعد من النوم حدي تعبانه !.

نفس الاسطوانه دائما : بعد خمس دقايق ...!

~

حاولي تمسكين نفسج اليوم و من باجر بيكون عادي
أنا أحلى وقت عندي بعد الغدا البيت هدوءءء يصير اقعد اتلفف
بالصالتين اللي فوق و على هـ الجو أحب اكون بمكان دافيء و مظلم
يعني عشان أحس صج إني خذت قسط من الراحه

الحمدلله رقادي وايد أعتدل =)
من انش 5:30 ما ارقد الا من بعد التسع و ان طولت 11:30

مساء الخير ،،

مسـآء الورد =)

شو مسوين ؟

وشو عندكم فالويكند ؟

مساكم نور

حنا مناح، شلونج رمش و شلون طلابج
نحن من يدخل البرد نسوي عقد مع البر انه كل ويك اند انطب فيه

والله الحمدلله وطلابي عسـل ^_^

حلو انا بيي معاكم البر ..

نحن وايد مشغولين فالبيت هالفترة ماشي وقت انروح البر ..
ان شاء الله اجازة العيد الوطني بنعوض وبنسير ^__^

مرحبا

مرحبتين

يالله باجر عندي اجتماع الساعه 8 مافينا على التأخير الصبح

أونه شوووو خفت الزحمه ، يوم افتتحوا المترو - هــه

أي خفت أي بطيخ، الناس ماخذتنها كشته، واللي يسيرون فيه، نفسهم اللي كانوا يسيرون بالباص ...

والله علل ... اليوم شوووووو زحمه الصبح .. أرف

الله يعيييينك ع زحمة الصبح ...

تصبحون على خيـــر ..

صباااااحو =)

مسا الانوار، شلونج مزن ؟
انجنيت رسمي أنا


ذكرت حلقة يعتمد ماقدر أوصف مدى سعادتي عن موضوع اليوم
"الحنين للوطن" والله حلقة اثلج منها صدري كانت ردود أفعال المتصلين
و أصحاب الرسائل جداً مفرحه
اتصال الشيخه عفرا و الاخ المقيم بس كان يتكلم اماراتي "صيحني"
عبدالله اسماعيل & أيوب يوسف
كل واحد و له اسلوب اللي يجذب فـ ما بالكم ان اجتمعا "ابدعوا والله ابدعوا"

"استحيت أشارك"

^ ولا مره تابعت هالبرنامج ، مادري متى يذيعونه !.

وامبلا آنا مثلج ، مرات أنقهر من عمري جي أكون صدق حاااابه أشارك وعندي كلااااام ،
بس طبعا طاف ما يخصه ، اللهم جان بطرش مسجات ..

ادريبي وايد برتبك من القفطه وبخبص الدنيا ،
ما اتخيل اصلا صوتي يظهر بالاذاعه =$

يذاع من 1 الين 3 من يوم الاحد الى الخميس
ما يتفوت البرنامج عبدالله اسماعيل ألف ما شاء الله عليه
إلقائه، أدائه، أسلوبه يشد الواحد للمتابعه معاه

وانا اقول ليش ما كنت اعرف اصادف البرنامج ،
تراهم بنفس الوقت تقريبا يذيعون برنامج البث المباشر بالشارجه ،
بس بجرب اسمعلهم باجر ..