حـــاير ،، و ودك إتشــاور ؟!

هلا شمعة وين بالضبط في جميرا، لأني مابدل عدل ... بس انعتيني عدل بليز لأني بسير اليوم

مايهزك ريح، اي نوعيه تبى العربيات لووووووول وإلا الماركات (الواطيه ) مثل كفالي وجفنشي وغيرهم ..

^ المزوحي .. اي شي ما عندي مشكله .. واطي ولا عالي

مريت البارحة على روديو درايف ما عندهم شي غير القبليات .. ماشي يديد !

أكيد الموديلات مواسم مابيقدرون إييبون شي يديد !

العاديه شفت ماركة moreschi ؟ و baldinini

والماركات سيري محلات السلام يمكن تحصل، من فتره ماسرت اشوف ...

شمعة امل

ثانكس حبوبة بس بغيت شي اصغر شوي او حتى لو تكون كبيرة بس بسيطه ^^

ممممم مشكلتي ماعرف اشرح

السلام عليكم

عندي سؤال عن الكابجينو :tounge:

عندكم نوع معين تشترونه تنصحوني أني آخذه؟؟

هذا يعيبني بس أبغي أجرب شي يديد

http://www.nestle.ca/NR/rdonlyres/53...app_July07.jpg

^هيه صح.. حد منكم يسوي القهوه التركيه بعد؟؟ p:

المزوحي
اذا انت مجابل The Village بيكون على فيلا على يسارك.. حتى الbanner مالهم باللون البني.. اظني اسمه قصر الحفلات شي جييه!
ولا أقول
اذا انت تسوق على شارع جميرا.. وذا فيلج على يمينك .. كمل جدام شويه.. وبتحصل فلل نفس الشي.. حتى شي منهم يالسين يهدمونهم.. المحل في فله من هالفلل

واذا ماتحصله شي محل ورود في ذا فيلج مال شيكسبير حلوو

وحي القلم انا جربت نفس الشركة لاتيه لون العلبه بنفسجي عيبني

شمعة أمل شكرا الحين فهمت

هيه اتطعمته.. حلو .. بس الكاباجينو عيبني أكثر :tongue:

في كابتشينو كانوا اييبونه عندنا في الدوام كان صدق فنان ..
مره بس حصلته في الجمعيه المشكله مب متذكر اسمه
بس شكله حاطين عليه صورة شاهين .. او صقر .. اذا حصلته بحط صورته لكم !

المزوحي .. moreschi
من زمان مار عليه وما شفت عنده شي عيبني .. بس برد مره ثانيه يمكن ياب شي يديد !

baldinini ما جد دخلته بسير اشوف

مايهزك ريح moreschi ما عنده كوليكشن كبير .. بس شوف ..

-----


وين يبيعون كيك بالقطع غير عن lenotre و French bakery

وكاكاو روعه

ما يهزك ريح

شكرا.. بحاول أحصله :laugh:

.
.

المزوحي

شي محل عنده ككاو لذيذ طعمه.. داخله أسكريم

أظني أسمه شانتيلي ان ما كنت غلطانه :blush:

هو فالبنايه اللى مجابله بيبرمون اللى عدال دوار النوافير << قولي و الله :a052:

أدري أنه شرحي وايد حلو :birgits_giggle:

بس المشكله اني ماعرف شو يسمون هاذيج المنطقه :shutup:

قصدج بر دبي وين دومينو بيتزا .... ؟؟

^ هيه صح >> داش عرض ..

العفو اختي وحي القلم

^الي علضيافه ...

هيه :fa42:

مشكورين جميعا عرفت وين المكان ...

مادري شو ياينّي على الجاكيتاااات :3: كل ما أدخل محل أول شي أدوره هو الجاكيييتـــاااات

:biggrin: واااااااااااااااااااااااي ـــد معجبة فيييه أنا هالجاكيت


http://oasis.bindubai.com/bin/upload...1228049655.jpg

وحدة تبا ساعة بحدود الــ2000 أو 2000 وشي و تكون مدورة :7: ساعدوني لو سمحتوا
قلت لها اصبري بسأل لج ، لأنها لو كانت لي عادي بختار اللي يعيبني لكن لغيري صعبة شوي :k_icon9:

خلها تسير ريفولي عندهم كريستيان برناند ... او تشوف اجنر ...

لازم هي تسير محل الساعات وتشوف في هالحدود واللي خلاص تعيبها تاخذها

^ شكراً المزوحي


====================


أي وحدة أحلى تحسون :k_icon9: ؟


أنا عايبتني اللي فوق أكــــــــــــثــــــــــ ـــــر بس بعدني متردّدة :ohboy:

http://oasis.bindubai.com/bin/upload...1228218945.jpg




http://oasis.bindubai.com/bin/upload...1228219050.jpg

^ انا بعد أشوف اللي فوق أحلى ..~

^the first one

رمش الغلا + تحفة ==> شكراً :fa35:

خلاص بستقر عليها :)

^تتهنين فيها!


ميك اب

http://oasis.bindubai.com/bin/upload...1228347573.png

بغيت اعرف احسن مركز لليزر في جميرا ؟

^كوسموسيرج! ;)

البنات ما يحصلون مواعيد والسبه هل شباب P=

ليش يا تحفه ليش :) ما لنا رب

بس احس الشباب مطيحين عند د. سعاد لطفي

لول بالعكس نعيما بس خلولنا مواعيد ...
والله ماعرف عن د. سعاد لطفي واختها .. محد مدحلي سعاد لطفي يقولون يوم تسوي موعد ادخل اربع حريم وي بعض مره وحده! يمكن يسيرون لانها رخيصه .. سمعت انها تسوي الجسم كله بثلاث تالاف..

تستخدم الاله الجديمه مالت الثلج ..

تسلمين تحفة .. حبيت أول روجين من اليمين + الأحمر :fa41:ماشا الله حلويييييين
بالبركة :a010:

تحفه شو نوع الجهاز، اللي عند كوسموسيرج ؟

قصااايد الغلاااا : تسلميييين .. ارواج شواميرا تعيبني اكثر من ارواج اي ماركه ثانيه 3>

المزوحي : ماعرف شو من الات عندهم بس انا افضل اله ليزر اسمها ايليت حق الويه وهم عندهم هالاله

ماشاء الله على محلات الذهب اللي عندنا، لكن وين بحصل تشكيلة حلوة من أساور الذهب اللي تكون بــ هالطريقه ؟

في محل معين يبيع شغلات حلوه، بس شوفوا الفكره

http://photos.azyya.com/store/up1/080615050024xQWz.jpg

مب شرط فيها احجار،

^ على حسب كل واحد وشويحب ! مرات مثلا يوم ادور في هلمحلات الي ماتخطر على بالك بتصادفك اشيا حلللللوه!


عن نفسي احب المجوهرات الي فيها اشيا غريبه وكل عقد او ساعه وراها قصه او حركه! ف محل Boucheron في امرتس مول و امرتس تاورز يجذب اهتمامي دوم .. وكل اشيائهم تدخل خاطري ولو الود ودي اطلع ونا شاريه المحل كله ..


العيد الي طاف كنت لابسه من عندهم سلسله اسمها "The Naked Women Behind The Curtains" او اسم ثاني علسايت مكتوب نسيته .. ومافي منه الا كمن قطعه فالعالم ...

هاذي هي ...

http://oasis.bindubai.com/bin/upload...1229111034.png

شي بعد بالوان ثانيه بس الستاير الخضرا احلاهم .. فيها حركه حلللوه .. يوم تلف السلسله وتهدها .. الستاير بروحها بتدوور وتنفتح وبعدين تطلع الحرمه .. وايد حلو صح!

ماما تقول انها مستوحينها من قصه من قصص الف ليله وليله .. خاصه ان المصمم اصله لبناني!


بس شوف اقتراحي يمكن يجذب ناس و بنفس الوقت ممكن في ناس ما تتقبله .. بنفس الوقت انا ماقدر انصحك تشتري من هلمحل لان مب كل الناس عندهم هالهوايه او النظره ... بس انا اححححببب هالسوالف عسب جي حبيت اقولك عنه .. لعل وعسى دري يفيد حد!

بس صدق الواحد ينهدي هالهدايا يحس صدق انه انهدى شي اسبشل

شكرا تحفه .. وكنت ادور عن المحلات العاديه، مب ماركه !

طبعا غير عن داماس

لا افا عليك انا موجوده حق هالسوالف بالذات لوووول!

شوف الصايغ عنده اشياء حللللوه بس يبيله واحد فاضي يقعد وينبش لووول...

دورت في محل اسمه الزين؟ عندهم ذهب حلو .. بتحصله في برجمان صوب كافيه دووم و في فستفل ستي صوب ماكروني قرل


اختار شي وي لولو البنات يحبون اللولو

مشكورة اختي تحفه، ما تقصرين .. الزين اعرفه .. قلت أكيد انتوا عندكم ذوق وتعرفون في المحلات ...

Thank you

تحفة سبقتيييييينيي .. المزوحي مالك غير مجوهرات الزين

أحب أشياءهم ، مرة نزلوا حيول رووووووووعــة بالأحجار الكريمة تقريبا نفس الاسوارة اللي حطيتها :k_smile2:

إن شا الله تلقى شي يعيبك =)

هلا قصايد،، تشوفين الصورة اللي حطيتها نبغي شي من هالشغلات بس مب شرط بالاحجار، دمتي :)