.. مـامـات الواحات .. و .. بابات الواحات ..

شوق القلووووب :s

خليتيني اتخيل !!!!!!!!!!!!!!!!!


لاعت جبدي

انا وحده امخبرتني انها كانت اتراقب الشغاله... و هاللي شافته..!

سوري ام صوغه.. لوعت بجبدج.. بس هاللي يستوي..

شووووووووو !!!!

فديتها فطامي والله .. مووول ما بخليها بروحها او عند البشاكير :(

^
آبد آبد لآتخـلون عيـآلكم عند البشـآكير ، محد بيحبهم وبيدآري عليهم شرآتكم آنتووو

حتى لو كـآنت البشـكآره زينه بعد مب هي اللي تعبت عليهم ويـآبتهم ف الاخيره هي مرّبيه لآ آكثر ، دآم انها هي الوحيده وتوها صغيره خليهـآ عندج 24 سـآعه


آنا ختيه للحين مب طـآيعه تييب بشـكآره رغم انه بيـتهـآ عوود وولدهـآ صّيـآآح بس تقول جيه آريح لي ، مـول مانخلي يهـآلنا عند البشـآكير ، آبداً آبداً ، قّبل حتى البامبرز آحنا نغيره لهم ، لكن الحين آنا اعتزلت هالشغله لوول

هم آمانه من الله لآزم نحافظ عليهـآ =)


.


.


نجمه :

جـآن عندكم عزبه فيهـآ نـوق خّبريني
بعطيج طريقه يقـولون آنهـآ تسرع الولآده ، عن تجربه 2 من العـآيله لآنهم عّشرن بـعد ..

صدقتي يا مهابه...

هاليهال نعمه من ربي...امنها عليهم...
صح المراكض وراهم متعب... بس اشحلاتهم.. عسل ع القلب و الله ...

والوحده اذا حطت شغاله.. اتخليها وياهم بس جدامها.. ولا اذا بتطلع اتخلي الصغاريه ويا الشغاله عند حد من الاهل... لانه صرق مالهم امان.. مهما كانوا زينين.. ولو لا سمح الله الياهل صارفيه شي.. هالشغاله اشعرفها كيف تتصرف ..

الله يعينا والله .. و يحفظ عيالنا

ماشاء الله على مامات الواحات

لا والله ماعندنا عزبه

البارحه من الساعه 7 المغرب لين 4 الفير كان فيني ويع .. لكن بااااارد
كل ربع ساعه تقريبا

واليوم مافي شي :(

عيل شكله جرب الموعد... نتريا البشاره ^ـ^

still nothing
:(

نجمه دبي
ان ياج العوق لا تعلمين الا أمج و خواتج
نحن عدنا الحرمه لما ييها العوق ما نخبر حد
اونه اذا وايد عرفوا انه ياها عوق عادي يبرد و يوقف !
"مجرد معتقدات"

من ييج العوق شربي الزعتر، و طلعي امشي حافيه عـ البحر "الرمله"

نجمة دبي شكلها ربت الله يسهل عليها ان شاء الله

^
الله يسمع منج

هي والله ... عسى انها ما اتعبت...

جان زين لو كان عدنا حد اييبلنا اخبارها..

هلاإاإاإا
أنا ييت :)

الحمدلله ربيت يوم السبت العصر
وطلعت بنتي ( فجر )

الله يحفظها ويخليها لنا يارب

كان فيني ويع لكن بارد .. عطوني طلق صناعي
الحمدلله

أشكر كل اللي ساندني و وقف ويايه
وشكرا عالنصائح :)


لي عودة ان شاء الله

الحمدلله عـ السلامه "نجمة دبي"
مبروك ما ياج و تتربى بعزكم

مبرووووووووووووووك.... الله يجعلها من الذريه الصالحه
و ان شاء الله انج ما تعبتي وايد ..؟؟ ..


عسى بس فطوومه ما غارت منها ..؟؟ :d014:

الحمدالله على السلامه يا نجمة دبي
ومبروك ماياج وتتربى في عزكم ان شاءآلله
")

ما شاء الله ، تتربى بعزكم ،
ومبروك ما ياج ، ربي يجعلها من الذريه الصالحه ..

الحمدلله ع سلامتكم اختي ..

الحمدلله على سلامتج أختي و سلامة البيبي ..

ربي يجعلها من مواليد السعـادة ..

مبـروك مايـآج ختيه نجمه ..

الحمدلله ع سلآمتج وسلآمه البيبي


تتربى ف عزج وعز آبوهـآ ..


وحلــووو آسم " فجر " ..

نجمة دبي //

حمدالله ع سلامتج .. تتربى في عزكم

الله يبارك فيكم جميعا :)

تستاهلين السلامه اختي نجمة دبي

السلام عليكم


حبيت اسأل أهل الخبره من المامات ....



في حد منكم جرب حبوب الياسمين ؟؟؟؟ :ohboy:

جنه حد طراني

انا كنت بستخدمهم لكن قالولي انها يمكن تقطع الحليب.. مع انه الدكتوره قالتلي لا اتخافين بس خفت اغامر

هلا ياسمين :d010:

انا سمعت انها تقلل الحليب ومكتوب هالشيء في العلبة ,,, وانها ما تنعطى للمرضع إلا بعد الاستشارة..


للأسف انا لازم اخذها 3 شهور أو شهرين على الاقل ... بس الحين انا في أول شهر وما افكر اكمل ...لأنه وايد مخلتني عصبيه ... ولوعه طووول الوقت ..مثل احساس الوحام بالضبط اتخيلي ...!! قالولي انه بس أول شهر جيه ... بس مب عارفه إذا استمر ويتعدل الوضع في الشهر الياي أو لا ...

السلام عليكم...

ابا أفكار كم في تعليم الاطفال شو الافكار الي تستخدمونها عسب تجذبون اهتمامهم

حواري وايد تغار من اختها ...شخصيتها وايد تغيرت من يبت علايه تاعبتني ومخلتني اصير عصبيه ...مالي خلق عالدراسه...مدلعتنها دلع هالحور ...دخلتها المدرسه عسب تلتهي بس ماشيء فايده.

عليكم السلام و رحمة الله و بركاته

أم عبدالله أختي أم سيف أكتشفت متأخر انه بنتها عهود "7س" تغار من اخوها سيف "4س"
تقول حق أمها انج تحبين سيف أكثر عني و صايره وايد تعامل أخوها بعنف

فـ اقترحنا أنا و خواتي انه تخصص يوم لها و يطلعون يتعشون و الا يتغدون
و طبعا مش بس انه يروحون و ياكلون لا بس، عهود لازم تجهز ورقه قبل يوم الطلعه
و تكتب اي شي تبي تتحجى فيه و امها بالمثل، و ينقاشون
و في هديه لها بـ آخر اليوم و انه تاخذ بعد هديه حق اخوها على ذوقها
الطلعه هاي تكون يوم بالشهر بس

أختي مستغربه تقول لمن اهزب سيف تزعل و ما تخلي أمها اطقه بس هي اطقه عادي ؟!!
الاسبوع اللي فات استغلت صلاة امها و زغدت أخوها =S

شوفي شو اهتمامات بنتج و حاولي تشاركينها

بنت أختي تحب تتسوق و تحب تتعشا برع، تحب يلسة البحر
تحب تبات في بيتنا، عهود كبيره فـ أحس شوي التعامل معاها سهل بيكون و بتتفهم

عساكم عـ القوه يا أمهات اليوم :fa41:
و صباح الامومه

السلام عليكم...

موضوع الغيره انا بعد وايد احاتيه... لانه حمودي بعد مستوي يكفخ اي حد يتقرب من العابه..!!! مع انه ما عدنا يهال في البيت عشان اقول انه اتعلم الضرب منهم !!! بس من اتينا اختيه ما يستحمل حد يلعب في العابه...

والله يستر يوم بتكبر شوشو... شو بيسويبها ..!!
اليهال يبالهم حد يتعامل وياهم بحذر و معرفه عشان ما تطلع نتايج عكسيه

^
تكبرون وتنسّوون ..

وآيد مّنه ، اليهآل يغآرون بشكل مب طبيعي


ختيه آم عبدالله عندهآ سلآمه تغآر من آي شي وكل شي ، مب مجرد آنها تغار حد يقرب من امها ، لآ حتى شنطة امهآ ، نعولها " وانتوا بكرامه " من حد يقرب صوبهم آتصيييح ..

والمشكله تغآر ع آميه بعد، يعني لو كنت حآطه رآسي ع جتف ماما او شي ، عآدي احصل عضّه آو اتير شعري ..


آم عبدالله :

حآولي تخلينها تحب اختها ، يعني مثلاً لو هي تفهم ، قوليلها يالله ساعديني ، هاتي المرضعه ، هآتي شنطتهآ ، ممم خليهآ تشآركج ف الآشيا لي تسويها لآختها الصغيره ولآتحسسيها انج هاملتنها ابداً ..


بالعكس اختها صغيره وللحين ماتفهم ، اعطي الاهتمام لـ حور بالوقت لي تكون علايه راقده آو عند ابوها او شي ..


وكان المفروض انج تمهدين لها موضوع البيبي اليديد ..


وتتربى ف عزج (L )

مزن...والله هالحور الله يحفظها مسوتنها ربيعتي مب ينتي الصالون وياي السناتر وياي الاعراس وياي يعني انا وهي نطلع وايد بروحنا لانه عبادي ما يحب سوالف البنات والشوبنج ....بس اذا عطيتها ويه يزيد الدلع واذا بس انتقدت شيء قالت لي ما تحبيني...

مزن مشكله حور على قولة ابوها مالها هوايات بس اكتشفت اني غلطانه في شيء دوم اشتري لعبادي اخر الالعاب الي تنزل وهي اتحراها ياهل...فعاد عبود عطاها الدي اس ماله شفتهاداستنها في كبيتها لاني قلت لها بوديها لج المحل يحط لج استكيرات عليها فديتها تتريا هاليوم وانا مشغوله بامتحاناتي بس واعدتنها قبل لا نسافر بوفي بوعدي...



هههههه هاي حور حتى مني تغار....فدييييتها والله ربي يحفظها

حبيباتي الامهات...

بغيت اذكركم.. لات تغفلون عن تحصين عيالكم... و اذكروا الله دايما عليهم...

و استغلوا الاوقات اللي اتومونهم فيه بالاستغفار ولا بقرايه القران ...

و الله يعينا و يحفظهم و يصلحهم و يجعلهم من البارين ...

السلام هليكم..

اكثروا المامات... و قلت المشاركات...!!

..

الله يعينا.. الحياه اتلهي بس الواحاد ما وده !

تولهت عالواحات....

والله لهينا...دوام ويهال ...ودراسه...شخباركم :)

الله يعينكم يــا مامات الواحات


انا اقول لهم ام فيرست تـايم ، وضــايعه ف الطوووشه

يقـولون لي صرتي انعزاليه من يبتي البيبي ، احسسس البيبي خذت ٣ارباع وقتي

واحسس اني وايد خوافه ، اذا عطست ولا كحت ولا شي

احيان تنش تصييييح وماروم اسكتها واصيح وياها ، احسس اول تجررربه صعبه شويه

لگن بيتمون هم زينه الحياه الدنيا


الله يحفظهم ويخليييهم يــارب




يدوه يوم اروح لـها تتطنز عليّه وتضحگ ، اونه انتي ياهل ويبتي يـاهل
وتتخبرني انتي تقمطينهـا ؟ اقــول هيييه ، تيلس تتضحگ عليّه >> ماتقصد عييييوزنا لووول

يالله أيــام .. صدق كبرنـا واستوينـا امهـات =)
عندي ( هــند ) وعمرهـا سنه ونـص .. وبيبي في الدرب ^^
يالله كيف الوقت يمشي بسرعه ..
اشتقنالكم ع فكـرة ;)

.. هي والله كبرنا واستوينا امهات والايام اطوف بسرعة ماشالله..عندي حميد فديته الحين 9 شهور ..أسبوع كامل مرض علي فايرس اسهال وترجيع بس الحمدلله النت ما يقصر طلعت طريقة لانه الاسهال عنده كان شي فظيع " عطيته نشا مع الشاي بدون شكر طبعا " والحمدلله ثاني يوم اصبح بخير .. بس طبعا ضعف وايد وايد لانه ما كان يتم شي فمعدته..

مهابه .. ذكرتيني بربيعتي... عيالها كملو شهر.. واتقولي للحين ما جربت اسبحهم بروحي !!!!!!!

ام هنوووووووووده... بالبركه عليج.. ولو متاخره ... و الله يقومج بالسلامه :) لاتقطعينا

ام عبادي... هي والله الدنيا تلاهي... مستويه ما احصل وقت لعمري... ربي يباركلنا فيهم

رموووووشه...فديت عمره حميد.. ما يشوف شر... و الاسهال يتعب الياهل... غالبا ينومونهم عشان يحطولهم مغذي... ولا يعطونهم شراب عشان يعوضون السوائل...

عساه الحين احسن... طمنينا

قرموشه :
تقومين بالسلامه ..

رمش:

فديييييت خطيب بنتي انــا
بيشوتي بعد الاسبوع لي طاف مرضت
زجمه وكحه واحتقان ، مووووول ماتطيع تررررضع ، غير بطنها
بس الحمدالله احين احسسسن


شوق:

انا كملت شهرين وماما لي تسبحها عني ، اخااااااااف ><

انا لو تشرق اخاف ، وهقه اليهال يوم توهم صغار


وكل شي بصوووب ومعاناه السهر فــ الاربعين بــ صوب



الله يحفظهم لنــا يااارب
ويكونون عيالكم هادين مب شرا الليل عندي ، البزا لي فيها مب ف حد ٢

هيييييييه يا مهابه .. ما شفتي حالتي وياهم امس...!! اتخيلي رقدتهم ٩ ع اساس انهم تعباني .. و نشولي ١٢ ... و تموا ليييييييين الساعه ٦ الفجر... كل الحالات النفسيه اطلعت فيني.... اخر شي تميت اصيح... حسيت ماعندي كنترول عليهم ...

الله يباركلي فيهم... و يطرح فيهم البركه...