اللي يبا الآي فون أفضل شي يسويه أنه يتريا
الإعلان عن الآي فون اليديد بيكون في شهر 6 وبينزل في شهر 7 في أمريكا
أظن إن اتصالات بتنزله على شهر 9 أو 10
عرض للطباعة
اللي يبا الآي فون أفضل شي يسويه أنه يتريا
الإعلان عن الآي فون اليديد بيكون في شهر 6 وبينزل في شهر 7 في أمريكا
أظن إن اتصالات بتنزله على شهر 9 أو 10
اووووف... شهر ١٠..! وااايد..!!
..
بس للحين محد قالي.. شو احسن اشغل عليه بطاقه الاتصالات ولا دو...!!!
شوق ،،،
يعتمد من وين بتاخذين التليفون ،،،
باكيج دو أرخص من الاتصالات ،،،
لكن إن خذتيه من السوق فسعره بيكون تقريبا : 3200 درهم ،،،
وإن شغلتي بطاقة اتصالات لازم تشتركين في خدمة الواب 190 درهم شهريا وما يتعدى 2 جي بي ،،،
بالنسبة لي ،،، أفضل الباكيج لأن الحسبة السنوية تطلع أرخص .
دو حاليا ما عندهم التليفون ،،، لازم تحجزينه
شوفي الأنسب :)
مممم...
من الكلام اللي اسمعه انه اشتراك دو احسن... بس بعد ما احب استخدم بطاقتهم... !!
و اتصالات.. يقولون انهم وايد يدخلون في settings....
..
بس اتوقع عادي لو خذت الموبايل من اكسيوم و حطيت فيه اي بطاقه..!!
ما أدري إذا أكسيوم عندهم أو لأ ،،،
بصراحة أكسيوم حطيت عليه إكس ،،، وما قمت أشتري منه شي ،،،
أغلب الألكترونيات آخذها من شرف دي جي ،،، وعندهم iphone unlocked ،،، تقدرين تحطين فيه أي بطاقة هاتفية ،،،
شوفي إذا بتحصلينه من برع (أمريكا) ،،، سعره في الغالب أرخص من الموجود هنه ،،، وشرط يكون unlocked
شو سالفه الـunlocked
unlocked يعني التليفون تقدرين تستخدمين عليه أي بطاقة هاتفية سواء دو أو اتصالات ،،، أو حتى في الدول الثانية ،،،
العادة تليفونات الiphone والبلاك بيري اتيي locked فما تقدرين تستخدمين إلا البطاقة الخاصة من شركة الاتصالات اللي تبيع الجهاز ،،،
شرات ما تقولين حماية الملكية ،،،
فالآي فون المشراي من الاتصالات ما راح يشتغل إلا ببطاقة اتصالات ،،، وأعتقد دو تبيع أجهزة unlocked لأنهم ماعندهم عقد مع شركة آبل
اتمنى يكون الشرح واضح ،،،
هي كنت عارفه هالشي... بس ع بالي تتكلم عن شي ثاني...
المهم.. يعني لو طلبته ع النت بيشتغل فيه العربي عادي ..!!!
لأ ،،، لازم تحملين عليه برنامج اللغة العربية ،،،
جيكت في الأمازون ،،، شفت سعره اشوي مرتفع
http://www.amazon.com/Apple-iPhone-3...9634613&sr=8-1
هذا السعر بدون التاكس والشحن !!!
ما أدري إذا مواقع ثانية تبيعه برخص ،،،
لكن انتبهي ،،، مب تشترين جهاز مضروب وباجر تتوهقين به !!!
عيل اكرملي اخذه من هنيه... !
يعتمد ،،، إذا ما عندج خبرة تشترين من برع فأبرك لج من هنه ،،،
بالنسبة لي صارت لي تقريبا 7 سنوات أطلب من برع ،،، فماعندي أي مشكلة ،،،
شوفي هاي الوصلة :
http://cgi.ebay.co.uk/Unlocked-Apple...item45f1c2b863
تسلم و ما قصرت... تعبتك وياي.. :)
نحن في الخدمة ،،،
هيه وردة روز دوم بالخدمه وما بيقصر ويانا
شو خانتهم عيال الواحات إذا ما ساعدونا :)
كل شي بحسابه :)
شواقه ... الله يعين على مذلة بعض الناس بس !!!
وحده بوحده :)
صرنا متعادلين
هههه
والله إنك ما تنسى حقك يا وردةروز !!!
بس ها حساب شوق مب احسابي
يعني لا زلنا 1-0
شوق ما عليها حساب ،،،
الحساب عليج إذا تبين أي خدمة :)
ألسلام عليكم
يا مرحبا الساع بشوق القلوب والحضور ..
ماشاء الله الردود وايد وما لحقت اقراهن كلهن..
انا استخدم الاثنين بلاك بيري والاي فون ..
الصراحه البلاك بيري بالنسبه لي وايد مهم و ذلك عشان الايميلات وخاصه وانا امسافر يفيدني وايد ..
اما الاي فون الصراحه ما عليه كلااااام جهاز فيه تقنيات حلوه وبرامج غاويه وحتى فيه الايميلات والشغلات ..
افضل اتصفح الانترنت والفيس بوك من الايفون ..
توكلي على الله وخذيه من شركة دو ،، وقولي لهم انه عدنج بطاقه دو فمايحتاي تشترين بطاقه يديده وانما هم بيفعلون لج البطاقه اللي عندج مال دوو وبنفس الرقم وبالخدمه المجانيه لمده سنه اعتقد 1 جي بي
اللون الابيض وايد احلى ..
قبل لو لحقتي على الدفعات الاولى من الاي فون 3 جي اس بيكون احسن لانه بتقدرين اتنزلين برنامج جيل بريك واللي يسهل تنزيل البرامج مجانا ..
بس ما عليه وحتى لو اشتريتي البرامج تراها مب غايه ..
اليوم قالولي عن فرع دو عندهم كمن اي فون محد خذاهن
فرع مطار الشارجه, اليوم العصر باذن الله بسير اجيك عندهم و لو حصلته باخذه على طول
ذنيني :
مساك الله بالخير ..
ان ما حصلت في الفرع اللي تطريه ..
مر على فرع مركز جميرا ،، بتحصل عندهم ..
انا كنت الضحى ساير ادفع الفاتوره ولقيت عندهم كميه ..
مرحبا
قلوب دبي انا حصلت لون ابيض وماخذته ، شكلي آخر شي باخذ بس الآي بد تش مب الآي فون ، ترى يشتغل عليه النت ولو إنه مافيه كاميرا !
السلام عليكم..
تسلم يا قلوووووووب على هالمعلومات .. شجعتني..
بس ما احب استخدم بطاقه دو...! ولو انه نفس الرقم...
يعني جي بضطر اخليه تلفوني الثاني.. مب الاساسي..
انا مثلج شوق، رقمي مال دو مغلق ، وكنت ابغي جهاز ثاني ( يديد ) حقه ، ولو إني ما استخدمه
اللي في البيت عندي ككلهم محولين آي فون .. وانا خارج منطقه التغطيه !!!!!!!
بس يوم استخدمته ويا الرضيعه عيبني .. هيه مشتركه ويا دو .. وانا عندي بطاقه اتصالات ..
يوم سألت عنه في اتصالات قالوا لي البارحه انه مخلص عندهم .. بمر الأسبوع الياي لأنه بيييبون منه واقدر آخذه بدون البطاقه من عندهم .. لأني اصلا عندي بطاقه !!
جيه بنكون في البيت 2 اتصالات وواحد دو .. وبنشوف الفرق في الفواتير ^_^!!
مايهزك ريح ، الرضيعه خذته من اتصالات ، كانوا مسوين اوفر حق الموظفين وهي وصت ربيعتها تاخذه من عندهم
اتصالات, للنصب دلالات
الحمدلله من حولت الى دو,,
نزلت الفاتوره من ٧٠٠-٩٠٠ الى مبلغ ما يتجاوز ٢٠٠ درهم شهريا !!!
خذته البارحه و مستانس عليه بصراحه, كل شوي ادش انزل برنامج يديد
خذته منه دو و بيعطوني ٢ جيجا مجانا كل شهر لمدة سنه كامله
طبعا من قبل انا عندي باقة الاشتراك المميز البرونزية
مع تحيات ناصر يكره اتصالات
^
ناصر انا اصلا فاتورة تليفون ما تتعدى الـ 200 يا ترى اذا حولت لدو كم بتوصل << ابا اقهرك خخخخخخخخخ
بخصوص الآي فون قريت شي عنه وهو Jailbreak أظن تقدر تنزل عليه برامج ، بس بما إنه الموضوع بخصوص الآي فون بنتكلم عن وايد أمور تتعلق به
http://itunes.apple.com/us/app/imdb-...342792525?mt=8
IMDb برنامج لموقع الأفلام العالمي
IMDb هي أختصار لكلمه Internet Movie Database ، طبعا الموقع شهير جدا ومعروف حول العالم لمتابعي الأفلام والمسلسلات.
الموقع أصدر له برنامج خاص له على الآيفون ، البرنامج مميز جدا في سهولة التعامل معه ، والأميز من ذلك البرنامج مجاني وموجود على متجر البرامج.
فالبرنامج المميز يختصر الكثير من الوقت للوصول إلى أحدث الأفلام عبر الـ BoxOffice .
بعض الصور للبرنامج :
http://www.apple-wd.com/wp-content/u...320x480-75.jpg
اقتباس:
اتصالات, للنصب دلالات
الحمدلله من حولت الى دو,,
نزلت الفاتوره من ٧٠٠-٩٠٠ الى مبلغ ما يتجاوز ٢٠٠ درهم شهريا !!!
خذته البارحه و مستانس عليه بصراحه, كل شوي ادش انزل برنامج يديد
خذته منه دو و بيعطوني ٢ جيجا مجانا كل شهر لمدة سنه كامله
طبعا من قبل انا عندي باقة الاشتراك المميز البرونزية
مع تحيات ناصر يكره اتصالات
خيييييبه حتى انا اكره اتصالات!
من اتصالات اونه العرض السخيف مالهم ، ست شهور مجانا وكل شهر 250 ميجابايت !!!!!
احس بالمقصة :/ مع اني حتى الـ250 ما اخلصهن بس قهر !!!
http://oasis.bindubai.com/bin/upload...1253720525.gif
الآيفــون استخدامــه غيــــر ،، البـرامــج هي الي اتميــزه :thumbup1:
:
وبخصوص الجيلبريكـ عن طريقـه اتنزلون كل البرامج اللي تبونهـا وفري وفوق هذا فـيه مميزات هب موجوده فـ الابل
مادري ليش ابل جيه يسوون ! :surrender:
شرات الثيمـات سواء فـ خلفية الفون كامله مع الآيكونز أو ثيمات المسجـات وإضافات ثانيـه
بس القهر حالياً الدفعـه اليديده البوت روم مالها ماينفلعه الجيلبريك وحتى لو سويتوا له جيلبريك كل مايفضي الفون
لازم اتردون تشبكونه بالآيتونز واتعيدون خطوات الجيلبريك ولا بيتم امعلق ع علامة اليو اس بي
الحل الوحيد حق هـ الفئه واللي يبون الجيلبريك انهم يحاولون قد مايقدرون الفون مايوصل للمرحله اللي يفضي فيها يعني ستاند باي دوم ! :fa45:
وفي حل ثاني للي يبون الجيلبريك انكم اتدورون فونات من الدفعه الجديمه اللي يستويلها جيلبريك
وبتعرفونهم من السيريال نمبر مالهم رابع وخامس رقم لازم يكونون تحت الـ 41 وفوق هالرقم يعتبرون من الدفعه اليديده:
وبعد في مشكلة ثانيه ضد الجيلبريك وأنا اتوهقت فيها بالغلط الأبديت اليديد وبالذات لـ 3gs اللي هو 3.1.3 لين الحينه ما اعتمدوله جيلبريك !
غميضه الثيمات والبرامج اللي مابحصلها فـ الاب ستور ! :fa36:
:
وبخصوص الإتصالات والنصب مالهم لين الحينه ما اتعديت اللمت وأوريدي أنا ماجربت آخذه من عندهم
خذته من برع قبل لا ينزل عندهم :yes:
وللي مايبون يشتركون ف النت وطبعاً هذا اذا ماكان فيه اشتراك مجاني لفتره معينه
لازم ينزلون برنامج يسوي lock للنت إنه مايسمح للفون بأنه يشبك ع النت ولا بينشفط الرصيد أو الفاتوره تنقع
وهالشي مايشمل الوايرلس بيكون عادي شغال ،، أعرف ناس كرهوا الآيفون من هالشي ماينلامون ماكانوا يعرفون :fa52:
http://oasis.bindubai.com/bin/upload...1253720525.gif
يحتاي يا طير الغرام ، نسأل ونجاوب هنيه وعقب ناخذ الآي فون ، يعني على الجيل الخامس لوووول
في وايد شغلات نجهلها ...
^
لازم تقتنــع بـه قبل لا تاخـذه ،، هـب لنه شخـص مدحلكـ اياه بيعيبكـ !
أكيد طير الغرام ، ماتشوفيني للحين ماخذته ^_^
بدأت أبل بالإستعداد لصدور الآيباد حيث صدر بالأمس تحديثين مهمين للنظام ، أول تحديث يختص بالبرنامج الأهم iTunes الذي تم تحديثه إلى الإصدارة 9.1 و التي ستجهز لدعم الآيباد.
تويتر أجمل مع برنامج Clique
برنامج Clique واحد من أروع برامج تويتر على الآيفون من حيث التصميم أحببته من الوهله الاولى لتصميمه الرائعاضف الى ذلك سهولته وسرعته.
لكن مع الاسف الشديد لايدعم اللغة العربية فالحروف تظهر متداخلة وقد راسلت الشركة لحل المشكلة.
هذا حساب الشركة على تويتر لمن أراد مراسلتهم.
حصلت آي فون 16 جي بي وسعره 2999 حجزته لكن هو آي فون انلوك .. ربيعي قال لا لا تاخذه ماينفع انلوك !
إما آخذه من اتصالات أو دو
أخوي حتى اللي في دو آن لوك ،،،
عيبه الوحيد إنك ما تقدر تشبك بالآي تيون ،،، ولازم تشترك بخدمة الواب عشان الإنترنت ،،، وبصراحة غالية اشوي ،،،
أما الأبليكيشن فمتوفرة في كل مكان ،،،