شو يبون الحريم وشو يبون الرياييل ؟

^
وآن شاء الله ما اجرب =p

مهابه إن شاء الله تكونين سعيده في حياتج ، بس في من الحريم تسوي اللي تقولين عليه ( يمكن نادر )

الزوج والزوجه يبون الحب والتفاهم والاحترام بينهم

الحرمه تبأ الأمان والأستقرار والريّال يبأ التقدير والصبر وكلاهما يبون الصدق والأخلاص والثقه بينهم

الحرمه بكلمه حلوه ترضى عنك والريال بأقناعه تحصل ما تريده هي

مهـــــــــابة ..

الطـاعة في الزواج مطلوبـة أختي .. و تعتبر من حسن التبعل للزوج .. ومافيهـا شي لو كانت الحرمة من النوع اللي تسمع الكلام "باقتنـاع" و تردد كلمـات مثل " ان شااء الله " و حاضر " ..

العيب لما تكون شخصية هالحرمة ممسوحـة بالكـامل و تستوي روبوت تتريا الريـال يقولها شو تسوي و شو تقــول .. هالنوع من الحريم ماعتقـد عندها القدرة انها تربي بنــات بشخصيات قوية ويعتمدون على اعمـارهن في زمنــا .. مب حلوة شخصية الحرمة المكسووورة المذلولـة .. حتى بينها و بين نفسها ما أعتقد انها رااضية عن نفسهـا وحياتهـا ..

بس هالنوعية من الحريم موجودات ووصلن هالمرحلة لأنهن يبون يعيشن و السـلام .. بدون عـوار راس و الخلافات اللي ممكن تستوي ويا الريــال في حالـة "حـاولت " تعارضه بشي ..

بس الذكية تفهم من البداية شو مفتـاح ريلهـا .. في رياييل تتأثر بالدموع .. و في رياييل ما ايبيها الا الكلام الحلو .. و في رياييل فعلا تحب الطاعة ..

وعمومــا .. أتفق مع اخويه فرفــوش .. الحياة تفاهـــم والاحتـرام ..

طفلة //

صح كلامك فرفوش ، بس اعرف واحد ويمكن في غيره نفس الشي

مايسوي سالفه للزوجه، من البادايه مرونها العين الحمره، عشان تخاف منه، بس الواحد يكون وسط ، صح في بعض الزوجات ماينعطن ويه ..

لكن حرام بعد، ماسوت شي ماتقدر تنطق ...

طفلة من هذا الزمان ، إذا في يوم تحس الزوجه إنها رافضه شي معين، مافيها شي لو قالت : لا

مافي شي يكون بضرابه ، بس على أساس إنها تكون مطيعه ( وشخصيتها مناك ضعيفه ) أحس الزوج بيمل منها !

اقتباس:

---

المشاركة الأصلية كتبت بواسطة المزوحي

صح في بعض الزوجات ماينعطن ويه ..

...

---

حشى ليش؟ والله قمت أخاف من الزواج بهالسوالف - بلاهن :crazy:

هو أول خله يحصل ويه من حرمته اول بادي :tongue:

اقتباس:

---

المشاركة الأصلية كتبت بواسطة المزوحي

عشان تخاف منه،

---

من صجه :wow: !.
ولا لازم أقول : من صجها :glare: !...

فرفوش .. مرات تلقى الزوج يعامل زوجته احسن معامله، بس هي تتمادى بتصرفاتها اللي مايحبها ...

أنامل قلب .. من صجه .. لأنه في قرارة نفسه يحس إنها بتتمرد ...

وطبعا كل واحد وتفكيره، وفي رياييل يسمعون من ربعهم فيطبقون هذا الشي على اهل بيتهم ( مع إنه مايخصه )

وفي حريم يسمعن سوالف ربيعاتهن فيطبقن هذا الشي على الريل ( ومايستوي المقارنه )

لنفرض إنه زوجه عاملت زوجها بمقياس معين ، بس هذا الشي ممكن يمشي مع زوجها

سارت الثانيه تبغي تقلد ربيعتها، لكن انجلب كل شي على راسها !

بتتمرد !.
ليش أهو شو ماخذ :glare: !!!"



هذول أخوي ما يقومون بيت ،
بالنسبه لي اعتبر الريال ما وصل للنضج المطلوب عشان يتزوج من أساسه ،
والمرا ما عندها سالفه !.

جدا جدا جدا مهم الأساس اللي يقوم عليه البيت ، ولا شو فايدة تأسيسه ،
البعض للأسف يخلط بين مفهوم الاحترام والموده ، وبين مفهوم الخوف وطلب تأديه الواجب لا أكثر !.

~

مثل ما قلت ، الواحد المفروض يعرف شلون يقتفي الخير مما يسمع ،
أكان المسموع ايجابي ولا سلبي ،
يظل حكم التصرف صادر من الشخص نفسه ، وبكل ذلك بتلقى الخير ..

فعلا أنامل في حريم للأسف يتمردن .. وتردين تقولين مهم الاساس اللي يقوم عليه البيت

كل واحد لازم يعرف حقوق الثاني وواجباته والطرفين بيرتاحون

إذا المرا ممكن يصدر منها أخطاء ، فالرجل كذلك لا يستثنى هنا ،
واهني المشكله ، كلن يشوف الثاني على إنه مخطئ أو قد يخطئ ،
من غير لا يفكر بأني كذلك قد أكون مخطئ ، و كثيرا !.

مب مهم هم شو يبون ، ساروا ولا ردوا ترا الرياح تجري بما لا تشتهي السفن!

أهم شي يكونوا واعيين بأصول الاحترام والتقديـر، ويكون عندهم استعداد وجاهزية لمواجهة المشكلات أو خل نقول : الاختلافات في الآراء،
وبعد يكون عندهم صبـر وحلم وتأني، فـ "ليس الشديد بالصرعة ،إنما الشديد الذي يملك نفسه عند الغضب" .....


وحياة زوجيية أتمناها للجميع خخخ