الصيف قرب و السفر حان طاريه

عندي هذا .. جديم ....بس وايد زين .. ^_^

Garmin Quest 2
http://www.shoptheoutdoors.com/image...in-quest-2.jpg


بس أي واحد .. اللي ماخذنه ..وبكم !

للأسف، بس بنسـير لندن ..
على قولة ربيعتي.. بنعفن ويا بعض هنـاك >_<

بنسافر بعد 3 أسابيع تقريبا
وايـد قريب سفررنا هـ المررره لول

بنسير تايلند كـ العاده .. مقطوع سرنا هنـاك ههه xD

شمعة أمل : ان شاء الله ألتقي وياج .. بس ماعرف لو بيخلون لندن اول السفر والا آخر شي XD

مب مشكله.. لاني بتم فيها لـ شهر =s

بزيد على خطتنا *سويسرا* بس مب ويا اهلي ..

لانه شي سفره حق 5 بنات من الكليه حق وورك شوب في basel - سويسرا
بيردون علينا الاسبوع الياي اذا اوكي والا ! يعني للحين مب متأكددددددددده

ولو سرت وطولنا بسافر من هناك عقب ما نخلص حق قوم امي 3> في ميلانو .. وعقب بنسير برشلونه ولندن
واذا ما طولنا ويا الكليه .. برد لبلاد وبسافر ويا اهلي

تعرفون مشاورات السفر مره بنسير هالبلد ومره يغيرون على مكان ثاني، ومره يقولون ما بنسافر ومره .....

هممم بس آخر شي استقروا على لــندن، هذا إذا مافي تغييير .. تبون الصدق صح عمري ما زرتها، لكن مادري

ليش احس بها كئيبه ....... وييييييييه وين شمعة أمل عن تعضني ...

لندن كئيبه يوم ماعندك حد هناك وماتعرف وين تسيـر ويوم وايد وايد يطيح مطر
بس يوم تعرف وين تسير وعندك حد هناك صدق تستاااااااانسسسسسسسسسسس

كان المفروض اسير لندن ورا باجر بس تأجللللللل :( كله من الصيفييييييي!! جدّموو كلاساتييي باسبوعييييين ;_; احتاج اسافر اففففف.. على حظي جيّكت الموقع اليوم .. لو ماجيكته جاان سرت لندن وطّوفت الصيفي

هممم، يقولج احلى شي في السفر الرفقه، يعني مب حلو تسيرون عايله وحده، اما تسيرون ضربه او تلتقون

هناك، مع إنه في ناس موتهم يسافرون مع حد، يحبون يسوون كل شي روحهم ..

المزوحي
السفر ويا العوايل احسبه مب شي
و اككككثر شي تستوي من عقبه مشاكل،، يا انه الصغارية متفاتنين
ولا مشاكل من بين الحريم
ولا انه الله يبتليك بناس بخلا و تتلعوز وياهم
أو انك تسير ويا ناس هم من بينهم اصلا مب متفاهمين !! يعني مثل هاييل كيف بتتفاهم وياهم لول

و في حالتنا في اخر سفرة كنا تقريبا25 شخص
بدون مبالغة يالمزوحي اني اذا كنت جاهز للطلعه على الساعه 9،، يخلونا نطلع الساعة 11،،، ليييش؟
لأنك لازم تتريا فلان الي يوعونه و ما نش
و نحن كلنا راكبين في السيارة و فلانه تغسل ولدها
و نحن بعدنا نتريا و فلان قرر انه يستغل وقت الانتظار و يسير يشتريله فانتا من السوبرماركت و خلال وقت الانتظار تكون فلانه و ولدها رجعوا،، عشان يستعيلون الولد الي في السوبرماركت لازم اخوه يسير يزقره
و نتفاجأ انه هاك رد و هذا ساير يدوره و ما تلاقوا

كل يوووم هالفلم مع اختلاف الابطال و اختلاف المواقف لول


=======================


اخيرا حجزنا و استلمنا التذاكر
كنا حاجزين على اللوفتانزا و خذنا التذكره بسعر حلو لكن كانوا حاطيلنا شرط خلانا نكنسل،، لو ما سافرنا ما بيرجعون لنا فلس واحد من قيمة التذكرة،، لهالسبب غيرنا الطياره الى الاتحاد و الحمدلله حصلنا سعر زين


========================


انزين عندي سؤال للياه او اي حد ساير ميلانو..

ناوين نمر على ميلانو و ما اعرف حد سار ميلانو من قبل ..؟
شو الاماكن الانترستينق هناك،، علعموم نحن بنتم فيها ليلة وحده،، يعني نبغي الاماكن المهمه بس

ذنــيني .. في حد يقولك حلو تسافر مع مجموعة مب غاوي يوم تسير روحك ...

انا يوم اسافر ما احب التأخير، أحب استقل الوقت !!

ماحب الشخص اللي يعقد الأمور، ويتنرفز على كل شي، ما يمشي !

ربيعي حاجز تذاكر على أساس يسافر 1/7 والحينه يوم غير رايه وخلاهن 5/7 الاسعار تغيرت واضطر يدفع الفرق

لانه موسم الغلا من تاريخ 5/7 إلى 15/8 تقريبا

خذ فكره عن ميلانو

http://travel.maktoob.com/vb/travel165541/

اقولك .. ناصر ميلانو ..
كل شي يبند فيها من 15- 7 لين 15-8 ..
واتأكد من السفاره .. لأني انا كنت بسير اسبوع وقالوا لي انها تبند في هالوقت ^_^

المزوحي الموقع رهييييييب بصراحه
شكلي بيلس فيه يلسة محترمه لول

هاااه !!

كيف يعني كل شي يبند فيها
غيـّر بدّل يا ريال قول كلام غير هذا

شو هااا الايطاليين مصخرتهم ثجيلة لول

كلام مايهزك ريح صح، انا قريت عن هالشي ... اول بادي عندهم موسم تنزيلات ومن عقبها يبندون

هذا اللي قالولي اياه عشان جيه قلت اذا بسير يمكن اسير في العيد او شهر واحد .. ^_^

يقولك لأنه الجو حار .. اهل البلاد ياخذون اجازه في هالشهر ويطلعون برا .. مثلنا .. بس هم كل المحلات اتبند عشان جيه الفنادق اتكون رخيصه في هالوقت لأنه محد في المدينه اصلا !
لازم اذا بتسير ايكون عقب 15 - 8 او قبل 15 -7 .. >_<

توه كنت يالس اقرا عن المدينة

الفتره بين 15-7 و 15-8 تعتبر اجازة الايطاليين

بس مب كللللل شي يبند،، الاسواق الرئيسية اتم مفتوحه
و غير جي

اصلا ميلانو بالنسبه لنا تعتبر محطة استراحه بنبات فيها ليلة وحده بس

^
المحلات في ميلانو تبند لـشهر في الصيـف بس ماعرف متى بالضبط.. ف اتوقع هو نفس التاريخ الى مايهزك ريح حطاه..
وميلانو مافيها شي انترستينغ غير السوق.. شي منطقه وحده كلها محلات وفي النص شي كنـيسه ومن هناك تأكل الحمام .. وشي مكان حلوو كله في كافييهات ومحلات بس ماعرف شو اسمه بس هو في هالسكوييــر

يعني in general سوق وأكل ورقاد

انا باخذ اسبوعين إجازة ( بالنسبة لألمانيا - بنسير ميونيخ - يمكن نأجر سيارة ونسير المناطق المجاورة )

عندكم نصايح ؟؟

احجز عن طريق بن عمير للسفريات .. اسعارهم اوكيه لميونخ ^_^

مايهزك ريح، نحن مفكرين ناخذ شقق فندقية ...

هلا والله

بعد اسبوع ان شاء الله بسافر ماليزيا >> شهر العسل ^.^

بخصوص تغيير العمله

شي 3 طرق .. وانتوا خبروني اي طريقه هي الاحسن

1- هل احول العمله الاماراتيه الي الماليزيه داخل الدوله؟
2- هل احول العمله الاماراتيه الى الدولار داخل الدوله , وفي ماليزيا احول الدولار الى العمله الماليزيه؟
3- هل احول العمله الاماراتيه الى الماليزيه في ماليزيا؟

شو رايكم؟ ^_^

السلام عليكم..

نجمه دبي.. اول شي مبروووووك..^_^

ممم.. في رايي لا اتشلون وياكم كاش وايد.. لانه الحين عادي بطايق البنوك تقدرين تسحبين منها في اي ATM في العالم.. صح ما اعرف اذا تخسرين وايد من هالسالفه.. بس لانه سبحان الله .. الواحد يزيغ يشل وياه مبالغ كبيره..خصه اذا استوت سرقه.. او نسيتي البوك او يضيع..

الله يبارك فيج الغاليه

وعقبالج ( اذا ما كنتي معرسه ^_^ )

انا قريت في احد المنتديات ..

ان لو حولنا بالدولار وعقب سرنا هناك وصرفناهم بيطلع اكثر خخخخخ

ويقولون ان الدرهم = 1 رنقت ماليزي

يعني مافي فرق

عسب جي قالوا حولوا الى الدولار

وبخصوص الـ atm

يمكن على كل سحب ياخذون نسبه .. ومادري كم النسبه هناك

!!

الشقق الفندقيه احسن للعوائل..
وانا هالسنه جيه مسوي حق سويسرا ماخذ شقه فندقيه ..
لأنه نحنا تقريبا 8 اشخاص هالمره ..
فناقسمنا على شقتين .. وحده غرفتين وصالة ووحده استوديو !

ماشاء الله احس وايد ناس بيسافروون السنة .... حتى كذا عايلة ماتشد ساروا اوروبا وبيسيرون ومنهم ماسافروا

بالمره وبيسيرون كذلك شرق اسيا ... همم حلو ^_^

ما يهزك ريح
لول ياخي كل شي تقوله ينطبق على شخص اعرفه لوول

بس الفرق انه هاك اسمه غير لول
يا خوفي تطلع هو بس مغير اسمك p=

هالسنه الاهل ماخذين 10 ستوديوهات في سويسرا
و حصلوهن عقب ضراااااااابه، لأنه يقولك ناقع البكس على السكن في سويسرا و هم "ما شاء الله عليهم" مب شوي، 30 شخص سايرين ( اربع عوايل ) و الحمدلله اني مب وياهم لول


مايد ناوي تاجر سيارة هناك, ولا بتعتمدون على القطارات ؟

اليوم حجزنا سيارة و الدفع بيكون في وقت التسليم،، حجزنا سيات ليون "أو ما شابه"
طلعت علينا بـ 5600 درهم تقريبا لمدة 24 يوم،،

ذنــيني وايدين ( ماشاء الله ) اللي بيسافرون سويسرا - ألمانيا - ايطاليا - فرنسا هالدول الاوربية بالذات

نحن يوم سرنا سويسرا أجرنا موتر من عندهم وسلمنا الموتر في فرنسا ...

أكيد تأجير الموتر أوفر عن التاكسي،،، بس ماتحس 5600 وايد وإلا زين بالنسبة لــ 24 يوم ؟؟

وبالمرة كنت ابغي استفسر عن جنوب افريقيا ( جوهانسبيرغ ) حد زار هالبلاد ؟

ناصر .. ليكون بعد عنده نفس موتري .. خخخخخخخ

عيل انا حصلت الشقتين بسهوله يمكن عشان نحنا عددنا اقل .. وبعد مكانهن جريب على البانهوف

.. انا السنه ناوي ااجر موتر .. حصلت فولكس واجن توران 7 ركاب ..بـ 6500 تقريبا وبستلمها من المطار .. والمدة 3 اسابيع ..

وبعد خذت GPS يديد فيه خارطة اوروبا وامريكا .. Nuvi 770 ..حق الرحله لأنه اللي عندي اخترب >_<

من يعرف سعر التذكرة من دبي - باريس على البزنس ؟؟؟
ومن دبي - زيوريخ على البزنس

على حسـب أي طيـاره
يعني الأمارات رفعو أسعارهم وايد.. سمعت انه تذكرت درجه سياحيـه في الامارات تيبلك تذكرة بزنس في الاتحاد

شمعة أمل بالتقريب يعني ..

أقصد هل توصل 14 ألف

زين والشي الثاني بالنسبة لويزة لندن صدق يسون بصمة العين في بوظبي وإلا الاجراءات ممكن نخلصها في مركز

برجمان ؟؟؟

توني جيّكت على موقعهم.. بزنس من دبي لين مطار هيثرو في لندن 18770 درهم.. واتوقع لازم تزيّد عليه ألف وشي حق التاكسس مال مطار

وماعرف شي عن الويزه.. لكن سالفة بصمة العيـن.. أول مره اسمع عنهاا :s أنا أعرف انه حق أمريكا لازم كل هالاشيـاء بس لندن ماظن

مشكورة شمعة أمل .. يعني الاسعار فعلا ارتفعت ومع هذا الكل يسافر ...

تقدرون تاخذون طيارات ثانيـه.. لانه حاليا الامارات أغلى شي.. بس في نفس الوقت.. هم أحسن شي من ناحية السرفسس

المخطط لدول اوربا مرور بدول شرق آسيا .. تصدقون ولا بلاد من هاييل بنسير

خططنا فشلت .. ظروف صارت والحينه استقرينا على دول عربية .. يالله أحس مب شي ..

وويمكن البلاد تكون حاره ...

حد سافر لبنان أو سوريا يخبرنا

فعلا ً الاسعار زادت وزادت وايد بعد! احيد ابويه قال ان التذكرة الوحده حق لندن كانت بـ 21 ألف قبل فتره .. توه اجيك الموقع اشوفها وصلت 25 ألف وشي والبزنس 18 .. وعادي تزيد

المزوحي : لا تسير لبنان سمعت ان بتيهم مادري يتهم هزات ارضيه S: شي جي
وبعدين ما بتاخذ راحتك في بلاد اجواءها السياسية تعبانه

همم اذا تفكرون بدولة عربيه سيرو مصر .. حلوه وحيّه مع اني ماسرتها بس وايدين يمدحونها
والا المغرب (الرباط) .. المغرب واااااايددددد حلوه سرتها قبل 7 سنين لول

الياه لأنه متوفر لنا سكن هناك في اليبل ومنها نطلع على سوريا ويمكن تركيا

مصر مادري ليش ما احبها ( مع إني ماسرت لها بالمره )

تدرون انه تذكرة طيران الامارات من الامارات أغلى شي !!
و من كل دول العالم رخيصة


ربيعي و أهله بيسيرون لندن هالسنه على الفيرست كلاس
طلعت تذاكرهم مال 130 الف درهم تقريبا

شو سووا,, ساروا الهند و خذوا تذاكر من هناك طلعت عليهم بـ 100 الف
كيرلا - دبي - لندن - دبي


صدق قههههههههر
يعني حتى حق الاغراب الاسعار ارخص
و في البلاد الاسعار اغلى !!


في كل الحالات انا شخص مقاطع طيران الامارات، لأنه بالمختصر خايس تذاكرهم وااايد غالية مقابل الخدمة الي نحصلها منهم "انا اكلم عن الدرجة السياحية"

هالسنه حجزت على الاتحاد و تذاكرهم سعرها معقول مقارنه بالخدمة الي بنحصلها على طيارتهم

الامارات من أفضل الخطوط لكن يوم سافرت من سنتين عليها كانت خدمتهم مب شي، ومادري عاد لو الحين اعتدلوا

ومع هذا التذاكر غلت ... كل الاسعار ارتفعت عندنا، ومن ضمنها التذااكر وبشكل مبالغ ...