نبغي اقتراحكم حق شهر العسل

مادري و الله :fa46:

أظني الشركه السياحيه ترتب لك كل شي

.
.

قول له يسأل عن رحلات الكروز بعد

هاك اليوم شفت صورهن في كتيب رحلات الامارات

أحس بيكون حلو لانهم يمرون كمن بلاد

انته اختار البلاد اللى تباها من تحت و بيظهرن لك صور المنتجع اللى فيها

لاني الصراحه أشوف كل الصور حلوات =)

انا بعد ابى استفيد كنت بنزل موضوع بسسسس استحيت :k_blush-anim-cl:

المهم بقولكم

انا فالبدايه كنت مصررررررره ع ايطاليا :fa41: بس اشوف الكل يمدح ف ماليزيا


عادة نحن عنا المعاريس يروحون سويسرا ف انا قلت بغير و بروح ماليزيا و بشوف شو فيها هالكثر يمدحونهاااااا

انا عكس الياه=s
مانصح يسيرون ميلان .. واذا سارو مانصح يطولون فيها
لانه ميلان غاليه.. فنادق غاليه .. اكل غالي.. شوبينغ غالي
غير انه ماترومون تسون شي في ميلان غير تتسوقون.. و99% ماركات عالميه.. ف ماحس انه ينفع لـشهر العسل..
اذا صدق يبون يسيرون .. يومين كفايه..لانه يكلففف..

انا اقول
يسير روما وفلورنس .. وعلى حسب الجو يسيرون كومو ولا جنوا
في نظري
روما وفلونس كفايه.. خمس ايام في روما وخمس ايام في فلورنس.. غير انه بيستانسون وايد هناك لانه وايد اشياء يقدرون يسوونها .. واذا مايعرفون انجليزي عدل روما بتكون سهله لانه وايدين هناك يرمسون عربي

btw
ايطاليا بكبرها رومنسييه
شعبها رومانسي
رمستهم رومنسييه
اكلهم رومانسي

ايطاليا وايد غير عن اي دوله سرتلها .. مادري كيف >_< جي غييييييرررررر .. في البرد وفي الحر حلوه .. جوهم رومانسيي p= دوم مودكم يكون حلووو هناك xD

شمعة أمل، هو بمجرد ماقال ايطاليا قلت له غاليه، بغض النظر عن المناطق ...

بس في ناس يحبوون بلدة معينة لو كل سنة يسيرون لها ...

على فكرة هو سافر ماليزيا والسبوع الياي بيرجع من هناك، ونشوف الأماكن اللي زارها ..

على العموم، خذنا فكرة عن الاقتراحات لشهر العسل ...

سافر ماليزيا منطقة Penang وسكن في فندق Parkroyal Penang Hotel

http://www.penang-hotels.com/parkroyal

وسار العاصمة Kuala lumpur سزكن في فندق Prince Hotel

http://www.kl-hotels.com/princehotelkl

وإذا في إضافي بخبركم

المزوحي هالفندق Prince Hotel موقعه استراتيجي .. في كوالالمبور .. كل شي عدالك .. بس ما اعرف كيف من داخل .. ^_^

هو نفسه يعني شارع العرب ؟

مادري اذا هو ولا لأ .. لأني ما سرت هذاك الصوب .. بس شفت الفندق من برع وانا ساير الأبراج ..
كان جريب وفي النص بين برجايا ولأبراج والبافيليون .. !

مرحبا مره ثانيه

سؤال !

أي دولة تصلح لشهر العسل في شهر 12 سواء أوربا أو شرق آسيا ؟؟

هلا

في جماعه بيقضون شهر العسل في شهر واحد شو رايكم بإيطاليا واقتراحكم لدولة ثانيه بعد

دولة أوربيه بليز

ايطاليا اعتقد بيكون جوها معتدل في الشتاء .. ^_^

خلهم يشوفون اسبانيا !

ونشوف رد الخبراء

مايهزك ريح زين لنفرض اسبانيا وشو من الدول بعد ؟

ونتريا رد الخبراء مثل ما قال !

فرنسا حلوة
سويسرا حلوة
النمسا حلوة
المانيا حلوة

بس في شهر واحد اغلب دول اوروبا بتكون مثلجة
يمكن ايطاليا يكون الجو فيها احسن و جنوب فرنسا ..

thank you عفاريتووو

برتغااااااال 3> & اسبانيا

اهلين بنت الدلع، البارحه رمسوا عن الموضوع، وضمن الاقتراح أسبانيا ! Nice

هولندا ~ بلجيكا
الحين واايد وااااايد بااااارده

اذكر مره اخويه قال هولندا مافيها شي الواحد يزورها

نصيحه دوم اقراها عن الجزر ..........
من خلال تصفحي الدائم في الفتره الاخيره المواقع المختصه للسفر والسياحه ومن خلال طرح الاعضاء المواضيع مفصله لرحلاتهم ..... الى الجزر و الدول الاخرى

انه لا يكثرون فيها اكثر عن 3 او 4 ايام
اذا كانوا ليسو من محبي السباحه و النشاطات البحريه
لانه اغلب النشاطات تكون نشاطات بحريه .. وبيملون فيها خاصه بعد ماتغيب الشمس ؟؟
ما تكون شي فعاليات وبيحسون انه الليل طويل

وانا راي من راي شمعة امل انه اول ايروحون مدينه ( يرتبشون ويطلعون يستانسون يتعودون على بعض اكثر) و من بعدها
ايروحون الجزيره ..... ياخذون فتره راحه .....

والسموحه ......

احم احم

المزوحي قوول لربيعك يرووح ايطالياا وتم هناك شهرين وبعدين يرجع ..خخخخ

اول شي يروح فنيسياا لأنها مدينة الرمنسيه والعشاق

ويتم هناك ثلاث اسابيع..وكل يوم يروح مكان معين ..


بعدين يرووح روماا ويحوطوون فيهاا ..واايد حلووه...
ويتمون هنااك كم يبون وبعدين يردون فينيساا

وبعدين يردوون لبلاد .. ونهايه سعيدة

وألف مبروووك له .. وعقباال العزاابيه .. ..^^

تقبلوو مروري ..

أختكم ..ﺧﻟﮱ معي

ما وحشتك ،، يعني مب شرط الجزر تنفع لأي حد ..

ﺧﻟﮱ معي فعلا ايطاليا حلوه

^
Venice has problems, its sinking

اقتباس:

---

المشاركة الأصلية كتبت بواسطة المزوحي

اذكر مره اخويه قال هولندا مافيها شي الواحد يزورها

---

الواحد لازم يتحمـل يوم يسيـر هولاندا ويختار الاماكن الـ *صح*
لانه هولاندا فيها مكان اسمه red light district .. كل ممنوع مب ممنوع في هالمنطقه.. من مخدرات كحول.. الخ
ولازم تتحمل لانه كلمة كاوفي شوب هناك، مب نفس مفهوم الكوفي شوب عندنا!!!

بس في نفس المكان، اذا الأشخاص رياضيـن، أحسن شي ممكن تسونه في هولندا هو انه تستأجرون سياكل وتلفون على المناطق.


^
كنت مسويه بروجكت على آمستردام، ف عشان جي اعرف كل هذا
فـ in other words هولندا عليها X عوده:tongue:

ماليزيا وايدين يسيرون لها شهر العسل، ولو أقولكم إنه وايدين مايحبون شرق آسيا ويفضلون أوربا، حتى لو مسافرين

شهر العسل ... طيب ماليزيا في شهر مــارس كيف جوها ... وبغيت اعرف سنغافوره حدها 5 ايام وإلا يبالها أكثر ؟؟

ماليزيا طوول السنة جوها نفس الشي .. جوها مب بارد بس مطر
امم سنغافورة مب واييد فيها اشياء 5 ايام تكفيها .. ماليزيا احلى ..

عفاريتووو سنغافورا غير جزيرة سنتوزا شو فيها ؟؟

وماليزيا .. شو المميز عندهم، وشو عن جزيرة لنكواي ؟

سنغافورة احلى شي فيها جزيرة سنتوزا
عندهم حديقة حيوانات ليلية بس ما يبين شي ظلااام و جوهم
و بس ها اللي اذكره
قهم بس ع فكرة سوقهم اغلى عن ماليزيا ..
يعني اذكر في اشياء شفتها في ستغافورة و عقب شفتها في ماليزيا ارخص

يعني سنغاافورة مال جم من يوم مب اكثر

امم ماليزيا
ما سرت جزرها بس جزيرة لنكواي واييد يمدحونها
و جزيرة بينيغبعد يمدحونها فيها حديقة الفراشات و حديقة الفواكه
الاماكن الحلوة فيها
كاميرون طبيعتها حلوة
جيتينيغ
مدينة سيلانغور فيها سن واي لاغون و شلالات تمبلر بارك
التوين تاورز
المدينة الفرنسية
و سوووقهم اهم شي لول خصوصا هالفترة احس سوقهم احسن عن الصيف

ها الاشياء اللي تذتكرتها
من زمان ما سرتلها ان شالله ما اكون خربطتلك بالأسماء

انا سرت سنغافوره لكن قبل 15 سنة فما أذكر شي عدل ... اما ماليزيا مزرتها بالمره ...

بس اسمع عن penang و genting أكثر شي يزورونها، ومحد يطري لنكواي واايد ...

المزوحي شوف هاللموقع
http://www.tourismmalaysia.gov.my/en/destinations

طلع فيها اشياء اكثر من ما كنت متوقعة

مشكورة على الموقع

المفروض السفر يكون في شهر واحد لكن العرس تأجل لشهر ثلاثه، والحين هم في ماليزيا، بس يقول حر ورطوبه ومنها

انتقل لنكواي، يقول حلوه ومنظر روعه ..

ايطاليا بإذن الله حقي :)

المزوجي..... اشحالك اخوي؟


نت بعدك ما عرست؟

على ادور لك العروس انت بس عزم


بصراحه..... الجزيره اللي تحس انها لك من تجربتي هي المالديف

شي رهيب وحلو وجريب

الجزيره كلها فندق واحد يعني تلفها في اليوم عشر مرات

بعدين الشاطئ كرستالي وشفاف ونظيييييف

والسمج يلعبون حوالينك

والاهم ان هدوووء يعني غصب عنهم ريلاكس

والاهم رحلة الصيد البحرية .... وباخر اليوم ياكلون صيدهم عيش ابيض وسمج مشواي على كيف كيفك

اللي معرسين واالي مو معرسين بعد عليكم بالمالديف

هيه المالديف حلوه - بس ما ادري اذا بتختارون ايطاليا الصراحه ندمت اسيرلها - يعني ألي يفكر يروح ايطاليا لازم يستخبر قبل ما يقرر عن ايطاليا - المزوحي لا تنسى تعزمني في عرسك ^_^

لا تحاتي بعزمك إن شاء الله

بس بغيت اتخبركم عن ماليزيا واللي يقصدونها الكثير من الخليجين كقضاء شهر العسل ( من دول شرق آسيا ) بعيدا عن اوربا

المناطق اللي فعلا تستحق الزياره عندهم ؟

كوالالمبور تعم بالضجه و لانكاوي جزيره تعم بالهدوء شو الافضل، او يستحسن زيارة المكانين !

شو عن بيننج وجينتنج

وينكم ياخبراء ماليزيا

المزوحي حتى أنا اعزمني .... واحجزلنا طاولة كامله بعرس الحريم وقولهم خواتي بنات الواحات بيحضرن :) الله يتمملك على خير ونفرح فيك جريب إن شاء الله


حتى أنا أبغي أعرف أكثر عن ماليزيا ..... من عقب ضرابة تايلند وكيمرات اوروبا .... ماليزيا بالصيف بيتك :)

افا حلم الطفوله كلكم معزومين من شباب وبنات ، بس يوم الله بيريد !

نحن بننتظر تجارب الغير لسفرة ماليزيا، أو حتى لو حد عندهم زايرنها