تـدرون شـو المشكلــه
احيـان تـقولـون شــرع الله وشــرع الله
الواقــع انكم تــذكرون( الله) فـالأشيــاء اللي تبونهـا ، وتنســون فالأشيــاء اللي ماتــبونها
ولـو كل ولـد وبنت طبق شــرع الله فــكل شي
كــانـت الدنيــا بخير !!..
عرض للطباعة
تـدرون شـو المشكلــه
احيـان تـقولـون شــرع الله وشــرع الله
الواقــع انكم تــذكرون( الله) فـالأشيــاء اللي تبونهـا ، وتنســون فالأشيــاء اللي ماتــبونها
ولـو كل ولـد وبنت طبق شــرع الله فــكل شي
كــانـت الدنيــا بخير !!..
عن أبي هريرةَ رضيَ الله عنه قال: قال النبيّ صلى الله عليه وسلم: «لا يَحِلّ لامرأةٍ تُؤمنُ بالله واليومِ الاَخِرِ أن تُسافِرَ مَسِيرةَ يومٍ وليلةٍ ليس معَها حُرمةٌ». رواه البخاري
والله سبحانه وتعالى قال ( يا أيها الذين آمنوا أطيعوا الله و رسوله ولا تولوا و أنتم تسمعون )
و اختلاف الراي لا يفسد للود قضية
يا ابني البنت تسافر تكون منقطعه عن اهلها؟ ولا محد معاها؟!
الحين شي سفارات وشي اقسام تعليميه تشرف على هالسوالف
وزياده عن ها .. الواحد ما بيعق ظناه وبينساه ......... طبعا بين كل فتره والثانيه بيزورونها
الخراب في كل مكان .. والحين حتا ونحن في بيتوتنا ولا مب في بيوتنا النتيجه وحده
ماتبون تتقبلون فكرنا لا تتقبلون ( وحيات الدفاشه )
كل ماادخل الموضوع اقول بخااطري اكتب الرد ولا لاء
بس بعد إللي شفته قلت خلاص بكتب
السؤااال جدييييييييييييييم يعني متكرر
يعني بالمختصر المفيد
إذ البنت معاها محرم يجوز لها السفر,,وإذ لا فكان بها ان اتكمل دراستها هنا
لكن عندي سؤال هذوول إللي يقولون سفر بدون محرم ومايجوز واذ بمحرم يجوز
القضيه ماتنتهي اهناا
القضيه تبدى بالجاامعه إللي بتروح لها تراها خلط
فهل تحتاج المحرم مناك:tounge:
مدري براايكم
انا كنت افكر ادرس برع لأن بكون ويا اخوي نفس الكورسات لكن ياحسره الولد ماتخرج :k_harhar1:
جامعاتنا ترحب بنا:1:
يوم كتبت ردي كتبته على اساس اللي شفته .. كنت في امريكا لمدة اربع شهور وحاليا في استراليا من سنة ونص . اسألو اي طــالب يدرس خارج الدولة هل ترضى وحده من خواتك تدرس بـرع بروحها .. بيقول لا وألف لا .. معنه في بعضهم كانو ما يمانعون هالشي قبل السفر للخارج والمفروض انه تفكيره استوى متفتح شوي عقب ما سافر . وانا مالومهم .. بصراحه من اللي شفناه بعينا .. من بعض اللي ما عرفن يصونن امانة اهلهن .. ومن بعـض اللي تبهدلت عيشتهن وهن بـرع .
واللي لاحظته انه اكثــر البنات الموجودات Free ومن عواايل Free في الاساس وتفكيرهم Open وايد .. فمالومهم يعني .. لكــن اذا بنتكلم عن دينا وعاداتنا وعيال بلادنا المتمسكين بها ماعتقد في بنيه بترضى عى عمرها ولا اعتقد في ريال بيرضى على هله هالشي .
ويا بابــــا للي يقـول انه طبيعة البنت مش عائق امام سفـرها اقوله انته غلــط وروح جــــرب . وخبرنا عن التجربة .
طبـعا هالطبيعة اللي انا اتكلـم عنها مش عيــب .. بالعكــس هذي احـلى شي وضعه الله في أرق مخلوق على وجه الارض :)
اختي هزايم .. هذا شـرع الله وشرع الله واحد .. اذا نسيناه ساعات فهي زلـة وانشالله ما بنكررها .. لكــن انه البنيه وولي أمرها يعرفوون انه سفرتها بروحها حــــــــــرام ويتجاهلون هالشي .. فالله المستعان .
بالنسبة لي هذا اخر رد عالموضوع وقلت اللي عندي .. اللي تــبا تسافـر تسـافر :k_harhar1:
رأيي صواب يحتمل الخطأ ورأيك خطأ يحتمل الصواب
^^تريد الصرااحه
انا مااقدر على فرااق أهلي ولا بلادي
وياما عشنا بالغربه وحنا وسط احبابنا
انا اقول كلن له دينه وعقله
يتشووار ويحسبها,,ترى محدن بيتحاااسب بعمل غييره
أخوي بريد إلكتروني
مثل ماقال المثل اسأل مجرب ولا تسأل طبيب
وارد واقول كلن بيتحااسب على عمله
والسؤاال على مااظن كان اهنا بالوااحات انطرى من فتره"يمكن ايام زمناات"
انا ماعرفك شخصيا واحترم رمستك ورايك
بس انا مايعجبني يوم في ناس ( ماقصد حد ) يقعدون يقولون الدين والدين والدين ومن هناك هم ما يطبقون الدين كامل في عيشتهم
الحين بتحصل ثلاث ترباع الناس تقول لا للسفر البنت ومن هناك تسمع اغاني واتطالع اشياء وخلايع و يغشون و يحشون و يجذبون
وبس ..
تصبحون على خير
قد يتصور لدى بعض الأخوات أن المشهد في الخارج هو نفس المشهد الذي يعرض في أفلام السينما ولكن هيهات هيهات ، الغربه كربه " للبنات " وأمل للشباب فالغربه تعنى المستقبل ، ونستثني هنا من ترغب في دراسة الطب فقط.
قد يسأل البعض لماذا هذا القلم يصف الغربه بالكربه ؟؟
الجواب بسيط ،
لقد تربت الأنثى في المجتمع الإسلامي العربي على أنها جوهره يجب أن لا تخدش، فالغربه تجعل من هذه الجوهره عرضه لنهش من كل متسكع،
ت ح ي ا ت ي : قلم رصاص
شكرا لكم كلكم ع المشاركه والتفاعل الحلو
وسوري اذا اتاخرت عليكم
بس لاني بزي هاليومين
وهالاسبوع كله كوزات
فاسمحولي
واذا حصلت فرصه برد عليكم كل واحد بروحه
إختي تحفة انا وياج ان الناس تطبق الشريعة فأشياء وتنساها أو بالأصح تتجاهلها فأشياء بس كلن وله زلاته بس في أمور كبيرة مثلا انا بقولج اني اسمع اغاني واسير السينما واجوف افلا م ها معناته اني ما اصلي وما انصح الناس انهم يصلون خلينا من الصلاة لانها عمود الإسلام قولي مثلا ما دام مثلا انا ادخن "مثلا" أقدر أقول انا عاصي ربي عاصي ربي خلني اشرب خمر ؟!؟ المقصد إن في أمور كبيرة
مجرد رأي وانا احترم كافة وجهات النظر
رجعت عسب اقول رايي
انا ضد سفر البنت لاكمال دراستها في الخارج
لو شو ما كانت الاسباب
حتى لو التخصص اللي تبغيه مش متوفر في البلاد
في اشيا بديله
وفي تخصصات كثيره
وبعدين البنت من طبيعتها انها ما تتحمل الغربه وفراق الاهل
صعبه ع البنات احسها
واللي يسافرون هذيل ما شاء الله عليهم
عندهم قوه تحمل وصبر
هذا رايي
وانا احترم اراء اخواني وخواتي كلهم
.. اختي ((أيــــــــامي الحزينه))اقتباس:
المشاركة الأصلية كتبت بواسطة أيامي حزينه
اذا انتي بتحكمين على أي راي يخالف قواعدج و مبادئج أنه متخلف و رجعي .. عيل واايد ناس متخلفين و رجعيين في عينج !...
أولا .. اذا قريتي ردي عدل ما اعتقد انج راح تردين عليه بها الكلام ..
عفوا .. كلامج ما ضايج بي .. بس حبيت أوضح لج رايي .. لاني من كلامج أعتقد انج فهمتيه غلط ..
أنا ما قلت أن البنت تتخرج و تيلس فالبيت .. لأن الموضوع يتكلم عن سفر البنت .. مب شو تسوي عقب ما تتخرج ..
و بعدين أنا من وجهة نظري إن بو زايد انسان مش متخلف .. هذا رايي ..
لاني ما حددت شو الكلام اللي هو قاله أو ركزت على شي معين ..
و كان هذا ردي .. ياليت تقرينه مره ثانيه .. عسب تفهمينه اكثر ..
اقتباس:
المشاركة الأصلية كتبت بواسطة جنون امرأة
بس عسب ما أكون متخلفه ..
ممكن حد من الاعضاء يقنعني بها الفكرة ..
لأني أشوف بعض الاعضاء مع فكرة ((سفر البنت للدراسه)) لا و متمسكين في رايهم ..
فيا ليت حد منهم .. يقنعني ..
لاني مابي أتم رجعية في عصر التطور و العولمه !!!!!..........
اقتباس:
المشاركة الأصلية كتبت بواسطة جنون امرأة
عزيزتي جنـون امـرأة .. مهما كـان رأيك فلا أحد يستطيع ان ينعتك بالرجعية او المتخلفة .. سواء كنتي ضد او مع ..
بالنســبة لرأيج فهو وسطي جدا وليس متشددا ولا متساهل . ( يعني ماسكة العصا من النص )
الله يوفقج
جنون امرأه
انا معاج الغلا في اللي قلتيه
البنت صعب انها تسافر لاكمال دراستها
مب عسب شي بس لانها بنت وماتتحمل الغربه شرات الشاب
شكرا غاليتي ع المشاركه
وشي ثاني
الي تفكر ان البنت مكانها البيت
فأنا معاها
يعني لو شو ما سويتي
ولو شو ما درستي
اخرتج بتعرسين واذا ريلج ماطاع انج تشتغلين
اكيد بتفضلين راحه بيتج وريلج وسعادته ع الشغل او الدراسه
واذا كان الزوج متفهم وحاب انه حرمته اتكون مخلصه دراستها
او انها تشتغل واتشاركه بالحياه بعد هذا شي طيب وحلوو
الله يوفق الجميع يارب