شكرا لك اخويه ذنيني
صح مرات مخي يعلق وما يشتغل
لكن مع كم ريستارت .. غصباً عنه بيفهم ^_^
ومنكم نسفيد كثيرا
عرض للطباعة
شكرا لك اخويه ذنيني
صح مرات مخي يعلق وما يشتغل
لكن مع كم ريستارت .. غصباً عنه بيفهم ^_^
ومنكم نسفيد كثيرا
مشكور ذنيني
بس مابغي كلام موااقع
أبغي معلومات من حد مجرب
انا سألت واحد من المصورين المحترفين فأحد المجلات وسألته عن بعض الصور اللي يستخدمون خاصيه الـ HDR فيهن وقال إنه يزيدون فالصوره نسبه لوون معيّن .. هذا اللي اذكره
حاولت اجرب هالشي بس ماضبط ويااي
يعني يزيدوون تشبّع اللون
كلام المواقع انا جربته و ضبط وياي
هالاشياء ما نقلتها الا و انا متاكد من انها صحيحه 100%
=============
زيادة التشبع اللوني احد مقومات الـ HDR لكنها مب الشي الوحيد الي تسوينه
و مب شرط تزيدين اللوني عسب تحصلين على صورة HDR ناجحة لأني مره سويت صورة HDR و كانت عباره عن دمج 3 صور ملونه مع صورة بالابيض و الاسود و كانت ناجحة
الـ HDR له عدة طرق و انا ذكرت لج طريقتين
و مب شرط لأنه هالمصور ما يستخدم هالطرق، معناته انه الطرق هذه خاطئة
أنزين انا ماعتمدت كلام هالمصور كـ شي أســاسي لازم امشي عليه
هو بس قالي استخدام واحد لـ HDR
وأصلا هالمصور المحترف سكتني اول شي قال لي اتعلمي اول شي الفوتوشوب وبعدين مابتحتايين تسألين وايد =X
انا ادري إنه المواقع اللي إنته حطيتهن بتفيدني
بس انا ماحب الرمسه الوايده .. يعني ابغي شي يكون مختصر ومفيد ....
وع سالفه دمج الصور يمكن استخدامي للـ HDR غلط أو ناقص
بعطيج المختصر و المفيد
اذا تبغين طريقه سريعه و سهله سوي مثل ما اقولج
افتحي الصورة و عقب سيري عندي image>mode>16bit
و عقب نفس الشي بس حولي الصورة الى 32bit
و عقب رديها الى 16bit مره ثانيه و بيطلعلج ويندو
شوفي الـ Methods الي عندج فوق و بتحصلين شي اسمه local adaptation
خلي السهمين على اليمين و ابدئي من هناك و شوفي الي يناسب الصورة
و عقب ما تسوين الـ HDR تقدرين تطلعين برع و تعدلين الوان الصورة و التشبع اللوني و زيادة الوان معينه او زياده الاضاءة او تخفيفها .... الخ
و ان شاء الله بتكون النتيجه جيده
الحقيقة أنني وجدت هذا الموضوع في موقع التصوير الضوئي وقد أعجبني في التفصيل المفيد والشرح الوافي عن انواع العدسات وفيما يستخدم كل نوع فرغبة مني واجتهاداً أحببت ان يستفيد غيري من الموضوع وإليكم الموضوع .
إذا كنت هاوياً للتصوير وتطمح إلى تطوير إمكاناتك والإنتقال إلى صف المحترفين، فلا بد أنك ستحتاج إلى تطوير معداتك وفي مقدمتها الحصول على عدسة ثانية وثالثة... وكما هو معروف، فإن العدسات الجيدة باهظة الثمن، لاذا لا بد من معرفة الكثير عن العدسات مثل الأنواع والمزايا والخصائص قبل الإقدام على دفع النقود. وحين تحصل على عدسة جيدة فإنها سوف تلازمك لسنين عديدة.
تنوع العدسات وإختلافها ينبع من تعدد أشكال الاستخدام. فعلى سبيل المثال، من غير المعقول استخدام عدسة بنفس الطول البؤري لالتقاط صور اللاعبين في مباراة كرة القدم وتصوير الأزهار عن قرب والتقاط منظر طبيعي (Landscape). إذ لكل نوع من التصوير المذكور عدساته الخاصة، وبعبارة أخرى، فإنه لا توجد عدسة واحدة يمكنها القيام بكل أنواع التصوير بشكل قياسي ودقيق.
يستعمل المصورون مصطلحات "طويلة" و "قصيرة" عند وصفهم للعدسات للدلالة على قدرة العدسة على تجسيم المواضيع. العدسة الطويلة تعمل على تجسيم المواضيع وتقريبها -مجازياً- مما يجعلك في غنى عن الاقتراب من الموضوع، في حين أن العدسات القصيرة تقوم بعكس ذلك وتُظهـر المواضيع أصغر وأبعد مما هي عليه في الواقع. بإختلاف الطول البؤري.
لاحظ كيف أن العدسات القصيرة تملك زاوية رؤية واسعة جداً، في حين أن العدسات الطويلة تملك زاوية رؤية ضيقة وهو ما يؤدي إلى إجتزاء الموضوع وتجسيمه.
العدســـات الطويـلـــة.
العدسات ذات الأطوال البؤرية من 120 مم إلى 300 مم وأكثر تصنف على أنها عدسات طويلة. ويمكن ببعض التحفظ أو التجاوز ضم عدسة 90 مم إلى هذه المجموعة. كلما كانت العدسة أطول, يكون بامكانك الابتعاد عن الموضوع أكثر. على سبيل المثال، ساعدت عدسة 300 مم على تصوير طائر اللقلاق من مسافة كافية لا تثير فزعه وفي نفس الوقت سمحت بالحصول على التجسيم المناسب للطائر.
العدسات الطويلة جداً (300-400 مم) مثالية لتصوير الألعاب الرياضية خاصة حين تكون جالساً خارج حدود الملعب. في حين أن عدسة 120 مم تعتبر الأفضل لالتقاط الصور الوجهية (البورتريه).
في حال كنت تصور بالداخل وسواء كان ذلك بالبيت أو الأستوديو فإنك لن تحتاج إلى عدسات أطول من 120 مم وذلك ببساطة لأن مساحة الغرفة لا تسمح لك بالإبتعاد كثيراً عن الموضوع. الأمر يختلف في الخارج، حيث بإمكانك استعمال العدسات الطويلة لإلتقاط صور وجهية عفوية دون أن يشعر الموضوع بلحظة إنطلاق الغالق مما يتيح الحصول على تعابير لطيفة غير مرتبكة. تقنية التصوير من بعيد باستخدام العدسات الطويلة مناسبة جداً لإلتقاط صور الأطفال أثناء اللعب واللهو.
بقي القول أن العدسات الطويلة غالية الثمن وثقيلة الحمل مقارنة بالعدسات القياسية والقصيرة، كما أن العدسات الطويلة جداً تحتاج إلى ركيزة لتجنب اهتزاز الصورة أثناء انطلاق الغالق.
العدســـات القصـيـرة.
العدسات القصيرة تتمتع بزاوية تصوير واسعة وهو ما يسمح بالحصول على الكثير من المواضيع داخل المشهد. العدسات القصيرة القياسية: 24 - 28 مم.
كلما كانت العدسة أقصر (أوسع زاويةً)، زاد تشوه الأبعاد (Distortion) في الصورة. ويبلغ التشوه مداه مع عدسات عين السمكة (Fisheye lenses) حيث نحصل على صور دائرية الشكل.
والحكمة من استخدام عدسات الزاوية الواسعة يكون في الاقتراب من الموضوع. ولكن حذار من استخدام العدسات القصيرة لالتقاط الصور الوجهية من مسافة قريبة، إذ أن تشوه الأبعاد سوف يلحق ضرراً بجمال الشخص ويظهره كما لو كان مشوهاً، وقد يتحول الأنف الرائع ليصبح مفلطحاً وواسعاً.
ميزة هامة تتمتع بها العدسات واسعة الزاوية وهي قدرتها على تمرير كمية كبيرة من الضوء إلى الفيلم مقارنةً مع العدسات الطويلة، ويعود السبب في ذلك إلى قصر الطول البؤري للعدسة وبالتالي تكون الفتحة النسبية أوسع. هذه الميزة تساعد على التقاط الصور بدون فلاش أو ركيزة وحتى الدقائق الأخيرة لغروب الشمس.
عدســـات الــزووم.
تتوفر عدسات تسمح بتغيير الطول البؤري بشكل متواصل ضمن مجال محدد، على سبيل المثال, من 35 مم ولغاية 210 مم. هذه العدسات تدعى عدسات الزووم (Zoom Lenses), في حين أن العدسات ذات الطول البؤري الثابت تسمى عدسات ثابتة (Fixed Lenses). عدسات الزووم ظهرت في وقت متأخر مقارنة مع العدسات الثابتة، وقد ظلت لفترة طويلة غير محببة من قبل المصورين المحترفين، ولكن مع تطور تقنية صناعة العدسات، أصبح ممكناً الحصول على نتائج جيدة باستخدام عدسات الزووم مما ساعد على انتشارها.
توفر عدسات الزووم لمستخدمها مزايا عديدة مثل الراحة, حيث لا حاجة لفك العدسة وتركيب أخرى. إذ أن عدسة زووم بمجال واسع مثل 28-200 مم تغني عن استخدام العديد من العدسات الثابتة. كذلك لا حاجة لشراء حقيبة من أجل حمل مجموعة العدسات. وبما أن عدسة الزووم تكون مثبتة على الكاميرا طوال الوقت فإن هذا يقلل من احتمالية عطبها أو ضياعها.
من وجهة نظر أخرى, فإن عدسة الزووم تجعل المصور قليل الإكتراث بمسائل مثل الطول البؤري والمسافة, وعند تفحص الصور, يكون من الصعب عليه تحديد فيما إذا كانت الصورة قد التقطت بعدسة 35 مم أو 50 مم أو 60 مم. وعلى الرغم من أن هذه المسائل تبدو قليلة الأهمية، إلا أنها في المحصلة تعني أن المصور لا يتمتع بتحكم كامل بالكاميرا. وبالنسبة للمصور المحترف أو حتى المصور الهاوي, يعتبر التحكم الكامل بالكاميرا السبيل الأهم في تحقيق الإبداع.
عيب آخر يتلخص في كون عدسات الزووم أقل كفاءة من العدسات الثابتة. وهذا في المقام الأول يتعلق بحدة البروز (Sharpness). ومع أن هذا الأمر موضع خلاف بين المصورين والشركات الصانعة، التي لا تتوانى عن التأكيد بأن عدسات الزووم بنفس كفاءة العدسات الثابتة، إلا أنني شخصياً أميل إلى وجود فرق في حدة البروز لصالح العدسات الثابتة.
العدســة القياسية (50 مم)
عدسة 50 مم هي العدسة القياسية، والتي تأتي مع معظم الكاميرات كعدسة أساسية (في الآونة الأخيرة أخذت تحل محلها عدسات الزووم الرخيصة مثل 35-80 أو حتى 35-120مم). وسبب تسميتها بالقياسية يعود إلى أن العدسة من حيث زاوية الرؤية ونسبة التجسيم تعتبر الأقرب إلى عين الإنسان (ولمزيد من الدقة نقول أن هذا الكلام ينطبق على نظام كاميرات 35مم فقط).
العدسة ليست بالطويلة أو القصيرة وهي تحتل مرتبة وسطية بين النوعين، وتصلح للكثير من مجالات التصوير. فالعدسة القياسية ملائمة جداً لتعلم التصوير حيث يمكن من خلالها التقاط الصور الوجهية (البورتريه) والمناظر الطبيعية وفي كلتا الحالتين نحصل على نتائج مقبولة. والعدسة القياسية تسمح بالإقتراب من الموضوع إلى حد كبير دون أن يتصاحب ذلك مع نشويه يذكر على الأبعاد.
بقي القول، أن عدسة 50 مم القياسية رخيصة جداً وتشكل خياراً جيداً للأشخاص الذين ينوون الدخول إلى عالم فن التصوير.
عــدســات الماكــرو
عندما تشاهد صورة مقربة جداً لحشرة على زهرة أو غصن شجرة، فأعلم أن المصور استخدم عدسة مقربة (Close-up Lens) أو تقنيات تقريب (Close-up Techniques) مثل إنبوب التمدد (Extension Tube) أو عدسات التركيب أو تقنية العدسات المقلوبة.
وعلى العكس من العدسات الطويلة، التي تفرض وقوف المصور على مسافة بعيدة عن الموضوع، فإن العدسات المقربة تسمح بالإقتراب من الموضوع إلى مسافة بوصة واحدة أو أقل، وتمنح تجسيماً معادلاً لما نحصل عليه مع العدسات الطويلة.
وتستخدم العدسات المقربة في عمل التشكيرات البصرية التجريدية أو لإضفاء بعض المرح على لقطات جامدة.
( الموضع منقول بالكامل من موقع مجلة التصوير الضوئي لكن بدون الصور )
.........
ما يهزك ريح
اول شي
العدسه هذه is a must have لكل انسان يحب التصوير
سواء كان من محبين الكانون او النيكون
و سعرها في حدود 500 درهم
صح انها رخيصة و ما فيها زووم لكنها خارقة بأداءها و اهم ما يميزها فتحه العدسة الكبيره جداً 1.8
و هالعدسة بتفيدك جدا في العزل
:love:
nikkor 50mm f1.8
http://www.bhphotovideo.com/images/l...ges/247091.jpg
نتائج العدسة
===========
===========
طبعا افضل عدسة تنحط على الكاميرا على طول هي الـ 18-200 VR
هذا اذا كنت تحب التصوير بشكل عام
لكن اذا كنت ناوي تحترف في مجال معين ما بتصلحلك
قولي شو نوع التصوير الي تحبه و بقولك شو الي يناسب
انا حاليا عندي 18- 135 وعدسة الماكرو .. 105 .. فأبغي اخذ وحد زياده عشان اتكون العدسات اللي عندي احسن شي ..
لين الحين انا ما اعرف شو ابا .. ما افكر اني احترف .. هوايه لا اكثر .. فعشان جيه ابا على الأكثر يكون عندي ثلاث عدسات بحيث اني يغنني عن الباقي ..
شكلي بسير اشوفها هاي العدسه ..
والسموحه منك
عيل خذلك الحين نيكون 70-300
في منها كذا وحده،، خذ افضل من بينهم
اها .. مشكور على النصيحة ..
انزين توني راد من المحلات الكبرى وسألتهم عن العدسة اللي فوق .. اتصدق انها اوت اوف ستوك !!!!!!!
اسميني انقهرت .. :a058:
هاي العدسة اوكيه ..
http://www.amazon.com/Nikon-70-300mm...636197-3448131
ذنيني ويينك .. حصلت هاي العدسة بدال اللي فوق ..
Nikon AF Nikkor 50mm f/1.4D
يا ترى اي وحده احسن .. شو رايك ..
ما يهزك ريح
طبعا الـ 1.4 افضل لكن "أغلى"
و عدسة الزوم فنانه،،
و احلى شي فيها الـ VR
هيه صح الـ 1.4 .. تقريبا بألف وشي ..
العدسة الثانيه 70-300 .. بـ2550 درهم ..
ThanX Bro
^_^ !!
نننعععععععممممممممممم
2250 !!!
عنبوووووووووووها من عدسه
خذ الي بدون VR لول
شو 2250 على 70-300 صدق انهم نصابين
تصحيح .. 2550 .. خخخخخخخخ
انزين اللي بدون VR ما عندك معلومات كم سعرها ..
لأنه معظم اللي شفتهن فوق الـ3000 وانا ما عندي خبره في اسعار العدسات ..
انا كله اسير للمحلات الكبرى اللي مول الإمارات واخذ من عندهم ..
Please advice !!
مالك الا تاخذ 18-200
بتعطيك زاويه واسعه و بتعطيك تيليفوتو جيد
و في نفس الوقت فيها VR
و عدساتها الداخلية ممتازه
===========
كـ مبتدئ احس انها وايد زينه الين ما تحصل عمرك في نوع معين من التصوير
خذها،، صدقني ما بتندم
تعال انزين،، ليش ما تشوف عدسات سيجما
سعرها نص سعر عدسات النيكون و الكانون
انا عندي 70-200 f2.8 و خذتها بـ 3000 درهم
نفس العدسه من كانون سعرها تقريبا 6000 للموديل الي بدون مانع اهتزاز
و الي مع مانع الاهتزاز سعرها يوصل الى 7 الاف او اكثر
عندك عدسة الماكرو 105 من سيجما سعرها 1400 بس طبعا بدون مانع اهتزاز،، يعني شرات النيكون 105 العاديه
جيك على هذه
http://www.bhphotovideo.com/c/produc..._6_APO_DG.html
70-300 من سيجما
و سعرها مب غالي،، اقل من الف
اليوم ان شاء الله بسير اشتري ترايبود و بسألك عن سعرها
ركز على الخط الاحمر الي على العدسه،، لا يقصون عليك و يبيعون لك العاديه
عدسات سيجما .. قالولي انها مب اوكيه ويا النيكون .. يعني سالفة الألوان .. ما تكون الألوان زينه ..
هذا طبعا اللي قالولي اياه اللي يستخدمون نيكون والله اعلم .. !!!!!!
بالنسبة للترايبود .. هل في معيار خاص عشان اشتري ولا حيالله واحد والسلام .. ( انا خذت من كارفور ترايبود بس وايد ثجيل .. )
<< العربي مقطع بعضه
انا اعرف وايد ناس يستعملون السيجما مع النيكون و مافيها مشاكل
و اذا عن الالوان،، خلنا نكون شوي واقعيين،،
نحن دااائما نعدل الالوان بالفوتوشوب،، حتى لو تعديل خفيف!!
حتى مع عدسات النيكون او الكانون
============
و ثانيا،، العدسات الممتازة من كانون مستواها ما يقل ابدا عن مستوى عدسات النيكون او الكانون
بالعكس بتعطيك قيمه افضل لفلوسك
ربعي فازوا بجوايز بعديات سيجما،، سواء على مستوى العالمي،، اخويه عارف العارف من قطر فاز بجايزه العام في 2006 في مجال التصوير الرياضي في فيينا و العدسه المستعمله كانت سيجما
كلكلووش فاز بعدسه سيجما 70-300
شرات الي حطيتلك اياها في ردي الاخير
===========
اذا عدسات نيكون جودتها 100%
عدسات سيجما جودتها 95%
و هالشي مب مستاهل انك تدفع دبل السعر عليه او اكثر من الدبل
ولا شو رايك بو مييد
و عن الترايبود
طبعا الترايبودات مال كارفور ما تنفعنا لأنه نحن نستخدم SLR
و من تحط الكاميرا العوده عليه بتحصله يرتقل و يتنافض
هاك مصمم للكاميرات الصغيرة
يعني انا عن نفسي مستعد ادفع 500-600 درهم على ترايبود محترم و heavy duty و يعيش وياي سنين ولا اني كل شهر اشتري ترايبود رخيص و ينكسر او ينعوي عندي
سير شرف دي جي و شوف ترايبودات مانفروتو او سليك
غالية لكن جودتها عالية
ذنيني انا ابدن ماستخدم الفوتوشوب يوم اصور صور نفس الناس =/
ومادري ليش بس احس الصوره من دون فوتوشوب في عيوني تكون احلى
والله مادري .. شورك وهداية الله .. بشوف شو باخذ .. :fa35:
عن الترايبود .. المشكله اني ما كنت ابا آخذ من كارفور بس يوم سرت جمبو كانوا مخلصينهن .. والمحلات الكبرى بعد نفس الشي ..عشان جيه اتدبست في هالترايبود .. بس نفس الترايبود يبعونه في شرف دج ..
اللي عندي اسمه vivitar >> VPT 1200 >>
http://www.jjmehta.com/images/small_vivitar_1200_2.jpg
شو رايك ابدله واخذ واحد ثاني ولا هذا زين .. لأنه انا ما عندي خبره في هالأشياء ..
احس اني صدعتك .. ما عليه استحملني .. ما عندي غيرك اسأله في هالأشياء :smile2:
اليوم خذت ترايبود يديد :fa34:http://oasis.bindubai.com/bin/upload...1188945078.jpg
مانفروتو 190 اكس برو
خذت الترايبود بروحه و الراس بروحه
http://oasis.bindubai.com/bin/upload...1188943591.jpg
ممكن احط القطعه الي في النص بشكل افقي و هالشي بينفعني في تصوير الماكرو :icon_rr:
http://oasis.bindubai.com/bin/upload...1188943591.jpg
الراس عبارة عن ball head
و وااايد مرن و اقدر احركه على كيفي و ينرص بسرعه
:heart:
http://oasis.bindubai.com/bin/upload...1188943591.jpg
=====================
و خذت عدسة يديدة :a033:
سيجما 10-20 super wide angel
http://oasis.bindubai.com/bin/upload...1188945326.jpg
و هذه نتيجتها شوفوها كيف تعطي زاويه عريييضة
http://oasis.bindubai.com/bin/upload...1188945078.jpg
ما يهزك ريح
انصحك بترايبود اسمه SLIK 400 pro
او SLIK 500 pro
سعر الاول 280 و الثاني 325
الترايبود تحسبه وثييج و قوي
===============
و اذا تبغي شرات الي خذته،، سعر الترايبود بروحه 516 درهم
و الراس بـ 216
و طبعا تقدر تاخذ الراس الي تباه و الي يناسبك
شي راس فنان اسمه جويستيك هيد
شرات الجوي ستيك مال الاتاري لول
بس انا عيبني الي عندي اكثر
هذا يتحمل 2.5 كيلو
الي عندي يتحمل 4 كيلو و انا مشكلتي انه عندي عدسه ثجيلة شوي،، فـ فضلت
ball head
http://www.bhphotovideo.com/images/l...ges/361966.jpg
هييه صح،، سألتلك عن العدسه
سعرها 700 و شوي على ما اذكر عند شرف دي جي
اولا مبرووووك على الترايبود والعدسة اليديده .. :a049:
ثانيا مشكووووووووووووووووور .. على المعلومات .. :love:
شرف د ج عدالنا في التايمز سكوير .. بحاول امر اليوم واشوف التريبودات .. :thumbup1:
عندي عدسة الماكرو وايد ثجيله ..وبعد ويا الكيمره .. تستوي رصاصه .. شكلي باخذ الأقوى ..
بس عيبني مانفروتو لأنه تقدر تخليه افقي .. يوم ايي اصور بالماكرو ايدي تتكسر من الثجل .. :fa39:
سؤال .. يديد .. شكلك بتشرد .. O_o
لو بغيت اسوي استوديو صغير وبسيط .. في الحجرة عندي عشان اتعلم عدل على الكيمرة ..
شو الأشياء اللي تحس اني بحتاجها ..
عدسة الماكرو مب وايد ثجيله
عيل لو مستخدم الـ 70-200 الي هي "أخف الثجال" شو بتسوي
ولا عدسه 50-500 هاييج صدق بتجلع جتفك
سألتني السؤال الي ادور اجابته خخخخخخخ
بصراحه ما اعرف حق سوالف الاستوديوهات
تميت ادور في السايتات .. وما شاء الله وايد حصلت افكار ..
http://store.tabletopstudio-store.com/clacri.html
بس تتوقع هالأشياء يبيعونها عندنا .. ادخل السايت عشان اتعرف عن شو اتكلم ..خخخخخخ
وهذا بعد اوكيه .. كورس في الإضاءة والتعامل مع الكيمره ..
http://www.shortcourses.com/tabletop/
وهذا بعد فيه اشياء ..
http://www.sharpics.com/Products/photo_studio.html
بعد هذا فيه معلومات وايده .. من الصبح يالس اقرا .. لأنه ما عندي شغل .. مخلص كل شي ويالس ..
http://photo.net/learn/studio/primer
واذا حصلت شي زياده .. بعد برد أحط ..
مادري اللي عندي اثجل من الكيمره .. وحتى من العدسة الثانيه .. :9:اقتباس:
المشاركة الأصلية كتبت بواسطة ذنـيـنـي
Using Your Digital Camera
A Guide To Great Photographs
كورس ..
http://www.shortcourses.com/use/
حلو للي عندهم نيكون D80 >>
http://www.nikondigitutor.com/eng/d80
tutorial بالفيديو عن استخدام كيمره .. بمعظم الخصائص اللي فيها ..
احب هالموضوووووووووووع
تحفه حرام عليج ياي ركض .. قلت يمكن حاطه شي في الموضوع ..
وانا اقوووول منو خطف علي بسرعه !!
خفف
مافي شي ,,
ابي اسألكم ..
شو انواع التصوير ؟؟
وعطوني امثله عليهم
اذا ياي ركض على قولتك عيل ليش هاجرينه ؟ <.<
وين الجماعه >_<
اي جماعه الحين الساعه هنتين تتحراهم سهور شراتنا =X