هيه صح تعرفون ان فزاع بيعرس هالاسبوع ؟
ياحليلهم البنات الي ميتات عليه .. هيهيهيييي
عرض للطباعة
هيه صح تعرفون ان فزاع بيعرس هالاسبوع ؟
ياحليلهم البنات الي ميتات عليه .. هيهيهيييي
أووه لاه .. شوبلاني محتشره جني وحده ميته على العرس .. ضيعت ساعه كامله في المنتدى .. بسير اخلص شغلي XP
أم خدود شو صاير فيج اليوم؟ تهلوسين أشوفج ؟
سوري بس كلامك غلط في غلط في غلط:nono:اقتباس:
المشاركة الأصلية كتبت بواسطة الثعلب الرمادي
ما في مستوي فكري والواحد لازم يتسلي لين تضبط واحده مزاجه :narr: ,,ايش هالكلام
ايش هالخرابيط الي يالسه اسمعها
أنا أحس عادي لكن عحسب البنت وخطيبها
يعني <<< يمكن الولد مايبي <<< يستحي
في هالحالة أضن من سابع المستحيلات ان البنت هي اللي تطلب منه يرمسها
أو
الأهل << أهل البنت منقود عندهم هالشي <<< ومحد يروم يغير العادات
تصبر لين ما يملج عليها ويرمسها
تسلم الملهم <<< عالموضوووع الحلووو
والسمووووحة
كل الود
امــــــــــــورة
اقتباس:
المشاركة الأصلية كتبت بواسطة حلم الطفوله
:kkk:
الحالة كسييفة:sadwalk:
نفسيتي متازمه من الفاينلز
الثعلب الرمادي ..
اكيد كنت تتمصخر في ردك صح ؟؟ ^__^
ام خدود ..
بحاول افهم ردج رد ورا رد ^__^ ..
وربي يوفقج في الفاينل ..
انا الصراحة اقتنعت بكلام شوق القلوب ..
انه الكلام من بينهم يكون كلام سطحي وتعارف عشان كل واحد يضمن الاخر ..
وهناك سبب اخر .. انا الصراحة استغربت يوم سمعت من اربيعي يقول ان في بنات يرمسون شباب وهن اصلا مخطوبات .. فكيف هذا ؟؟ ولذلك انا قلت ان الافضل ان يتعارف الشاب بخطيبته ويتعلقون ببعضهم افضل من البنت انها ترمس حد ثاني صح ولا لا ؟؟
اشكركم على الردود المفرحة والاراء الجميلة ^__^ ..
ولي عودة ..
اقتباس:
المشاركة الأصلية كتبت بواسطة الملهم
انــــا أقــــــــول جيـــــــه بعـــــــــــــد
وانا اشكرك علي الموضوع الحلواقتباس:
المشاركة الأصلية كتبت بواسطة الملهم
والخلاف لا يفسد للود قضيه :fa35:
مادري ليش ظحكت يوم قريت هالكلام ..اقتباس:
المشاركة الأصلية كتبت بواسطة الملهم
بوظبي
اشبلاج بسم الله brgll:
هذا كله من الفاينلز :no0: !!
الملهم
مشكور اخويه عالموضوع
بس الصراحه أنا مب مقتنعه بانه الواحد ايرمس خطيبته قبل الملجه
يعني إذا ما خذها.. محد بيقول عنه شي
ولا البنيه شو بيفكها من الرمسه.. ما تظمن كلام الناس
..
هذا رايي الشخصي و ماعرف حكم الدين
..
و السموحه
الظاهر الجماعه يبغون يستوون شرا الانجليز ..... ( BOY FRIEND) لوووووول
شو فرق البوي فريند عن الخطيب!!! ترا هذا بعلم الاهل و جدام نظرهم و الخطيب بعد نفس الشي
و المقصد من علاقه هو التعارف على عادات و طبايع بعد قبل ما يرتبطون في بعض و تنتهي العلاقة بالطلاق.....
اللهم نسألك السلامة والعافية
السلام عليكم..
أشكــر كل من أثنى على كلامي.. بس اضافتي ما تعني اني موافقه..!!
بالعكـــس.. انا ضد هالفكــره..
الحلال بين و الحرام بين .. والواحد ماياخذ راحته بالكلام الا بعد الملجه..
:)
شوق القلوب ..
صح بس ان ما ياخذ راحته الا بعد الملجة .. بس لازم يتعارفون عشان كل واحد يضمن الاخر ..
وانا بغيت سبب مقنع يقنعني انه ليس هو ضد الفكرة ؟؟
الملهم..
لو انفتح المجال جدام اثنين ع اساس انهم يتعارفون.. صدقني مستحيــــــــل انهم يتكلمون بشكل سطحي .. لازم السوالف بتعيبهم .. و الرمسه بتاخذهم.. حتى لو كان أهله و أهلها يعرفون هالشي..
وأسأل اي اثنين متزوجين و كانوا يكلمون بعض ايام الخطبه... قولهم لاي مدى وصلت بينكم المكالمات..؟؟؟
اذا كانوا حابين يحافظون على عمارهم.. و يمشون صح.. ايي بيتهم ويتكلم وياها و معاهم شخص ثالث.. جيه بياخذ فكره عنها.. وهي بعد بتعرفه أكثر..
وبعدين.. المغازل اللي يصير بين الشباب و البنات.. صح يتكلمون وياخذون راحتهم.. بس يتم في وخزه ضمير و خوف انه أمرهم ينكشف.. لانه كله بالدس!
بس المخطوبين.. يعرفون بعض بشكل سطحي من خلال الزيارات.. و اتشوفهم ميتيـــن بس متى اتيي الملجه عشــان يتكلمون و هم مرتاحيـــن.. و عارفين انه حلال عليـــهم.. هالكلام الحلو.. و السوالف.. و الاحلام اللي بيحققونها مع بعض.
بوظبي
يامرحبا بك
أتمنى ان تتقبلي مداخلتي على ردك
أولا المسلسلات التي تحدثتي عنها ليست مقياسا كي نقيس بها مجتمع بأسره
فالمجتمع الكويتي ليس مثل ماترينه في المسلسلات
واختصر كلامي بكلمة ...لاتنظري لجماعة بمنظور شخص أو شخصين
ولي عودة
هلا شوق القلوباقتباس:
المشاركة الأصلية كتبت بواسطة شوق القلوب
انا راح اكلمج من باب تجربه شخصيه
تقدم لي شخص فيها كل الموصفات الي اي بنت تتمناها يعني ماشاء الله شهاده واصل و كل شئ ممكن تخيلنه,,,,,يوم دخلو البيت عندنا هلي رحبوا فيهم وتمو اخواني يسالون عنه وجيه وطلع كل شئ اوكيه
وتحدد وقت الملجه بتاريخ معين,,,
هو طلب من امه اني اكلمه,,,,,,انا استشرت امي وهي قالت لي اوكيه ,لانه كل شئ تحدد للملجه حتي التاريخ وماكان باقي لها الا شهر
تدرين احمد ربي كل يوم علي انه طلب اني اكلمه ,,,,,لاني عرفت شخصيته فعلا فعلا تناقض كبيرررررررر بيني وبينه ما في اي رابط مشترك تخيلي شفت كيف اسلوبه بالتعامل فعلا لو تزوجنا كنا بنتطلق ثاني يوم
طبعا الموضوع انتهي قبل ما يبتدئ وانا طلبت من الوالده انها تخبر هل الوالد اني صليت الاستخاره وما ارتحت
صدقني ما صار بينا مثل ممكن حد يتخيل قصص حب وغرام لا لا كان حوار عادي بس بين فيه الكثير من جوانب شخصيته
فالحمدالله رب العالمين انه الموضوع انتهي
التـجربــــة خيـــر بــرهــان
شكرا اختي وعد على الرد ^__^
الملهم أنته تعرف أن مب من طبيعتي إني أتمصخر خاصة إذا كان الموضوع جدي ... و أحب أضيف كلام لردي السابق ... شو الفايدة من البنت إذا ماكانت تعرف تسوي شي تيلس فبيت أهلها أشرف لها و إذا بعض البنات في المنتدى يشوفون إن الأعمال المنزلية تقلل من كرامتهم فكيف الحرمة بتربي الأطفال اللي بيون بعدين إذا هي ما تعرف غير المكياج و العطور و السوالف و الطلعات ... و مثل ما يقول المثل البشكارة تسوي كل شي و إذا بقى شي الريال يتكفل فيه :)
الثعلب الرمادي...
بالعكس المسألة ما هي تقليل من شأن المرأة...بس ممكن ان المراة تكون بارعة في شغل البيت وبعد لها خبرة في سوالف الموضوعه والمكياج يعني هذا شيء بسيط...والمرأة التي تهز المهد بيمينها تهز العالم بيسارها ما اعرف اذا المثل حرفيا هكذا.
معاج كل الحق أختي طير الحب ... و شكرا لأنج فهمتي المقصود من كلامي ... مشكلة بعض أعضاء المنتدى أنهم يحاولون يمشون ردود و آراء الأعضاء على حياتهم هم نفسهم و إذا ما مشت يردون بشكل عنيف و هذا طبعا غلط ... الإنسان لازم يقول رأيه بصراحة و رغم كل شي لازم يحكم المنطق.
هلا اخوي الثعلب الرمادياقتباس:
المشاركة الأصلية كتبت بواسطة الثعلب الرمادي
بالعكس محد اعتراض من واجب الحرمه انه تقوم ببيتها و زوجها وعيالها
بالنسبة لي انا اعترضت يوم قلت لا مستوي فكري ولاشئ وبعد بالنهاية هذا رايك
بس انت خرجت عن الموضوع وقلت انه الواحد يتسلي ويكلمها لين تعدل مزاجه
انا اعتراضي كان علي هالجمله,,,,احسها غلط هو داخل يخطب ويبي يكلمها عشان يعرف شخصيتها وتعرف شخصيته والا عشان يتسلي وتعدل مزاجه:nono:
مجرد راي
مرحبـــــااا بــــكم..
الصـراحة تعبـت وأنا أنـاقـش ويا الملهـم عن هالموضـوع, حتـى ما خليـت حد في البيـت
ما خـذيت رأيـه عن الموضـوع, وكل واحـد منـّـا رأيـه مختلـف عن الثـاني.. !!
المهـم.. بـس حبيـت أشكـر الأعضـاء على أراءهم المتميـزة والمختلفـة, الصراحـة تعلمـت منكم الكثـير,
وأنا أقول.. شـيء مهــم أنـي أتعـــرف إلى صفـات وشخصيــة الشخــص اللي بيكــون شريك حيـاتـي في
المستقبـل, ولكـن إذا فكـرنا أننـا نكلـم بعـض في التلفـون بغـرض التعـرف إلى شخصيـة الطرف الآخــر,
مـاظن أن كـلامنـا وعلاقتنـا ما بتطـور, وأصلا الفطـرة تقـول أن البنـت تميـــل للولــد والعكــس صحيــح,
بـالإضافـة أننا عرب وطبيعتنـا تحكم علينـا أننـا مانختلط بالأولاد وكل شي عيب, عشان جيه نميـل للجنس
الآخر أسرع من الأجانب اللي حتى ما فكـروا أنهم ياخذون عيال عمهم مثلا.. لأنهم متعودين على الحرية
وكأنهم أخوان.. ومو قصدي من كلامي أن الغرب أحسن عنـّـا.. لا لا أبـدا, بـس قصدي سـبب ميـولنـا
للجنـس الآخر أكثر من الغرب هو طبيعـة حيـاتنـا وعـاداتنـا اللي تحكمنــا
أشكرك أخوي الغـالي الملهـم على الموضوع,
ويـا عسـى ربـي يرزقـك ببـنت الحلال الصالحة اللـي تتمنـاهـا دايمـا :laugh:.. وربـي يحفظك وين ماكنـت!!
مجـرد رأي بسيـط,
ومنــــــــــكم نتعلـــــــــــــــم..
السمـوحـة.. !!
:)
الثعلب الرمادي ..
انا مش قصدي شيء في ردك ..
بس اولا انا ما تكلمت عن اشغال البنت .. ولا عن تربية الاطفال ..
موضوعي انا عن تحدث الشاب مع خطيبته .. وبعدين ان مش لازم ان البنت اتعرف الاعمال المنزلية .. اولا ممكن تتعلم بعد الزواج .. انا اقصد ميول البنت غير عن ميول الشاب .. البنت اتحب مثلا اتشوف الاقلام والريال ما يحب .. البنت اتحب اتشوف رسوم بس الريال ما يحب .. هذا انا قصدي ..
وبعدين ليش البنت تسمع كلام الزوج حرفيا .. من متى البنت صارت عبده عند الزوج ؟؟
وانا ما قلت بان الشاب يرمس ويا وحده او ثنتين .. ليش الريال يخطب بنتين او ثلاث ؟؟
يرمس ويا خطيبته وبس .. وبعدين بإشراف الاهل ..
اشكرك اخي على الرد .. اسعدتي بذلك ^__^
وعليكم السلام
موضوع جميل جداً ، ويحصل كثير وخاصه في زمنا هذااااا :puppyeyes:
انا من رأيي ان اتكون المحادثه في الهاتف بعد الملجه .. وطبعاً هذا بعد موافقه أهل العروس !!!
شكرا اخوي الملهم وان شاء الله نفرح فعرسك :doh:
.
.
.
موفق بأذن الله ومع السلامة
تحياتي من اخوووك/
قايد الــريـــــــــــــــــــ ـم
اقتباس:
معاج كل الحق أختي طير الحب ... و شكرا لأنج فهمتي المقصود من كلامي ... مشكلة بعض أعضاء المنتدى أنهم يحاولون يمشون ردود و آراء الأعضاء على حياتهم هم نفسهم و إذا ما مشت يردون بشكل عنيف و هذا طبعا غلط ... الإنسان لازم يقول رأيه بصراحة و رغم كل شي لازم يحكم المنطق.
أنا هالرمسه قلتها بخاطري يوم جـفت ردك أنت ع الموضوع :nono:
ع العموم موضوع جمييل والراي طبعا فيه بيتباين ويختلف ,, وكل واحد يحاول يفرض رايه ويبين أنه هو الـصح وااهت أيفر رضـا الناس غاية لا تدرك ,,
وعن رايي الشخصي انا مع أخوي الملهم :yes: ,,
كل الشكر
لاااااااااا :cop:
كلمهـا .. بس بوجــود محرم ^_^
وقبل لا تخطبهــا لازم تعرف عنهــا معلومات كافيــة :cop: شخصيتهــا .. أخلاقهــا .. ميولهــا ..الخ ان شاء الله دموع قلم ما بتقصر بتييب عنهــا تقرير مفصل :daleel: ،، بيسهــل عليك تعرف انهــا تنــاسبك أو لا .. واتوقع بفترة الخطوبة كل طرف يحب يبرز محــاسنه ويخفي عيوبــه .. والمجــاملات تزيد عن المستوى الطبيعي حبتين - تخمين شخصي- .. يمكــن ما بتفيد بمعرفــة جوهرة الشخص brgll:
متــابعــة للنهــاية..)
صدى جوفي
قمت احب فكرة انهم مايعرفون بعض .. جي السالفه بيصير فيها اكشن لول
موضوع جدا حساس لنا نحن
بصراحه أنا لا أفضل أن البنت تكلم خطيبها عن طريق الهاتف
إنما عن طريق حضوره لبيت أهلها و جلوسه معها مع محرم عشان تتكلم معاه في أي موضوع
بالنسبة لي لأنني زوجت اثنين من إخواني
و كنت دايما الوسيطه بينهم و بين زوجاتهم
كنت اخبر الاثنين عن كل شي ء
و إذا العروس عندها استفسار عن ا شي اخبرها الصدق و الصراحه
من دون مجاملة لانها هذه حياة و عشرة عمر
و اللي ما أرضاه لنفسي ما أرضاه لغيري من البنات
الشي الثاني أن الأهل معنا يطلبوا من المعرس يجي بروحه
و يكلم خطيبته بوجود أمها أو أحد من أهلها في اي موضوع من دون حساسية
و إذا تسهلت بينهم راح يكملوا الطريق و يملجوا و يتزوجوا أو ينفصلوا
بس هذه العادة تكون سرية بين المعرس و اهل العروس من دون ما حد يدري عشان كلام الناس
و الشي الآخر أنه بعد الملجه الرجل له حق يكلم زوجته من دون اي حساسية من الاهل
هذا رأيي و السموحه
الملهم ... تسلم ع الموضوع ..
أنا متابعة ...
بوظبي .. جي وين يالسين ؟ أكشن ؟
فيلم رعب ؟! خخخخخخخ
خلي حياتك عرس x عرس ^__^
اشكركم على الردود التي تسعدني ..
صدى جوفي ..
صح ان عندي دموع قلم .. وفيها بعض الفوايد .. بس بعد ما تكفي ^__^
لازم اجرب بنفسي واكتشف البنيه بنفسي .. يمدحون الاعتماد على النفس ^__^ ..
اشكرج على الرد ..
الجديدة ..
الصراحة فكرة مجيء الشاب الى البيت ومخاطبة البنت امام رقيب ما ادش عقلي ..
الحين وين الشاب بييب الكلام .. ما بيرتاح ولا بياخذ راحته في التعرف عليها وعلى صفاتها الحقيقية ..
الاندماج البسيط بينهم هو المطلوب .. وبعدين واذا تكلموا وحبوا بعضهم مش هم واثقين انهم بيعرسون فليش الخوف ؟؟ اذا بعدهم ما خطبوا هنا يكون الخوف لان احتمال الاهل ما يوافقون ..
اشكركم مرة اخرى ^__^
بوظبي ..
صح اكشن بس يافوز او خسارة .. يا نجاح او فشل ^__^
سبحان الله ..
من خلال ردودكم..
صدق تأكدت إن..
الناس أجناس..
وكان للبعض رد إيجابي وعقلاني ..
ويطابق العرف والعادات والتقاليد..
وكان للبعض موقف سلبي..
أنا عن نفسي أقول..
الحلا ل بين .. والحرام بين.. وبينهما مشتبهات ..
لا يعلمها الكثير من الناس.. فمن اتقى الشبهات فقد استبرأ لدينه وعرضه ..
ولو كل بنت قبل ما تعقد قرانها .. ترمس كل واحد تقدم لها ..
هني السالفه بتستوي لعبه..
وكل وحده بتاخذ نصيبها..
يعني هو حتى لو كان فيه عيوب .. أكيد أول الأيام بيحاول يكون جدامها انسان مثالي..
أو بالعكس ..
يمكن يصطنع هالشي ..
عشان يكسبها وتوافق عليه..
أنا ضد إن البنت تكلم الشاب المتقدم لها قبل ما توافق..
لن هالشي بيفتح عليها واااايد أبواب..
حتى لو كان هالشي بموافقة الأهل..
والسموحة..
.اقتباس:
المشاركة الأصلية كتبت بواسطة بوظبي
.
ذكرتيني بــ ربيعتي . .
مع إنها مالجــه بس مب طايــعه ترمس ريــلها أونه أكشـن على قــولتها شرات ماتقولين إنتي
.
.
waVes
هـل أكلم خطيبتي ؟
طبــعا لاا ,, أنـا ضــد هالفـكره ,,
احـنا متعـودين انه الواحد ما يرمس خطيبته الا بعـد المـلجه ,, وفـي بعـضهم ما يرمسون بعض الا بعد
العرس ,, بس انه يكلم خطيبتي وهـم ما ملجـو ,, ما احبـذ هالـفكره ,,
مــثلا :-
واحد بغى يخطب وطلب من اهل الخطيبه انه يرمس بتنهم وعقب بيملجون ..
في هالحـأل الاهـل ما بحطون في بالهم انه هو يمكن ما يملج على بنتهم ,
رمسـها وما حب اسلوبها او طريقه رمستها او تفكيرها .. الخ
في هالحـال كيف بيقول حق اهل البنت والله انا ما ابى بنتكم ؟؟ :nono:
أكيــد الاهـل بيفكرون انه رمسها وشبع منها والحيـن ما يباها , لانه حاطين في بالهم انهم بيملجون
وما بيترك بنتهم ..
و رايي يملجـون وعقب يرمسون بعـض لين ما يشبعون ..
وتسلم الملهم على الموضوع
: )
:
مادري .. بس لو تفكرين فيها من نظرتي الخاصهاقتباس:
المشاركة الأصلية كتبت بواسطة جنون إمرأة
هالانسان الي الوحده بتاخذه " يروم يتزوج عليها " .. بس اذا ملّـت منه وين تظرب إبراسها ؟!
الحياه طويله .. اتخيل الوضع كيف بيكون ممل .. واذا خلاص تعرفو على بعض .. بعد عشر ولا عشرين سنه بيزهقووووون
هي صح ..
انا اعتقد ان الي يبون يتزوجون لازم يتزوجون وهم صغار .. علشان يقدرون يلعبون وي عيالهم بعد 15 ولا 20 سنه في القريه العالميه :harhar1:
هلا...
صح كلامج بوظبي..
كل ماكان الزوجين صغار لكما سنحت لهم الفرصه بالتفاعل و يا عيالهم.. الصغاريه يستاااااااااااااااااااااا انسون يوم يشوفون والدينهم يشاركونهم بالاشياء اللي يحبونها.. ألعاب .. لبــس... و هالسوالف..
وفي غلطه الازواج وايد يرتكبونه.. في الاسره نفسها يعطون نفسهم دور الكبار اللي مستحيل ينزلون لمستوى عيالهم و مشاركتهم اللعب و الضحك.. كأنه الواحد لو استوى كبير عيب انه يلعب و يضحك و يطلع طلعات و ناسه ويا عياله..
في حد مره من الصغاريه يخبرني.. يقولي انه الاولاد يقولوله يا حظك ابوك واااايد كوووول .. يلعب وياكم و عاااادي عنده.. عكس ابوه اللي مول ماله خص ..!!
اقتباس:
المشاركة الأصلية كتبت بواسطة الملهم
بس ما نقدر نقول جي .. لأنه كله يعتبر بالنهايه نصيب
صح كلامج .. العرب دايما يكلمون عيالهم على اساس نظرتهم الخاصه لهم .. مب العكس الي هو الاصح ( نظرة العيال للـفكره الي ابوهم وامهم يطرحونها او يطلبونها )اقتباس:
المشاركة الأصلية كتبت بواسطة شوق القلوب
انا واحد من خوالي متزوج امريكيه .. واشوف الفرق بين نظام بيوتنا و بيتها ماشاءا الله عليها
انا وايد متازمه من طريقة معاملت ( معظم الابهات والامهات )
يبنون مستقبل العرب على النظره الي هم يبونها له .. مب الي الولد يباها لنفسه ..
ما يحاولون يستكشفون مواهب الولد .. بكثر ما يحبونه ينفذ الي هم مخططينه له في المستقبل ..
عندي وايد كلام وافكار لهالموضوع .. بس اسمحولي الحين مستعيله ماعندي وقت اكتب .. مره ثانيه ان شاء الله بكمل