عيال برج الدلو

اقتباس:

---

المشاركة الأصلية كتبت بواسطة وعد

, اذا تعرفون حد من الدلو لا تنتقدونه علي قرار خذه لانه الصراحه وايد عنيد فالنقاش معاه ضايع اذا حاولت انك تقنعنه انه يغير رايه

---

أنا ويا شوق.. ماظني أنهم يوصلون لهالحاله

إلا إذا كان الى ايناقشهم اسلوبه استفزازي

ولا ايكونون مب مرتاحين له

لانهم أصلا ما بيعطون عمارهم مجال عشان ايفكرون فكلامه إذا كان هذا حاله

يعني يرمس ولا يسكت كله واحد :harhar1:

تعجبيـــني يا وحـــــي :fa35:

خلاص..استوينا ربع دامنا متفاهميــــن :12:

يا ويلي من حلم الطفوله :negab:

brgll:

حلمي الجميـــل.. مكانتها أبد ما تتغير.. :kcl:

ولا هي بتغار.. اللي بينا أكبر من هالكلام :ice:

..

ها صديقتي.. شو رايج الحين ؟؟ :yes:

:yes:

انا بس ودي اعرف خصائص برج الحمام .........

اقتباس:

---

المشاركة الأصلية كتبت بواسطة ناصر الخالدي

انا بس ودي اعرف خصائص برج الحمام .........

---

ما في برج اسمه برج الحمام

هذا برج ناصر الخالدي بس يا وعد :harhar1:

اقتباس:

---

المشاركة الأصلية كتبت بواسطة وحي القلم

هذا برج ناصر الخالدي بس يا وعد :harhar1:

---

ههههههههه يمكن والله
بس هو برج الميزان هذا الي عرفته:ice:

مساؤكم سكر ..

وعــد .. اسم حلو وااايد ..:fa35:

برج الدلو .. برجي .. احبه وايد وا شوف انه ينطبق علي بنسبة 85% ..

لا أؤمن بالابراج .. ولكن أؤمن بعلم الفلك ..

ربيعاتي .. يقولون عن برجي .. برج السطل ..:kcl:

مودتي .... دخــون :mar7aba:

اقتباس:

---

المشاركة الأصلية كتبت بواسطة دخون

مساؤكم سكر ..

وعــد .. اسم حلو وااايد ..:fa35:

برج الدلو .. برجي .. احبه وايد وا شوف انه ينطبق علي بنسبة 85% ..

لا أؤمن بالابراج .. ولكن أؤمن بعلم الفلك ..

ربيعاتي .. يقولون عن برجي .. برج السطل ..:kcl:

مودتي .... دخــون :mar7aba:

---

انتي الاحلي يا دخون واسمج بعد وايد حلو عاجبني
انا مثلج ما اومن بالتنجيم والي يعرفون الغيب لانه هالشئ عند رب العالمين
بس تحليل الشخصيات علي تاريخ الميلاد علم حلو

دمتي بخير:fa35:

هههههههه
معلومات حلوه

تسلمين اختي ..

احسه ينطبـق علي ..

اقتباس:

---

المشاركة الأصلية كتبت بواسطة مريوومه

تسلمين اختي ..

احسه ينطبـق علي ..

---

حياج الله خيتو:a070:

من متى وانا اتريا برج الجوزاء

وبنتظارج وعــد

:14:

جان استرجع ذكريـــاتي الجميـــله.. ^_^

السلام عليكم شحالكم انشالله بألف خير وعلى فكره انا ربيعتي من هالبرج وتنطبق عليها نفس المواصفات الي قلتيها وتسلمين عالموضوع

برجي الدلو ! ! !

و كل الكلام تقريبا صح و وايد صح والله

انا زعلاااااااااانه

استوا شهر 11 متى بتحطين برج العقرب :frown:

نتريا الباقي :laugh:

.
.

وعد

ما شا الله كلامج منطقي و ينفهم

مب شرات الموضوع اللى كنت قرايتنه

أونه مواليد الدلو يحبون اللون الأزرق الكهربائي :birgits_giggle: ..!

عيزت و أنا أبغي أعرف شو هاللون بس بدون فايده :4:

بــرج صـديقـــتي الصـدوقـه

أكثر شي حسيـته فيهــا :


عندهم ميزة تعجبني و متفردين فيها تحسهم يقدرون يهدؤن الناس المعصبين جدامهم مع انهم عصبين

بإنتظار برج العرب قصدي العقرب << مرت
سنين وماوصل الدور
:d010:

انا اي برج ..
"
"
والله اني نسيت ..
شهر12 .. يني ...؟؟؟
امممم
مادري

ويه فديتني والله *_* الصراحه بالنسبه لموضوع العناد هذا يسوي وايد مشاكل يعني احس لو ما ابي اعاند مجرد اني احس حد ينتقدني شيطاني الدنيا تلبسني واعاند لو كنت على خطأ بس فديتني قلبي طيب وحبوبه

لا حول ولا قوة إلا بالله .............

من يعلم الغيب إلا الله تعالى من بيده الخير والشر ؟ إلا الله تعالى

هذه الأبراج لا تصح ولا تيقبل عليها مؤمن لأن فيها شرك والعياذ بالله والنبي صلى الله عليه وآله وسلم حذر من المنجمين والعرافين (( كذب المنجمون ولو صدقوا )) وكما هو معروف فإنه من أتي عرافـًا فسأله فصدقه فقد كفر وأما إن سأله مجرد سؤال فلم تقبل له صلاة أربعين يوم .

من هنا نعرف خطورة هذه الأبراج التي تجعل القلب يتحرك وينشغل ويتعلق بغير الله تبارك وتعالى فتجد من الأخوة والأخوات من يصدق كل حرف ويخاف من الغد أو يتفاءل منه بسبب هذا الكلام الفارغ كلام الذين انشغلوا في الأبراج وما بها من خرافات والألى على الإنسان المسلم أن ينشغل بحفظ ما ينفعه بعد الموت وينجيه من عذاب وضمة القبر مثل حفظ القرآن الكريم والسنة النبوية الشريفة .

ولاشك بأن المسلم يؤمن بالقضاء كله خيره وشره فيحمد الله عز وجل على كل مصيبة ويشكره على كل نعمة .

أخيرًا رسالة خاصة جدًا إلى صاحبة الموضوع أن تتوقف عن كتابة مثل هذه المواضيع لأن في كتابتها شر وخطر عظيمان الأثر . ونصيحة إلى إدارة الموقع أن توقف وتمسح مثل هذه المشاركات بأسرع وقت لأنهم يتحملون الأثم وتقع عليهم المسئولية الكبيرة لذا نرجوا التدخل العاجل بأسرع وقت ولهم الأجر بإذن الله تعالى .

كتب ذلك بمسئولية كاملة عن كل حرف : الفقير إلى عطف ربه / ناصر الخالدي

اقتباس:

---

المشاركة الأصلية كتبت بواسطة ناصر الخالدي

من هنا نعرف خطورة هذه الأبراج التي تجعل القلب يتحرك وينشغل ويتعلق بغير الله تبارك وتعالى فتجد من الأخوة والأخوات من يصدق كل حرف ويخاف من الغد أو يتفاءل منه بسبب هذا الكلام الفارغ كلام الذين انشغلوا في الأبراج وما بها من خرافات

---

اخويه كاتبة الموضوع ما تتنبأ بالمستقبل و لا خلتنا نتفاءل ولا نخاف منه

هي حللت شخصيات مواليد كل برج

يعني الكلام اللى كتبته ما له علاقه بالتنجيم

.
.

و قالت بعد

اقتباس:

---

المشاركة الأصلية كتبت بواسطة وعد

انا هنا لا ازعم انه كل ما اذكره بكل برج ينطبق 100% علي الشخصيه لانه رب العالمين خلق كل انسان متفرد بذاته وشخصيته , قد ينطبق كلامي علي الشخصية بنسبة 2% ولكن تبقي نسبه كبيره بعيني ...........................................

---

وحي القلم / شكرًا على التعليق بس للأسف أنا أتكلم في وادي والتعليق في واد آخر بإختصار شديد .


الأبراج ماذا تعني ؟

على ماذا يتم تحليل شخصياتنا ؟

أتمنى سؤال أهل العلم والفتوى حتى نتأكد من كل هذه الإشكالات وللعلم فإن مجرد إعادة قراءات المشاركات المكتوبة يتأكد للقارئ (( المنصف )) صحة ما أقول والله من وراء القصد

السلام عليكم...

هلا استاذي ناصر..

اسعدني حضورك في هالموضوع .. و حبيت نقاشك فيه..

وبما اني الحمد الله مب من محبي متابعه أخبار الابراج و توقعاتها.. لكن شدني هالموضوع اللي يتكلم عن شخصيه الانســان.. صح انه مسماه ابراج.. لكن الابراج عباره عن شو.. هي فتره زمنيه من هالشهر الى هالشهر .. والمقصود انه مواليد هالفتره لهم صفات مشتركه اتخليهم معروفين فيها..

و بحياتنا العاديه.. يمكن اتصادف شخص مولود في نفس الفتره معاك و اتحس صدق انه لكم نفس الميول " الخفيه ".. و تتشابهون بها مع انه الظاهر انه ما يخصكم في بعض..

اقدر اشبهه الموضوع.. مثل سالفه انه كل وحده اسمها فاطمه : شخصيتها قويه و عنيده..

و سبحان الله .. مرات اتلاحظ هالشي اذا اتشابهت الاسامي..

انا ما اقول دايماً.. بس جي تقدر اتقول فئه كبيره..

..

في هالموضوع انا مب يالسه ابرأ الابراج.. لكن احاول اشرحلك ليش احنا اتفاعلنا .. :yes:

..


كل تقديري لك استاذي.. :)

اقتباس:

---

المشاركة الأصلية كتبت بواسطة وحي القلم

[CENTER]

اخويه كاتبة الموضوع ما تتنبأ بالمستقبل و لا خلتنا نتفاءل ولا نخاف منه

هي حللت شخصيات مواليد كل برج

يعني الكلام اللى كتبته ما له علاقه بالتنجيم

.
.

و قالت بعد

---

شكرا وحي القلم اختصرت الكلام الي كنت بقوله

اقتباس:

---

المشاركة الأصلية كتبت بواسطة ناصر الخالدي

لا حول ولا قوة إلا بالله .............

من يعلم الغيب إلا الله تعالى من بيده الخير والشر ؟ إلا الله تعالى

هذه الأبراج لا تصح ولا تيقبل عليها مؤمن لأن فيها شرك والعياذ بالله والنبي صلى الله عليه وآله وسلم حذر من المنجمين والعرافين (( كذب المنجمون ولو صدقوا )) وكما هو معروف فإنه من أتي عرافـًا فسأله فصدقه فقد كفر وأما إن سأله مجرد سؤال فلم تقبل له صلاة أربعين يوم .

من هنا نعرف خطورة هذه الأبراج التي تجعل القلب يتحرك وينشغل ويتعلق بغير الله تبارك وتعالى فتجد من الأخوة والأخوات من يصدق كل حرف ويخاف من الغد أو يتفاءل منه بسبب هذا الكلام الفارغ كلام الذين انشغلوا في الأبراج وما بها من خرافات والألى على الإنسان المسلم أن ينشغل بحفظ ما ينفعه بعد الموت وينجيه من عذاب وضمة القبر مثل حفظ القرآن الكريم والسنة النبوية الشريفة .

ولاشك بأن المسلم يؤمن بالقضاء كله خيره وشره فيحمد الله عز وجل على كل مصيبة ويشكره على كل نعمة .

أخيرًا رسالة خاصة جدًا إلى صاحبة الموضوع أن تتوقف عن كتابة مثل هذه المواضيع لأن في كتابتها شر وخطر عظيمان الأثر . ونصيحة إلى إدارة الموقع أن توقف وتمسح مثل هذه المشاركات بأسرع وقت لأنهم يتحملون الأثم وتقع عليهم المسئولية الكبيرة لذا نرجوا التدخل العاجل بأسرع وقت ولهم الأجر بإذن الله تعالى .

كتب ذلك بمسئولية كاملة عن كل حرف : الفقير إلى عطف ربه / ناصر الخالدي

---

اخي الكريم انا ما قلت ولا في اي حلقه من سلسة الابراج الي طرحتها
ايش الي راح يصير في المستقبل عشان تقول تنجيم
ولا تكلمت عن الموت والحياه
ولا تكلمت عن القضاء والقدر
ولا عن كيف راح يصير يومك بعد ساعه من الان
هذي الامور كلها بيد رب العالمين وحده لا شريك له ولا انا ولا غيري نقدر نتكلم فيها لان هذا شرك

انا اتكلم عن شخصيات وطبائع انسانية لا غير من خلال تاريخ الميلاد
حتي ممكن نفهم البشر الي من حولنا و نغفر لبعض الاشخاص تصرفاتهم

وما اظن هالشئ راح يشغل حد عن طاعة الخالق ولا راح يخلي الاعضاء يبتعدون عن الايمان بالقضاء و القدر

ويا اخي الكريم مثل قال وحي القلم , انا ببداية كل موضع اكتب هالفقره

(انا هنا لا ازعم انه كل ما اذكره بكل برج ينطبق 100% علي الشخصيه لانه رب العالمين خلق كل انسان متفرد بذاته وشخصيته , قد ينطبق كلامي علي الشخصية بنسبة 2% ولكن تبقي نسبه كبيره بعيني ...........................................)

فبالتالي ما اظن اني اسنحق بعد كل هذا انه مواضيع تنلغي

وشكرا.

واااو

اكثر الصفات اللي قتليها تنطبق عليي :fa42:

بس بلييز ابي اعرف عن برج الميزان :fa36:

ماي جيرل فرند من برج الميزان وابي اعرف عنه :love2:

اصحاب هالبرج يحبون الضحك وماشاء الله عليهم نشيطين ولهم شخصية حلوة فعلا
اصحاب هالبرج يمليون للخجل اكثر وتطلع شخصية ثانية نقيض لشخصيتهم الصجيه

^^ والله صدق

تحسهم يقدرون يهدؤن الناس المعصبين جدامهم مع انهم عصبين , يعني قصدي يقدرون يمتصون غضبهم وفيهم ثبات بالشخصية وبعد عندهم توازن عاطفي


^^ فديتنيه


مع انهم ثابتين بشخصيتهم ومتزنين بس ساعات يلطعون بطلعات غريبه ما تتوقعها منهم وتحسهم شوي ميانين
يمكن هالشئ لانه يبقي جزء من شخصيتهم << و محد امحسسنيه بينوني غير ابويه :a100: فديته لأن ينوني ما يظهر الا عليه والوحيد اللي يتحمل هـ الينون ~ الله يخليه لي يارب


فيهم فضول, نعم فضول بس مو الفضول مال الحشريه الزايده لا بالعكس
فضولهم ينبع من اهتمامهم بالشخص:thumbup1:

::

ثانكس ختيه عهد ع الوضوع { ما تقصرين

الصرااحة اغلب اللي نقال عن ها البرج صح
انا من عيال برج الدلووو وصدق الرمسه ^_^

تسلميين اختيه عالمووضووع

^_^

عاد العنااد انا ها الشي اللي هب عايبني في نفسي احس الكل يعاني منبي بسبت ها الشي
اهليه واربيعاتي والكل ^_^