أميــــه .. ابـــويه " اشترولي موبايل "

بقول رايي بصراحة الولد قبل ال15 ما يحتاج الموبايل بس في منهم يحتاجونه لفترات يعني اللي يلعب في النادي ويطلع وايد واللي مثلا مشارك في شي وجي بس عقب ال 15 يحتاجه وبشكل كبير لانه بهاي الفترة يبدا يظهر ويا ربعه وجي وطبعا الذيابة اذا تبا تخرب حد بتوصل له لو شو ما كان لو عنده موبايل ولا ما عنده الا اذا كانت التربية سليمة يعني مسؤولية الموبايل تقع على تربية الوالدين
اذا تربى صح ما بيسوي الاشياء ال مب زينة اخوي الصغير اشتروا له مبايل 3 اعدادي لانه يطلع ويا ربعه ويمكن حد يحتاجه في البيت صح انه في الشعبية بس يمكن يكون بعيد شويه عن البيت والحمدلله ما سوى اي مشكلة لانه الحمدلله مربى " جام هخهخه" اما البنت يفضل انها تاخذه بعد الثانوية لانها ما تحتاج له شو بتسوي يوم يوم بيظهرون وليش يظهرون بروحهن والبنات اللي يرمسن شباب وخربانات بيتصيدن اول شي البنات اللي عندهم مبايلات ويعرفونهم على ربعهم وهاي الظاهرة منتشرة وايد لان البنت تتحكم فيها عاطفتها " ناقصات عقل " تنجر وراها وهالشىء يساعد للانحراف عن طريق الموبايل
وجهة نظر

السلام عليكم ورحمة الله وبركاته ..

نشركر اختنا الكريمة على هذا الموضوع ، لا شك بأن " الموبايل " كغيره من أجهزة التكنلوجيا وسائل الإتصال فله السلبيات والإجابيات ..

وفلو استوقفنا للحظات .. ونظرنا إلى الهاتف المتحرك ومن الجانب الصحي .. فهو مضر أيضاً على البالغين .. فمابالك عندما يستخدم من قبل فئة الـ 10 إلى 17 سنه ..

وحتى هذه الفئة استسمحك في تقسيمها إلى قسمين .. وذلك لأن مستخدم الـ 10 سنوات يختلف عن مستخدم الـ 17 ..

وللنظر للذكور ..

ربما أحد هؤلاء الشباب ذو الـ 16 والـ 17 سنه .. لا يرغب بأن يتصل به صديقه على هاتف المنزل .. غيرةً على حرمة المنزل .. هذا من الجانب الإجتماعي ..
وأيضاً عندما يبلغ الشاب ويبدأ في الخروج حتى ساعات متأخرة عن المنزل .. " :gof: العيوز اتحاتيه " ..

أما من جانب السلعة او الهاتف المتحرك ذاته .. في هي سلعة رخيصة الثمن .. ومتوفره عند الجميع قيمتها ..
ولـــــــــــــــــــــــ ـــــــــــــــــــــــــ ـــــــــــــكـــــــــــ ـــــــــــــــــــــــــ ـــــــــــــــــــــــــ ن :

ماذا إذا كان هذا الهاتف عند بنت في فترة المراهقة ..

هنا تكمن المشكلة .. فالبنت جنس لطيف .. وهذا العمر تظهر مظاهر الأنوثه .. وربما لا تجد من تشاكيه .. فيبدأ سوء الإستخدام .. " ولا ننسى رفقاء السوء " .. ..

وأترك لكم التعليق ..

والسموحه .. :yes:

ولد الشحوح :-
الظاهره هذي انتشرت وبشكل كبير وملفت وسواء كانت البنت او الولد
وقامو الكل يتعذرون بالحاجه
سواء البنت او الولد ..
صرنا انشوف اشياء كثيره من قبل الاثنين ..
.
.
انا من رايي حتى لو كانت التربيه زينه .. لازم يكون هناك متابعه من قبل اولياء الامور ..
وفذيج الحزه راح يتجنبون الخطأ اللي ممكن يصير ويستوي مستقبلا
وتسلم يااخوي على التواجد

انا ما اعارض ان يمتلك الاطفال موبايل بس ما له داعي يعني ما منه فايده و هم اغلبية الوقت مع اهلهم
بس انا ما اشوف ان له سلبيات لانه انا من عمري 16 سنة عندي مبايل و ما اثثر علي يعني ماله سلبيات بس من اجابياته اذا ظهرت مكان بدون اهلي يقدرون يدقولي و يعرفون وين انا

وليش انت / تستخدم الموبلاستخدم موبايل عشان اسال على صديقاتي اكثر شي بالمسجات..و للضرورة

كم من الوقت تمضي وقتك عليه وانت تتكلم اممم بين النص ساعة و ساعتين .. حسب البنت اللي ارمسها:mar7aba:
إن كان عندك اخو / اخت صغار تتراوح اعمارهم بين ( 10-17) فهل تشجعهم على امتلاك الموبايل " وليش" ؟
امممم عادي ما اعارض بس نفس ما قلت ما له داعي و الحمد الله انا اعرف خواني ما بيستخدمونه استخدام سيئ
الا ترى ان هناك اضرار قد تنجم وراء هذه التقنيه الصغيره وهي يد الصغار ...وماهي تلك الاضرار ...
شو هي الايجابيات اللي اتشوفها بوجهة نظرك ..بامتلاك الاطفال للموبايل
حسب الطفل او المراهق اللي يمتلكه يعني ممكن ان يستلم بلوتوث بصور غير شرعية او اباحيه او ممكن البنت تستخدمه استخدام سيئ
تسلمين على الموضوع اختي الشوق

موضوووع حلو أختي الشوووق ..

أنا ماكان عندي موباايل اللا يوم كنت 2 ثانوي .. ومب ل شي ..
لأن كنت أدرس بعييد عن أهلي .. أنا في رااك وهم في بوظبي ..
..
وو
أنا ضد هذي الظاهرة ان يااهل ما اتعدى ال 10 عنده موبااايل ..
لا والحيين بعد تلفوناتهم أحسن من تلفوناتنا ..
انا لو لا أخوووي ليين الحيين عندي بوليييزر ..
بس أخويي اتكرم واخذلي تلفووون هدية بعد ما خلصت ثانوية ..

تصدقوون ذااك اليوم واااقف عند باب البيييت مع وااحد من ربعي .. يه واحد من صغارية الفرييج صف ثاني اعدادي يسولف اونه ,, يقوول اونه انا اكلم وحده بالتلفوون متعرف عليها ..
طاعوا هذا !!
أنا أكثر مره اتكلمت بالتلفوون نص ساعه .. مب لشي .. كانت عندي مشكله صغيييه وابي احلها ..

هيييه صح ..
ذكرت شي ..
على ايااام 92 او 93 ..
كااان واحد من عماامي يداوم في بوظبي وعمره 20 .. كان يظاارب اخوانه الكبااار عسب ياخذوله موبايل لأن يضرب خط بوظبي ولازم يكون عنده موبايل ..
هالكلام على ايااام القناااص ..
واخر شي خذوله موبااايل ..

العتـــيج :- شي جميل هالمقارنه اللي ذكرتها في اول كلامك
بالنسبه للمراهقين والبالغين ذكرني بالتدخين .. ان الواحد يوم يكون في هالعمر اتخيل الاضرار اللي راح اتصيبه
فما بالك بالاضرار الصحيه اللي راح اتصيب الاطفال وهم في هالسن .. وكيف استخدامهم بشكل كبير وملفت ....
.
.
.
تبي الصراحه كل الاعذار سواء للبنت او الولد ..
من (( لزوم الكشخه - الكماليات - الخقه - الاغراضه الشخصيه - وغيرها من الامور .. اللي انذكرات سواء للبنت او الولد .......... حجج واهيه )) لان على ايامنا ما سويناها لا نحن ولا اخوانا .. بالرغم من انهم كانو بحاجه . . لكن عاشو حياتهم ..
يعني الاعذار غير مقبوله خاصة في عمر المراهقه ..
.
.
الرجل ممكن يستخدمه بعد ما يتخرج من الثانويه (( وبلا صدعة راس عسب ما يلتهي باللعب ))
والبنت تستخدمه عقب ما اتدش الجامعه ..
وذيج الحزه كل واحد يتحمل مسؤولية استخدامه
.
.
ع العموم تسلم يااخوي ع التواجد الرائع
ودمت
خويتك/ الشوق

اصايل
.. اذا كل بنت تجرين مكالمتج وياها نص ساعه معناته .. خسارة بطاقة ومصاريف في اليوم الواحد اتخيلي .. عدد الساعات اللي تجرينها مع كل البنت ..
.
.
.
هواجيس مشتاق ..
هاي المشكله .. البنت في عمر المراهقه والولد بعد .. ينولد عندهم احساس وشعور عاطفي ..
وللاسف هاي التقنيه الصغيره اللي من بينهم تلعب دورها بشكل كبير .. واهمال الاهل وغيابهم عن عيالهم ... راح يأثر عليهم في المستقبل ..
بس ماانقول غير الله كريم ..
شاكره لكم تواجدكم الرائع والقيم
خويتكم / الشوق
:fa35: :fa35: