.. رســالة خاصـــة : ممــــكن أتعــرف عليـــــج ؟؟! ..

كــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــول
يالله الباااااااااااااجي

[frame="7 80"]تدرين

المشكله إنج تحسين بفراغ كبير وبضياع أكبر بحياتج

وأكيد إنه الحياة والوسط إلي عايشتنه لهم الدور لكبير باحساسج هذا

مستحيل تكونين ياهل ؟؟ لأنه من يفكر بهالأسلوب أكيد كبير

كبير بعقله وفهمه وإدراكه لكل شيء حوله

يمكن نحن بنتم صغار بعيون أهالينا حتى لو كبرنا ؟؟صدقيني بنتم صغار

هالفكره إلي مستحيل يقتنعون فيها حتى لو حاولنا المستحيل وأقنعناهم بإنا كبرنا ؟؟ بعدنا يهال

ما أدري والله ؟حب زايد منهم أو يبون يكبرون نفسهم ويصغرونا

وأكيييد الأحداث من حولج من وسائل إعلام وقصص بنات بتخليج ادورين عن قصص حب رومانسيه ... يمكن بتكون بداية مراهقه اتعيشينها... وسكنت احساسج ...وبترافقج حتى بأحلامج ...

يمكن هو هروب من الواقع لحلم تقدرين تحققين فيه أحلامج على أرض الأحلام ؟؟ يمكن محاولة فاشلة للبحث عن حب خيالي ؟؟ يمكن فراغ تحاولين تملين فيه فراغج واحساسج بإنج كبرتي وبحاجه إنهم يفهمون إنج كبرتي ؟؟

بس أكيد روتين حياتج بحاجه للتغيير ... لكن التغيير لازم يكون بشيء إيجابي ...لأنج أكيد وبدون مجامله انسانه كبيره بتصرفاتج

تفكيرج بهالأشياء يدل على إنج فاهمه الصح وبتحاولين تعدين هالمرحله بإيمانج وثقتج بنفسج

دوري حولج أكيد بتحصلين حد قريب منج ...

وطبعا وجودي بهالفتره بحياتج بتكون مرحله وبتعدي

الله يسهل أمورج[/frame]

وأنا ممكن اتعرف عليج ؟؟

شو بيصير يوم ببوح لج باللي في خاطري ؟؟ أنا ما أطلب منج شي صعب ولا مستحيل ..
أطلب منج تسمعيني .. وعندي احساس إنج بترفضين هالخطوة .. عشان ما استمر بالبوح واتعلق بج ..
لكن ابعد من أولها أحسن عسب ما انجرح بعدين

شوق القلوب . حلم الطفولة .. الصراحة الرسالة الخاصة هاااي شي ..

احس انها مسرحية واقعية ... ونحن المتفرجين :yes:

شوق القلوب وحلم الطفوله


ما شاء الله عليكم :)


سرد جميل جدا


موفقين بإذن الله

يـ حـافـظ عليـكن
أسميني انـدمـجت ويـاكن
’’’’

بنتـظار التكلمـة
:fa35:

انزين وبعدين شو استوى؟؟

بس لو منزلين مسلسلكم ف رمضان مب احسن..""اسولف""

في الانتظار.................................> >

السلام عليكم

كله ولا أختي أليمه ....فالج طيب ...انتظروا الحلقات الأخيره برمضااااااااااان:yes:

[frame="7 80"]بعدج.. تذكريني..؟؟

أدري غبت عنج فتره.. و انقطعت عن كلامج الحلو..
بس ما سرقتني أوقاتي الا لانشغالي.. بشي يديد !!

في المدرسه ، خبرتني ربيعتي عن هوايتها ، و اشكثر هي مستمتعه بهالشي ، اتقولي انها تقضي طول وقتها عليه ، وهي مستانسه الكلام يطلع منها بدقيقه و يختفي.. لا حسيب ولا رقيب..
وعطتني كمن موقع.. وقالتلي اجرب !

فدخلت.. الجات.. ! بصراحه.. حسيت انه عالم كبيــــــــــــــــــــــ ــــر في شاشه صغيره جدامي..! ما اقص عليج.. اول يوم اقرا وانا امبهته.. شو يقولون هذيلا..!! وانا ويـــن عايشه عن هالجيل اللي غالبيتهم 14 سنه وما فوق.. يعني تقريباً من عمري.. واللي صدمني أكثر.. كلامهم لي.. و دعواتهم ليلسه خاصه ع المسنجر وتوهم لامحين اسمي لاول مره !

ويوم عن يوم.. بديت أتعلم منهم.. بدردشات خفيفه .. وبصراحه اللي عيفوني فيه سؤالهم اسمج / عمرج / من وين ..!! أأخ.. جنه جواز لازم اراويهم اياه عند كل نقطه تفتيش.. قصدي تعارف ..!!!

واللي شدني أكثر.. انفتاحهم.. و يتكلمون عن أشيــاء بعده عقلي مب قادر يستوعبها.. ، في ناس كانوا سخيفين.. وفي ناس همهم التكيت والتعليق.. وناس.. يواعى حب !! وناس تطمش.. مثلي!

كنت طول اليوم امجابله الجات.. اضحك عليهم مره ، واندمج وياهم مره ، و استكنر سخافاتهم مرااااات ..!!

بس في يوم .. شدني كلام واحد.. يتكلم بشويه منطق.. ممم ما ادري.. ذكرني فيــج.. وقلت بطرشلج و بخبرج عن آخر أحوالي.. لو كنت بعدج.. مهتمه !
.
.
[/frame]

[frame="7 80"]أكييييييد أذكرج ....وانقطاعج عني كل هالشهور شوقني لج!

هالغياب المفاجئ حسسني بذنب كبير! فتحتيلي قلبج وصديتج ...واختفيتي!

ما أنكر إني افتقدت رسايلج الخاصه ... لأنها تحسسني بقربج مني ...حسيت بإني إختج ومسؤوله عنج!

الواضح بكلامج إنج دخلتي عالم الجات !

يمكن انعدام تجربتي بهالعالم بالذات تخليني أسألج وأتعرف منج أكثر على هالعالم؟

شو الحوارات إلي تثيرج وتشاركين فيها وياهم؟

وهالانسان المنطقي إلي له جزيل الشكر بتذكيرج فيني ؟ بشو يتكلم؟

حابه اتواصل وياج وتعلميني بإيجابيات أو سلبيات الجات من وجهة نظرج ..

بانتظار ردج عزيزتي [/frame]

السلام عليكم ورحمــة الله ،
شوق القلوب ، حلم الطفولـة .. اشتقتلكم حيــل .. :yes:

موضوعكم وايد حلــو ، قريته كامل .. حلو اختياركم ،،

كملـــوا .. وبالتوفيــق إن شــاء الله ..

يزاكم الله خيــر .. ^_^

فمان الله