. . : :  حقق حــلمــك : : . .

لكل من شارك معنا ...تمنياتي للكل بالتوفيق:fa47:

الســـلام عليـــكم..

..


منـــــــو بعـــــده عنده همـــه انه يكمّـــــــل..؟؟؟

انا بواصل المشوار وياكم ان شاء الله
و ان شاء الله نختم القرآن
:)
:fa41:

شـوق القلــوب

شو هالســؤال

ان شـاء الله ما نقطــع .. مواصليــن لتحقيق حلمنا ..

العجيبه.. سألت لاني ماشفت ولا رد من اللي سجلوا ويانا... وما ادري اذا الجماعه مشوا ع الجدول ولا اهملـــوه..؟؟

هالموضوع خذ منا وقت طـــــــــــــــــويـــــ ـــــــــــــــل.... وكان ودي أعرف صداه عند الاعضاء... بس مافي حد خبرني شو صار وياه الا عضوه وحده بس..!!!

انا بعدني ما بديت في الجزء المقرر مال يوم الثلاثاء و الاربعاء

اليوم ان شاء الله بخلصهم

الحمدالله انا ماشيه عالجدول صح اني مرات ما احفظ الجزء المقرر كله
بس اعوض في الويكند

و ان شاء الله بستمر وياكم لين ما احقق حلمي حتى لو محد عبرني

انزين خبرونا شو صار وياكم في الحفظ

هل مشيتوا على الجدول و الا أجلتوا

مشكوريم عالفكره الحلوه

السـلام عليـكم ورحمـة الله

يسـرني إنـي أواصـل المشـوار معـكم
وإن شـاء الله بـراجـع جـزء عمّ في هـذا الأسبـوع
وسنحـقق أحـلامنـا بـإذن الله تعـالـى

:)

جـزاكـم الله خيـر
وربـي يـوفقـنا ويـوفقكم

بانتظــار الجدول

الســـلام عليـــكم...

أوتارالقلب... أنا جــــــــــدا سعيده باهتمامج و متابعتج.. :)

ربي ان شاء الله يجعلج من ختمة القرآن.. :) بس لا تنيسن تدعيلي..

...

الجدول اللي حاليا بنتبعه... هو انه نحفظ كل يوم صفحه ( وجه ) من جزء تبارك... حيث انه السور صارت اطول و يبالها تركيز اكبر..

..

بس لا تنسون يكون حفظكم صحيح من حيث النطق بهذا عليكم تتبع القراءه ورا مقرئ معروف..


..


واسفه ع تأخري... :)

..

عندي اقتراح... شو رايكم نبدا الحين من سوره البقره...؟؟ ولا انكمل على جزء تبارك..؟؟

السلام عليكم

انا افضـّل انه نكمل على جزء تبارك لأنه الصور الي فيه اقصر و حفظها اسهل

بعكس سورة البقرة الي ممكن انها شوي تخربطنا في الحفظ :fa36:

و خاصة انه نحن بعدنا في بداية المشوار

اقول لو نكمل حفظنا بطريقة عكسية بيكون افضل و اسهل لنا و لكم

مجرد اقتراح و انشوف راي الاغلبية :fa54:

وعليكم السلام ورحمة الله وبركاته

الحمد لله ... والله ينولنا حفظ كتابه كامل يارب

ومثل ما قلنا مشوار الألف ميل يبدأ بخطوه ...والخطوه الأولى وضعها لنا قلوب وشوق الله يحفظهم

بس يا شوق ...أنا ما نصوووور ؟؟ أقصد ناصر ...أحسن نبدأ الحفظ بطريقه عكسيه

الله يوفق الجميع :fa38:

السلام عليكم

شوق القلوب

طبعي اني ما انسى اللي يسوون ويايه خير

و ان شاء الله ما بنساج و بدعيلج دوم

الله يوفقج
....
انزين انا اقول بعد ان نبدا الحفظ من الاجزاء السهله

لان سورة البقره صعبه علينا كبدايه :fa46:

الله يوفق الجمعين في الحفظ

نصـــور... حلم الطفوله ... أوتار القلب...

..

خلاص.. مثل ما اتشوفون... بس صدقوني ترا البقره سهله.. وفيها وايد من الايات اللي حافظينها ع ايام المدارس...

اللي شجعني اني اقولكم عن البقره انها في يوم القيامه اتي سوره البقره و ال عمران شفيعه لحافظها... ودام انه الحماس فينا الحين فقلت ليش ما نبدا فيهم..

..

خلاص... كل يوم ان شاء الله نحفظ وجه من جزء تبارك..

انا بعد اقول خلينا في تبارك احسن
لنه الحينه امتحانات وجي يعني بنحفظ صفحة وحدة كل يوم
وبعدين في الاجازة بنبدأ فالبقرة لنا بنكون ملانين وماورانا شي
ها راي

:)

السلام عليكم و رحمه الله و بركاته


احبتي اعضاء الواحات
اخواني المشاركين الكرام

اسمحولي لاني قطعت المشروع لاسباب و اعتقد معظمكم يعرفها ، و الحينه رجعت اشوف ما حصدتوه و ان شاء الله اتكونون لو حصدتوا القليل بتفرحوني و بتفرحون الاخت شوق القلوب على ما بذلتوه لانه انتوا انضميتوا و بقناعتكم ، و هالقناعه هي اتيب الاراده و على الصبر و الانجاز ..

ان شا ءالله راح نرجع و نكمل المشروع اللي بديناه و الكل يعلم انه الاجر عند الله و سبحانه هو اللي بيجازي كل واحد على قد نيته ان شا ءالله ..

اللي كمل يزاه الله خير و اللي ما كمل بيكمل معانا بأذن الله ..

رجعت و ان شاء الله اتكونون في هالفتره قادرين تحصدون على الاقل جزء من ثمار هالمشروع ..

ربي يوفقكم ان شاء الله


قلوب دبي

الســــــــــــلام عليـــــكم..

..

يسعدني تواجد قلوب دبي من يـــديد... وبيسعدني أكثــــر عودة همتكم و نشاطكم بعد..!

..

هالايام.. أيام أجازه... يعني مافي شي مهم يشغلنا وايد..

والحمد الله .. الكل انتهى من امتحاناته..

..

يعني الفرصه سانحه انه نشغلنا وقتنا باللي يفيدنا دنيا وآخــــره.. :)

..

..

يلا.. نبا انشـــوف... منو بيجدد ويانا العزيمه..؟؟؟؟

:)

السلام عليكم

سبحان الله بعد مرور سنه و شهرين رجعت لموضوع انكتب اهني ..
رجعت اتذكر امور كثيره ..
طبعا اولا اعتذر من الاخت شوق القلوب لاني تخاذلت و المشروع ما قدرت
اني اوصله لمستواه و احقق نتايجه في الواحات كمجموعه متكامله ..
و لكن اعتقد في داخل كل واحد منا
هالحلم و ليت بوجود أو بدون وجود هالموضوع انه يستمر في هالطريج ..
بإذن الله راح ابتدي مجددا ..
وربي يوفقكم كلكم

المعذره مجددا

قلوب دبي

الســــــــــــلام عليـــــكم..

..

قلوب دبي..

كــان حلم .. و بيظل حلم.. السبيل لتحقيقه هي النيه الصادقه و الصحبه اللي اتعين..

و رمضـــان أحــلى فرصه لبداية المشروع من أول ويديد..

و اذا مستعد.. بكون وياك ان شاء الله .. :yes:

( ذكرتني بأياااااااااااام ) !

.. اعـــــــــــــــــــــلا ن ..

..

اللي يبا يحفظ سورة البقره في رمضــــان.. يطرشلي او يكتب اسمه هني..

..

ها .. الهمه عندكم عاليه.. مثلي..؟؟ :fa34:

.
.

فكره حلوه

البقره بدايتها ونهايتها عادي سهلين وبسرعه ينحفظون

والحمدلله انا حافظنهم..


بنحاول نحفظ وياكم ان شاء الله :)

مــا شااء الله اقـترااح جداً جـمييل ,,

وأنـا أسـجل أسمي بـعد وان شااء الله نـحفظ وياكم ^^ ,,

السـلام عليكم

إن شاءالله ويـاكم
؛؛
وهمتـنـا عاليـة يـا شـوق
:fa34:

حبــــايبــبي و الله .. ^_^
..

خيــال الحب.. تنيـــنه .. دمعة شـــوق.

..

أســاميــكم اتسجـــلت.. و ان شاء الله بنجهزلكم جدول حلو و سهل.. و ايـــنا العيـــد وحنا امكملين الحفظ.. :fa34:

حلوو
أنا معااكم بإذن الله

حيـــاج ربي يا هــــزايم... :fa34:
..

خيــال الحب.. تنيـــنه .. دمعة شـــوق... هـــزايم

:bow:

أهل القلوب الطيبة ماشاء الله اجتمعوا .. ودعونا لحغظ القرآن .. ولكم الاجر إن شاء الله ..
شكاي واصل متأخر
لكن
كيف طريقة التسميع

ان شاء الله انا بعد وياكم .. والله ييسرلنا الحفظ ^_^

مـــاشـــاء الله ... المنافسه بتكون حللللللوه....

خيــال الحب.. تنيـــنه .. دمعة شـــوق... هـــزايم.. المزوحي.. أوتار القلب..

..


هل من مزيــــــــــــــد ..؟؟؟ :bow:

وياكم ان شالله :)

:)

ما شاء الله عليكم

ربي يوفقنا في الحفظ

شوق القلوب حطي اسمي اول الاسماء
والله يقدرنا وانا ببتدي من هالايام ..

احم احم
مافهمت ،، يعني شوق القلوب انتي اتحفظينهم ؟؟؟

لبن مثلج

مساج الله بالخير
الله يسلمج الفكره انه حلم كل شخص منا انه يحفظ القران
ولو اتبعتي الموضوع من البدايه بتلقين خطوات و امور كثيره ذكرنها
اتبين كيفيه الحفظ و الامور المتبعه كانت عندنا في الواحات في المده السابقه
طبعا قطعنا فتره والحينه رجعنا
طبعا منا اللي حفظ و منا يعني و يعني ..
الحينه بإذن الله مجموعه كبيره بترد تحفظ
في منهم من ابتدى و منهم من بيبدأ مع شهر رمضان
و استهلينا البدايه انه نحفظ سوره البقره ..

:smartass:

عفااريـــتوو .. قلوووب دبــــي....

قلوب دبي .. خيــال الحب.. تنيـــنه .. دمعة شـــوق... هـــزايم.. المزوحي.. أوتار القلب.. عفاريتووو

..

..

عزيزتي اللبن..

طبعاً في الواحات .. بتكون قدراتنا للتحفيظ جداً محدوده.. كون التواصل كتابي فقط !
لكن في هذا الموضوع - و مثل ما ذكر اخويه قلوب - حطينا بعض الامور اللي اتساعد ع الحفظ و كيفيتها..

و احنا ان شاء الله بنحاول انرتب جدول للحفظ اليومي.. و بنتابع اللي اشتركوا ويانا في مدى التزامهم فيه.. و ان شاء الله انحقق الحلم .. :fa34:

يزاكم الله الف خير يا شوق وقلوب و يجعله في ميزان حسناتكم ، وياكم هداني وهداكم الله

أمــــــــــــــــانـــــ ــــــــــي ..

يــــا هــــــــــــلا و مــــــــــــــــرحبـــــ ا بالغاليــــــــــــــــــ ـــــــن .. :fa35:

يشرفنـــي وجـــــــودج في هالـــمشروع .. :fa34:


قلوب دبي .. خيــال الحب.. تنيـــنه .. دمعة شـــوق... هـــزايم.. المزوحي.. أوتار القلب.. عفاريتووو .. أمـــــانــــي..

كــل عام وانتو بخيـر

اليـوم كنت يالسـة اسمّع حق الدكتور جان اذكر ها الموضوع :fa41:

شـوق القــلوب .. متى بتحطين الجدول ؟
انا وااايد متحمسة للحفظ :fa34:

هيه صح اشوف لو نحفظ كل يوم صفحة بنخلص الحفظ ان شاء الله :k_smartass: