ع البال والله ما نسيناك

<font color='#000000'>وهوجة<img src="http://oasis.bindubai.com/emoticons/glare.gif" border=0>
ليش باخله علينا اليوم ؟؟<img src="http://oasis.bindubai.com/emoticons/oo.gif" border=0>
عشان خاطرنا كملي <img src="http://oasis.bindubai.com/emoticons/blush.gif" border=0>
</font>

<font color='#000000'><p align=center>فالكم طيب من عيوني
وهذي هي التمكله<img src="http://oasis.bindubai.com/ubbc/smileys/0011.gif" align=absmiddle border=0>

<font color=#990033>الجزء30

</font>مايد وناصر يتحوطون في السوق وبعد ما ساروا الجامعه وحظروا حفل التخرج اللي مسوينه للخريجين....مايد يحوط وفباله يشتري هدايا الاهل ..وناصر بالمثل

ناصر: هاه مايد شو بتشتري
مايد: والله بشتري للبنات اول والحرمات
ناصر: للبنات ولا للي فبالي
مايد منحرج: افهمها ع مزاجك يا اخي
ناصر:ههههههه انصحك خذ شي رهيب
مايد: يا ويهك اتشك في ذوقي
ناصر: ومن قال انت راعي الذوق كله
مايد: آي نو تعال ندخل هل المحل عندهم اشياء حلوه

مايد شاف قلوب حلوه وخذ لخته وبنات عمه منهن ..وخذ لمه والشباب وعمومته وحرمه عمه...سوع....بس اكيد خذ شي مختلف لمنال قلب فيه ثلاث قلوب وعليه فصوص الماس وشكله رهيب وحلو....ناصر وبعد ماحتار شو يشتري خذ عطور واكتفى بهن وبعد ماردوا وهم تعبانيين من الحواطه ساروا يرتاحون شوي ويلسوا يجهزون شنطهن ..لان ما بقا عن طيارتهم غير يوم واحد ....ناصر وبعد مارتب اغراضه
مايد: هاه بو الشباب اتصل بالاهل يتلقولنا في المطار
ناصر: هيه اكيد بتصل
مايد: اها اوكي
ناصر يشوف التلفزيون:..........
مايد يالس تحرقص محله من كرسي لكرسي وييلس حذال التيلفون: يا اخي ذليتنا عاد قم اتصل
ناصر: وذا انت الله يعين اللي بتبتلي بك
مايد: ودها هاي شيخه البنات
ناصر:ههههه مانروم ترانا عليج يا الرومنسي انت
مايد: ابو الرومنسيه بعد
ناصر: اقول شو رايك تاخذلك امريكيه وتفكنا
مايد: يهبن هباهن الله فديت بنت بلادي ...مزيونه وحلاتها غير لاتشبه السبال بالغزلان
ناصر: بس بس ما يسوى علينا
مايد: شو الحين
ناصر يدور المجله: ماشي
مايد: اخ بس منك اقول انا بتصل عنك ما ينلامون يوم سموك القاطع
ناصر: غثيتنا انت شو هل الحال
مايد: فديتني ..انا وياك هل اليومين وبعدين انا في بيتي وانت في بيتكم
ناصر: يا حبيبي انت لا بتي بيتنا ويايه
مايد: ان شاء الله بس ابا حجرك
ناصر: واصله ميود
مايد: ما وراك فايده يا اخي بتصل عنك
ناصر: كيفك..بس اقول ترا سهيل..غير رقمه وانا ماعرفه
مايد: واتصل في منوه يعني امايا هل الوقت في العزبه عند الهوش وراشد فبوظبي ونهيان في الكليه ...
ناصر: وحصوه
مايد: ماظني في البيت
ناصر: اتصل في بيتنا
مايد والضحكه شاقه الويه: ان شاء الله

مايد وبعد ما اتصل .....والوقت عندهم ع حدود اربع العصر....والكل مب موجود لا في بيتهم ولا بيت عمه الا منال اللي كل يوم اتسوء حالتها وترفض انها تطلع .....ويالسه ع لبتوبها تلعب ببرامج التصميم اللي نقلتهن من سيديات حصوه...رن التيلفون ومثل كل مره مكالمه خارجيه

مايد: الو السلام عليكم
منال: وعليكم السلام والرحمه
مايد ويشوف ناصر: شحالج منال
منال: بخير شحالك انت وناصر شحاله
مايد: كلنا بخير وسهاله
منال: ياحيكم
مايد: عيل وين عمي وسهيل وينه
منال: كلن لا هي في شغله
مايد: زين اوكي قولي لسهيل ان بالثلاثا ان شاء الله بنكون في دبي ع الساعه9 فليل
منال: ان شاء الله بعد شي فخاطرج
مايد: لا تسلمين يا بنت العم سلمي ع الاهل
منال: يبلغ ان شاء الله وسلملس ع نصور
مايد مستعيل: وصل فمان الله
منال: في حفظ الله


وبعد ما سكر مايد .....وهوه بعده سهران ويا سهيل ....وما رقدوا لين الحين

مايد: نصور عندك استيكر
ناصر: استكر؟
مايد: هيه هذيلا ايي اينك صغار ومربعات بيض
ناصر:هيه هيه بتلقاه ع الطاوله
مايد: اوكيك
ناصر: ع شوه ناوي
مايد: تعرف وانا اتشرى كنت اشتري كل هديه لشخص معين واحين بكتب اساميهم عليهن
ناصر: عاش الخبال عاش
مايد: محد خبل غيرك
ناصر: ههههه
مايد: ولا شو رايك بعطيك الهدايا وفكني منهن بس هل الغلب يوصل لصاحبته مب اضيعه ولا تنساه منيه او مناك
ناصر: بحطه في عيوني
مايد: جيه اباك

ناصر: اخبرك قوم يالله رقاد ورانا عثرة السفر
مايد: مافي رقان من شوقي للبلاد
ناصر: والله كيفك ...
مايد: خلاص انا بيلس هنيه بشوف هل السمان
ناصر: الله يهديك يا خوي ما يسوا عليك هل القليب
مايد: صاحبه مطير الرقاد من عيوني
ناصربدا يتغيض: والله ثم والله ان مايزت عن حركاتك مابيوزك اياها تسم
مايد مرتبك وحالته حاله: لا لا فديت خشمك(يحب خشم ناصر)...بكوم بنخمد

وطلع مايد وسار صوب حجرته وناصر اللي قال ليتني هديت عليه من قبل جن قام وفكنا من عثره السمان الا يكتب ويحط...ليش ماشي شغل


وهلنا اللي في دبي ...ع حالهم مرتبشين ويا عرس سهيل وفي نفس الوقت يية ناصر ومايد للبلاد وبالنسبه لبو عسكور ...ع حاله من المستشفى للمقهى عند الربع ....وكل مره يصر ع موقفه وقرر انه يخبر امه وتخطبها له ..وبعد مارد للبيت الساعه 11 لقى الوالده يالسه في الصاله ونوره وياها يالسه تهمزها

سعيد: السلام عليكن
نوره..ام سعيد: وعليكم السلام والرحمه
سعيد: هاه العيوز ...شي يعورج
ام سعيد : والله يا ولدي رويلاتي مادري ش ياهن يعورني
نوره: اميه ظني الا فجج ما شر ان شاء الله
سعيد: ان شاء الله ..نوره سيري ابا ارمس امايا
نوره: اوكي

وبعد ما طلعت نوره ...وسعيد يلس حذال امه وحبها ع راسها ويلس يهمزها

سعيد: امايا
ام سعيد: يالبيه يا ولدي
سعيد: مب ناويه تخطبيلي
ام سعيد: ناويه يا ولدي واليوم قبل باجر
سعيد: خلاص عيل خطبيلي
ام سعيد: شو رياك ببنت عمك ميثا
سعيد: لا امايا ماباها
ام سعيد: شله عاد
سعيد: ما فيها شي بس ملسونه
ام سعيد: عيب عليك يا ولدي بنت عمك تراها
سعيد: امايا تراني بهون
ام سعيد : لا تلفو ادور خبرني منوه اللي تباني اخطبلك اياها
سعيد: مممم سلامه بنت محمد
ام سعيد: والنعم فيها وفي اهلها سنافيه ومزيونه
سعيد: وبعد المدح بتخطبيلي ولا اسير اروحي
ام سعيد: لا بنخططبها لك بجري وتسير اتخطب لك اروحك
سعيد: تم عيل
ام سعيد: تم اولدي وان شاء الله بخطبها لك جريب تدري عرس اخوها الاسبوع الياي
سعيد: هيه بس لا تبطين خوفي حد يخطبها
ام سعيد: ان شاء الله ماصدقت يا بوك اتعرس
سعيد يحب راس امه: اترخص منج الغاليه بسير احط راسي
سعيد: مرخوص يا ولدي وط راسك فديتك


سعيد وبعد ما سار صوب حجرته ويلس يفكر ويتخيل المستقبل جدامه يتخيل انه الله يوفقه وياخذ سلامه اللي بدا يعزها من قلبه ......وخالد اللي دخل عليه الحجره وشافه سرحان ويشوف السقف....وطلع عنه .وبالنسبه لام سعيد فرحت من خاطرها ع موافقه ولدها واخيرا بشوف ولدها معرس وقريب ان شاء الله بتشوف عياله وبتلاعبهم ....وبعد ما وصل بو سيعد ...عرف بنيه سعيد ع العرس واستانس له ....خالد اللي تفاجأ من سمع الخبر وعزم انه يعرس بس يدوره الحرمه اللي يبها نوره اللي فرحت لخوها ....وسلامه من عرفتها كانت وياها حبوبه وطيبه ومحد اخير عنها ....مر هل اليوم ع خير وناصر ومايد ركبوا طيارتهم ....مايد اللي ضربته دوره في راسه وما قدر يتوازن ركبوه ع كرسي متحرك ....وناصر اللي يلس يسحبه من مكان لمكان وهم في مطار لندن وهم يتريون الطياره الثانيه (لندن دبي)..ناصر يدز كرسي مايد ويتحرطم

ناصر: يا البزاي انت مافيك شر قم
مايد يتأوه : راسي يعورني
ناصربدلع: وابويه عليك انا
مايد: ودني صوب الكافيه
ناصر: ان شاء الله الشيخ مايد
مايد: فديتك انت شيخي
ناصر: تفدك العافيه ياربي

وبعد ما وصلوا للكفيه ومايد خذ له كابتشينوا ...وفطاير كل وخذ له اسبرين وارتح شوي ..وناصر اللي يالس يضحك ع ولد عمه ويعلق عليه وهوه يالس ع الكرسي المتحرك وبعد ساعتين ردوا للطياره .....ومنال يالسه في حجره سلامه وتقرا الجريده وسلامه ترتب اغراضها اللي اشترتهن للعرس ..وبعد شوي رن تيلفون منال وكانت الريم متصله ......وبعد السلام

ريم: سلامي شو تسوين
سلامه: ارتب اغراضي
ريم: اها ومنال وين كل ما اتصل مبايلها مغلق
سلامه اطالع منال: مادري يمكن امفضي ونست تجرجه
ريم: يمكن عيل وينها ابا ارمسها
سلامه:تبين ترمسينها الحين..(منال اتاشر وتقولها راقده)
سلامه: بس هيه راقده هذيه جدامي
ريم: حد يرقد المغرب وعيها
سلامه: فديتج توها راقده اتصليلها بعد صلاة العشا بتكون واعيه
ريم: اوكي سي يو
سلامه: فمان الله


وبعد ما بندت الريم سلامه يلست تجلب في تيلفونها ومنال حذالها
سلامه: لين متى يعني
منال: مادري
سلامه: مب حرام عليج كل ما تتصل ما تردين عليها
منال: ماقدر صدقيني
سلامه: هذي بنت خالتج حسبة اختج
منال: ادري وادري ان مالها ذنب بس شو اسوي بهذا بقلبي
سلامه: حاولي
منال: حاولت
سلامه: اوكي مره مرتين او ثلاث
منال: اوك.....

وقطع رمستها صوت المسج اللي وصل لسلامه..وسلامه اللي فتحت المسج وكان الرقم غريب عليها واول مره اتشوفه ويلست تقراه
منال: منوه مطرشلج
سلامه: رقم غريب اول مره اشوفه
منال: شو المسج
سلامه:رجف قلبي من غلاهم وحلف ما يعشق سواهم وينهم ساسي وناسي ماتت الضحكه وراهم
منال: يا عيني
سلامه: شو هل الحركات صدق تقهر الواحد
منال: يمكن وحده من الربع
سلامه: ماظني اصلا يطرشلي مسج اذا غيرن ارقامهن
منال: عيل
سلامه: يولي يمكن بالغلط شو علي انا
منال : صح

اذن العشا وسهيل اللي انشغل بالعرس وترتيباته وحجز من شهر في فندق حياه قاعة الياسي ....وبعده مرتبش ما يعرف شو بيسوي لعمره وهوه اللي كان يتصل ع العنود والعنود ما ترد عليه وبعد ما طفرت من كثر ما يتصل ردت عليه ...

سهيل: تو الناس العروس
عنود:السموحه حبيبي بس مشغوله
سهيل: تنشغلين عني
عنود: اسمحلي والله بس مشغوله تدري
سهيل: مسموحه الغاليه
عنود: اوكي سهيل براك الحين
سهيل:يالله اوكي باي
عنود: ما صدقت انت
سهيل: تراج ما تبين تكلميني
عنود: افا سهيل لا تزعل والله ما يهون زعلك عليه بس بقولك لا ترمسني
سهيل:كيف يعني ما فهمت
عنود: حبيبي ما بقى عن عرسنا الا اسبوع يعني اركد شوي
سهيل: هيه زين والله برايج الحين
عنود: فمان الله
سهيل: الله يحفظج

وبعد ما سكر سهيل عن عنود وهوه يحوط في حوش البيت طلعت له شواخي تزقره ع العشا...وسار المطعم ولقاهم يتريونه..وبعد ما تعشوا ويلسوا في الصاله شوي يسولفون .....ع الترتيبات وشو اللي سووه واللي ناقصنهن ..وام سهيل يالسه تهمز شيبتها ....

سهيل: منال تعالي
منال: شو تبى
سهيل: تعالي يلسي حذالي اباج في سالفه
ومنال وسارت تيلس حذال اخوها: خير
سهيل: شو بلاج
منال: يعني زاقرني اتخبر شو بلاج
سهيل: شفتي شكلك في المنظره اليوم صدق عنز
منال: اها
سهيل: منال والله ان حالج ما يسرني ...
منال تبتسم وبدت عينها تدمع: فديتك انا لا تحط في خاطرك
سهيل: اباج تضحكين تردين منال اللي يعرفها الكل
منال: ان شاء الله ..

وفي هل الوقت رن جرس البيت واللي كان ياي راشد ...يسلم على عمه ويسولف وياه وخص انه اشتاق له وهوه في بلاد الغربه ..سلامه ومنال اكيد سارن صوب حجرتهن من عرفن ان راشد اللي عند الباب...وسهيل يلس وياهم يسلوفون وام سهيل ....اتسمع سوالفهم..وراشد اللي استغرب من البنات وشافن سايرات فوق ....مع انهن عاد ييلسن ويا نهيان او مايد ..ليش هو بالذات لهل الدرجه شكله يخوف من بعد العلاج ..صح تغير شكله بس حالته تحسنت بوايد وبدا شعره يشب


سلامه وبعد ما سارت لحجرتها .......انتبهت لتيلفونها ع السرير ..وبعد ما شافت لقت مسج ومن نفس الرقم ويقول:فديت من غاب عني وما سأل يا تراه انشغل أو لحبي جهل أو شوفي له للحين ما وصل

سلامه اتحرطم: شو ه الحاله وانا ناقصه
منال: بلاج
سلامه: هذا اللي يطرش مسجات ماشي شغل الصراحه
منال: طاف واذا وحده تعرفج بتتصل
سلامه: وهذا اللي بسويه مب من عوايده اتصل باللي يطرشولي مسجات ومن ارقام غريبه
منال تبتسم: وهذا العشم فيج الغاليه
سلامه: تفدج العافيه ياربي
منال: سلامه شو رايج انسير المطار
سلامه: ان شاء الله بقول لسهيل بس خوفي راشد يرتز
منال: لازم يرتز دامنه اخوه ياي من امريكا
سلامه: لا تعالي ...عندهم دوام هوه وسهيل
منال: دوام سهيل يختلف...
سلامه: خلاص تم عيل بسويه الحين وبقوله
منال: اوكي


يتبع</p></font>

<font color='#000000'><p align=center><font color=#990033>الجزء31

</font>منال وبعد ما اتلصت لخوها اللي كان يالس في الصاله ويا ابوه وامه وولد عمه ...ووافق ع قرار سلامه لان منال اللي بتسير وياهم ولانه خاطره ضاج من حالتها قالهم انه موافق ع القرار
راشد ومن رمسه سهيل عرف انه يكلم سلامه وبيوديهم المطارو ياه وهوه في خاطره يسير بس فضل انه يتم في البيت ...وما يبا يثجل عليه في السيره


وبعد ما ترخص راشد وسهيل سار وياه صوب الربع ...بوسهيل وام سهيل ساروا يرقدون وشواخي ....سارت صوب سلامه ومنال في حجرتهن ويلست ترغي عليهن...وبعد ما تعبت رقدت ع سرير سلامه وليندا يت وودتها صوب حجرتها بعد موت ما طاعت اتقوم من محلها ..منال اللي تعبت من اليلسه وسارت صوب حجرتها وسلامه قعدت ع النت شوي ..تشيك ع البريد واطرش بطايق لربعها ولقت فطامي ع المسنجر ويلسن يسولفن وعزمتها ع عرس سهيل ....الريم كانت موجوده اون لاين ..بس ما رمست سلامه او بالاخص كانت متردده وبعد هل التردد كلهرمستها

حبيبي كل من حولي ظلمني(الريم):بو
الهوى ما طاب لو لاكم(سلامه): بوين بالحلوين
حبيبي كل من حولي ظلمني(الريم): احلوت ايامج ياربي شحالج
الهوى ما طاب لو لاكم(سلامه): طيبه شحالج انتي
حبيبي كل من حولي ظلمني(الريم): يدعسج الحال
الهوى ما طاب لو لاكم(سلامه): افا ليش عاد يا العروس
حبيبي كل من حولي ظلمني(الريم): منال مادري شو بلاها علي وايد تغيرت
الهوى ما طاب لو لاكم(سلامه): لا ما تغيرت بس تعبانه من الدراسه
حبيبي كل من حولي ظلمني(الريم): اي تعب امبونه التعب ما فرق بيني وبينها انتي تدرين بمعزة منال في قلبي غلاتها من غلاة العنود واكثر اعدها اختي وما هقيت منها اتسويبي جيه
الهوى ما طاب لو لاكم(سلامه):لا تشيلن هم انا بشوفها لج ولو هيه واعيه كنت بخليها تتصل بج ..

الهوى ما طاب لو لاكم(سلامه):اوكي ريم بطلع سي يو
حبيبي كل من حولي ظلمني(الريم): مع السلامه

وبعد ما طلعت سلامه من النت رقدت ....ويوم نشت الصبح وشافت تيلفونها لقت رساله من مرسال وبسرعه دقت ع 123 وسمعت المسج الصوت وكانت اغنيه هزاع المنهالي: (يا عذابي وسبه اجروحي يا مصابي ويا شقا حالي ليش عني اتصد وتروحي وانت قلبي حبك الغالي انت عمري انت مربوحي لك حياتي دوم تحلالي في بعادك بت مجروحي وانت عني لا ولا اتسالي ..)ويلست اتحرطم كل العاده وطوفت السالفه سارت توعي منال وبعد ما تلبست ونزلت الصاله اتريق ويا ختها ..وشافن امهن يالسه تشوف الاخبارسلامه شافت منال بخير وقالت افتح وياها الموضوع ....وافتك من حنت الريم ....

سلامه: تدرين ان الريم رمستني ع المسنجر امس
منال: لا وشو قالت
سلامه: ماشي حاطه في خاطرها منج
منال: من شو
سلامه: حبيبتي شو هل الحاله اللي ما تسر لا عدو ولا صديج...كل ما تخبرتج قلتيلي ...من شو شو بلاها هيه لا .....كلمتين يالله يالله ترمسين بهن
منال: شو تبيني اقول
سلامه: اقول قومي اتصلي بالريم وخلي عمرج عاديه
منال: هيه راقده الحين
سلامه: اوكي يوم بتنش
منال: خلاص صار

منال حست انها مصخت السالفه زياده عن اللوزم ومستحيل تخسر بنت خالتها والسبب حب وهمي والريم مالها خص فيه وظاعن بعد خلاص انتهي كل شي والله يحفظهم ....ومر الوقت ووصلت الساعه 8 ونص في هل الوقت طلعن سلامه ومنال ويا سهيل اللي كان مشغل عيضه وهو يغني ( تدري اني موت احبك وان مالي غير حبك واللي ينبض في ظلوعي ما هو قلبي هذا قلبك )..سلامه مستانسه برجعت اخوها

سلامه ويالسه جدام ويمين سهيل: حلوه هل الغنيه
منال: وايد وشاعريه
سهيل: لازم هذا ذوقي في اخيتار الشرايط
سلامه: هههههه صدق متفيج
منال: عطني اياه
سهيل: تحلمين
منال: مب مشكله بطرش بخش التسجيلات وبييب لي
سهيل: لا خلاص واصل لخاطر عيون بنت محمد شيخت الحرمات
سلامه: تراني اغار
سهيل: والله
سلامه: شو رايج تعطيني ممممم خلني افكر ابا تيلفون مثل تيلفونك
سهيل: ماشي تيلفونج يديد
سلامه: لا ابا غيره
منال: خذ لها عاد لتغدي طماع
سهيل: صار
سلامه: لا امزح وياك مابا
منال: خليه مستولج فيها حاتم الطائي
سهيل يطالع منال من منظره السياره ويضحك كان وده يحقص ويلات عشان يزيقها بس المنطقه اللي هوه فيها ما تساعد وخص السيايير زحمه ويوم وصلوا المطار وقفوا عند الاستقبال وتفاجأوا بناصر واقد ومايد ع كرسيه ...سهيل واول ما شافهم رحب بهم وسلم عليهم والبنات بعد ...مايد اللي تم متيبس محله ويبا ينش من الكرسي ماكان يبا منال اتشوفه وهوه بهل الحال

سلامه: تولهنا عليكم والله
ناصر: تولهت عليج العافيه ياربي
سلامه: ماتشوف شر مايد شو ياك
مايد: الشر ما اييج يابنت عمي ..ماشي الا تعب
منال: ماتستاهل
مايد: تسلمين والله


سهيل اللي انشغل ويا ناصر بالشنط وساروا صوب السياره وسلامه وقافت ويا منال ومايد حذالهم يالس ع كرسيه....وبعد ما ركبوا مايد يلس جدام وناصر يلس ورا هوه وخواته .

مايد: عيل وين راشد والصوص
سهيل: انشغلوا شوي
مايد: انشغلوا عن اخوهم اقول رد رد المطار برد امريكا
ناصر: سهيل رد لا يموت علينا
مايد: هذيه اللفه جدامك
سهيل: شو تخبلتوا ماشي شغل
سلامه: ههههههه اسميكم سوالف
منال: ناصر المفروض توصلون ع 9 ونص
مايد: لا بس موعد الطياره جدم شوي
ناصر: بلاك رزه اختي وتكلمني قالت ناصر مب مايد
مايد: بل خذتني بشراع وميداف
ناصر: الله يسلمج يا منال هذا واحد بديوي ويانا في الطياره ... تم يتسحب عند الطياره ويهدده يوصل قبل الموعد والطيار ما فيه حيله
منال: والله
مايد: نويصر نويصر يوز عاد
<font color=#990033>
والبقيه تأتي.........

see you <img class=inlineimg title="" alt="" src="http://www.b7aruae.com/vb/images/smilies/icon30.gif" border=0> </font></p>


&nbsp;</p></font>

<font color='#000000'>ههههههههههههههههه ه
اسميهم مخابيل هالاثنين
حليلها منال والله مسكينة
بس الفرحة في سلامة ان شاء الله توافق على سعيد <img src="http://oasis.bindubai.com/emoticons/wink.gif" border=0>


مشكوووووووووورة وهوجة
ما قصرتي حبيبتي
ننتظرش <img src="http://oasis.bindubai.com/emoticons/grinning.gif" border=0>

</font>

<font color='#000000'><p align=center><font color=#990033>مرحبا

الجزء 32

</font>منال:هههه
مايد:زين يوم خليتني مضحكه يالدب
ناصر: ماعاش من ضحك عليك ميود

في هل الوقت رن تيلفون منال والمتصله حصه
حصه: سلملم
منال: وعليكم السلام
حصه: وينكم انتوا ابطيتوا علينا
منال: لا يايين في الدرب الحينه
حصه: يالله بسرعه اشتقت لخويه
منال: ما بيطير صبري خمس دقايق
حصه: اوكيك باي
منال: الله وياج

سلامه: هاي الصوص
منال: هيه محتشره اتريانا
مايد: اقول سهيل سير بيتكم سيده
سهيل: شله عاد امك وخوك يتريونك
مايد معصب: مب ساير صوبهم
ناصر: ليش شو ياك
مايد: مابا اللي يباني ايي يستلمني من بيت عمي
ناصر: ليش ما حيدك ثور ظايع
مايد: نويصر برشك بهل الغرشه تسمع ولا
منال: ويه 4 سنين ع هل الحاله الله يعينكم
ناصر: لا ما عليج منه الا الحين يتخقق عليه
مايد: بس خلاص هاه بنصكت

سلامه ادور مفتاح حجرتها في الشنطه وشافت مسج يديد ومن نفس الرقم وكان يقول فيه: مساء الخير و الشمعه مساء يمسح الدمعه احبك من نهار السبت حتى ليلة الجمعه...سلامه اللي بدت تنقهر وتبا تعرف منوه هذا اللي متفيج ويطرش لها كل ساعه مسج ....وقررت انها تصكت وان اتصل بترد عليه وبتهزاه...منال اللي سرحانه في عالمها ومايد اللي يلتفت كل شوي يشوف ناصر وهوه وده يشوف بنت عمه..ويقول في خاطره متى بترمس يا ناصر وتريحني من قلبي ..

وع الساعه 10 بالضبط وصلوا للبيت وكانت حصه اتلقاهم عنب الباب وام راشد وراشد وفرحتهم بردة مايد وولد عمه ناصر ..وبعد ما نزلوا من السياره وسلموا يلسوا شوي ..سلامه اللي مالها نفس وخصوصا يلستهم رباعه وخص راشد وياهم وهوه كل شوي يلتفت صوبها ..

راشد: حصوه قومي ييبي عصير
حصه: لمنوه العصير هل الوقت
راشد: لعيال عمج واخوج
حصه بلا مبالاه: مب غرب الا هل البيت واللي يبا شي هكوه الدرب يسري صوب المطبخ
راشد وبدا يعصب: اقولج قومي
ام راشد: يا ولدي بلاك ع اختك
حصه: اقول سلامه انا بسير وياكم (وتقوم من محلها تبا اتسير صوب حجرتها)
راشد وقف ومعصب: وين ماشي طلعه من البيت
حصه: مب بكيفك انزين


سهيل حس ان بتستوي ضرابه في البيت مسك راشد من ايده وطلعه برع وحصه اللي يلست محلها ومعصبه واتصيح ...سلامه اللي بدت تحترق اكثر واكثر من تصرفات راشد ....شو شايف عمره ع اساس يعامل اخته الوحيده بهل الاسلوب ع الاقل يحترم اميمته اللي شاله همهم ..

سلامه: عموه خلي حصه تبات عنا هل الاسبوع
ام راشد: والله يا بنيتي الشور شور اخوها هوه ريال البيت
سلامه: وانتي امها ولج راي خليها حليها
مايد: حصوص الغاليه مرخوصه سيري الا بيت عمج وحسبه ابوج
حصه اتقوم من محلها وتيلس حذال مايد: فديتك والله محد يفهمني فهل البيت غيرك
مايد بحنان: بس عاد ما يهون عليه اشوف اختي ووحيدتي تصيح
حصه: خلاص السالفه ما تستاهل الصياح
ناصر: فديت الحنون انا صدق بتوله عليك
مايد: تفدك العافيه ياربي بس لاتنسى وياك وياك من سرت لين ييت
سلامه تبتسم: الله يخليكم لبعض ياربي
الكل: آمين
منال: حصوه يالله حبيبتي قومي بنسير
حصه: ان شاء الله

حصه وبدت ترتاح لان مايد هوه الوحيد اللي كان يحن عليها واكثر من اخوانه ..وكان قبل ليسافر امريكا يحوطها الاسواق وبيت عمها واي مكان تباه ....وسارت حصه تيب اغراضها اللي تحتايه وسلامه سارت تساعدها منال اللي يلست ويا ام راشد تسولف وياها شوي عن عرس سهيل وناصر ومايد وياهم

ام راشد: وبيت العروس زاهب ولا بعده
منال: لا البيت كامل باللي فيه
ام راشد: يا حيكم يوم افتكيتوا من عثره الاثاث
منال: الحمدلله
مايد: ناصر كم مساحه بيتكم
ناصر: ظني الا 200×150
منال: لا بيتنا 200×200
مايد: ما شاء الله ارضكم عوده يعني ينبنى فيها بيتين غير الفله وبيت سهيل
ناصر: يمكن بس ع شوه ناوي
مايد بمكر: ههههههههه خلاف بقولك
ناصر: ههههههه احلف بس انت ...
مايد: لا تنسى اللي تواعدنا عليه
ناصر: شوه
مايد يصد صوب ام : ام راشد ترانا انا ونويصر بنعرس في ليله وحده
منال: هههههه قلن الليالي
مايد: لا بس تدرون مالي غنا عنه
ام راشد: الله يفرحني بكم
مايد ومن الخاطر: ان شاء الله
ناصر: بل شقا مستعيل وهوه هناك في امريكا اللي يصيح الييه ناوي ع العرس من 5 اشهور
منال: لاحق يا ولد عمي ع مصايب العرس
مايد: وليش مصايب..يوم هيه شيخة البنات
ناصر: بسك عاد عرس وعرس ماشي شغل


سلامه وحصه نزلن من الطابق الثاني وقالن حق ناصر ومنال انهم بيروحون واول ما طلعوا من الباب لقوا سهيل ويا راشد ...يسولفون واول ما شاف حصه بشنطتها احتشر بس سهيل حاول يهديه ويقنعه وبعد موت خلاهم يسيرون ....وطلعوا من بيت ثاني وساروا صوب بيتهم وبعد ما وصلوا ودخلوا البيت بو سهيل وام سهيل وشواخي سهرانه تبا اتسلم ع اخوها ..ام سهيل اول ما شافت ولدها ناصر تمت اتصيح وتلوي عليه

ناصر: فديت امي والله تولهت عليج
ام سهيل تصيح: وانا تولهت عليك يا بعد روحي
ناصريمسح دموع امه: خلاص الغاليه بس عاد لاتصيحين
بو سهيل: يا مريم الله يهديج ما تشوفيني واقف اتريا ناصر ايي صوبي واسلم عليه
ناصر اللي تم لاوي ايده ع اميمته ويمشي صوب ابوه وياها وحبه ع راسه ويالس بين امه وابوه..منال وسلامه وحصه سارن فوق يغيرن ملابسهن وينزلن يتعشن ...شيخه اللي يالسه اتريا حد يعطيها ويه

شيخه: نتول وانا ما بتحبني
ناصر: افا كله ولا يدتيه تعالي
شيخه تيلس ع ريول اخوها وتحبه: نتول تو يبتلي سفره
ناصر: ههههه اللي تبينه
سهيل: علموها ع السفره
ام سهيل: صدق انها عييز
ناصر: يا حيكم عيل بسير ارتاح
بو سهيل: اصبر بتعشا ويانا
ناصر: مشكور الغالي بس تعشينا في الطياره
ام سهيل: زين يا ولدي وسير ارتاح في حجرك
ناصر: ان شاء الله

ناصر بعد ما حب راس امه وابوه سارلحجرته يرتاح ويم دخل لقاها مرتبه ومعدله ومدخنه ....والثلاجه متروسه من الحلويات اللي يحبهن وكولا واونمين سي ...وبدل ثيابه ورقد ..والبنات زلن يتعشن ويا ابوهن وامهن وسهيل اللي سار صوب بيته يتعدل ويسير صوب الربع ع الكرنيش..وبعد العشا البنات سارن يرقدن لان باجر الاربعا ووراهن اشغال لازم يخلصنهن ....وقريب العصر نش ناصر وسار لحجرة اخواته وفي ايده ...اكياس الهدايا ...ولقاهن يالسات يسولفن

ناصر: مسا الخير
الكل: مسا النور
ناصر: شو مشغولات
سلامه: الله والله قرب يلس ويانا
ناصر: لا بس احسن لو ننزل الصاله
منال: خلاص فالك طيب بننزل
الكل طلع وسار صوب الصاله ما عدا سلامه اللي كانت يالسه تمشط شعرها ...وتفاجأت بتيلفونها يرن ويوم شافت الرق كان نفس راقد راعي المسجات وردت...

سلامه: الو
المتصل:.......
سلامه: الو
المتصل وهوه متردد: سلام عليكم
سلامه وبدت تنتفض: وعليكم السلام والرحمه
راشد: شحالج سلامه
سلامه: انت محد غيرك خير شو تبا بعد
راشد: اقول شحالج
سلامه من دون نفس: بخير
راشد: سمعيني ولو لمره وحده
سلامه: مابا اسمع اي شي وبالذات اذا منك انته اوكي
راشد: انتي ليش تكرهيني جيه
سلامه وبدت تعصب: يا اخي كيفي اكرهم شي راجع لي
راشد وبدا يتغيظ: اذا تميتي جيه مت ظني نقدر انتفاهم
سلامه: ع شوه انتفاهم
راشد: ع اللي بقوله الحين
سلامه: ارمس شو تبا
راشد: سلامه صدقيني والله اني احبج
سلامه وبدت تنتفض ومقهوره واصيح: انت قدها يعني ع اي اساس ترمسني بهل الطريقه هاه لا مذهب ولا حاشم عمرك وبزولك ان رديت واتصلت فيني (تسكر ع ويهه)

راشد رد يتصل مره ومرتين وثلاث بس سلامه ما كانت ترد عليه وتمت اتصيح من الاسلوب السوقي اللي استخدمه وياها ما سده اللي استوا من سنتين ويا يجتلني ويفتك .....منال اللي تمت اتريا اختها وبعد ما ملت سارت صوبها وشافتها اتصيح

منال: سلامه بلاج اتصحين شو مستوي
سلامه : ماشي
منال: لا شي قولي خوفتيني
سلامه: واحد حقير
منال: منوه هذا
سلامه : ولد عمج
منال: منوه منهم
سلامه: راشد
منال: راشد ليش شو سوا بعد
سلامه:هوه اللي كان يطرش لي المسجات واتصل من اشوي
منال وبدى الفضول يشتغل: هيه وشو قلتي له وشوه قالج
سلامه: كلام فاضي ماله معنى
منال: ما يسوى عليج الصراحه دامنه كلام فاضي قومي يالله
سلامه: صدقتي لازم اكون اقوى من التيار ليسحبني وياه
منال تبتسم: جيه ابج بنت محمد ما تهزها ريح
سلامه: هههه ما تهزها ريح ..ظني الا هزج
منال: ما عاش من يهزني انا خلاص ابا اكون منال القبليه منال اللي تحب الفضول والضرابه وكل شي
سلامه: فديتج انا وانا بعد احب منال القبليه
منال: عيل اومي ياختي هوه اخوك قايبلك حتة ذهب بتقنن
سلامه: نطر العرق بس تعالي شو هل الطق شو هذا
منال: حلو
سلامه: الا يخبل وفنان وخاصه فصوص الالماس اللي فيه
منال: هيه فنان وحليو
سلامه: نصور يايبنه لج
منال: لا مايد
سلامه: وطلع راعي ذوق بو الشباب
منال: هيه ما شاء الله عليه ذويق
سلامه: قومي عيل بشوف شو يابلي انا
منال: اوكي

ونزلن البنات وناصر اللي معصب ع شواخي تبا تاخذ سواره ماخذنها لسلامه

ناصر: شواخي حبيبتي كبيره عليج
شيخه: لا مب كبيله
ناصر: الله يهديج ياربي طفرتيبي
حصه: ههههههههههههه يعلك من هذا واكثر حد قالك اتراويها
ناصر: توبه تووووووبه
سلامه: بلاكم اتصارخون بتوعون الشواب
ناصر: اختج طفرتبي
سلامه: شو بلاها
حصه: يايبلها لعبة وتبا سوارج
سلامه: هههه فديتها شواخي حبيبتي تعالي
شيخه وسارت صوب سلامه ويلست حذالها: توفي حلوه
سلامه: وايد حلوه بس هذي مب مالج صح
شيخه: صح
سلامه: حبيبي عيب ناخذ شي مب مالنا ولا شو علمونا في الروضه
شيخه: ان الله بيعقنا فالنال اذا خذنا تي مب مالنا
سلامه: شاطره
شيخه تبطل السواره من ايدها وتعطيها سلامه تاخذ اللعبه وتسير صوب الحوش
ناصر: هب شو مسويه بالبنت
منال: الله يخليك ...هذا كنترول العصر تمشي اللي تباه ع كيفك
ناصر: هزرج زين عيل علمينا
سلامه: لا اسلوب سري خاص فيني
حصه: نهيان اتصل وقال انه بيي صوبنا المغرب
منال مستانسه: والله اسميني بيلس ع جبده وبعيفه الحياه اليوم
ناصر: خلنا من انهيان هذا لج سلامه والصوص هديتج عند ميود ...وهل الكيستين وحده لمايه في ساعه وقلب وعطر من ميود ..وقرطاسه ابويه فيها ساعه وعطر
سلامه: مشكورين وما تقصور امبونا ما نبا شي عليكم المهم صحتكم
ناصر: تسلمين بس هذا الواجب

شوي ويرن الجرس الا ومايد داخل عليهم ويسلم ع ناصر وييلس حذاله

يتبع</p>


&nbsp;</p></font>

<font color='#000000'><p align=center><font color=#990033>الجزء33

</font>ناصر: حيا الله مايد شحالك
مايد: يسرك الحال
حصه: شو ياك يايينا القايله
مايد: ماشي تولهت على نويصر
ناصر بمكر: هيه تولهت عليك العافيه
منال: شو تشربون تبون قهوه وشاهي ولا عصير
مايد: انا عصير
ناصر: وانا بعد
منال: والبنات
سلامه وحصه: لا ما نبا
حصه: بعرس قبلج
سلامه: ويا خرافاتج يالمتفيجه
مايد: انتي يالمعفوصه بتعرسين ...؟
حصه: نكته
ناصر معصب: شو هل النكت
حصه: حشا لساني وزل شو اسوي
مايد: اغسليه بصابون
حصه: هههههه باااايخه يالدب احسلي اقوم اعاون منالوه
مايد: اصغر عيالج هيه تزقرينها منالوه


حصه مستغربه من اخوها مع انها متعوده تزقرها منالوه وادلعها سلامه اللي ماتت من الضحك وناصر يخز مايد بعينه ..حصه سارت صوب المطبخ وهيه مبهته ...وسلامه سارت تودي الاغراض غرفتها ومايد وناصر يتصاصرون

مايد بقهر: نويصر متى بتقولها
ناصر: شوه اقولها ما قولها ابوه وهكوه في حجرته سير اخطبها
مايد: لا حليلي خويك وتحبطني
ناصر: يا اخي نحن في الامارت في دبي يعني مش ع العادات واخطبها من عمك
مايد: يصير خير وامري لله بنتريا لين ما يعرس سهيل وبخطبها
ناصر: وهذا الشور العدل

ومر الوقت بو سهيل وام سهيل نشوا ع صلاه العصر وكلن سار يصلي وردوا يلسوا يسولفون ويا عيالهم ....مايد وناصر كانوا يسولفون عن المواقف اللي تصير لهم ودخل عليهم سهيل ورمس ويا ابوه عن العرس والتجهيزات ...وبعدين بو سهيل ترخص ...يبا يسير صوب العزبه وشواخي تعلقت به بس مايد...عزم ع عمه وعيال عمه يسيرون العزيه ....وويلسون لين المغرب ..وفعلا وافق بو سهيل وشلوا دلالهم وفوالتهم وياهم ....البنات توحطن ويلسن ع العرقوب وام سهيل ويا شيبتها يتقهوييون مايد وناصر كانوا يحوطون ويشوفون الحلال ويتخبرون الراعي عنهن ...وقبل المغرب بشوي يلسوا رباعه وشواخي كانت تحوط مره عند البوش ومره صوب الخيمه

ناصر: تغيرت العزبه
بو سهيل: هيه تحيدها صغيره احين وسعتها ويبت الرجاب وحطيتن رباعه
مايد: زين والله وعيل وين بكرتيه
بوسهيل: سرحناها من يومين صوب عزبتكم
مايد: ليش ما خليتها هنيه
بو سهيل: خلها بعد صغيره ع المركاض
ناصر: منال صبيلي حليب وصبي لمايد

منال صبت الحليب لخوها وولد عمها ...ناصر عيبه الحليب كان له نكهه مختلفه ومصفر ومايد اللي عيبه وشرب له كوب ثاني

مايد: يا حافظ اسميه يفجج الراس هل الحليب
ناصر: مالت ع الحليب اللي تخدمه لنا في امريكا
مايد: ناوي تفضحنا
حصه: ههههه ظني الا كان يحرقه
ناصر: لا شو يحركه ...الا ماصخ ماي وشكر
سلامه: هههه
مايد: لا بس هل الحليب فنان ....منوه مسونه البشكار
منال: لا انا مسوتنه
مايد ويقول في خاطره فديت اللي مسونه: لا ما شاء الله عليج حلو
منال: تسلم
مايد: حصوه تعلمي من بنت عمج وسويلي منه كل يوم
ام سهيل: حصوص بعد ما شاء الله عليها خديمه وتعرف اسوي احلا منه
مايد: لا بس هذا احلا
ناصر: اقول بسكم يالله لفوا قشاركم سرينا صوب البيت تلقون نهيان ..يترانا وبيأذن علينا في الدرب

وبعد ما نشوا ولفوا قشراهم ....البنات ويا ناصر ومايد في سيارتهم وام سهيل وبو سهيل وشواخي في السياره الثانيه ...مايد اجدم قوم عمه يبا يوصل قبلهم ومشغل ميحد ومساتنس ع اللي منورين سيارته..وبو سهيل وام سهيل يسولفون وفجأه حس بعوار فيه قلبه

ام سهيل: محمد بلاك
بوسهيل: ماشي الا نغزه عند قلبي يبالي طبيخه
ام سهيل: يا ويلي عليك فيني ولا فيك
بوسهيل: ما اييج الشر ان شاء الله
ام سهيل: هذا من التعب تغبش الفير وترد فليل خف شوي
بوسهيل: والحلال منوه بيجابله ان ما جابلته انا
ام سهيل: الله يهديك ياربي بسويلك طبيخه زينه
بوسهيل: ما علي شر الا غازات من استويت واني اييني هل العوار بس خف الحمدلله
ام سهيل : الحمدلله ....

وبعد ما وصلو البيت ولقوا انهيان ..يالس ع المنامه ....واول ما شاء اخوه وولد عمه سلم عليهم يلس يسولف وياهم وبعد ما اذن المغرب ساروا يصولون وساروا يتحوطون في الاسواق والسناتروالبنات سارن ويلسن ويا امهن في الصاله يشوفن التيلفزيون ..وبعد صلاه العشا ....ردوا الشباب ويلسوا يسولوفون مايد اللي يا ع باله يدق عود وسارت سلامه تيبه من حجره ناصرو يلسوا يدندنون....ناصر يدق ومايد يغني والكل مرتبش....ويضحكون ع انهيان لانه كان مره ايبس ومره ينعش ويطبل ع الطاوله ....ودخل عليهم سهيل وهوه فاج حلجه شباب شو كبرهم وبات عقل يالسين يدندنون ويدقون وجالبيت الصاله ....فوق تحت ..هد عليهم بعد ما سلم وعزم عليهم يسيرون صوب الربع في ميلس ..منصور ...والبنات يلسن اروحهن ......راشد وبعد هذاك الموقف اللي استوى ماله ويه ايسير ع بيت عمه وخص انه حط عمره في موقت محد يحسده عليه وقلل من رجولته ....في لحظه ظعف مر بها وقرر انه يبتعد عنهم لفتره ويلهي عمره بالشغل....ومر هل الاسبوع لا راشد ايي صوب عمه وحصه اللي تمت في بيت عمها واتسير صوب امها ويا اخوها ويردها لبيت عمها ..مايد اللي ما صدق ايرد من امريكا ويشوف غناته وهوه دومه مطيح في بيت عمه ....والبنات مشغولات بترتيبات العرس والعروس مرتبكه والريم فرحتها استوت فرحتين ...موقف منال منا اللي بدى يرد طبيعي مثل ما كانت .....واليوم الاربعا عرس الرياييل الكل مرتبش والمعرس في حاله ونيهان اللي يايي مسرع صوب بيت هل العروس والشباب ما شاء الله عليهم مرتبشين وسعيد اللي يا ويا ابوه واخوه خالد...واخوان محمد الفلاسي احمد وسالم واستانسوا وشلوا الدنيا باليوله والرزفه وتعشوا هذاك العشا الفنان .

والبنات اللي انشغلن في الصالون ومرتبشات رفوع دومها محتشره تبا تخلص اول وحده منال اللي حاولت اتكون مثل قبل تسولف وتضحك وتنكت ولا تستهم الريم من حالتها.....

الريم: منال اشوف ايدج ياااسلام شو هل النقش الفنان
منال تضحك: تسلمين والله بس لا تقلدين
الريم: ومن يقوله بسوي شراتج
منال: نوووووووو سوري
الريم: ما يخصني
منال: وانتي كله تقليد ..اشوف مخج نقلي ولا اصلي
الريم: اصلي ميه الميه وحيات عينيه
منال بطرف خشمها: اشك
الريم بدت تعصب: دبه دبه دبببببببببه
منال: عادي ماسمعت شي
رفوع: خس الله المخبل حووووه انتن بلاكن عدايل ولا شوه
منال: ههههههه ومن قال اصلا ارضى اكون عديلتها شوه خبله انا
ريم: ماشي شغل الصراحه
سلامه: يعلكن الحشره قولن آمين ...صدعتن بروسنا خلنا ننقفض ونخلص
رفيعه: العروس خلصت ولا لا
سلامه: باقيلها ايد وحده وبتخلص
رفيعه: اف يعني بنتم هنيه لين الساعه 12
سلامه: هيه للاسف
منال: جن تحنيتي في العين وافتكيتي
رفيعه: ويكون حناكن احلا عن حنايه
ريم: مشكله غيوره
رفيعه بخقه: كيفي كيفي ياويلي من اللي يتعبلون
منال: اف حنايا مت بيحف يوعانه الصراحه
سلامه: صبرن بنخلص بعد شوي
رفيعه: الا الدريول وين
عنود: سار لبويه البيت
سلامه: منوه بيردنا ؟
منال: مادري
حصوه بعد ماخلصت شعرها: انا خلصت
منال مستغربه وفاجه حلجها: خير يا طير شو يعني خلصتي
حصه بكآبه: يعني سرينا
سلامه: لا اصبري بعدنا
حصه: الله اللي غامظني عرس الرياييل ربشه
منال: اف ويوالة انهيانوه الدب تخبل الصراحه
حصه: جب عاد اخويه واتسبينه ما اسمح لج
منال: ولد عمي وكيفي
سلامه: بس وذا انتن .....وحده منكن تتصل في ناصر ايي ياخذنا
حصه: انا لان ايدي ما فيها حنا
سلامه: اوكي خذي مبايلي من الشنطه واتصلي به
حصه: اوكيك


حصه ...خذت مبايل سلامه من الشنطه ودورت اسم ناصر واتصلت ...في هل الوقت الرياييل تعشوا وخلصوا وردوا ايولون .....حصه تتصل في ناصر

حصه: الو السلام عليكم
ناصر يصارخ لانه مايسمع من الحشره: هاه
حصه تقول في خاطرها شكله ما يسمع (تصارخ): سلااااااااااااااااااااااا م
ناصر: وعليكم السلام
حصه: شحالك نويصر
ناصر: تمام شو تبين
حصه تصارخ: تعال وخذنا من صالون
ناصر: والدريول وين؟
حصه: مشغول المهم حد ايي ويشلنا اوي يالله باي حشره ما اسمعك


وبندت عنه لانها ماكانت تسمعه من حشره الصالون وحشره الرياييل

ناصر: هاي بلاها بندت ع ويهي
مايد اللي كان ايول وقابض سفرته في ايده: هاه ناصر بلاك
ناصر: وانا ادري البنات في الصالون وما عندهن حد اييبهن
مايد: والدريوليه وين ساروا
ناصر: بخش غالق التيلفون شكله الا منخمد
مايد: عيل قم وانا اخوك نيبهن
ناصر: وانت تباها من الله
خالد يا صوب ناصر ومايد: هاه شباب يالله انيول
مايد: ياخي مت من الحر وتعبت من اليوله من امسينا وانا ايول
خالد: يالله الا يوم ما يضر
ناصر: متعود ع البطره
مايد: خل عنك وقم انسير
خالد: وين تو الناس
مايد: اسمح لنا الغالي بسير صوب حرماتنا يترينا
خالد يضحك: هذا وانت عزوبي جيه وين يوم بتعرس
مايد: ما بتشوفوني
ناصر: بل عليك بو وليد لا تيب له طاري العرس بيموت علينا ومافينا للشل
مايد: فديتني انا يالله برخصتك بو وليد بنسير
خالد: مرخوصين

مايد وناصر طلعوا من بيت العروس وفي الدرب ..

مايد: تعال اي صالون
ناصر: مادري
مايد: اقول اتصل فيهن وشوفهن
ناصر: اوكي

اتصل ناصر ع تيلفون سلامه

سلامه: الو
ناصر: هلا سلامي شو خلصتن
سلامه: هيه تونا
ناصر: اوكي انتن وين
سلامه: صالون لينا ادله
ناصر: له شو دراني فيه
سلامه: شوف ادل متحف دبي مره حذاله ع اليسار
ناصر: هيه اوكي عيل احين يايينكن
سلامه: اوكي

سلامه اللي قالت للبنات يجهزن لان ناصر يايي ياخذهن ..ومايد وناصر كانوا يفترون صوب المتحف ويدورون الصالون وبعد ما لقوه اتصل ناصر في سلامه عشان ايين

رفيعه ويا البنات طالعين من الصالون: والخيبه منوه اللي ويا ناصر
حصه: تلقينه ميود
رفيعه: اخوج؟
حصه: هيه فديت روحه
عنود: قلوا الدريوليه
منال: لا هذا خاص للشيوخ انتي تريي هنيه التكسي بيي وبيوديكم بيتكم
عنود: حشا يلسانج يقطر سم
ريم: هههههه امبونها يعني ماقلتي شي يديد
سلامه: خلصنا فالحات في الهذربه

يتــــــبع</p></font>

<font color='#000000'><p align=center><font color=#990033>الجزء 34


</font>سلامه ركبت ويا بنات خالتها وبنت عمها ....واكيد تخشن من مايد لانهن ما يعرفنه الا حصه وسلامه ومنال....ومايد اللي بيموت من الفرحه ...وهوه يشوف منال تركب ع السيت اللي وراه وقلبه يدق ويوقف يدق ويوقف....وبعد ماركبوا كلهم تمت السياره واقفه محلها لدقيقه...وناصر مستغرب من ولد عمله

ناصر ياشر بيده ع ويه مايد: يا حلوووو
مايد واللي كان سرحان: هاه بسم الله بلاك
ناصر: امش شو اتريا
مايد يجبل ورا: كلكم ركبتوا
حصه وبدون ما تحس: هيه كلنا بس نسينا قلبك في الشارع
مايد: عن الجذب هذوه في الحفظ والصون
ناصر يضحك والبنات ضحكن: هب محلا سوالفك

وبعد ما مشوا مده 10 دقايق......

منال: نصور يوعانه
ناصريلعب بالشرايط ويحط العامري يشل: هاه الاكل جدامكن في البيت
منال: لا فخاطري سندويجات
مايد يغير دربه ويلف: فالج طيب يا بنت العم احين بناخذ سندويجات وشو بعد تبن
ناصر: ايه تقص عليك هاي
حصه: وانت خله برايه فديت ميود ..وخذلنا عصير فرش
مايد: اوكي شو رياكم بــ الصراحه مشتهي سبيشل طربوش
منال: هيه هذا رهيب ويا الايسكريم
مايد: خلاص تم
ناصر: بنتأخر
مايد: مب مشكله

مايد ..وبعد ما خذ رقم المطعم من البداله ووصى ع الطلبيه ..وخطفوا عليه وخذوا عشاهم .....وبعد ماوصلوا البيت نزلن البنات وتعشن ..ولقب بو سهيل ياي من العرس وتعبان وسار يرقد ...وام اسهيل كانت ويا خواتها في بيت محمد ....وبعد هل التعب والساعه قربت للــ2:30 قامن البنا تورقدن وارتاحن ونشن الضحى ع حشره رفوع ....وجهزن لبسهن وكل اللي يبن يلبسنه ...وبعد ما تغدن سارن ويا الدريول صوب الصالون وتعدلن ...وكل وحده اختارت المكياج والتسريحه اللي تناسبها ..وبالنسبه لسلامه ففضلت البساطه في كل شي ....وبعد ما اذن المغرب وتعدلن سارن للفندق صوب العروس اللي كانت اتعدل هناك ..ويلسن عندها واتصورن وياها وفعلا العنود كانت بكبرها رهيبه الفستان روعه والمكياج اروع .....وبالنسبه للبنات فكان عدولهن اوكي وحلو ...وسلامه بالاخص كانت تغلبهن بحلات وذوقها الهادي ....وبعد ما اذن العشا ..وتعشن الحرمات ..نزلن البنات يسلمن ولقد امهاتهن وسلمن عليهن وعلى نوره وام سعيد....اللي من شافت سلامه حست ان ولدها اختار القمر ...نوره وسارت ويا البنات وخلت امها ويا الحرمات وبعد ما تعشوا وخلصن...ووصلت الساعه 11 بدا سهيل يتصل ويحشر بالبنات ...وبو سهيل يتصل لمريم ..ويقولها ان الوقت تاخر سهيل يبا يدخل ع عروسه ..عنود اللي كانت مرتبكه ..وبعد ما نزلت ومشت روحها لين الكوشه والكل يطالها ويمدح عدولها وزينها ....وبعد نص ساعه وقريب الساعه12 زقروا سهيل ..وبعد ما سلم ع العروس ويلس حذالها وين المصورات يصورت ..سارن البنات وهل المعرس والعروس يسلمون عليهم .....والحرمات بدن يروحن...وتصورا ...وراشد حجزلهم ليله في برج العرب هديه منه وبعد ما ساروا والكل رد بيته وارتاح بعد التعب واصبح الكل صباح الجمعه ..يا سهيل وعروسه ع العصر وسلموا ......ووصا العنود اجهز شنطهم لانهم بيسافرون شهر كامل اسبوع في المانيا واسبوع في ماليزيا واسبوعين في سويسرا.....ومر اسبوع من عرس سهيل بن محمد ..والكل قرر انه ما يسافرالسنه او بالاحرى تعايزوا ......وسعيد اللي كان محتشر ومعصب وحالته لله وهوه يحن ع امه تخطب له سلامه قررت اليازيه وبما ان العرس خلص والعرب موجودين في البلاد اتسير صوبهم هيه ووياها نوره ....

العصر من يوم السبت ...اتصلت نوره فسلامه وسلمت عليها وقالت لها انهم بيون صوبهم اليوم ...وافرحت سلامه لييتهم خص وبدتت اتعلق فيهم ومنال بالمثل وحصه اللي صدعت امها عشان توديها صوب بنات عمها ..

يت حصه ويا ام راشد ....وفي هل الوقت وصلت نوره وام سعيد ..وسلامه بعد ما وصت الطباخ يسويلهن فواله وسارت ويا ليندا ايجهزون الفواكه والعصير وودنه صوب الحرمات واتفاولن .....البنات فضلن يسيرن وييلسن ع المنامه بعيد عن الحرمات وفي هل الوقت .....ام سعيد

ام سعيد : والله يا وخيتي مريم ..انا يايه وابا اخطب بنتج سلامه لولدي سعيد
ام سهيل: هذي الساعه المباركه يا ام اسعيد ...وامبونا ما بنقا ريال اخير من سعيد
ام سعيد: تسلمين والله
ام سهيل : لكن تدرين لازم انشاور محمد وناخذ موافقه البنت
ام سعيد: وهذي الاصول بنت بطي
ام سهيل: ان شاء الله بنشاور ابوها والبنت وبنرد عليكم
ام سعيد: صار الغاليه

ام راشد اللي كانت يالسه من دون لا ترمس وايد ...وردت بها السنين لورا يوم ريلها ثاني ..بو راشد حي وكان ملزم انه ايوز ولده بنت اخوه محمد بس هذا القدر والنصيب ......وبعد ما امر الوقت بسرعه اذن المغرب ..وبعد ساعتين اذن العشا وهل الوقت اللي كان فيه ناصر يالس في الصاله ..ويا اخواته يضحكون ع شواخي وام سهيل اتريا ريلها في حجرتها ايي عشان تخبره وبالمره يشاورون البنت

في الصاله...

ناصر: يالعيوز خوزي
شيخه: توه تبا انت
ناصر: انتي ليش ما سرتي العزبه ويا ابويه
منال: عندها اجازه ويبالها تصفيع....(اتشوف شيخه)..ان ما قمتي بتنظربين
شيخه: ما تلومين
ناصر يضحك: ملسونه
سلامه حاظنه شواخي بعد مايلست عدالها: شو تبونها فديتها انا شيخه البنات لحد يقولها شي
ناصر: ومنوه بطرها غيرج
منال: خراب دار
سلامه تشوف شيخه وتقولها : يغارون من الحلوين
منال: عاد مالقينا حد نغار منه الا هل المعفوصه
شيخه: معفوته عمت
منال تشهق: ول الخيبه تخيبج قومي يالله

شيخه ومن صارخت عليها منال سارت صوب حجرت امها وبعد ما تعشت انسدحت ع ريولها ورقدت .....و ع الساعه 9 وصل بو سهيل وكان يحس بتحب وردت له النغزله مره ثانيه .....يلس حذال ولده بعد ما سلم ويلسوا يسولفون وحطوا العشا ويت ام سهيل ..وتعشوا .....وبعد العشا اتصل سهيل يسلم عليهم وياخذ علومهم ....وبعدين ناصر طلع صوب ولد عمه اللي كان يترياه عن البحر ...والبنات وبعد ما دخل بو سهيل ...وعرف ان سعيد بن حميد الهاملي يبا بنته وهوه ومن استوا ويعرف حميد وعياله وهم عرب محد مثلهم طيبين ومرحبانيين.....

طلع بو سهيل وشاف البنات يضحن ويا اخوهن

بو سهيل: سلامه بنتي
سلامه: لبيه ابويه
بو سهيل : تعالي
سلامه: ان شاء الله فالك طيب


دخل بو سهيل حجرته وسلامه دخلت وراه وهيه مستغربه يا ترا شو بلاه ابويه ....غريبه اول مره يزقرني من دون لا يرمس جدام اخواني ...حاله مب عايبني هل اليومين بس اكيد من التعب والعباله في عرس سهيل..

وبعد ما يلست سلامه حذال امها ولوت عليها ...بو سهيل يلس ع الكرسي ومجابلنهم

سلامه: خير ابويه امر
بو سهيل مايامر عليج العدو....والله يا بنيتي ...يونا عرب اليوم يبون يخطبونج
سلامه تفاجأة باللي سمعته وبدت تفكر منوه هل العرب اللي يوهم اليوم:........
بوسهيل : والريال معروف وشيخ الرياييل وما عليه قصور ومن مواخذنا ..ولد حميد الهاملي
سلامه انصدمت ولد حميد معقوله ايكون خالد لا لا ما ظن سعيد؟:.......
بو سهيل : سعيد بن حميد...
سلامه وبدت ترتبك :............
بو سهيل : شو قلتي يا بنتي
سلامه بخجل : والله يا بوي الشور شورك وانت ادرى بالريال
بوسهيل: ما عليج من شوري انتي موافقه ولا لا
سلامه: اللي تشوفه
ام سهيل: طالع يقولج موافقه ولا لا
سلامه: خلاص موافقه
بو سهيل: الله يسر دربج يا بنتي ويهنيج
سلامه وبدت تستحي وقفت: ان شاء الله

طلعت سلامه من غرفه ابوها ومرت ع الصاله بسير صوب حجرتها ولمحتها منال ..

منال: سلامه تعالي يلسي ويانا
سلامه: هاه لابسير حجرتي
منال: تو الناس تعالي اسهري ويانا
ناصر: سلامه تعالي
سلامه: اوكي شوي وبس
ناصر: اوكي

سلامه يسلت حذال اخوها ناصر...وتابعوا الفلم...منال اللي كانت تراقب سلامه وفخاطرها تعرف شو اللي استوا في حجره ابوها شو قالها ......سلامه شافت منال سرحانه واطالها

سلامه: منالوه شو بلاج
منال: هاه ماشي
سلامه: اوكي برايكم بسير حجرتي
منال: بيي وياج
ناصر: يا حبيبي وانا بتم روحي منوه بيسولف ويايه
سلامه: تصرف
ناصر: خلاص بتصل بميود اييني
منال فاجه حلجها: الساعه 12 ونص
ناصر: عادي بيي ما نده مانع
منال: كيفك يا بوي
ناصر: اكيد كيفي

منال سارت ويا سلامه صوب حجرتهم وناصر اللي حس بلملل اتصل بمايد وقاله ايي بيتهم وطلع يترياه ع المنامه وبعد ما وصل يلسوا يسولفون منال يلست ويا سلامه اللي قعدت ع النت شوي ...وقطعت عليها منال

منال: سلامه
سلامه يالست تجيك الايميل: هاه منال امري
منال: شو قالج ابويه
سلامه: خوفي لتنصدمين
منال وبدت تخاف: شوه قولي
سلامه: خليني اخلص شغلي اول
منال: لا ورفجه خلي كل شي وتعالي
سلامه: اوكي

سكرت سلامه لبتوبها ويلست حذال منال

منال: قولي نشفتي ريجي
سلامه: انخطبت
منال ونزل عليها الخبر مثل الصاعقه: شوووووه
سلامه: انخطبت
منال مبهته: منوه
سلامه: وهذا اللي بتستغربين منه....سعيد
منال: سعيد المنهالي ما غيره
سلامه:هيه
منال وبطير من الفرح وتحب منال ع خدها: مبرووووووك كولوليييييش مبروك
سلامه وبدا خدها يحمر: الله يبارك فيج
منال: واو يا ويل حالي بسير اخبر نويصر
سلامه: تعالي

منال ما سمعت رمسه سلامه وطلعت من الحجره تربع وهيه لا بسه بجامتها وبلا شيه وفاله الشعر...وتصارخ...نصور نصور

ناصر اللي دخل الصاله ويا ولد عمه وعم يشربون كولا ..مايد ومن سمع صوت منال اهتز من محله وفجأه ينصدم ويشوفها جدامه وشرق بالكولا وناصر مببق عيونه وكأنه يحلم اخته بلا شيله وجدام ولد عمها منال اللي خافت اول ما شافت مايد ويا ناصر وردت صوب حجرتها تربع..ناصر اللي ما توقع يصير له هل الموقف

ناصر متغيض: منال منال وصمخ
مايد خايف من غيض ولد عمه وما سكنه من ايده: ناصر خلها ماتدري اني عندكم
ناصر: كيف ما تدري وانا قلت اني بتصل فيك تي اتسولف ويايه
مايد: وخاطري ما تقولها شي حرام يمكن نست
ناصر بدا يهدا: يا سلام عليك يا الحنون
مايد: احسلي ارد البيت بس ورفجه غاليك ما تقولها شي
ناصر: خلاص بنطوفها هل المره

ومنال اللي ردت لحجرة سلامه وهيه تنتفض وخايفه وسلامه تهديها ..

سلامه: بسم الله عليج ...بسم الله شو ياج
منال: سلامه طلعت لناصر ومايد وياه وانا بلا شيله وببجامه النوم
سلامه: مشكله العيله يامج
منال: انا خايفه من ناصر يكفخني
سلامه: لا ان شاء الله ما بيقول شي
منال: شكله عصب والله ما كنت اقصد
سلامه: ما بيصير شي ان شاء الله هدي بس
منال: وين اروح خوفي يلحقني حجرتي ويكفخني
سلامه: شوفي يلس هنيه بييب لحافج ومخده ورقدي ويايه اليوم
منال: احسن حل

سلامه سارت حجره منال ويابت لها لحاف ومخده وقفلت الباب ورقدن والحمدلله ان السالفه مرت على خير والصبح بعد ما تريق بو سهيل ويا ام سهيل ووياهم شواخي ..وبعد شوي نزل ناصر يبا يتريق....ويلس حذال ابوه وحب راسه وحب راس امه وويه منعفس

ناصر: وين البنات
ام سهيل: رقود بعدهن
ناصر: هيه زين
بوسهيل : ناصر
ناصر: لبيه ابويه
بوسهيل: امس ام سعيد خطبت سلامه لولدها
ناصر: والله بالبركه ان شاء الله
ام سهيل: ويبارك في حياتك ياربي وان شاء الله افرح بيك
ناصر: ويه تريي 5 سنين بعدج
ام سهيل: ليش عاد ان شاء الله بنيوزك جريب
ناصر: خير يا امايا لين هذاك الوقت
بو سهيل : خير يا بويه يالله شي فخواطركم
ام سهيل: تسلم الغالي بس ارتاح خل العزبه لو يوم واحد
بو سهيل: والحلال منوه بيرعاه
ناصر: يا بويه صحتك مب عايبتني ...30 سنه وانت تربع ورا الحلال واداريه خلني اوديك المستشفى ويفحصونك
بوسهيل: مافي غير العافيه ومن استويت ماسرت لهل الدخاتر والشفا بيد الله
ناصر: والنعم بالله يابوي بس بعد نبا نطمن عليك
بوسهيل: ياوبي انا ابطيت ع الرجاب منوه بيسرحهن
ناصر: ع راحتك افراج هل المره

يتبع</p>


&nbsp;</p></font>

<font color='#000000'>تستااااهل سلامه والله <img src="http://oasis.bindubai.com/emoticons/grinning.gif" border=0>
مستانسه حدي اللي يشوفني يقول انا اللي انخطبت هههههه <img src="http://oasis.bindubai.com/emoticons/blush.gif" border=0>

مشكووورة وهوجة حبيبتي
بانتظار التكملة</font>

<font color='#000000'><p align=center>مرحبا
هلا الولع اشكرج على تتبعج للقصه<img src="http://oasis.bindubai.com/ubbc/smileys/0011.gif" align=absmiddle border=0>

وهذي التكمله

<font color=#990033>الجزء 35

</font>بو سهيل طلع من بيته وسار صوب العزبه وناصر طلع يتحوط وام سهيل وبعد ما طملت الساعه 11 وقريب الظهر اتصلت بام سعيد وقالت لها ان البنت وافقة ع ولدها وفرحة ام سعيد ما تنوصف وسارت صوب حجره سعيد بتبشره بس لقته راقد ووعته

ام سعيد: بو عسكور قم يا ولدي الظهر
سعيد: هاه خليني ارقد
ام سعيد : شو هل الرقاد الماصخ نش
سعيد: امايا دوامي الساعه2 مب الحين
ام سعيد: قم ولا تراني ما بخبرك
سعيد وخوز الحاف من راسه فاج عين ومبند الثانيه: شوه الخبر
ام سعيد سارت صوب الباب بتطلع: نش وخلاف بخبرك
سعيد: يالله يامي حتى انتي علموج المذله
ام سعيد: وابويه عليك
سعيد: خلاص بنقول امرنا لله

ونش سعيد وما تهنى في رقاده تسبح وتلبس واتعطر وسار صوب الصاله ونوره اللي كانت يالسه تشرب حليب

سعيد: صباح الخير
نوره: مسا النور
سعيد: صبيلي حليب
نوره: تامر امر ما تبى توست
سعيد: لا .

سعيد وبعد ما خذ كوب الحليب وياه وسار صوب امه وكانت يالسه حذا لالتيلفزيون اطالع الجزيره ...واتحرطم

سعيد: خير يا امايا شو الخبر
ام سعيد تمثل ع ولدها: والله يا ولدي تدري اني امس سرت وخطبت لك سلامه
سعيد وحط الكوب ع الطاوله وبدا يخاف: وشو قالوا
ام سعيد: اليوم ردوا عليه وقالوا ماشي نصيب والله ماراد
سعيد وبدا يحترق من داخله ويتحرطم: ليش امايا ليش انا شو فيني شي ناقصني
ام سعيد : انت شيخ الريايل يا سعيد ومليون وحده اتمناك
سعيد: مابا المليون ابا سلامه ولا والله العظيم اني لتم عزوبي ولا بعرس لو تخطبيلي بنات دبي كلهن ....

سعيد سار صوب الباب ومعصب وامه تزقره....وتقول في خاطرها شو سويت بالولد ابا افرحه وزعلته وكسرت بخاطره ربعت وراه ولقدت متغيض ويالس حذال نوره

ام سعيد يلست حذال ولدها وحطت ايدها ع جتفه: مبرووووك يا ولدي
سعيد: مبروك لاني خسرتها تبين اتيوزين عيوز السيح ميثوه والله اني هب ما خذنها لا هيه ولا 100 وحده من امثالها

نوره: شو السالفه
ام سعيد: اص...انت بلاك مسحور شي فيك
سعيد: اشوفيني جدامج يني بسبعه ارواح
ام سعيد : خلاص ماروم اقطع لك قلبك اكثر من جيه مبروك عليك سلامه يا الغالي
سعيد وقلبه يدق بسرررررعه: شوه مبروك عليه سلامه يعني يعني (ينتسم)
ام سعيد: وافقوا عليك
سعيد: والله قولي والله وافقوا
ام سعيد : وتجذبني يالهرم
سعيد: لا ما جذبك
نوره : اوووووه ما نروم معرس مبروك
سعيد: الله يبارك فيكم ياربي احلا خبر سمعته في حياتي
نوره: يالله عاد اصلا كنت ادري انها بتوافق عليك
سعيد: الحمدلله الحمدلله ع هل النعمه ياربي
نوره: يا حبيبي ع اللي ...(صكتت وقامت من محلها)...يحبون
سعيد: من حقي اوكي يالله جلبي ويهج

نوره اللي استانست خوها ع موافقه سلامه عليه والكل فرح بو حميد وخالد ....بعد سلامه كانت اتحس ان قلبها اختار الشخص المناسب وانه بيكون الانسان اللي بيعوضها عن كل شي وما بيقصر فيها ...منال من فرحتها اشتغله الا تتصل في ريموه وتبشرها وبشرت حصه اللي من سمعت الخير ربعت صوب امها تخبرها وكان وقت الغدا والكل يالس في الصاله

حصه تيلس حذال امها: ما قلتوا مبرووووك
ام راشد: ع شوه عاد النتايج وطلعن
حصه: لا هذا احلا خبر سمعت به السنه
مايد وراشد: مبروك
مايد: فرحينا وياج شو هل الخير السعيد..
حصه: واحد ثنين ثلاثه ..بنت عمي انخطبت
مايد وراشد فزوا من محلهم تقول حد صاعقنهم بكهربه
مايد وبدا يتحرقص محله: منوووووه اي وحده منهن ..منوه
حصه: بلاك يا اخي ....سلامه
مايد الحمدلله
راشد : شوووووووووووه سلامه انتي متاكده
حصه: هيه 100% وبعد اسبوع الملجه
راشد وبدا يعصب : جذب وبشور منوه اوافق هاه ع كيفها هوه
مايد : مستغرب بنت عمنا والشور شورها وشور ابوها
راشد واصفر ويهه: منوه اللي خطبها ؟
حصه وبتردد: هاه ما ما عرف منوه
راشد معصب وسار صوب حصه ويصارخ: اقول منوووووه
حصه: سعيد المنهالي
ام راشد: هد يا بوي بلاك عصبت شو ياك
راشد معصب: مب بكيفها سلامه لي انا تسمعون ولا لي انا
مايد: مب بكيفك ولا نست اللي سويته من ثلاث سنين انت اللي ضيعتها من ايدك
راشد وبدا يصارخ وشوي يكفخ مايد: وانت ع ايي اساس اتكلم يا مسود الويه
مايد تنرفز: شوف يكون في علمك هذا مب من حقك ولا تنسى يوم خطبها المرحوم وانت اللي قلت ما تباها انزين
ام راشد: وعلت حسوسكم يا عيال ثاني وبوجودي لا حشيمه ولا مذهب
مايد: اسمحيلي امايا بس انتي اشوفيه شقا يصارخ ويسملك بنات العرب ع كيفه


راشد عصب وطلع من البيت وهوه يرق الباب بقوا ركب سيارته وهوه معصب ويشحط ويلات في البيت بسيارته وام راشد اتصارخ ولدي بيموت ولدي الحق عليه يا مايد ..مايد طلع من البيت ولقاه طالع من الدروازه وركب سيارته بسرعه ولحقه ...لين ما وصل جميرا وبالذات ع البحر ...ويلس ع حصاه كبيره عند الشاطئ ودمعته تنزل من عينه ....وبدا يتالم وكانه انطعن في قلبه وحس بدمه يغلي مثل البركان ويتوهم ان اللي سمعه حلم سلامه توافق ع سعيد وانا انا منوه انا اللي احبها اكثر عنه هل الخام اللي ما يستحتي ويهه....راشد وبدا الكره يسيطر عليه وع قلبه ومايد اللي وقف سيارته ..وسار صوب اخوه شوي شوي ...وبهدوء يلس حذاله

مايد: حلو البحر بس شمس
راشد معصب:..................
مايد: راشد تذكر يوم كنا ني البحر كلنا ربعاه نحن ويا ابونا الله يرحمه وعمي محمد وعياله يوم كنا صغار ونلعب في الرمله ونتسبح ....
راشد:...........
مايد وبدا يحس بإحساس غريب: تذكر يوم كان ابويه يقولك ابويه الله يرحمه انه بيوزك بنت عمك وانت اتصارخ عليه واتقوله لا واتسير اصفعها المسكينه
راشد وبحرقه: اذكر
مايد: يا راشد صدقني افهمك بس صعب تجرح قلب وترده صعب
راشد: بس انا احبها
مايد: بعد شوه بعد ما قلت لها انك مغصوب عليها وانك تتوهم انك تحبها وتحاول تحبها
راشد: اذكر
مايد: خل البنت تعيش حياتها يسدها اللي ياها منك
راشد: آآآآآه يا مايد قلبي ادري اني سويت اخس من اللي يسويه النذل بس شو اسوي عرفت ان حياتها من دونها جحيم والله اني نادم ع اللي سويته..ليتي ما اقتنعت برمسه ابويه ليتني سافرت فرنسا ودرست هناك يا ليت ياليت

مايد يحط ايده ع جتف اخوه: راشد قول لا اله الا الله وصل ع النبي
راشد: لا اله الا الله محمد رسول الله
مايد: يا خوي هذا القدر والنصيب وفي كتبه ربك حكمه...والله يعوضك ع اللي فقدته وقلم يالله امي خايفه عليك

راشد قام من محله وسار صوب السياره وهوه صاكت وسار ومايد رد لسيارته وشاف 12 مسكول (مكالمات لم يرد عليها ) وطلع رقم بيتهم اتصل وريح امه ..حصه اللي تندمت ع اللي سوته وقالت ياليتي ما قلت لهم وراشد يالس ويانا..بس في الاخير بيعرف ان سلامه خلاص طارت من ايده واصلا مستحيل توافق عليه بعد اللي صار .....وقالت لمها انها بسير صوب بيت عمها بعد العصر ...تغدت ويا امها وسارت ترقد وبعد العصر اتصلت في مايد اللي وداها صوب بيت عمه وبالمره يسير ويا ناصر العين صوب عمومته ....مايد اللي فرح من قلبه لسلامه وفي نفس الوقت يشفق ع حاله اخوه ....واللي خلاه يفرح اكثر واكثر ان منال مانخطبت لين الحين وفيه امل توافق عليه ..وبعد ما نزل حصه...نزل وياها ...وسلم ع حرمه عمه وتخبر عن عمه اللي طلع يصلي وبالمره سار صوب العزبه وصادف ان منال وسلامه يالسات في الصاله ويا امهن ....

مايد: مبروك يا بنت العم
سلامه: الله يبارك فيك ..عقبالك ان شاء الله
مايد : قولي عقبال ما توافق الشيخه على الفقير
حصه:وابويه عليك انت الشيخ وشيخ الرياييل ما بتلقا واحد حليو شراتك ولا هل الطول ولا الخشم مثل السيف المسلول ويسد انك كتله من العواطف الجياشه
مايد:يا ويلي شو هل التعبير احيدج ساقطه في العربي
حصه وبدت اتغيض: خبرك عتيج نجحت والسبه التعبير
سلامه: ههههههه يا ام التعبير انتي

منال اللي كانت يالسه وتلعب في ظفورها وتذكر الموقف اللي استوالها امس وويها محترق ومايد اللي بيموت ويقول في خاطره ليش صاكته شو مصكتنج ما ترمسين اخ ياقلبي ليت اللي فبالي يستوي وهنيه يرن تيلفونه والمتصل ناصر

مايد: هلا نويصر وينك
ناصر: انا هنيه عند الجسر
مايد:يا بويه بنبطي ع الشباب
ناصر: اقولك تعال وانا بتريك عن المحطه اللي صوب العزب
مايد: وين هاي ....
ناصر: الجسر رقم ثنين قريب ند الشبا
مايد: هيه عرفت بس تعال ما بتي تاخذ لك ثياب
ناصر: اب نسيت اقول خطف بيتنا ويب لي كندورتين وياك
مايد: بشكارك انا يا الهرم ..
ناصر: ومستختر ع خويك يالدب سير ولا تراني ....براويك
مايد وحس بقصد ناصر: لا لا فالك طيب عمي تامر ع شي بعد ما تبا اكل مجيه جباتي كيما
ناصر: بل عليك نطرلك عرق المهند
مايد وبدا يتحرطم ويذمر والبنات يضحكن عليه وسمع منال تضحك واستانس: ايه نويصر انا في بيتكم اوريدي قول شو تبا وخلصني ....
ناصر: امممم قول لوحده من البنات تحطلي كندورتين وبجامه وسفره بيضا ووحده حمرا ووزره ولا تنسى العطر ع الطاوله و مشطي
مايد: وين بتهاجر ولا ناوي تاخذ لك عيناوي
ناصر: شكلي ههههههههههه بسرعه عاد لا تبطي
مايد: اوكيك بو الشباب

وسكر مايد عن ولد عمه وما لقا سلامه لانها سارت تييب العصير لبنت عمها وولد عمها منال كانت يالسه محالها بدورن لا ترمس وحصه يالسه تقرا المجله

مايد: منال
منال فزت من محلها: هاه
مايد: ناصر يقول طلعيله كندورتين وسفره بيضا وحمرا وعطر ومشط وبجامه
منال: ان شاء الله بس هذا
مايد: بس

وقامت منال وحطت كل شي قال عنه مايد من عطر ومشط واللي يباه ناصر ...وشلة الهاند باق وفي ايدها الثانيه كنادير ناصر ...وماقدرت اتحطهن في الشنطه ليجسفن ويسويلها عرس....ونزلت وسارت الصاله ولقت سلامه وبنت عمها ومايد ..اللي كان يتريا منال تيب له الاغراض لان ناصر محتشر عليه ..ام سهيل طلعت صوب يارتها تسولف وياها ....مايد قام من محله ووقف عند الباب ...منال اول ما شافته سارت صوبه عطته الشنطه وناولته الكنادير وصادف انه لمس ايده وخوزها بسرعه ومنال انحرجت

منال: كل شي في الشنطه والكنادير لا يجسفن
مايد يطالع منال ويبتسم: تسلمين يا بنت العم
منال : ويسلم غاليك
مايد: يارب (وتم واقف دقيقه)
منال: فيه شي ثاني بعد
مايد: لا بسير لا يجتلني هل المتوحش
منال: الله يحفظكم

وردت يلست ويا حصه وسلامه اللي يلسن يسولفن عن الخطوبه وحصه اللي ما تروم تصكت لازم اتقول اللي فقلبها او خاطرها وطرت راشد وشو استوابه يوم درا ان سعيد خط سلامه وكيف عصب منال تمت اتحرطم وسلامه حاولت اتكون طبيعيه....بس تنرفزت

سلامه: وع اي اساس ما يرضى امبوني ما اتريا شوره
حصه: شو دراني
منال:صدق ما شي شغل
سلامه: الحمدلله يوم انا وافقت ع سعيد ما سمعت عنه الا كل خير سعيد هذا اللي ما يباه ياخذني احسن منه ومن طوايفه اوكي ...وبعدين الريال ما ينعاب دكتور وحليو وحنون وبار بوالديه وعمره ما غثهم

حصه وهيه تسمع سلامه ترمس عن اخوها وكلامها مثل السجاجين ع قلبها وسلامه اللي استغربت من موقف حصه وحست انها بتصيح ....

سلامه: اسمحيلي حصه بس شو اسوي نرفزتني سمحيلي والله
حصه: مسموحه ومقدره موقفج
منال تبا تغير السالفه: سلامه شو بتلسين اللي سمعته ان الملجه بتكون بالخميس الياي وما بيواحيلج اتفصلين فستان

حصه: خذي جاهز فيه فساتين روووووعه
سلامه: هذا اللي بسويه البستان فيه فساتين روعه بسير وبطالع
منال: شو رايكن انسير ويا نهيانوه يوم بيرد
حصه: راعي المذله مشكله يااختي ما ينرام
سلامه: خير لين ورا باجر ان شاء الله بلقا حل
منال: خوفي الا الريم ترتز ويانا
سلامه: برايها بس لا تنسين خطيبها مشدد عليها ما تطلع الاسواق الا ويا امها يعني ما بتي ويانا
منال: حليلها عنز مربوطه
حصه وسلامه: هههههههه

يتبع <img class=inlineimg title="" alt="" src="http://www.b7aruae.com/vb/images/smilies/thumbsup.gif" border=0></p></font>

<font color='#000000'><p align=center><font color=#990033>لجزء 36

</font>ونرد لمايد اللي تلاقا ويا خويه ناصر اللي تم يتحرطم ومحتشر عليه وليش اتاخرت بياذن علينا المغرب في الدرب ....وخذوا خط العين ووصلوا بعد الاذان بربع ساعه ..ساروا يصلون وحطوا ثيابهم في بيت يدهم وبعد ما سلموا ع امهم موزه ساروا صوب عمهم احمد اللي كان في العين مول ....يالس ويا الربع في الكفيه ومن عاده شبابنا احمد ومايد وناصروهو شباب ما عليهم حركات ولا مغازلجيه وما يحبون هل الحركات اللي مالها داعي ..وفضلوا ييلسون شوي ويا الربع لين آذن العشا ويسيرون يتعشون في اي مطعم ويا الربع وبالمره يسهرون ....ناصر بشر عمه ان سلامه انخطبت وفرح من خاطره ...وخبروا امهم موزه ....وسالم اللي تلاقى وياهم في المقهى ....


في دبي حصه ردت بيتهم لان امها بروحها بعد ما ردت من العزبه وسلامه يلست ويا منال وامها وابوها في الصاله وبعد ما تعشوا اتصلوا في سهيل ...وسلموا عليه وع العنود ...اللي من درت ان سلامه انخطبت والملجه بتكون بالخميس احتشرت ..

عنود ترمس سلامه : عن العيله وتريونا انرد
سلامه: شو اسوي هل المعرس مستعيلين ومب بيدي
عنود: اوهوه شو يعني ما بتصبرون
سلامه: خلاص قرروا يكون بالخميس
عنود ترمس سهيل: شوفهم بينقعون فينا خيانه
سهيل: يا حبيبتي الا ملجه يعني العرس ما بيفوتج
عنود: بس
سهيل: لا بس ولا شي بندي يالله وخلينا انسير البحيره
سلامه: هههههههه عنود برايج يالله ما نروم ع اللي بيسيرون البحريه
منال فزت من محلها: يا ويل حالي ع المانيا قوليلهم يصبرون بسير وياهم
سهيل ياخذ السماعه من العنود ويرمس سلامه: سلامي قولي للعنز عن الرزه المرتزه
سلامه : ان شاء الله يالله مع السلامه

وبعد ما بندت سلامه ....

سلامه: يقولج يا العنز عن الرزه
منال: لا والله دوم يسبني الله يسامحه
بو سهيل: اخوج ويسولف وياج
منال: سوالف طل رمسته ما تسر الخاطر
ام سهيل: انا بقوم ارقد
بو سهيل: وانا بعد من اصبحت مارقدت
سلامه ومنال: تصبحون على خير
ام سهيل وبو سهيل: وانتن من اهل الخير
منال: شواخي قومي يالله رقاد
شواخي: مابا بتوف هل البلم
منال: لا والله احلفي بس انتي
شواخي: اف حتله اتكتي يالاند
سلامه: ههههههههه
منال: علموا وكبر راسج يالمعفوصه ولا عنز وانتي اضحكي اخ بس لو اضربج بالسود لين ما تخيسين
سلامه: لا حرام
منال: مانروم نضربها لا يهد شيبتها علينا كله ولا امه
سلامه اروم اخوزها شوفي وتعلمي كيف اتسوين كونترول للمعافيص قصدي الفروخ
منال: يالله يالساحره
سلامه : شواخي حبيبي تعالي حذالي
شواخي قامت من محلها ويلست حذال سلامه وهيه اطالع التيلفزيون: حبيبي ما تبين اسيرين العزبه
شواخي: هيه ابا الوح
سلامه: اذا ما نشيتي من وقت الساعه خمس باباتي بيروح وبيخلي شواخي راقده
شواخي: لا ابا اتير اند البوس
سلامه: اوكي والبوش يترين شواخي
شواخي: تو اتوي ابا اكب بوس
سلامه: ان شاء الله بتركبين البوش كلهن سيري رقدي عشان تنشين من وقت
شواخي قامت من محلها: اندين بلوح

سارت شيخه ترقد عشان اتنش لان موتها البوش وتحب اتسير ويا ابوها ومن يوم هيه صغيره متعوده

منال مبققه عيونها في سلامه: هب هباج الله يالساحره شو مسويه بالبنت
سلامه: وصفه من وصفات الساحرات بس سريه
منال: اونه لا واللي ضحكني يوم اتقول بكب بوس ...حشا بتركب البوش كلهن اتقول ناقه ولا بعير .....
سلامه: ياهل شو تبينها
منال: لا عفريته الحوار يطفر منها يوم يشوفها ويا كشتها
سلامه : بس عاد حرام عليج ياهل
منال: ما قول غير الله يعينك يا سعود ع العيال اللي بتيبهم بيتبطرون وبيخيسون من الدلع
سلامه: كيفي بعدين احترمي الريال شوي اسمه سعيد مب سعود شوه يلعب وياج في سكيك الحاره
منال : هذا وما ملجتي تحايزين عنه جيه الله يعين يوم بتاخذينه مادريبكن انتن كل ما تنخطب وحده فيكن اختقت علينا لا تطنزين ع خطيبي ومادري شوه واحترمي الريال صدق تبطرتن
سلامه: اوكي بنشوف شو بتسوين يوم بتنخطبين
منال: حرمنا يامي مابعرس بيلس هنيه وبجابل المعفوصه ام قرنين
سلامه: كيفج انا بسير وبرقد
منال: سيري انا بطالع الفلم وبعدين برقد
سلامه: تصبحين على خير
منال: وانتي من اهل الخير

وبعد مارقدوا وبالباجر وما بقى ع الملجه غير اسبوع بالضبط سعيد اللي نش من وقت لان دوامه المسا عزر ع امه اتسير وياه سوق الذهب وياخذون الدبله وطقم الماس

نوره: ورفجه تودوني وياكم طلعوني
سعيد: ماشي بتخلين البيت بروحه
نوره: شوه لكون حرس البيت وانا مادري ودوني
ام سعيد: يا ولدي خلها اتسير ويانا
سعيد: لا يعني لا صكي الدعنه
نوره: حرام والله حرام خلود هنيه
سعيد: توا الناس حبيبتي خويلد من فير الله مجابل هل الشركه
نوره: انزين وبتخلوني بروحي مب زين
ام سعيد: لا تسوولنا حشره ومحنه خلها اتسير
سعيد: امرنا لله يالله بسرعه وان اتاخرتي بنروح عنج خمس ثواني وبس
نوره: حشا يا العيله ثانيه وبس بييب عباتي وشيلتي والشنطه

سعيد وامه ركبوا السياره وتريوا نوره وبعد ما ركبت ساروا صوب السوق وتموا يتحوطون في كل المحلات بس للاسف سعيد ما يقتنع باي شي ....وهوه ما شاء الله عليه ذويق ويحب يختار كل شي بحرص ويكون مناسب

ام سعيد: شو رايك بهل الدبله غاويه
سعيد: لا لا ما تناسب مب حلوه
نوره: يااخي عيزنا من الصبح ونحن نفتر في السوق بيأذن علينا وحظرك ما اخترت
سعيد: حد قالج تيين
نوره: اووووووهوووووووه كيفك يا خي بيذلنا ع الييه
سعيد: اقول تعالن بنسير صوب داماس هناك بلقا اللي اباه
ام سعيد: اف لابج
سعيد: لو الدبله بمليون بشتريها وترخص ع سلامه
نوره: يا حبيبي يا حبيبي ما نروم ع الحب
سعيد: جب لا صنج طراق يطيرج سرلنكا
ام سعيد : امش انت وياها

ساروا صوب داماس وسعيد اللي تم يدقق في كل دبله ويشوف شو الاحلا منهن في الاخير لقا ثنتين اقتنع فيهن بس احتار شو يختار منهن ....

سعيد: امايا شو رايج شو الاحلا هاي ولا ام قلوب
ام سعيد: مادريبك عروسك وانت حر خذا اللي تباه
سعيد: وهذا انا ابا رايج وتقوليلي حر
ام سعيد: كيفك
سعيد خلاص باخذ هل الدبله والطقم الحلزوني اللي ع الواجهه وساعه شوبارد
نوره: بل هذا كله الا ملجه خير لين الزهاب
سعيد: تستاهل الغاليه
نوره: وانا ما استاهل حرام عليك ان الكل يابلي هديه نجاح الا انت
سعيد : اتذل الحبيبه...انتي باخذلج هل التعليقه ام قلوب
نوره: حلوه زوينه مقبول فيها
سعيد: وتشكين في ذوقي
نوره: ابد ما صدقت تاخذلي شي ..بعد اشك
ام سعيد محتشره: يالله يا بوي خلصنا اذن علينا ابوك واخوك بيون البيت وما بيلقونا منوه بيغديهم
سعيد: خلاص خلصنا


سعيد بعد ما قال للبايع ايلف كل شي في علبه ودفع بالمستر كارد وتقريبا خسر فوق 55 الف وهوه يشرى

وبعد ما خلصوا ساروا البيت وصلن الحرمات وتغدوا وبعد الغدا طلع سعيد من البيت وسار صوب المستشفى ..وفي الدرب اتصل به سهيل من المانيا سلم عليه وبارك له .....وبالنسبه لراشد اللي من سمع بخطوبه سلامه وملجتها تغير حاله كان قبل لا يعرف يسير صوب ميلس منصور وييلس وياهم هوه ومايد وناصر وسعيد وخالد بس في هل الفتره محد شافه وحتى البيت ما كان يرد له الا نص الليل يحوط ع البحر كل يوم ويرد وع هل الحال وكمل له اسبوع لاحظوا الربع انه قاطعنهم واتصل في منصور وقاله اييهم الميلس بس رفض وبعد ما حاول وياه واقنعه منصور قرر يروح ولو انه ماله نفس ومب متبرض لهم ....وفعلا التقا ويا ربعه في الميلس وشاف سعيد موجود وخالد وياه ...راشد اللي من شاف ولد حميد بدا الحقد يتحرك في داخله ووده لو يكفخه طراق او يتخلص منه بس حاول يحشم عمره لانه عند الربع وما يبا يتمشكل وياهم راشد وبعد ما تقرب من سعيد وهوه واقف وقف له سعيد ..ومد ايده بس راشد ما مدها ...فضل يسلم عليه من دون حب خشوم ولا مد ايد

راشد: شحالك سعيد
سعيد مستغرب: بخير الله يعافيك وانت شحالك وشحال الاهل
راشد بتكبر: انا بخير وسهاله والاهل انت ادرى بهم ع فكره مبروك
سعيد وما عيبه اسلوب راشد : الله يبارك فيك

سار راشد ويلس حذال منصور وحمدان ويلس وياهم وسعيد اللي تم مبهت وما يعرف شو قصد راشد من كلامه انته ادري بالاهل يا ترى شو سالفته ويت ع باله سلامه واذكر ان راشد كان خاطبنها بس هوه اللي فسخ الخطبه يا ترى هذا اللي مضيجبه ....بس هذا قدر ونصيب ...حاول ان ينسى السالفه بس ما قدر حس ان راشد بدا يكرهه وهوه مهما يكون ما يحب اي حد يحط في خاطره منه ..ولو ابعد الناس له وقرر انه ينسى مل شي ويلخلي الواقع يمشي في دربه

يتبع</p>


&nbsp;</p></font>

<font color='#000000'><p align=center><font color=#990033>الجزء 37

</font>وبعد ما طلع سعيد من ميلس منصور سار ويا اخوه البيت وكانت الساعه 2 تقريبا ورقدوا وبالاربعا ..اليوم اللي قررن فيه البنات يسيرن السوق ويا سلامه ...

سلامه: اف اخترب المخطط
حصه: الدريوليه وين ساروا
منال: بعد وين واحد ويا ابويه في العزبه والثاني سارت وياه عيوزنا
سلامه: وناصر محد
منال: شو رايكن بنهيانوه
حصه: ماظني يطيع
منال: انجرب بتصل له شو رايكن
سلامه: تبينه يتنيحس علينا
منال: بشوف

منال خذت التيلفون واتصلت بنهيان اللي كان في دربه ياي صوب دبي

منال: الو السلام عليك
نهيان: وعليكم السلام والرحمه حي الله ام كشه
منال ببروده: الله يحيك اخوي
نهيان: شخباركم
منال: تمامو اقول
نهيان: قولي
منال: انت وين الحين
نهيان: في الدرب ياي صوبكم
منال: هيه يا حيك نهيان
نهيان: بلاج اتلفين وادورين
منال: هيه تدري ان بالخميس ملجة سلامه(سلامه تخزها بعين)
نهيان: هيه مبروك تستاهل سليماتي وشو اليديد يعني
منال: طاعوا هذا اسمع نباك اتودينا السوق
نهيان: نعم نعم عيدي ما سمعت شوه
منال برقه: نباك اتودينا السوق شوبينج اخوي
نهيان بستهزاء: والله قولي والله بس انتي احلفي بعد شوه دريولكن انا
منال وبدت اتحن: نهيان حرام عليك
نهيان: الشرع ما حرم
منال: دخيلك ضروري لازم انسير اليوم يا اخي افهم
نهيان: نهي نهي ماشي قرن محلكن

سلامه وخذت السماعه من منال

سلامه: مرحبا نهيان
نهيان: مرحبتين الساع
سلامه: شحالك عساك بخير
نهيان: بخير الله يعافيج
سلامه: ودنا السوق
نهيان: شو تبن به السوق
سلامه: شغله لنا حايه بناخذها من السوق
نهيان: والدريوليه وين
سلامه: محد ولو ناصر في دبي ما بيقصر ويانا هاه شو قلت
نهيان: خلاص تم ان شاء الله بعد المغرب بوديكن
سلامه: اوكي تسلم
نهيان: ويسلم غاليج فمان الله
سلامه: فمان الكريم

وبعد ما بندت سلامه عن نهيان..قالت للبنات انه اقتنع وبيوديهن السوق بعد المغرب وارتاح بالهن

وبعد المغرب وبعد ماسار انهيان بيتهم سلم ع امه وارتاح شوي وصلى المغرب سار صوب بيت عمه ولقا البنات في الصاله ...وبعد ما سلم عليهن

نهيان: الا عمتي وين
سلامه: امايا في اللسيلي
نهيان: اب شو تسوي
منال: بعد شو تسوي سارت اتسلم ع عربها
نهيان: هيه بس ماظني تخبرتج يالملسونه
حصه: اوووه حرقوا ويها
منال عصبت: ويهي لوح
نهيان: هيه اشوفه غني عن التعريف
سلامه: لا والله بس احلفوا انتو نهيان شو اتريا يالله انسير
نهيان: قومن بسرعه
منال: اوكي بسير اييب عباتي
نهيان: وحد قالج انج بتسيرين ويانا الا انتي ماشي سيره
منال بستهزاء: لا والله احلف بس
حصه: حرام عليك بتاخرونا خلها فحالها
نهيان: انا في السياره واللي بتأخر بنسير عنها

سارن البنات يلبسن عبيهن ونهيان سار صوب سيارته وشغلها ..وبعد دقيقتين ين البنات وركبن حصه حذال اخوها منال وسلامه ورا .....وبعد ما طلعوا من البيت

نهيان: وين تبن
سلامه: ودنا البستان
نهيان: حبيبي القصيص والخيبه
سلامه: يالله عاد
نهيان: امرنا لله بس بشوفن شو بسويبكن
منال: شو بسوي يعني
نهيان: خليها مفاجأه
منال: يا ويلي ع اللي بيفاجأونا
نهيان يضحك بخبث:........
سلامه: شكله ناوي ع شر

وخطف ع المحطه ووقف السياره

نهيان: السياره ما فيها بترول يالله وحده منكن تدفع
منال: اخ عيب عيب عليك تطلب افلوس من البنات
نهيان: خواتي مب مشكله يالله طلعي اميه
حصه: خيبه قول خمسين اميه يالدب
نهيان: اص محد رمسج
سلامه: صدق بيذلنا اندوك صب باميه اترس التنكي
نهيان: هيه جيه اباج بنت محمد مطيعه
منال: صدق دب
نهيان: عن الرزه بليز

وبعد ما صب بترول للسياره ساروا صوب مركز البستان ونزلن البنات ووياهن ولد عمهن وتحوطن وشاف المحلات اللي فيهن ملابس جاهزه ويلست سلامه ادور لها فستان يناسبها وبعدما لفت ع كل المحلت اقتنعت بفستان عيبها بيج وعليه ورود عنابيه تطريز وع لمعه خفيفه...ونهيان اللي يلس محتشر عليهن ويحن استسلم وسار صوب ما قدونلزيترياهن هناك ....واتصل فيهن لان الساعه قربت من 9 المسا ...

نهيان: ايه اخرتنا يالله
سلامه: خلاص مخلصين انت وينك
نهيان: انا في مقدونالز بترياكن عن السياره اوكي
سلامه : تم
بندت عن نهيان

منال: شوه وينه
سلامه: بيتريانا عند المواقف
حصه: عيل بسرعه اذن بتفوتنا الصلاه
منال: صلاه العشا ما تفوت عيوني
سلامه: المهم امشن وخلنا نوصل لياكلنا


وبعد ما طلعن البنات من البستان وسارن صوب السياره لقن نهيان يترياهن في السياره...وركبن ومشى السياره

منال: اشم رحيه مب غريبه علي
حصه: ريحه اكل
منال: ماقدونالز يم يعت
نهيان: حشا مب اوادم جلاب بوليسيه
منال اطالعه بطرف عينها: عدل تشبيهك يا اخي
سلامه: هههههههه شو شكله يبا يعشينا ع حسابه
نهيان: ومنوه قال اصلا كل اللي في القرطاسه ليه
منال: مب زين بكنك بيعورك
نهيان: من عيونج الحاره
منال: انت شوف احسلي اصكت عنك
نهيان: احسنين

وعم السكوت في السياره وكل يفكر في دنياه منال اتفكر في اختها كيف يتكون حياتها بعد ما تعرس سلامه بتم روحها لا صدق او ونيس وبتحس بالاحساس اللي حست به حصه ..وحصه اللي كانت تفكر في الموقف اللي كانت هيه السبب فيه ...ونهيان اللي كان يشوف كل العالم جدتمه يتحرك وهوه واقف مكانه سلامه واللي انشغلت بترتيبات الملجه وويين بتعدل ومتى بتمر هل الفتره ع خير ..وبعد ما وصلوا البيت نزل وياهم انهيان والبنات دخلو الصاله ولقوا بو سهيل بروحه ويا شواخي يسولف عليها ...نهيان سار لعمه وسلم عليه ويلس حذاله وبالبنات سارن يصلن العشا ..ونزان

بو سهيل: شواخي الشيخه هاتي هل المخده اللي حذالج
شيخه وبعد ما يابت المخده وعطها ابوها وتحبه: هبيبي انته
بوسهيل: لا خليت منج ياربي
نهيان: ما نروم ع الحنان شواخي
بوسهيل يضحك بصعوبه: ودك اتحصل عروس مثلها
نهيان: ما يحتاي عمي هذيه جدامي شيخه البنات بنترياها لين ما تكبر
منال: قدت شيبه وما تباك
نهيان: شويبه مزيون شو تبى بعد
منال: لا سوري مب موافقين
حصه: ههههههههه خل عاد يموت ع ترابها
نهيان: تهبن الا انتن
بوسهيل: ما عليكن منه ظني الا حاط عينه ع وحده من المزايين
نهيان يضح بمكر: شو دراك اسميك يا عمي تلقطها وهيه طايره
سلامه: هب هباك الله بتاكل ابويه قول ما شاء الله عوذ بالله
نهيان: ما شاء الله حشا بتاكليني بعظامي
منال : بسكم حشره ابويه تعشيت
بوسهيل : لا اتريا امج
سلامه: يييه بتبطي العيوز بقوم بحط لكم العشا
بو سهيل: لا مابا
نهيان: وهل الاكل اللي ماخذنه منوه بياكله
منال: افا عليك انا موجوده
نهيان: هونا عمي ما تبا همبورجر ولا نقت
بوسهيل: لا مادنيه البمبرقر(الكل يضحك) وشوه هالثاني
نهيان: نيقتس
بوسهيل: بلاك اتحيس قبك ارمس عدل
نهيان: دياي يا عمي
بوسهيل: هيه لا ماروم توني شارب لي لبن بوش
منال: صحه ع قلبك الغالي
بو سهيل: تسلمين ..

بوسهيل وقام من محله...

بوسهيل: اترخص منكم عيالي بسير ارقد
الكل: مرخوص
سلامه: تصبح على خير
بوسهيل: وانتي من اهل الخير

وبعد ما ساربو سهيل يرقد اتصلت ام سهيل وقالت انها بتبات عن هلها اللي في اللسيلي وبعدين تعشوا الشباب من عشاهم اللي يابوه من ماقدونالز وطلع انهيان وسار صوب ربعه في الميلس وسعيد هل المره وبعد اللي استواله في ميلس منصورقرر انه ما يسير صوب الربع و ييلس في البيت ويا هله

في بيت بو سعيد وبعد ما تعشوا

بوسعيد: بو عسكور
سعيد: لبيه ابويه
بوسعيد: لبيت في بيت الله ان شاء الله
سعيد: وياك الغالي امر
بوسعيد: ان شاء الله الملجه مثل ما اتفقنا ويا الرياييل بالخميس
سعيد: ان شاء الله
نوره: بتسكن ويانا
ام سعيد: وليش لا البيت ما شاء الله وسيع وعود
سعيد: لا ببني ارضي اللي في جميرا وبسكنها
بوسعيد: ما يواحيلك ياولدي
ام سعيد وبدت تعصب: اشوه ماشي ولدي ما يسكن بعيد عني
سعيد: يمي الا جميرا مب من بعدها
خالد: ياخوي خذ قسمنا اللي فيه 3 حجر وثلاث حمامات وصاله ..وانا بتحول ع القسم الثاني
سعيد: مادري والله خير لين هذاك اليوم
ام سعيد: تسكن عني بعيد ماشي تسمعني
سعيد: خلاص امرنا لله بعدل هل القسم لنا خلاص


سعيد اللي بدى يندم ع اللي قاله ويلسته بالبيت قام من محله وسار صوب حجرته ولحقه خالد وقاله انا بيسير صوب الربع اذا بيسير وياه بس رفض وسار عنه خالد ونوره اللي سارت تتابع الفلم وبالنسبه ...خطفت الايام بسرعه وناصر ومايد بعد مايلسوا في العين 4 ايام ردوا دبي والعنود وسهيل كل يوم يتصلون في هلهم في الامارات والحين هم في ماليزيا وبالنسبه للريم ع حالها ممنوعه من الطلعه..ورفيعه اللي من درت بملجه سلامه وهيه محتشره تبا تسير صوبهم وبالثلاثاء سارت لبنات خالتها هيه ووياها امها واكيد اللي يايبنهم ظاعن ...منال وفي هل اليوم ما نزلت اتسلم ع خالتها وبنت خالتها لان الانسان اللي حبته وكان بيفرق بينها وبين بنت خالتها من دون لا يحس وبعد ما طلع نزلت وسلمت ع ليهم ويلست وياهم ....ومر الوقت بسرعه لان السوالف تصرق الوقت والانسان مايدري بعمره...وبالاربعا الصبح وبعد السهر نشت رفيعه وراسها يعورها وسارت توعي سلامه ومنال

يتبع</p>


&nbsp;</p></font>

<font color='#000000'>تسلمي الغالية وهوجة
ما قصرتي حبيبتي
تعبناش معانا <img src="http://oasis.bindubai.com/emoticons/grinning.gif" border=0>

ننتظر التكملة</font>

<font color='#000000'><FONT color=#000000><FONT color=#cc3399>تسلمين حياتي والله كل يوم ادخل المنتدى عشان التكملة بس الصراحة تسلم ايدج على هاذي القصة واذا قلتج روعة بكون جذابة لان هي اكثر من روعة<IMG src="http://oasis.bindubai.com/emoticons/inlove.gif" border=0>

</FONT>

</FONT><FONT color=#ff99cc>&nbsp;&nbsp;&nbsp;&nbsp;&nbsp;&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp; <IMG src="http://oasis.bindubai.com/emoticons/fa41.gif" border=0>همس الاحبابي</FONT> <IMG src="http://oasis.bindubai.com/emoticons/fa41.gif" border=0></font>

<font color='#810541'>

مشكوره اختي على هاذي القصه الغاويه ...

بس ممكن سؤال ؟

ايدج ماعورج منكثر ماتكتبين ...

ولمفرووض يعطونج ردوود<img src="http://oasis.bindubai.com/emoticons/fa45.gif" border=0> وايد&nbsp;&nbsp;

وينكم يالربه&nbsp;الوووووووو نبا ردود زياده

تحياتي لج السنافي <img src="http://oasis.bindubai.com/emoticons/fa56.gif" border=0><img src="http://oasis.bindubai.com/emoticons/fa34.gif" border=0><img src="http://oasis.bindubai.com/emoticons/fa33.gif" border=0><img src="http://oasis.bindubai.com/emoticons/fa47.gif" border=0><img src="http://oasis.bindubai.com/emoticons/fa56.gif" border=0><img src="http://oasis.bindubai.com/emoticons/fa34.gif" border=0><img src="http://oasis.bindubai.com/emoticons/fa33.gif" border=0><img src="http://oasis.bindubai.com/emoticons/fa47.gif" border=0><img src="http://oasis.bindubai.com/emoticons/fa56.gif" border=0>

<hr>
شكى النيسان من تصاريف الاقدار ... يـقــول سـواقــي جلـبـلـي مــضــرة </p>


عامين ساكت لـه علـى المـرّ صبـار.... فـي كـل ديـره لــي عـلامـه وجــرّه </p>


محسـبـك يـاسـواق بالـحـيـل جـبــار.... رقيتـبـي فــي كـــل حـــزمٍ وحـــره </p>


وخاطرت في مشيك على سكة القار ... ماتسـلـم الـجـرة تـــرى كـــل مـــره </p>


قلـت انـت يافنـان مـن صـنـع كـفـار ... مصنعـك فـي اليابـان نـعـرف مـقـره </p>


ماغـيـر لاتكـثـر سوالـيـف واعــذار ... تــرى الشـكـاوي مـاوراهـا مـســرّه </p>


قال انت في ظهـري وبيديـك منظـار ... جالس علـى مخمـل وصوتـك تجـرّه </p>


وانـا احتـرق ياسـيـدي نـارفـي نــار ... مكيـنـتـي فـــي خـدمـتـك مـسـتـمـرة </p>


قلـت انـت يالنيسـان عثـره ومخسـار ... خـزانـكـم صـبــح وعـشـيــا نــغــرّه </p>


عسانـي اتـوفـق بقـرنـاس الاحــرار .. واشري سواكـم جيـب لجـل المكـرّة </p>


وابيعكـم فـي السـوق باقـل الاسعـار ... يمـكـن مــع غـيـري تـلاقــي مـبــرّه </p>


واشري سوزوكي كل شغله بمقـدار ... مــايـــصـــرف الــبــنــزيــن لله درّه </p>


قـال انـت يبـن آدم مـخـادع وغــدار ...مضيـع المعـروف وهـرجـك مـغـرّه </p>


ان بعتني تنـدم علـى خـس الاشـوار ... و تـذكـر زمــان وكــل دربٍ تـمــرّه </p>


وترى السزوكـي لـو يناسبـك بـوّار ...مايحتمـل فـي الخـط لـو زدت زَرّه </p>


إلـى مشـا ظلـى ينطنـط كـمـا الـفـار ... في الدرب يمشي بك كما مشـي ذرّه </p>


وانا ترى يشهـد لـي الـدوج احفـار ...والقـنـفـذه والـبــرك بـحــره وبـــرّه </p>


مشيـتـهـا بـامــرك ولانـــي بنـكّــار ...صـبـرت عالمـشـوار حـلـوه ومــرّه </p>


واليـوم تنسانـي وتبـدي لــك انـظـار ...ياسـيـدي عالهـجـر نفـسـك مـصــره </p>


قلـت العفـو ياموتـري كـيـف تنـهـار .... مـعـزتـك فـــي ظـامــري مسـتـقـرّه </p>


زعّلتـنـي وانــا كـمـا هـبـة اعـصـار ... والـنـفـس مـمــا جـالـهـا مـسـتـحـرّه </p>


كني كما طيـر الخـلا فـوق الاوكـار ... لامـسـى يـكـافـخ حـالـتـه مسـتـشـرّه </p>


ماغيـر لاتزعـل تــرى الـكـون دوار ... الله يـكـفـيـنــا عــقــابـــه وشـــــــرّه </p>


ابشر بمـا يرضيـك فـي كـل ماصـار... ابـعـتـرف يـامـوتـري لـــك واقـــرّه </p>


وابشّرك في الخبت يقلـون مخضـار ...غــطــت نـبـاتـاتـه كـثـيـبـه وســــرّه </p>


سحايـب الوسمـي سقتهـا بالامـطـار ... بامر الكريم اضحت وهـي مزدهـرّه </p>


هيـا سـوى نـاخـذ لـنـا فـيـه مـشـوار .. بـعـد الـرضـى يـامـوتـري لاتـشــره </p>


فقـال لــي مسـمـوح ياسـيـدي الـبـار ... إعــداد ماتـمـشـي نـجــوم الـمـجـرّه </p>


تـم الجـواب وكمّـلـت كــل الاخـبـار ... فــي قـصـة النيـسـان والـلـي يفــرّه
<hr>
</p></font>

<font color='#000000'><p align=center>يا هلا مرحبا فيكم<img src="http://oasis.bindubai.com/emoticons/laugh.gif" border=0>

اشكر كل متابع للقصه سواء عقب على القصه او لم يعقب
وشكر خاص للولع وهمس الاحبابي والسنافي وتسلمون على الردود<img src="http://oasis.bindubai.com/emoticons/fa42.gif" border=0>

<font color=#990033>الجزء 38

</font>رفيعه عن الباب: سلامه سلامه فجي الباب
سلامه:......
رفيعه معصبه: فجي الباب اقوج فجي لكسره
سلامه: هاه اف حشره ابا ارقد
رفيعه ادق الباب مثل ام علايه: سلامه يا سلامي سلامه يا سلامي فجي الباب فجي وخلي اليوم يعدي وخلي اليوم يعدي ع خير

في هل الفتره طلع ناصر من حجرته وفاج عين ومبند الثانيه: شو هل الحشره
رفيعه: اختك ما تنش
ناصر: خليها ترقد وذا انتي
رفيعه اطاعه بطرف عينها: ابويه سير ارقد سير فكنا

رفيعه وسارت صوب حجره منال وعطت ناصر اكبر طاف ويوم فجت الباب لقته مفتوح دخلت ولقت الغرفه مرتبه ونظيفه وكأن محد رقد فيها استغربت وتمت تبحلق في الحجره وادور بنت عمها

رفيعه: غريبه وين منال لا في الحجره ولا في الحمام وين سارت

وبعد ما طلعت سارت صوب سلامه ووعتها وقالتلها انها اترياها تحت ويوم نزلت وسارت صوب المطبخ

منال: صح النوم يا حلو
رفيعه: لا ماصدق منال ناشه من وقت
منال: نعم عموه الساعه 11 الظهر
رفيعه: خيبه اقول شو تسوين
منال : ريوق كاناه
رفيعه: شو من الريوق
منال: توست وزبده وجبن بس شوه رهيب
رفيعه: خلاص ما يباهل نقاش زيدي الكميه
منال: اوكيك ما تبين عصير
رفيعه: ابا ليش لا مول لا تشاورين بس سوي لسلامه لانها بتي بعد شوي
منال: ان شاء الله ماما ايريد شي بأد برياني مكبوس ايس ابيد
رفيعه: هههههه نط العرج خلصي اللي فيدج لين ما سير اسلم ع خالوه وامايا


سارت رفيعه اتسلم ع خالتها وسلامه بعد ما تلبست نزلت الصاله وشافت رفوع ويا خالتها وامها يالسه اتسولف ..سلمت عليهن ويلست وبعد 5 دقايق زقرتهن منال عشان يتريقن وياها ...وع الساعه 2 وبعد ما وصل بو سهيل ويا ناصر وولد اخوه راشد ومايد والكل كان في الصاله سلم بو سهيل والشباب بعد ..راشد اللي من شاف سلامه ماخوز عينه عنها وهيه كانت تحس انه اليوم ما بيطوف ع خير وقامت من محلها وسارت عند رفوع في الحجره وام سهيل وختها عفرا يلسن يسولفن

بوسهيل : امايا منال قومي خلي الطباخ يحط لنا الغدا
منال: ان شاء الله
مايد: وخليه اييب لنا روب
ناصر: لا شوه اييب منال سويلنا سلطه روب بالخيار جيه سريعه
منال: ان شاء الله عمي ماتبا تكه مشوي ولا مندي
ناصر: انتي كريمه ونحن نستاهل
مايد: لا تكفي سلطه روب بالخيار ومن ايدج
ناصر يشوف مايد ويخزه بعينه: جب يالثور ناوي تفضح عمرك
مايد وبعد ما سارت منال صوب المطبخ: ماروم شو اسوي بقلي اللي متعبه شوه لي شاف خله ومعشوقه
ناصر بصوت واطي : بس لروغك الحين (شافه بنظره مكر وتحدي)
مايد: ان شاء الله عمي

بوسهيل: مايد وناصر بلاكم اتصاصرون
ناصر: لا سلامتك الغالي
راشد:خلهم عنك عمي شواخبار البوش والمركاض
بو سهيل: امشين الحال يا ولدي

وتموا يسولفون وراشد اللي كل شوي يرد فكره لسلامه ما توقع انها اطير من ايده وبهل السهوله يا ترا شو تخبيلي الايام اليايه كيف بعيش من دونها وانا اللي حبيتها وانا مادري بعمري يارب يارب تستوي معجزه واتكون سلامه من نصيني ولا تكون من نصيب هل الجلب سعيد اللي ما يستاهلها ...يابوا الغدا ومنال سوت السلطه اللي طلبوها وبعد الغدا وبعد ما تقهويوا ساوا الشواب يرقدون وراشد طلع من بيت عمه وماقدر يستحمل الوضع اللي هوه فيه..وناصر كل العاده يلس ويا مايد في الصاله ويلسوا يسولفون وبهذربون ووياهم شواخي يالسه في الصاله ومنال اللي يلست وياهم كتغيير جو

ناصر: منال ام كشه بدلي عن هل القناه
مايد يشوف ناصر وبحقد ويصاصره: اص لدبغك بالعصا
ناصر يعاند: منالوه بدلي
منال: ناصر سوري بس انا اتريا برنامج اوكيك الغالي
مايد: اشكر فنج عطيه
ناصر: شوه حر بالخليج
منال: يا اخي مايا ع بالك اتشوف التيلفزيون الا وقت البرنامج
مايد:بنت العم شوفي اللي تبينه وانا بتكفل به
شيخه: تو هدا ابا تبيت تون حلام والله
ناصر يتخقق: تبين سبيس تون
مايد: شوه سبيس تون كبرتي ع الرسوم المتحركه

شيخه عصبت وسارت تلعب في حجرتها ومنال يلست اتابع البرنامج ويا حشره مايد وناصر اللي يلسوا يلعبون كيرم وعزموا ع منال بس ما طاعت ..وبعد الاذان وبعد ما صلا الكل بو سهيل سار صوب العزبه ويا ناصر ومايد وام سهيل وام ظاعن سارن صوب يارتهن هيره والبنات سارن ويا سلامه الصالون ووصلهن الدريول ويا ليندا ورد البيت ..تحنن ويتهن الريم ..واللي وصلها اخوها حمد ...خطيب رفوع ...وتحنت وياهن وسلامه فظلت انها تستشور شعرها لانها ما تروم ترد باجر وتستشوره في الصالون وبعد ما خلصن وع الساعه 9 تقريبا طلعن من صالون مشكبار واكيد بعد ما حجزت سلامه عند راعيه الصالون تيها البيت باجر ..

وبعد ما ردن البنات اكيد كل وحده يلست اتقول انا بلبس اللبلس الفلاني وقعدن يسولفن ويرمسن عن ايام قبل يوم كانوا يسيرون العين ويلعبون كوك ويا عمهن احمد وسالم ...ويوم كانوا يسيرون العزبه ويا امهم موزه ويركبون الكلوزر ويغرزون ويسيرون صوب الحدايق ...والكشتات اللي سارن لهن ع حيات عمهن ثاني ويدهن بطي ..وفعلا كانت ذكريات حلوه ما تنسى تحي الروح وتشوقنا للماضي ...وبعد هل الهذربان والرمسه والضحك والضرابه اللي بين منال ورفوع رقدن مستسلمات للتعب ..اما سلامه اللي كانت تحس انها في عالم الخيال ما تصورت في يوم من الايام انها بتاخذ الدكتور اللي عالجها سعيد بذاته كان بالنسبه لها حلم حلو ما تبى تنش منه وتمنتـــــ

سلامه : باجر قصدي اليوم بنتقل من عالم عشت فيه لسنين لعالم ببدا اعيش في من اليوم ..(وترفع ايدها مبتسمه ابتسامه خفيفه)..يارب تكتبلي السعاده ويا سعيد ويكون الانسان اللي يستاهلني وانا استهاله ولا اقصر فواجبي وتلهمني الصبر.

سلامه وبعد ما بندت عينها والساعه تقريبا 3 الفير ...وبعد ما غفت شوي يت امها توعيها ع الساعه 5 عشان اتصلي الصبح ووعت منال والكل اللي في البيت ....وع الساعه 10 تقريبا نشن البنات ما عدا سلامه اللي كانت تعبانه وتيبا ترقد ..منال يلست في الصاله ويا رفوع وشواخي اللي سارت ويا ابوها صوب العزبه وبالنسبه لام سهيل وام ظاعن سارن صوب المطابخ اللي برع يشوفن شو اللي ناقص ويجهزن كل شي ..من فوايل وعصاير ومشاوي ...

يتبع</p>


&nbsp;</p></font>

<font color='#000000'><p align=center><font color=#990033>لجزء 39

</font>منال ويا رفيعه في الصاله

منال يالسه تشرب عصير واتشوف الكوب: رفوووووع
رفيعه: هلا
منال تبتسم: سلامه بتسير وبتخليني بعد 3 اشهور العرس
رفيعه: هذي الدنيا منال كلن يمشي في دربه(اطالع الباب).آآآآآه يالدنيا
منال تحاول تغير الموضوع وتفكرفي سالفه ثانيه: آآآآه يالدنيا وابويه عليج يالعييز ع منوه انتي طالعه عمي بو ظاعن اشب عنج ..كع كع كع

رفيعه: بالله عليج بتصكين لرقعج بهل الكتاب ع راسج ها اللي ناقصني وحده اتفلسف عليه
منال: سيري ولي
رفيعه اطلع لسانها: بولي اوكي بس تعالي تشكي ...(تقلد منال بطريقه اضحك)..رفوع سلامه بتعرس بتخليني بعد 3 شهور

منال: ههههههههه غربالله بليسج اوني عاد انا اللي ارمس جيه
رفيعه: هيه عيل شوه
منال: تهبين الا انتي

وفجأه سمعت صوت سياره وبعد ما وايقت منال من الدريشه شافت سياره ناصر....وتمت يالسه محلها وسمعت حد يصارخ ربعت اطالع اخوها ورفيعه خافت بعد وسارت وراها ....ويوم طلعت

ناصر: منال تعالي بسرعه
منال بخوف: هاه شو فيك شو مستويبك
ناصر: خلي عنج الرمسه وطلعي شنطتي من السياره
منال فتحت الباب وشلت الشنطه مثل ماآمر عليها اخوها وشافت ظهر واحد منوه هذا يا ترا

ناصر: مايد عطني ايدك
مايد: اخ ريلي تعورني
منال بخوف : بسم الله شو مستوي مايد شو بلاك ليش ريلك منتفخه جيه ومجبسه بعد
رفيعه اللي كانت واقفه عند الباب وتوايج وتقول في خاطرها: الله يستر
ناصر: قومي عني خليني اشله
مايد يتاوه ويلوي ع ولد عمه وهوه يشله
ناصر: ما شاء الله مثقلك
مايد ويضحك ع عمره ويبوس ناصر ع خده: حبيبي يا بابا
ناصر ينقع من الضحك ومنال ما قصرت ضحكت من الخاطر ودمعن عيونها
ناصر: غربالله بليسك تضحك عسواد ويهك

ودخل ناصر ووراه منال وشاله في ايدها عكازة مايد ...وساروا صوب الصاله اللي كانت يالسه في رفوع بس بعد ما دخلوا سارت الطابق الثاني توعي سلامه

رفيعه وبعد ما دخلت الحجره لان الباب كان مفتوح
رفيعه: سلامي قومي الساعه 11 ونص بسج خستي ياختي
سلامه: رفوع دخيل الله خليني ارقد حرام
رفيعه: قومي يالله اول مره اشوف عروس وترقد لين هل الوقت
سلامه ترفع راسه وتقمز بعينها: عروس بطرانه هههه
رفيعه: ما جذبتي الساع يالله قومي وعيني خير وتنشطي طاعي عيونج شقا غاديات اللي يشوفج يقول اندونسيه...
سلامه: ههههههههه بسم الله ع عنوني
رفيعه: يالله عن الدلع وقومي بسرعه
سلامه : اوكي

سارت رفوع وطلعت من الباب الثاني صوب امها وخالتها صوب المطابخ وسلامه قامت من الرقاد وسارت تبدل..ومنال وبعد ما طرشت ليندا تودي شنطت ناصر صوب حجرته يلست ويا اخوها وولد عمها

منال بستغراب : شو اللي استوى
ناصر: تخبري ميود
مايد يشوف ولد عمه بطرف عينه: ناوي تفشلنا ويا هل الراس
منال: شو مايد ؟ ليش ريلك مجبسه
مايد بمكر: طحت من الشبريه
منال تبا تضحك بس ما تقدر
ناصر: قص عليها ويا ذا الراس
مايد: خلاص حرمنا الله يسلمج ونحن في العين سرت صوب العوهه ويا واحد من الربع ودخلت علي شاحنه من درب ثاني وانا مادريت بعمري الا ريلي منكسره
منال واللي كانت تسمع مايد وهيه متفاجأه: يا ويلي ويالاه ما تشوف شر ان شاء الله والحمدلله ع السلامه
مايد: الشر ما اييج يا بنت العم ...وتسلمين والله
ناصر: احين شو اسويبك وين اوديك
مايد: لا والله شو بعد اتسويبي بتم يالس هنيه
ناصر بستهتار: لا والله يا حبيبي نسيت اليوم ملجه سلامه
مايد: افففف لا لا تقول نسيت اتصدق
ناصر: ما تنلام من هل التنكي اللي فراسك
منال: حرام عليك نصور وايد اتسبه
مايد: شفتي وانا صاكت عنه حليلي
ناصر: حلك حلوك دب من يوم انت صغير
مايد يضحك بستهتار: وخاطر هل الشنبات وهل اللحيه بصكت وانا ولد ريال
منال وقامت من محلها: الله يعينكم


وسارت منال صوب البنات في الطابق الثاني وناصر يلس ويا مايد وهوه محتار ما يعرف شو بيسوي به فاتصل لراشد وقاله عن مايد وعن حالته وام راشد اول ما سمعت الخير اختضت واستهمت ويت ويا ولدها نهيان وحصه يت وياهم بالمره تختصر الدرب والوقت ...وراشد اللي وده يروح اييب اخوه بس اليوم ملجه سلامه اليوم سلامه بتكون لغيره لسعيد بن حميد

سار نهيان ويا امه واخته وبعد ما وصلو بيت محمد سارت ام راشد صوب ولدها وحصه شافت اخوها وسارت صوب البنات ولقد سلامه ورفوع ومنال يسولفن ويضحكن

حصه: بوووووووو
الكل : بوين
حصه متغيضه: اخ يالخيانه الشله كلها هنيه
منال: لا ناقصنا الريم وحرمت اخويه عنود
حصه: ههه وكل وحده منهن في زرب وين بيين
الكل: ههههههههه
رفيعه: هوش
سلامه : شدراني في المخبل
حصه: اشوف يا سلام سلامي شو هل الحلاه اب اب خوزوا عنها
سلامه: عروس لازم
منال اطلع لسانها: ملجه مب عرس اوكيك
رفيعه: بسكن قومن صلاه الظهر

واذن الظهر والكل صلا الحرامات يلسن في الصاله وناصر ومايد ..ونهيان يلسوا في الميلس ويا بو سهيل وبعد ما حطوا الغدا ترخصت ام راشد ونهيان ..بس مايد وصا اخوه اييب له ثياب لانه ما يقدر يتحرك وبيبات هل اليومين في بيت عمه(هههههه يباها من الله)وبعدين يلسوا يتفاولون وبو سهيل وفي هل المرحله من العمر بدا يتعب وايد وما يقهر اليلسه وايد ..وسار صوب حجرته بع ما سلم ع الحرمات وسار يرقد ...وفات الوقت بسرعه وتقريبا ع حدود المغرب يا سالم واحمد وامهم موزه دبي وام راشد ردت صوب بيت نسيبها ويلست ويا الحرمات وبدوا يجهزون للملجه اللي كانت بس بين الاهل وما عزموا ناس وايدين ...سعيد اللي حالته حاله ومرتبش وفرحته ما تنوصف في عمره ما فرح قد هل اليوم .....وخذ اجازه من المستشفى .....وطلع شوي ويلس في الحوي ويا الاهل وهم فارشين المنامه ويلوس ..ويتقهويين معدا خالد ..اللي كان يحوط في الحاره وبالمره يشيك ع سيارته اللي كان تايرها امبنجر

ام سعيد: فديت المعرس محلاه
سعيد: عيونج الحلوه لا خليت منج شيخه الحرمات
نوره: يا عيني يا عيني يا يزوي ومدحوج
سعيد يهد ع اخته: شوه يزوي ليش لا تكون كانت تلعب وياج في الحاره
نوره: يا بوي امي وادلعها حرام
ام سعيد: عسى الله لا يحرمني منكم وشوف عيالكم وعيال عيالكم
سعيد يبتسم: ا ن شاء الله عيل بو سعيد وينه
نوره: بعده في العزبه اليوم بيي من وقت وبعد المغرب بيسير صوب العرب
سعيد: زين وخالد
نوره: يحوط هنيه وبيرد
ام سعيد:زين يا ولدي ما تبا اتقهوى
سعيد: مشكورخ الغاليه بسير ارتاح قبل ليأذن
ام سعيد: ارتاح يا بعد عمري
وقام سعيد دخل البيت ونوره يلست تحرتق محلها
نوره: يا ربي يا من ابتلا شله ادلعوني سعدني وانا لا
ام سعيد: وانتي بعد اندلعج
نوره اتبزا: لا لا انتوا ما ادلعوني كله خالد وسعيد
ام سعيد: يا امي غلاتكم وحده لا خليت منج
نوره تلوي ع امها: ادري فديتج ياربي شي فخاطرج بسير اتعدل
ام سعيد: سيري بنتي يعلني افرح فييج
نوره : ان شاء الله

وبعد ما قامت نوره بتدخل البيت اذن المغرب وقامت ام سعيد اتصلي وسعيد اللي سار صوب المسيد وتلاقى ويا خالد هناك وواحد من الربع وبعد ما صلوا وصل بو سعيد من العزبه واتسبح وبعد ما ارتاحلو شوي والساعه قريب الثمان

ام سعيد: يا سعيد يا سعيد
سعيد يصارخ وهوه في حجرته: يا لبيه يا امايا
ام سعيد: تعال بدخنك
سعيد: ياي ياي ..

وبعد ما تغتر سعيد واتعطر بدهن عود ووقف جدام المرايه دقيقه يشوف نفسه سار صوب امه
ام سعيد محتشره ولابسه عباتها: يا ولتي ماتت الضو وانا الا ازقرك
سعيد: سمحيلي كنت اتختر

ودخنت سعيد ويا بو سعيد وادخن وخالد بعد ما خلص سار الصاله وشم ريحه العود وتخبل الا اسولي ضو حيه

خالد: شو هل الضو ميته وين ميري
سعيد : ابطينا يا خوي العرب يتريونا
خالد: ادري انك معرس ومستعيل وانا ابا اكشخ شوه اخوا المعرس وشو دراج يمكن اكون المعرس المرتقب
ام سعيد: ان شاء الله وافرح فيكم يميع ان شاء الله

وفي هل الوقت يابت ميري الضو وادخن خالد وطلعت نوره وادخنت

نوره: يا حبيبي شو هل الزين شو هل الزين حافظ ع المعرس
سعيد يتحنحن: احم احم شو رايج اخطف الطير ولا
نوره اطالعه من فوق لين تحت: لا الصراحه مزيون وحيلو وتموت
خالد: وابويه عليج انا يالله قوموا يالله هبابنا نوصل .....

وطلعوا هل حميد من بيتهم سعيد ويا خالد في سيارة سعيد وبو سعيد وام سعيد ونوره في سياره وساروا صوب بيت العروس وفي هل الوقت منال ورفوع وحصه يا لسات يتعدلن في حجره منال وريم تحوط مره صوب حجره سلامه ومره صوب حجره منال وشواخي اللي محتشره وتبا حد يسحيها

شيخه: آآآآآآآآآ منو بيتحيني
منال تحط ايشدوا: سيري خلي ليندا اتسحيج
شيخه مبوزه: دبه كله ليندا تو انا بنت البتكاله
ريم ورفوع يبحلقن في شويخ: من قال
منال اطالعها بطرف عينها : اقولج سيري
شيخه عصبت وسارت صوب سلامه وكان الباب مفتوح ..وراعيه الصالون يالسه اتسرح شعرها بعد ما حطتلها مكياج..سارت شيخه صوب سلامه...

شيخه مبوزه وفي عينها دمعتين: تلامي
سلامه: هاه حبيبي شو تبين
شخيه: توفي تعلي كته محد ايتحيني
سلامه وبحنان: فديتج خلاص فالج طيب انا بسحييج
شيخه استانست وسارت صوب حجره منال فتحت الباب وشافت منال وطلعت لسانها ...: لا لا لا لا لا لا تلامي بتحيني
رفيعه: ولخيبه عروس خليها ترتاح تعالي انا بسحيج
شيخه: مابا
رفيعه: حبيبي انتي تعالي ما تبيت تسيرين وتلعبين
شيخه وبعد تردد: اندين

سارت شيخه ويلست جدام رفوع ومشطت شعرها ومنا لوالبنات بعد ما خلصن سارن يطقسن ع الحرمات في الصاله وبعدين ردن لسلامه بعد ما خلصت منها راعيه الصالون وراحت ...وسعيد وابوه واخوه ويا عيال محمد الفلاسي وعيال ثاني بستثناء راشد....وبنص معارفهم والشباب وبعد ما سلموا قربوا بالرياييل صوب الفواله وقهووهم ويابولهم العصير ... في هل الوقت دخل عليهم راشد سعيد اتفاجأ من ييته متأخر وفي نفس الوقت ماكان حاط في خاطره من سالفته هذيج المره في ميلس منصور...وبعد ما سلم راشد ع عمومته وعيالهم وع الرياييل....سار راشد صوب سعيد يسلم عليه

راشد وبصعوبه ما اتوقعونها: مبروووك يا المعرس
سعيد يبتسم ابتسامه خفيفه: الله يبارك في حياتك وعقبالك ان شاء الله
راشد: القمر واحد وماغيره قمر
سعيد حس ان راشد ينغزه بالرمسه صكت عنه وراشد سار يقعد حذال عمه ويسولف وياه سعيد اللي تم متغيض من رمسه راشد وفي نفس الوقت قال (مب مهم انا يوم خطبت البنت محد قالي انها مغصوبه عليه ..وامبونها مخطوبه لك يا راشد وانت اللي ضيعتها من ايدك وبعد شوه يايي اتنغزني بكلامك بعد ما ظيعت القمر خلاص فاتك اللي فاتك ولا تحسد غيرك ع موتته اليمعه وخلاص ليش احرق اعصابي انا معرس ولازم الضحكه ما تفارق ويهي....وبعد ما اذن العشا وترخصوا وساروا صوب المسيد وصلوا والحرمات بالمثل ...وبعد الصلاه وبعد ماردوا يلسوا شويه يسولفون والحرمات يسولفن والبنات وسلامه ونوره ورفوع الريم ومنال والصوص يسولفن ويضحكن ....ام سهيل سارت صوبهن وقالت لسلامه تنزل والباقيات يتمن محلهن

منال: امايا حرام والله ابا انزل
ام سهيل : ماشي يلسي ويا خواتج
حصه: امايا وانا بعد ابا انزل ما فيها شي الحرمات مب غرب
ام سهيل : ولو مب غرب صكن الدعنه
سلامه تبا تقنع امها: امايا فديتج وخاطري تخليهن
ام سهيل ماقدرت تكسر خاطر بنتها: انزين تنزلن وتيلسن في الصاله الثانيه
الكل: اوكي


نزلت سلامه ويا البنات ...صوب الصاله لين ما يتعشن الحرمات والرياييل في هل الوقت كانوا يتعشون سلامه اللي كانت لين الحين ما تحس بعمرها عروس مجرد احاس عابر وعادي ...وكانت طبيعيه وااااااايد..

وبعد العشا ام سهيل يت صوب البنات وقالت لسلامه تي وراها ..وسارت سلامه ويا امها وسلت ع الحرمات والكل انبهر بجمالها كل العاده كانت بيضا وعيونها سود ومسرحه شعرها وفستانها له حلاه خاصه بييج وعليه تطريز بالعنابي وشكلها كان رهييييب... ولبستها ام سعيد الطق والساعه والدبله وبعد ما يلست شوي والحرمات بدن يترخصن


يتبع</p>


&nbsp;</p></font>

<font color='#000000'><p align=center><font color=#990033>لجزء 40

</font>منال:اقول شكله الميلس فاظي
حصه: ابا اطلع ياربي
نوره تسولف ويا رفيعه....
منال: انتن عايبتنكن اليلسه في المنفى
نوره: انسوف ولا نحرق اعصابنا
رفيعه: وبعدين شو عايلنكن يلسن
حصه: حشا مادري لشوه متعدلات انتن للغنفات واليدران
منال : انا بروح وبتفيز حذال امي موزه مثل السوبر قلو وفيه خير اللي بيقومني
حصه: قلصيني وياج
نوره: وين سايرات اتفحمن
ريم وهيه ياييه سمعت صاري التفحيم: شو وراكن ريس
منال: بل عليج اتصوخ الرمسه
ريم: ما تصوخت يا ويهج ..حسج اللي واصل لين بوظبي
نوره: هههههههه قولي ما شاء الله
الكل: ما شاء الله

طلعت منال وسارت تيلس حذال امها موزه واتحاشا امها وحصه لحقتها وسارت تيلس وياها بس بعد شوي سارن يزفرن البنات وين وسلمن ويسلن شوي والساعه ع حدود 10 ونص وبو سعيد محتشر يبا يسير البيت وهوه يتصل لعيوزه ويقةلها تطلع....طلعت هيه وبنتها وسارن ويا حميد بعد ماترخص من نسايبه وسعيد يلس محله لانه يبا يشوف العروس ويسلم عليها ..خالد يلس ويا ناصر ومايد ونهيان يسولفون ...راشد بعد ما تعشا طلع وسار صوب البحر كالعاده يشكي هموه..مايد بين فتره وفتره يسرح بفكره بمنال ويتمنى انه يكون مكان سعيد في هل اليوم بس حاول انه يكون طبيعي وفرفوشي كالعاده وهوه يالس يخبر خالد عن الحادث اللي استوا له في العين ويضحك ع عمره يوم يحب ناصر ويقوله يا حبيبي يا بابا وضحكوا من الخاطر واذكر ضحكه منال اللي حس انها ترن في اذنه...بو سهيل تعب من اليلسه وقال بيسير يرقد بس افتظح من نسيبه ..سار صوب ام سهيل ....الصاله وسلم ع بنته وع الحرمات ..(موزه...ام راشد..بخيته..عمة البنات وام حمد وام ظاعن ...والبنات)....

بو سهيل: يا ام سهيل تعالي اباج

ام سهيل طلعت من الصاله

ام سهيل: امر الغالي
بو سهيل : ترا المعرس مستعيل ويا يسلم ع عروسه
ام سهيل : ان شاء الله ما يصير خاطرك الا طيب
بوسهيل: تسلمين يالغاليه ..انا تعبان بسير اوطي راسي
ام سهيل: ارتاح يابوي ما تقهر التعب

بو سهيل سار صوب حجرته وام سهيل بعد ما قالت لسلامه ان المعرس بيي ايشوفها ......الحرمات يلسن في الصاله بس بخيته وام راشد وبنتها ترخصن وام حمد اتصل بها ولدها وقال انه بيروح وسارت ويا بنتها ...رفيعه يلست ويا موزه..ومنال تمت اتحرق محلها تبا تشوف المعرس بس كلت لها هزبه معتبره ..ام سهيل قالت لسلامه اتسير الصاله الثاني واللي بابها ع باب ميلس الرياييل تقريبا واتصلت في ناصر وقالت له اييب وياه سعيد .....

ناصر بعد ما بند عن امه: هاه المعرس قم جن بتسلم ع العروس
سعيد: يالله
مايد: لا بتخلوني بروحي
خالد: جيه نحن وياك ونهيان هنيه
احمد يطالع مايد وساكن:..............
مايد مبوز: انزين انا ماقدر امشي ولا بسير وياكم
سالم : شو رايك اشلك
مايد: لا مشكور بتعور
ناصر يخز ولد عمه بعين: ميود تذكر الشرط ...(بمكر)السالفه بيني وبينك
مايد فز من محله: السموحه السموحه عمي ماقصد توبه بصكت
ناصر: جيه اباك

طلع ناصر ويا سعيد...وخالد يلس يضحك ع مايد ونهيان يلس يداها ع اخوه يبا يعرف شو اللي بينه وبين ناصر واحمد وسالم يطمشون عليهم ....

ناصر دخل الميلس لقا امه وسلامه سلم عليهن وسار صوب الصاله يسلم ع حرمه يده...وام سهيل طلعت وخلت سلامه ويا سعيد في الميلس ...سلامه استحت في بادي الامر بس حست انه شي عادي سعيد اللي كان يالس ومستحي من سلامه وشافها صاكته

سعيد: مبروك
سلامه بخجل : الله يبارك فيك ...ومبروك عليك
سعيد: الله يبارك فيج....

وساد الصمت لدقيقتين وسعيد يقول في خاطره ليش صاكته ارمسي بعد شي بيروغوني .....وسلامه اللي كانت تترياه يرمس وفي نفس الوقت تحس بخجل فضيع ما توقعت توقت سعيد يكو بهل الخجل والهدوء وما شاء الله عليه حليوا وطيوب....سلامه كانت سرحانه في تفكريها وما حست الا بسعيد يالس جدامها ويبتسم...وهيه ابتسمت ابتسامه خوف...سعيد مسك ايد سلامه وحط عينه في عينها ...

سعيد: سلامه ....صدقيني ان لج معزه كبيره في (وياشر ع قلبه)..وصدقيني مها يكون ما بفرط فيج خلاص انتي حياتي وروحي اللي اعيش بهن ..

سلامه تحس برعشه غريبه واحمر ويها

سعيد: سلامه...ان شاء الله الله يقدرني وافي حقج وما بقصر فيج ان شاء الله ...انا وبعد ما ملجت عليج اليوم تغيرت حياتي بكبرها ..اني امي وابوي واختي واخوي وزوجتي وام عيالي ان شاء اللــ

سلامه قاطعت سعيد: تدري ليش وافقت عليك ...لاني فعلا حسيت انك الشخص المناسب الانسان اللي بيعوضني عن اللي فات وبيكون لي الاسره اللي بتسعدني

سعيد وبعد ما سمع سلامه بدا قلبه يرتاح: القلوب عن بعضها يا سلامه ...واسمحيلي تاخرت ويلست وياح وياد والود وادي ايلس يومين الا شهرين(يضحك وسلامه تبتسم بخجل وتحس بفرح فضيع فضيع فضييييييع) سلامه انا يلج وما يعز عليه واكون مقصر في شي هذا رقمي وانتي مب مجبوره وحتى وانا مالج عليج بس بعد خليه عندج....وان تبين اي شي لو القمر عيبج ...واصل فحينه...واسمحيلي الحين بروح.....

سعيد حب سلامهع راسها وطلع وسلامه اللي حست بفرح رهيب يضارب نبضات قلبها ...واخيرا حست بالسعاده تضرب باب قلبها يلست دقيقتين تفكر وهيه فرحانه وسعيد بعد ما طلع من الميلس سار صوب الشباب سلم عليهم ورد ويا اخوه البيت ..والشباب يلسوا يسولفون ..

والبقيه تأتي... <img class=inlineimg title="" alt="" src="http://www.b7aruae.com/vb/images/smilies/thumbsup.gif" border=0>

see you</p>


&nbsp;</p></font>

<font color='#000000'><FONT color=#000000>


<FONT color=#cc6699>تسلمين حياتي على البارت ونتمنى التكملة اعرف اني اطلب وايد لان في اليوم تنزلين ثلاثة اجزاء بس القصة حلوة وابى اكملها قبل المدارس لان وراي ثناوية عامةولازم اشد حيلي<IMG src="http://oasis.bindubai.com/emoticons/inlove.gif" border=0>

</FONT>


&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;

<FONT color=#cc0099>&nbsp;&nbsp;&nbsp;&nbsp;&nbsp;&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp; <IMG src="http://oasis.bindubai.com/emoticons/fa41.gif" border=0>&nbsp; همس الاحبابي<IMG src="http://oasis.bindubai.com/emoticons/fa41.gif" border=0></FONT></P></FONT></font>

<font color='#000000'>

الله وناسه <img src="http://oasis.bindubai.com/emoticons/grinning.gif" border=0>
الله&nbsp; يهني سلامة و سعيد ( عقبالنا <img src="http://oasis.bindubai.com/emoticons/blush.gif" border=0>&nbsp;)ههههه
حليله ماجد .. هذا و هو متعور كذاك .. لو يتم صاحي بيطفر بناصر
مشكوووورة وهوجه حبيبتي ما قصرتي <img src="http://oasis.bindubai.com/emoticons/smile.gif" border=0>


همس الاحبابي
اووه ثانوية عامة .. شدي حيلش الغالية
نبا نسبة حلوة <img src="http://oasis.bindubai.com/emoticons/smile.gif" border=0>
الله يوفقش ياااا رب </p></font>

<font color='#000000'>وهوجة

وينش <img src="http://oasis.bindubai.com/emoticons/oo.gif" border=0>
عسى ما شر</font>

<font color='#000000'><FONT color=#000000><FONT color=#cc3399>وينج حياتي ما يسوى طلبت منج طلب<IMG src="http://oasis.bindubai.com/emoticons/inlove.gif" border=0>

</FONT>&nbsp;&nbsp;&nbsp;&nbsp;&nbsp;&nbsp;&nbsp; <IMG src="http://oasis.bindubai.com/emoticons/fa41.gif" border=0></FONT><FONT color=#ff99cc>همس الاحبابي</FONT> <IMG src="http://oasis.bindubai.com/emoticons/fa41.gif" border=0></font>

<font color='#000000'><p align=center><font color=#990000>يا هلا ومرحبا فيكم
<img src="http://oasis.bindubai.com/ubbc/smileys/0011.gif" align=absmiddle border=0>
اسمحولي عسب انشغلت في الدوام شوي...

همس الاحبابي حياتي فالج طيب&nbsp;وبحاول قدر الامكان..&nbsp;
وشدي حيلج نبي نسبه تشرف...
</font>
<font color=#990033>لجزء 41
</font>سلامه وبعد خمس دقايق في الميلس طلعت وسارت صوب حجرتها وعند الدري لقت منال يالسه ويا رفيعه

منال: حيا الله العروس
سلامه تبتسم بمكر: الله يحييج
رفيعه: اف اف شوفو الحلاه امبونج خسفه دخلتي ع سعود وحلويتي شو السر
سلامه تمشي وياهن صوب الحجره: السر يا حبيباتي ان الريال او ريلي قصدي ريال والنعم فيه وشيخ الرياييل
رفيعه: يا سلام الصراحه ما شكيت بهل الشي
منال: هيه حليله يكفي انه يحبج
سلامه بخجل: وشو دراج
رفيعه: الله يسلمج نوره قالتلنا انه كان بيخطبج من يوم شافج في المستشفى ودوم حاشر الاهل يباج انتي
منال: امبونهم بيوزونه بنت عمه بس هذا النصيب
سلامه يلست ع الشبريه: الحمدلله انه من نصيبي الحين ممكن كش يالله برع برقد
رفيعه: بنسولف وياج
منال بمكر: عطاج الرقم
سلامه: هههههه وليش ع بالج يرقم
منال بنيه طيبه : لا حشا لله ما يطيع زينه بو عسكور بس ريلج اكيد عطاج رقمه
سلامه: هيه هيه عطاني يالله برع برقد
منال: اوكي لا تعطبين
رفيعه تثاوب: وانا بعد بسير انخمد
سلامه : اتسون خير

طلعت منال ووياها رفوع وسارن صوب حجرتهن عشان ينامن وسلامه بعد ما بدلت يلست شوي تفكر في دنياها وبعدين ناميت ومر هل اليوم بسلام...والكل نام وقلبه مرتاح ما عدا راشد بن ثاني اللي بعده يالس ع الكرنيش ...ومتساند ع السور ويشوف القمر.....ويفكر في حاله وفي نفس الوقت بسعيد وسلامه.....راشد يفكر ..يا ترا ليش انا اعامل الريال بقسوه ليش بديت اكره هذا النصيب يا راشد هذا القدر يا راشد سلامه راحت خلاص وماتقدر اتردها سلامه اللي كنت تحبها بعد ما رفضتها بنفسك راحت انساها وفكر في مستقبلك .....لازم اتفائل وامشي في دربي.....وبعد هل التفكير رد البيت والساعه قريب 2 وهوه يفكر في دوامه وعشان ينسى كل شي صار في هل المده قرر انه يتصل في علي المهيري اللي كان عندهم في امريكا وبعد ما استوى ربيعه ..عشان يحجز له شقه فقي بوظبي وفي نفس الوقت يكلم الرئيس عشان ينقل اوراقه لبوظبي ويشتغل هناك واكيد هل القرار بعد ما فكر في امه واخته واخوانه واللي طمنه اكثر وجود مايد ونهيان اللي ايي كل ويك اند وهوه بالمثل بيحاول يزورهم من مده لمده ....هذا راشد وبعد ما اصبح وسار صوب امه في الصاله ولقاها اتقهوا وحذاها مايد اللي ريله مكسوره وما يروم يتحرك ...خلا الصاله حجرته الشخصيه ياب لاحفه ومخدته ..واكيد خذ لبتوبه عشان يتونس فيه شوي ...

راشد وبعد ما سلم ع الموجودين

راشد: امايا انا ان شاء الله بنتقل بوظبي
ام راشد متفاجأه: ليش يابوي
مايد يطالع عيون راشد ويقرا افكاره :.........
راشد يحب راس امه ويحط عينه في عينها: امايا هذا قراري وقبل كل شي فكرت في الكل وصدقيني انا محتاج ابتعد عن دبي لمده
ام راشد وقلبها يتقطع ع ولدها والدمعه تنزل من عينها وتبتسم وكانها فهمت عليه: الله يحفظك يالغالي سوا اللي ترتاح له
راشد يبتسم: مشكوره يالغاليه ..مايد هالله هالله فالغالين
مايد: لا توصي حريص وانا اخوك هلي في عيوني وان ما شالتهم عيوني الارض تشيلهم
ام راشد: لا خليت منكم ياربي
راشد: اوكي انا ان شاء الله العصر بسير صوب بوظبي
مايد : ان شاء الله
ام راشد وقلبها يحترق ع ولدها:.........
راشد: اترخص منكم عيل بسير اسلم ع عمي قبل صلاه اليمعه
مايد: الله يحفظك
ام راشد: في حفظ الله يا ولدي

راشد يبتسم ويطلع من البيت وسار صوب بيت عمه ولان الوقت بعده عن الاذان فضل يسلم عليه وع ناصر و حرمه عمه بما ان سلامه هل الوقت ما بتكون يالسه وياهم ..سار راشد بيت عمه وما لقا غير ام سهيل سلم عليها ويوم تخبرها عن عمه قالت له انه في العزبه ويا ناصر وسار صوبهم ويوم وصل لقاهم عند الرجاب

راشد: سلام عليكم
بو سهيل +ناصر: وعليكم السلام
بو سهيل: حيالله بو سنيده
راشد: الله يحيك عمي وشحالك الغالي
بو سهيل : بخير ونعمه يا ولدي وانت شو علومك
راشد: علوم الخير ان شاء الله
ناصر: هاه بو الشباب طلعت امس من دون حس
راشد: شو نسوي يا بوك تولهنا ع البحر
بو سهيل بتاوله: ايييييييه يالبحر البحر غدار يا ولدي
راشد وبدون قصد: البحر يا عمي شرات هل الدنيا غدار ..
بو سهيل : خلها ع الله وانا ابوك
ناصر: شحاله مايد
راشد: يسرك حاله استعمر الصاله
بو سهيل يضحك: بالله عليك لا خليت منه غالي
ناصر: هيه يا بوي صدق غالي والكل غالي
راشد: يا حيكم والله عيل انا بروح توصون ع شي من بوظبي
بوسهيل: وشله بوظبي شو لك من الشغله هناك
راشد: والله يا عمي حولت اوراقي وبكمل شغلي هناك
ناصر: شو هل الشور يا راشد ..وين تبا مالنا احد في بوظبي
راشد: اللي الله وانا اخوك وهذيج داري يا ولد العم ومب غريبه
بو سهيل: اللي يريحك بو سنيده توكل على الله وما في خواطرنا غير سلامتك وراحتك
راشد يبتسم: مشكور عمي يالله فمان الله
بو سهيل وناصر : في حفظه ان شاء الله

وبعد ما سلم ع عمه وولد عمه ركب سيارته ورد البيت قبل لا يأذن عشان يتسبح وبالمره يجهز اغراضه ...نهيان وحصه ماسرهم اللي يباه راشد بس خلاص هذا قرار وهوه مب ياهل عشان يوقفون في طريجه....حصه سارت صوب حجره اخوها ويلست تزهب له شنطته

حصه: رشود شو احطلك من العطور
راشد: حطيهن كلهن وبتلقيت دهن عود حطيه بعد
حصه : اوكي وشو بعد
راشد: خلاص حطيت كل شي ...حصه
حصه: هلا
راشد: ما وصييج ع الوالده
حصه: ان شاء الله ..اوكي انا بسير عنك تبا شي
راشد: لا مشكوره

طلعت حصه وسارت صوب حجرتها وهيه تدري بحاله اخوها واللي استوا كله وفراقهم له بسبب ملجة سلامه...تعوذت من بليس ويلست تقرا قرآن وراشد نزل ييلس ويا هله ونهيان ومايد كانوا موجودين وام راشد ..سارت صوب حجرتها ....وبعد ما اذن طلعوا وساروا صوب المسيد للصلاه وبعد ما صلوا وسمعول خطبة الجمعه ..ردوا وتغدوا ويا الاهل وفي هل الوقت بو سهيل رد ويا ولده وحطوا الغدا وتغدوا ....في الميلس والحرمات ..ام سهيل وام ظاعن والبنات في الصلاه وتقهوا وفي هل الوقت....الساعه 3 اتصل ظاعن لهله عشان بيردون العين ....منال وسلامه يلسن في الصاله ويا ناصر وام سهيل وبو سهيل ساروا يرقدون لين صلاه العصر ...

ناصر: شواخي وين
سلامه: اوووووه تعال تلقاها راقده ويا شيبتها ليخليها ويسير عنها العزبه
منال: مشكله دومها لزقه الله يعينك يا محمد يا ولد سهيل
ناصر: ما جذبوا الساع يوم قالوا عنج عيوز
منال: حرمتك واحترم الفاظك مسيو ناصر
ناصر: اها اولا نو بدي ان ماي مايند يعني سبي الحرمه لانها بعدها ما حلت ع دربي ...وعن الالفاظ ان شاء الله مدام منال بنصكت لاني مافيه لحشرتج
سلامه: وانتوا دوم اتناقرون
منال: العين بالعين والسن بالسن والبادي اضلم
ناصر: الاعتراف بالحق فضيله
سلامه: دياجه حشــ (رن التيلفون )

وكان حذال الغنفه اللي يالسه عليها سلامه

سهيل: السلام عليكم
سلامه بفرح: وعليكم السلام والرحمه حياالله المعرس
سهيل: الله يحييج ..كيف الحال والاهل شخبارهم
سلامه: يسرك الحال والكل بخير وسهاله
سهيل : يا حيكم والله عين وين الشواب
سلامه:: رقود فديتهم
سهيل: رقاد الهنا ان شاء الله منوه عندج
سلامه: ان شاء الله ....ناصر ومنال
سهيل : اوكي عطيني نصور
سلامه : اوكي (وعطت ناصر السماعه)
ناصر: مرحبا
سهيل: مرحبتين هلا والله شحالك يا خوي
ناصر: بخير وسهاله وانت شحالك وشحال العروس
سهيل يضحك: تمام وطيبيين
ناصر: يا حيكم والله
سهيل : وعيال عمومتي شو اخبارهم
ناصر: بخير وسهاله بس راشد ما رمسك
سهيل: لا والله شو استوا

سلامه ومن قال طاري راشد بدت تنتبه

ناصر: يقولك حول اوراقه بوظبي بيهاجر عن دبي
سهيل متفاجأ: افا ليش عاد
ناصر: مادريبه بس قال انه نقل اوراقه ويانا مساعه يسلم
سهيل: هيه الله يوفقه ان شاء الله بشوفه وبرمسه
ناصر: اوكي ومتى ناوين ع الرد
سهيل: اوه ع طاري الرد ترانا عفنا سويسرا وبنرد دبي بالباجر
ناصر: حياك دبي بكبرها اترياكم
سهيل : شورد برو
ناصر: عاش التفنديق
سهيل : ههههههه برايك عيل بسير السفريات ااكد الحجز
ناصر: موفق الغالي فمان الله
سهيل : الله يحفظك وبلغ لاهل سلامنا .(العنود تخزه بعينها)..وسلام العنود
ناصر: يبلغ ان شاء الله
سهيل : مع السلامه (وسكر)

سهيل : عنوده قومنا
عنود: وين تبانا انسير برد موت
سهيل: لاحقه ع حر دبي قومي نحوط
عنود: اوكي بس بعد بنسير نتشرا من السوق
سهيل: اوكي غناتي السوق بكبره لج
عنود: تسلم لا خليت منك

قام سهيل ويا عنود وساروا يتحوطون في شوارع سويسرا واسواقها قبل لا يردون دبي ..وفي البيت وبعد ما بند ناصر عن سهيل خبر البنات وبلغهن بسلام اخوهن وانهم بيردون جريب (باجر)..سلامه اللي كانت تسمع ناصر ولا كانه تسمعه استغربت من تصرف راشد شو اللي يخليه ينقل اوراقه لبوظبي ياترا انا السبب ...وانا ماباه يحط في خاطره مني وهوه ولد عمي وصار بحسبه اخوي بس الله يحفظه وهل الغرار بيغير من حاله ....

منال: حوووووه ايه انتي
سلامه:سرحانه
منال تقرب ثمها من اذن سلامه وبهدوووء: العروس
سلامه بعد ما انتبهت لها: هلا
منال تبتسم: وين سرتي
ناصر: خليها عروس تفكر في السعدني
سلامه اتشوف ناصر بطرف عينها ومتغيضه: اخوي لو سمحت اسمه سعيد مب اصغر عيالك اتسميه السعدني اوكيك
ناصر: بل بتاكلني بقشوري
منال: اوووووه هزبوه اييك ازود ان شاء الله
ناصر يشوف التلفزيون: اقول جلبي ويهج يالله
منال متغيضه: ان شاء الله بجلبه ولو انه لوح ..اقول سلامي قومي انرتب بيت سهيل
سلامه: هيه والله قومي يباله خم وتنضيف تلقينه مغبر والاثاث يكح
منال: يا حبيبي وقمنا انكت

قامن منال وسلامه وزقرن ليندا اتعاونهن في ترتيب بيت سهيل وغيرن الفرش وعطرنه ودخننه وصكن الباب وآذان المغرب قد فاتهن سارن يصلن ...ويلسن يترين امهن اللي سارت صوب زرب الهوش ويا ام راشد ....بعد ما سلمت ع ولدها اللي سار صوب بوظبي ...وناصر طلع صوب ميود ويلس يخرط عليه من الرمسه ويتظاربون كالعاده وحصه كانت ع كرسي التشجيع مره ويا اخوها ومره يا ولد عمها لانهم يلسوا يلعبون ورقه....

وفي بيت بو سعيد كانت نوره يالسه تلعب سبايدر ودخل عليها سعيد وقال لها تتصل في سلامه واتخبرها عن احوالها وهيه ترفض

نوره: يا اخي شو تبا ملجت وريحت قلبك بعد خل البنت ترتاح
سعيد: انزين تخبري عن احوالها
نوره: ظني تعرف رقم بيتهم اتصل وتخبر عن احوالها
سعيد: غلسه بالقو المهم ترا باجر بيون العمال وبيرتبون قسمي
نوره تلعب: اوكي شو اسوي
سعيد: مالت عليج احسن اطلع ولا اجابل الفريزر
نوره: عادي مثل ما قلت فريزر
سعيد مل من نوره وبرودتها واتصل في اخوه ولقاه في الشركه يرتب اوراقه وخطف صوبه وبعدين ساروا يحوطون شوي وخطفوا ع منصور والربع بعد ما اذن العشا وصلوا ....

سلامه اللي يلست اتشوف الاوراق اللي ع الطاوله ولقت الورقه اللي عليها رقم سعيد ..كان اتشوفه واتذكر كلامه ...وهيه محتاره اتصل فيه ولا لا ....بس فضحه ومب حلوه في حقي بس بعد مب حلوه اني ما سلم عليه ..اتصل ياربي ولا لااتصل ولا لا ..احسن شي اتصل قبل لاتطلع منال من حجرتها ....وبعد تردد اتصلت سلامه في سعيد اللي كان يسولف ويا الربع في ميلس منصور

سعيد بعد ما رن تيلفون ..وشاف رقم غريب ورد

سعيد: الو
سلامه بخوف وتردد وجرأه فجائيه: مرحبا
سعيد ومن سمع الصوت ابتسم وقام من محله: مرحبتين الساع هلا والله
سلامه: اهلين.......(وتمت صاكته)
سعيد بصوت خفيف: اقول الغلا لحظه بس اطلع من الشباب

منصور شاف سعيد بيطلع: وين وين بو عسكور
سعيد ياشر له: برد
منصور: اوكي
خالد: شكلها المكالمه ضروريه

يتبع <img class=inlineimg title="" alt="" src="http://www.b7aruae.com/vb/images/smilies/throb.gif" border=0></p>


&nbsp;</p>


&nbsp;</p>
<p align=center>&#60;&#33;-- / message --&#62;&#60;&#33;-- sig --&#62;&#60;&#33;-- edit note --&#62;&nbsp;</p></font>

<font color='#000000'><p align=center><font color=#990033>الجزء42

</font>طلع سعيد من الميلس ويلس في سيارته ورد ع سلامه اللي كانت صاكته
سعيد: هلا سلامه شحالج
سلامه: بخير وسهاله ...بس كيف عرفتني
سعيد: وهل يخفى القمر
سلامه بخجل: اوكي سعيد بس حبيت اسلم عليك
سعيد: بس
سلامه: بس واطمن ع حالك
سعيد: تسلمين والله وانا من شفت الرقم فز قلبي
سلامه: سلامه قلبك
سعيد: الله يسلملج غاليج بس مب مشكله اذا الغالي بيفزه
سلامه استحت: مع السلامه
سعيد: الله وياج

وبعد ما بند عنها سعيد حس بالراحه ودخل الميلس وقبل لا يدخل سيف الرقم باسم ..قلبي وبين قلبين ...ويلس يكمل السهره ويا الشباب...وسلامه استانست من رمسه سعيد ..وسارت صوب سلامه بعد ما تسبحت ونزلت وياها الصاله يشوفن التلفزيون ...وبعد ما خلصت السهره ..سارت سلامه وهيه تثاوب والرقاد بياكل عيونها ....وانتبهت لتيلفوها مفرور ع الشبريه..وشلته ولقت مسج..( بعيونك كل الغلا وبلسانك احلى الكلام..واحشني وما بيدي غير شوقي والسلام)..المرسل .********* وكان الرقم رقم سعيد اللي نست تسيفه وسيفته ع باسم(حرف السيين بالانجلش وحذاله قلب) وردت اطرش له مسج(رسايلك يا خلي غريبه تدخل القلب وتبل ريقه مدري لاني اعزك او الرسايل رقيقه)..ورقدت سلامه بعد ما تاكدت ان سعيد استقبل المسج ...

مرت الايام سهيل وعنود ردوا من السفر ..بعد غيبه شهر وبو سهيل اللي ع حاله والتعب دوم مخاوييه وبدا حاله يتغير وام سهيل لاحظت هل التغير بس ما باليد حيله راشد وبعد ما سار بوظبي استقر فيه..من الشغل للشقه للمقهى ويا علي وربع تعرف عليهم وهم ومن معارف علي المهيري ...سلامه وسعيد العلاقه اللي بينهم بدت تتغير سلامه زاد حبها لسعيد ..وبدا يكبر يوم عن يوم وسعيد بالمثل بدا يحس وبقوه ان اذا ما سمع صوت سلامه ما يرتاح ..ومنال اللي ع حالها تظارب ويا شواخي اللس تموت ع الاذيه وخص انها بدت تييب القطاوه وتحطهن جدام منال اللي ما تحب الحيوانات وتخاف منهن ..مايد والحمدلله شفى وبدا يتعافا ...وهوه دومه في بيت عمه ...ويا ناصر ومرات يطلعون ويا بعض ويحوطون في البلاد ويحوطون البنات اذا دق في راسم واكيد اذا منال قالت لناصر يطلها ورفض يشتغل عنها مايد ويصر ع ولد عمه ويوديهم والمستفيد في الاخير حصه ومنال ومايد اللي يموت بتراب منال...خطف علينا و ع عايله محمد الفلاسي وعيال اخوه ثاني وحميد المنهالي شهر ..واللي كانت فيه سلامه اجهز لعرسها .....

سلامه ويا منال سارن صوب بيت سهيل ...لانهن ما شافن عنود من امس ...ودخلن الصاله ومالقنا وسارن حجرتها وبعد ما دخلن

منال: عنادي وينج اليوم مالج شوف
عنود: تعبانه ماروم
سلامه : بسم الله عليج شو ياج
عنود وع ويها علامات التعب: مادري ماروم اقوم والدنيا الدور بي
منال اتصارخ: قولي والله
سلامه: متفيجه الحبيبيه
منال: يعني انتي حامل وااااااااااو
عنود: ع كيفج انتي
سلامه بتفكير: ليش لا يمكن
منال: بسير اقول لمايا
عنود: وين تبين ردي
سلامه: خريشا مب متاكدين يوم بنتاكد ركبي مايكرفون ع الصقف وخبري العرب كلها
منال: اوكي بتصل بسهيل
عنود: لا حرام عليج بتفلخيبه
سلامه تبتسم: يا عيني ياعيني ع الحب
عنود: ريلي ما تبيني اخاف عليه
منال: شوور من حقج غناتي
عنود بدت تتعب اكثروتصيح:........
سلامه خافت : عنود بلاج شو يعورج
عنود: مادري احس اني انتفض بموت
منال اتصيح : بسم الله عليج

ربعت منال واتصلت بسهيل وقالت له انه العنود مريض وهوه بدوره اختظ وبدا يخاف ع حرمته ويا مسرع من الدوام .....وخذها المستشفى ووياه سلامه وامه ...وبعد ما وصلوا وفحصتها الدكتوره وعطوها مسكن

سلامه اللي كانت عند الدكتوره وام سهيل ويا حرمة ولدها اللي رقدوها لمده ساعتين وسهيل اللي يتريا سلامه تطلع وتخبره ع حالة العنود....

سلامه: دكتوره شو فيها عنود
دكتوره ميسون: مبروك اختي اختج حامل
سلامه بتموت من الفرح : والله الله يبشرج بالخير
دكتوره ميسون: اوكي حبيبتي فين جوزها
سلامه: موجود
دكتوره: ممكن تناديه لو سمحتي
سلامه: ان شاء الله

طلعت سلامه وزقرت سهيل اللي يالس في غرفة الانتظار الخاصه بالرجال وهوه يحترق ودخل ويا اخته صوب الدكتوره

دكتوره ميسون: تفضل اخوي
سهيل قعد وسلامه واقفه حذالها
دكتوره ميسون: انت جوز عنود غانم
سهيل: هيه نعم خير دكتوره
دكتوره ميسون: مبروك عليك اخوي البيبي جوزت حامل
سهيل وحس بالدنيا تلف به من الفرح واخيرا بيشوف ولده يلعب وياها وينشغل به:..الله يبشرج بالخير دكتوره
دكتوره ميسون: بس يا اخوي والله ماعرف ايش اقول لك
سهيل وبدا يخاف: خير
دكتوره: صحة الاخت عنود كتيير مو زينه يعني لازم ترتاح ولا تتحرك ابد ولا تروح اي مكان لان يمكن يموت البيبي وتخسر حياتها هيه بعد
سلامه تنتفض: شووووووو
سهيل منصدم وحس بضيج فضيع وفي هل الوقت كان منال تتصل تبا اتطمن ع عنود بس اغلق التيلفون وعطاه سلامه

دكتوره ميسون: هذا في مصلحة المريضه واكو حلات مصل حالتها بس عدت ع خير الحمدلله المهم ترتاح وما تحرك واتغذا عدل
سهيل وحس ان ع قلبه مهمه لازم ينفذها عشان خاطر روحين مستحيل يتخلا عنهن ...: اوكي دكتوره ومشكوره

دكتوره ميسون: العفو اخويه وان شاء الله بين فتره وفتره براقب حالتها
سلامه : ان شاء الله

وطلعت ورا سهيل اللي سار صوب الحجره اللي فيها عنود وامه ....عنود كانت نايمه ع المهدأ وسهيل خبر امه بحال عنود

ام سهيل تحط ايدها ع راس عنود: يا ويلي عليج يا بنيتي ما تستاهلين
سلامه: لا تشيلون هم ان شاء الله الا سبع شهور وبتربي وانا ومنال ما بنقصر فيها وبتم حذالها
سهيل: ان شاء الله بس يحميها من كل شر مابا اخسرها ولا اخسر الياهل
ام سهيل: لا ياولدي ان شاء الله ما بتخسر حد منهم ويخليهم لك

في هل القت فجت عنود عيونها وشافت سهيل يالس حذالها وامها مريم...وقالولها انها حامل وفهموها الوضع اللي هيه فيه وقررت اتحدى عشان خاطر سهيل وخاطر كل اللي يحبونا وخاطر البيبي المرتقب ...

وبعد ما رخصتهم الدكتوره ورتبت امورها وياهم ردوا البيت ويوم وصلوا لقوا منال معصبه واتحرطم ..سهيل دخل ويا عنود وسلامه سارت وياهم وام سهيل استلمت بنتها

ام سهيل: عنبوج زاد شو هل الحشره فضحتينا
منال: لا تلوميني ولا اللي كل ساعة اتصل ولا حد يرد عليه وانا احترق محلي
ام سهيل : ما يسوى عليج
منال: المهم شو استوى شو قالت لكم الدكتوره
ام سهيل: مرت اخوج حامل
منال تنقز من محلها: والله بيبي نونو صغيروني
ام سهيل: هيه
منال ترب صوب بيت سهيل وام سهيل نضحك ع بنتها وتقول في خاطرها صدق انها خبيل ومخروشه...

سارت منال وباركت لسهيل ولعنود اللي يلسوها في الصاله وقالولها ما اتحرك وايد ,,,ويلسوا يسولفون عن البيبي ..ومنال اللي يالسه تخطط شو بتسميه

منال: شوف سهيلوه اذا بنت منال ..واذا ولد كومار
سهيل يعصب: ام كشه اص لروغج من بيتي واييب قطاو شواخي لج
منال: تروم
عنود: لا تقاشرون ع الياهل وهوه بعده
سلامه: بتاكلونه
منال: اوكي اوكي كلاس ماما مافي قرقر مافي كلام
عنود:ههههه
سلامه: عرج الهنود اشتغل
سهيل : اوكي انا بطلع ..عنادي خلي مبايلج حذالج اوكيك
عنود: ان شاء الله وعن السرعه
سهيل: فالج طيب الغاليه


طلع سهيل وسار صوب شغله والبنات يلسن ويا عنود بعد ما بشرن هلها وحصوص...اللي دوم محتشره ..وام سهيل بشرت بو سهيل واستانس وايد ....مايد وناصر في هل الوقت ...كانوا في الدوام ...مايد وناصر يشتغلون في نفس الدايره ...ومتقاربين مثل كل مره ومايد اكتسب الفرصه ورد يكلم ناصر عن موضوعه اللي صار له سنه مأجل

مايد: يا ناصر روف بحالي الله يخليك
ناصر: شو فيه حالك زي الفل ع قوله اخوانا المصريين
مايد: وانت تحس يعلك تبتليبه يا نويصر
ناصر: لا ان شاء الله انا مراتح وحالي يسرني
مايد: ناصر جد والله ابا اخطب منال مايصير يا اخي وانا كل ما اقولك تضحك وتجبلها غشمره
ناصر: وانا بعد اتكلم جد يا بوي شوف الوقت مب مناسب
مايد: عيل متى
ناصر: اصبر شوي
مايد عصب: شوه اصبر اصبر صبرت سنه ولا نوي اطير من ايدي
ناصر: لا ما بطير بربطها
مايد: ناصر بس عاد افهمني يا اخي
ناصر: اقول اكوه الدرب جدامك سير اخطبها
مايد: بسير ليش لا بترياك عيل واعنس
ناصر: قال اعنس العزوبيه نعمه
مايد: عندك مب عندي
ناصر: كيفك يا اخي
مايد: خلاص بقول لمايا تخطبها لي
ناصر: تم


مايد اللي ضاق حاله وهوه يتريا ناصر يعاونه وبعد ما ياس قرر انه يخبر امه وهيه اللي ما بتقول لا وبالعكس بتفرح لانها بتخطب لولدها حشاشة يوفها ...

ام سهيل بدت تقلل طلعاتها لانها تخاف ع العنود واتسر لها كل يو البيت ومنال وسلامه دوم يخدمنها يوصن الخدامه تيب لها اللي تباه ويسولها فروت ويخصبنها تاكل كل شي صحي حتى اذا ما تحبه وهيه حليلها بعد هل اليومين اللي يلستهن في حجرتها بدت اتضيج واتمل تبا تطلع واتمشا وتيلس في الحوي العصر ويا البنات وويا عمتها واتسير صوب اهلها لانها تولهت عليهم وايد ..واحين وهل والوقت العصر ..سلامه كانت في غرفتها تكلم سعيد اللي اتصل لها وماطاع يتفجج وهيه تقوله تبا تسير عند مرت اخوها ...ومنال كانت يالسه ويا العنود وتسولف وياها وبعد شوي يت ام سهيل صوبهن وكان حالها ما يسر

منال: امايا شو بلاج
ام سهيل ويلست ع الغنفه اللي في الحجره: مادري يا بنيتي مستهمه ع ابوج من طلع الفير ما رد
عنود: لا تستهميين امايا بيرد بعد شوي
ام سهيل: صح انه يبطي لهل الوقت بس قلبي ينقزني من الصبح ومادري بحاله
منال: خلاص ولا يهمج بتصل في بخش وبتخبره

اتصلت منال فبخش بس طلع تيلفونه مغلق ..وردت تتصل في كمال وكان الخط مشغول بدت تستهم واللي زاد الهم حاله امها وقالت بصبر لين بعد صلاة المغرب اذا ما رد بطرش ناصر يشوفه...

يتبع</p>


&nbsp;</p></font>

<font color='#000000'><p align=center><font color=#990033>الجزء 43

</font>في هل الوقت ومن المغرب ناصر بعده في الدايره ومايد طلع من وقت وسار البيت ولقا امه يالسه ويا حصه وقال بيخبرها بالموضوع وبالمره يخلص ويخطب منال

مايد وبعد ما سلم ويلس حذال امه

مايد: شحالج يام راشد
ام راشد: بخيريا ولدي
مايد: دوم ان شاء وانتي قصري ع التيلفزيون ولا سيري فوق وطالعي
حصه: حشا دوم اتروغني شو هل السطه (قامت حصه وسارت فوق اطالع التيلفزيون)
مايد: امايا انا يايينج وفي خاطري شي
ام راشد: آمر يا ولدي
مايد: ما يامر عليج العدو..انا ابا اعرس
ام راشد: ياهي الساعه المباركه يا ولد ثاني
مايد: واباج تخطبيلي بنت عمي منال
ام راشد: فديت ياربي وزين ما اخترت وانا امك بنت محمد ما تنعاب وشيخه الحريم
مايد بمكر ويبتسم ويلوي ع امه: وتشكين بذوقي
ام راشد: لا يا بوك
سلامه اللي كانت في السوق تتشرا لزهبتها ووياها ليندا وخطفت ع الريم ع اساس ان محد وياها ومنال يلست ويا العنود وهيه تحاتي ابوها ليش ما رد لين الحين والساعه 8 وبعد شوي بيأذن

منال وبعد كا طلعت امها : عنود انا خايفه ابويه مارد
عنود: ما فيه الا الخير ان شاء الله
منال بخوف: ان شاء الله بس لازم اتصل في حد يشوفه غربالله هل الدريوليه اللي ما وراهم فايده
عنود: اتصل في سهيل يشوف
منال: لا بناصر سهيل اروحه مستهم عليج

منال تتصل في ناصر...

ناصر في السياره: هلا منال
منال: اهلين نصور وينك
ناصر: في الدرب
منال: ناصر ابويه ماحد يدريبه وين من الفير
ناصر بخوف: اشوووه ليش مارد الظهر
منال: لا مارد دخيل الله تشوفه وين
ناصر: خلاص بسير صوب العزبه وبشوفه
منال: رد عليه وطمني
ناصر: ان شاء الله

ناصر وبعد ما بند عن منال اتصل في مايد وقاله ايي صوب العزبه لان ابوه من الفير ما رد للبيت وهوه في الدرب اتصل به سهيل اللي صوته بالمره متغير ومبحوح

ناصر: سهيل
سهيل يصيح: ناصر ابويه ابــ
ناصر قاطع اخوه ويصارخ: شو بلاه ابويه ارمس
سهيل يصيح: بو سهيل راااااح يا ناصر راح
ناصر وقف سيارته وقد وصل العزبه: جذاب لا ابويه هنيه في العزبه لا لاااااااااااا
سهيل يصيح ويكابر: ابونا راح مات وودعنا يا ناصر مااااااات وسار صوب ربه
ناصريصيح : انت شو تقول ابويه حي ابويه حي وبيرد يتعشا ويانا وبيودي شواخي العزيه وبيشوف محمد الصغيروني
سهيل وماقدر يستحمل:.............
ناصر يصارخ: رد عليه سهيل
سهيل وبعط ما انفصل الخط: طوط طوط طوط طوط

ناصر تم يصيح وحاط راسه ع سكان السياره ومشغلنها ...مايد اللي يا صوب العزيه لان ناصر اتصل به ايي العزيه يدورون عمه وتفاجأ بسياره ناصر مولع الليتات وقف سيارته حذال سياره اخوه ونزل ...ووايج من الدريشه وشاف ناصر حاط راسه وهدووووووء غريب وكأيب فتح الباب

مايد: هاه نويصر لقيت عمي
ناصر منزل راسه ويصييح :..............
مايد: ناصر ارفع راسك يا اخي قم
ناصر ومكتأب وصوته رايح: اتصل بسهيل سهيل اتصل به

مايد بخوف وحس باحساس غريب واتصل بسهيل

مايد: الو سهيل
سهيل:........
مايد: سهيل رد عليه سمعني حسك
سهيل وبصعوبه: البقيه براسك يا مايد(ويصيح)
مايد متفاجأ وخايف وبدا يصيح: امي شي فيها راشد نهيان ولا حصه شو مستوي دخيل الله تقولي منوه مات سهيل
سهيل : ابويه رااح يا مايد راج صوب ربه
مايد يصارخ وناصر يصييح: لاااا لا تجذب لا
سهيل: مات وخلاني ليتني مت انا ولا راح هوه عنا (ويبند)

مايد تم يصيح وناصر بالمثل كل واحد من هل الثلاثه يلس يفكر وفي نفس الوقت يصيح شو بيسوون بو سهيل راح ..شو بيقولون لحرمة لعياله للناس اللي يحبونه ...آآآه يا زمن دومك غدار تاخذ الغالي وتكسر اقلوب وتجرحها ..
مايد وبعد نص ساعه وبدا يهدا شوي ويستسلم للقدر هذا قدرنا وهذا اللي كتبه الله .....

مايد بتعب: ناصر ترحم عليه وانا اخوك البقاء لله ابويه راح وابويه الثاني راااح

ناصر: ابويه كيف بعيش من دونه يا مايد هذا ابويه قلبي اللي اعيش به
مايد: ترحم عليه يا ناصر
ناصر: الله يرحمه ياربي وترزقه بالجنه


مايد مسك ايد ناصر اللي حط راسه ع جتف مايد وسار به مايد ويلسه ع الكرسي الثاني .....ورد مايد وركب محله لانه هوه اللي بيسوق السياره وبيخلي سيارته في العزبه.......واتصل في سهيل اللي كان في المستشفى هل الوقت بعد ما بلغوه الشرطه بموت ابوه .. وقال لمايد انه في مستشفى راشد...وسار صوب ولد عمه ويا ناصر وفي نفس الوقت اتصل براشد اللي في هل الوقت يالس يتعشا ويا علي وربعه في شقتهم ...

مايد : السلام عليكم
راشد: هلا ميود وعليكم السلام والرحمه شحالك يا خوي
مايد: راشد رد دبي الحين
راشد منصدم وخايف: ليش شو استوى
مايد: رد دبي(بند)

لان مايد خاف يقوله عن موت عمه ويستوي به شي وهوه ياي في الدرب وراشد اللي من سمع صوت مايد رايح وانصدم من طلبه ..قام وركب سيارته بسرعه وقبض الخط صوب دبي وهوه مسرع ودقات قلبه تتسارع بقوه وكانه حس بشي مستوي..مايد وناصر وصلو المستشفى ولقوا سهيل حاط سفرته ع جتفه وشعره منتفش وحاط ايدينه ع ويه ومنزل راسه ..سار ناصر صوبه ومايد..سهيل ومن حس بايد ناصر ع جتفه رفع رسه وعيونه محمرات وناصر يشوفه والدموع في عينه ويلوي ع اخوه ويصيح وسهيل حاله ما تسر الصديق ومايد ماقدر يتمالك نفسه وهوه يشوف عيال عمه بهل الحال كان يحس انه في حياته ما تعرض لهل الموقف اللي ما ينحسد عليه ولو ان ابوه توفى بس كان صغير وما يدري بهل الدنيا وما يعرف شو يعني تخسر انسان غالي ...

مايد: يا خواني ترحموا عليه
سهيل ورد ييلس محله : الله يرحمه ويغفر له
ناصر: الله يرحمه
مايد: راشد بيي دبي بعد شوي واحين شو بتسوون
سهيل: خلصت الاوراق وبلباجر بنسير ندفنه
ناصرتذكر هله: سهيل وامايا والبنات خبرتهم
سهيل: لا من الصبح وهم يتصلون مايندرى بحالهم
مايد: الله يصبرهن ياربي

<img class=inlineimg title="" alt="" src="http://www.b7aruae.com/vb/images/smilies/thumbsup.gif" border=0>
see you</p></font>

<font color='#000000'><p align=center>وهذي التكمله
&nbsp;بس كنت ابي اشوقكم اكثر<img src="http://oasis.bindubai.com/ubbc/smileys/0011.gif" align=absmiddle border=0>

<font color=#990033>الجزء44

</font>وفي هل الوقت وبعد ما ردت سلامه للبيت ولقت امها يالسه وشكلها متغيير وبدت تستخف

سلامه: امايه شو ياج بسم الله عليج
ام سهيل: محمد شي بلاه قلبي يعورني احس بنقزه
سلامه: بسم الله عليج واخواني وينهم
ام سهيل: من الصبح وانا اتصل ولا حد يرد عليه يا ويلج يا مريم

في هل الوقت دخلت منال : يا ناس مب حاله وانا اشرخ تيلفوني ع نويصر وسهيل وينهم محد يرد

سلامه:ان شاء الله ما فيهم الا كل خير
منال: يارب ولا حد يرد وابويه من طلع مارد...

شواخي يايه من عند قطاوها واللي حطتهن حذال حجره ليندا...

شيخه تثاوب: وين ابويه
منال: محد بعده مارد
شيخه: انا بتيل القد في حدلة باباتي عتان اتيل العدبه
سلامه: هذا اللي يهمج

وسارت ترقد في حجره ابوها وسلامه سارت تودي اغراضها للغرفه وبدلت وسارت تيلس عند امها ومنال ردت لعنود لانها بروحها وخدامتها سارت اتعشا ......وفي هل الوقت دخل سهيل بسيارته ومايد ويا ناصر بسياره ناصر..وقبل لينزلون ربعت لهم سلامه.......واول ما شافتهم خافت كل واحد منهم شكله متغير سهيل مبهدل ع الاخر مع انه انسان يحب الترتيب وايكون انيق وناصر اللي منزل راسه وما يتكلم..مايد يشوف سلامه وهوه ياسف ع حالهن شو بيستوي يوم بدرن...

سلامه: ليش اشكالكم جيه شو فيكم
سهيل: وين امايا
سلامه: داخل
سهيل يشوف سلامه وفي عيونها خوف رهيب: .....
سلامه خايفه مسكت سهيل من ايده: سهيل قولي حرام شو مستوي
سهيل: سلامه ابــــو
سلامه حست بضوا تشب في قلبها وتصارخ: لاااااااااااا لا ابويه لاااااسهيل حرام عليك(واتمسك سهيل من كندورته واتهزه)لا ..(تصيح)


سهيل يلوي ع اخته ويهديها وسلامه اتصيح وما تقدر توقف وحست ان روحها بتطل مسكها سهيل وحدرها الصاله والشباب الدمعه في عيونهم بس حاولوا يكونون قد الموقع ..راشد وبعد ما وصل صوب جبل علي اتصل في مايد اللي تخبره شو السالفه وقاله ايي بيت عمه ...ومنال اللي سمعت صريخ سلامه

منال : عنود هذا حس سلامه
عنود برتباك: هيه
منال : يا ربي شو مستوي
عنود تبا تقوم من فراشها: مادري
منال: لا يلسي محلج بسير اطالعهم

نزلت منال بسرعه من حجرته العنود وشافة مارينا ترتب الصاله

منال: مارينا سيري شوفي مدام عنود
مارينا: اوكي مدام

سات مارينا صوب العنود ومنال اللي طلعت وقلبها مختض وخايف من الصريخ اللي سمعته سارت صوب الصاله ولقت سلامه اتصيح وامها لاويه ع ناصر اللي يلس جدامها وهوه يصييح وامه تحترق من فراق الغالي ....

منال وقلبها يدق وتعلي حشها: شو فيكم ليش اصارخون
مايد يشوف منال وهيه خايفه واتشوف الكل حالته يرثى لها :........

منال اتسير صوبهم وهيه تشوفهم ومستغربه وتصارخ: شوووو استوى ويـــن (تمر صوره ابوها جدام عيونها)...ابويه ابويه وينه (تصارخ بصوت عالي) وين ابويه..لا لا اعوذ بالله منك يا بليس ابويه وينه سهيل ابويه وين ناصر ابويه حرام عليكم ردوا عليه امايا ليش اتصيحين سلامه ردي عليه ...

مايد يشوفها وكانها بتين عليهم وهيه تصارخ وسهيل ع كل دمعه وكل صرخه ينطعن في قلبه

سلامه: ابا اشوف ابويه ابا اشوفه
منال تمسك سلامه من جتفها وترمسها بفظاعه: وينه قولي وينه
سلامه وعيونها يدمعن: مات مااااااااات يا منال راح
منال عصبت وبدت اتصيح وتصفح سلامه كف : لاااااااااا انتي جذابه لا ابويه حي انا شفته شفته توني شفته جدام عيوني
سهيل يرب صوب منال ويمسكها ويلوي حليها ومايد اللي بدا يستخف من حال منال وناصر سارح في دنياه وام سهيل اتصيح ...ومنال اتصيح واتصارخ ..وفجأه اطيح ع الارض......

سهيل :منال قومي منال
مايد يصارخ: شو بلاها منال نشي منال
سهيل يشل اخته: الحق ضغطها نزل بوديها المستشفى
مايد بضيج وخوف: لا انا بوديها هلك محتاجينك ..ناصر قم ويايه بسرعه
ناصر وبعد شرود انتبه لمايد ربع يشل اخته وسار صوب سيارة وودوها لاقرب مستشفى وهوه المستشفى الايراني ..ودخلوها ع الطوارئ ...وراشد وصل بيت عمه وتفاجأ بوفاة عمه وحال هله بس تفاجأ بعمره كان اقوا من هل الموقف يا ترا ليش ما تاثر بموت عمه ...يمكن لان موت ابوه غير بحاله او انه تعرض لهل الموقف من قبل ....طلع من بيت عمه وسار صوب هله وكانت الساعه ع حدود 12 امه راقده وحصه في الصاله .....سار صوب امه ووعاها وقالها بموتتة عمه وحصه تمت اتصيح وتحن عليه يوديها صوب عيال عمها ركبهم السياره ورد لبيت عمه ..واتصل في عمومه اللي في العين وخبرهم بوفات اخوهم ويوا صوب دبي ......عنود اللي يالسه في الحجره اتريا حد ايي يخبرها شو مستوي ما قدرت تستحمل اليلسه مكانها وزقر مارينا وكان اتقرقر ويا ليندا اللي درن بموت محمد من البشاكير

العنود: انتي وين وانا ازقرج من الصبح
مارينا : سوري مدام
العنود: وين ماما سلامه ومنال
مارينا: بوور مدام سلامه منال ...مستر موهمد موت
العنود انصدمت : شووه منوه قالج انتي
مارينا: ايفري بدي كراي ان مستر موهمد بيت


عنود انصدمت وعيونها تذرف ادموع وهيه ما اتخيل حال ريلها واخواته وخص عمتها امها مريم اللي كانت تحس ان بو سهيل صار له شي ....

مايد وناصر وبعد ما دخلوا منال وحطولها مغذي وفحصها الدكتور سار له مايد وناصر يلس عند اخته

الدكتور ايراني ومايد ما فهم لرمسته بس كانت عنده مساعده تعرف ترمس عربي

الممرضه: بقول دكتور منال عندها انهيار عصبي والوزقد نازل شوي
مايد: يعني هيه بخير
الممرضه: هيه لازم ترتاح شوي وبنومها لين ما حالتها تستوي زينه
مايد وقف: اوكي مشكور دكتور

الدكتور: خدافس

مايد في خاطره هذا اللي فلحت فيه اتروغني مستعيل ع شوه مسود الويه ...وسار صوب ناصر وقاله انهم بينومونها ...

<font color=#cc0000>هالمره صدق
see you</font></p>


<font color=#cc0000>&nbsp;</font></p></font>

<font color='#000000'><img src="http://oasis.bindubai.com/emoticons/down.gif" border=0>&nbsp;مساكين اولاد بو سهيل
من الصباح و انا اصيح

تسلمي وهوجة حبيبتي
سمحلي لنا تعبناش و انتي مشغولة بالدوام

يعطيش العافية عيوني</font>

<font color='#000000'><FONT color=#000000><FONT color=#000000><FONT color=#cc0099>فالج طيب حياتي لان انا في بالي اييب نسبة عشان ادخل it&nbsp;&nbsp;&nbsp; وتسلمين حياتي على البارت والله تعبت واناا اترياج الين ما تنزلين ونتريا الباقي حياتي والسموحة لا طولين بلللللللللليز&nbsp;&nbsp;&nbsp;&nbsp; وتسلمين حياتي ولع من عيوني انشاء الله&nbsp;&nbsp;<IMG src="http://oasis.bindubai.com/emoticons/inlove.gif" border=0>
</FONT>&nbsp;&nbsp;&nbsp;&nbsp;&nbsp;&nbsp;&nbsp;&nb sp;&nbsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;

&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;

&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp; <IMG src="http://oasis.bindubai.com/emoticons/fa41.gif" border=0><FONT color=#ff99cc>همس الاحبابي</FONT><IMG src="http://oasis.bindubai.com/emoticons/fa41.gif" border=0>


</FONT></FONT></font>

<font color='#000000'><p align=center><font color=#990033>لجزء 45

</font>ناصر: وشو اسوي الحين الساعه 2 والله اعلم بحال امي والباقيين
مايد: ما عليهم شر ان شاء الله راشد وياهم وسهيل بس تعال نحن لازم انرد وما نروم نيلس في المستشفى
ناصر:آآآآآآآآ يا مايد احس ان ع قلبي هم كبير يا خوي خواتي وامي اللي مالهن حد غيري انا وسهيل
مايد يحط ايده ع جتف ناصر: لا ياخوي وانا وين سرت وانا بعد ولد عمهن وان شاء الله ما بقصر فيهن
ناصر: تسلم
مايد: خلاص انا بتصل في راشد اييب حصه وخدامتنا ييلسون عند منال
ناصر: شورك وهدايه الله

اتصل مايد في راشد اللي كان يالس ويا سهيل في الصاله الثانيه والبنات ..حصه وسلامه ويا ام راشد وام سهيل في الصاله الرئيسه وحالتهن لا يرثى لها حصه كانت اتصيح وتحاول انها ما تخسر اي دمعه زياده لانها بهل الطريقه بتعذب عمها وفي نفس الوقت تهدي سلامه وام سهيل بدت تستسلم لقدر الله ...

راشد سار صوب الصاله ووقف عند الباب ونزل راسه: يا حصه
حصه تمسح دموعها وقامت صوب اخوها: نعم
راشد: لبسي عباتج وخلينا انسير صوب بنت عمج منومه وما عندها حد
حصه: هيه منال حليلها الله يشفيها ان شاء الله سير وانا ياييه وراك

راشد سار صوب سيارته يشغلها ويتريا حصه ..وحصه سارت تلبس عباتها اللي حطتها ع الغنفه في الصاله وسارت صوب سلامه واللي كانت حاطه راسها ع الغنفه واتصيح بهدوووء عميق

حصه منزله راسها وترمس سلامه: سلامه الغاليه تعوذي من ابليس لاتعذبينه بصياحج ياختي هذي الدنيا راح ابويه وابويه الثاني راح بس بعد الله كريم

سلامه تصيح وفي نفس الوقت تسمع حصه اتفاجأت من موقفها حصه ضعيه وهيه تحاول اتكون اقوى من الظروف وهيه بعد لازم اتحى الظروف واترحم ع ابوها رفعت سلامه راسها اتشوف حصه وترمس وصوتها رايح: وين بسيرين

حصه: منال بروحها في المستشفى وبسير ايلس عندها
سلامه: ماوصيج عليها
حصه: ان شاء الله وانتي بعد ما وصيج هذي امج شوفي حالتها حاولي تهدينها وانا بسوي اللي عليه ..

طلعت حصه ومن دون لا تقول اي كلمه زياده طلعت صوب اخوها وساروا صوب المستشفى لمنال ومايد وناصر ..وسهيل تم بروحه في الصاله يفكر ويفكر ويفكر ومايقدر يحبس دمعته اذكر عنود وانها بروحها في البيت وركض صوبها لانه مايدري بحالها هيه الثانيه دخل البيت ولقا العنود طايحه ع السرير واتصيح
سهيل بخوف: عنود عنود بس لا تصيحين
عنود ترفع راسها وتلوي ع سهيل: صح اللي سمعته
سهيل:صح الله يرحمه
عنود تصيح: الله يرحمه
سهيل: بس لا تصيحين عنود انتي تعبانه وما تستحملين دخيلج هدي
عنود: ماقدر انت تعرف شو كان بالنسبه لي هذا ابويه مثل ماهوه ابوك وخسرته
سهيل: لا نحن ما خسرنا شي الله خذ امانته يا عنود وابونا لو وقفت روحه بيتم ويانا بو سهيل ويانا عايش في قلوبنا
عنود مستغربه من موقف سهيل: عايش في قلوبنا الله يرحمك يا بوي
سهيل: الله يرحمه ويغفر له
عنود : والبنات وامي مريم
سهيل: حالتهن ما تسر العدو منال ياها انهيار عصبي وسلامه ع حطت ايدج تصيح وصاكته وشواخي آآآه يا عنود شواخي ياهل وما يندرى بحالها لو درت بان ابوها راح وخلها الله يعيني
عنود: ان شاء الله مابيصير الا كل خير
سهيل وقف: ان شاء الله

طلع سهيل من بيته وسار صوب البيت العود ولقا عمومته واصلين ويا امهم موزه وسعيد وخالد بعد من يوم سمعوا بوفاة محمد فزوا من محلهم وييوا .....وقرب بالرياييل في الميلس ومر هل اليوم بصعوبه ما يتخيلها الشخص امسوا مهمومين والهم لين الحين يحارب قلوبهم ...والصبح وبعد ما طلعت الشمس والشباب بعدهم في البيت ....وبو سعيد يا من بيته ويا بنته ولم سهيل ..وساروا الريايل رباعه يدفنون بو سهيل (الله يرحمه) وبعد ما ودعوه ساروا صوب بيت المرحوم ويلسوا في الميلس ..و مايد ركب سيارته وسار صوب المستشفى لخته وبالاخص يطمن ع حال منال ..في المستشفى حصه يالسه ع كرسي حذال دريشه الحجره وسرحانه في هموم الدنيا منال وبعد المهدأ اللي عطوها اياه امس نشت وكانت اطالع السقف وصاكته ما تعرف شو تقول ..كان حالها لا يرثى له ودموعها ينزلن من عيونها ...جين خدامه حصه كانت اشوفها وسارت صوب حصه وصاصرتها

يتبع</p>


&nbsp;</p></font>

<font color='#000000'><p align=center><font color=#990033>لجزء 46

</font>جين: مدام لوك (وتاشر ع منال)
حصه تشوف منال وهي تراقب حالها قامت ويلست حذالها وحطت ايدها ع شعر منال: منال
منال:.....


حصه فضلت انها تصكت لانها تدري بحال منال وبعد شوي وع الساعه 8 وصل الريوق جنت فتحت الباب وخذته من الممرضه ..وحطته ع الطاوله وقربته صوب منال اللي كانت منسدحه وحصه تحاول ترفع السرير وتصلب منال

حصه: منال
منال:........
حصه في تقول في خاطرها ...يا ربي شو اسوي ماقدر اغصبها واقولها كلي ماقدر اقولها انسي وابوها اللي متوفي يارب يعدن هل الايام ع خير يارب افرج عليهن مثل ما فرجت عليه ابويه مات والحمدلله عايشه والله عوضني بهلي واخواني ......

في هل الوقت وصل مايد واللي كان واقف عند الباب ويدقه..سارت جنت تفتح الباب

جنت: مدام هسه مستر مايد
حصه ومن درت انه مايد سارت له عند الباب: ييت في وقتك ياخوي ماعرف شو اسوي
مايد بخوف: شو شو استوى خير منال فيها شي
حصه: لا بس حالتها ما تسر يااخوي من نشت وهيه صاكته واتصيح ولا ترد عليه
مايد : ما عليج انتي احدري ولبسيها شيلتها عشان ادخل
حصه: اوكي

دخلت حصه صوب منال ولبستها شيلتها وزقرت مايد اللي يلس ع الكرسي اللي حذال شبريه منال وهوه يشوف الاكل ...وفي خاطره ينكنت بس وين ماله نفس وقلبه ضايج ع حاله اهله ......

مايد: منال اسمعيني
منال ع حالها وصاكته ولا ترد:.........
مايد يشوف الدريشه: في يوم كنت وانا بو 10 سنيين ساير ويا ابويه المزرعه الله يرحمه ...وكنت ياهل مايعرف اي شي ...تدرين كنت اموت فبويه احب السيره وياه وين ما سار صوب المزرعه ولاصوب ربعه ولا حتى صوب المسيد وكان ينبهني ع كل شي كان يقول يا ولدي هذي الدنيا ان ما تحديتها ماتقدر اتعيش فيها هذي الدنيا دواره ومصايبها كبيره هذي الدنيا عيشها مب ع حسابك ولا ع حساب غيرك عيش وفرح اللي وياك كان يقول الله يرحمه وقبل لا يتوفي بيوم يا مايد هالله هالله في هلك في اخوانك وفي اختك ورضا والديك خلك ريال ينشد الظهر فيه قرم .....تدرين يوم مات شو استوا بي

منال لفت براسها و تشوف مايد وكان يبتسم بحزن ..و منال كانت تقوله شو استوا وهيه ما تقدر تنطق باي كلمه...

مايد: يوم دريت انه توفى وكنت اشوفه ع فراشه جدامي مايتحرك بلا روح وويه مزرق حست ان روحي انقبضت ماادري شو يعني مات كيف يموت الانسان ماكنت اعرف انه راح بس اللي عرفته ان ابويه ويايه لو ما اشوفه لو ما اتبعه وين سار و من وين يا ابويه هذوه هنيه اتشوفينه ابويه فقلبي ما مات ابويه ولو ان روحه انتقلت لرب العالمين بعده عايش في قلبي واذكر رمسته لين الحين

منال تسمع رمسة مايد ومستغربه وتقول يمكن هذا يقول حيه لان ابوه تفى من زمان وانا ابويه اللي راح عني ولا ودعته

وقطع تفكيرها صوت حصه

حصه: يالله منال شربي هل الحليبه واستهدي بالله واطلبيله الرحمه
منال: مابا
مايد: لا لازم تشربين ولا شويه
منال : ابا اسير البيت ابا امايا واخواتي
مايد: اشربي اول ولا ماشي سيره
حصه: عشان خاطري منال اشربي ع الاقل هل الحليب وكلي السندويج
منال: كيف اكل وابويه متوفي

انصدم الكل وحصه اللي بدت تعصب
حصه: اسمعي اذا انتي خسرتي ابوج انا اللي خسرت اكثر عنج ابويه مات وخلاني ولحقه ابويه الثاني عشت والله حارمني من احت اتونس وياها اخويه اللي بحسبه ابويه ظربه السرطان انتهت الحياه جدامي يلست اصيح واقول انحكم عليه بالاعدام لا يا منال هذا وانا عايشه ولو هل القلب ما يستحمل عشت حشان اخواني وامي عشان اهلي اللي عوضوني عن اللي فقده للاسف طلعتي ضعيفه ضعيفه (وطلعت من الحجره)

ومايد اللي ماقدر يصكتن اخته بس في نفس الوقت هل الكلام بيفيد منال ...منال من سمعت حصه قررت انها اتحدى ..شربت كوب الحليب ومايد فرح من شافها اتعاند ....وقالت لجنيت اتحط كل اغراضها في الشنطه

مايد : وين تبين
منال: هلي يتريوني
مايد: وهم يتريونج يالله بسير باخذ الرخصه من الدكتور وبيي

طلع مايد ولقا حصه وطالعها بطرف عينه وسار بس فرح لرمستها ..وبعد ما طلعت منال من المستشفى وردت البيت ويا حصه ومايد حدرت الصاله وهيه متروسه من الحريم اللي يايات يعزن وسارت تيلس حذال امها تواسيها وحصه يلست حذال منال ...مايد رد صوب ميلس الرياييل ويلس ويا اخوانه ....

الشيخه اللي كانت راقده في حجره ابوها وما تدري بالدنيا لانها تمت سهرانه نشت وسمعت اصوات غريبه في البيت طلعت صوب الصاله وتفاجأت بالحرمات اللي في الصاله وحست بجوا البيت غريب شو السالفه يا ترا ليش هل الحرمات كلهن هنيه ..سلامه شو بلاها ليش ويها محمر وعيونها منتفخات امايا ليش حالها جيه ومنال والغريبه انها صاكته ومن عوايدها اذا شافتني ادخل ع الحرمات اتهد عليه اتسويلي محظر ...

شواخي سارت ويلست حذال سلامه

شواخي : تو متوي
سلامه واتشوف اختها بنظره شفقه: ماشي حبيبتي
شواخي اتحس بجو البيت غريب وتذكرت شي : اوه انا بتيل اند البوس ويا باباتي (وربعت صوب الدريول)

وبعد شوي اتصل بخش

بخش: الوه يريد ماما مريم
سلامه: قول شو تبا
بخش: هذا بنيه تيخه سوي قرقر حق انا يريد سير عزبه
سلامه: لا توديها
بخش يصارخ: ماما هذا بنيه يصرب انا ويا مكشه
سلامه: خلا ص انا بيي بشلها
بخش: سرعه ماما

بنت سلامه عن الدريول واتصلت في سهيل وثالت له ان شواخي تبا اتسير العزبه وما تعرف كيف بتصرف وياها طلع من الميلس وسار صوب المطابخ ولقاها يالسه ع الكرسي واتصيح

يتبع</p></font>

<font color='#000000'><p align=center><font color=#990033>الجزء 47

</font>سهيل: شيخه البنات شواخي ليش اتصيح
شيخه تصيح:........
سهيل يحط ايده ع راس شواخي: شواخي
شيخه ترفع راس وفي عيونها دموع تقطع القلب: تهيل ابا ابويه وين ابويه
سهيل يرفع راسه ويشوف السما: ابويه بيي يا شواخي اصبري
شواخي: لا بخت يقول باباتي موت تو يعني موت
سهيل انصدم باي حق الدريول يرمس بهل الرمسه: لا حبيبتي باباتج بيي لا تصيحين
شيخه مستغربه وعيونها ادمع: اندين بت تو يعني مات
سهيل وحس بلسانه انشل مره وحده: يعني يعني سار عند الله
شيخه: وانا بسيير ويا باباتي ليت ماوداني العدبه انا بعد احب الله وايد
سهيل يبتسم بحزن: والله بيحب اذا سويتي اللي يرضيه
شيخه: تيف ياني مافهمت
سهيل: يعني اطيعين ماماتج واللي اكبر عنج واتصلين وتقرين قرآن وايد وتحبيين ماماه ع راسها كل يوم
شيخه تضحك: اندين بعد باباتي بحب لاته كل يوم
سهيل وقلبه يتقط ع اخته شو بسوي بهل البنت يا هل وما تدري بعلوم الدنيا
شيخه: انديت تهيل ابا اتيل عند البوت بتريا باباتي
سهيل: شواخي شو قلت من شوي كيف نطيع ربنا يعني شو نسوي
شيخه: احب لات ماماتي وباباتي واسمع لمستهم واتيع الكباليه واصلي واقلا قرآن
سهيل: شاطره احين سمعيني لاني اباج اطيعيني
شيخه: اوكي يالله
سهيل : انا مب سهيل انا بابا سهيل اوكي شواخي قولي بابا سهيل واذا تبين اي شي قوليلي اوكي
شيخه: اوكي بابا سهيل (وتبتسم وتحب اخوها وتربع)
سهيل : وين تبين
شيخه: بتيل اند القتوه ما حتيت لها نميه
سهيل يبتسم من رمسه شواخي ورد لميلس الرياييل ومرن ثلاث ايام باصعب مما يكون ببأس حزن الم واسى ع الفقيد الشواخي الوحيده اللي نجت منها ولو انها تحس بالحزن وتيلس اتريا ابوها كل يوم عند الباب وما تفارجه الا اذا نامت ع الدجه اتريا واتريا يا ترى ابويه وينه ليش ما ايي ويوديني وياه العزبه والسوق انا احبه وايد وايد وبطيعه عشان الله يحبني وبطيع ماماتي ومنال ولو انها تهزبني واكيد سلامي حتا ليندا وبخش ما بضاربهم بس باباتي يرد بس وينه وينه وانا تعبت اترياه كل يوم وما ايي ليش ما اشتاقلي وانا اللي بموت من الشوق ليش ما حن لفراقى وانا اللي بموت لفارقه وينك يا ابويه وينك

شواخي اللي كانت تفكر بهل الكلمات طول الوقت وبعد ما مرن هل الايام الثلاثه والبيت يسوده الحزن بس كان فصيح لدرجه كبيره ما اتوقعونها ..شواخي بمرور كل يوم تسوء حالتها لا تآكل ولا تشرب نست كل شي يمكن كانت تهتم به كانت تفكر برمسه سهيل انه ابوها سار لربه بس متى بيرد ...كانت تيلس في حجرتها وتاخذ السياده من حجره امها سياده ابوها اللي اتشوفه يصلي عليها كل يوم وهوه اللي علمها كيف اتصلي وكيف يسجدون حاولت اطبق اللي تعلمته وهيه يالسه وقابضه جزء عما اللي يتعلومون عليه قراءة القرآن في المدرسه وتحاول تقرا ومن تسمع الآذان تصلي في اليوم الخامس من بعد موت بو سهيل .....مرت سلامه اتشوف حال شواخي استقربت لقت الباب ملايم وسمعت صوتها ترمس وحاولت اتصوخ رمستها واتشوف من طرف الباب كانت اتشوف اختها رافعه ايدها للسما

شواخي : يارب يرد باباتي انا احبه وايد يارب طول بعمل باباتي وماماتي وتهيل ونتول وتلامي يا رب مابا ماماتي تدعل عليه يارب منال ما اتالخ اليه ..يارب تخلي باباتي يحبني ويلد البيت واسير وياه العزبه ..

سلامه كانت تسمع حرف حرف واتصيح اختها وهيه ما تعرف ان ابوها توفى تفتقده لهل الدرجه لا تاكل الا بالغصب ولا تلعب مثل قبل حتى منال ما تغايضها شو اسوي ياترا بتسوء حالتها او انها بتستحمل اللي ما قدرنا نستحمه صعب انك تفارق انسان غالي ع قلبك

سلامه سارت صوب منال اللي كانت يالسه في حجرتها وتقرا قرآن عن روح ابوها وناصر اللي بدى يكون جدي من اليوم قرر انه يكون قد المسؤوليه ويعاون سهيل لان سهيل انسان مزوج وقريب بيكون عنده ياهل وبيكون عايله وهوه مب ملزوم يجهد نفسه وينفق ويعتني بعايلتين ولازم هوه يعاونه في كل شي ...وام سهيل ع حالتها تحاول اتقون قويه ..بو سهيل راح ولو الحزن والدموع ترد الغالي بس للاسف هذا قدر ومكتوب له والله يرحمه

وعنود ع حالها ما تقدر اتحرك وهيه فخاطرها تيلس ويا امها مريم وويا منال وسلامه وتحاول تغير جو البيت بي ما باليد حيله وهيه ممنوعه نهائيا من الحركه ....سهيل يحاول يرضي الكل يداري ع حرمته وع اخواته وامه ...

مرن اسبوعين وجو البيت ع حاله....وفي هل اليوم وع آخر الاسبوع يا نهيان من العين وقيل في بيته وبالعصر سار ويا اخته حصوه صوب بنات عمه لانه تعود يلوفهم وهذا شي اساسي في حياته ...وبعد ما وصلوا بيت محمد الفلاسي ودخلوا وما لقوا حد في الصاله

نهيان: وين العرب حووووه يا ناس
حصه بصوت وتهمس لخوها: اوش يا اخي مب زين
نهيان يشوف الصوص بطرف عينه ويغمزلها يصاصرها: انا ياي اسوي رفريش للبيت وانتي تبين تخربين علينا صكتي احسن
حصه: ما تنرام ويا ذا الوجه
نهيان: الاخت ماخذه الجنسيه السعوديه وانا مادري
حصه: وشو ايوه باخذه غصبن عن ذا الوجه يا وجهك
نهيان يمسك ويهه ويكلم شواخي: وش به وجهي مزينه يق الطير من السما ما اخرب مزيون
حصه ترمسه بطرف خشمها: مداح نفسه يباله رفسه..تعال نسينا هل البيت وينهم مالهم حس

نهيان يلس ع الكرسي ولقا جدامه القهوه والجاهي: اقول سيري نقريهم وانا بتفاول
حصه: اوكي

سارت حصه صوب حجرة سلامه وما لقتها ومنال بعد ما كانت موجوده سارت صوب حجرة ام سهيل وبعد ما لقتها وخطفت ع حجره شواخي ولقت شواخي طايحه وحذالها ام سهيل شواخي كانت تعبانه يمكن عوقها مب جسمي بس الظاهر نفسيتها تعبت وامها تحاول تهديها ...

حصه بعد ما دخلت وسلمت ع ام سهيل ويلست حذالها ع الشبريه وشواخي طايحه وما تحس بالدنيا

حصه: شواخي الحلوه شو اخبارها تعالي وين القطاو ما شفتهن
ام سهيل : اي قطاو الله يخليج البنت مول تعبانه حالها ما يسر بالمره مادري شو اسويبها
حصه: وديتوها الدختر
ام سهيل: عوقها ما يعرفوله الدخاتر بنتي راحت يا حصه مادري شو اسويبها
حصه: وخبرتي سهيل ولا ناصر
ام سهيل : ما رامولها يا بنيتي
حصه تحس بالحزن ع حال شواخي طلعت من الحجره وسارت صوب الصاله

نهيان: هاه وينهم هل الدار
حصه: والله ظني البنات عند حرمه اخوهن وامي مريم ويا شواخي في الحجره
نهيان: خير شو بلاهم
حصه: شيخوه تعبانه مول نفسيتها تعبت حليلها يا هل
نهيان: الله يرحمك يا عمي كانت متعلقه فيه وايد
حصه: الله يرحمه وصدقت بس شو نسوي محد راملها
نهيان يمشي صوب حجره شواخي ووراه حصه: ما عليج عندي الحل
حصه: بنشوف يا بو الحلول

دخل نهيان وسلم ع حرمه عمه

نهيان: عمتي اذا بترخصيني بودي شواخي للمطوع
ام سهيل: يزاك الله الف خير يا ولدي بس ما بتروم لها
نهيان: ما عليج منها بوديها

<font color=#990000>see you<img src="/ubbc/smileys/0011.gif" align=absmiddle border=0></font></p></font>

<font color='#000000'>مرحبا حبيبتي
مشكورة عالتكملة
حليلها شواخي صغيره ... الله يعينهم <img src="http://oasis.bindubai.com/emoticons/down.gif" border=0>


تسلمي الغاليه</font>

<font color='#000000'>هلا حياتي تسلمين على البارت ماعاده حزين بس كل شيء منج حلو ونتريا التكملة

همس الاحبابي</font>

<font color='#000000'><p align=center><font color=#990000>يا هلا ومرحبا فيكم

<font color=#990033>الجزء 48


</font>نهيان شل شواخي وياه وسار صوب بو ناصر المطوع ..,يوم وصل وتلاقا ويا الريال بعد ما اتصل في ربيعه يتخبر عنه لانهم يمدحونه ...نزل شواخي وقال للمطوع علتها وانها متعلقه في ابوها المرحوم وايد وحالتها اختست لا تاكل ولا ترمس حد وكله طايحه ...قرا عليه المطول وعطاهم ماي زمزم مقراي فيه وقال بيسويلها كتاب تعلقه ع جتفها وان شاء الله بتشفا .....بعد ما طلع نهيان...كان الوقت قريب الاذان ....وسار صوب بيت عمه ولقا حرمه عمه اترياه عن الدري وحصه وسلامه وياها ..وبالنسبه لمنال يلست ويا العنود ...نزل شواخي وشلتها سلامه وودتها الصاله وام سهيل سارت اتصلي وردت تيلس عند بنتها وسلامه بعد ما يت امها سارت اتصلي هيه وحصه....مر الوقت بسرعه وع الساعه عشر وصل نهيان وشل اخته وساروا صوب البيت وفي هل الوقت لقوا راشد واقف بسيارته وامه ترمسه لانه بيرد بوظبي مره ثانيه سلم ع اخوه قبل لا يروح ودخل يرتاح ويتعشى ....وع الساعه 11 تقريبا وصل ناصر ويا مايد اللي حب ايلوف هله ويطمن ع حالهم ولقاهم يالسن في الصاله منال وسلامه وام سهيل وشواخي اللي منسدحه ع الغنفه وكانوا يسقونها الماي بصعوبه ....

ناصر ومايد بعد ما سلموا ع الحاظريين ويلسوا

مايد: شو حال شواخي الحين
ام سهيل : احين من اول يا ولدي وان شاء الله تتعافى من عوقها
الكل : ان شاء الله
سلامه: االحمدلله الكل يمدح بو ناصر المطوع ويقولون دواه زين وان شاء الله الله بيشفيها
ناصر: منوه مودنها صوبه
منال: نهيان يا مساعه ووداها
ناصر: اها ما قصر الساع
مايد: الا سهيل وينه
سلامه: فبيته تباني ازقره
مايد: لا لا خليه يرتاح
ناصر: حد يحطلي عشا
منال: ان شاء الله (قامت منال صوب المطبخ)
مايد: شي فخوطركم
ناصر: وين تبا يلس اتعشا
مايد : تعبان وابا ارتاح
ناصر: لا مايصير لازم اتعشا ويايه
مايد: خلاص انتعشا انتعشا

منال وبعد ما حطت العشا وكان اكل خفيف سندويجات جبن وزيتون وشوربه خفيفه لان ناصر ما يحب الاكل الثجيل وخاصه في الليل ...وبعد ما يابنت العشا وحطته...

مايد: يا سلام شو هل العشا الفنان
ناصر: لان اللي بياكل العشا فنان
مايد: غلطان حبيبي لان اللي حضر العشا فنان
منال انحرجت وتقول في خاطرها بلاه يخورط الريال
مايد: اوه السموحه قصدي اللي شاف العشا فنان يعني انا احم احم
ناصر يخز ولد عمه: تعشا وانت صاكت الغالي
مايد:وصكتوني
سلامه تبتسم وقامت صب حجرتها ومنال يلست ويا اخوها وولد عمها ..وبالنسبه لام سهيل يلست ويا شواخي اللي بدا حالها يتحسن شوي عن قبل وبدت تاكل بس مب وايد ....وسهيل يلس ويا حرمته لان حالها ما يسمح لها تسير بيت اهلها او تسير صوب بنات خالتها وخالتها ...

وفي حجرة منال بعد ما يلست ع السرير لقت مس كول من سعيد..واتصلت له ...

سلامه بتعب: الو
سعيد يبتسم: وهلا بالغالين
سلامه : هلا فيك شحالك سعيد
سعيد: تمام ويسرج الحال ..وانتي شحالج والاهل شخبارهم
سلامه: بخير والحمدلله ع كل شي
سعيد: الحمدلله
سلامه: .........
سعيد:سلامه
سلامه: لبيه بو عسكور
سعيد متردد: بسافر المانيا
سلامه منصدمه: ليش خير شو مستوي
سعيد: طلع قرار نقي لالمانيا
سلامه بارتباك وخوف: يعني
سعيد: متردد مابا اسافر نهايا ابا اتم بين احبابي ولا اقدر اصبر عنكم
سلامه: انزين ارفض من حقك
سعيد: صعبه حبيبتي مادري شو الحل
سلامه وبدت عينها ادمع: ارجوك لا تسافر انا احتاجلك اكثر من اول
سعيد حس انه بدا يكسب قلب سلامه(وابتسم): عيل اقولج
سلامه فزت: قول
سعيد: اوريدي رفضت وخلاص ما بسافر لانه مقلب ومشا عليج
سلامه تصيح بصوت : ....حرام عليك قطعت قلبي
سعيد: لا والله ما اقصد بس اتغلا

سلامه ما استحملت الموقف وبندت التيلفون وتمت اصيح وهيه تذكر ابوها واتذكرلا اللي فات من عمرها وخيال سعيد يحوم بين اعيونها ...وسعيد اللي استهم عليها بعد ما بندت التيلفون ولام نفسه ع الحركه البايخه اللي سواها وهوه ير يتصل ويتصل بلا فايده سلامه ماردت عليه ياترى بتحط في خاطرها من صوبي ..؟&#33;

مايد اللي رد البيت وهوه تعبان سار صوب حجرته وبعد ما تسبح انسدح ع شبريته وهوه يفكر من قبل اسبوع وقبل لا يموت المرحوم كنت بحقق حلمي اللي كنت احلم به ليل ونهار والحين يا ترا بيتحقق ولا بيكون صعب المنال يارب يارب يارب توافق منال عليه ...

ومنال اللي رقدت ويا اختها شواخي وهيه يالسه حذالها بعد ما نامت شواخي ....وتشوف ويهه اختها ...شو ذنب هل البنت تتيتم وهيه صغيره الله يكون بعونج يا اختي ما تقدر تنسى ابويه الله يرحمه ...(وفي هل الوقت) ومنا لسرحانه بتفكيرها شواخي فجت عيونها والساعه قريب 3 وهيه تحس بتعب فضيع

شواخي : ماي ماي
منال انتبهت لها : ان شاء الله فديتج ......(وصبت لها منال ماي زمزم مقراي فيه وسقت اختها)
منال: حبيبي شي يعورج
شواخي وعينها ادمع : ابا باباتي
منال: لا اله الا الله محمد رسول الله ..رقدي الحين
شواخي تيلس وترف المخده واطلع صوره جالبتنها ومنال يالسه اطالعا وتفاجأت بها صوره ابوها يوم شواخي صغيره وماسكنها يبوسها ..شواخي في هل الوقت حبت الصوره وحطتها ع صدرها وغطت في رقادها ومنال يلست اتراقبها وحابسه الدموع في عينها وقلبها يحترق .....ماتعرف كيف بتتصرف ويا اختها شو الحل مستحيل تنسى ابويه بس هذي ياهل والمفروض تكون حيويه واللي يشوفها جثه ميته سامحني يارب اني كنت اغثها واصارخ عليها كنت احط دوبي في دوبها بعد ما اكتشفت ان قلبها الصغير ما يستحمل الاذيه ...

يتبع</font></p></font>

<font color='#000000'><p align=center><font color=#990033>لجزء 49

</font>يلست منال تعاتب عمرها وهيه تفكر بطريقه تخلي بها شواخي انشط من قبل وهيه قابضه ايد اختها وحست بصغرها

منال ماسكه ايد اختها وهيه تبتسم:فديتج ياربي صدق انج تشبهين ابويه الله يرحمه

يلست منال ع هل الحال لين ما اذن الفير وسارت حجرتها اتمسح واتصلي ومرت ع سلامه توعيها بس تفاجأت بها واعيه

منال: سلامي ليش ما رقدتي
سلامه بتعب وضيقة خاطر: مادري ابا ارق ومنيه احس بارهاق فضيع
منال: قومي يا وخيتي صلي الفير وقري صفحتين ع روح ابونا وارتاحي
سلامه تبتسم: ان شاء الله

وبعد ما مرت منال ع امها توعيها للصلامه ووعت اخوها ناصر اللي عصب عليها

ناصر: الله يهديج بس احين توعيني والمطوع بيقيم الصلاه
منال: انزين بسرعه الحق عليه
ناصرسار صوب الحمام يتمسح..ومنال يلست ع شبريه اخوها
وبعد ما طلع
منال: تعال انا من متى اوعيك ليش اتلمني يا اخي
ناصرمستعيل: بعدين الصلاه الصلاه

وطلع من البيت بسرعه صوب المسيد ومنال مبهته وتضحك عليه ..بعد ما شافت صورته ويا مايد يوم هوه صغير في المانيا ولابسين جاكيتات عن البرد

ومرت شهر والكل بدا يرد لحالته الا شواخي ماقدروا يسييطرون ع عنفها حتى بخش اشتاق لضربها لضحكتها وفي هل الوقت حصه وام راشد ومايد بالخميس العصر بعد ما خلص دوامه ساروا صوب بيت محمد الفلاسي ..وكانن البنات يالسات ع المنامه لان الجو بارد وام سهيل بالمثل بس شواخي الوحيده اللي تمت في حجرتها وماطلعت منها وعنود حست بالضيجه وما عرفت شو تسوي بحالها اتصلت بالدكتوره اتشكى من حالها وهيه ما اتحمل اليلسه بروحها ...وطلبت حل ...واخيرا افرجوا عليها بعد ما وافق سهيل انها تطلع بس ع كرسي متحرك ولا تطلع وايد ....

طلعت من فرحتها ويلست وياهم في الحوي بعد ما وصلوا الاهل وسلموا

حصه: يا عيني براد
منال: هيه والله الا رهيب
ام سهيل : يا بنتي صبي القهوه لود عمج
منال: ان شاء الله امايا
مايد: لا مشكوره يا ام سهيل
منال: لا بصب
سلامه: لا تغصبينه
مايد: خلاص صبي مب مشكله
ام راشد تضحك: يالمكار
مايد يحب امه: اعجبج لا خليت منج
حصه والبنات يضحكن وبعد ما قامت سلامه تييب الفواله ويلسوا يتفاولون
مايد: شواخي وينها
ام سهيل: ع حالها يا ولدي ما تطلع
ام راشد: شو ياها البنت
منال: الله يكون بعونها ما قدرنا لها عنيده
مايد: ما عليكن انا بتصرف
حصه: هيه الفيلسوف...شو بتسوي
منال: اذا بيدك الحل بتسوي فينا خير
مايد: قومن
ام راشد: وين تيا ايلس
مايد : ما بنبطي الا ربع ساعه
سلامه: عاد وين بتودينا
مايد: اوهوه يا الفضول قوم لبس عبيكن يالله
حصه: بسرعه(اتصاصر منال)...بيعصب وبيدوسكن بسيارته


منال تبتسم ومايد يراقب اخته وحس انهن يرمسن عنه

مايد: الحبصيه حسابج بعدين يالله عاد قومن
سلامه: خلاص هاه قمنا

قامن سلامه ومنال صوب حجرهن ولبسن عبيهن ومايد ترخض من ام سهيل وقال انه بيدخل وبياخذ شواخي وياهم وفعلا سار صوب حجرة شواخي وحصه واقفه عند الباب

مايد: الشيوخ شو يسوون هنيه
شيخه يالسه تكتب ومنزله راسها: ماتي
مايد:لا شي شو تكتبين
شواخي: ماتي
مايد: لا شي اقريلي اياه
شواخي : ماتي
مايد بدا يتنرفز: شوه ماشي عاد انتي لافلسفين عليه
شواخي : ماتي
مايد: ياااااااربي شو اسوي بهل المعفوصه
شواخي: ماتي

حصه اتراقبهن وميته من الضحك

مايد: شواخي
شواخي رفعت راسه وهيه مبهته:...........
مايد يسوي حركه غريبه وكانه يقلد صوت الاسود: باااااااكلج ه ه هههه
شواخي : ماتي
مايد ويه اصفر واحمر مره وحده وهذا بعد ما نزلن البنات ويلسن يراقبنه وهوه معصب اول مره يعصب ع ياهل

حصه: هاه يا الذكي رمت لها
مايد: لا عنيده ما روم لها
منال تضحك: جنيت على نفسك
مايد: عيل تعالي اشوف اذا بترومسن لها
منال : لا تحدى
مايد: اتحداج رمسيها وانا بشوف
سلامه: سيري راويه منوه منال الفلاسي
منال تصاصرسلامه: ماروم لها
سلامه ترد واتصاصرها : جربي
مايد : شوه تخافين
منال وهيه خايفه: لا بتشوف

سارت منا لصوب شواخي ويلست حذالها

منال : شواخي حبيبي يالله قومي بنطلع
شيخه اتشوف منا لوهيه مبهته ومستغربه: .......
منال بحنانه : يالله بنسير احلا مكان
شيخه بعدها مبهته بس استسلمت للامر وابتسمت: وين بنتيل
مايد فاج حلجه لان شواخي غيرت الموجه
منال: اي مكان تبينه
شيخه: والله ابا الالعاب وابا اتكليم وابا مكتدوننلدو
منال: ان شاء الله من عيوني يالله اقومي لا يهون
شيخه قامت من محلها والاغرب لوت ع اختها منال وباستها وهيه تبتسم ربعت صوب كبتها وطلعت بنطلون وغميص وسارت تتلبس ويسرعه لانها تيا تطلع
منال اللي يلست مستغربه كيف قدرت اتسيطر عليها وع عنادها كيف ..سلامه ابتسمت لان الصراحه ما شي سر بتعاملها ويا شواخي مثل ما كان يعتقد الكل بس الشي الوحيد اللي تسويه تحاول تقنعها وتغريها باللي تحبه وفي نفس الوقت تقدملها شويه حنان لان اليهال ولو انهم شياطين ومشابين يحتاجون للي يحن عليهم ...مايد وقف مبهت ولا يدري شو السالفه واعترف انه غبي كيف ما تصرفت مثل تصرف منال كنت بفوز في التحدي يا ويلي انهزمت وانا الريال جدام منال لهل الدرجه انا ضعيف الشخصيه ...

طلعت شواخي وهيه نشيطه وتبتسم وكانت حلوه ببتسامتخا بشعرها الكاريه وقامت تبوس حصوه وسلامه وتربع جدامهم وهيه تصارخ: يالله يالله بتلعه الالآآآآب

مايد يضحك وهوه يمشي وراها ..وسلامه وحصه يضحكن وتفاجأن بصوت منال

منال: فزت عليك
مايد يصد ع ورا ويشوف منال تبتسم: والنعم بنت محمد ما تنلامين
منال تترحم ع ابوها وتمشي ..بعد ما طلعوا في الحوي الكل تفاجأ بشواخي اتنطط وهيه ماسكه ايد مايد ..واتقوله بتلعه بتلعه الالآب بنتيل الالآب ومن الصوب الثاني تفاجأت ام سهيل بحال بنتها بس حاولت اتكون عاديه وذرفت دمعه من عينها وعنود استانست ع حال البنت وام راشد تبتسم ...وركبن البنات السياره وشواخي يلست حذال حصه جدام ...مايد استانس لانه بدا حال الكل يتغير والحزن شوي شوي يفارجهن اتصل في ناصر اللي كان يفصل له كنادير

مايد بعد ما سلم ع ناصر وهوه حاطنه ع الاسبيكر

مايد: نويصر تعال صوب السيتي
ناصر: متفيج انت وانا ورايه يميع الشغل
مايد: اجل مب مشكله
ناصر: كيف بالله عليك
مايد: تعال ويايه البنات كلهن
ناصر: منوه بناتنا
مايد: لا بنات اليران اللي ساكنين صوب الدوار
ناصر: ههههههه يالغلس...
شيخه يالسه تسامع وهيه معصبه وتصارخ عشان يسمعها عدل : نتول تآل لدلبك بالمكته يالله بنتيل الالآآآآآب(تمدها )
ناصر فز قلبه : اوه اوه شواخي شيخه البنات وياكم صدق ما تستحي يا ميود ياي صوبكم
مايد: شو ما استحي
ناصر: انت لو قلت انا شواخي وياكم بيك طاير
مايد: ههه وابيويه عليك انا انقض وتعال بسرعه
ناصر: اوكيك اشوفكم

بند ناصر عن مايد وهم توهم واصلين الستي وعند المواقف..تموا يدورون ولا لقوا باركنج فاضي وبعد ما شاف سياره تريوس وقف عشان يوقف سيارته في هل الباركنج..نزلوا وشواخي مستانسه وما سكه مايد

والبنات يمشن وراه ودخلو وساروا صوب الالعاب مايد ويا شواخي والبنات قررن ييلسن عند المطاعم اللي هناك ولو ان مايد رفص هل الفكره بس خلاهن ع راحتهن ... وناصر اتصل في اخوه وتخبر عن مكانه وتلاقوا ...شواخي تخبلت وهيه تبا تركب كل لعبه ....

شواخي: نتول ابا الكب القطال والميلحانه وابا العب بالتياييل
مايد: هذا مله يا بنت محمد اصبري شوي شوي
شواخي: اندين بت بتلعه ابا اكب القطال بيلوح عني
ناصر يضحك: بسرعه بيطير الحق عليه
مايد: اتشمت يا ويهك
ناصر: لا افا عليك
شواخي : يالله بتلعه
مايد: انزين انزين
ناصر: انا بسير صوب البنات
مايد متضيج: اوكي

مايد تم الا يحوط ويا شواخي من لعبه للثانيه وناصر سار يلس في الكافيه ويا خواته وطلب لهن كبتشينو..ويلسوا يسولفون ...وبعد ما تعبت شواخي من اللعب

شواخي: ميووووت بتني يتوي صوصو متل القطال
مايد: اسمعه
شواخي: يوآنه ابا آكل تبت وبولقل
مايد: حاظرين يا امي

سار وياها ويلسها عند البنات ويا ناصر وياب لها اللي تباه واختار لها وجبة اليهال وخذ بورقر وشبس للبنات وله وبنصور ...وهم يالسين ياكلون ومايد يالس حذال شيخه

مايد: انا اليوم اشتغلت مطاري لشيخه بنت محمد
الكل يضحك
ناصر: ههه اللي يشوفك يقول العالم ع راسه
مايد: نتهيأ للحياه اليديده باجر بيوني عيال ما عرف اتصرف وياهم بس اذا عفاريت مثل (يشوف شواخي بطرف عينه)ما باهم
منال: حرام عليك كله ولا الشيوخ
حصه: لا اصلن عيالك بيطلعون شراتي
سلامه: امحق اذا بيشبهونج عز الله بتلعوز وياهم
ناصر: ههههههه يبتها لعمرك الغالي
مايد بخقه وتفاؤل: انتوا اصلا ما تعرفون..يبطلعون شيوخ يا بوي هيه شو عيل عيال مايد يسد ان ابوهم شيخ وامهم شيخة قلبي
ناصر: يا ويلي ع الرومنسي
حصه: الاخ يتحلم
مايد: يا هدامة الاحلام يالله يمكن في يوم بيتحول لحقيقه ..ان شاء الله
حصه: ان شاء الله

والكل يبتسم ..وناصر رد يفكر بمايد وهوه يحس به وبقلبه بس شو بيده من الحيله ابوه توفا وفي هل الوقت سالفة منال ومايد لازم اتأجل شوي لين ما اتحسن الاحوال وترد لمجراها ..وبعد ما كلوا واشبعوا من الضحك والسوالف وطلعوا من السنتر سار ناصر صوب سيارته لان موقفنها في الباركنات اللي برع..ومايد سار صوب سيارته بس لقا سياره واحد من شباب بوظبي موقف سيارته ورا سيارته بالضبط وما يقدر يريوس بها ...يسن البنات في السياره ومايد معصب وخص ان الوقت تاخر وفاتته صلاة المغرب والعشا ...وهوه يالست يتحرطم ع الريال والبنات حد منهن يتافف وحد يضحك وشواخي تسولف عن الالعاب وهيه مستانسه..وبعد ربع ساعه من الانتظار شافوا واحد متعصم بسفره حمرا وهوه صاحب السياره نزل له مايد ......

مايد: يا اخي ما يصير توقف سيارتك ورا سيايير العرب
الريال واسمه جاسم: اها الغالي حاظرين بس يوم بتفظيلي باركن اوكي
مايد معصب: يالله اطلع وفكنا من صدعك
جاسم بتعجرف: احترم نفسك
مايد: تعال اظربني بعد

البنات وهن يراقبن الوضع ويحافن من الموقف اللي بيستوي منال واللي يالس ع السيت اللي ورا ناصر فتحت الباب ونزلت ولقت مايد واقف جدام جاسم وخافت عليه...

جاسم شوي بيمد ايده ع مايد وبيظربه بكس ربعت منال صوبهم والبنات يراقبن بخوف

منال : مايد خله برايه
مايد معصب ويشوف الريال بتعجرف وعيونه فيهن تحدي جاسم شاب متعجرف ومشكلجي ...

جاسم: اقول الغاليه ما يحتاي ادافعين عنه
مايد معصب ويصارخ: ردي السياره
منال تمسك مايد : ارجوك خله ما فينا للمشاكل
جاسم: هه
مايد: شوف انت المفروض ما تسلم مني بس وخاطرها بخليك
جاسم عصب وركب سيارته ويمشي مسرع
ومنال ركبت بعد ما انهت الوضع ومايد معصب ركب السياره ....وبعد ما طلعوا من السيتي وحصه يالسه اتهدي اخوها

حصه: ما يسوى عليك شو تبابه خله يولي
مايد: هرم
منال : تعوذوا من ابليس برايه هوه الغلطان
مايد صكت لانه ما يبا يحط غيضه ع حد ماله دخل في الموضوع وساد الصمت السياره لين ماوصلوا البيت نزلن البنات ومايد شل امه واخته وساروا صوب بيتهم وبالنسبه للبنات سارن يبدلن ويصلن ويتعشن ويا امهن وقبل العشا

سلامه: حد لاف العنود
ام سهيل: مادري بها امبونا قبل المغرب يالسه ويانا وخلاف يت الخدامه وودتها صوب حجرتها
منال:الله يعينها ياربي ...
ام سهيل وسلامه: يارب
سلامه: عيل انا بسير لها شوي لين ما ايي سهيل
ام سهيل: تعشى اول وخلاف سيري لها
سلامه: لا امايه شبعانه

طلعت سلامه وسارت صوب العنود ...اللي كانت متملله وماسكه مجله الصدى تقراها

سلامه: كيف الحال عنوده
عنود: ع حالي يختي مليت من الحجره
سلامه: استحميلي عشان البيبي
عنود: ترانا صابرين ع كتبة الله
سلامه تبتسم: متى بيرد سهيل
عنود: مادري به ع الساعه 12 او 11
سلامه: اها زين
عنود: متولهه ع بيتنا وع الاهل والحواطه
سلامه: هونيها واتهون ان شاء الله
عنود: والاهم ما بقدر اتخرج السنه ويمكن يكنسلوني بعد
سلامه: ههههه لا تشيلين هم المهم صحج وصحه البيبي
عنود: يالله كل شي في سبيل البيبي وابوه يهون
سلامه: يا ويلي

see you</p></font>

<font color='#000000'>مرحبا وهوجة
مشكوووورة على التكملة <img src="http://oasis.bindubai.com/emoticons/grinning.gif" border=0>
ما قصرتي الغاليه</font>

<font color='#000000'>مرحبا...

اختيه..بعدها مطوله القصه ..
ما بديت اقراها اول بأول .. الحينه وايد اجزاء يبالي اقرى<img src="http://oasis.bindubai.com/emoticons/rock.gif" border=0>

.. مشكوره ع النقل .. واستمري<img src="http://oasis.bindubai.com/emoticons/smile.gif" border=0>
</font>

<font color='#000000'><p align=center><font color=#990000>اختيه المزيون راح الكثير ما بقى الا القليل
</font>
<font color=#990033>الجزء 50

</font>عنود تبتسم: الله ريلي يختي امال ايه
سلامه: ياحبيبي نطر العرج

وفي هل الوقت دخل سهيل

سهيل: اي عرج
سلامه: هلا سهيل
سهيل : اهلين زين يوم يالسه تونسينها
عنود: لا خلاني الرب منها ما تقصر
سلامه: افا عليكم اذا ما نفعت هلي بنفع منوه
سهيل: ما تقصرين بنت محمد
سلامه: لا ما بشروك بشواخي
سهيل متفائل: خير شو بلاها
عنود تبتسم وسلامه اتشوف سهيل: خلاص خاز العوق عنها وردت مثل اول واخس بعد
سهيل: والله الله يبشرد بالخير سلامي
سلامه: اوكي عيل انا بسير عنكم شي في الخاطر
عنود سهيل: تسلمين


طلعت سلامه من بيت سهيل وسارت صوب بيتهم ولقت منال يالسه تقرا كتاب وانتبهت لها منال...

منال: ابطيتي
سلامه: توه سهيل واصل البيت وطلعت
منال: اها زين
سلامه: وشواخي وين
منال: راقده ويا امايا
سلامه: ونويصر
منال: ويا ولد عمه وربعهم
سلامه: اوكي اذا تبين اي شي انا في حجرتي
منال: ان شاء الله


سارت سلامه صوب حجرتها ويلست ترتب الطاوله وتحط الاغراض في ملهن وفي نفس الوقت تشوف شو ناقصنها من ملابس وشنط وعطور وغيره واتفاجأت بصوت رنة اهمه وهيه مخصصتنها لسعيد ...ترددت وما شلته وبعدين رد واتصل مره ثانيه وردت عليه
سلامه:.......
سعيد: السلام عليكم
سلامه بصوت حزين وخفيف: وعليكم السلام والرحمه
سعيد: كيف الحال حبي
سلامه: طيبه
سعيد: افا يا سليم تزعلين علي الله ياخذني اذا زعلتج
سلامه بخوف: لا بسم الله عليك عدوينك ان شاء الله حرام ل اتدعي ع عمرك
سعيد: استغفر الله العظيم ...يعني يعني مب زعلانه
سلامه بمكر ودلع: لا زعلانه ونص
سعيد يتحنحن: ان زعلت ارضيك وكل عمري فداك والزعل مزعله يالغالي عليك لو تامر بروحي بتنقاد برضاك ولو تطلب عيوني في لحظه تجيك..
سلامه: ياعيني ع صوت ما شاء الله عليك
سعيد: يعني رضيتي
سلامه:......
سعيد: سلامه ما يهون عليه زعلج والله انج غاليه وانتي تدرين بغلاتج عندي صدقيني
سلامه: وانت غالي لا تنسى
سعيد: لو غالي ما بتزعلين عليه بهل السرعه انا ابا اونسج وخفف عليج صدقيني بس ندمت وطلعت بايخ
سلامه تضحك: فديتك انت احلا بايخ شفته
سعيد: تفدج العافيه الغاليه شو بعده الحلو زعلان
سلامه: للاسف هيه
سعيد: كيف اراضيج يعني حيرتيني
سلامه: تصرف ومشكلتك يا اخي ..باي

سكرت سلامه عن سعيد قبل لا تقوله فمان الله او شي فخاطرك ..سعيد ما استغرب من سلامه لانه يدري انه اتغلا عليه وقرر ينهي الزعل باسهل طريقه بس اجلها لباجر لان الوقت متاخر والخطه صعب اتنفذ..

سلامه رقدت بعد ما خلصت الترتيب كله ومنال يلست اتشوف التيلفزيون لين ما وصل ناصر البيت وهوه بعد يلس يسولف ع اخته وترخص وسار يرقد ...وفات هل اليوم بسرعه ...والايام تركض والدنيا ادور يحل النهار ويغطيه الليل وراشد ع حاله في بوظبي ويا على المهيري وباقي الربع وحتى لو فارق دبي وبحر جميرا اللي بشوفته تهدى اعصابه بعده يتردد عليه ويسير صوب كاسر الامواج ويوقف سيارته ويفكر بهل العالم وبمستقبله يا ترا لين متى بتم عزوبي...سهيل اللي بسني عرست وقريب بييب له ولد ولا بنت يونسونه في حياته وسلامه آآآآه يا سلامه راحت من ايدي خذاها سعيد ..اسميه الا حضيض وحتى لو فكرت اخط بنت عمي الثانيه ما بقدر اوفيها حقها وانا قلبي امتكته وحده ثانيه ......

وهذا حال راشد في سيراته ويياته وهمومه وافكار في بوظبي بعيد عن هله واصحابه ..وبالباجر العصر الساعه 5 بالضبط بتوقيت دبي ...سلامه يالسه ع المنامه ويا منال وشواخي تلعب ويا القطاوه في الحوش تتونس شوي وام سهيل ويا العنود...سمعن البنات صوت سياره ...

منال: منوه اللي ياي هل الوقت وموقف سيارته برع
سلامه: مادري يمكن حد يايب شي ولا بطاقه عرس
منال: يمكن

وتفاجأن بلبناني يدق الباب وحذاله باقة ورد جوري كانت تشكيلتها ع شكل قلب

سلامه: منال احين منوه بيسير له
منال: مادري اكيه ليندا

وتأشر منال ع ليندا واتقولها تسير اتشوف الريال وسارت

اللبناني: هاي
ليندا تبتسم:.......
اللبناني: هذا لمدام سلامه
ليندا: اوه مدام سلامه (خذت الباقه)..ثانكس
اللبناني : يو ويل كم

سار وركب سيارته وليندا سارت صوب سلامه ومنال اتشوف الباقه

منال: ياااي اجنن الا رووعه
سلامه: اصبري بنشوفها لمنوه
منال: يارب اتكون لي
سلامه: من منوه ان شاء الله
ليندا: مدام سلامه هذا حق انتي
سلامه: انا
ليندا: ييس فوريو
سلامه: اوكي سيري شوفي شيخه
ليندا: اوكي
منال : من قدج اقول من منوه
سلامه: مادري بس شكلها كيوت وراعيها ذوقيق
منال: غريبه منوه اللي بيطرش لج باقه
سلامه: مادري

سمعت سلامه صوت مسج صوتي..واتصلت ع 123 وكان المسج من سعيد وهوه يقول..مشكلتك انك قلب حساس تشره وتتغلا وتزعل..مشكلتي مولع بك بلا قياس وان ما سألت اشتاق واسال ...(وان شاء الله تعيبج الباقه)

سلامه تبتسم بفرح وع خدودها علامات الخجل ومنال اطالعها اترياها اتقولها شي ...

منال: حوه من منوه المسج
سلامه مبهته: سعيد
منال: والله شو فيه
سلامه بخجل: عن الرزه بس عرفت انه هوه راعي البطاقه..وايه فديت خشمه
منال تضحك: ههههههههه هاااااااي اتفداه الحرمه هههه (واتسوي عمرها معصبه)منقود عن البدو اخت سلامه
سلامه: لا والله ريلي وع كيفي لو اتفداه من اليوم لين باجر لا خلاني الرب منه
منال: الله يخليلج اياه
سلامه: يارب ويخليلج غاليج منال
منال تبتسم وقلبها ماكلنه الهم: ان شاء الله

سلامه يلست اتشوف الباقه واتشم الورد لان رحيته جنان ومنال ردت اتفكر في غاليها منوه غاليها ظاعن اللي خسرته وهيه ما كانت تملكه ولا ابوها اللي راح ..

ومن الصوب الثاني مايد اللي كان في جميرا وتحديدا شاطئ جميرا ويلس يتامل البحر وهوه سرحان بتفكيره ويحاول يتخذ قرار..نهائي يا ترا هذا الوقت المناسب عشان اخطب فيه منال ...بس كيف ارمس ناصر ولا امايا او اصبر شوي بس انا صبرت وايد وايد وايد ....وانا ما اتحمل اتكون لواحد غيري واتكرر ماساة راشد...انا لازم ارمس ناصر واشوفه

اتصل مايد لناصر وقاله انه يترياه عند بحر جميرا ولازم ايي والسالفه ضروريه..

ناصر وبعد ما اتصل فيه مايد طار صوب البحر وهوه خايف شو السالفه الضروريه اللي بيقولها له مايد

وبعد ما وصل ووقف سيارته ونزل لخوه ...وسلم عليه ويلس حذاله

مايد: الله يا ناصر محلا البحر
ناصر: حلو بس حلاتة تسحبك للغدر
مايد: هيه والله صدقت يا نويصر بس احلا شي انه يستقبل همومك
ناصر: عقهن بحر
مايد: هههههه وانت الصادق
ناصر يحط ايده ع جتف مايد ويشوفه: هاه مايد شو السالفه الضروريه
مايد: منال
ناصر: وانت يايبني اتقولي منال
مايد: ناصر صدقني انا ما اقدر اتحمل اكثر من جيه وانت ادرى بحالي
ناصر: .........
مايد: يا ناصر ارحم انسان روحه متعلقه بايدك
ناصر: كيف يعني
مايد: ارجوك كلمها وخاطري
ناصر: لا تنسى يا مايد ان ابويه ما صار له شهرين من توفى ومب حلوه ارمسها بهل الموضوع وبهل الوقت
مايد: ناصر السالفه مافيها خطبه او عرس انا ابا اضمنها مابا حد يخطفها من ايدي وجدام عيوني اخاف ماساة راشد اتكرر وانا مابيدي شي ..
ناصر: صدقني مقدرك يا اخي وان شاء الله اذا قدرت بقولها
مايد يشوف ناصر وفي عيونه برق اسى وخوف: ان شاء الله
ناصر: اوكي بقولها وما يصير خاطرك الا طيب
مايد يبتسم ويرد يجبل صوب البحر ويسكت وناصر بالمثل ويلسوا ع هل الحال لربع ساعه وقده الاذان بيأذن المغرب ركب كل واحد منهم سيارتع وساروا يصلون ووبعد المغرب وفي بيت بو سعيد بالذات رد خالد من المسيد وبو سعيد من العزبه ويلس حذال ام سعيد ....اللي كانت يالسه في الصاله ويا بنتها نوره.....

انتظروا التكمله

</p></font>

<font color='#000000'>تسلمي حبيبتي على التكملة
ولو ان هالجزء قصير بس ما عليه
ننتظر الباقي <img src="http://oasis.bindubai.com/emoticons/grinning.gif" border=0>
مشكورة</font>

<font color='#000000'><p align=center><font color=#990000><font color=#000066>مرحبا
احتمال التكمله اليايه للقصه تطول نوعا ما
لان اعتقد&nbsp;تكملة القصه قيد الكتابه...
والسموحه منكم

</font>
<font color=#990033>الجزء 51

</font>خالد: نواري قومي يبيلي ديو من الثلاجه
نوره: خلص
خالد : بل عنوبه من يومين يايب رتون مسرعه ما خلص
نوره اتشوف امها : واتخبرني انا
خالد: اوه مافيه اسير واشتري غيره
ام سعيد: وشوه هل اللي بتيبه
خالد: ديو
بو سعيد: اخ هل السقم شو تبا تشربه
نوره: لا حلو الصراحه
خالد : يعني انتي اللي شفطتي اللي في الثلاجه كله
نوره: بردون اخوي ما شربت غير 3 غراش
ام سعيد: تطرون هذا بوقوطي خضر
بوسعيد: السقم
خالد: ايوه
ام سعيد: والله يا ولدي جسمته ع البشاكير وشربت لي قوطي غاوي ثره
نوره: هههههههه
خالد: بالعافيه عليج الغاليه هين باخذلي كرتون ثاني بس مب تجسمنه ايي الهث ابا شي يبردني وانا اتعايز سيرة الدكاكيين
بو سعيد: سعيد بعده في المستشفى
ام سعيد: هيه يا حميد خنة حيلي هل الولد كم يتعب
خالد يتدلع وينسدح ع ريول امه: وانا بعد اتعب ولا ما لي نصيب من الدلع والحنان
ام سعيد: لا فديتك بو وليد تستاهل الغالي كلكم غالين
بو سعيد يضحك
خالد: عيل دامني غالي اباج تخطبيلي
نوره منصدمه وبو سعيد مبهت وبالنسبه لم سعيد ما صدقت
ام سعيد : والله فالك طيب ان شاء الله بخطبلك بنت عمك ميثا
خالد : شوووه ميثوه تهبي الا هيه ام كشه
بو سعيد: عيب بنت عمك مسود الويه
خالد قام وحب راس ابوه: السموحه وع العين والراس بس ماباها (ورد ينسدح ع ريل امه)
ام سعيد: عيل منوه
خالد بمكر ويشوف الوقت مناسب للمغايظ: شو رايخ تخطبيلي وحده من اللي ارمسهن امل ولا ميره
ام سعيد تغيضت وتشل راس ولدها عن ريلها: قم قم يهبن صدق ما عندم سافله ترفس النعمه بريوك نبالك الزين وانت تتخير الشين
بو سعيد ونوره وخالد يضحكون ع ام سعيد .....وهيه محتشره ع ولدها ولوانها تعرف انه يمزح وياها ويا يفور دمها بس بعد ما تستحمل

نوره: اييكم شو ؟
خالد: شوري يا ام الافكار يا داهيه يا حفاره القبور
نوره بدلع: بسم الله عليه وخلاص مب شايره عليك وانت الخسران
خالد: خلاص قولي
نوره: مابا انزين
بو سعيد: ارمسي يابنتي شو في خاطرج
نوره: ما بقول جدامه ما يستاهل ليش يسب
خالد: اوه هوه الواحد يسولف ويضحك واني مول ما تستحملين
نوره: ولو ابا رضوه يالله طلع اللي فمخباك
خالد: شو تبينه مخبايه مطرور
نوره تسير صوب اخوها وتيلس حذاله وهيه اونها تتخقق: طلع بوكك يالله اشوف
خالد: لا شو تبينه
بو سعيد: طلعه واسمع رومسه اختك
خالد : يا حبيبي يالله بنطلع البوك

خالد طلع البوك وفتحه ونوره غمضت هينها

نوره مغمضه: انا بحط ايدي في البوك واللي بسحبه من الفلوس لي اوكي
خالد: غربالله بليسج كلهن قوم اميه وخمس اميه والف
نوره: عادي يارب اسحب الالف ولا الفين متلاصقات
خالد: ان شاء الله (ويقول في خاطره يالله تسحبين خمس)
نوره حطت ايدها وبدت تسحب وطاحت في ايدها الف وخالد يدودبها ويقولها لا هذي خمس الثانيه الف وهيه تغير وام سعيد وبو سعيد يشوفونهم ويضحكون

نوره: تقص عليه الدب
خالد: لا خمس اللي فيدج
نوره: جذاب
خالد: افا وانا اجذب عليج اسحبي الالف هذيه حذال الخمس
نوره: لا مابا خلاص برسي ع بر(وفتحت عيونها )الف وانت تقول خمس هي هيييييه مب علي
خالد: ذيبه
ام سعيد: يالله عاد شو اللي بتشاورينا به
نوره: مممممم شو رايكم تخطبون لخالد منال ولا حصه بنت ثاني فنانات وبنات عرب حشام
بوسعيد: زين ما شرتي به يا بنيتي
خالد: حلو ليش لا
ام سعيد: خلاص يعني اخطب لك
خالد: اللي تشوفونه ولا تبوني آخذ امل او ميره(ويضحك)
ام سعيد اطالع ولدها بطرف عينها وتخزه

وتموا ع خل الحال سوالف وضحك لين آذان العشا وبعد ما صلوا ساروا الشباب صوب ميلس منصور كالعاده سهيل وناصر ومايد ..وكان سعيد موجود ووياهم خالد ..في هل الوقت سلامه قررت تتصل في سعيد وتشكره ع الباقه

سلامه: الو مسا الخير
سعيد: مسا النور مسيت به حبيبي
سلامه استحت: شحالك؟
سعيد: بخير وسهاله ..وانتي شحالج؟..(والربع اللي في الميلس اصواتهم عاليه
سلامه: تمام الحمدلله ...شكلك مشغول
سعيد يمشي صوب الباب: لا طالع امري سلامه
سلامه: ما يامر عليك العدو بس حبيت اشكرك ع الرضوه والله انها اجنن
سعيد:لان اللي شافتها اتجنن اصلا الباقه ترددت يوم وداها راعي المحل بيتكم
سلامه باستهبال: وليش عاد
سعيد: تقول تودوني لبيت فيه ورده احلا مني
سلامه تبتسم: .........
سعيد: استحت الحبيبه
سلامه: هههههه بس الورد شكالي
سعيد: وليش عاد(يقلد سلامه)
سلامه: لانه فارج نوره وروح قلبه
سعيد: في هذي غلطتي
سلامه ما فهمت عليه: لان روحه وقلبه ونور دنياه متعلق بقلب الورده
سلامه: اها في هذي صدقت
سعيد: سلامه انتي احلا ورده شفتها في حياتي
سلامه تسمع منال تزقرها: وانت احلا وارق انسان صادفته في حياتي
سعيد طار من الفرح: الله يخليج لي يالغاليه
سلامه: تسلم ويخليك لي يارب العالمين ..اوكي بو عسكور شي فخاطرك من صوبي منال تزقرني
سعيد: سلامج الغاليه وهالله هالله بعمرج
سلامه: ان شاء الله سلملي ع نوره
سعيد: يبلغ ان شاء الله
سلامه: فمان الله
سعيد: فمان الكريم

بند سعيد وسار يلس ويا الربع وكملوا سوالف سلامه سارت صوب منال لانها كانت تزقرها

سلامه: هاه لاج معتشره
منال يالسه ع الشبريه وفي ايدها كتلوج: تعالي شوفي محلاهن
سلامه بعد ما يلست حذال منال: واو فساتين عرايس
سلامه: هيه شو رايج فيه هذا الريم طرشتلي اياه ويا الدريول
سلامه: والله وشو يسوي عندها
منال: الاخت ادور لها فستان من الحين
سلامه تضحك : انزين جدانها سنه لين العرس
منال: هههه اجهز القماط قبل الياهل المهم شو رايج تختاريلج منهن ..
سلامه: مادري والله هل السالفه محيرتني واللي يضيجبي العرس بعد شهرين وانا بقالي وايد اشياء ما اشتريتهن
منال: ان شاء الله بتخلصين بسرعه ...تعالي هذيلا الفساتين من تصميم اليزابيث روعه وجنان
سلامه: هيه اظني نقدر انرمسها واطرش لنا حد من الموضفين وبشوف الفساتين اللي عندهم او بشوف لي شي يديد عندها
منال: حلو بس انا من رايي ناخذ راي العنود..
سلامه: اوكي بس باجر انا تعبانه وبسير اوطي راسي
منال: ع راحتج
سلامه : تصبحين على خير
منال: وانتي من اهله

طلعت سلامه من الحجره وسارت ترقد ومنال حطت الكتلوج على الطاوله وسارت الصاله اللي تحت لانها تحيد ان شواخس يالسه اتشوف سبيس تون ...ولقتها طايحه ع الغنفه وراقد ....وام سهيل كان يايه من حجرتها

ام سهيل: فديتها رقدت
منال: من التعب
ام سهيل : قومي بشلها
منال: لا امايا ارتاحي انتي سيري ارقدي وانا بوديها حجرتها
ام سهيل: ع راجتج يا بنيتي

منال شلت شواخي وودتها صوب حجرتها ..وبندت الليتات وشغلت المكيف وطلعت صوب الصاله اتشوف شو في التيلفزيون...وتمت اتبدل من قناه لقناه ويلست اتشوف فلم اجنبي ...وع الساعه 1 ونص سارت صوب حجرتها بعد ما ملت من اليلسه روحها ومن مجابله التيلفزيون ..يلست اتشوف الكتلاوج ..وفي هل الوقت ناصر رد من الميلس ولقا باب منال ملايم(طرف الباب مفتوح)والحجره منوره دخل عليها

ناصر: شو تسوين لين الحين واعيه
منال: مافيه رقاد
ناصر: ليش تعابه او شي يعورج
منال: لا مافيه شي
ناصر يلس ع الشبريه: اها زين عيل
منال تبتسم:..........
ناصر: منال
منال: هلا
ناصر: عندي موضوع ابا اقولج عنه بس قبل لا اقوله اباج تفتحيلي قلبج واتكونين صريحه ويايه انا اخوج وولي امرج من بعد المرحوم(منال تترحم ع ابوها )..
منال: ان شاء الله بس شو الموضوع لا تخوفني
ناصر: لا هدي اعصابج لانه يباله واحد هادي
منال تاخذ نفس عميق وتبتسم: يالله قول
ناصر: منال فيه واحد اسمه روميو يبا ياخذ راي جولييت اذا هيه موافقه عليه او لا
منال تبتسم: عاد لا تبدا بالفلسفه منوه روميوا وجولييت
ناصر: لا خلاص بجد...مايد(منال حست بنقزه في قلبها من طاري مايد)..يباج له
منال منصدمه مبهته وما تعرف شو تقول:.........
ناصر: بلاج انا اقول يباج له وانتي عاقدتلي حياتج
منال: كمل
ناصر: صدثيني مايد انسان طيب وحبوب مب لاني وياه من يوم نحنا صغار وبغطي عيوبه بالعكس هوه ريال متعلم ومهندس ويسد عنه ولد عمج وبيصونج وهوه اولا فيج من الغريب ويكفي انه يعزج
منال: بس انا مافكر في العرس يا ناصر
ناصر: السالفه مب سالفة عرس هوه يبا رايج اذا موافقه عليه ولا لا بس ولا يبا يخسرج او اطيرين من ايده
منال: ناصر مايد ولد عمي وما شفت منه الا كل خير
ناصر: يعني
منال: مب وقته
ناصر: منال ابا رمسه وحده تبينه ولا لا
منال منحرجه وصاكته: ........
ناصر:وبعدين ليش تتهربين من الواقع
منال ما تعرف شو بتقول لاخوها : خلاص يصير خير
ناصر: يعني موافقه
منال: اوكي بس بليز لا تقول لاي حد
ناصر: وحتى مايد
منال: مممممممم ع راحتك
ناصر وقف بيطلع: اوكي عيل تصبحين على خير
منال: وانت من اهل الخير

طلع ناصر وسار صوب حجرته ومنال بندت الليتات وانسدحت ع فراشها وهيه تفكر وتستنتج يا ترا صدق انه يحبني كيف وليش ...بس احس انه انسان ع نياته ويقول اللي في قلبه والدليل انه يزل لسانه وما يحس به ...مايد ولد عمي ويمكن هوه الانسان اللي بيسعدني ....

نامت منال وفي راسها الف سؤال تحاول اجاوب عليهن ونشت ع صوت حشرة شواخي عند الباب ودخلت عليها شواخي وهيه تصيح

منال بفزع وخوف: شواخي بلاج ليش اتصيحين
شواخي: انود انود تثالخ وتلامي وتهيل ودوها الدكتل
منال تفز من فراشها : والله
شواخي تصيح: انا كايفه
منال: لا تخافين حبيبتي


منال اتصلت في سهيل وهوه ما يرد عليها واتصلت في سلامه

منال: الو سلامي شو مستوي
سلامه: مادري عنود تعبت علينا ودخلوها العمليات
منال بفزع: ليش شو يعورها : مادري مادري بس يمكن تربي ولا يسولها قيصريه
منال: الله يعفو عنها ياربي ويعينها امايا وياكم ولا شو
سلامه: لا
منال: اوكي وحد خبر خالتيه
سلامه: هيه هنيه ويانا هيه والريم وحمد
منال: زين عيل بخليج بس دخيلج طمنيني عليها
سلامه بعيله: اوكي باتصل اطمنج

سهيل يالس حذال حمد وحالته ما تسر وام حمد روحها في حاله والريم يالسه تهديها اما سلامه فكانت واقفه اتريا اخبار العنود

<font color=#990033>والبقيه تأتي</font> <img class=inlineimg title="" alt="" src="http://www.b7aruae.com/vb/images/smilies/post-16-1049736636.gif" border=0></font></p></font>

<font color='#000000'>أخيرا خبر منال&nbsp; <img src="http://oasis.bindubai.com/emoticons/grinning.gif" border=0>
حليلها العنود مسكينة
شوقتيني أكثر <img src="http://oasis.bindubai.com/emoticons/rock.gif" border=0>
ننتظر التكملة
مشكوووورة وهوجة</font>