أموت أنا في حبهم

يالله ان شاء الله نحن باجر بنتريا الجزء ...
تسلمين الغاليه ..
والسمووحه

السلام عليكم ورحمه الله وبركاته


اشحالكم شو أخباركم علومكم عساكم بخير وعافيه

وعلى الموعد تلاقينا وأتمنى يعجبكم الجزء الخامس ،،، بس عندي طلب صغير منكم أتمنى ما أتردوني فيه ,,,, الإسبوع الياي ما بقدر أنزل جزء لأنه عندي امتحانات ما أبي أنزل جزء تكملة عدد ،، صدق ما أقدر يدوب ألحق على شغلي ودراستي وان شاء الله بعوضكم بجزء دسم ترضيه ..

اتمنى لكم قضاء أجمل وأسعد الأوقات مع الشخصيات ...




أموت أنا في حبهم 5




أول ما حدر الميلس استلمه أبوه طبعا عتاب بالنظرات لأنهم بين الناس وما يقدر يهزبه .....

سلطان : السلام عليكم ورحمه الله وبركاته

الكل وعليكم السلام والرحمه

سلطان : السموحه منكم يا جماعة الخير تحيرنا بسبة الزحمه

حميد وهو يخزه بعين : الحمدلله على السلامه يعني هذا وانتوا طالعين قبلنا بربع ساعه الحين واصل وين لو قبل دقيقتين

سلطان بهمس : الله يسامحك بتشمت الأعداء فيني الحين هتلر وده يذبحني

حميد : زين ياولد مانع جان ما خبرته عليك

سلطان وهو يتجدم من أول الياليسن صوب الباب :هههههه ماتقدر عندي واسطه

أول واحد يالس عند الباب تقريبا يعني أقرب واحد للي يدخل كان بومايد يار خليفه سلم عليه سلطان وكمل

لين وصل عند أبوه وحميد كان بينهم واحد يعرفه بالشكل بس ما يعرف أسمه بعد ماسلم عليه

... : هلا أبويه سلطان أشحالك

سلطان : بخير الله يسلمك بو ( هني توهق ما يعرف منو الريال ولا بو منو ينقال له )

بومحمد : بومحمد يا بويه جنك الا ما اتعرفني

سلطان مفتشل وفي خاطره يقول شو هالوهقه أففف

حميد : سلطان بويه هذا ياري وربيعنا أنا وأبوك من زمان بومحمد

سلطان : البيت الأزرق !!!

بومحمد :هههههههه هي ياولدي البيت الأزرق

سلطان : لا عمي بس تدري يعني أنا ما أعرف فريجكم عدل

بومحمد : أكيد وعد هي اللي مخبرتنك عنه لأنها هي اللي مسمتنه البيت الأزرق

وأشوي يلمح سلطان شخص يالس بين أخوانه سعيد وسيف وأول ما تقرب منهم عرف الشخص اللي يالس وياهم

سلطان : عارف ؟؟؟!!!!

عارف نش وتخاشم وياه : هلا سلطان أشحالك

سلطان : بخير ونعمه ماشاء الله الدنيا شو مصغرها هب جنه اليوم متعرفين عبض سبحان الله شوف الصدف كيف

عارف : هههه لا الغالي بخبرك السالفه الحقيقه الله يسلمك شفت الريال اللي سلمت عليه من اشوي

سلطان وهو مستغرب : منو؟ تطري بومحمد ؟؟؟

عارف : عليك نور بومحمد الله يسلمك هو الوالد ونحن يران عمك حميد من 28 سنه تقدر أتقول هو اللي ربانا يوم أبويه كان فالكويت

اربعتش سنه ....

سلطان : والله السالفه يبالها شرح وتفصيل كيف يعني اربعتش سنه ؟؟؟ فهمني

عارف : سالفه طويله باختصار الوالد كان رايح يشتري بضايع من هناك وصارت سالفه اختلاس اتهموه فيها وانسجن اربعتش سنه عندهم

بو وعدالله يخليه ويعطيه الصحه والعافيه تكفل بنا وربانا ما قصر ويانا قام بالواجب وزد

سلطان : أهاااا ألحين فهمت ليكون أنت اللي ضارب حرمتي يوم صغيره وشوهتها

عارف بحسره : هه هه هه الله يهداك أي تشوه الا ضربه على الطاير ولا لها أثر

سلطان: لا والله حلوه هاي مالها أثر صدقني ليومك هذا تذكرها ودوم أتقول الجرح في القلب هب الويه

عارف وهو يسترجع بذاكرته اليوم اللي أنحرم فيه من وعد .... كان عمره 18 سنه يومها وايد كان يعز وعد ويحبها من خاطره

وعد كانت أم أربعتش سنه مراهقه وتصرفاتها طفوليه وبريئه كانت أتعزه وأتعده أخوها اللي ما يابته أمها وايد كانت قريبه منه حتى أكثر من

عذيجه أخته اللي هي من نفس سنها ... عارف كان كاتم أسرارها ، أخوها ، ، صديقها كل شي بالنسبه لها بس في هاليوم المشؤم أنحرم منها

والسبه غلطه ما حسب لها حساب ....

قبل تسع سنين الساعه 4 العصر

في بيت بومحمد



وعد : عذوج حبيبتي وينه علوفي ؟؟؟ أبي أسأله سؤال

عذيجه : أندوكم أونه علوفي أنتي ياويهج وعدوه خلاص كبرتي ودري عنج هالعبط أنتي مب ياهل انزين

وعد: عذوج ما يخصج هذا صديقي وأنا وهو متفقين اذا هو تضايق من هالشي روحه بيقول وأنا مستحيل أردله طلب

عذيجه: على راحتج حبيبتي بس هو الحين يسبح تعالي سولفي وياي لين يخلص

وعد: أوكي ... أشحالج

عذيجه: الحمدلله ماشي الحال وعد أنا وايد متضايقه :(

وعد: باسم الله عليج ليش حبيبتي شو صار حد زعلج ؟؟؟؟ قوليلي وأنا آخذ حقج منه

عذيجه : وعد اللي مزعلني ..... أنتي

وعد مصدومه : أنا عذوج حبيبتي أنا مستحيل أزعلج بشي أو أغلط عليج ولا حتى أرضى أنه حد يضايقج بشي معقوله أنا

غلطت بحقج من دون ما أدري ؟؟؟؟ مستحيييييييييييل فهمني أنا شو سويت شو اللي ضايقتج به ؟؟؟؟؟!!!!!!

عذيجه : بتكلم بس أوعديني تسكتين وتسمعين كل اللي عندي وبعدين اتقولين رايج

وعد: وعد

عذيجه : وعود أنتي كل وقتج لعارف يعني تيلسين وياه أكثر مني وأول ما تحدرين البيت تسألين وين عارف حتى قبل لا اتسلمين

عارف معاملته لج واااااااااااااااااااااااا اااااايد غير عن معاملته لنا وعد عارف اذا قلت له عروف يذبحني ما تدرين أمس بغا يضربني

بس لأني قلت له عروف كنت أبي أسولف وياه جان يعصب أونه يقولي أنا مب أصغر عيالج أتقولين لي عروف ... يوم قلت له عيل ليش ما

أتقول شي لوعد يوم أتقولك علوفي قالي أنتي مالج خص بوعد وعد اتقول الي تبيه وأتسوي اللي تبيه ... أنتي أتعرفين أنا ما عندي حد كبير عشان

أسولف وياه يعني حماده(حمد 12) والزوز (هزاع11) كله برع وحمده 8 ، وروضه 6 وايد صغار عليه ومحمد 22 وانتي ادرى به

يعني مالي غيره أسولف وياه صدقيني البارحه .....

كرهتج وتمنيت لو ما كنا أنعرفج عشان عارف مايلاقي غيري يسولف وياه لا تزعلين بس تصرفه وايد ضايقني ......

وعد طول الوقت ساكته ومنصدمه من اللي تكتشفه من مشاعر ربيعتها المكبوته معقوله كل هذا فخاطرها وهي ساكته ؟؟؟ عارف ليش يعاملها بهالطريقه ؟؟؟

كل هالي صار عارف كان حاضرنه بس بشكل غير مباشر يعني هو كان مار من الصاله ويوم سمع أسمه وقف وتم يسمع الحوار اللي مبينهن بس هن ماحسن به



وعد على طول نشت عن عذيجه وراحت صوب حجره عارف الشي الي خلاه يربع قبلها عشان ما أتعرف أنه كان يسمعهم وعلى طول دخل الحمام على أساس

أنه كان يسبح ...

دخلت وعد الغرفه وتمت تتلفت فيها كأنها أتدور على شي فاقدتنه شوي وطلع عارف وهو حاط الفوطه عجتفه

وعد : أي أنت كيف جي تطلع عنبو ما تستحي تطلع جدامي جذه

عارف : هههه الحمدلله والشكر اللهم سكنهم في مساكنهم الحين أنا فحجرتي ياغافل لك الله ولا أدري عنج متى حدرتي حجرتي وأنتي كيف تدخلين الغرفه

من دون اذني ؟؟؟؟ وبعدين يا حلوه ارفعي راسج وشوفي اني متلبس ما طلعت لج لاف الفوده بس عسب تتفلسفين

وعد: ليش من متى صرت أطلب اذنك بشي أصلا ً وبعدين لا تتحرى أني يايه عشان سواد عيونك لا الشيخ أنا يايه أقولك كلمه وحده وبعدها ما بتشوف ويهي

أوعدك ...

عارف : أمييي تروعت أنا ... يعني الحين يتراوالج بموت اذا ما شفت هالويه اللي يخرع يالدبه

وعد : أنت قدها الرمسه ؟؟؟؟!!!!!

عارف : قدها وقدودو شو اتحريني ياهل ؟؟؟؟ ريال غصبن عن الي ما يعيبه

وعد: الله يسامحك يا عارف بس أنا ما أسمح لك أتعامل عذيجه بهالطريقه وأتكون قاسي وياها ترا بزعل منك والله

عارف حب يغلس عليها : لا والله الشيخه وعد اتحامي عن أختي أولا أنتي مالج خص فينا أخت وأخوها انعامل بعض بالطريقه الله تعيبا فاهمة

واذا انتي أتضنين أنه زعلج يهمني فأنتي غلطانه فاهمه

وعد خلاص ما توقعت هالشي من عارف معقوله يقولي مالج خص فينا هاييل أهلي هاييل أخواني من انولدت وأنا ما أعرف غيرهم

عارف من بين كل الناس ما توقعت منه هالشي بالذات ليش أنا شو سويت ؟؟؟؟؟!!!!!! وبدت دموعها تعكس الألم اللي حاسه به

وشعورها اللي ما ينوصف ففضلت تنسحب بكرامتها عن يجرحها عارف بكلماته ويقطع الوصل بينهم ....

عارف حس أنه غشمرته وياها كانت ثقيله وايد وخصوصا أنه وعد كانت جاده بكلامها

وعد تتجه ناحيه باب الغرفه علشان تطلع تبعد عن المكان والشخص اللي سبب لها ألم وجرح مايبرى

يحاول يتدارك الموقف ويخطي بسرعه ناحيتها يمنعها ما وده تطلع زعلانه وده يراضيها بكلمه يهديها بس الكلام ضاع منه وما بقت غير العيون

تنقل أسفه وخجله من اللي صار ... وقف بينها وبين الباب عشان ما تطلع .....

وعد : عارف دخيلك خلني أطلع

عارف: وعد كنت أسولف وياج والله مب قاصد لا اتصيحين الله يخليج والله ما قصدت الله يلعني ويعل لساني القص اذا كنت متعمد اسوي هالشي

والله ما ادري شو اللي صارلي الشيطان هو اللي وزني هي الشيطان انتي اتعرفيني وايد اعزج وعد مستحيل اجرحج بيوم او أضايقج أوعدج

هاي أول وآخر مره ...

وعد ودموعها تحرق خدودها قبل جفونها : عارف أنت كنت كل شي بحياتي والحين مالك مكان لا بقلبي ولا بحياتي

أكرهك أكرهك ... ويت بتطلع من الباب و يحاول محاوله أخيره يراضيها فيها

وبكل قوته سكر الباب وكانت وعد توها بتخطف من حذاه الشي الي خلا طرف الباب يدق بويها بالقو وتنزف بغزاره

عارف منصدم من منظر الدم الي غطى ويها بلمح البصر حاول يمسكها يشوف الجرح يسعفها يخفف عنها بس كانت في حالة اللاوعي

طلعت والدم مغطي ويهها بالكامل وعلى طول راحت لبيتهم دخلت غرفتها قفلت الباب واستندت عليه نبضات قلبها سريعه حاسه بدوخه

مب قادره اتشوف شي حاسه بضعف وو ..........

هذي كانت آخر مره يشوفها فيها ويعرف عنها ... بعد هالحادثه وعد قطعت زياراتها نهائياً و صارت عذيجه أقرب أنسانه لها

......................

في ميلس الحريم




وعد : السلام عليكم ورحمه الله وبركاته

الكل : وعليكم السلام والرحمه



أم سلطان أول ما شافتها ارتاحت وعلى طول خذتها بحضنها الشي اللي خلا ميثا تحترق ومن غيضها تمت تضحك عليهم بصوووووت عالي

ميثا بصوت مسموع على الخفيف : شو هالتمثيليات اللي يشوفهم جنهن من سنه هب متشاوفات

عوشه: هلا والله بشيخه البنات هلا بالعروس

وعد وهي تهمس في اذن أم سطان : السموحه منج عموده ها كله من سلطان هو الي غلق تلفوني وانا ما ادري

أم سطان: برايج فديتج المهم تطمنت عليكم

وعد وهي أتحب راس عوشه : اشحالج خالتي عوشه شو أخبارج عساج مرتاحه ... وبعدين خلاص انا جيمت لين متى بتم عروس ؟

عوشه: حبتج العافيه أنا بخير فديتج أنت شو مسويه عساج مرتاحه ... برايج فديتج الحرمه لين تحمل بأول ياهل اتم عروس

وعد: بخير ونعمه ... الله يسمع منج خالتي

عوشه: الله يرزقج بالذريه الصالحه ..

وعد وهي مستانسه : آآآآآآآآآمين يا ربي

كملت وعد وهي اتسلم على كل الموجودين لين وصلت عند ميثا الي وايهتها بنفس خايسه

ميثا : ياجماعه للي ما يعرف هاي حرمة حميي(حماي) سلطان

العنود ربيعة ميثا: ماشاء الله عليها شكلها حبوبه

ميثا اتخزها بعينها : اتنكتين حضرتج

يلسن الحريم عبرد والبنات عبرد .. سوالف حش نميمه وسوالف حريم يعني

بعدها راحوا يتغدون وطبعا ميثا كانت مسويه قائمه طويله عريضه فيها مالذ وطاب

بعد الغدا يا دور التحليه فنشت وعد عشان تغرف للحريم الكبار يعني اللي يتعايزن عن النشه وكبا رالسن

طول الوقت كانت عيون العنود اتراقبها أتحاول أتشوف فيها عيب أو صفه ممكن أتكرهها فيها بس مالقت استغربت من ميثا كيف ممكن تكره

هالمخلوقه البريئه ... اتساعد الكل واتسولف وياالكل متواضعه مع أنها بنت عز أنا متأكده أنه العيب فيج ياميثا والا وعد ماعليها زود

صح هي مش حلوه مثلج بس حلاة أخلاقها تلغي أي نقص فيها .... وفجأه انتبهت على وعد اللي ماخذه صحن مليان حلو واتقدمه لها

العنود: مشكوره فديتج ماقصرتي ليش تعبتي روحج كنت بنش آخذ لي وبعدين حرام عليج ها وايد ما أقدر آكلها كله بنتفخ

وعد: ههههههه وليش شو فيهم المنتفخين فديتنا اشحلاتنا كوتوموتو

العنود : ههههههههههه ماشاء الله عليج وايد كيوت الصراحه خلاص عيل تاكلين ويايه

وعد : صحيح أنه الحلو ما ياكل حلو بس عشان خاطرج ما بردج

وفي هاللحظه بالذات ... ميثا: العنود شو هذا حشا بتنتفخين ليش جذه تارسه صحنج والرجيم شو سويتي به

العنود: هه حشى يا ميثا فضحتينا وعد يابته لي وما حبيت أردها

ميثا: اذا على وعد عيل عليج العوض لا رجيم بينفعج ولا رياضه

العنود : حرام عليج ليش اتقولي جذه بتسمعج والله حرام

ميثا : وأنا الصادقه مافي ريال يبا حرمته منتفخه شرا البالونه جذه

العنود : الصراحه أنتي اتبالغين هي صح مليانه بس هب شرات البالون مثل ما اتقولين

وعد اللي كانت تسمع كلام ميثا ما أهتمت ولا فكرت أترد عليها بس عوشه هي اللي ما عجبتها تصرفات بنتها فتدخلت تدافع عن وعد

عوشه: ما أزينها وعد فديت روحها عيل شو خانتها الحرمه اليابسه شرا السعفه ما تنطاق

ميثا: والله الناس أذواق

أم سلطان: الله أكبر ذكري الله عن تحسدينها ... ماشاء الله عليها هب متينه لهاي الدرجه بالعكس حلو الجسم المليان عليها

ميثا: أندوكم منو اللي يرمس أنتي أشعرفج بهالأِشياء الرياييل هالزمن ما يبون اللي شراتها

أم سلطان: الرياييل غير وولديه سلطان غير

وعد اتكلم أم سلطان : فديييييييييييييييييت ماماتي والله أمووووووت فيج ليش اتحرين عمرج يالغاليه

برايها هذا رأيها وأنا أحترم راي الناس واذا ريلي مرتاح وعايبنه ما يهمني راي حد ....

مهره وهي تهمس لشهد : ههههههههههههه شهود اسمي أنه رد وعد أفحمها أنا أموت وأعرف ليش ميثا معاديه وعد ليش

شهد: بسيطه ياعبيطه أتغار منها ما اتشوفين سلطان كيف يموت فيها وريلها مب متحملنها شي طبيعي اتغار

مهره: صدق أحسد وعد على طولة بالها مع أنها أصغر مني بس أحسبها أفهم منا كلنا عقلها يوزن بلد ماشاء الله

شهد: أحلفي وعد أصغر عنج يالعيوز

مهره : هي والله ليش انتي ما تدرين كم عمرها

شهد: لا ما أعرف كم؟؟؟

مهره : 23 ما ادري 22 بس أكيد أصغر مني

شهد: ماشاء الله عليها الله يسعدها ولايحرمها من اللي أتحب

فهالوقت في واحد يتحرقص يبا يدخل عند الحريم يسلم على وحده عزيزه على قلبه ويحبها وووووووووووووووايد

سهيل : أففف يا ربي شو هالحاله الصراحه متوله على خالتي وعد صدق اشتقت لها

عمران (ربيعه وولد يرانهم ) : أنت أي شو هالرمسه عيب عليك هاي حرمة عمك شو هالكلام بعد

سهيل : الله يغربلك عمرانو أنت شو أتقول هاي مثل أختي الكبيره والله

عمران :انزين انت ليش مكبر الموضوع عندك رقمها صح ؟؟!!!

سهيل ببلاهه : هي

عمران : ياغبي خلاص أتصل فيها عشان تطلع برع واتسلم عليها

سهيل : امممم لا عندي فكره احلى بقول لعمي سلطان يزقرها

عمران : فكره حلوه والرياييل بعد روحوا مافي حد غريب يعني عادي سير خبره

سهيل أول ما دخل الميلس تفاجأبضربه على ويهه بالمخده الصغيره ... الميلس مقلوب فوق حدر والمخدات الصغيره متناثره فكل مكان

أول ما أنتبه شاف أنه عمامه يلعبون وي اسالم مسوين فريقين الفريق الأول يضم سيف وسالم وعارف والفريق الثاني سلطان وسعيد وخليفه وغيث

على طرف يالسين بوسلطان ، حميد ، بو محمد يتطالعون عيالهم الي يسترجعون ذكريات الطفوله ...

سهيل شهق بصوت عالي فالتفت له الكل

سهيل أي أنتوا شو مسوين والله لو أتشوفكم ماما بتسوي مناحه منو كسر هالفازه ؟؟؟؟؟

سالم أنتبه للفازه المقصوده هاي شارتنها ميثا من روما في الصيف وكلفتها مبلغ كبير ودوم اتحذرهم من الإقتراب منها

سالم : ههههههههه الله يرحمكم أجمعين

الكل تم يضحك وهو يتخيل شكل ميثا يوم أتعرف باللي صار بفازتها المفضله .

خليفه الوحيد اللي ما بدر منه أي تصرف كرد فعل للي يصير ... كان فعالم ثاني مب مصدق أنه بين أهله وأخوانه اللي يحبهم

ومشتاق لدفاهم وحنانهم يشوف أخوانه محاوطين عياله يلاعبونهم ويحبونهم ... نظره أبوه المليانه حنيه وشوق ابتسامته اللي ما فارقته من دخل

يفكر بنفسه شو اللي خلاني أنسى الضحك انسى السعاده ؟؟؟؟ شو اللي حرمني من هلي وناسي من اللي أحبهم وأعزهم ؟؟؟؟؟

ليش ياميثا ليش هديتي حياتي اللي كنت بانيها ليش غيرتيني على هلي ليش ... حس بألم فضيع حس بضعف تمنى لو يرتمي بحضن أبوه

يطلب السماح ويرجع البيت وياهم يربي عياله بينهم ....

بوسلطان : وهو يراقب خليفه حس به من دون لا ينطق عرف أنه سكوته دليل شوقه لهم حس أنه في صراع داخلي مؤلم

تمنى لو يلوي عليه ويطمنه ويقوله أن كل شي بيتغير ولللأحسن ... قلبه ما طاوعه يشوف ولده بهالحاله فراح له وتم مجابلنه يشوفه

كأنه ما شافه من سنين . ... مرت دقايق كأنها سنين ولا واحد منهم قادر يتكمل أو يعبر عن اللي فيه



................



سهيل : عمي ماسلمت على حرمتك

سلطان : شو تباها حرمتي ما يخصك فيها

سهيل : حرام عليك أزقرها بنسلم عليها تولهنا عليها والله أنتوا مول ما أتفكرون فينا ولا أتزورونا

سيف : فديت سهولي والله حبيبي نحن مشغولين أنت ليش ما أتمر أتسلم عشوابك

سهيل : ماما ما أتخلينا نطلع بروحنا شو أسوي

سلطان : انزين لا أتصيح علينا بتصل بوعد بخليها أتيكم

سالم : زين أتسوي أنا بعد بسلم عليها خلوني أتكشخ أشويه

سيف : هههههههه ياللوتي والله لو يسمعك بيذبحك

سالم : باسم الله أنا شو قلت حرام أتكشخ عشان أشوف القمر

سلطان : لا يالهرم تتغزل بحرمتي وأنا موجود خليفه ترحم عولدك

خليفه وهو يوقف بينه وبين سالم : أبعد عن ولدي يلا أشوف تذبحه عشان حرمتك مايسوى علينا

سلطان توه بينطق الا يسمع وعد تتحرطم

وعد : السلام عليكم باسم الله علي بلاكم أتحشون فيني بغيت أطيح عويهي حسبي الله على الابليس

خليفه: هلا والله حيالله من يانا أشحالج وعد

وعد استحت منه : بخير الله يسلمك اشحالك بوسالم عساك بخير وعافيه

خليفه: بخير ونعمه الحمدلله شو فيج تتحرطمين

سعيد وسيف يضحكون عليها ويعلقون : توه اللسان أشطوله أول ما شافت خليفه بلعته هههههههه

سلطان : مايخصكم بقمري فديته أنا

وعد وخلاص من الحيا صدق مب قادره ترفع راسها : سلطاااااااااااااااااان

سلطان : عيونه آمري

سالم يقاطعهم : السلام عليج أشحالج وعد

وعد : هلا والله هلا وغلا هلا بالحلوين اشحالك سالم لالا شو هالكشخه ماخليت شي لعمامك ماشاء الله عليك صرت ريال

سالم وهو مبوز : شو قصدج يعني قبل مب ريال ؟؟؟

وعد : هههههههه الله ياخذ ابليسك مب قصدي يعني بغيت أقول أنك كبرت

سهيل وهو ماد بوزه شبرين : هي وأنا ولد البطه السوده المخفي اللي ما انشاف صح

وعد: أفا والله سهيل الغالي كله ولا زعلك أنت أحلاهم أصلا وبعدين أنت أسبيشل لك سلام خاااااااااااص

سهيل هني خلاص حس بإحراج شديد هو وايد اتعيبه وعد ويحترمها ويعتبرها أخته ..... سهيل باحراج: هههه والله ودلعوني

سلطان: جني طوفه ولا معتبرين ولاحاسين بوجودي أنا زعلالالالالالالالالالالال الان

وعد: مشكله اليهال اللي يغاروووون

سلطان : ما يخصني خلاث (يقلد اليهال ) ما ثي بلوووح عند ماماتي عثان تعطيني حواوه وبقولها وعد مو دينه ما أحبها

(مايخصني خلاص مابي شي بروعند ماماتي عشان تعطيني حلاوه وبقولها وعد مو زينه ما أحبها * ترجمه )

وعد وهي مطنشتنه سارت عند أبوها : شفته يابوي كيف مأذني خلاص برجع البيت عندك

وفجأه تسمع صوت أتميزن بين مئات الأصوات ..... هلا والله بالغاليه بنت الغالي ... التفت اتشوف من يكون هالشخص

بومحمد : اشحالج بنيتي

وعد تجدمت منه وباسته على راسه : عمي بومحمد أشحالك شو أخبارك شو مسوي أشحالها عذيجه والشباب شو مسوين

وخالتي أم محمد شو أخبارها الصراحه ولهت عليها

بومحمد : بخير وعافيه يسألون عنج خصوصا خالتج وعتبانه عليج اتقول أتمر بيت أبوها ونحن ما أتطل علينا

وعد: لا والله عمي مب عن شي بس أنا أصلا أيي عند باباتي يالله ساعتين وبعدين أرجع ما يمديني بس ان شا ءالله

قريب بمركم ... عذوجه شو مسويه ولهت عليها وهي الدبه ما تسأل عني ولا تتصل

بومحمد بحزن : هي ياوعد عذيجه مب الأوليه لو أتشوفين حالها ...

وعد: عسى ما شر خير ان شا ءالله شو فيها أنا الي أعرفه كانت في استراليا ويا ريلها من سنه صح

بومحد : صح يا بنتي والحين هي عندي في البيت من شهر

وعد: أشوه ليش خير شو فيها عمي

بومحمد: وعد مبارك تزوج على عذيجه

وعد اللي حست أنه أريولها ما أتشيلها من الصدمه ما عرفت كيف تتصرف أنصدمت بالخبر اللي سمعته ، مبارك

كان يحب عذيجه من هو صغير كبر على حبها وأول ما خلصت الكليه على طول تزوجها وسافرت وياه عشان يكمل

دراسته في استراليا ... كيف ممكن بظرف سنه يمل منها ويستغني عنها وين حب السنين اللي كان يقولها عنه ؟!!!!!

كيف؟؟؟؟ وليييييش .؟؟؟ اشمعني عذيجه ياربي والله ما تستاهل وأنا ما أدري عنها ولا سألت عنها ياربي شو أسوي والله

مب قادره أصدق .... فهاللحظه حست بيد على جتفها وأول ما أنتبهت شافت أبوها حاضنها ويكلمها بس هي ما كانت تسمعه

أتشوف شفاته تتحرك ومب قارده ترد عليه بدا يهزها بقوه عشان تنتبه أو تعطيه أي إشاره تدل على أنها تسمعه ...

بس ماشي استجابه .... سلطان تجدم منها وحط إيده على خدها يكلمها ونفس الشي, أبوها ملامحه بدت تتغير وحزنه بدى عويهه ...



حميد بحزن وكمحاوله أخيره : وعد أمايه شو فيج ردي عليه دخيلج بشو حاسه ؟؟؟؟ حاسه بويع؟؟؟؟ شو فيج يا بنتي

سلطان بخوف: وعد حبيبي ردي علينا شوفي أبوج متروع عليج قولي شي انزين هزي راسج او أشري بإيدج طمنينا عليج بليييز

وعد حاسه بثقل الدنيا كله ومب قادره اتسوي شي بدت تسمعهم بوضوح وتفهم شو يبون منها بس مب قادره اترد عليهم ...

غمضت عيونها عشان يفهمون انها بخير بس مافي فايده

سهيل بدت تدموعه تنهمر دون لا يحس خايف وما يعرف شو فيها وعد

سعيد وسيف من خوفهم مب قادرين يتحركون او يشوفون شو اللي يصير حاسين أنه السالفه جايده ومب هاين عليهم يشوفون حرمة

أخوهم اللي يعزونها ويعدونها حسبة أختهم بهالحاله

خليفه متجمد مكانه ما يعرف كيف يتصرف يشوف أبوه ودموعه تسيل ومب عارف يخفف عنه شو فيها شو صار لها الله يسامحك

يا بومحمد شو هالخبر اللي صعقتها فيه ....

بوسلطان: يلس على أقرب كرسي له حس بخوف وشعور اللي بيفقد غالي .... مب قادر ينطق بكلمه ... بهالوقت دخل عليهم سالم

اللي راح يزقر أم سلطان أول ما شاف حالة وعد ....

أم سلطان: وايه يعلني فداج ياوعد شو فيج ياأمايه شي يعورج سلطان يلسها هني وهي أتأشر على الكرسي ... خليفه شل أخوانك وأضهروا برع

خلونا أنشوف حرمة أخوكم شوفيها ..... سالم أنت وأخوك بعد سيروا برع ....

أول ما يلسها سلطان شلت أم سلطان الشيله عنها عشان تقدر تتنفس عدل ... بدت تقرا عليها وتمسح ايدها واريولها ....

سلطان : اللي حس أنه فقد أغلى ناسه تم يزاعج خلاص وعد راحت خلاص وعد راحت شو بيصبرني أنا ياربي ليش أنا شو سويت عشان اتجازيني

وبصرخه هزت أركان البيت كله وعـــــــــــــــــــــــ ـــــــــــــــــــــــــ د ،،،،،

على طول طلع وركب سيارته وطلع من البيت مسرع محد قدر يوقفه

أو يسأله وين رايح.....

مشكوره عالجزء بانتضار الجزي اليديد على احر من الجمر

أموت أنا في حبهم 6

أدري أني قلت هالاسبوع ما بنزل لكم جزء بس الالهام ياني فجأه وكتبت وهاللي كتبت وأتمنى يعجبكم

هدووووووووووووووووووووووو ووووء المكان صخه محد يتكلم ولا حتى يتنفس ... الكل مصدوم وخايف



أول ما طلع سلطان من الميلس وعد غمضت عيونها من الخوف عليه وكانت تبي أتقوله أنها بخير ومافيها شي بس ماقدرت تتكلم

حاولت ترد تفتح عينها بس ما قدرت حست بثقل جاثم عجفونها ليش مب قادره أفتح عيوني ؟؟؟ شو صار ؟؟؟

عموه ساعديني بطلي عيوني ما أبي أعيش بظلمه ما أشوف شي أخاف والله يا ربي ساعدني أفتح عيوني والله ما أقدر أشوفهم يحاتوني وأنا

مافيني شي بس تضايقت عشان عذيجه والا أنا بخير وعافيه الحمدلله.....

.................



بعد اسبوع

في المستشفى الأمريكي





بو سلطان: يا حميد ارجع البيت وارتاح نحن عندها اشفيك ياخوك ما أتآمن علينا ؟؟؟؟

حميد : كيف أرتاح وأنا أشوف نور عيني بتضيع من اديه كيف يا مانع خبرني كيف

بوسلطان: الله يهداك يا حميد كلنا متروعين عليها ونتمنى انشوفها بخير اذا وعد نور عينك تراها نور بيتي وحياتي والله العالم بغلاها فقلبي

حميد : صدقني أدري بس مب بإديه لا حول ولا قوة الا بالله .... مانع

بوسلطان:يا عونه

حميد : سلطان ماعندكم خبر عنه ؟؟؟

بوسلطان: لا ياخوك شوفة عينك هاي طلعته من ذاك اليوم محد درى عنه وتلفونه مغلق حتى دوامه ماداوم

حميد : لاحولا ولاقوة الا بالله ... الله يهديه هو تسرع

بوسلطان : أخوانه قلبوا دبي فوق حدر ولا لقوله أثر ما أدري وينه ... حميد طبها السالفه أم سلطان يايه جدانا

أم سلطان: بو سلطان وينه خليفه والا سعيد الدكتور يبا يكلمهم ماعرفتله شو يخربط يرمس انجليزي

حميد: فالج طيب ياأم سلطان ألحين بنسير أنشوفه ونتفاهم وياه

أم سلطان ودمعتها هلت : بوسلطان ولدي وينه ؟؟؟؟ خلاص يا مانع ما أقدر عفراقه ما أدري شو حاله الحين طمنه خبره أنه وعد بخير

قوله تعال أمك تبيك .....

بوسلطان منزل راسه ومب قادر يسوي شي ما شاف أم سلطان بالحاله هاي الا مره وهاي الثانيه تذكر يوم وفاة سلطان( توم خليفه )

بوسلطان: يانوره استهدي بالله وسيري عند وعد يمكن أتنش وماتلقى حد عندها

أم سلطان وهي تمسح دموعها: ان شاء الله بس طمنوني شو بيخبركم الدكتور

بوسلطان: أمره لا اتشيلين

بوسلطان وحميد خطفوا من عند حجره وعد ومشو للآخر الممر اللي فيه غرف الأطباء

حميد حاس بخوف ورهبه ما يعرف شو ممكن يقول الدكتور عن حالة بنته وعد .... وأول ما وصلو الغرفه دق الباب وسمح لهم الدكتور بالدخول

حميد + مانع : السلام عليكم ورحمه الله وبركاته

د. مصطفى : وعليكم السلام ورحمه الله وبركاته

مانع : دكتور هذا أبو المريضه وعد وأنا عمها والد زوجها

الدكتور: هلا فيكم

مانع: خير دكتور طمنا عليها ان شا ءالله الحين صارت أحسن

د.مصطفى : الحمدلله هي بخير بس أنت عارف أنه في حاله الغيبوبه المؤقته كل شي جايز واحتمال بحدود اسبوعين ترجع المريضه لوعيها

وأتمنى لما يصير هالشي ما يأثر عليها بشكل سلبي ،،، أخ حميد عندي لك سؤال وأتمنى أتجاوبني بكل صراحه

حميد انتبه للدكتور أنه يكلمه : هلا دكتور تفضل أسأل

د.مصطفى: هاي أول مره تدخل بنتك فغيبوبه ؟؟؟؟؟

حميد :لا

د.مصطفى: متأكد

مانع اللي ما عجبه أسلوب الدكتور رد وهو شبه معصب : دكتور أنت شو أتقول يعني الحين أبوها اللي مربنها ما بيعرف

د.مصطفى : أنا آسف ما قصدت بس حبيت أتأكد لأنه سجلها الطبي ما فيه شي يدل على أنها دخلت فغيبوبه من قبل

حميد: دكتور هالشي صار لها من ثمان أو تسع سنين يعني موضوع قديم وأنا دخلتها عياده خاصه يومها

د. مصطفى : أها دام أنها مش أول مره يعني عندكم خلفيه عن الموضوع ممكن تساعدنا فشفاءها

حميد : صدق !!!!

د. مصطفى : طبعا يا أخ حميد كل المطلوب منك اتخبرنا بالسبب اللي ادى لدخولها الغيبوبه

حميد: نتيجه لسوء فهم صار بينها وبين الجيران رجعت البيت ، دخلت غرفتها و قفلتها وأغمى عليها بعد ثلاث ساعات أكتشفنا

أنها مغمي عليها وعلى طول أخذتها العياده وخبرونا أنها دخلت بغيبوبه مؤقته استمرت فيها لثلاث أسابيع

د. مصطفى : أها فهمت يعني هي تعرضت لصدمه خلتها تدخل الغيبوبه وهالشي بنظري بسبب الحاله النفسيه يعني هي احتمال تكون أنصدمت بشي أو حد زعلها

حميد : أيوه دكتور أنا مثل ما قلت لك سمعت خبر زعلها وهاي حالتها من سمعت الخبر ....

د.مصطفى : أنا من رأيي نتركها يومين تحت الملاحظه واذا استمرت بغيبوبتها بنطلب الاستشاره من الدكتور النفساني

مانع : وليش الإنتظار يادكتور ...؟؟؟

د.مصطفى : أخي الكريم هي مش مشكله بس أنا من رأيي ننتظر عليها فتره وبعدين نعرضها عليه

حميد: خلاص دكتور على راحتك شورك وهدايه الله ... تامرنا بشي دكتور

د.مصطفى : تسلم ولا تشيل هم بإذن الله راح ترجع مثل أول وأحسن ...



..............



على جبل حفيت وبعد صلاة المغرب

رافع إيده للسما يدعو ربه يطلب عفوه جسمه يرجف بشده يتجدم خطوه بس يتراجع بسرعه ويستغفر ربه ...

ليش يا ربي أتجازيني بهالطريقه شو ذنبي أنا بشو غلطت والله ما بقدر أعيش دونها هاي حياتي وكل دنياي ياربي ساعدني ساعدني....

ليش يا سلطان ليش أتسوي جذه أنت انسان مؤمن وأدرى بأنه الموت حق وأن كل أمانه مردها لصاحبها عيل ليش تبي تكفر وتغضب ربك

اترحم عليها وأدعيلها هي محتاجه لدعائك أكثر من أي شي ثاني ... راحت وخذت روحك وياها وذكراها باقيه بقلبك .. هذا امتحان من ربك

أستغفر ربك وشوف أهلك كافيهم الهم اللي هم فيه لا أتزيد جروحهم لاتكون أناني وأرجع لهم أسند أبوها وخلك يمبه محتاج لوقفك وياه .....



خلاص قرر سلطان يرجع لهله بعد ماطلع عنهم من دون لا يعرف مصير زوجته ... وعلى طول رد دبي



الساعه 11 ونص في دبي وفبيت بوسلطان تحديداً



سعيد :فديت روحج يالغاليه لا اتسوين بعمرج جذه ان شا ءالله ما عليه شر وبييبه لج صدقيني بس عطينا فرصه

أم سلطان وهي أتصيح : ياولدي ماعاد فيني صبر كافني اللي شفته فوعد ما أبي أخسر اثنين بوقت واحد

سيف : أستغفري ربج ياأمايه ليش تتفاولين عليهم وعد بإذن الله بتقوم بالسلامه وأحسن من قبل وولدج ماعليه خوف أحسبه أحيانا

يتصرف مثل اليهال .. ألحين واحد مسؤل عن بيت مثله يتصرف هالتصرف الطفولي ....؟؟؟؟!!!

سعيد: سيف مب وقته هالكلام اذا عندك شي يطمن قوله والا سكوتك من ذهب حبيبي

أم سلطان: وايه عليك يا ولديه فقديت روحك وينك عن أمك وين والله أحس بويع فقلبي ليتك أترد وأترد روحي وياك

سيف حب أنه يغير جو : الله يا زمان الحين لو أنا اللي غايب عنج يا أم سلطان جان ما نشدتي عني والا الحب لبعض الناس ونحن عيال

البطه السوده ...

أم سلطان : فديت قلبك أنتوا كلكم عيالي ومعزتكم وحده ان فقدت واحد أفقد روحي وراه

سعيد : الله الله شو هالكلام شو هالغزل صوبنا يالحلو نحن هنا عطونا مما أعطاكم الله

أم سلطان وشبه ابتسامه على شفاتها : الله لايحرمني منكم أنتو نور هالبيت

سعيد وسيف : فديت روحج الله يعطيج الصحه والعافيه ويخليج لنا يارب

بوسلطان وهو حادر الصاله : يالله يا موزه عيالج ما يبوني بس الا تدعون لأمكم وأنا شو منو بيدعيلي عيال البطه السوده

سعيد : سيف جنه أبوي يطريك ياولد البطه السوده ههههههههه

سيف: فديت باباتي حبيبي أنا

بوسلطان: الله يذكرج بالخير ياوعد محلا كلمة باباتي من ثمها

الكل تبدلت ملامحه ولاحظوا نظرة بوسلطان الحزينه

أم سلطان : بوسلطان

بوسلطان :عيونه

أم سلطان استحت :الله يسلم العيون وراعيها

سعيد : إحم إحم نحن هنا يعني لازم اتغازلون بعض جدام عيالكم !!!!

سيف اللي أنصدم من رمسة سعيد جدام أبوه هو عادي يقولها جدام أمه بس أبوه مستحيل

سيف: سعيد تعال بغيتك بكلمة راس

بو سلطان : بوعسكور عيدها الرمسه ما سمعتها

أم سلطان : لا يعيد ولا يزيد يلا سيروا وطوا راسكم عشان ما تتأخرون على دواماتكم باجر

بوسلطان : أشفيج يانوره خليهم أبي أشوف عيالي أيلس وياهم خوفي هذي آخر مره لي وياكم

أم سلطان: باسم الله عليك بو سلطان خير أشفيك ليش أتقول هالرمسه تشكي من شي ؟؟؟؟

بو سلطان اللي ما قدر يسيطر على نفسه وهلت دموعه بغزاره: نوره أشوف البنت أتروح من أيدينا ومب قادرين أنسوي شي

وولدج ما ندري عن أرضه شو من عيشه هاي شو من حاله هاي كم بصبر والا كم بتحمل مافيني شده ....

أم سلطان بصدمه : مانـــ .....ع ما كملت جملتها الا هي طايحه على الأرض غشيانه ..... على طول رفعها سعيد وحط راسها بحضنه

سيف : أمايه فديت روحج شو فيج ردي عليه

بوسلطان الصدمه جمدته بمكانه مب قادر يتصرف مب مستوعب اللي يشوفه معقوله هاي نوره زوجته شريكة حياته اللي بعمرها

ما تشكت ولا فيوم حسسته بضعفها رغم أنه عندها السكر بس عمرها ما أهلمت صحتها وصار لها مثل اليوم...



مرت دقايق وهم على هالحاله وفجأه تبطل باب الصاله ودخل سلطان تفاجأ بالمنظر اللي شافه أمه بحضن سعيد أبوه واقف على طرف

وسيف غرقان بدموعه يحاول يوعي أمه ...

سلطان بداخله صراع ... لامستحيل تتخلى عني هاي أمي مستحيل أخسرها مستحيل وعلى طول شلها من عند سعيد وخذها لسيارته

سلطان: سعيد افتح الباب بسرعه ... سيف ييب عبايتها وخلك عند أبويه

سعيد : سلطان وين كنت ؟؟؟ متى ييت !!!!

سلطان: سعيد مب وقته هالكلام اتحرك فج الباب بسرعه

سعيد : ان شا ءالله

كل هالأشياء صارت وبوسلطان واقف مكانه مب قادر يستوعب اللي صار .. سيف مايعرف يتصرف ويا أبوه متعود هاي الاشياء

أمهم تهتم فيها ... تقرب منه وحاول يسحبه عشان ييلس على الكرس بس كأنه لمس حجر أبوه متجمد مكانه برغم بنتيه القويه ما قدر يحركه خطوه

سيف: أبويه .... أبويه ... حط ايده على جتف أبوه

بوسلطان انتبه : سيف أمك وين ؟؟؟

سيف: أبويه سلطان وسعيد ودوها المستشفى

بوسلطان: خلنا نلحقهم وتجدمه بس رجع له مره ثانيه .. سيف منو مودي أمك المستشفى!!!!!....؟؟؟؟؟

سيف: سلطان وسعيد

بوسلطان: سلطان رجع؟ ؟؟؟!!!!!

سيف : هي نعم رجع يابويه وهو بخير









في المستشفى الأمريكي قسم الطوارئ



سلطان دخل القسم وهو يركض شال أمه وعلى أول شربيه لقاها عند المدخل حطها وطلب الدكتور

قسم الطوارئ معتفس فوق حدر الي يصارخ واللي يتألم والي يركض ...

حس نفسه وسط دوامه مب عارف كيف يتصرف

دخلو أم سلطان غرفه العنايه المركزه والدكاتره حولها اللي يقيس الضغط والي يشوف دقات القلب والي ....

سعيد وسلطان واقفين عند الباب يراقبون اللي يصيرمن فتحه زجاجيه في الباب ... ولا واحد منهم نطق بكلمه



ثواني وسمعوا يولة وراهم وأول ما ألتفتوا شافوا مجموعه كبيره من الدكاتره ووياهم مريضه على السرير

سلطان لفتت نظره وماقدر يشيل عينه عنها وسعيد على طول راح صوبها ... سلطان تم واقف مب مستوعب اللي يشوفه

ياربي هاي نسخه من وعد سبحان الله صدق يخلق من الشبه أربعين ... أستغفر الله العظيم الله يشفيها و شل عينه عنها

سعيد ليش راز بويهه وساير عندهم عوذ بالله من الفضول اللي فيه مودر أمه وساير يتطالع بنت الناس ... أفففف

سلطان : سعيد يا سعيد شو أتسوي الله يهداك

سعيد : سلطان أتصل بأبويه سلطان تصرف وعد ماأدري شو فيها الدكتور مب طايع يرمس

سلطان اللي انصدم وحس أنه قلبه بيوقف ... هاي وعد ؟؟؟!!! يعني وعد ما صار لها شي ؟؟؟!!! سعيد وعد بخير ؟؟؟ وعد ما ماتت

سعيد : سلطان أنت شو أتخربط وعد مافيها الا العافيه بس هي فغيبوبه ... سلطان دخيلك تحرك سر للدكتور شوف شو صار عليها

سلطان من الفرحه مب عارف كيف يتصرف صح قلبه عوره عليها لأنها فغيبوبه بس بعد هو مستانس أنها ما خلته وراحت

سعيد : سلطااااااااااااااااااان مبرد أعصابك أنت شو ما أتحس أقولك حرمتك ما أعرف شو ياها واقف شاق الحلج وأتوزع إبتسامات ؟!!!!!

بهاللحظه بالذات دخلو سيف وبوسلطان وعلى طول بوسلطان لوى على سلطان بالقو تم لاوي عليه فتره طويله وسلطان مستغرب أول مره

يحس بحنان أبوه أو بالاحرى أول مره يحس بحاجة أبوه له .. ما تعود يشوفه بهالحاله بس اليوم غير سلطان مب قادر يستوعب الي يصير

بيوم واحد يعرف غلاته بقلب أبوه ويعرف أنه حياته وكل دنياه حيه ترزق ... اللهم لك الحمد والشكر ياربي اتساعدني وأتخفف عنها

بوسلطان بعد ما شبع من ولده : سلطان بويه أنت وين سرت عنيه ؟؟؟ ليش جي ياولدي خليتنا نستهم عليك

سلطان تجدم من أبوه وحب راسه : السموحه منك يابويه والله غصبن عني ما أدري ليش تصرفت جذه أبويه وعد مامات أبوي وعد بترجع لي

بوسلطان: بإذن الله بتقوم بالسلامه وترد شرا قبل .... سلطان أمك شو صار عليها ؟؟؟؟

سعيد : أبويه أمايه الدكاتره عندها بعدهم ما خلصوا فحوصات ... أبويه ... وسكت

بوسلطان : خير يا سعيد شو فخاطرك ؟؟؟؟

سعيد : ماشي سلامتك ... أنا وسيف بنروح أنشوف وعد وبرنجع

سلطان: سعيد وين بتروح خلك عند أبويه وأنا بسير أشوفها

بوسلطان: سر يابويه سر شوف حرمتك الله يرحمنا برحمته

سلطان وهو ساير صوب غرفة الطوارئ شاف خليفه داخل مستعيل ويا ولده وحرمته ميثا....

سالم أول ما شاف سلطان ركض عنده ولوى عليه : عمي فديتك الحمدلله على سلامتك وين سرت ليش جي أتسوي فينا ليش

خليفه : سلطان وينك يالغالي شو أخبارك طمني عليك

سلطان وهو مب عارف يفسر الأحاسيس الغريبه اللي أجتاحته وعلى طول لوى على أخوه وتم بحضنه مثل اللي يدور على الأمان

حس أنه خلاص في وراه سند عنده شخص يقدر يعتمد عليه حس براحه عجيبه وهو بحضن أخوه ماوده يفارقه للحظه ......

ميثا: بسكم فضحتونا شو ها حتى الحريم ما سون حركاتكم

سالم: أمايه لو سمحتي إرحمينا وأسكتي يعني ما قدرتي تتحمدين له بالسلامه بس افتشلتي يوم شفتيه بحضن أخوه

ميثا: أنت قليل الأدب حد قالك هالشي

سالم : طبعا بكون قليل أدب يوم أنتي أمي

خليفه ما حب يفوت هالفرصه عليه وخلى أخوه على نفس حالته لين يرتاح .. بس كلم ميثا بصوت واطي : ميثا مب وقته الحين

أنا قلت لج من البدايه ييتج مالها لزمه ....

ميثا :أنت بدل لا أتسنع ولدك أتسمعني هالرمسه اللي تسم البدن الله يسامحك ياخليفه أظن لو أنا مكان وعد جان تزوجت علي من ثاني

يوم ولا افتكرت ....

سلطان:ميثا لا اتقولين جذه الله لا يقول أيي مثل هاليوم

ميثا: بس الفرق ناس أشطر من غيرها مجهزين الدوا من قبل الفلعه

سلطان ارتبك حس أنه ميثا قصدت تقول هالرمسه وكأنها أتعرف بسالفته بس تدارك الموضوع وما بغاها تتمادى أكثر : الله يهديج يا ميثا

خليفه اللي خلاص مب قادر يتحمل كلمه منها : ميثا أندوج سويج السياره يلسي فيها وان بغيتي اتصلي بالدريول خليه يردج البيت ... سلطان أبويه وين؟؟؟

أمايه شو ياها ؟؟؟ وليش ما أتخبروني والا خلاص بعيد عن العين بعيد عن القلب

سلطان: ما أدري يا بوسالم أنا روحي توني حادر البيت شفت أمايه طايحه عليهم ما دريت بعمري الا وأنا في المستشفى وياها ....

خليفه : أبويه وين وشو قال الدكتور وينهم خلنا أنيسر عندهم

سلطان : بوسالم هم في قسم الطوارئ الصوب الثاني

خليفه : يلا عيل سرينا

سلطان: برايكم تجدموني بسيرأتطمن على وعد

ميثابصوت عالي : خليفه شو ها أنا طوفه هبيطه عندكم ؟؟؟؟

خليفه : ميثا ردي البيت أخير لج لا أتخليني أتصرف تصرف تندمين عليه طول عمرج

ميثا : لا ياخليفه ما عاش من يهددني

خليفه لف عليها والشرر يتطاير من عيونه وهو يرص على أسنانه : شو قلت أنا ؟؟؟؟؟

ميثا طلعت بتروح السياره وهي تتحرطم

خليفه: سالم شو موقفنك هنه الحق أمك أتصل بعلي وصلها البيت وأرجع ان بغيت

سالم : ان شاء الله (تم يتحرطم فخاطره يعني من زود حبها ليدتي يايه ويانا أفففففففف)



وصل سلطان عند الغرفه اللي فيها وعد دقات قلبه متسارعه خايف ومستانس بنفس الوقت ... أحمدك يارب أهم شي بشوفها

بقدر أكلمها مثل قبل بتكون لي وحدي يارب أتقدرني أسعدها يا رب أتساعدها يارب تشفيها .... أستجمع قوته ودخل الغرفه

كانت مغمضه عيونها وعلى ويها إبتسامه هاديه .. مثل ما هي دوم مبتسمه معقوله تكون فغيبوبه ؟؟؟ لا ما أظن أكيد نايمه وهم يجذبون

انتبهت الممرضه عليه : عفوا شو عمل تعمل هون ؟؟؟؟

سلطان : ااه أنا زوجها

الممرضه: آسفه أستاز ... أتطمن صحتها كتير منيحه يعني ما في شي بيخوف الدكتور بيقول احتمال تستعيد وعيها هيدا الاسبوع بالكتير

سلطان : والله متأكده أنتي

الممرضه : أكيد أستاز وهيدا التقرير وازا بدك أتشوف الدكتور المناوب ببلغو

سلطان: أكيد الله يخليج بس خبريني وين مكتبه بروح عنده

الممرضه : منا مشكله بعد نص ساعه بدوا يعملا جك أب ثاني فيك تحكي ساعتها

سلطان: ان شاء الله مشكوره ... ممكن أقعد عندها ؟؟؟؟

الممرضه : أي أكيد ... وطلعت عنهم

سلطان تقرب من السرير مد إيده ولمس خدها حس برعشره تسري بجسمه رفع إيده عنها ... مسك ايدها ونادى عليها بهمس

وعد... حبيبي ... مافي جواب كرر المحاوله : وعد يالدبه ردي علي أنتي ما أتعرفين شو صار لي وعووود والله كنت بموت

روعتيني عليج يالعنز ما أحبج أنزين وأنا زعلان نشي والا ترا صدق بروح عنج ولا بتشوفيني أبد ....

وعد خلاص أنا آسف والسموحه منج ... مممم وعد ترا بومحمد وبنته بيزورونج باجر ربيعتج بعد موجوده هي محتاجتنج ألحين يعني لازم اتنشين

وعوووووووووووووود والله حرام عليج ارحمي حالنا وعد أمايه طاحت علينا ما أدري شو ياها ،،، وعد ماماتي نشي الله يخليج أنا محتاجنج والله

الكل ضايع من دونج أبويه يا وعد الدمعه ما أتفارق عيونه وأنتي أتعرفين غلاتج عنده ما يحتاي حد يقولج وعد أرجووووج ،،،

خلاص بهاللحظه أنهار سلطان ماقدر يمثل دور الانسان الصابر اللي ما يتأثر بالمشاكل بدت دموعه أتهل ويغزاره سكت عن الكلام ودموعه

هي اللي عبرت عن اللي فخاطره عن حزنه ،،، عن خوفه ،،، عن حاجته لأغلى ناسه ،،،،



دخلت الممرضه الغرفه وشافت سلطان بهالحاله غمضها : له له ليش هالدموع استاز لشو عم تبكي انت انسان مؤمن والمفروض بهالوقت تدعي لا

سلطان حس بالاحراج وعلى طول مسح دموعه ما قدر يرد عليها بس اكتفى باتسامه مغصوبه .....

الممرضه : هيك بدنا أنشوف هاي الابتسامه الحلوه .... هلا الدكتور بيمرق عليكون ... تؤمرني بشي استاز ؟؟؟؟

سلطان : مشكوره ما اتقصرين

الممرضه : خليك مبتسم هيك بتحس فيك وبتسمع لك

سلطان ومن كل قلبه : أتمنى تسمعني وترجع لي ،،،،









في بيت عوشه أم ميثا



عوشه : بلاج مويمه (مبوزه ) يا ميثا هذا مب وقت عتب وضرابه الله يهداج وأشعنه ما خبرتيني يوم عن نوره

ميثا : امي الله يهداج أنا فوادي وأنتي فوادي يعني أقولج ولدي ما يحسب لي حساب وأبوه مساندنه

عوشه : والله محد سوابه جذه غيرج يا ميثا عيل كيف تبينه يحترمج وأنتي ما تحترمين يدته ؟؟!!!!

شهد : الصراحه سلوم فديته محد أحسن منه وأحسبه يتضايج من تصرفاتج ويا أهل أبوه أنتي حاولي تاخذينه بالزين هو مراهق

والكلمه الحلوه أتأثر فيه ...

مهره : طيعي الشور يا ميثا أنتي أبخص بمصلحتج ومصلحة عيالج

ميثا: هاللي ناقص قومن ضربني وعلمني السنع على آخر عمري هاليهال يتفلسفن عليه

عوشه : وانتي كلمه الحق تكون تفلسف على قولتج ؟؟؟!!!!

ميثا : أوهووو أنا الغلطانه أصلا لو رايحه بيتي أخير لي تصبحين على خير ... وينه محي الدين خليه يوصلني

عوشه : ميثا باجر بمر عليج بنروح عند أم سلطان واعليه عليها ما تستاهل

ميثا : أنا مشغوله باجر خذي البنات وياج

عوشه : ويدي شو الي شاغلنج وعمتج مرقده في الدختر ؟؟؟؟!!!

ميثا : عندي جلسه ليزر في الصالون ماأقدر أفوت الموعد

عوشه : شو جلسته هاي بعد ؟؟؟؟!!

شهد : أمايه هاي جلسة تنظيف بشره بس بأشعة الليزر

عوشه : الله أكبر عليج وأشله هالغربال بشرتج ما يبالها شي ... اسميج أنتي عياره

ميثا : يلا وداعة الله ...







في بيت بو محمد

عذيجه وهي أتصيح : فديت روحها والله أصيله

عارف : والحين هي كيف حالها ؟؟؟

عذيجه : ما أدري يا عارف أبويه يقول في غيبوبه والدكتور يقول احتمال توعى الاسبوع الياي

عارف : انتي زرتيها ؟؟؟؟

عذيجه : لا الصراحه ما بتحمل أشوفها مرقده من دون حس

عارف : الله يسامحج الحين هي وصلت لهالحاله بسبتج وما تبين أتسيرين عليها !!! ما يصير

عذيجه : والله مب عن شي بس ما أبي أشوفها بهالحاله ... الحين وعد البشوش الانسانه الحبوبه يصير بها جذي ليش ياربي ليش

عارف: استغفري ربج وتعوذي من ابليس ادعيلها مب وقته هالكلام أبد وباجر الصبح اجهزي أنا بوديج عندها ...

عذيجه : ان شاء الله ... يلا تصبح على خير ....

عارف : عذيجه

عذيجه : لبيه

عارف : لبيتي حايه قولي آمين

عذيجه آمين ... خير بغيت شي ؟؟؟؟!!!!

عارف : ما أتقولين لي لين متى ناويه أتمين على هالحاله ؟؟؟

عذيجه : أي حاله ؟!!

عارف : عذوج ماله داعي الاستهبال

عذيجه : عارف اللي صار مب شويه عليه أنا بشر يا عارف عندي احساسيس

عارف : عذوجه فديتج كل شي بالتفاهم ينحل

عذيجه : أي تفاهم يا عارف أنت شو أتقول ؟؟!!! تبيني أرجع للي أهاني للي جرح احساسي واللي باعني برخص التراب ؟؟!!!!!

مستحيييييييييييل

عارف : يا عذيجه الله يهداج بعد كمن شهر بتولدين وهالولد شو مصيره فكري فيه على الأقل لو ما أتهمج مصلحتج والريال ما سوا

شي غلط تزوج خير شو يعني ترا الشرع محلل له أربع والا نسيتي

عذيجه : عارف ..... صدقني ما بتحسون بوجودي ولا بكلف عليكم بمصاريفه بشتغل وبصرف على نفسي وأنا الي أقول أخوي سندي درت ضدي

وياه لأنه ربيعك وأنا صرت الغلطانه الحين ...

عارف : عذوج شو هالرمسه الخايسه أنتي أختي وتاج راسي ما أبيج أتفكرين بهالطريقه مستحيل أتعايز أصرف عليج وأنا ما قلت هالكلام الا

لمصلحتج مب لأني متآذي منج أو شي ....

عذيجه : عارف بلييز غير الموضوع

حمد(21) + هزاع(20) : السلام عليكم ورحمه الله وبركاته

عارف وعذيجه : وعليكم السلام ورحمه الله وبركاته ... .

عذيجه : ماشاء الله وايد من وقت راجعين الحبايب !!؟؟؟ جان كملتوا لـ 12

هزاع : أنا ما يخصني من زمان مخلص وأتريا حماده يمرني بس هو متأخر في السينما

حمد : عذوجه والله كنت ويا الشباب نتعشى وتأخرنا أشويه وبعدين توها 11 ونص

عذيجه :لا والله

حمد : فديت أحلى أخت وأغلى ناسي فديت روحها

عارف : بسك تقردين وأنا ساكت لكم من زمان أنتوا الاثنين كم مره منبه عليكم قبل الـ 11 ترجعون البيت ما يخصني

شو كنتوا أتسون والا ليش المهم 11 انتوا منثبرين في البيت ...

حمد : أففف تفلسف الأخ .. والله أظن أبويه بعده عايش وهو اللي يحاسبنا مب أنت

عارف : نعم نعم شو قلت عيدها الرمسه أشوف

حمد : مب متفيج لك

نش له عارف وشكله ناوي له نيه مب زينه : شو قلت ؟؟!!!

عذيجه : حمد .... عيب عليك كيف اترمس اخوك العود بهالطريقه ها ؟؟؟ عارف لو سمحت ماله داعي تتجاتلون نصايف الليل

بتذبحون أمي روحها اللي فيها كافيها ... زوز شل حماده وسيروا رقدوا

عارف: هذا مب متربي أخوج بس أنا اللي بربيه يا عذوج

حمد : روح زين

هزاع : حماده الله يغربلك اسكت ما نبا مشاكل

حمد : روح لاه يالجبان شو يعني أخوي العود والله أنا مب ياهل يتحكم فيه ولا بنيه انزين

هزاع : أنا مب جبان أوكي واذا أنت اتشوف طولة لسانك هاي شطاره فأنت غلطان ... أنا ما أخاف منه بس أحترمه لأنه أخوي الكبير فهمت

حمد : عيل ما أشوفك تحترمني يالهيس

هزاع : بخبرك تراك مصدق عمرك وايد .. قم قم خلني أرقد



دخلت غرفتها اللي ما تغير فيها شي ... على يسارها طاوله صغيره تتوسطها فازه كبيره على شكل قلب محتفظه فيها بالورود اللي اهدوها لها

من ربيعاتها من اخوانها من زوجها .. حست بغصه دارت دمعتها اللي هلت غصبن عنها .... استرجعت ذكرياتها الجميله

تذكر أول ما خطبها مبارك كانت أتحس بخليط غريب من المشاعر ما أتعرف كيف تتصرف وعلى طول راحت لوعد اللي وقفت وياها وفرحت لفرحتها

لليوم تذكر رمستها ....

عذيجه :وعود لحقي علي

وعد : باسم الله اشفيج توني مسكره عنج شو بغت أمج وما كانت تبيني أعرف؟؟؟

عذيجه : تدرين امايه شو كانت تبا مني ؟؟؟؟

وعد : أنتي هبله والا تستهبلين توني أسألج

عذيجه : هههه والله ما أنتبهت وعود أنخطبت وعلى طول غطت ويها بايدها وأحمرن خدودها

وعد : ههه أتصدقين أنا عرست وعندي ياهل

عذيجه : وعود يا حماره ما اتغشمر جد أرمس أنزين

وعد : قولي أحلفي

عذيجه : هههه والله وعود مبارك بن حارب خطبني

وعد : خييييييييبه ما جذب خبر حشا مب كلمه سبال هاي اللي خبلتبه

عذيجه : أويييه وعود تعتقدين خطبني عشان ينتقم مني

وعد : باسم الله شو هالخراريف شو ينتقم ما ينتقم ما يبالها رمسه أصلا هو خبلتيبه من شافج والا نسيتي نظراته كان بياكلج بعيونه

عذيجه : وعود شو أسوي

وعد : قومي أرقصي..... عذوج شو هالرمسه اصطلبي أشوف وخليني أنصحج

عذيجه : مصدقه عمرج أنتي

وعد: عذوج بسرعه أتقوليلي كل اللي صار من طأطأ للسلام عليكو ما يخصني ...

عذيجه : ماشي أمايه قالت لي عذيجه ناس خاطبيـــ و أتقاطعها وعد ... أنا شو قلت ؟؟؟! من البدايه أبي من أول ما قالت لج سكري التلفون

وتعالي حجرتي أبيج بسالفه ...

عذيجه : أنزين أنتي أتعرفين البدايه

وعد: ما يخصج يلا بسرعه

عذيجه أنزين بس لا اتقاطعيني

وعد: أوني يلا ارمسي أطربيني

عذيجه : أول ما سكرت عنج سرت عند أمايه الحجره شفتها تبتسم وتتطالعني بنظرات حسيت أن السالفه فيها إن جان

تقول لي (وهي أتقلد أمها ) عذيجه يا بنتي أنتي أتعرفين أنه كل بنت مصيرها بيت ريلها وأنتي ماشاء الله عليها مب ناقصنج

شي ويا اليوم اللي بتصيرين فيه حرمة بيت ومسؤله من ريال ....

وعد وهي متأثره وعايشه الموقف: واااااو

then , what happend tell me

عذيجه :قلت لج لا ترمسين انزين ...

وعد : أوكي

عذيجه : طبعا أنا كنت مستحيه وساكته وبعدها جان تسألني أتعرفين مبارك الكتبي ربيع أخوج عارف ؟؟؟

هزيت راسي بلا طبعا ما أقدر أقولها أني سبيته يوم تحريته يلاحقنا على الشارع ههههههه

وعد : تتخيلين كانت بتذبحج والله

عذيجه : هههه هي والله ... المهم قالت لي هو خطبني من أبويه وأبوي موافق مبدئيا ويبون يشوفون رايي قبل لا يقربون بهم

وعد: حظج عذوج عندج أم وخصوصا في هالوقت البنت وايد تحتاج أمها

عذيجه : وعوده حبيبتي ماماتي ماماتج صح يعني ماله داعي هالكلام كله .....

وعد اللي ما حبت أتخرب على ربيعتها فرحتها ووناستها تصنعت البسمه وكملت وياها : عذوج أوييه شو بفصل حق ملجتج

عذيجه : ههه ضحكتيني والله ماماه ماشي حفله ملجه وخرابيط بنملج وبنفس الاسبوع العرس يعني فكري بفستان العرس على طول

وعد : خيبه ليش جي مستعيلين هم ؟؟؟

عذيجه : الله يسلمج ترا هو نازل اجازه ثلاث شهور بعدين بيرد أستراليا يكمل دراسته فقبل لا يرد يبا يعرس وبيشلني وياه

وعد: عذوج بتروحين وأتخليني بروحي ؟؟؟!!!!

عذيجه : وعوده يالدبه أنتي ليش أتجهزين الدوا قبل الفلعه اذا صار نصيب ما اقدر أقول لا وبعدين بس سنه وبنرجع ان شا ءالله

وعد : حلو أتصدقين أحسن عشان أتصير سنه عسل بدل شهر عسل ...أنا بعد يوم بعرس بسير وياريلي سنه شهر عسل

عذيجه :اي استحي عويهج انزين

وعد: هههههههههه من حقي كيفي بستانس ويا ريلي ما يخصج

عذيجه : وعود الاسبوع الياي بييون وهو بعد عشان يشوفني

وعد : شو هالمنكر ماجنه شايفنج بعد ليش هالمنكر

عذيجه : ما ادري والله أنا من الحين حاسه بربكه شو بسوي اذا صدق يوا !!!

وعد: بس تدرين أحسن تقدرين تسألينه عن السبب اللي خلاه يخطبج منه تاخذين وتعطين وياه ومنه تتأكدين أنه ما يبا ينتقم منج عقولتج

عذيجه : أميي ما أتخيل عمري أكلمه

وعد : باسم الله جي شو دراكولا والا بياكلج يعني

عذيجه : بعدين تعالي أصلا تعتقدين بيخلونا انرمس بعض ؟؟؟ ما أظن

وعد: ليش حبيبتي نحن مب في عصر الجاهليه عشان ما يخلونج أتشوفينه وأتكلمينه اذا الشرع حلل للخاطب يشوف اللي بيخطبها

منو يقدر يعترض ؟؟؟

عذيجه: ما ادري أحس عارف ما بيطيع

وعد حاست بوزها : شو وليش منو عارف ان شاء الله أهم شي أبوج راضي محد له خص

عذيجه: وعدوه توه الناس على هالسالفه بس لازم اتيني بعد باجر تراهم بيون

وعد: عذوج حبيبتي والله ما أقدر صدقيني كل شي بيكون أوكي لا أتحاتين

عذيجه : خلاص وعد كفايه 8 سنين وأنتي ما حدرتي بيتنا بس هالمره تعالي عشان خاطري ما أبي أتم روحي بلييز

وعد: يالهبله ما بتمين روحج عندج روضوه وحمدانه

عذيجه : بتذبحج حمده لو تسمعج تقولين حمدانه

وعد: اتولي ما يخصها أصلا كيفي أقول اللي أباه



..................



في العين وفبيت مزنه تحديداً

فاضل: مزنه أنا السبب بالي أنتي فيه وأنا الي بحل مشكلتج

مزنه: فاضل دخيلك ماله داعي أتسوي شي وأنا ما عندي أي مشكله الحمدلله عايشين أنا وعبادي ومب محتايين شي

فاضل : أنتي شو ماأتحسين كل هذا وأتقولين ما فيني شي ليش يامزنه أنتي ما لج ذنب واذا هو مب قدالمسؤليه ليش يعذبج

مزنه: فاضل الظروف اللي يمر فيها ألحين وايد حساسه وأنت أدى وأنا ما أقدر أبني سعادتي بهدم بيت غيري

فاضل : لين متى يا مزنه وأنت صابره يعني قبل لا أتكون فحياته غيرج ما كان هذا حاله

مزنه: أنت أكثر واحد لازم تعذره وأنت عارف الظروف الي تزوجنا فيها

فاضل : ماله عذر يا مزنه محد قاله يستعرض بطولاته

مزنه: فاضل هو ستر عليه ولا له دخل باللي صار ... فاضل لا تنسى أنك السبب في اللي صار

فاضل نزل راسه ماله ويه يرمس كيف يعترض او يعصب وبالفعل هو كان السبب في ضياع أخته ومستقبلها المجهول

تذكر قبل سبع سنين وبالتحديد يوم ولادة حميد

رغد فجأه تدهورت حالتها الصحيه واتصلت بمزنه تستنجد بها بما أن فاضل كان مش موجود وتلفونه مغلق

رغد: دخيل الله يامزنه عجلي ما عادي فيني أتحمل

مزنه: ان شا ءالله رغد انتي هدي بالج بعد أشوي بكون عندج بحاول أطلع من دون ما يشوفوني أهلي

رغد: حاسه حالي بمووووت يا مزنه والله بموووووت

مزنه: باسم الله عليج تعوذي من ابليس الحين بييج يلا باي ..

سكرت عنها وعلى طول لبست عبايتها وشافت الأوضاع في البيت ... أمها وأبوها وأخوانها الصغار في دبي

أخوها بدر وحرمته سايرين بوظبي .... خالد الوحيد اللي في البيت وراقد يعني الأمن مستتب تقدر تطلع وترد من دون لا حد يعرف

اتصلت بفاضل وقالها أنه عند الباب ... أول ما طلعت شافت مرسيدس أسود مخفي وعرفت أنها سياره أخوها .....

دخلت وقعدت عداله

مزنه: يلا فاضل بسرعه تحرك بسرعه

..... : أنطلق بسرعه الصاروخ وما مداها أتفج الغشوه الا شافت شي ما توقعته أبد ... الشخص اللي يسوق مب فاضل أخوها

أنصدمت وماعرفت شي أتسوي على طول وبكل براءه سألته أنت منو ؟؟؟؟






تحياتي الجناويه

فانتضار الجزء اليديد

أموت أنا في حبهم 7




مزنه ودموعها على وشك السيلان : أنت منو ؟؟؟؟ !!!! وقف السياره من فضلك

التفت عليها والشرر يتطاير من عيونه : أنتي ياحشره ياللي ما تسوين نعالي أنا أتهدد ومن منو وحده حقيره مثلج ماعرفتيني عدل الحين بتشوفين من

أنا عمج وتاج راسج غصبن عنج يالحيوانه تبين تهدمين بيتي أنا بهدم حياتج مب الا بيتج

مزنه بخوف ورهبه : أخوي أنت شكلك غلطان أنا ما أعرفك ولا لي صله بك أنا تحريتها سيارة أخوي والله ما أعرفك أرجوك أستر علي ونزلني

علي : ما أكون أنا علي ولد حمد اذا ما خليتج تندمين على كل كلمه قلتيها والحين تاكلين تبن وتسكتين والله اذا سمعت حسج بذبحج

مزنه وخلاص كل محاولاتها باءت بالفشل مب قادره تستوعب اللي يصير ليش ؟؟ وكيف ؟؟؟ مافي جواب حاولت محاوله أ خيره الظاهر هالانسان متقصد

وحده غيرها وحظها الردي حطها بدربه .... للمره الأخيره حاولت تكلم الانسان اللي بداخل هالشيطان ...

مزنه :علي خاف الله فيني والله انا رايحه عند حرمة أخوي دق عليها ويع الولا دة وماعندها حد مالها غيري ارحمني دخيلك ماتبي اتردني ماعليه نزلني في الشارع

اي مكان برجع بروحي ارجووووووووووووووووووك

علي داس على البريك بالقو الشي الي خلا مزنه تتجدم بكل قوتها ويدق راسها بــــــ طبلون السياره (الجزء الأمامي مقابل السائق واللي عداله )

التفت لها ومد ايده شل راسها عن الطبلون وسنده بالكرسي مره ثانيه ... يقاوم احاسيسه ومشاعره يحس أنه بالفعل غلطان ومهما كان الألم اللي سببته له ما تستاهل

اللي ناوي عليه ... في الأخير هو انسان متزوج وأب مسؤل عن بنتين وولد في عمر الزهور بدى ضميره يصحى وكأنه في صوت داخلي يكلمه يحاول يرده عن

اللي ناوي عليه .. معقوله هالبراءه كلها قناع تخفي وراه خبثها ولؤمها ؟؟؟؟ تم يتأمل ويها فتره بس فجأه شل عينه عنها خاف يضعف ويتراجع .....

علي : ههههه عيديها الرمسه ماسمعتج عدل !!! خاف الله ها ؟؟؟!!!! أنا يالحيوانه أتقولين لي خاف الله وأنتي شو شريفة مكه ؟؟؟؟ تتجسسين علي وأترابعين حرمتي

أونه تبين تنتقمين واتخربين بيتي ... ليش منو اللي عاق عمره على الثاني ؟؟ منو اللي تم يلاحقني من بقعه لبقعه وتتدعين أنها صدفه يامحترمه يابنت الأصول منو

اللي استنزفت تعبي وشقا عمري منو غيرج يالحيه الرقطا ....لابارك الله فيج



مزنه وهي أتصيح : يعلني الموت لو أنا اللي تقصدها أنت ما أتخاف ربك حسبي الله عليك ونعم الوكيل حسبي الله عليك ..... وقبل لا يتدارك الموقف فتحت الباب

ورمت نفسها من السياره ... أتموت أهون عندها من أنها تتعرض لشي لا تحمدعقباه أو يضيع شرفها من دون ذنب ....



حست بقشعريره واشمئزاز من ذكر هالموقف ... شلت ولدها وحضنته تبي أتحس بالأمان هالموضوع نبش ذكرياتها و وخلاها تكره اللحظه اللي طلعت فيها من البيت

فاضل،،، صمته كان يعبرعن ألمه وحزنه للي تعرضت له أخته ما حب يقاطعها حس أنه هاللحظه من حقها هي وبس من حقها تعلن الحداد وتصوم عن الكلام

من حقها تصرخ وتتألم بصوت واضح ومسموع اللي مرت فيه ما كان هين ...

بعد ما فتحت الباب ورمت بنفسها تلقفتها السيايير اللي تمشي على الطريق السريع بين

العين وأبوظبي ... أول صدمه تلقتها من الشاحنه اللي كانت حذال سيارة علي أصتدم راسها بتواير الشاحنه اللي طيرتها مثل الورقه على الشارع المقابل .. الله ستر

وكان الشارع شبه فاضي ... تبرع أحد السائقين بأنه يتصل بالشرطه ويطلب لها الاسعاف ....

وصلت مشتفى المفرق تصارع الموت الضربه اللي يتها كانت قويه وتسببت في نزيف حاد في الدماغ والأطباء أعتبروها ميته لا محال ..

بعد ما نبشوا شنطة أيدها لقوا بطاقتها الصحيه وتعرفوا عليها وأتصلوا بأهلها يبلغونهم بالحادث اللي صار لبنتهم ...







في بيت أهل مزنه



خالد : الله يلعنها فضحتنا والله لا أذبحها حيوانه

أبو فاضل : جب ولا كلمه لا تتهم أختك

خالد: شو تبون أكثر مني أنا الشاهد والله يابويه شفتها تركب موتر واحد يا أبويه هاي أختي ليش بتبلى عليها

بدر : خالد ان بعض الظن اثم يمكن ها دريول والا شي وبعدين لا تستعيلون بالحكم خل نسمعها قبل وأنعرف هي وين ومع منو

أبوفاضل منزل راسه : ياعيال دوروا أختكم ولاترمسون عنها شوخليتو للغريب اذا انتوا من دمها ولحمهاهذا كلامكم الناس شو بتقول

خالد: يابويه أنتوا وين عايشين أقولكم شفته قبل لا تركب وياه منزل الدريشه ويراقب الأوضاع مالحقت عليهم والا دفتنهم عندعتبة الباب

أم فاضل وهي أتصيح : الله ياخذها يعلها الموت وياه الله لا يوفقها سودت ويوهنا بين العرب لا بارك الله فيها ماقصرنا عليها بشي

عليا حرمة خالد: عموه الله يهداج هاي مزنه تربيتج وأني أدرى بها مستحيل أتسوي شي من اللي فبالكم

خالد : شو كلكم درتوا ضدي محد فيكم أتهمه سمعتكم كفايه فاضل اللي نزل روسنا للتراب وأتكملها مزنوه

بدر : خالد خف علينا الله يخليك ترا روحي مب مستوعب اللي يصير والأفكاراتوديني وأتييبني

خالد: ما ألومها مب هي أكثر وحده متعلقه فيه!!! لازم بتطلع شراته الله يلعنهم اثنيناتهم

عليا : استهدى بالله ياخالد مب زين اتدعي عليهم أستغفر ربك

خالد: أنا لين ما أشرب من دمها مابيهنالي بال .. يعل تنجلب السياره فيها واللي وياها



مرت الدقايق بطيئه وكئيبه السكوت خيم على المكان كل واحد سارح بفكره بعيد محد قادر يتصور أنه مزنه البنت الحشيم اللي عمرها ما غلطت بشي

تتصرف مثل هالتصرف ... مزنه محيره لولد عمها من صغرها وبانتظار رجعته من ألمانيا عشان يتزوجون........

ترن ترن .... تلفون البيت يرن

خالد وهو يشل سماعة التلفون : يعلها بشارة موتها .... ألو

الطرف الثاني : السلام عليكم ورحمه الله وبركاته

خالد من دون نفس :وعليكم السلام والرحمه ...

الطرف الثاني : عفوا أخوي هذا بيت جابر محمد؟؟؟

خالد: هي نعم منو الريال؟

الطرف الثاني : وياك الملازم سالم

خالد: خير آمر ...

الملازم :مايآمر عليك عدو ممكن أكلم الأخ جابر

خالد: خير شو عندك أنا ولده خبرني شو فيه ؟؟

الملازم : أخوي أختك مزنه جابر محمد مسويه حادث على شارع أبوظبي - العين والحين هي في مستشفى التوام

خالد: اشوه .. وهو يكلم الكل شفتوا سواد ويه بنتكم هذي ملتعنه في المستشفى

الملازم : ألووو

خالد : ماتت؟؟

الملازم : أستغفر الله أنت شو ما عندك احساس أقولك أختك بين الحياه والموت تتبلى عليها بالموت !!!!

خالد : مايخصك أنت وسكر التلفون ...

وعلى طول اتجهوا لمستشفى التوام

أول ما دخلو قسم الحوادث تجدم بدر من مكتب الاستعلامات يسأل عن مزنه

بدر : السلام عليكم

الموظف: وعليكم السلام والرحمه

بدر : أخوي بغيت أسأل عن مريضه مسويه حادث من اشوي

الموظف: الاسم

بدر: مزنه جابر محمد

الموظف :مممم لحظه بس أناديلك الملازم

بدر : ان شاء الله ... فخاطره ... يعني صدق طالعه ويا واحد يعني صدق سودت ويوهنا معقوله يا مزنه اتجازينا بهالطريقه معقوله ؟؟ وأنا اللي

كنت مجذب الخبر فيج قلت مستحيل مزنه أختي الغاليه أتسوي مثل هالشي ... قلت يمكن خالد كعادته يضخم الأمور وأنج بريئه بس أثبتي العكس

ليش؟؟؟ ليش ؟؟؟

بهاللحظه تجدم الملازم من بدر وسلم عليه ..

الملازم صالح : أنت أخوها اللي كلمني ؟؟

بدر : لاأنا أخوها الكبير

الملازم : أها خير ان شاء الله تفضل وياي مكتب الدكتور عشان تتطلع على الحاله وبالمره بخبرك بتفاصيل الحادث

بدر يتبعه بهدوء وتثاقل ما يبي يعرف شو صار فيها لأنه نظره الملازم كانت كافيه ... خايف من الفضيحه يمشي منزل راسه ولاف الغتره بشكل

يخفي ويهه أشوي ما يبي حد يشوفه ويعرف اللي صار وينفضحون جدام الناس ...

وصلوا مكتب الدكتور

بعد السلام ..

الدكتور :تفضل استريح أخ بدر

بدر : مشكور .. طمني عليها دكتور شو ياها ؟؟؟

الدكتور : والله شوف مابخبي عليك وضعها صعب جداً الاصابه يتها في الراس مباشره وهالشي أدى لنزيف في الدماغ سوينالها عمليه سريعه

والحين بانتظار أنها تصحى اذا نشت في الـ 24 ساعه اليايه ان شاء الله بتكون عدت مرحلة الخطوره وماتعاني من شي غير جروح طفيفه بتزول

مع الأيام

بدر : الحمدلله

الدكتور : بس

بدر : شوه بس يادكتور شو في خبرني

الدكتور : اذا ما نشت في هالـ 24 ساعه نعتبرها ميته سريرياً

بدر غمض عيونه من هول الخبر ... مهما صار تظل أخته وماله غنى عنها ممكن يتخيل يصير فيها اي شي الا الموت

الدكتور : آسف بدر بس في خبر ثاني لازم أخبرك عنه .... الله يصبركم ان شاء الله

بدر :دكتور شو ممكن يكون أسوأ من اللي سمعته ... قولي اللي عندك مره وحده ماعد فيني شده أتحمل

الدكتور : اذا نشت وعدت مرحلة الخطر في إحتمال كبيرأتكون فاقده البصر وهالشي اللي ما نقدر نتأكد منه الا بعد ما ترجع لوعيها

بدر خلاص هني أ،شلت أطرافه وما عاد يحس بشي .. غمض عيونه وسند راسه على الكرسي حس بضياع شي غالي عليه ما يهمه كلام خالد أو الناس

هاي أختي نظر عيني وبوقف وياها في الحلوه والمره مستحيل أتخلى عنها أصلا أنا بعدني مب مصدق اللي صار وأكيد الملازم عنده الخبر اليقين ليش أخلي

الضنون تاخذني وأتوديني !!! ليش ما أقطع الشك باليقين الملازم هو اللي بينصفها هو اللي بيبريها ....

بدر وجه نظراته للملازم وإيده على قلبه : أخوي ممكن أتخبرني كيف صار الحادث ؟؟؟

الملازم صالح: أكيد أصلا أنا بس بغيت الدكتور يطمنك عليها وبعدين كنت ناوي أخبرك ملابسات الحادث على حسب اللي قالوه الجماعه الي شافوا الحادث

أختك بطلت باب السياره وعقت عمرها .. هالشي يدل على واحد من الأثنين محاولة انتحار أو في شخص ثاني ورا هالحادث حاول يتخلص منها بهالطريقه البشعه .

بدر : مستحيل أختي أتفكر بالانتحار مستحييييييييل ماعندكم أي معلومات عن صاحب السياره من يكون ؟؟؟

الملازم صالح: والله للحين التحريات يدورون عليه مرسيدس أسود رقمه رباعي لوحه حمرا للحين هاي كل المعلومات اللي عندنا بس ان شا ءالله بأقرب فرصه

نقبض على الشخص وأنعرف منه الموضوع ..

بدر : خلاص هذا رقمي ******* وأرجوك أتخبرني بالي يصير وياكم

الملازم صالح: ان شاء الله بس في الوقت الحالي بنشدد الحراسه على غرفة أختك لين تتضح الأمور والزيارات ممنوعه اذا حبيتوا تتطمنون عليها ألحين

عندكم عشر دقايق بعدها من فضلكم تتركونها ترتاح وأنشوف نحنا شغلنا

بدر : ان شاء الله مشكور دكتور وأنت اخوي صالح ماقصرت فمان الله

طلع بدر وعلى طول راح لقاعه الأستقبال ولقى أمه في حاله يرثى لها خبرهم بالي قاله الدكتور ومروا على غرفتها يشوفونها من بعيد .... ممده على السرير

جسد بلا روح مافي أي إشاره تدل على أنها حيه ترزق غير صوت ضابط نبضات القلب .....

..................

فتح عيونه بصعوبه يقاوم رغبته في النوم من يديد ... رفع راسه ومرر ايده فشعره على السريع ... نش سبح وتلبس وطلع


في الصاله



بوسلطان وخليفه وسعيد يشربون جاهي

سالم : صبحكم الله بالخير ... تجدم من يده وباسه على راسه وسلم على أبوه وعمه صب له استكانة جاهي ويلس بينهم

بوسلطان: سعيد قوم ياأبويه شوف أخوك سلطان وينه ؟؟؟

سعيد : ان شاء الله

خليفه: سعيد برايك أنا بروح له

سالم : يديه كيف أصبحت ان شاء الله أحسن من أمس

بوسلطان: الحمدلله يا أبوي .. أنت طمني عليك ان شاء الله رقدت مرتاح أدريبك طالع على يدك ما تقهر المكان اليديد

سالم : الله يهداك مب مكان يديد الا رقدت رقاد الأموات

بوسلطان: حسبي الله على ابليسك شو هالرمسه الخايسه أشعنه تطري الموت من الصبح هب ناقصين يا بويه

سالم: السموحه منك يدي ما قصدت فديتك ... ونش لوى عليه

بوسلطان : هي يا دنيا شوف البيت من دون الحرمات ما يسوى وين ويه أم سلطان وين ضحكتج يا وعد البيت بلياكن ما يسوى

سعيد : الغالي تامرني بشي بمر الدوام بترخص وبلحقكم

بوسلطان: ما يآمر عليك عدو هالله الله بالطريج وأخوك سيف وينه شوفه قبل لا أتروح

سالم : توه ناش كان يسبح

خليفه وصل عند غرفه سلطان ودق الباب...

خليفه: سلطان ....سلطان ... مافي أي رد ... سلطان ... ماشي جواب ,,, رجع الصاله

خليفه : سالم سر شوف سياره عمك سلطان موجوده؟؟؟

بوسلطان: خير يابويه وينه أخوك

خليفه: أضني مب موجود يمكن نش من وقت وطلع

بوسلطان: لا يابويه أنا في الحوي من الساعه 4 ماشفت حد طلع

سالم : أبويه سيارته مب موجوده

خليفه وعلامات الاستغراب على ويهه : وين راح من الصبح ؟؟؟ بتصل به .... مغلق ؟؟!!!!!

بوسلطان: ليكون رد أختفى شرا المره الي طافت

خليفه : لا حول ولا قوة الا بالله

سالم :أنزين يمكن راح المستشفى ولا تنسون في العنايه ماشي ارسال

خليفه: والله جايز ...

بوسلطان: يالله ياعيال ما نبا نتحير الدكتور بيخطف على أمكم بعد نص ساعه

سيف: صبحكم الله بالخير

الكل :الله بالنور

بوسلطان : سر يا بويه كل لك لقمه وألحقنا

سيف: لا وين ما لي نفس لشي باخذ لي كوب جاهي وبييكم الحين



.......



في بيت بومحمد



عذيجه : روضوه(15) نشي بسج رقاد أفففف حموده (17) قومي خستي من الرقاد يلا ماشي وقت بتتحيرن على المدرسه رواضي حبيبتي قومي

بسج عاد ترا والله بخليكن ترقدن عقب نشن أبغمن (صيحن) أففففف حمدانه

أول ما قالت حمدانه نشت حمده على طول وفرتها بالمخده

عذيجه: هههههههههههههههههههه والله ما أتين الا بالعين الحمرا

حمده : يالكريييييييييييهه

روضه: الله يغربلج حمدوه بتعورين البيبي أنزين

حمده : جب أنتي اليهال ما يرمسون

عذيجه : أصبحنا وأصبح الملك لله ... صدق لي قالوا نوم الظالم عباده ... بسكن تناقر يلا نشن أمايه تعبانه لا تحشرن الدنيا وأتوعنها

روضه : أمي فديتها شو بلاها بسير أشوفها

حمده : أي يالهبله بتطلعين بالبجامه وشعرج كشه والله بتزيغينها

روضه : جب أنتي ما يخصج

عذيجه : لاحول ولاقوة الا بالله أنتن ما تشبعن من الضرابه مافي شي أسمه تفاهم عندكن ....

عارف وهو يدق الباب عليهن : هود هود

عذيجه : ههه والله محد يعرف يأدبكن غيره

حمده : وايه فديت هالصوت على الصبح أقرب فديتك محد غريب

عذيجه : أسميج لوتيه

عارف: صباح الخير يا صاحبات الكشش المرعبه

روضه : عرووووووووووف قول آمين

عارف : عروف فعينج أصغر عيالج أنا يالدبه

روضه بوزت : عافاني الله محد يتغشمر في هالبيت كلهم ماكلين فلفل على الصبح

تقرب منها عارف وقرصها على خدها : أي يالعبيطه أسولف وياج يلا قلت آمين شو كنتي تدعين لي خبريني

حمده: هههههه يحليلك والله مسكين جنيت على نفسك هاي دعاويها متسجابه

روضه : إحم إحم فديتني أنا ...

عارف: قولي شو دعيتيلي ؟؟؟؟

روضه: ماأبا

عارف : رواض أرمسي والا ما بوديج

حمده: وين وين

روضه : ياللقافه

حمده : أنتي جب عارف حبيبي وين بتوديها..؟؟ وليش ما تبا أتوديني وياكم الله يسامحك أنا زعلت

عذيجه: أفففف عوذ بالله منكن من بنات ... بسير أزهب الريوق أخير لي .

عارف : تبين أتعرفين وين بنروح بسرعه خلصي وجابليني عند الباب بعد عشر دقايق

maximum أوكي

حمده: عشر دقايق أنت غمض عيونك وبطلها تلقاني جاهزه

روضه: مشكله اللقافه وتركض الحمام قبل حمده



بيت عوشه أم ميثا

مهره : صبحج الله بالخير أمايه كيف أصبحتي ... تجدمت منها وحبتها على راسها

عوشه : بخير وعافيه .. حبتج العافيه ... وينهن خواتج بيتحيرن على دواماتهن

مهره : شهد دوامها متأخر الساعه 2 وميروه الحين بتنزل

عوشه : شو دوامه هذا فعز القايله ؟؟؟

مهره : أمايه عندها أمتحان أتعرفين نظام الكليه مرات ما يكون عندهم حصص من الصبح بس امتحان فآخر الدوام

عوشه : زين عيل تجهزوا أنتي وياها بنخطف على حرمة عمج الضحى

مهره : ان شا ءالله أمايه ... وينه أبوي العود ؟؟؟

عوشه: توني مودتنه برع يبا يشوف الزراعه ... (يدهم جابر ريال كبير في السن ما يقدر يمشي الا بمساعدة حد والا على الكرسي المتحرك )

مهره : بروح أسولف وياه ... صبحك الله بالخير أبويه وباسته على راسه

جابر : الله بالنور هلا بالغلا كله هلا والله هلا بشيخة البنات .. حبتج العافيه كيف أصبحتي

مهره : بخير وعافيه .. تريقت ؟؟؟

جابر : وأنا أقدر أتريق من دونج

مهره : فديت قلبك باباتي شو رايك نتريق في الحديقه دام الجو غاوي

جابر : والله يا بنتي على هواج المهم ريقينا ترا اليوع كافر

مهره : بنخليه يسلم و لا تزعل هههه

جابر : يعلني ما أنحرم منها هالضحكه .. الله يقويج يا بنتي ويصبرني عفراقج

مهره : باسم الله عليك ليش جي أتقول أزعل يعني

جابر : يا بنتي فهمتيني غلط أقصد باجر يوم أتعرسين وأتروحين بيت ريلج

مهره : ما بعرس بتم يالسه عندك ماأبي غير رضاك عليه

جابر : لا يبنتي البنت مالها غير بيت ريلها وأنا أبيلج الستر

مهره استحت ونزلت راسها : أبويه

جابر : فديت اللي يستحون ... الله يرزقج بالريل الصالح اللي يقدرج ويعرف جيمتج هب شرات أبوج سود الله ويهه

مهره تغيرت أبتسامتها لحزن ملحوظ : أبوي

جابر : وأنا الصادق عيل حد يسوي سواته؟؟؟

مهره : أبوي ما غلط والشرع حلل للريال أربع

جابر: هي نعم حلل للريال أربع وهذا للي يشوف عمره يقدر على مجابل بيتين والعدل بينهم ...

مهره: أبويه أنا أحس أنه السالفه فيها إن يعني معقوله أبوي تزوج على أمايه بس لأنه يبا يتزوج والا في سبب أبويه نحن هب صغار

أتصدق أحس أنه ما يبانا يعني يوم أنروح أنسلم عليه ما أشوف بعينه فرحة لقانا جنه مجبور ييلس ويانا مرات أعذره أقول يمكن هو ما يبى يبين بشو يحس

عسب ماأنلاحظ بس بعد أحس في شي نحن ما أنعرفه ....

جابر: من حقكم يا بنتي ولو لا خوفي من الله جان منعتكن أتطبن بيته ... مهره يا بنتي أبوج تزوج على أمج لأنها ما خلفت له ولد

مهره : معقوله أبوي بعده يفكر هالتفكير السطحي ؟؟؟ ما توقعهتها منه أشوفه يدلع علاوي أكثر من الكل حتى بناته من حرمته سعاد ...

جابر: قومي بارك الله فيج ييبيلي لقمه أسد بها يوعي ... توني ماخذ حبه السكر

مهره :السموحه منك فديتك الحين بييب لك ريوقك ..



,,,,,,,,,





في بيت عبدالرحمن عم وعد



عبدالرحمن : هاحمد بشرني أشحالها وعد

حميد: شو أقولك يا خوي على حطة إيدك

عبدالرحمن: ما عليها شر ان شا ءالله أزمه وبتعدي مثل ذيج المره

حميد: والله ياخوي قلبي يعورني عليها كاره عمري ما بيدي شي أسويه بغيت أسفرها برع تتعالج قالي الدكتور ما منه فايده نفس الشي

عبدالرحمن : لا أتضيق صدرك وتوكل على الله ان شا ءالله بتنش بالسلامه

وفاء: السلام عليكم

عبدالرحمن + حميد : وعليكم السلام والرحمه

حميد: هلا والله بأم سيف أشحالج

وفاء: بخير عساك بخير كيف أصبحت عمي

حميد: بخير دامكم بخير

عبدالرحمن: الله أكبر الحين أنا جني مش موجود ماشي ترحاب أنا زعلت

وفاء: فديت قلبك أبويه الغالي .. أنت أتعرف غلاتك عندي ما يحتاي أقولك بس فديته عمي متضايق لازم أشوفه قبل

حميد: بارك الله فيج يا بنيتي والله يقومج بالسلامه

وفاء: آمين يارب والله محتايه لدعاويكم

عبدالرحمن : ما عليج شر يا بنت رويه بنت سبع ما ينخاف عليج

وفاء: والله يا أبوي ما أعرف شو أقولك

رويه وهي شاله صينية الريوق : خل عنج هالمنكر أسميكن بنات هاليوم وايد تتدلعن نحن فزمانا أنحمل ونولد ولا حد درابنا هب شراتكن قبل لا تولدن بشهر أتصيحن

عبدالرحمن: الله يهداج يا رويه زمانج غير هاييل شباب هب عاييز شرات بعض الناس

موزه: الله أكبر ألحين أمايه صارت عيوز وأنت يالشيبه نسيت متزوج ماماتي وعمرك 30 سنه !!!

حميد: ههههههههههههه والله سكتوه

هند: موزوه لا تغلطين على باباتي فديته شباب بعده والله البنات اللي يشوفونه عند الكليه يتخبلن عليه باباتي شاور على وحده وباجر بخطبها لك

رويه: الله أكبر عليكج الحين أنتي بدل لا أتحامين عني مستويه خطابه حق أبوج مسودة الويه

هند: هههههههههه فديت العيوز يوم أتغار على شيبتها

وفاء: بخبرج أنتي حشمي الي ظاكبر منج وعن الرمسه الخايسه ومن اليوم وساير الدريول بيوديج الكليه بنات هالأيام ينخاف منهن

هند: ههههههه لا حبيبتي أنا أبوي هو اللي يوديني الكليه ما يخصني

عبدالرحمن : الله الله منو قدي يتضاربن علي البنات بعده سوقي ماطاح

موزه : ههههههههههههه أنا تأخرت أترخص عنكم الحين ... بتروحون عند وعد؟؟؟

وفاء : أنا بروح ويا عمي الحين وبرجع الضهر ...

رويه: ودي شو قاليه لج أنا الحين أنتي موصل ما يصير أتهايتن وين بتروحين وكرشتج طالع بيحسدونج

وفاء: أمي الله يهداج مافيها شي بيلس عند وعد وبرجع

حميد : لا يا بنتي أنتي الحين فوضع صعب اسمعي كلام أمج أفهم منج بهالسوالف

وفاء: حرام عمي والله خاطري أشوفها

حميد: خلاص عيل بوديج بس تيلسين نص ساعه لا أكثر

وفاء : ان شا ءالله ... ها أمايه شو رايج

رويه : بعد مالي شور بعد الي قاله بووعد

عبدالرحمن : يالله هنوده البنيات يتريني عند الكليه

رويه : أشوه قلت يا بو سهيل ما سمعتك

عبدالرحمن : سلامتج ما قلت شي

رويه: خلاص أنا بعد بروح وياكم بنوصل هند وبعدين بنمر السوق

عبدالرحمن: الله أكبر أسميهن الحرمات ما يشبعن السوق والهياته

هند: هههه أبويه أنت ما أتعرفها حرمتك بعدها أتغار عليك لو تمشي على عكاز

وفاء : باسم الله على أبوي مسودة الويه فال الله ولا فالج

حميد: يلا وفا سرينا

وفاء : دقايق عميه وبكون عندك

حميد :بالهداوه بنتي

,,,,,,,,

,,,,,,,,,






في بيت عبدالرحمن عم وعد



عبدالرحمن : هاحمد بشرني أشحالها وعد

حميد: شو أقولك يا خوي على حطة إيدك

عبدالرحمن: ما عليها شر ان شا ءالله أزمه وبتعدي مثل ذيج المره

حميد: والله ياخوي قلبي يعورني عليها كاره عمري ما بيدي شي أسويه بغيت أسفرها برع تتعالج قالي الدكتور ما منه فايده نفس الشي

عبدالرحمن : لا أتضيق صدرك وتوكل على الله ان شا ءالله بتنش بالسلامه

وفاء: السلام عليكم

عبدالرحمن + حميد : وعليكم السلام والرحمه

حميد: هلا والله بأم سيف أشحالج

وفاء: بخير عساك بخير كيف أصبحت عمي

حميد: بخير دامكم بخير

عبدالرحمن: الله أكبر الحين أنا جني مش موجود ماشي ترحاب أنا زعلت

وفاء: فديت قلبك أبويه الغالي .. أنت أتعرف غلاتك عندي ما يحتاي أقولك بس فديته عمي متضايق لازم أشوفه قبل

حميد: بارك الله فيج يا بنيتي والله يقومج بالسلامه

وفاء: آمين يارب والله محتايه لدعاويكم

عبدالرحمن : ما عليج شر يا بنت رويه بنت سبع ما ينخاف عليج

وفاء: والله يا أبوي ما أعرف شو أقولك

رويه وهي شاله صينية الريوق : خل عنج هالمنكر أسميكن بنات هاليوم وايد تتدلعن نحن فزمانا أنحمل ونولد ولا حد درابنا هب شراتكن قبل لا تولدن بشهر أتصيحن

عبدالرحمن: الله يهداج يا رويه زمانج غير هاييل شباب هب عاييز شرات بعض الناس

موزه: الله أكبر ألحين أمايه صارت عيوز وأنت يالشيبه نسيت متزوج ماماتي وعمرك 30 سنه !!!

حميد: ههههههههههههه والله سكتوه

هند: موزوه لا تغلطين على باباتي فديته شباب بعده والله البنات اللي يشوفونه عند الكليه يتخبلن عليه باباتي شاور على وحده وباجر بخطبها لك

رويه: الله أكبر عليكج الحين أنتي بدل لا أتحامين عني مستويه خطابه حق أبوج مسودة الويه

هند: هههههههههه فديت العيوز يوم أتغار على شيبتها

وفاء: بخبرج أنتي حشمي الي ظاكبر منج وعن الرمسه الخايسه ومن اليوم وساير الدريول بيوديج الكليه بنات هالأيام ينخاف منهن

هند: ههههههه لا حبيبتي أنا أبوي هو اللي يوديني الكليه ما يخصني

عبدالرحمن : الله الله منو قدي يتضاربن علي البنات بعده سوقي ماطاح

موزه : ههههههههههههه أنا تأخرت أترخص عنكم الحين ... بتروحون عند وعد؟؟؟

وفاء : أنا بروح ويا عمي الحين وبرجع الضهر ...

رويه: ودي شو قاليه لج أنا الحين أنتي موصل ما يصير أتهايتن وين بتروحين وكرشتج طالع بيحسدونج

وفاء: أمي الله يهداج مافيها شي بيلس عند وعد وبرجع

حميد : لا يا بنتي أنتي الحين فوضع صعب اسمعي كلام أمج أفهم منج بهالسوالف

وفاء: حرام عمي والله خاطري أشوفها

حميد: خلاص عيل بوديج بس تيلسين نص ساعه لا أكثر

وفاء : ان شا ءالله ... ها أمايه شو رايج

رويه : بعد مالي شور بعد الي قاله بووعد

عبدالرحمن : يالله هنوده البنيات يتريني عند الكليه

رويه : أشوه قلت يا بو سهيل ما سمعتك

عبدالرحمن : سلامتج ما قلت شي

رويه: خلاص أنا بعد بروح وياكم بنوصل هند وبعدين بنمر السوق

عبدالرحمن: الله أكبر أسميهن الحرمات ما يشبعن السوق والهياته

هند: هههه أبويه أنت ما أتعرفها حرمتك بعدها أتغار عليك لو تمشي على عكاز

وفاء : باسم الله على أبوي مسودة الويه فال الله ولا فالج

حميد: يلا وفا سرينا

وفاء : دقايق عميه وبكون عندك

حميد :بالهداوه بنتي

,,,,,,,,

عبدالرحمن (بوسهيل ) 57 رجل أعمال عنده شركاته الخاصه يشتغل في مجال المقاولات ... حبوب ومسلي وحنون يحب بناته بجنون يخاف عليهن من نسمه هوا

رويه 54 طيوبه وحنونه بس عنيده وغيوره للحين أتغار على ريلها

وفاء عمرها 28 متزوجه وعندها ولد عمره 5 سنين سيف ... حامل و بالشهر الثامن ...

موزه 24 متخرجه وتشتغل في اتصالات قسم المحاسبه

هند 22 طالبه بكليات التقنيه العليا تدرس إداره أعمال وهاي آخر سنه لها

سهيل 32 سنه ... يدير شركة أبوه السياحيه في العين وساكن فيها .. أرمل وعنده بنت وحيدته نوره عمرها 8 سنين كرس حياته لتربيتها ورعايتها



,,,,,,,,,,,,,,,,,,





في المستشفى الأمريكي





عند غرفه العنايه المركزه ... قاعد وفي إيده المصحف يقرى ويدعي ربه يقومها له بالسلامه ... طلع الدكتور عنها وماشافه

بس هو نادى عليه

سلطان: دكتور لو سمحت

الدكتور: أيوه أتفضل

سلطان: دكتور طمني عليها

الدكتور: عفواً حضرتك بتقربلها

سلطان: أنا ولدها دكتور

الدكتور: طب كويس أوي أصل المدام صحيت اذا حبيت تتطمن عليها

سلطان: صدق دكتور

الدكتور : أه يا بني والحمدلله مافيش أي خوف عليها بعد أشويه حناخدها لغرفه تانيه وان شا ءالله النهرده حتبات عندكوا في البيت

سلطان: مشكوووووووووور دكتور ... وركض على غرفة أمه

دخل بكل هدووووووووووء وعلى طول لوى عليها ... مب مستوعبه اللي يصير متفاجأه معقوله أنا بعلم ...؟؟؟ لا أكيد أتخيل فديت روحه

سلطان وهو يبوسها على راسها وأيدها : فديتج الغاليه أشحالج فديت روحج يعل يومي قبل يومج يعلني أموت ولا أشوفج بهالحاله

أم سلطان ودموعها تنزل : فديت قلبك وين رحت عني ليش خليتيني ورحت ليش يا غناتي ليش

سلطان: سامحني والله غصبن عني ما كنت أعرف شو أسوي والا كيف أتصرف

أم سلطان: وعد أشحالها وينها طمني عليها

سلطان: توني ياي من عندها على حطة إيدج

أم سلطان وهي تدمع : الغالي طلبتك قول تم

سلطان: تم يا بعد قلبي لو تطلبين عيوني

أم سلطان: ما أتعيدها دخيلك إرحم شوابك ولا أتعيدها

سلطان: والله يالغلا ثم والله أني ما أعيدها ولا أفكر حتي فيها ...

أم سلطان : بارك الله فيك .. وين أبوك وأخوانك ...؟؟؟

سلطان : ما أدري عنهم ماياني رقاد طول الليل وأنا أدعي رب العالمين يقومكم بالسلامه ومن أصبح الصبح ييت هني وهم بعدهم رقود

أشوي والا أنه الباب ينفتح ويدخلون خليفه وبوسلطان ، سعيد وسالم، سيف

الكل مب مستوعب اللي قاعدين يشوفونه أم سلطان تتكلم ... الوحيد اللي فكر بقلبه قبل عقله كان سالم .. ركض عندها ولوى عليها وتم يصيح

ما همه حد يشوف أو ينقد عليه أهم شي يدته الغاليه على قلبه بخير وسلامه وهذا اللي يكفيه ....

سيف: يالدب ذبحتها قوم عنها بسرعه

سعيد : فديت قلبج يالغاليه يعله فيني ولا فيج

خليفه: سالم قم وسع نحن هنا

بو سلطان ابتسم ونور ويهه : الحمدلله على سلامتج

سالم بعد عنها أشوي بس بعده لاوي عليها من صوب : أففف هالحساد اللي ما يخلونا ناخذ راحتنا ...

سعيد وهو يلوي على أمه : أففف زحمه ياناس شلوهالملقوف عن أمايتي فديتها

سيف :فز حسبي الله على ابليسك خلصت حنان أمي شو ما عندك أم تاخذ منها حنان !!!

خليفه : لا يامسودين الويوه طايحين فولدي طيحه قوموا أنت وياه خلونا نعرف أنسلم على الوالده

سالم حزت فخاطره الرمسه : هاكم خذوها لكم ما أبي شي ... ونش عنهم يبي يطلع من الغرفه

سيف : سلوم ورفجةالغالي أتم أسولف وياك شو هالحركات

سالم : بس عشان خاطره والا أنتوا ما تنعطون ويه

سعيد : طاع مسود الويه هاللي يعبرك أصلا مشكله اليهال

بوسلطان : ياعيال بسكم عن الحشره خلو أمكم ترتاح

سيف: الله الله هالحب والا بلاش ... أوي سلطون توني أنتبه عليك ... ربع ولوى عليه ...

سلطان : هه ههه يالدب ذبحتني .. تو الناس زين يوم شفت والا أنت ما أتشوف شي بعد مستوى نضرك التعبان

سيف: أفا أنا الغلطانه اللي معبرنك

سلطان وهو يبوسه على خده بالقو : فديت روحك والله ما يسوى أعيش الدنيا بلياك لا ولا تسوى حياتي في هالوجود

سيف وهو يبتعد عنه : باسم الله خوزوه عني أي أنا أخوك أنزين .. وبعدين لو سمحت لا أتم أتألف في الأغنيه على كيفك

سلطان: لا يا الهيس شو قصدك يالخايس هاي بوسه أخويه لا تشوبها شائبه ... وبعدين أنت ليش محتر كيفي بغني مثل ما أبي ما يخصك

أم سلطان والفرحه باينه على ويها : يعل عيني ما تبجيكم

الكل : فديت أمايه

بوسلطان: يالله يا عيال ... نوره ألحين بعد ما تطمنا عليج نترخص وأنتي أستريحي بنرجع لج ان شا ءالله

أم سلطان: ان شاء الله وديروا بالكم على نفسكم وأبوكم وطمنوني على وعد

الكل : ان شاءالله

سلطان : ان شاء الله الحين بمر عليها وبرد عليج خبر

سالم: خلاص عيل أنا بترياك هني وأنت ساير خذني وياك ...

سلطان: أوكي حبيبي بس لا أتأذي أمايه

سالم: ان شاء الله

الكل: مع السلامه ......

*********************
السموحه منكم على التأخير ... وان شاء الله يعجبكم هالبارت ...
*********************

السلام عليكم

كل شي من ايدج حلو
وكل اللي تحطينه حلو

فانتضار الجزء اليديد

تسلمين حبوبه ...


وان شاء الله الجزء الـ 8 الأسبوع الياي

ترقبوا

السموحه الغاليه .تاخرت ..
بس لين الحين انا ما قريت البارت 5 لين اخر شي ..
تعرفين ظروف الدراسه ..
وان شاء الله بقراهن وبرد عليج ..
والسمووحه

رجعت لج بعد ما قريت القصه .. البارحه فليل يالسه اقراها .. وما وقفت لين ما خلصت ..
المهم رايي في القصه ..
الغاليه انا القصه في هالثلاث اجزاء واايد اثرت فيني .. ما بجذب عليج ... حتى ان عيني غرغرت ..
بس الشي الوحيد اللي ما عيبني .. انج دخلتي مزنه وفاضل في مكان ما لهم خص فيه .. كنتي تقدرين اتدخلينهم في مكان لهم وجود فيه ..
انا تلخبطت .. قلت يا ربيه .. هذيل من وين يو ؟؟ ليش هذا مكانهم ..
اما الاشياء الثانيه كان ما عليها كلام بالمره ..
اكثر شخصيه ابغضها .. هي شخصيه ميثا ..
وتعيبني حمده (( حمدانه)) وختها روضه .. وكسر خاطري عروف .. مسكين .. بس بعد وعد كسرت خاطري اكثر . . .
يالله نتريا تكملة القصه ان شاء الله ...
والسمووحه

عنود الريف

مشكوره حبوبه ...
أنا دخلت مزنه وفاضل في النص عسب الأحداث اليايه يعني وضحت قصهتم بس مش كامله والسبب بتعرفينه ان شاء الله في الأجزاء القادمه ...
كل الشكر حبوبه لتفاعلج ....

وانا بانتظار الاجزاء الغاليه ..
والسمووحه

تسلمين الغاليـــه ع الجزء الحلوو والطوويل , والاحداث حلووه .. :fa34:

بنتظار الاجزاء الباقيه بأقرب ووقت .. :fa46:

موفقــــــــهـ .. :inlove:

شماسي .. :fa35:

شماسي


الله يسلمج حبوبه

الغاليه الجنيه ...
ممكن اعرف متى بتنزليلنا الجزء اليديد... ؟؟؟
والسموحه

مشكوووووووووووووورة اختي الجنية

أنا اول مرة اقرا القصة وخلصتها في ساعتين..

القصة ما عليها كلام وااااااااااااااايد عجبتني..:laugh: :laugh: :laugh:

بلييييييييييييييييييييييي ييييييز نزلي الجزء بسرعة..

في الإنتظار..

:look: :look: :look:

السلام عليكم ورحمه الله وبركاته


عنود الريف

السموحه منج حبوبه أدري مقصره بحقج وااااااااااااااايد بس والله غصبن عني مضغوطه على الآخر عندي جزء صغيرون كل يوم أكتب فيه كلمه بحاول أكمله قبل أمتحاناتي الاسبوع الياي وبحطه عشان خاطرج


عاشقة الريم

تسلمين حبوبه وبإذن الله الجزء الثامن بحطه بأقرب وقت

أموت أنا في حبهم 8





عارف : يالله عذوج بلاج تمشين شرا السلحفاه

عذيجه: عوذ بالله من شرك خاف ربك شو سلحفاته تراني حامل ما أيوز أربع شراتك وأنت شو عايلنك

عارف ارتبك : ه أأ ه لا ماشي بس قصدي يعني ما أدري المهم يلا خلصينا ويا كرشتج

عذيجه: ههه صبر صبر أنت أشلك مشتط تراني قلت لك أترياني في السياره ليكون يتراوالك بخليك تحدر عندها؟؟؟!!!!!

عارف :...........

عذيجه: عروف وصمخ

عارف: ها أشفيج الله ياخذ عدوج شو ها فضحتيني شو عروف ريال أشطولي أشعرضي أتقولين لي عروف !!!!

عذيجه: اللي ما خذ عقلك يتهنا به

عارف: الحين أنتي شو تبين من الصبح محتشره

عذيجه: كلام الملوك لا يعاد

عارف: وكلام العبيد لا يسمع .... سكت ورجع بذاكرته لوعد ... كان متعود يقولها كلام الملوك لا يعاد وأترد عليه بهالرد ومن يومها صار

يقولها ... ما حس بعمره الا وهو داعم واحد

عارف: باسم الله الرحمن

سلطان: عوذ بالله من ويهك ياأخي شو ها ما أتشوف وين عينك ؟؟؟!!!

عارف: سلطان؟؟؟؟؟

سلطان: هههههه هلا الغالي أشحالك وتقرب منه وسلم عليه.... أشفيك يا ريال وين ساهي بفكرك

عارف : سلامتك والله ما أدري ....

سلطان: عسى ماشر شو مييبك المستشفى

عارف: هاي عذو وو ... تدارك نفسه وسكت ... الرضيعه يايه عند ربيعتها

سلطان: أها خلاص عيل بترياك هنه جان تبا

عارف : دقايق بس ... (غرفه وعد قريبه من الاستقبال) .... تجدم منهم عارف وسأل عن غرفه وعد حمد

سلطان: عارف ... عارف

عارف يترا النيرس أتشوفله رقم غرفتها : هلا

سلطان : هاي حجرة حرمتيه

عارف يستهبل أونه ما يعرف أنه سلطان ريل وعد :والله !!! ما كنت أدري أنك ماخذ بنت حمد ....

سلطان: توك تدري !!! مبروك ... بس الدكتوره عندها الحين خل أهلك يتريون فغرفة الإنتظار وأول ما تخلص بخبرك

عارف: أوكي بوصلها وبرد لك

سلطان : تمام

عارف يكلم أخته بصوت واطي : عذوج تعالي يلسي فغرفة الانتظار لين تطلع عنها الدكتوره

عذيجه : ها ريل وعد ؟؟؟ ماشاء الله عليه الصراحه وسيم

عارف : أي أنتي شو ما تستحين أتبحلقين في الريال فضحتينا أمشي أشوف

عذيجه: هههه الله ياخذ عدوك شو أبابه أبحلق فيه ترا أنا ما جد شفته عالطبيعه وما حضرت عرسهم وبعدين عندي ريلي يسدني عن ..(سكتت )

حست بمراره وغصه كان ودها تكمل جملتها وأتقول ريلي سادني عن الكل ومافي واحد يسواه ... بس هالكلام كانت ممكن أتقوله قبل بس الحين

مستحيل .....

عارف وهو حاس باللي فيها : فديت أم عروف يلا الغاليه استريحي أهنيه وأنا برجع لج أوكي

عذبجه : باسم الله منو هاي أم عارف ...؟؟؟

عارف : أنتي بعد شو

عذيجه : ههه شو قالولك خبله أسمي ولديه عليك لا أبوي كافني عروف واحد مينن العالم بعد أزيد الهم عقلبي ليش ؟؟!!!

عارف : الله يسامحج ألحين أنا هم أصلا أنتي ودج اتسمين ولدج الخسف باسمي ...

عذيجه : عارف دخيلك مب متفيجه لك سر عند ربيعك وخلني فحالي

عارف : ههههههههه باي



فبيت عوشه .... الساعه 10:00 الصبح



عوشه : مهروووووووه وصمخ...

شهد : أمايه شو بلاج أتزاعجين تراني قلت لج تسبح يبالها وقت لين أتخلص

عوشه : عنبو شو سبوحه الحين وهي أشعنه ما أتنش من وقت يوم تدري أنه وراها سيره ؟؟؟!!!

شهد : هههه أمايه الله يهداج تراها ناشه من الصبح وأنتي مشغلتها على تلفوناتج أدقق لج الأرقام

عوشه :أنطمي أنتي المحامي مالها

شهد : والله هالبيت حاله الواحد ما يعرف شو يبون منه أفف

عوشه : حسبي الله عليكن من بنات ما خليتن فيني حيل قومي نشي بنروح عنها

شهد : لا أمايه حرام .... فجأه ترن ترن ترن ....

عوشه : ويدي شهود بلاج أصمخيتي ردي عالتلفون حشرنا

شهد : ان شاء الله أمايه مع أني متأكده أنه لج ... ألو

ناصر : سلام

شهد : وعليكم

ناصر : شهالمذهب عنبو شو عليكم بعد

شهد: تراك أنت قلت سلام وأنا أرد عليك بالمثل

ناصر : والله أني ما عرفت أربي منو أنتي ياسودا الويه

شهد : بنتك يعني منو

ناصر :بترمسين شرا العالم والا تبيني أييج البيت أغسلج بالعقال شو أتحرن ما وراكن ريال يوقفكن عند حدكن

شهد : باسم الله شو من منكر شايفنا أنسويه عنبوه هذا وأنت أبونا هاي رمستك الله العالم الناس شو أتقول عنا

ناصر : أنا أدري محد غيرها وازتنكن عليه لا بارك الله فيها

شهد : أبوي أنت اللي تغلط و أتعق اللوم عليها ؟؟؟!!! صدق دنيا

ناصر : أفففف أنا شو اللي خلاني أدق الحين أحيدج هالوقت ملتعنه في المدرسه

شهد: هههه أنا تخرجت والحين بتخرج من الكليه وأنت بعدك تذكر المدرسه

ناصر : والله يا شهود يا أني أييج البيت وأكسر ضلوعج لا بارك الله في اللي ربتكن الله ياخذها

جابر ... منو على التلفون

شهد : يديه هذا أبويه ما أدري شو بلاه حرمته رافعه ضغطه ياي يطلع الحره فيني أونه بيي يكسر ضلوعي

جابر : يخسي الا هو هاتي السماعه عنج ... خير شو عندك أتضارب البنت ؟؟؟ ما كفاك اللي سويته بأمهم هالدور على البنات ؟؟؟!!!

ناصر : أففف أنا متصل أبي أرمس مهره خلني أكلمها

جابر : يوم تبا أتكلمها تتصل شرا العالم والناس المحترمه وتطلبها هب تضارب وتشاتم

ناصر : دخيلك يا عميه خل مهره تتصل بي ...

جابر : عمرك ما بتتغير قليل أدب طول عمرك ...

ناصر رقع السماعه فويه اليد ....

جابر : عوذ بالله من شره

عوشه : شو عنده ويه النحس شو يبا منا ؟؟؟

شهد :أمايه الحمدلله أنج ما تميتي على ذمته للحين جان الله يعينا عليه

عوشه : أنجعمي أنتي أم لسان طويل ما أتحشمين حد حتى لو كان عدوج سواء دق عليج والا حدر البيت هذا ضيف

وما ضني تربيتي كانت غلط

شهد :السموحه منج أمايه بس والله أنا ما قلت شي والله هو اللـــ ،،،

جابر: خلاص يا عوشه خلي البنيه فحالها أنتي أدرى بهالخايس وطريقته في تعامله ويا الناس

مهره نزلت وهي لابسه عباتها : يلا أمايه أنا جاهزه

الكل : ........................

مهره : باسم الله شو فيكم ؟؟؟ خير شي صاير ..؟؟؟؟

شهد : أبوج كان متصل وكالعاده

مهره أتقاطعها :لا أتقولين أنتي اللي رديتي عليه

شهد : وياريتني ما رديت ويعل أيديه الكسر اذا رديت على التلفون مره ثانيه

عوشه : باسم الله عليج يا بنتي يعل أيده هو الكسر ليش تتدعين على عمرج مب زين يا بنتيه

جابر : لا حول ولا قوة الا بالله ... الحين خلصونا من سيرته ... يلا عوشه شلي بناتج وسيري على أم سلطان

عوشه : يلا يا بنيات تحيرنا

جابر: مهره

مهره : لبيه

جابر : لبيتي حايه قولي آمين ... يوم تردين دقي لويه النحس ما أدري شو عنده يباج

مهره : آمييييييييييييييييييييييي ييييين ... من عيوني يا بعد قلبي

شهد : هههه ليش هالتقردين

مهره : فديته يدي لا قردنه ولا شي شو قالولج شهد واتطلع لسانها أتعايرها ....

طلعن البنات ويا أمهن عشان يزورون حرمة عمهم أم سلطان ... وخذوا لها باقة ورد ملونه وطبعا الفاله لأنه بوسلطان خبرهم أنها طلعت من العنايه

فحسبوا حسابهم لأنه أكيد الخبر بينتشر والحريم بيروحن يزورنها ......

فبيت خليفه ،،، بو سالم



ميثا وهي ترمس في التلفون : والله شو أقولج يالعنود هالولد عنيد وراسه يابس ويعاملني بطريقه خايسه ما جني أمه

العنود : أنتي الله يهداج يا ميثا خذيه بالزين ولدج في سن المراهقه وفهالسن الشاب يكون حساس ومحتاج حد يفهمه ويوقف معاه ومن طريقتج واضح

أنج أتعاملينه بقساوة ومالج طولة بال عليه

ميثا : هههه والله ضحكتيني ألحين أنتي عانس لا ريل ولا ولد أشعرفج بهالسوالف ....خلينا منه يلتعن هو ويا أبوه المهم بخليج الحين أشوفج في الصالون

العنود :...........

ميثا : فمان الله

العنود : مع السلامه

من الصدمه ما قدرت أترد السماعه لمكانها تمت ماسكتنها وأتفكر بميثا ... أنا شو اللي مخلني أتحملها وليش ؟؟؟ معقوله هاي انسانه لا هاي مخلوق متجرد من الانسانيه

كيف يتحملها ريلها ؟؟؟ أتلوم ولدها ؟؟؟ سبحان الله مافيها ذره إحساس .... وبمراره وقهر تذكر يوم خبرتها أنها أنخطبت تذكر كيف ميثا أستخدمت كل أساليب الإقناع

عشان أتخليها ترفض اللي تقدم لها والسبب أنه هي ما أنخطبت ما كانت تبا العنود أتكون أحسن منها بشي ...أختلقت قصه وهميه من خيالها ولعبت براس العنود ..

اللي تقدم للعنود كان واحد من كبار التجار يلعب بالفلوس لعبه ...شاف العنود بالصدفه عند المدرسه وأعجب بها ووصل لهلها يطلب إيدها ,,,

العنود بفرحه : ميثوه عندي خبر وااااااااااااايد حلو

ميثا : شو قولي بسرعه

العنود بضحكه بريئه : أنخطبت ههه هههه

ميثا : جذابه

العنود : والله واللي خطبني واحد مليونير عنده فلوس ووسيم

ميثا: ولد منو ؟؟؟؟ ومن وين أتعرفينه وليش ما قلتي لي من زمان

العنود: باسم الله أشياج علي لا أعرفه ولا يعرفني ... أتعرفين موزه سالم ؟؟؟

ميثا : هي هاي الخقاقه اللي شايفه عمرها ... خسفه لو حلوه ما أدري شو بتسوي

العنود: هههه حرام عليج بالعكس هي وايد حبوبه وفنانه أنتي اللي ما أتدانينها

ميثا: أففف خلها أتولي ألحين شو سالفتها هاي شدخلها بسالفة خطبتج

العنود : ترا بطي يصيرأخوها

ميثا : وع وع وع عنوده والله ما عندج سالفه لو وافقتي وبعدين أنتي وايد صغيره على العرس

العنود: أتصدقين أنا بعد قلت جيه يعني ألحين أنا توني مكمله 17 وما أحس أني قد المسؤليه بس هو يحبني

ميثا : أي ياويهج أي حب أي خرابيط شو فلم هندي لا حب ولا شي هذا واحد تافه أصلا

العنود : لا ميثوه هو قال لأبويه بنتك أباها لوشو ما يصير واذا تبا بخليها أتكمل دراستها وأتسوي اللي تباه بس دخيلكم يوزوني إياها

ميثا: جذاااااااااااااب والله يقص عليج

العنود : لا حرام حتى أهله ناس وايد طيبين أمه فنانه تعرفين أول ما شافتني قالت ماشاء الله عليج مب من أشوي متخبل ولدي عليج

ميثا : هههه ههه عنودي لا أتضحكيني ألحين أنتي شو من جمال فيج ...؟؟؟ الصراحه بياضج يلوع بالجبد جنه روسيه ومافيج جمال أنا أحلى

العنود : أوي ميثو يعني هو يقص علي

ميثا: هي يالهبله هالرياييل ما لهم أمان وخصوصا هالتجار عادي يتزوجج كمن يوم بعدين يطلقج

العنود : لا باسم الله علي ما أبي أتطلق وأنا صغيره والله حرام

ميثا : الصراحه عنود ما أبيج أتوافقين عليه والله عشان مصلحتج وأنا أخاف عليج أنتي لو أتعرفين عنه جان رفضتي على طول

العنود : شو شو شو أتعرفين عنه ؟؟؟ خبريني الله يخليج ...

ميثا : لا ما يخصني بعدين بتقولين أنا غيرانه منج عشان جي قلت هالرمسه وما بتصدقيني

العنود: لا والله ميثوه حبيبتي أنتي أتعرفين ما عندي أم ولا أخوان ولا خوات وأنتي كل شي بالنسبه لي بعد باباتي أرجوج أنصحيني أنا غبيه ما أعرف شي

ميثا : أتعرفين حصووه الصايعه ؟؟؟

العنود : هي أعرفها شو فيها قولي ؟؟؟؟

ميثا: تطلع وياه

العنود :لا حرام عليج ميثوه هو مب من هالنوع والله يمكن أنتي مغلطه مب هو

ميثا : شفتي قلت لج ما بتصدقيني خلاص عنود وافقي وأنا أنسيني ما أبي أشوفج تهدمين مستقبلج وأسكت ولا أقدر أستمر بصداقتي وياج

العنود : لا مياثي حبيبتي مصدقتنج وخلاص اليوم بقول لباباتي أنا مب موافقه

ميثا بخبث : وما بيقول شي

العنود : مب أنا وحيدته واللي ماله غيري في الدنيا ..أكيد بيوافق هو أتهمه سعادتي وبس ....

ميثا بإبتسامه خبيثه : طمنتيني الله يطمنج .....



بعد هاي السالفه بفتره بسيطه أنخطبت ميثا وعرست قبل لا أتخلص الثانويه العامه .....



أرتسمت إبتسامة قهر على شفاتها تلفتت حولها ما لقت غيرها والخدامه في البيت ... أبوها بعد رفضها لبطي سكت عنها وقرر أنه يخليها تتخذ قراراتها المصيريه بنفسها

لأنه أنصدم منها يوم حاول يقنعها أنها ترضى بـــ بطي زوج ردت عليه بالكلام اللي علمتها إياه ميثا وكان كلام يسم البدن ... بعدها بأربع سنين توفي بجلطه ومن يومها

والعنود عايشه بروحها فبيت أبوها يزورونها خوالها وحريمهم وطبعا الكل طمعان فثروتها .... خالها الكبير كل يوم والثاني يايب لها شيبه يبيها تتزوجه عشان يقدر يلعب

بفلوسها على كيفه بس هي ترفض ... خليفه زوج ميثا مستلم إداره شركات أبوها وحلاله طبعا بعد ما أقترحت ميثا عليها هالشي وتاخذ منها نسبه من دون علم خليفه ....

ياترى شو مخبيه لي الأيام معقوله في حد بيرضى ياخذ وحده مثلي عانس عمرها 33 سنه ؟؟؟ مستحيل ... الظاهر أنكتب عليه أعيش وحيده طول العمر ...الله يسامح

اللي كان السبب ....................





حميد : أشوي أشوي يا أمايه مب زين عليج جذه

وفا: هههه فديتك عمي عادي مافيها شي أصلا المشي في هالفتره وايد أوكي

حميد : ماعليه بس ديري بالج ... والمستشفى مب طاير

وفا: هههههه عميه والله من شوقي لوعد ... ولهت عليها ما شفتها من زمان

حميد : أيييييييييييييييه يا وعد منو يصدق هالطيحه اللي طاحتها

وفا: أفا عليك عمي لا أتضيق روحك ان شاء الله ما عليها شر ...

حميد : الله كريم ... ها جنه سلطان ... وأول ما وصل عندهم ركض له سلطان

سلطان وهو يلوي عليه : أشحالك عميه شو أخبارك طمني عليك

حميد والفرحه باينه على ويهه : يعلني فداك يا سلطان أنت اللي وين كنت طمني على أخبارك شو مسوي و شو صار عليك ؟!!!
سلطان : السموحه منك عمي والله غصبن عني بس أوعدك أني ما أبعد عنكم مره ثانيه ....

حميد والدمعه بعيونه : وعد يا سلطان وعد ...ونزلت دمعه من عينه

وفا حبت أتغير الموضوع : السلام عليك أشحالك سلطان ...

سلطان : وعليج السلام ورحمة الله وبركاته ...(طبعا ما عرفها لأنها متغشيه )

وفا: عرفتني ؟؟؟؟

سلطان وهو عينه على بووعد : ههه أأأ خالتي أم سهيل

وفا: ههههههههه الله يسامحك ألحين أم سهيل شابه وحامل ههههههههه

سلطان: هههههه أوه تذكرت وفاء

وفا : تو الناس

سلطان : أفا يا أم سلطان وهل يخفى القمر !!....؟؟؟

وفا : هههه على كيفه أونه أم سلطان لا تطمن قالولي بنيه ان شاء الله وبسميها وعد

سلطان: والله يا أم وعد ان كانت بنت وسميتها وعد لج بشاره السموه اللي تطلبينها لو هي عيوني

وفا : تسلم وما أتقصر بس ما عليك خلني أتنقى عكيفي وأتكتك بعدين بخبرك باللي أباه سموه



حميد : ههه سلطان شو أتسوي خاري ...؟؟؟

سلطان : الدكتوره داخل وأنا أترياها تطلع أتطمني عليها

حميد : وفا أمايه تعالي بوصلج الاستراحه لين تطلع الدكتوره

وفا: برايك عميه أدلها بروح بروحي ....

حميد : لا بنتي بوصلج ... يلا أمايه



سلطان : ويه عروف أنت من وين طلعت لي

عارف : الله يغربل إبليسك تراني قلت لك بوصل الرضيعه وبييك يوم قربت شفت ناس عندكم عشان جذه ما ييت

سلطان : أهاااا حلو ...



,,,,

في غرفة أم سلطان

عوشه : الحمدلله على سلامتج يا ويخيتي ما أتشوفين شر عساج بخير ألحين

أم سلطان: بخير دامكم بخير ... أشحالكن يا بنات

مهره وشهد :بخير الله يسلمج خالوه

مهره : خالوه تريقتي ؟؟؟؟

أم سلطان : لا يا بنيتي مالي نفس

مهره : لا خالوه ما يصير..... أحط لج أشويه شوربه ؟؟؟

أم سلطان : مشكوره فديتج لا أتعبين عمرج ....

مهره : تعبج راحه ...عدلتها عشان تقدر تشرب الشوربه ...

أم سلطان : الله يرزقج بالريل الصالح اللي يسعدج يا ربي ....بارك الله فيج ما قصرتي

عوشه : بالهداوة يا أميه مب زين أتحركينها جذه بدفاشه

شهد : هههه والله قطعوها صدق دفشه

عوشه : أنتي بدل لا تضحكين على ختج فازعيها وزهبي الشوربه ... والا فالحه لطوالة اللسان

مهره : ربج ما يضرب بعصا ههههه دوااااااااااااااج

شهد مبوزه :...........

عوشه : أقول يا أم سلطان

أم سلطان : آمري الغاليه شو فخاطرج

عوشه : ما يآمر عليج عدو ... وعد مرت ولدج هنه في نفس المستشفى صح ؟؟!!

أم سلطان : هي بس هي الصوب الثاني

عوشه : شهد طوفي ويايه بنمر عليها

أم سلطان : زين أتسوين يا أختي طمنيني عليها

عوشه : ان شاء الله يلا شهد ....

طلعوا واتجهوا لغرفه وعد .... فهالوقت طلعت الدكتوره من عندها وسار بو وعد يزقر وفا عشان تدخل عندها

استراحه النساء

و فا: هههه الله يسامحج ألحين أنا الي قطعت والله أنتي وأربيعتج مب متفيجات لي

عذيجه : هي أنا وربيعتي والا أنتي الي ما لج دخل فينا

وفا: الصراحه أنتي من سافرتي ما دريت عنج احيد من كم شهر سألت وعدوه قالت لي بعدها ما ردت وقلت لها أتسلم عليج

عذيجه : هي أذكر وصلتلي سلامج ... ما شاء الله أنتي فـ أي شهر ألحين

وفا : الله يسلمج توني مخلصه الثامن وداخله التاسع

عذيجه :ماشاء الله والله مب باين عليج ... متى عاطينج موعد ؟؟؟

وفا : أول الشهر يعني بعد اسبوع ان شاء الله ... وأنتي

عذيجه : الله يقومج بالسلامه ان شاء الله .... أنا الله يسلمج على حسبة الدكتوره المفروض 11/11 عقب رمضان ان شاء الله

وفا : الله يعينج يعني باقلج تقريبا ست شهور ... شو شعورج ؟؟؟ كيف حاسه مع أول حمل

عذيجه : ما أعرف خايفه ومستانسه بنفس الوقت شعور حلو بس الصراحه أخاف من الولاده

وفا: لا اتخافين ولا شي توكلي على الله وان شاء الله ما عليج شر

حميد عند الباب : أم سيف

وفا : ويه هذا عميه حمد .... تفضل عميه محد غريب

وأول ما دخل حميد : السلام عليكم ورحمه الله وبركاته

عذيجه و وفا: وعليكم السلام ورحمه الله وبركاته

عذيجه : هلا عمي حميد اشحالك .... نشت وباسته على راسه

حميد: ماشاء الله تبارك الرحمن وأنا أقول المستشفى منور ثرج أنتي موجوده ...حبتج العافيه يا بنت محمد أشحالج وكيف صحتج

عذيجه : بخير بشوفتك أشحالك أنت عمي شو مسوي عساك بخير ونعمه

حميد: الحمدلله يا بنتيه عايشين .... الحمدلله ...خير ان شاء الله شو عندج ؟؟؟

عذيجه : سلامتك عمي بس ييت بتطمن على وعد

حميد :أها ... نشن عيل الدكتوره طلعت عنها .....





في العين فبيت مزنه ....

فاضل: مزنه اللي قاعديصير ما ينسكت عنه ...

مزنه : ....

فاضل : مزنه أكلمج أنا

مزنه : شو تباني أقولك ؟؟؟

فاضل: لا أتمين ساكته فكري ويايه بحل يرضي الطرفين

مزنه : فاضل اللي صار شي خارج عن ارادتي وإرادته وأنا مستحيل أضر سلطان بشي هو الوحيد اللي بقا لي في هالدنيا

فاضل: أفا يا مزنه وأنا وين سرت عنج ؟؟؟!!!

مزنه بحزن : أنت هه هه أنت يافاضل سرت مكان بعيييييييييييييدأنت يا فاضل صرت صعب المنال

فاضل: ليش أتقولين هالرمسه يالغاليه أنا من لي في هالدنيا غيرج ؟؟؟ أنتي أهلي وناسي أنتي أغلى ما أملك

مزنه: ليتك يا فاضل أثبت لي هالشي مب الا رمسه ...

فاضل : مزنه لا أتلوميني على شي ما لي دخل فيه وصار غصباً عني

مزنه : عبادي نش ؟؟؟؟

فاضل: لا بعده راقد .... ليش أتغيرين الموضوع ؟؟؟؟

مزنه: لأنه ما منه فايده نقاش عقيم ... فاضل خلني جذه أنا مرتاحه بحياتي والحمدلله سلطان مب مقصر علي بشي موفر لي كل شي

عندي خدامه تشوف طلباتي ودريول وبيت باسمي شو أبا أكثر من جذه ؟؟؟؟ الحمدلله



فاضل : بس يامزنه لا الخدامه ولا الدريول والبيت بينفعونج من دون سند ... عبادي الحين صغير ما يفتهم بس باجر بيكبر يبي حد يجابله

أنتي اللي فيج مكفيج يمكن ألحين مب حاسه بعجزج عن رعايته لأنه صغير وطلباته بسيطه بس باجر يوم يكبر اذا مالقى حد يقوده ويفهمه

الفرق بين الصح والغلط بيضيع من إيديج وأنتي ما لج حيله ...

مزنه : فاضل صح أني أنحرمت من شوفته بس الحمدلله مربتنه تربيه صحيحه ولا أتظن أني فيوم حسيت بعجزي .. اذا ما شفت بعيوني

أشوف بقلبي وإيماني الحمدلله على كل حال أنت لا أتحاتيني وفرغ نفسك عشان أنروح بيت أهل هيفا العصر

فاضل: الله يهداج كيف ما أحاتيج وأنا مالي غيرج ؟؟؟وبعدين أشوف الوقت مب مناسب للخطبه بعدني مب متقبل أنه فيوم ممكن تكون فحياتي

إنسانه أقدر أشاركها أفراحي وأحزاني ...

مزنه :فاضل لا أتفشلني في الناس لو سمحت أنا ما سويت هالشي الا يوم أنت طلبت ومالك حق أتي تهدم قبل لا تبني ,,, سرارتاح الحين

وأجهز الساعه 4

فاضل : ان شاء الله وماعاش اللي يفشلج ...





......



على بحر الممزر



سيف : مرحبا

هيفاء : ...................

سيف: حبيبي سوري والله أنتي ما تدرين شو اللي صار عليه فغيابج

هيفاء : .............

سيف : هيافي حياتي ردي عليه لا أتعذبيني والله ما أقدر أتحمل زعلج

هيفاء: ههه ليش يا سيف ؟؟ ليش أتقص على عمرك وعلي سيف أنت ما تباني أنت بس تبا تتسلى ويايه وبعدين أظن أنا قلت لك خلاص

بنخطب واذا الله راد وصار نصيب بتزوج هالانسان ....

سيف: نعم نعم ما سمعت عدل عيديها الرمسه .... ههههه أونه بتزوج مسكين حالج

هيفاء: سيف أنت شو تبا مني بالضبط ؟؟؟

سيف: أباج لي وبس

هيفاء : ليش ما تتقدم لي رسمي ؟؟؟

سيف : قلت لج مب وقته

هيفاء : أنت ما قلت مب وقته قلت اذا خطبج واحد أوكي توكلي على الله وخذيه لا أتمين تترييني

سيف: أنا ما قلت

هيفاء : ما بناقشك لأنك تدري أنه هذي الرمسه أنت قايلنها

سيف: هيفاء ترى اذا فكرتي أتوافقين بوديج فداهيه بفضحج مسجل صوتج

هيفاء : شو تباني أتوقع من انسان حقير مثلك أكيد هاللي تقدر عليه يالجبان

سيف : يا حيوانه لاأتقولين جبان أتخسين والله للأييج لباب بيتكم وأفضحج ربيعي في أمن الدوله طبعا ما يحتاي أقولج شو ممكن أسوي

هيفاء : ربيعك هذا ما عنده ضمير مستغل منصبه بشكل خايس وحقير الله بينتقم منك ومنه و خذها نصيحه مني سيف لا أتحاول تستفزني

يتراوالك أني مسالمه وعلى نياتي بس صدقني يوم غايته ما عليه من حد أتبع مبدأ علي وعلى أعدائي ... ماعاد يهمني شي مثل ما

أنت أناني أنا بعد بصيرأنانيه وبشوف مصالحي

سيف مصدوم : ......

هيفاء : الله لا يوفقك ...وترقع السماعه



بعده مب مقتنع باللي صار ولا مصدق الرمسه اللي سمعها معقوله هاي هيفاء الانسانه الحبوبه الرقيقه الحنونه اللي يحبها من كل قبله ؟؟؟

ليش جي أتعاملني ليش أنا شو ذنبي شو سويت ؟؟؟؟؟

أمرك غريب أتحبها وتتدعي العكس ؟؟؟!!! شو أستفدت من كتم حبها باجر بيخطبها غيرك وبتوافق عليه وأنت بعدك أتفكر اذا أنت أتحبها ليش أتزعلها؟؟؟

بس والله أنا ما أعرف كيف أعبر لها عن حبي أبي أتأكد أنها أتحبني ... شو تتأكد معقوله بعد كل هاي المده بعدك تبى تتأكد ؟؟؟ أنت أصلا مب عارف شو

تبغي .... يحس بصراع غريب بداخله كأنه شخصين مب شخص .. يحبها ويخاف من مشاعره ... وينج ياوعد يوم أحتاجج وين ؟؟؟ ياربي ليش كل ها يصير ويايه

أنا ما أبي غير أنها تفهمني و أتأكد منها شو اللي يضمني أنها ما بتخوني مثل ما خانت ثقة أهلها وكلمتني ؟؟؟!!!! أفففففف الله يلعنها من حاله ياربي تشفي وعد مالي غيرها

محد يقدر يساعدني بعدك غيرها .....





فبيت خليفه الساعه 1 ونص الضهر



سهيل : السلام عليكم ورحمة الله وبركاته

خليفه : وعليكم السلام ورحمة الله وبركاته ... أشحالك سهيل

سهيل تجدم وباسه على راسه : بخير الله يعافيك أبويه ... وين سالم ما رد البيت ...؟؟؟؟

خليفه : سالم عند يدتك في المستشفى

سهيل : أبويه ممكن طلب ...

عنود :هههه بدينا بالتقردين

نجود : اسكتي خل نسمع شو يبا

خليفه اللي يموووت في بناته : عيب يوم يرمس أخوكن الكبير تسكتن لا تتدخلن بين رمسة الرياييل

غيث : أحسن أدبوكم يعني باباتي يوم أتكلم أنا بعد صح ؟؟!!!

عنود : ههههههههه يا ويهك ألحين أنت طولك شبر ونص تتفلسف بعد

نجود : آخر زمن غوغو مسوي له راس

خليفه : عنود ونجود ممكن يا سموالأميرات أتنقطونا بسكاتكم .. سهول حبيبي آمر شو فخاطرك ...

سهيل : مايآمر عليك عدو ,,, بس بغيت أروح أزور وعد ويدوه

الكل : هي بابا نحنا بعد بنروووووووح بليييييييييييييز

خليفه : وين أمكن بعدها ما يات ؟؟؟؟

عنود : أصلاً هي متى يت طول عمرها برع ...

خليفه أنصدم من رد بنته ماتوقع أنه عياله ملاحظين غياب أمهم المستمر عن البيت ماعنده رد ولاله ويه يقول لبنته عيب صحيح أنه

مهما صار تكون أمهم بس هي تناست هالشي والظاهر بتخليهم ينسونه ...

بعد فتره من السكوت

خليفه : شو رايكم أنروح نتغدى برع وبعدين بوديكم سيتي سنتر والعصر بنروح المتشفى عند أمايه ووعد !!!!

غيث يناقز من الفرحه : هي هي هي يعيش خلوفي أحسن بابا في العالم

عنود : الله ونااااااااااااااااااااااا اسه بابا أنت فنان واليوم الأربعاء يعني ماشي درااااااااااااااااااااااا ااااااااسه يا سلام

نجود: هههههه باسم الله جنهم عيال فقر وماشايفين خير ...

سهيل : ههه والله ضحكتيني مب جنج بتطيرين من الفرح روحج مب مصدقه الخبر للحين ...

خليفه : هههههههه يلا اللي بيتأخر ما بيروح

ركضوا كل واحد على غرفته علشان يبدلون وما يتأخرون

خليفه فخاطره أشياء وايده حاس بتعب وأنه محتاج لشريكة حياته توقف معاه بس مب لاقيها لاهيه من صالون لسوق

لحفله لعزيمه حتى أمه ما راحت تتطمن عليها وتتحمد لها بالسلامه ...ليش هي أصلا تدري أنه أمي الحين بخير ؟!!!!

يا ربي شو اللي مصبرني عليها شو ؟؟؟

....................

في مدرسه ثانويه دبي



هزاع : والله يا حمد بخبر عليك عروف هو اللي يعرف لك

حمد: أنت جب ما يخصك أشفيك مستوي شرات الحريم أتنقل الرمسه

هزاع: الحين اللي يبي مصلحتك صار مثل الحريم الله يسامحك ...

حمد: هزاع أنت ما يخصك فيني فاهم أخوي في البيت لا أكثر

هزاع : بس ياحمد

حمد : فكنا الله يخليك ألحين أتدور علي في المدرسه كلها وآخرتها هاي سوالفك التافهه

هزاع: شوف أنا حذرتك هالمره بس المره ...

حمد: أخبرك أقلب ويهك ولا تتفسلف علي فاهم ... على آخر عمري أتي أنت الياهل وتنصحني

هزاع: الله يهديك

حمد: هههه بدا المطوع يلا باااااااااااااااااااااااي

هزاع : لا حول ولاقوة الا بالله ألحين اللي يطلب لك الهدايه سويته مطوع !!!!!

فهد (ربيع هزاع الروح بالروح) : زوز خله يولي عقله في راسه ويعرف خلاصه وأنت اللي عليك سويته

هزاع: لا يا فهد هذا أخوي من لحمي ودمي واللي يضره يضرني ما عليك منه أنا أعرف أتصرف وياه

فهد: يلا عيل خل نلحق على الصلاه ..

هزاع : يلا مشينا

.........





سعيد: ألو مرحبا فينا نحكي مع القمر

سيف فخاطره , ييت بوقتك : هلا أشحالك بو عسكور

سعيد : الحمدلله منيح أنت شو أخبارك شو عامل

سيف : ههه لا اتضحكني ما يليق عليك ارمس شرا العالم

سعيد : فديتك حبيبي أنته

سيف: أعوذ بالله من الشيطان أشفيك أنت !!! مستخف ؟؟؟؟

سعيد : باسم الله شو فيها لو دلعت أخوي حرام والا عيب يعني لو وحده قايله هالرمسه جان تشققت من الوناسه

سيف : روحك قلتها لو وحده يعني هالسوالف أتلوق على البنات مب الشباب

سعيد : ههههه أتلووووووق أي لغه هاي ؟؟؟؟

سيف : يا أخي حل عن سماي شو عندك أشعنه متصل تستعبط عليه

سعيد : أفا حياتي شو فيك ليش متضايق

سيف : سعود أرمس عدل والا بسكر التلفون والله مب فايج

سعيد : أفا ليش خير شو فيك أنت وين خبرني

سيف : عند الممزر

سعيد : أفا طع الخيانه

سيف: لا والله بس كنت متضيج أشوي قلت أتمشى

سعيد: أنزين لف وراك أشوي

سيف وهو يلتفت وراه : يالنذل ألحين منشف ريجي من الصبح ومأذني وأنت وراي

سعيد : الصراحه أنا كنت خاطف على السريع شفت موترك مستن في الباركنات قلت خل أغلس عليه أشوي

تجدم منه وتوايه وياه ....

سيف: باسم الله سعود بديت أشك في سلوكك أنت شي فيك ؟؟؟ متعاطي شي؟؟؟؟

سعيد :هههههههههه حرام أبوس أخوي !!! حرام أوله عليه ؟؟؟؟

سيف: ما قلنا شي بس يوز عن الطفاسه

سعيد: ههههههههههههههههههههه تريقت ؟؟؟؟

سيف: لا والله مصراني متقطعه من اليوع

سعيد: عيل قم وياي عازمنك على الريوق

سيف: يلا،،،،،، أنروح بموتري والا موترك

سعيد : لا كل واحد يروح بروحه

سيف: ليش شو عندك تبا أتروح بروحك؟؟؟

سعيد: سلامتك بس يمكن أنت تبا أتسولف ويا الحب ...

سيف: يالسخيف لا حب ولا خرابيط شو ماشي شغل يعني

سعيد : أفا روميو شو صار فيك ليش أعتزلت الفن

سيف : سعيد أذلف عن ويهي خلاص مب ساير وياك

سعيد : أفا تزعل من بوعسكور ؟؟؟!!! أسولف وياك يلا قم بنروح بموتري ...

سيف: ان غلست علي والله بودرك وبروح ...





في غرفة وعد



عذيجه لاويه على وعد: فديت روحج وعود حبيبتي نشي

وفا وهي تدمع: أستهدي بالله يا عذيجه مب زين هالي أتسوينه أدعي لها

عذيجه: مب مصدقه اللي يقولونه هي راقده الحين بتنش ... وعدان نشي شوفي أنا حامل

وفا تلطف الجو : ههه وعود نشي أنا بعد حامل والفال لج ان شاء الله

عذيجه: لو سمحتي لا أترزين بجرشتج بينا

وفا: لا والله أصلا أنا الوحيده اللي يحق لها ترمس لأني بسميها وعد ان شاء الله

وفجأه عم الهدوء ... اشوي وسمعوا حد يدق الباب ودخل

عوشه : السلام عليكم ورحمه الله وبركاته

شهد: السلام عليكم

سلموا على بعض وتموا يسولفون اشوي وبعدين وصلت رويه أم سهيل وخذت وفا وراحت

أما عوشه وبنتها رجعوا عند أم سلطان يطمنونها على وعد وعذيجه رجعت ويا عارف



في السياره

عارف : عذوج طمنين عليها أشحالها؟؟؟

عذيجه :...................

عارف : عذوج أشفيج صاخه شو ياج ؟؟؟؟

عذيجه بدت بنوبة بكاء بطريقه هستيريه .....

يا ترى شو اللي صار



ترقبوني في الجزء الياي وأقولكم من الحين بيكون بعد اسبوعين لأنه عندي أمتحانات ....

مشكوووووووووووووووووووووو ووورة على الجزء الرائع

:fa42: :fa42: :fa42: :fa42: :fa42: :fa42: :fa42:

أنا اليوم شفت الجزء وقريته قبل الإمتحان..

والله يوفقك في امتحاناتك..

وفي الإنتظار..

مشكورة على القصة وفي انتظار اليديد

ثانكس حبوبه عالجزء وفانتضار الجزء 9

عاشقة الريم
الله يسلمج ويوفقنا أجمعين

مزون **** ريم العين

العفو حبايبي واتمنى يعجبكم الجزء الــ 9

أموت أنا في حبهم



الجزء التاسع

في السياره

عارف : عذوج طمنيني عليها أشحالها؟؟؟

عذيجه :...................

عارف : عذوج أشفيج صاخه شو ياج ؟؟؟؟

عذيجه بدت بنوبة بكاء بطريقه هستيريه .....

عارف بركن السياره عند أقرب محطة بترول ونزل ياخذ لها غرشه ماي وبنفس الوقت يبي يترك لها المجال أتعبر عن اللي في

خاطرها ... عارف مقدر شعورها لأنه وعد كانت الإنسانه الوحيده اللي أتعرفها أو بالأحرى اللي تمت على صله وياها بعد سالفة

سجن أبوهم ... كل ربيعاتها أهلهن أجبروهن يبتعدون عن عذيجه لأنه أبوها كان مسجون بالكويت ومحد يبي بنته أترابع بنت خريج سجون حتى لو كان مظلوم...بس وعد غير كانت أختهم اللي ما يابتها أمهم همهم همها وفرحهم فرحها وعد جزء لا يتجزأ من حياة عذيجه وغاليه على قلبها ( عارف فخاطره بس مب أكثر من غلاتها فقلبي ) وأكيد بتتأثر باللي صار لها ....



المحاسبه : 5 Dh sir

عارف أنتبه أنه في حد يكلمه : excuse me !!????

المحاسبه : 5 Dh sir

عارف : sorry here you go

المحاسبه : Thank you sir , have a nice day

عارف : thanks , same to you

بعد ما وصل للسياره شافها أتصيح بس بهدوء وشكلها أرتاحت أشوي ... فتح غرشه الماي وقربها لها

عارف : عذوجه أشربي أشوية ماي وتعوذي من إبليس

عذيجه خذت الماي وشربت منه أشوي ورجعت راسها على الكرسي وغمضت عيونها وصورة وعد ما أتفارقها

عارف يحاول يغير الجو : عذوج شو رايج أنمر على اليهال ؟؟؟

عذيجه: هم ممممممم

عارف : شو همممم أقولج شو رايج أنمر على الشبيبه وأنروح نتغدى بمطعم ؟؟؟؟؟

عذيجه : كيفك بس أنا نزلني البيت عند أمايه

عارف : شو نزلني البيت مب بكيفج وبعدين أمايه تغدت الحين الساعه 1 وأنتي عارفه الدكتور موصي تتغدى من وقت وتاخذ دواها الحين ... يعني حتى لو رحتي البيت بتلقينها راقده ... يلا غناتي خلينا نستانس أشوي ...

عذيجه: مالي خلق عارف والله مالي خلق

عارف : ما يخصني أنا بمر على حمد وهزاع قبل بعدين بناخذ روضوه وحموده

أتصل بالدريول يقوله أنه هو اللي بيمر عليهم كلهم وأول ما وصل عند المدرسه وركن سيارته أشوي بعيد وأتصل لـ هزاع وحمد

أول ما وصلوا بدت الحرب العالميه



هزاع يمشي بسرعه : أنا بيلس جدام ما يخصني

حمد: يالنذل أنا أكبر منك وأنا اللي بيلس جدام

هزاع : ما يخصني وعلى طول فتح الباب وأنصدم ....!!! باسم الله أنتي شو أتسوين هني

عذيجه اللي أنفجرت من الضحك عليه: ههههههههههههههه شو شايف يني ؟؟؟!! شو يعني شو أسوي هني ؟؟؟ عبببببببببببببببببببببببب بببببببببببببط

حمد: ههههههههههههههاي والله وأحترق الويه الله داواك تستاهل عشان تتأدب ومرة ثانيه تحترم أخوك الكبير

هزاع: هه هه والله ضحكتني أنا أحترم اللي يحترم نفسه

عارف : جنكم مصختوها وأنا ساكت لكم ؟؟!!!!

عذيجه: الله ياخذ إبليسكم أنتوا كله تتناقرون عنبو جنكم عدايل

حمد: ههههه كله من هالمطوع

هزاع: أحسن منك ويشرفني أكون مطوع... الحمدلله على الأقل أعرف ربي

حمد: شو قصدك ؟؟؟ أشوفك تغلط على كيفك

عارف : أفففف أستغفر الله صدق أنكم بلوه أصلا أنا الغلطان اللي ناوي أطلعكم تدرون بنزلكم في نص الدرب أخذو تكسي وروحوا البيت ونحن بناخذ البنات وبنروح نتغدى

حمد : نعم نعم حلوه هاي لا حبيبي أستريح مب نازل من السياره ما يخصني

عذيجه: خلاص صدعتوني والله حتى البيبي بدى يرافس من حشرتكم .....

هزاع : فديت البيبي وماماته خلاص عذوجه عشان خاطرج والا بعض الناس ما يستاهلون ...

حمد: وي عارف كيف تسكت له ؟؟؟؟ أنا منك جان غسلته بالعقال

عارف : وأنا منك جان حطيت لساني فــ ثمي وسكت

عذيجه: ههههههههههههه الحمد لله والشكر يلا عن نتحير على البنات

مروا على مدرسة البنات وطلعتهم عذيجه لأنه دوامهن يخلص الساعه 2 ونص

روضه متروعه: باسم الله شو صاير عذيجه بلاج أمايه شي ياها ؟؟؟ شو فيكم حد من أخواني فيه شي ؟؟؟؟

حمده: عذوج شو صاير والله ما أقدر أتحرك من الزيغه وليش جي ويهج ؟؟؟ كنتي أتصيحين

روضه وهي تبلع ريجها: عذيـ ــ ــ ــ جـــ ـــ ه

عذيجه: حووووووووو شو بلاكن أنتي وياها أستخفيتن ألحين هاي يزاتي يايه بطلعكن أنروح نتغدى مسويات لي فلم هندي ؟!!!!

روضه: الله يسامحج روحي من الصبح قلبي منقبض ما أدري شو فيني وأتين أتطلعيني فجأه والله تروعت

حسبالي

عذيجه أتقاطعهن : بسسسسسسسسسسسسكن من الهذره يلا أمشن فضحتونا لو يسمعني مدرساتكن بيقولون ونعم الأخت مطلعه خواتها عشان يتحوطن ....

روضه وحمده : هههه رحم الله إمرءٍ

عذيجه : أوكي ألحين أنا الغلطانه

روضه وهي أتبوسها : فديتج والله أنتي تاج راسي

حمده : بدى التقردين

روضه : جب

عذيجه : بديتن !!! نحن ما نخلص من زوز وحمد تبدن أنتن والله ليذبحكن عروف

حمده : فديت هالطاري فديت روحه

روضه : الحمدلله والشكر

حمده: جب يالغياره

طلعن من المدرسه وركبن السياره وطبعا في البدايه أشوية ضرابه وياالشباب بعدين أصطلبوا وتموا يسولفون

... راحوا مطعم قصر الهند

وتغدوا طبعاً طول الوقت ضحك وغشمره وجو حلو .... بعد الغدى رجعوا البيت وكلهم رقدوا بعد التعب ...



في العين ... بيت سهيل عبدالرحمن (ولد عم وعد)

نوره مبوزه : ...........

سهيل : فديت القمر فديت حياتي والله على منو طالعه ؟؟؟

نوره: أكيد مب عليك

سهيل : أفا !!! خلاص أنا زعلان

نوره : لا بابا ما يصيرأنا كنت زعلانه قبل يعني أول لازم أتراضيني بعدين أنا براضيك

سهيل : أممممم خليني أفكر أشوي

نوره : بابا شو أتفكر أنا بنتك دلوعتك زعلانه منك وأتقول بفكر خلاص أنا بعد فكرت بسالفة خالتي سلوى

سهيل عدل يلسته وبطل عيونه على الآخر : شو شو يعني ؟؟؟؟!!!

نوره : ماشي

سهيل : نواري حبيبي شو هالرمسه بعد الحين يهون عليج بابا أتخلينه وأتروحين عنه؟؟ ؟؟

نوره: لا فديتك باباتي مستحيل أروح عنك

سهيل : هاي خالتج لو الله يهديها وأتودر عنها هالسوالف الي ما منها فايده زين

نوره : هههههههه بابا ترا هي بتي تتغدى ويانا اليوم

سهيل : عوذ بالله من شرها ليش ما قلتي لي ؟؟؟

نوره : عشان تشرد !!! ههههههه

سهيل : يالشيطانه .... ليش أشرد !!! ماله لزمه اليوم لازم أوقفها عند حدها

نوره : بابا لا تتضارب وياها بليييييييييييييز

سهيل : عشان خاطرج .. فهاللحظه دق الجرس ..... أففف أكيد وصلت

نوره وهي تغمز له : بسير أستقبلها

سهيل مسكها من خصرها ورفعها فووووق ونزلها ،،، وقرصها بالخفيف على خدها.... وفي خاطره مستانس

أحمدك يارب ... صح أني أنحرمت من أمها بس وجودها معوضني ومصبرني على العيشه وحيد .......

سلوى خالة نوره الوحيده متزوجه عندها مايد 4 سنين ومزنه 2

متزوجه ولد عمها ..دكتور في الجامعه ... طبعاً من توفت أختها وهي تلح على سهيل يخليها أتربي نوره وأتسكنها عندها دوم أتحاول تقنع نوره بهالشي وأتشيشها بس طبعاً لا نوره ولا أبوها يبون هالشي أو يرضون به

سلوى: السلام عليكم ورحمه الله وبركاته

سهيل : وعليكم السلام والرحمه ...حيالله من يانا

سلوى : الله يحييك ويبقيك أشحالك ...

سهيل : مانشكي باس ومن صوبج؟؟ ؟

سلوى : الحمدلله ... سلم عليك بو مايد

سهيل : هي الله يسلمه عيل ليش ما يا وياج ؟؟؟؟

سلوى : تدريبه مشغول هاليومين يجهز امتحانات الطلبه لنهاية الفصل

مايد: ثلام عليكم ,,, تجدم وتوايه ويا سهيل(السلام عليكم )

سهيل : عليكم السلام والرحمه هلا والله أشحالك حبيبي شو أخبارك

مايد : بخيل الله يثلمك (بخير الله يسلمك )

سهيل: ياربي عليها منو هالحلوه الأموره ؟؟!!!! مزوني فديتج تعالي عندي

مزنه: بابي ( ما أبي )

سهيل : بعطيج حلاوه

مزنه: حواوه ...؟؟؟ بح .. دني خدا ( حلاوه ...؟؟؟ بح ... الجني خذاه )

سهيل وهو يفتح إيديه : لا ما خذاه الدني أنا خذيته شوفي

قربت منه مزنه وشلها على طول يلسها عجتوفه وسار صوب المطبخ التحضيري اللي متعود يحتفظ فيه

بحلاوه وشبس وسوالف لنوره ....

مايد ركض وراه : عمي أنا بعد أبي حلاوه ...

سهيل : أوكي

مايد : ثلني أنا بعد .....

سهيل : هههههه بثلك تعال

سلوى: نوره تعالي يلسي عندي

نوره : ان شاء الله خالوه

سلوى : حبيبتي شو سويتي بالسالفه اللي خبرتج عنها قلتي لبابا ؟؟؟؟

نوره : لا

سلوى وهي معصبه : ليش ؟؟؟؟!!!!

نوره خافت منها : نسيت

سلوى : أنا كم مره متصله أذكرج كيف تنسين ها؟؟ ؟؟؟

نوره : خالو أنا ما أبي أيي عندج بتم هني عند بابا

سلوى : ليش ؟؟؟؟ تعالي عندي بحط لج سرير في غرفة مزنه وبشتريلج ألعاب وايد

نوره : بس أنا أبي بابا ...

سلوى: عاد أنا ما علي منج وايد عطيتج ويه وأشاورج بتيين ويايه غصبن عنج

سهيل وهو طالع من المطبخ سمع الكلام اللي دار بينهم ويوم سمع جملة سلوى الأخيره ما تحمل أسلوبها ولا زعيجها على بنته دلوعته ....

سهيل وهو ينزل مزنه ومايد ويحطهم على الأرض : سلوى

سلوى : أعتقد أنا في بيتك ولا زم تحشمني ولا ترفع صوتك علي عيب

سهيل : لأنج فبيتي ومحشمنج ساكت لج والا كنتي شفتي شي عمرج ما شفتيه ... لا أتضنين أني ساكت خوفا منج او شي لا أنا ساكت احتراماً لروح المرحومه وأنا أدري أنه هالشي وايد بيضايقها لو كانت موجوده فدخيلج أحترمي قراري وقرار بنتي ,,, صح أنا ما أقدر أستغني عنها بس لو هي بغت هالشي صدقيني ما بحرمها منه

سلوى :هاي ياهل ما أتعرف مصلحتها ولا تدري شو الي يفيدها واللي يضرها أنت طول النهار في الشركه ومن ترجع يدوب تتفيج لها نوره بدت تكبر وتفهم ومحتاجه لأم ترعاها وأتعلمها الصح من الخطأ ..

سهيل :!!!! سبحان الله وأنتي شو رادار راصده تحركاتي !!...؟؟؟ لعلمج بس نوره ما أفارقها الا الصبح وهالفتره تكون في المدرسه ومايمديها ترجع الا أنا واصل البيت ومتغدي وياها .. والعصرأذاكر لها دروسها وبعدها نطلع نتمشى وترقد الساعه 8 كل هذا يا هانم يصير بوجودي وتحت إشرافي ... ما أضن ياسلوى يرضيج أنه حد يتدخل في تربيه عيالج ويعلمج كيف أتعاملينهم ومافي أم أو أب في هالوجود ما أتهمهم مصلحتهم

سلوى: أنت ياسهيل معاند وماخذ الموضوع بحساسيه كبيره أنا اذا حد ينصحني بشي في مصلحة عيالي مابهتم من يكون هالشخص أو مدى قرابته لي طالما أنه نبهني لشي في مصلحة عيالي مستحيل أنسى جميله ..

سهيل : في ضنج إبتعاد بنتي عني لمصلحتها ؟؟؟؟ وعلى طاري مصلحه عيالج خليني أخبرج ترا بنتج مزنه مشيتها مش سليمه ويكون أفضل لو تعرضينها على طبيب عظام الظاهر عندها إعوجاج فالقدم ....

سلوى: فال الله ولا فالك باسم الله على بنتي أنت شو تتبلى عليها ما أتخاف ربك ؟؟؟!!!!

سهيل : ليش يا سلوى أحيد انتي ما تنسين جميل اللي ينبهج لشي في مصلحة عيالج مسرع ما نسيتي رمتسج

سلوى:لو صدق كنت تبي مصلحتها ما عايرتها وتبليت عليها أصلا ً أنا الغلطانه اللي حاره قلبي عليكم مايد يلا ماماه خلنا أنروح البيت هالناس ما يفتهمون شي ....

سهيل : غدانا يا سلوى

سلوى : عليكم بالعافيه .... بعد ما عليت قلبي تباني أتغدى وأتسمم بكلامك لا مشكور ما أتقصر ...

سهيل : الله العالم ياسلوى أني ما تبليت على بنتج وأنه اللي قلته صح ...

سلوى وهي ترقع الباب بالقو : فمان الله

سهيل : الله يهديج ويصلح بالج

نوره : بابا ليش أتضاربت وياها

سهيل : حياتي ما ضاربتها كنا نتناقش هاي ما يسمونها ضرابه يلا نشي تغدي عشان أقولج عن المفاجأه الي مسونها لج

نوره : الله مفاجأه شو هي بابا ؟؟؟!!!!

سهيل : ما بتكون مفاجأه لو قلت لج

نوره مبوزه: ما أبا

سهيل : عن الدلع يلا بسرعه عشان أخبرج

نوره : أوكي



في غرفة أم سلطان ....

عوشه بعد ما راحت وتطمنت على وعد رجعت ويا شهد ويلسن عند أم سلطان وفي هاللحظه دخلوا سعيد وسيف بعد ما تريقوا ريوق متأخر جداً أقصد غدى لأنه سيف ما كل غير كروسونه أما سعيد الملقوف ما خلى شي الا وخذ منه وتريق ريوق دسم يغنيه عن الغدى...

سعيد وسيف : هود هود

عوشه : هدى هدى قربوا حياكم

سعيد : السلام عليكم ورحمه الله وبركاته

عوشه : وعليكم السلام والرحمه هلا والله هلا بالشيوخ أشحالكم شباب

سيف: سلام

شهد : سعيد وعليكم السلام ورحمة الله وبركاته ..... سيف عليكم

مهره : وعليكم السلام والرحمه

سيف: باسم الله أي شو ها عنبو حد يرد السلام جذه ؟؟؟ وأشمعنى سعيد صفيتي له السلام صف وأنا ؟؟؟

شهد " الرسول عليه الصلاة والسلام قال " بما معناه : لازم أنرد السلام بالمثل أو بأحسن " فأنا رديت على كل واحد فيكم بمثل اللي قاله ...........

سيف: وأشعنه شاقه الحلج ومستانسه يعني مسويه أنجاز حضرتج

شهد : الحمدلله والشكر اللهم سكنهم في مساكنهم

عوشه : عوذ بالله من لسان هالبنت أنتي شو ما أتحشمين حد

سيف اللي أستغل الموقف: مب لاقيه حد يردها ويوقفها عند حدها لو ترخصيني بقص رقبتها

عوشه : يبالها حد يقص لسانها

شهد: خسي والله ما عاش اللي يمد أيده علي .... هاللي ناقص وأنتي يا أمايه بدل لا أتدافعين عني تبين هذا يمد أيده علي ... وأنت صدق ما أتخيل تبا تستريل علي وأتمد أيدك!!!!! صدق ما أتخيل

سيف : جـــــــــــــــــــــب ولا كلمه والا قسماً بالله أكسر ويهج ألحين

أم سلطان : سيف عيب عليك شو هالرمسه

عوشه : خليه يوخيتي خليه يأدبها ما أتشوفين لسانها شمطوله

مهره : شهد بس طبي السالفه تعوذي من إبليس

شهد : هي ترا أنا كل من هب ودب بيأدبني ليش ما تذبحيني وترتاحين من شري مره وحده مب أحسن

سيف: شو هب ودب وخرابيط صج ويهج لوح يعني بعد كل هالتهزيء بعدج ترمسين

شهد : أكيد برمس ولا بسكت لأني ما غلطت بحق حد

عوشه: والله يا شهد ياتسكتين والا بخليه يكسر راسج بس عاد ما تخيلين توه متناقره ويا أبوها في البيت والحين ويا ولد عمج شو ما تستحين

سعيد : سيف عيب أسكت عنها ما يخصك بها

سيف: لا والله يخصني ونص وغصبن عنها تسمع الرمسه

سعيد : سيف أقصر الشر وأترك البنت فحالها

سيف: واللي يقول مب ساكت عنها

سعيد : الله يهديك

شهد : سعيد مشكور وما أتقصر بس ما يحتاي أتوصخ لسانك وياه خله يقول اللي يباه ما يهمني

سيف: ما أهمج ها ...؟؟؟ بنشوف يا شهد يا أنا يا أنتي ,,, ومن الحين أقولج الاسبوع الياي ملجتنا وعمي ما بيرد لي طلب وبتشوفين ما أكون سيف بن مانع ان ما كسرت خشمج وخليتج تركعين عند إريولي

سعيد : سيف تراك مصختها أمش معاي

سيف اللي ترك إيده : سمعتيها الرمسه ؟؟؟!!! محد غيري بيربيج

مهره مصدومه مب قادره تستوعب اللي يصير سيف بيملج على شهد !!!! لا مب مستحيل أبوي ممكن يسوي هالشي حتى من دون لا يشاورها أي يشاور عادي يقوله خذها من دون عرس او حشره .....!!!!!! رفعت عيونها اللي أصتدمت بعيون سعيد .... نظراتها له كانت ترجي تستنجد به محتاجه لوقفته وياهم ....

سعيد : سيف عن الرمسه اللي مالها معنى

سيف : سعيد أنا ما أتغشمر وان ما ملجت عليها السبوع الياي هالعقال مب عراس ريال

أم سلطان مصدومه ومب قادره تتكلم أو تترجم عن اللي يدور بخاطرها ,,,, الدكتور قايل اليوم العصر بيرخصها والمفروض ما يعرضونها لصدمات ،، بس سيف عنيد وراسه يابس بينفذ اللي في باله لو على موته ..... حست بحيره وخوف تنقلت بنظراتها صوب عوشه أم شهد اللي المفروض ما تسكت عن اللي يصير ولا ترضى به بس أنصدمت من اللي شافته ....

عوشه منزلة راسها مثل اللي مستسلمه للي يصير أتعرف الأثنين عدل ريلها ما بيرد سيف لأنه من الأساس ما يهمنه بناته و عادي عناداً فيهم يوافق وسيف أعند من العناد نفسه دامه حط البنيه براسه مستحيل يشلها وخلاص بالنسبه لها شهد صارت حرمته حلاله ولا حد له شور عليها غيره .....

أم سلطان : سيف

سيف: عيونه آمري يا بعد عمري

أم سلطان : تعوذ من أبليس يا بويه والقرار اللي تتخذه بلحظه غضب ممكن يرد عليكم أنتوا الأثنين بالشينه

لا تتسرع يا أبويه ولا تاخذ السالفه عناد وتحدي

سيف: فديت روحج أنتي أرتاحي الحين وماعليج مني وانالو ما كنت مقتنع بها جان ما طلبتها ........



في هالمعمعه كلها محد لاحظ غياب شهد اللي من سمعت الحلفان والتوعد نشت وطلعت على طول حست بخنقه وأنها ممكن تنهار بأي لحظه بس هي ما حبت أتبين ضعفها وخوفها لأي كان ... صح ملسونه بس جبانه من داخلها تخفي ضعفها بطولة اللسان والتظاهر بعكس الواقع .. من صغرها نمى هالشي وياها لما كانت أتشوف أبوها المستبد كيف يعاملهم و أمها ...

وهي تمشي في ممرات المستشفى حست بدوخه وأظلمت الدنيا فويها تسمكت بأول كرسي لقته ويلست عليه شايله همومها ... صح أني كنت معجبه بشخصيته وأسلوبه وعناده بس مستحيل أتقبله بعد هاليوم ،،،معقوله ينفذ اللي في باله عناداً فيني ؟؟!!! والله جايز مب غريبه عليه .. مافي حد بيوقفه عند حده غير يدي جابر مافي غيره .. مشت منزله عيونها للأرض بسرعه و متجهه للباب ... فجأه وقفها أصتدامها بجسم صلب هو أنسان بس حست به مثل الحجر ...

سيف والشرر يتطاير من عيونه : على وين ؟؟؟؟

شهد أرتبكت : أ أأ أ أ بروح البيت

سيف: ومن متى تطلعين روحج وما أتخبرين حد ؟؟؟؟

شهد : لا بروح الكليه

سيف: تعالي ويايه أمج أتدور عليج

شهد : لا خلاص أنت خبرها أني رحت

سيف: شهود أمشي جدامي لا أيرج جدام الناس وبعدين كلمه حطيها فبالج زين ماشي كليه فاهمة

شهد: أنت مالك حق تتدخل بحياتي وقراراتي فاهم

سيف: الظاهر نسيتي اللي صار من أشوي

شهد وبشراسه : لا مانسيت بس يوم بتخطبني وبوافق عليك وبتصير زوجي رسمي ساعتها لك الحق ترمس بس لذاك الوقت أبعد عن دربي ولا أتفكر تتحداني لا تضن أني بسكت وبرضى بك فاهم ... على طول طلعت ولقت السايق عند الباب ..ركبت السياره وقالت له يوديها البيت بسرعه ...

سيف: عض على شفايفه وهو يتوعد لها في خاطره ...



,,,,,,,,,,,,

في الصاله



العصر وبعد ما رجعت أم سلطان من المستشفى

بوسلطان : الله يهديج يا نوره لو رحتي حجرتج ترتاحين أشويه

أم سلطان : خلني يا بوسلطان تمللت من اليلسه روحي واشتقت لبيتي وعيالي

سعيد : فديت روحج والله البيت أنور

سالم: أمايه خذتي دواج؟؟؟؟

سيف : أففف مشكله الحشره ... هي خذته توني معطنها إياه

سالم : أتطمن عليها والا أنتوا مالكم أمان

بو سلطان: هههههه الله يهداك يابويه شو هالرمسه بعد

سيف: اللهم طولج ياروح ... الولد وأبوه طاحو فينا طيحه شو هالحاله

سلطان وهو حادر الصاله : مساء الخير ,,, تجدم من أبوه وباسه على راسه أما أمه فعلى طول طاح فحضنها

سالم: باسم الله عمي شو فيك ؟؟؟ بذبحها نش عنها يالدب

سعيد : أندوكم ألحين أنا آخر العنقود دلوع ماما ماسويت شراتك وانت الشحط تتدلع عيب

سيف : طع هذا من صدقه أي بابا نش هاي مب شبريه ...

بوسلطان : سلطون يالهرم خوز عنها ذبحتها

أم سلطان : ويديه أشفيكم عولديه خلوه ليش هالغيره ....

الكل : هههههههههههههه

بوسلطان : ثرج الا أنتي مدلعتنه ....

سلطان : أفففف شو هالحقد والغيره عنبو الواحد ما ياخذ راحته فهالبيت فديت أمي تولهت عليها فيها شي ؟؟؟

سعيد : والله أضني اللي يوله عليها يسأل عنها الصبح مب الا راقد عنها

سلطان: والله تعباااااااااااااااااااااا ااااااااااااااااااااااااا ااان وبعدين أنا كنت عندها الصبح قبلكم كلكم

سيف: ههههههههه انزين لا اتصيح علينا ....

سالم: وتكلم المعرس

سيف : انجعم اليهال ما يتكلمون

سلطان : المعرس ؟؟؟ شو السالفه .؟؟؟

سعيد : أخوك المحترم سيف

سلطان: متى وكيف وليش ومن العروس ؟؟

سيف: باسم الله شو حلال عليكم وحرام على غيركم ؟؟؟؟

سلطان : حشى ما قلنا شي بس أمس مافي شي فجأه اليوم من دون مقدمات يعني ؟؟؟؟

بوسلطان: مافيها شي يا بويه شاف بنت عمه وخاطره فيها لا هو عيب ولا حرام

سلطان: أي وحده فيهن ؟؟؟

بوسلطان : شهد ...

سلطان : غريبه

أم سلطان أتحاول أتغير الموضوع لأنه بوسلطان ما يعرف كيف صا رالموضوع (الضرابه اللي بين سيف وشهد واللي كان نتيجتها الخطبه )

سلطان : ولله في خلقه شؤون .. عيل متى الملجه ؟؟؟

بوسلطان : بعد يومين بنروح نخطب رسمي وان شاء الله الملجة بنحددها بنفس اليوم ...

أم سلطان بحزن : على خير ان شاء الله ...

سلطان من نبرة أمه حس أنه السالفه فيها إن بس ماحب يسألها الحين أجل الموضوع ليوم يكونون روحهم...

وفجأه .... السلام عليكم ورحمه الله وبركاته

أم سلطان : أنفرجت أساريها وأبتسامتها مافارقت شفاتها ... هذا خليفه وعياله بعد ما غداهم ولعبهم مروا المستشفى ودروا أنه أم سلطان رخصوها ييوها البيت ...

سهيل : شال باقه ورد كبييييييييييييره في أيده ... حطها على الطاوله وسلم على يدته وتم فحضنها

عنود ونجود : الحمدلله على سلامتج أمايه

غيث: مايعرف يعبر فعلى طول لوى عليها وتم يبوسها ......

سيف: لا حول الله هاييل ناويين يخلصون الحنان كله اليوم ....

خليفه : أشفيك على عيالي ما يخصك بهم خلهم يسوون اللي يبونه

سعيد : خلهم يسوون اللي يبونه بس مب يطنشونا...

بوسلطان الي ردت له الروح بشوفتهم : حيالله من يانا

ونشوا كلهم عن أم سلطان وتوزعوا يسلمون على عمامهم .....



وبهالوقت وصلواحميد و عائلة عبدالرحمن أخوه يايين يتحمدون بالسلامه لأم سلطان

الرياييل تيمعوا فالميلس والحريم حدرن الصاله،،،

فميلس الرياييل ...

مانع: حيالله من يانا

حميد : الله يحييك ويبقك يا بوسلطان

عبدالرحمن: علومك وأخبار الشغل

مانع: الحمدلله بخير ونعمه والشغل ماشي تمام التمام...

سهيل : تستاهل سلامة أم سلطان عمي بوسلطان

بوسلطان: الله يسلمك عاش من شافك بو نوره

سهيل : عاشت أيامك ... والله أنت أدرى بالشغل وأهواله

بوسلطان : هي الله يسهل عليك .. أشحالك بنتك عساها الا بخير

سهيل : بخير يطولي بعمرك ...

سيف: سهول وينك ياريال مالك شوف أبد !!؟؟؟

سهيل : أسمع منو يرمس عاد أنت اللي مكسر بابنا من كثر يياتك ... خلها على الله

سلطان: هههه الله يهداك أشوي أشوي علينا

سهيل : عيل ما أتشوفه متفيج يعاتب وما يشوف عمايله

سلطان: ترا سيفوه عمره ما تغير هاي طبايعه من يوم يومه...

سهيل : الا ما خبرتني وعد شو أخبارها الحين ان شا ءالله أحسن ... اسمحلي يا خوك ما كنت أدري اليوم واصل

وخبرتني أم سيف ونوره حليلها ذبحت روحها من الصياح أنت تدري بغلاة وعد عندها

سلطان: أفا عليك بونوره لا أتشيل هم وان شاء الله ما عليها شر أزمه وأتعدي ....

سلطان وهو يكلم سالم: وينه أبوك ؟؟؟

سالم : قال بيسلم على خالتي أم سهيل وبيرد

سلطان : أها ... زين

سهيل : ماشاء الله كبرت وصرت ريال

سالم: إحم إحم أخجلت تواضعي

سعيد : أسميك ما تنعطى ويه

سلطان : حوه لا تغلط عليه ما أرضى

سالم: فديت روحك يعلني فداك يالغالي ...

سيف: أي لا تتعاونون على خويه فديته

سلطان : جيه شو شايفني ليكون أنا ولد البطه السوده وأنا ما أدري

سهيل : هههههههههه والله أمركم عجيب صدق ما أتوبون أبد ....

في الصاله ،،،

خليفه : بخير الله يعافيج خالتي أشحالج أنتي وشو مسويه ان شاء الله مرتاحه

رويه: الحمدلله يا بويه أنت شحالهم عيالك وحرمتك عساهم ما يشكون باس

خليفه : الحمدلله بخير ونعمه وصد على وفا ... أم سيف أشحالج

وفا من ورا الغشوه : بخير الله يسلمك

خليفه : ماشاء الله منو هاي الأموره

نوره تجدمت منه عشان اتسلم عليه : السلام عليكم

خليفه مد ايده لها وباسها على خذها ... : فديت اللي يستحون ماشاء عليها قمر

وفا: هههه الله يهداك يا بو سالم أخجلت بنتنا

خليفه : هههه ماشاء الله هاي بنتج ؟؟؟

وفا : لا هاي بنت سهيل ...

خليفه : فديتها ... الله يحفظها ... لف على البنات ... اشحالكن بنات ؟؟؟

موزه وهند : بخير الله يسلمك

خليفه : السموحه منكن بترخص بروح الميلس عند الشباب

رويه : بالحل فديتك سلم على أبوك

خليفه: يبلغ ان شاء الله

تمن ام سلطان ورويه يسولفن ويا وفا ويعطنها نصايح لأنه موعد ولادتها قرب

والبنات خذن نوره وطلعن الحديقه يلعبن ...

هند : ماشاء الله عليه الصراحه شكله كووووووووول وايد ازقرت

موزه : عيب عليج يالويه شو هالرمسه الريال معرس

هند : وي أنا ما قلت شي غلط الصراحه وايد فنان شخصيه وهيبه يالله ليتني ألاقي ريل شراته

موزه : يالملقوفه ...

هند: ههههه يالغياره

موزه : غياره فعينج ليش أغار ؟؟؟

هند : عشان أنتي تستحين أتقولين اللي فخاطرج ليش تتحريني ما شفت نظراتج

موزه: هندوه يوزي عن الخربطان والتأليف

هند : بسكت بس بشوف أنتي لين متى يطول سكوتج

موزه: الله يهديج

هند : أجمعين

......



الساعه 7:00 المغرب ترخصوا عايلة عبدالرحمن ورجعوا البيت والكل أنشغل

بوسلطان وحميد : سيروا على ربعهم

سالم وسيف يلسو عند أم سلطان يسلونها

سعيد : طلع يخلص كم شغله ...

خليفه خلى عياله بيت أبوه وراح لبيته عسب أييب حرمته أتسلم على أمه ...

سلطان وسهيل : راحوا المستشفى عند وعد .....



في المستشفى الأمريكي



سلطان : دقيقه بس خلني أشوف يمكن تكون الدكتوره عندها

سهيل: أوكي

سلطان دخل غرفة وعد وبيده باقه ورد ودبدوب صغير ،،، أول ما دخل تفاجأ الغرفه فاضيه ومافيها حد

وين وعد؟؟؟؟؟



ياترى شو الي صار بوعد ؟؟؟؟

يمكن تكون صارت بخير ونقلوها لغرفه عاديه ويمكن ..... انتقلت الى رحمة الله

ترقبوني في الجزء العاشر ....

السلام عليكم ورحمه الله وبركات


ثانكس عالجزء فانتضار الجزء اليديد

السلام عليكم ورحمة الله وبركاته

مشكوووووووووووووووووووووو ووووووووووووووووووووووووو رة أختي على الجزء الرائع

وفي الإنتظار الجزء الجديد

مششكوره الغاليه ع الاجزااء الحلووه .. :fa34:

شماسي .. :fa35:

مشكوووووووووورة الغالية على الجزء الحلو وفي انتظار الاجزاء اليايه