مصيرج ومصيري

<font color='#000000'>مرحبااااااااااااا ااااا الساع
مشكور أخويه تسلم على البارت الحلو
أختك
روح الحب <img src="http://oasis.bindubai.com/emoticons/blush.gif" border=0></font>

<font color='#000000'>السلام عليكم ورحمه الله وبركاته

هلا والله بأختيه جود الأجواد مشكورة على المرووور الطيب
ولا عدمنـــــــــاج يالغاليه

هلا فيج كشكوشه تسلمين على الطوفه الحلوه &nbsp;ومن قالها ســــــالم
والسمووووحه

هلا مهاوي مشكورة على متابعتج للقصة من قالها سالم
وإن شاء الله بنحطها لكم وأهم شي إنها عيبتج

الله يسلمج روح الحب والعفو ومشكوووورة على المتابعة

سوااااااااااااااااااااااا ااالم</font>

<font color='#000000'>سعيد: و ليـــــــــــــــــــش ما خبرتيني من الأول والله ما أشله على تايرين .. كنت بسوق السرعة 20..
سلامي: فديتك أعرفك زين
سعيد وهو يضحك: &nbsp;فرحتي قلبي يا الغالية
سلامي: أنا يالي فرحانة لأنك فرحان :: سعيد وهو يبوس حرمته على راسها ...
سلامي: زين احينه بتخليني أروح و لا جيف
سعيد: لا خلج هنيه هذه مكانج
سلامه وهي تخوز عن صدر ريلها : مــــــا صخ تعرف &nbsp;؟؟
سعيد: لا ما عرف احينه بس عرفت
سلامي: عيل أنا بسير أتعشى
سعيد: عيل بسير وياج
سلامي: توك تقول بسير و يا ربعك
سعيد: روحي زين خلهم يولون عندي يالي يعوضني عنهم
سلامي: عيل قوم خلنا نسير نتعشى ..
سعيد: منها نخبر الوالدة .. عسى بس خبرتي شمه " وبنفس خايسه "
سلامي وهي تضحك على ريلها يالي ما يبي حد يسبقه : لا ما خبرتها انت الأول
سعيد : هيه جيه أباج فديت أم زايد أنا .. وظهر هو و مرته من جناحهم و سارو تحت على شان يخبرونهم بسالفة يالي خلت سعيد يتقرب من حرمته أكثر وأكثر &nbsp;..
شمه: قولي والله و ليش ما خبرتيني من الأول
سعيد: وين وين. وين أنا ريلها ولا إنتي ؟؟
أم سهيل وهي ما شايلتنها الفرحة: شوي شوي على أختك زين ما كلتها .. على العموووم مبروك حبيبي يتربا في عزك يا أبو زايد..
سعيد: وهو يرقد على ريول أمه &nbsp;فديتج أميه والله لا يحرمني منكم إن شاء الله يتربا في عزج وعز أبويه &nbsp;
أم سهيل وهي تمسح على راس ولدها : آميــــــــن وشوي &nbsp;شوي على حرمتك تراها ما مثل أول خفيفة
سعيد: إن شاء الله في أوامر ثانية
شمسه وهي توها تدري بالموضوع: مبروك سعيد مبروك والله توني دريت
سعيد: الله يبارك فيج " ويأشر بصبعه " هاذيج سلامي روحي حقها وباركي لها &nbsp;
شمسه وهي تروح حق سلامي وهي ما لها نفس: مبروك سلامي مبروك
سلامي وهي ما شايلتنها الأرض " يحليلج يا سلامي " : الله يبارك فيج عيوني
شمسه: يتربا في عزكم إن شاء الله
سلامي: إن شاء الله ..

وسارت عنهم شمسه لأنها لين ذيج الساعة ما كانت تبي تكلم حد " من كلام سلطان لها " و من سده نفسها عن &nbsp;كل شي حتى حمده لاحظت هذه الشي في شمسه مو على بعضها في الآونة الأخيرة .. أما سلطان كان يفكر جيف ياته الجرأة إنه قال لها هذه الكلام .. كان قاعد يحوط في غرفته ومشغل التلفزيون وعقب سار ونسدح على شبريته يود تلفونه وقعد يشوف الفيديو كليب إلي مسيفنهم على موبايلة وهو يتذكر ملامح شمسه الطفوليه وهي تسمع كلامه ::آآآآآآآآآآه شو قاعدة تسوين احينه يا شمسه .. تفكرين فيني مثل ما أنا قاعد أفكر فيج &nbsp;تدرين إنج ما خذه النوم من عيوني شمسوووووه والله أحبج &nbsp;.. " وشوي ضحك على عمرة جنه ياهل" &nbsp;بس شو أسوي خاطري أعرف بشو تفكر بعد الرمسه يالي قلتها لها &nbsp;أكيد قالت شو ها الحقير بس والله ما خليج ذيج الفترة يالي مرت كانت أصعب فترة في حياتي و لا كن الحين لازم أحطي النقاط على الحروف &nbsp;على قولتهم :: سار سلطان عند حصة أخته ..
سلطان وهو يدق على باب غرفه حصة: حصوه بطلي الباب
حصة كانت تجلب في مجله زهرة الخليج ملانه فقعدت تفر فر فيها لين ترقد: نعم شو بغيت
سلطان: بطلي الباب بشوف
حصة وهي تبطل الباب: نعم نعم الواحد ما يقدر يقعد في غرفته يعني
سلطان وهو يدخل الغرفة ويسكر الباب وراه: تراج بايخه إنتي
حصة: من زمان مو من الحين خلصني شو تبا
سلطان: أفــــــأ وهذا وأنــــــا أخوج يعلج شو
حصة وهي تقعد حذا أخوها: أخويه بغيت شي
سلطان: لا والله بس كنت ملان وقلت أقعد أسولف وياج شو رايج..
حصة: غريبة ما من العادة تقعد تسولف ويايه
سلطان: فيها شي يعني
حصة: ما فيها شي بس قلت يعني..
سلطان وهو يقاطع حصوه: لولا سمر تزوجت جان ما قعد وياج من أصله
حصة: أشكرة في الويه بعد على العموم مشكور
سلطان: العفو.. أكيد تبيني أقول من وراج يعني ما تهقيني
حصة: ما عليــــــه يا الله سولف بعد أنا ملانه
سلطان وهو يطالع غرفة أخته: غرفتج وايد حلوه
حصة: ليش أول مرة تشوفها
سلطان: والله أول مرة أدقق فيها وايد غاوية ولونها بنوتي بعد
حصة: طبعا اختياري بعد
سلطان وهو يلاحظ موبايل سمر أخته على تسريحه حصة: عيل هذه جهاز سمر
حصة: لين أتي من السفر بتاخذه
سلطان: هاتيه بشوف
سارت حصة ويابت حق أخوها تلفون سمر : هـــــاك شو تبغاه عيب تبطل تلفونها
سلطان: إنتي واقفة حذالي يعني بتشوفين شو قاعد أسوي عن الهبل والاستهبال


الجزء الرابع


:: بطل سلطان &nbsp;تلفون أخته وعلى طول المسجات ما عند حد وطبعا كان ما يبي يبطل ولا واحد منهم بس شده أسم من الأسامي يالي مسيفتهم سمر كان مكتوب " شموس " فكر سلطان قبل لا يفتح المسج بس غصبن عنه فتح وكانت شمسه تحكي حالها لسمر كانت تدري إنه مغلق بس شو تسوي.. وإن صدمت يوم يا ها التقرير لا كن سلطان رد لها بمسج يطيب بحالها .. وبدون تفكير من شمسه دقت حق سمر تتحراها يات من السفر الحبيبة .. سلطان كان يطالع حصة يالي كانت ملتهيه بقرايه الشعر يالي في المجلة .. تلفون سمر يرن ولا كن ما شي جواب بس سلطان يبي يعرف جواب شمسه .. حصة تطالع سلطان بس ما سوت حقه ســــــــلفه ..
سلطان وبصوته الرجولي وهو يشل التلفون: ألوووووووووو
شمسه سكتت ولا قالت ولا كلمه و في خاطرها تقول" لا يكون هذه حمد ريل سمر" .. بس بسرعة انقطع حبل أفكارها ..
سلطان: ألو شمسه هذه أنا سلطان &nbsp;:: شمسه بتموت " شو يبي هذه " " ولد عمج يا بنت الحلال " &nbsp;
شمسه وهي ترد على سلطان: سوري ما بغيت أأذيك السموح الحين بخليك كنت أتحرا سمر يالي بترد عيله..
سلطان: لا لا عادي &nbsp;بس والله يا شمسه ما أبي أضايقج بس أحس إنج تضايقتي من كلامي لج
شمسه ما تقدر تقول أي شي " شو تبونها تقول يعني "
سلطان: ألو. ألو شمسه وينج
شمسه: هلا
سلطان: أدري مغلس عليج بس قو لي إنج هب متضايجه مني ومن كلامي
شمسه: سلطان المفروض تكون واثق من يالي تقوله
سلطان: أنا واثق منه ميه بالميه
شمسه: انت حاس إنك غلط؟&#33;؟
سلطان: هيه حاس إني الغلط راكبني من راسي لين ريولي
شمسه وهي حاس بشي من الغيظ: ليش ؟؟؟؟؟؟؟؟؟؟
سلطان: المفروض ما أتصرف بهذه الطريقة أنا ريال مطوف ال 26 سنه يعني المفروض أكلم أبويه وأبوج مو أطعن عمي في الظهر وأقو لج و أكلمج من وراهم بس والله أبي أعرف شو رايج قبل لا أخطو خطوه وأبي أعرف شو شعرورج اتجاهي ..
شمسه وبانت على ويها علامات الارتياح : سلطان إسمحلي بخليك احينه &nbsp;
سلطان: سامحيني يا شمسه
شمسه وجيه طلعت منها الكلمة : مسموح يا الغالي &nbsp;وسكرت عنه لأنها حست إنها زل لسانها :: وسلطان كانت على ويهه ابتسامه رضا وفرحان لأنها تغليه صح إنها ما بينت إنها تحبه بس كلمه "الغالي" جم تسوى &nbsp;لمحب مثل سلطان " بنية لازم ما بتبين شعورها لك " &nbsp;.. أمــــا شمسه كانت في عالم ثاني كانت في عالمها هي وسلطان يالي تحلم فيه من زمان بس انقطع حبل أفكارها يوم سمعت صوت عود في غرفة سهيل يالي كان متعذب هو الثاني بس محد يدري فيه &nbsp;كان يفكر في الكلام يالي راح يقوله حقه الدكتور وعن العملية يالي سهيل مصر إنه يسويهــــــا وكان يعزف على العود يغني أغنية ميحد حمد &nbsp;" يــــــــــا قمر " سهيل وهو

يغني : يا قمر نور على البلاد ضيه **** نورت لا فاق وأسفر بك سمانا
يا حبيبي يا عزيزي يا سميه **** يا شبيه أخشوف غزلان الدمانا

وتدخل عليه شمه: سهيل شو قاعد تسوي؟؟
سهيل يالي كان مندمج في الأغنية : ها شموه قطعتي عليه والله كنت مندمج و ليش ما تدقين الباب هاه
شمه: دقيته بس انت قاعد تغني جيف بتسمعني و انت تغني و أميه تبي ترقد
سهيل: يعني &#33;&#33;
شمه: حلوه هذه بعد.. يعني اسكت
سهيل: أسكت و ليش عاده
شمه: أميه تبي ترقد ما تسمع
سهيل: تعالي هنيه قعدي حذال أخوج بسمعج هذه المقطع من أغنية ميحد وايد حلوه
شمه: بقولك شي انت ما تعرفه لأنك في هذه الغرفة حابس عمرك فيها ليش مادل؟&#33;؟
سهيل: خير إن شاء الله شي صاير وأنا ما دله و ليش عبود ما خبرني
شمه وهي تضحك على سهيل : هذه المرة عبود ما يردي بعده
سهيل: شو هو
شمه: سعيد بيصير أبو حرمته سلامي حامل
سهيل فتح عينه على الآخر وحس بشي من الغيرة في صدرة: قولي والله
شمه: والله &nbsp;تعرف سلامي يوم كنا في المستشفى ما خبرتنا يوم وصلنا البيت خبرت سعيد عقب ما وصل من المسيد وطار من الوناسه والله إنه يستاهل سعيد
سهيل: هي والله وينه بو عسكور &nbsp;.. سار سهيل وهو يزاقر على سعيد أخوه ولقاه قاعد هو وحرمته وأم سهيل وأبو سهيل وحميد في الصالة يالي فوق ..
سهيل: سعود والله إنيه زعلان منك &nbsp;
سعيد: هــــــا بلاك و ليش زعلان يا لغالي
سهيل: الحين انت بتستوي أبو وأنا آخر من يعلم &nbsp;مبروك مبرووووووووووك
سعيد وهو فرحان هذه يالي كان يبيه أخوه سهيل يبارك له : الله يبارك في حياتك
سهيل: مبروك سلامي يتربا في عزكم
سلامي: الله يبارك فيك يا سهيل
سالم وهو قاعد حذال فاطمة يالي قاعدة على النت و مغلس عليها سالم : توه النــــــــاس يا سهيل
سهيل: وأنا شو عرفني شمه احينه خبرتني :: وقعدو سوالف أما سالم بعده عند فاطمة يالي بتموت منه ..
سالم: أقول دخليني على google
فاطمة: شو بغيت منه
سالم: دخلي خليني بشوف معلومات
فاطمة: معلومات شو والله إنك بايخ
سالم: إنزين دخليني على موقع كليتنا
فاطمة : تعرفه شو
سالم: وأنا شو عرفني إنزين دخليني على موقع أغاني
فاطمة: وين تبي الوالد قاعد بيهزبك عقب
سالم وهو معصب: بدخليني ولا جيف
فاطمة: زيــــــــن. زيــــــــــــــن والله بس كله يبي يعصب
سالم : بتذلنا عاد هي تعرف ونحن ما نعرف فيه شيء
دخلته فاطمة موقع طرب عسب يسمع له جم من أغنية: هــــــا شو بغيت
سالم: حطيلي أية شو موجود
فاطمة: دكان هو دكان.. كل شي موجود
سالم: أسمع انتو قامت تنكت الأخت.. حطيلي ميامي بشوف
وحطت له فــــــــــاطمة المتأذية من أخوها سالم " لا جول هي قاعد تسبل فيها ": أي أغنية
سالم: لحظه اقري لي شو موجود :: وفاطمة قعدت تقرا حقه شو موجود من أغاني ميامي : هيه هذه الأغنية حطيها حقي " يا عمري أنا " وبدت الأغنية وقعد سالم يسمعها وهو ذايب في كلماتها ويسوى حركات حق فاطمة يالي كانت تضحك عليه ويرزف شوي بمفتاح سيارته &nbsp;وأبوه أول ما سمع الأغنية فتن عليه بس من شافه قاعد يرزف قعد يضحك على ولده و الكل بعد قعد يضحك علي سالم وعقب يوم خلصت الأغنية قعد مكانه ولا جنه مسوي أي شي ::
سالم: &nbsp;فطوم. فطوم &nbsp;دخليني ع الجات الله لا عادج
فاطمة: وين تبي أبويه قاعد هنيه
سالم: وأبويه شو عرفه في هذه السوالف وبعدين إنتي ما بتدخلين إنتي بتنثبرين عند أهلج عناك تسمعين
فاطمة: إنزين أنا رايحه بغيت شي ثاني
سالم: وين رايحه قلنا حطيلي جات
فاطمة: ما عرف مواقع جات
سالم: أوكيه روحي مشكورة &nbsp;وسارت عنه فاطمة قعد سالم على الكمبيوتر وهو ما يعرف أي شي ويبي يدخل على الجات بس فاطمة ما تعرف مواقع جات " بتنهزب إذا عرفت " ماله إلا محمد اربيعه يعرف وايد مواقع جات وسار ودق حقه وخبرة بموقع فيه جات ودخله وقعد يهزب البنات يالي في الجات ويلعن أسلاف أسلافهن والبنات مستانسات عليه بس بسرعة مل وطلع وراح قعد مع أهله " سالم ما يحب يثبت على شي واحد يحب التغير وإذا أدمن على شي يعرف نفسه ما بيخوز عنه "


السمووووووووووووحه</font>

<font color='#000000'><p align=center>

<font color=#990099>تسلم اخوي على التكمله ....

والله سلووووم عجييييب مرررره ....

نترياااااا التكمله منك اخوي....

مع السلااااااااامه....<img src="http://oasis.bindubai.com/emoticons/smile.gif" border=0></font></p></font>

<font color='#000000'>مشكور اخوي على التكمله
ونريا الباجي</font>

<font color='#000000'>
مرحبا
مشكور أخويه على التكملة
أختك
روح الحب</font>

<font color='#000000'>تسلم أخوي على الجزء

و بانتظار الباجي

و السموحة</font>

<font color='#000000'>هلا فيكم خواتي العزيزات

مشكووووووووووووووورين على المرور الطيب

واتمنا الجزء اليديد يعجبكم

وسوالم.......</font>

<font color='#000000'>حصة: منو قاعد تكلم
سلطان: ما أعتقد انج ما سمعتي شي &#33;&#33;
حصة: بلا سمعت بس شو ها ما توقعتك مغازلجي
سلطان: لا يروح فكرج بعيد هذه شمسه
حصة: و ليش عيل تخفض صوتك هاه و ليش تكلمها
سلطان: عادي ما خفضته " متوهق " و بعدين هذه بنت عمي بلاج
حصة وهي تطالعه بنظرات جنها تقوله هب مصدقتنك: آهــــــــــــــــــاه بنت عمك ما عليه
سلطان: هيه بنت عمي بلاج كيفج لا تصدقيني &nbsp;عيل أنا بروح عنج
حصة: وين بتسير لا اقعد ليش تكلم شمسه؟&#33;؟
سلطان: بروح انت ما عندج سالفة .. بروح بشم هوا
حصة: الحين بليل
سلطان: كنسل ما ني ساير أشم هوا بروح أشوف حمود و سواف وين ؟؟
حصة: ما تلاقيهم في غرفهم تعرف بعد شبيبة
سلطان: لا ما عليه يمكن يكونون موجودين لأني سمعت صوتهم &nbsp;:: وترخص عن أخته وسار غرفه سيف كان قاعد على شبريته في غرفته يقرا مسجاته وكان محمد و مايد يلعبون بليستيشن ومريم تطالعهم &nbsp;::
سلطان: و ليش أمبطل باب غرفتك؟&#33;
سيف: ما دري ليش
سلطان: محمد قصر على التلفزيون صوته عالي
محمد: إن شاء الله .. ميود قصر على التلفزيون
مايد: كله أنا كله أنا
محمد: هيه فديتك كله انت .. أصغر القوم خادمهم
مايد: وين عاد أقعد ألف انت
محمد: أيـــــه صخ انت صخ ما لك شغل و بعدين هذه ما تأليف ولا تنسى &nbsp;إن العزيمة عليك
سلطان وهو يقعد على الكرسي يالي حذا مريم: حتى هذه ما سلم منك
محمد: ما قلت حقه يتحداني
مايد: لا تخاف سلطان والله بغلبة على شان خاطرك انت
محمد: بنشوف أنزين
سلطان: أنا الصراحة أشجع ميود عــــــــاش ميود ترا إن فزت لك إلي تبيه المهم تفوز على حمود
محمد: وأنا ؟؟؟؟؟؟؟؟؟؟؟؟؟
سلطان: ما ليه شغل فيك أنا أكلم ميود
مايد: &nbsp;لا تخاف
سيف: مصدق عمرة أخوك
مريم: صدقني ميود بفوز أعرفه زين &nbsp;
سلطان: و إنتي ليش هب قاعدة عند حصة ليش قاعدة عند الشباب
مريم: ملانه و حصوه ما تحبني تفتن عليه دوم
سيف: حصوه قويه محد يرو إلها
سلطان: شو قاعد تسوي معبل على عمرك ولي يقول محد عنده تلفون غيرك
سيف: نصور مأذيني غربلاته
سلطان: دق حقه خلنا نتخبر عنه &nbsp;ومنها نسولف وياه :: ودق سواف حق ناصر وقعدو يسولفون وياه وعقب كل واحد راح غرفته عسب يرقدون .. في اليوم التالي أم سهيل كانت قاعدة في الصالة وكان سهيل توه نازل من فوق كان ساير المستشفى عسب الموعد ويوم نزل تحت شاف أمه قاعدة وكانت عايشه توها كانت داخله الصالة ويا ريلها سعد ...
سهيل: مرحبـــــــــا محيا والله
سعد: هلا والله سهيل
أم سهيل وهي تكلم سهيل: انت من وين ظهرت
سهيل: تونيه نازل وشفت عايشه يايه
أم سهيل: هلا والله ببنيتي شحالج ربج بخير غناتي.. ها سعد ما نشوفك عيل
سعد: هــــــــــــا ظروف &#33;&#33;
أم سهيل: أي ظروف الله يهداك معروفين انتو
سعد يضحك : والله ظروف ما تصدقيني يعني
أم سهيل: ما دريبك والله
سعد: تصدقيني احينه إنتي
أم سهيل: سعد لا تسبل فيني
سعد: يعني هب مصدقتني
أم سهيل وهي تطالعه عايشه: خوزي ريلج من هنيه
سهيل : لا تغصص في الوالد بروحها فيها الضغط يا ويهك
سعد: لا.... أول قولي انج مصدقتني
أم سهيل: خوز عني مصدقتك
سعد: احينه بخوز عنج فديت عمه والله
سهيل وهو يترخص: عيل أنا أترخص بروح
أم سهيل: وين ؟؟
سهيل: مشوار ممكن
أم سهيل وطالعته بنص عين لأنها تدريبه وتردي بحركاته هذه .. المهم سار سهيل عنهم لموعده عند الدكتور :: اليوم كانت ناشه من الصبح عسب بس بتروح بيت عمها كانت قاعدة في غرفتها حصة اليوم اسعد إنسانه على الوجود " بس اليوم " تحس بإحساس غريب بفرح مختلط بشعور غريب ما تعرفه شو أول مرة تحسبه " ليش؟؟ " حصة وهي ملتهيه بتمشيط شعرها يالي قاصته ويا قصتها بطريقه حلو يالي مخلنها أحلا وأحلا " لحظه حصة حلوه بس ما لهذه الزود يعني مريم اختها أحلا بس حصة يالي يدقق فيها زين بيلاحظ جمالها في كلامها يالي يخلها أحلا ضحكتها وقلبها الطيب " المهم حصة وهي تكلم عمرها: فديتني والله إني حلوه بس منو يالي يطالع أخ يا قلبي والله .. الـــــــلـــــــــــــه بشوف اليوم سالم ولد العم بسير حق شموه بدق حقها عسب بس تعرف ادريبها عقب بتفتن عليه .. وسارت حصة حق تلفون بيتهم ودقت حق شمه :: ..
حميد وهو توه ناش من رقاده ويدور بس حد يعطيه فيس في البيت ما لحد وجو راح وسأل الخدامة عن أمه بس قالت له الخدامة إنها ظهرت المستشفى عسب تزور يارتهم بنتها مربيه وهو طالع جان يشوف عبود وتوه واصل من برا وقاعد يقرا الجريدة &nbsp;وكان شكله مول محمر من الحر والعرق على ويهه وشعره نازل على ويهه ويحس إنه مول معيف بس يوم شاف الجريدة نسى كل شي ..
حميد: ها عبدالله ييت
عبدالله: هي نعم
حميد: من وين ياي
عبدالله: أوني رايح ويا أبويه الضاحية مت مت من الحر " ويأشر على ويهه " ما تشوفني
حميد وهو يضحك : بروحك حاشر الدنيا البارح أبا أروح أبا أروح
عبدالله: والله غلطت غلطه العمر والله عيل حد يودر الرقاد ويروح المزرعة
حميد ميت من الضحك عليه لأن طريقه كلام عبدالله تقتل من الضحك عبدالله: الله كريــــــــــــم الله كريم " وهو يمد الكلمة "
حميد: عطني الرياضة
عبدالله: ما تشوفني أقراها
حميد: السموحه غلطنا عليك أخ عبدالله
عبدالله: لا عادي.. جوووووووول جوووووووول " ويطالع حميد " بشكارتكم عيوز بس سفروها
حميد: مو قاعدة على راسك هيه بتسفرها
وشوي وتيهم جول: ها أبدله شو يبا
عبدالله: تعرف بعد ترمس إماراتي مابي شي بس يبي حقي ماي ولا أقولج عصير بارد ما أبا تنج تفهمين ووو بعد وساندويتش حريهم أوكيه ها حميد ما تبي شي أوه نسيت إنك ما تحب شي من أيدينهم..
جول: بس
عبدالله: مشكورة توكلي بس جلديه هاه
جول: أوكيه سارت عنهم جول ويرن تلفون عبدالله وكان مانع يالي متصل به وفي نفس الوقت كانت حصة داقه بيت عمه وشله حميد...
حميد : ألو
حصة: السلام عليكم ورحمة الله وبركاته
حميد: وعليكم السلام و الرحمة
حصة: شحالكم
حميد: الحمد الله بخير شحالج حصة &nbsp; &nbsp;
حصة: بخير عساك الخير
حميد: دامج بخير نحن بخير
حصة: تسلم والله &nbsp;تسلم أقول وين شموه
حميد: شموه راقدة ليش بغيتها في شي ضروري عادي بوعيها حقج
حصة: تسلم والله أدريبك ما تقصر بس قولها إني اليوم بي
حميد: خلا صار خير بغيتي شي ثاني
حصة: لا مشكور
حميد: العفو
حصة: عيل ما عليه بخليكم الحين سلم عليهم
حميد: يوصل الله يسلمج فمان الله " وسكرت عنه حصة يالي بتموت من حميد يالي ما يعرف يرمس في التلفون جنه هو يالي متصل هب هيه &nbsp;" ..
عبدالله: ها منو عندك
حميد: حصوه بنت عمك تقول أونها بتي بيتنا اليوم
عبدالله: عجيبة حصوة &nbsp;هب مريموه
حميد: أية بنات عمك هذول المفروض ما ترمس عنهم جيه &nbsp;
عبدالله: الله كريم .." وهو يشوف جول يايه بريوق" هلا. هلا بعدج تمي جان ما ييتي &nbsp;
جول: أبدله أنا شو سوي فيك انته ليش قول هزا كلام هاه
عبدالله: أسمع انتو قامت ترمس خدامتكم يا حميد حطي الأكل بشوف
حميد: لازم بتعصب انت وسالم دوم ملعوزين فها
عبدالله: مشكورة جول أنا في هبه إنتي ما في يزعل زين كلاس روهي :: وهي تضحك على عبدالله وعلى الرمسه يالي يرمسها عسب بس يرضيها هي تحبهم مسكينة بس وايد يزودونها وياها &nbsp;خصوصا سالم يالي كان نازل من فوق وشاف جول تضحك ..
سالم وهو يسلم على خوانه : السلام عليكم بلاها خدامتكم تضحك
حميد: عبود قالها كلمتين يطبن خاطرها
سالم ويطالع عبدالله يالي كان يا كل ريوقه: صج عبود &nbsp;.. عبدالله بس أكتفا إنه يهز راسه لأنه ملتهي بأكله ..
سالم: أفا يا عبدالله &nbsp;المهم وين أميه
حميد: سارت المستشفى تزور بنت يرانا مربيه
سالم وهو قاعد حذا عبدالله ويا كل وياه: منوه
حميد: عيب عليك يا أخي وأنا شو دراني؟&#33;؟
كانت شمه نازله من فوق كانت غاسله شعرها تبيه بس ينشف ..
شمه وهي تسلم على خوانها: السلام عليكم
الكل : وعليكم السلام والرحمة
حميد: دقت حقج حصوه قالت اليوم بتي
شمه: دقت متى
عبدالله: من مساع
شمه: وشقا ما زقرتني
عبدالله وهو يأشر على حميد: هو يالي رد عليها
شمه: الله كريم شو قالت
سالم: يا ربيه إنتي ما تسمعين قالولج إنها بتينا
شمه: انت ما كيفك أنا أبي أعرف متي بتي يعني الظهر العصر يعني
حميد: دقي حقها عادي
شمه: ما عليه
سالم: الله شموه شعرج طويل
شمه وهي تضحك عليه لأنه ما يعرف هذه السوالف : ما حيدك تسأل.. و بعدين من زمان شعري طويل
عبدالله وهو يعيب على شمه: من زمان شعري تويل روحي نشفيه أحسن تراه ع فسنا
شمه: ليش يعني محتر منه عنلاتك &nbsp;
عبدالله : و ليش محتر" وهو يحرك راسه أونه يدلع ويسوي شرات البنات " شعري جذاب عيل جيف ويهــــــــــــي يموتن عليه البنيات ..
شمه: مسكين حالك انت والله
عبدالله: جب يلا جب أنا بروح أرقد أحسن من مقابل ويهج
شمه: ما برد عليك زين
حميد: وين يا بو حميد قاعدين نرمس ترانا
عبدالله وهو يطالع حميد أول مرة يحس إنه له قيمه: فديتني و الله يحبوني " ويسوي حركات حق شمه " بس عسب خاطرك يا حميد .. وقعد عبدالله ويا شمه مناقر..



السموووووووووووحه</font>

<font color='#000000'>

مشكور احوي على البارت <img src="http://oasis.bindubai.com/emoticons/fa42.gif" border=0>

و نتظر التكملة</p></font>

<font color='#000000'>

تسلم اخوي على البارت ونحن في انتظارك ...مع السلامه</font>

<font color='#000000'>هلا والله بأختيه جود لاجواد تسلمين على الطوووووووفه الحلوه



مرحبا مليار مهاوي مشكورة على المرور الطيب ولا عدمناج</font>

<font color='#000000'>وفي مكان ثاني في المستشفى كان سهيل توه داخل عند الدكتور..
سهيل: السلام عليكم
الدكتور: وعليكم السلام هلا أخ سهيل
سهيل: شحالك دكتور وأخبارك وعلومك
الدكتور وهو مبتسم: الحمد الله بخير دامك بخير ها شو الصحة سهيل
سهيل: لا الحمد الله ماشي الحال
الدكتور: بعدك مصر على العملية
سهيل: والله الصراحة بعدي و من حقي أعيش حياتي بصحة وعافية
الدكتور: أدري بس ماله داعي يا سهيل
سهيل: بتوكل على الله مالية غيرة والله
الدكتور: بس هذه عمليه صعبه شوي و انت قاعد تهدم حياتك
سهيل وهو يبتسم لدكتور لأنه مهتم فيه: أدري يا دكتور بس أنا مصر على العملية
الدكتور: على كيفك
سهيل: خير يا دكتور عسى ما شر ما أضنك تبيني عسب هذه السبب
الدكتور: أكيد يا سهيل أنا بقولك شي
سهيل: تفضل دكتور&#33;
الدكتور: سهيل حد عندكم مصاب بهذه المرض
سهيل بطل عيونه على الآخر قعد يطالع الدكتور بغرابه: شو
الدكتور وهو يبتسم ويهدي من سهيل: لا يروح فكرك لبعيد أخويه بس سؤال
سهيل: ليش هذه السؤال؟&#33;؟&#33;؟&#33;؟
الدكتور: بس سؤال يعني ما أسأل
سهيل وهو يهدي : لا بس سؤال غير متوقع
الدكتور: لا هدي أعصابك يا سهيل المهم من متى و انت عندك القلب ؟؟؟
سهيل: قلت لك يا دكتور من خمس شهور تقريبا &#33;&#33; يعني من يوم ييتك أول مرة
الدكتور: أهــــــاه بس على حسب " ودكتور وهو ينش للوحه الأشعة " الأشعة أن الثقب عندك من زمان هب بس من خمس شهور و انت أهملته يا سهيل ..
سهيل و علامة الصدمة على ويهه : أهملته يعني يا دكتور؟&#33;؟
الدكتور: يعني من يوم و انت صغير عندك الثقب
سهيل: بس أنا عمري ما شكيت منه إلا عقب هذيج المرة &nbsp;
الدكتور: انت الظاهر ما تعرف .. انت كان عندك القلب بس يمكن التحم الثقب بس مو بشكل المطلوب و انت شكلك أهملته عقب &nbsp;..
سهيل وهو مو مصدق يالي يسمعه جيف في القلب و من وين ياه هذه المرض وعمرة ما يشكى منه بس من خمس شهر .. سرح سهيل لمكان بعيد و قعدت الوساوس ترد له من أول &nbsp;و يديد ..
الدكتور: سهيل بلاك شكلك هب و ياي موليه
سهيل وهو ينتبه على لأنه سرح مكان بعيد : لا أنا و ياك بس......... شو كنت تقول؟؟
الدكتور: شفت إنك هب ويايه موليه &nbsp;
سهيل: السموحه يا دكتور بس انت أعلم بلحال
الدكتور: مسموح يا سهيل بس انت لا تشيل هم
سهيل وهو منفعل على الدكتور: جيف ما شيل هم والمرض بروحه هم ومن وين ياني هذه المرض؟&#33;؟
الدكتور: السموحه يا سهيل بس انت لا تنفعل الانفعال مو من صالحك
سهيل وهو يهدي من عمرة : شو تباني أسوي يعني يا دكتور شو تباني أسوي
الدكتور: سهيل أذكر الله انت ريال مؤمن &nbsp;والمؤمن يقول الحمد الله على كل شي حتى لو شو
سهيل: الحمد الله على كل حال بس ..
سهيل يبي يكمل كلامه بس الدكتور قطع عليه: لا بس ولا شياته " الدكتور وهو يرد مكانه ويقعد على كرسيه و يحطي أيد على أيد " شوف يا سهيل انت كنت راضي على كل شي ومتحمس حق العملية من مساع لا يكون بس بتكنسل .. &nbsp;
سهيل: أيوه كنت راضي لأني ما عرف إنه كان فيني من قبل بس الحين
الدكتور: ما بتسوي العملية؟؟
سهيل وآثار الصدمة بعدها موجودة: لا بسويها وأنا كلي حماس لها " هو قال هذه الكلام بس يبي يعزي نفسه "..
الدكتور وهو يرتاح من كلام سهيل لأنه يعرفه ريال وقد كلمته: ريحتني يا سهيل .. بس ليش ما تسأل الوالد والوالدة يمكن يعرفون شي
سهيل: إن شاء الله بقول لهم أنا من الأساس بخبرهم اليوم
الدكتور: سهيل شد حيلك و انت أكبر من هذه المواقف عسب تضعف لها
سهيل وهو ماله نفس في شي: إن شاء الله في شي ثاني يا دكتور
الدكتور: لا ما في شي
سهيل: عيل خبرني متى أقدر أسافر و أسوي العملية
الدكتور:بعطيك خبر وبنكون على اتصال
سهيل: مشكور دكتور وعن إذنك
الدكتور: إذنك معاك .. ظهر سهيل وهو ماله نفس في شي كان اليوم متحمس بس ما تصور إنه بيكون مهموم لهذه الدرجة و إنه ما يعرف المرض فيه وهو صغير جيف لازم يسأل أمه ولا أبوه &nbsp;.. تذكر الأيام يالي كان يحس بآلام خفيفة في صدرة وتطور هذه الألم لين استوا مرض ما كان يتوقعه سهيل ...... وهو قاعد على واحد من الكراسي يتذكر ذاك اليوم يوم إنه يركض كانت الساعة 5 الصبح وحس بألم فضيع وطاح على الأرض من كثر الألم و سهيل يزحف لواحد من اليدران لواحد من بيوت فريجهم و تسند عليه ويوم وصل ليدار طاح غشيان طبعا تم لهذه الحالة لين الساعة 8 ونص وعقب فتح عينه وشاف عمرة على باب واحد من البيوت وحس بعمرة مول ما يقدر يمشي بس حاول إنه يمشي لأنه تأخر وايد &nbsp;
على أمه بس من حسن حظه أمه كانت راقدة ولين ذيج الساعة بعدها ما قعدت من النوم ولا أبوه .. سهيل ما يعرف العيون يالي تطالعه عيونه الناعسة و يالي خلت حيرة فيها من أول نظرة له :: &nbsp;سالم وهو يرمس تلفون : لحظه بزقرها لج &nbsp;
حمده: مشكور
سالم: ليش تشكريني ما قلت شي أنا
حمده: شو
سالم: ما تسمعين إنتي شو
حمده: شمسه وين بسرعة ازقرها
سالم: بقولج شي ممكن يعني
حمده: تفضل ؟&#33;؟
سالم: في ناس أدق هذه ألحزه؟؟
حمده تمت ساكتة ولا قالت ولا كلمه سالم دوم يقول لها هذه الكلام ويعصب فيها بس هي &nbsp;ومن زمان ما كلمته ولا غلس عليها اشتاقت لسوالفه عليها وهي مستانسه منه .. " أسميكن يا البنات "
سالم: عصبتي ؟؟ .. حمده ساكته ما قالت ولا كلمه
سالم: بروح أزقرها أحسن .. أقول خاطري أشوفج و إنتي معصبه
حمده وهي معصبه : ليـــــــــــــــــش؟؟؟؟؟ ؟؟؟؟؟
سالم وعلى ويهه ابتسامه خفيفة: أحبج و إنتي معصبه .. سالم من قال هذه الكلمة على طول سار وزقر شمسه .. وما درا بحال الفقيرة المسكينة يالي في التلفون كانت من صدمه من الرمسه يالي قالها سالم " أحبج " هذه الكلمة يالي كانت في بال حمده ::
سالم: شمسوه تلفون .. ربيعتج
شمسه وهي ما لها نفس في شي: منوه بعـــــــــــــــد داق حقي الحين
سالم: سيري حق البنية من مساع وهي داقه حقج
شمسه: أفهم من كلامك إنك من مساعة و انت تكلمها " شمسه وهي تحط أيدها على راسها " وابويــــــــه أكيد الحين هيه معصـــــــبه مني ..
سالم: لا ما عليج ما راح تقول شي سيري إنتي الحين البنية تتريا :: سارت شمسه الصالة يالي تحت وقعدت تكلم حمده ..
شمسه وهي تكلم حمده: هلا والله
حمده: هلا فيج شخبارج و علومج
شمسه: الحمد الله بخير
حمده: بلاج جنه ما لج نفس ترمسين
شمسه وهي ما تبي تزعل ربيعتها: لا عادي بس راسي يعورني
حمده : معذورة الغالية
شمسه: فديتج ها شو العلوم شو قالج سلوم أخويه سامحيني هذه المرة مسحيها في ويهي
حمده: لا عادي لا تقولين هذه الرمسه عيزت وأنا أمسحها في ويهج
شمسه: مشكورة ما تقصري
حمده: العفو&#33;
شمسه: لا صج شو قالج
حمده وهوي تبي تتهرب: ما قال شي سوالف عاديه تعرفينه سالم أخوج
شمسه: يعني ما قال شي &#33;؟&#33;
حمده: عــــــــــادي
شمسه: شو عادي لا أدريبة سالم يخرف وايد يا ختي ليش يوم انج تدقين يرد عليج مادري ليش ؟؟
حمده: الله العالم إنزين ما خبرتج :: وقعدن البنيات يرمسن عن ربايعهن وسوالف بنات الله العالم فيها
أما فوق كان الجو مكهرب كان حميد ايرمس محمد ولد عمه &nbsp;::
حميد وهو معصب: و انت كنت وين يا محمد
محمد: أنا كنت عند خليفة ويوم ييت ما لقيته
حميد: جيف ما لقيته محمد دخيلك دورة والله إنه مهم للوكالة السيارات
محمد: خليفة قاعد يدوره
حميد: زين خليفة وينه الحين ؟؟؟
محمد: سار الشركة الرئيسية
حميد: دق حقه يمكن لقــــــاه يا أخي
محمد: توني داق حقه ويقول ما لقاه ..
حميد: أوكيه أنا الحين يا ينكم حيــــــــــاك :: وسار حميد يبدل ملابسه وشوي يسمع أذان الظهر يأذن استغفر ربه وراح على طول الحمام عسب يتمسح ومنها يصلي في واحد من مسايد يالي في الطريق وهو رايح شركتهم .. أما في المستشفى كان بعده في مكانه ولا قادر يتحرك بعده يتذكر أيامه صار له 15 دقيقه وهو قاعد على الكرسي الناس رايحة وراده وهو بعده.. وفجأة كانت أيد على كتف سهيل يالي خلته يستوعب نفسه ::
أم سهيل: بلاك يا وليدي انت ليش في المستشفى عسى ما شر
سهيل وهو يطالع أمه وكانت في عيونه نظرة متكسرة : ما بلاني شي يا ميه و إنتي شو تسوين هنيه &nbsp;
أم سهيل وهي هب مصدقة: &nbsp;أن يايه أزور أم راشد بنتها مربيه البارح .. علامك سهيل قولي شو فيك
سهيل: ما بلاني شي تبين تروحين البيت بوديج &nbsp;
أم سهيل وهي تتذكر: هيه تعال خالتك أم فهد وبنتها بتروح ويانا
سهيل وهو ما يستوعب أي شي: يا الله خلينا نروح
أم سهيل: يا الله .. هند حبيبتي روحي نادي أمج خلنا بروح
هند: إن شاء الله :: سهيل ما أطالع في البنت يالي كانت ويا أمه يالي كانت خايفة عليه.. شافته أول ما دخلت المستشفى ويا أمها وعلى طول أمها خبرت أم سهيل " حريم " &nbsp;كانت وايد تحاتيه .. سارت هند زقرت أمها وعلى طول سارو بيت أبو سهيل ..
حميد وهو طالع من باب الصالة دق حقه محمد..
حميد: ها بو جاسم
محمد: هلا انت وين الحين
حميد: الحين بطلع من البيت
محمد: لا خلاص لاتي
حميد: ليش؟؟&#33;&#33;
محمد: لقينا الملف
حميد: وين لقيته
محمد: عند الوالد كان طالبنه من عند السكرتيرة وقاعد يراجعه لأن أبو سهيل طلبه من بعد ما قراه
حميد وهو يقعد على بونيت سيارته من بعد ما بانت عليه علامات الراحة : ريحتني الله يريحك &nbsp;
محمد: آمين والحين روح صلي عن لا تفوتك الصلاة
حميد: قول لعمرك بلول
محمد: هههههههههههه زين لا تعصب علينا انت
حميد: هب عصبي تراكم عقدتو فيني
محمد: تراك وايد حساس انت
حميد:هههههه بنية أنا حســــــــاس
محمد: أقول وايد عطيتك ويه أنا اقلب ويهك .. وعلى طول سكر عن ولد عمه حميد وهو ظاهر من البيت كانت حصة توها واصله بيت عمها دخلت الصالة وعلى طول سارت غرفة شمه يالي كانت تنشف شعرها ...



سوالم</font>

<font color='#000000'>مشكوووووووووووووو ووورين على التكمله
ونتريا الباجي يا سويلم
</font>

<font color='#000000'><p align=center>ثاااااااااااااانكس
ونتريا الباقي
أختك روح الحب <img src="http://oasis.bindubai.com/emoticons/blush.gif" border=0></p></font>

<font color='#000000'>

تسلم راع7ي على القصه ... احلي شخصيه عجبتني .. سالم ..... وحمده صراحه لايقين على بعض
سهيل .. والله ما يستاهل اللى فيه ..
ونتظر التكمله منك ...</p></font>

<font color='#000000'><p align=right>

<font color=#990066>تسلم على التكمله ...
ونترياا الباجي...</font></p></font>

<font color='#000000'>مرحبا كشكوشه تسلمين على المرور الطيب الله يسلمج


ولكم روح الحب ومشكوووووورة على الطوفه



الله يسلمج إختيه خلتني احبك .. الله يكتب الخير لسالم وحمده
و سهيل الله يعينه.. ومشكوووووورة على الطوفه المفرحه ليه....


هلا فيج مهاوي تسلمين على المتابعه إختيه ولا عدمناج..


سواااااااااااااالم</font>

<font color='#000000'>وفي المرخانيه كانت روضة متأذية من ولد أخوها
مروان: مابا. مابا
روضة: مروانوه تسبح ريحتك عله
مروان: مابا. مابا
روضة: اوهووووووه أماية أماية &nbsp;تعالي شوفي ولد ولدج أذاني
أم ذياب وهي يايه من غرفتها مصلية الفرض: بلاج بلاج محتشرة بلاه مروان
روضة: بموت منه بموت
أم ذياب وهي تشل مروان من على الأرض : تعال حبيبي تعال حق يدوه
مروان بملامح طفولة: ماماه عموه دلبتني
أم ذياب: و ليش ضاربتنه &nbsp;هــــــــاه " وتبوس ولد ولدها " &nbsp;
روضة: بضربة شوفي شكله والله عله
أم ذياب: بلاه ؟؟‍
روضة وهي على ويهها ابتسامه: أباه يتسبح لكن هو طالع على أبوه
مروان: بحبل أبويه عليج
روضة: حبله تتحراني أخاف منه شو " بخبر "
مروان وهو ماد بوزه: بحبل عليج &nbsp;
أم ذياب: خبر عليها يوم بي أبوك زين " وتحط أيدها على ويه مروان وتبوسه " &nbsp;يا الله حبيبي بنروح نسبح بعدين محد بيحبك
مروان: ليث ؟؟
أم ذياب: على شان ريحتك ما حلوة &nbsp;شم ريحتك ما حلوة
مروان وهو يشم ريحته وبكل برائه : &nbsp;ما فيها ثي ما في ني ليحه
أم ذياب وهي تكلم الخدامة : بندي عن الجدر وبعدين قولي حق بسمه تسوي السلطة
مالا: زين ماماه يبي شي تاني
أم ذياب وكان مروان يأذيها : لا ما بي شي روحي زقري بسمه" &nbsp;سارت الخدامة تزقر بسمه "
أم ذياب: هــــــا هـــــــا بلاك مروان
مروان: ثمي ثمي ما فيني ليحه ماما ماما &nbsp;إنتي ما تثمعين ليث ؟؟
أم ذياب: ها حبيبي ها .. لا لازم تروح تسبح بعدين محد بيعطيك حلاوة .. وشوي و ذياب كان داخل هو و أبوه وأحمد أخوه توهم واصلين من برا .. الكل : السلام عليكم ورحمه الله وبركاته ..
أم ذياب و روضة: وعليكم السلام والرحمة
وجان يركض مروان حق أبوه : باباه باباه &nbsp;
ذياب وهو يشل مروان: هلا حبيبي هلا
روضة: شل ولدك خله يروح يسبح
ذياب: بلاه ولديه أنظف منه ما شي
مروان: باباه شم ليحتيه وايد حلوه
ذياب وهو يشم ملابس ولده : حلوه ريحته بلاها
روضة :جان على الملابس ترا ريحتها حلوه .. الحية في الولد من ثلاثة أيام هب متسبح &nbsp;بيعفن علينا
ذياب وهو يطالع ولده ويضحك: صحيح مروانوه .. &nbsp;و ليش إن شاء الله
مروان: باباه عموه دلبتني
ذياب: بعدين بضربها الحين بنسير نسبح صح حبيبي
مروان: انت بتتثبح معايه
ذياب: هيه حبيبي بسبح معاك .. عن أذنكم روضوه تعالي طلعي حقه ثياب :: وسار ذياب ويا ولده عسب يسبحه وكانت روضه وياهم وكان مروان مستانس لأن أبوه وياه ما تصور ذياب أنه ولده يكون فرحان لهذه الدرجة أهمله في الفترة الأخيرة وايد كل همه أن الشغل لا يتراكم عليه .. وفي دبي كانت شمه وحصة ويا هند يالي كانت بتموت من المستحى في غرفه شمه ..
شمه: بلاج هندوه لا يكون بس مستحية
هند وهي تضحك: ليش عاد أستحي انتن بنات عادي &nbsp;
حصة: عيل ليش ما كلتي شي
هند: ما أكلت شي ... هيه أنا مسويه رجيم
حصة: و ليش عاد ما شوفج متينة
هند: لا بس ...
وتقطع عليها شمه: بس شو يمكن أكلنا ما عجبج
هند: شموه لا تقعدين تسوي حقي سوالف &nbsp;.. وشوي تخل شمسه ويا ها فاطمة ..
شمسه: ها هند بعدج تدرسين
هند: لا تخرجت الكورس يالي طاف الحمد الله
شمسه: والحين شو بتسوي
هند: ما شي بقعد في البيت &nbsp;
شمسه: يعني شراتي
هند: إنتي خلصتي
شمسه: من زمان من سنه تقريبا
هند: و ليش ما اشتغلتي؟؟؟؟‍
شمسه: والله الظروف ما خلتني اشتغل
هند: أكيد صاحب السمو
شمسه: أكيــــدين بعد هب أكيد
هند وهي تضحك: حليلج ترا الحالة عندنا بعد &nbsp; &nbsp;
شمسه: إنتي بعد ؟؟‍
شمه وهي تزعج عليهم : بــــــــــــــــس مليت من هذه السوالف
هند وهي تطالع شمه : بـــــــلاج شمه
حصة: غيرو السالفة مملة هذه السالفة
فاطمة: وحنا بروحنا ملانات وغير هذه تيبون هذه السالفة لا لوعه جبد
شمسه: إنزين بلاكم كلتونا والله &nbsp;
هند: زين ما بلعتني شمه " وتضحك عليها " وشوي يسمعون حد يدق على باب الحجرة &nbsp;.. نشت شمه تبطل الباب ..
شمه: نعم شو
عبدالله: منو عندكم
شمه: وحده
عبدالله: أعرف وحده مو واحد سخيفة
شمه: من قالها
عبدالله: أقول قولي حق مال بوظبي تنزل ترا أمها وأخوها يتريونها تحت
شمه: زين .. سارت شمه وخبرت هند بالي قاله لها عبدالله ونزلن البنيات عسب يسلمن على خالتهم .. أما هند كانت بعدها في غرفت شمه وكانت ظاهرة من الحمام عسب تغسل ويهها وهي سايره تلبس عباتها يالي كانت على شبريه شمه حست بحد في الغرفة ويوم طالعته شافته نعم هذه يالي مشغل فكرها بعد النظرة يالي شافتها منه في المستشفى ذيج النظرة المكسورة يالي تبي تعرف شو سببها و ليش أمه سألته إنه كان في المستشفى؟؟ .. سهيل من بعد ما حطى الأشرطة في مكتبة شمه الصغيرة يالي كلها أشرطة هندية وهو يلف و هو يطالع وراه جان ينصدم بالي واقفة منصدمه كانت هند واقفة ما تعرف شو تسوي ما كانت لابسه شي على راسها كانت لافتة بطريقة حلوة ورقيقه .. و سهيل ما كان يعرف شو يسوي بعمرة غير إنه يطالع في الأرض ويحس تنفسه صار سريع ودرجه حرارته ارتفعت يحس الدنيا حارة ليش مع إنه الغرفة باردة وطبعا الباب مفتوح وشوي تيهم شمه لأن هند تأخرت عليهم وايد ويوم وصلت جان تشوف سهيل في الغرفة وهند بعد ما لابسه شي على راسها ::
شمه وهي على و يهها ابتسامة : هند أمج تترياج تحت &nbsp; &nbsp;
هند من سمعت شمه ترمس حست بويها يحترق : إن شاء الله .. لبست هند شيلتها وعباتها بسرعة بسرعة .. و سهيل بعدها عينه في الأرض ورافع حاجب " أونه معصب " ما يعرف شو يقول .. المهم سارت شمه ويا هند تحت..
شمه: بلاج هند ؟؟؟؟&#33;
هند و هي قافطه من شمه: ما بلاني شي
شمه وعلى ويهها ابتسامه خبيثة: شو يسوي سهيل في غرفتي
هند مرتبكة: والله ما عرف شموه أنا كنت ظاهرة من الحمام لقيته في الغرفة ما دري شو يسوي
شمه: بلاج إنزين بلاج
هند: لا تقولين حق حد والله قافطه ويهي محترق ما ليه ويه من الأساس
شمه وما ها منها : لا ما عليج لج ويه منو يالي قال مالج ويه فديت ويهج .. وتعرفيني زين أنا ما أقول حق حد " وجان تبتسم " شو رايج فيـــــــني
هند: إنتي ما ينخاف منج &nbsp;فديت شموتي أنا &nbsp;.. شمه تضرب هند على كتفها .. شمه أصغر من هند بس جنهم بالعمر نفسه لأن هند عندها ويه طفولي مو جنها بعمر حميد .. سارت أم فهد هي وبنتها وولدها للعاصمة بعد ما طبعت هند الموقف يالي صار بينها وبين سهيل يالي ما راح تنساه حتى ولو شو .. أما شمه سارت عند سهيل يالي كان في غرفته مضايج &nbsp;بعد الموقف يالي صار له مع هند كان &nbsp;يفكر وين شاف هذه العيون الكحيلة وين وبعد شوي ابتسم ابتسامه خفيفة تذكرها هذه يالي كانت في بوظبي مول &nbsp;.. وشوي يسمع طرقات خفيفة على الباب يالي قطعت عليه تفكيره &nbsp;..
سهيل وهو يعرف منو على الباب : دخلي يا شمه
شمه وهي تدخل الغرفة : شحالك يا سهــــــيل " طبعا وهي تمد أسمه متعمده الأخت "
سهيل: الحمد الله بخير بلاج شي عندج
شمه: لا ما عندي شي بس يايه أسأل عن خويه يعني ما أسأل ؟؟
سهيل: غريبة ما من عوايدج شموه دشي في الموضوع أعرفه والله دشيت الغرفة بالغلط زين
شمه: ومنوه قالك أنا يايه عسب هذه الموضوع
سهيل: عيل شو &#33;&#33;
شمه: سهيل انت اليوم مو طبيعي ممكن أعرف شو السبب ؟؟
سهيل وهو مو فاهم على شمه: جيف يعني
شمه: سهيل شوف شكلك اليوم مو طبيعي مو سهيل يالي أعرفه
سهيل وهو يستهبل على أخته : بلاه شكلي والله حليو بعد فديتني والله
شمه: ليش تتهرب مني يا سهيل انت من دخلت ويا أميه و انت مول حتى أميه تقول شافتك في المستشفى وهند بعد قالت
سهيل ابتسم : ليش متى شافتني
شمه: تراها كانت ويا أميه في المستشفى
سهيل : يعني اسمها هند
شمه: هيه نعم اسمها هند
سهيل: تعرفين بانيه شفتها في بوظبي مول
شمه : أدري خبرتني عن هذه الســــالفة
سهيل وهو عاجبنه الحوار يالي بينه وبين شمه: شو قالت لج
الجزء الخامس 17 صفحه
شمه: جنها عيبتك السالفة &nbsp;لا تقعد تتهرب سهيل بلاك
سهيل: شموه ما فيني شي
شمه: ما دري أحس
سهيل : لا تقولين شي كل شي بوقته حلو
شمه: يعني في شي :: سهيل هز راسه بس وشمه عرفت إنه أخوها ما يبي يرمس الحين لكنها بتعرف السالفة عقب :: شمه ظهرت عن أخوها سهيل يالي انسدح على شبريته وقعد يفكر جيف إنه بيفتح السالفة لأمه وأبوه &nbsp;... الساعة 5 العصر وحميد يكلم محمد ولد عمه..
حميد: ها محمد يوم بتوصل البيت دق حقي
محمد: صــــــار أفأ عليك انت بس
حميد: عيل أنا أترياك بتشوفني قاعد على المنامة &nbsp;
محمد: خلاص بس انت زهب الفواله
حميد: ما عليك انت تامر أمر لا تنسى الملف هاه
محمد: خلاص يا أخي ذبحتنا &nbsp;بنيبه
حميد: لابس أقولك عقب لا تقول والله ما خبرتك أعرفك زين أنا
محمد: أوكيه عيل بخليك احينه هاه
حميد: فمان الله &nbsp;:: وفي الصالة كانت شمه ترمس هيه حصة عن سوالفهم
حصة: عيل وين سالم
شمه: شتبين به بعد
حصة: بس أسأل عنه اليوم ما شفته
شمه: عيل إنتي يايه بيتنا عسب تشوفينه هب عسب تشوفيني حصوووه أما إنتي سوالف
حصة وهي مستحية: لا يروح فكرج لبعيد خليه مكانه ترا ما يالي في بالج
شمه وهي تطالعها بنص عين : عيل شو هـــــــاه خبريني &nbsp;
حصة: شموه قومي خلنا نروح المطبخ تراج ما عندج سالفة موليه ..
شمه: أنا ما بروح المطبخ بروح غرفتيه
حصة: قومي خلنا نروح أي مكان قبل لا أنفضح وخصوصا منج :: ضحكت عليها شمه و سارن البنيات عند سلامي يالي كانت ما لها نفس في شي طبعا حامل وما لها خلق حتى لسوالف .. يوم عندهم وعشرة عند أهلهــــــا ... وعقب يوم حسو إن سلامي ما لها نفس ظهرو من عندها وسارو تحت كان حميد في المطبخ يعابل الفواله.. وشمه وحصة شافوه لأنه هذه الريال مول ما يحب شي من أيد الخدامة ..
شمه: بـــــــــلاك حميد وين تبي انت
حميد وهو ما مسوي لهم سالفة : ما تشوفيني يعني
شمه: منو عندك انت؟؟
حميد: محمد ولد عمي بي و أسويله فواله
شمه: احلف انت بس.. قوم خلني بسويها لك والله ريايل مشاكل..
حميد: حلفي إنتي &nbsp;.. وتدريبي بعد
شمه: أدري إنك ما تحب من أيد الخدامة خوز بس خوز ..
حميد وهو يبتعد عن شمه : أقول يبيه برا في المنامة زين
شمه: أنــــــــــا؟؟&#33;&#33;
حميد وهو يطالعها باستغراب: هيه عيل منو
شمه: بخلي البشكارة تيبه لك زيــــــن
حميد: خـــــــلاص .. عيل أنا بروح .. وسار عنهم حميد..
حصة: هذه أخوج معقد عنبوه
شمه: لو سمحتي يعني لو سمحتي لا تتكلمين عنه جيه
حصة: أونه
شمه: عيل مو شايفه خوانج هذيلا
حصة وهي تضحك: شموه بس. بس ما عندج ســـــالفة
شمه: السالفة عندج عيل تــــــعالي بشوف ساعديني
حصة: بشو ... عسب بس أخويه بساعد
شمه: الحين لو سالم مادي شو بتسوين
حصة: ســــــــالم يطلب بس أفـــــــــأ عليه هو
شمه: بس من هذه الهذربه الزايـــــــده تعالي شوفي شغلج .. قعدن حصة وشمه يكملن الشغل يالي في المطبخ وعقب سمعن صوت محمد وهو يرمس ويا حميد وسارت شمه وخبرت الخدامة تشل الفواله لهم وعقب سارن هم فوق قعدن ويــــا فاطمة يالي كانت تكلم ربيعاتها على المسنجر .. ملن منها وعقب سارن يطالعو تلفزيون &nbsp;و سوالف ...

سواااااااااااااااالم</font>

<font color='#000000'>

تسلم يا سويلم
ونتريا الباجي
</p></font>

<font color='#000000'>يسلملي راسج حبوبه

ولاعدمتج ولاعدمت طلتج الحلوه

وسوااااااااالم</font>

<font color='#000000'>يالله راع7ي نتظر التكمله منك</font>

<font color='#000000'>مشكور أخوي على الجزء

و بانتظار التكملة

و السموحة&#60;&#33;--&#62;<img border=0 src=http://oasis.bindubai.com/emoticons/fa47.gif></font>

<font color='#000000'><p align=center>مشكور أخزيه وفي انتظار الباقي
أختك
روح الحب<img src="http://oasis.bindubai.com/emoticons/blush.gif" border=0></p></font>

<font color='#000000'>هلا فيكن خلتني احبك .. &nbsp;جود الأجواد .. روح الحب ..

ومشكورين على المتابعه

وسواااااااااااالم</font>

<font color='#000000'>الســـــــــاعة 8 ونص حصة روحت من بيت عمها كانت مستانسه وياهم وهم بعد مستا نسين منها &nbsp;.. وعقب العشا كان سهيل ويـــــا أبوه يالي قاعد يكمل شغله في المكتب يالي مأجلنه من الظهر ..
سهيل وهو مو عارف جيف يفتح السالفة : أبوية شو قاعد تسوي؟؟
أبو سهيل وهو مندمج في الأوراق : قاعد اشتغل ما تشوفني ..
سهيل: لا تعصب زين
أبو سهيل وهو يبتسم: أنا ما عصبت وإذا عصبت ما أعصب منك يا سهيل
سهيل : لا الوالد كنت أسولف وياك بس أوراق شو هذه
أبو سهيل وهو يفسخ نظارته : هذه أوراق صفقة سيارات و قاعد أراجعها &nbsp;.. أقول سهيل ليش ما تشتغل عندنـــــا مثل أخوك حميد ..
سهيل: الوالد انت عارف جوابي .. تعرفني أحب الاستقلالية والحمد الله أنا مرتاح في شغلي .. شوفني أنا الحين مهندس بترول السنة اليايه إن شاء الله .. يعني شهر بكون في البيت وشهر في الدوام ..
أبو سهيل: وعايبك الحال إنك تكون شهر في البيت وشهر في الدوام &nbsp;
سهيل: أنا اخترت هذه الطريق وأنا بكمله " وهو يرفع حاجب " &nbsp;أنا ريــــــال ولا شو رايك &nbsp;:: وشوي كانت داخله عليهم أم سهيل وكان أبو سهيل يضحك ..
أم سهيل: لا ولدي ريــــــال فديته ..
سهيل وهو يحس إنه هذه فرصته : هلا أمية حيــــــاج
أم سهيل: الله يحيك ويبقيك .. ها شو &nbsp;قاعدين تسون
أبو سهيل: سوالف رياييل ما تعرفين لها يا أم سهيل &nbsp;
أم سهيل وهي معصبه: هيه ما عرف لها ..
سهيل: لا والله أميه زعلتي يعني
أبو سهيل: أمك زعـــــاله يا سهيل &nbsp;.. أقولك يوم كنت أسافر الكويت كانت تنتفخ عليهم في البيت ..
سهيل: هــــا الوالدة شو قمنا ندلع هذه زمان أول الغالية
أم سهيل وهي معصبه : أسكت انت بعد طالع على أبوك ما بتيبه من حد ..
أبو سهيل كــــــان &nbsp;يضحك على حرمته ..
أم سهيل: تضحك أنا بروح عنكم أحسن ..
سهيل: لا. لا أميه قعدي أبيج في سالفة
أم سهيل: هب قاعدة ما تشوف أبوك جيف بيموت من الضحك عليه
سهيل: إنتي شو تبين به قاعدين نسولف عاده
أبو سهيل: أفا وأهون عليج أنا
أم سهيل: ما تهون شيبتي :: أبو سهيل كان يغمز حق ولد لأنها رضت عنه على طول ..و سهيل لاحظ هذه شي بس هو يبي يفتح الموضوع بس جيف بيموت من التفكير وهذه فرصة وما يبي يفوتها .. وكانت أمه تكلمه بس هو مو ويا ها موليه .. بس شده موضوع كانت أمه تكلمه فيه ..
أم سهيل: والله كنت فرحتنا الأولى يا سهيل..وشد حيلك عاد نبي نفرح فيك زود يا أميه &nbsp;
أبو سهيل: ولدج مول ما يفكر بهذه السوالف .. لين متى بتقعد جيه يا بوك يالي بعمرك عنده 3 صغارية
سهيل: أبويه أميه خلكم من هذه السالفة .. بعدين بنرمس فيها
أم سهيل: لين متى يعني؟؟&#33;&#33;
سهيل: أميه أنا الحين أفكر أســـــافر
أبو سهيل وهو بعد ما استوعب كلام سهيل: جيف تسافر و ليش ؟؟
أم سهيل وبكل هدوء : متى بسافر
سهيل: بعده ما تحدد موعد السفر بس يعني أخبركم من احينه &nbsp;
أبو سهيل: ومتى ما تبي تسافر سافر
سهيل وهو ما يبي يقول : بسافر علاج
أم سهيل وهي مو مستوعبه السالفة : علاج و ليش أميه :: وأبو سهيل ساكت لأنه يبي يسمع السالفة للآخر.. ما يعرف شو في بال ولده بس يحس إنها سالفة و مو أي سالفة ::
سهيل: أنا بسوي عميلة يا أمية .. بس أبي أسأل سؤال واحد
أم سهيل وبأن فعال: عمليه شو و ليش ما خبرتنا
أبو سهيل وهو بعده على صموده: سكتي يا أم سهيل سكتي &nbsp;.. كمل يا بوك
سهيل: الوالد أنا كان فيني فتحه في القلب يوم كنت صغير ؟؟
أم سهيل وجنه حد صب عليها ماي بارد على قلبها وهي تطالع أبو سهيل :: أما أبو سهيل كان يطالع ولده يالي كانت عيونه محمرة : ليش تسأل يا وليدي؟؟
سهيل: أبويه خبرني و ريحني ..أبو سهيل كان يطالع أم سهيل يالي كانت نظراتها في الأرض .. وفي مكان ثاني كان سيف يكلم ناصر على التلفون ..
سيف: لا والله ما يعجبني حالك جيه بلاك نصور
ناصر وهو ما له نفس في الكلام: ما بلاني شي يا أخي والله بس تعبان حيل
سيف: الله لا تعبك أقولك شي ترا فاتك الفلم اليوم وايد حلو
ناصر: الأسبوع الياي بشوفة إلا هيه السينما..
سيف: والله الرمسه وياك مملة صارت &nbsp;
ناصر: ادري .. تعرف توني داق حق سلطان أول شي ما شله عقب سكر في ويهي عيال دبي ما يستحو
سيف: جنه حد غلط على عيال دبي
ناصر: ما دري والله جنه
سيف: أية لا تغلط
ناصر: سواف يعني أنت الحين معصب روح زين
سيف: بعصب من كل النــــاس إلا منك نصور
ناصر: نصور فعينك لا يكون الزراع ما لكم ولا دريولكم &nbsp;
سيف: محشوم بو الشباب محشوم &nbsp;
ناصر: لحضه .. وعقب دقيقه .. هلا
سيف: أهليين شسالفه؟؟
ناصر: لا ماشي بس ولد أخويه مآذني .. لحضه شل ولدك يا أخي والله مأذني ..
سيف: الله يعينك
ناصر: والله دوم جيه.. والله مرتاح ما عندكم يهال شراتة
سيف: اسكت ما قلتلك عن ميود أخويه يوم إنا نكلمك أنا وسلطان ..
ناصر: هيه أحيدكم.. و تعال ميود هذه آخر واحد فيكم
سيف: هيه .. أقولك قاعد هو ومحمد يلعبون بليستيشن زين محمد غلبه بمباراتين و ميود بيصيح من الغصة لأن محمد وايد يستفز ..
ناصر: أعرفه زين حمود
سيف: وحمود يضحك على ميود يالي كان معصب عقب ميود قبض الشوطين وقعد يلعب و ما همه حمود و في الأخير فاز ميود على حمود و حمود فاج حلجه وأنا وسلطان كنا نضحك على حمود .. وحمود أونه: لا أنا عطيته جدومي.. &nbsp;
ناصر: يحليله محمد عيل العزيمة عليه
سيف: لا سلطان قايل لميود إذا فاز بيعطيه إلي يبيه .. واليوم متشيخط..
ناصر: حليلة مايد .. إلا أخبار سالم ولد عمك ..
سيف: تمام ما يشكى &nbsp;باس
ناصر: أقول بكلمك عقب أوجي بخليك الحين
سيف: خلاص عيل بــــأي .. و صكر عنه سار سيف تحت وشاف حصة ومريم قاعدين يطالعو التلفزيون ..
سيف: حصوه أميه وين؟؟
حصة: في غرفتها ليش..
سيف: ولاشي بس سمور داقه حقي وينها بسرعة
حصة: والله سمروه وينها عطني لها
سيف وهو يروح غرفه أمه : روحـــــي زين ؟؟ &nbsp;أميه يا ميه
أم سلطان من غرفتها: تعال أنا هنيه تعال
سيف: لحظه هاج الوالدة.. سيف وهو يعطي أمه التلفون
أم سلطان: منوه يا سيف..
سيف: تكلمي إنتي بلول :: قعدت أم سلطان تكلم بنتها سمر يالي كانت مشتاقة حق أهلها و وخبرتهم إنها بتي بعد أسبـــــوع .. وفي بيت أبو سهيل وفي الكتب أبو سهيل بتحديد كان الجو مو على طبيعته مو الجو يالي خليناه من قبل كان سهيل يسمع السالفة من أبوه بعد إصرار منه كان يسمع وهو يتحسف على الأيام
يالي راحت .. .. سهيل كان منزل راسه وفي داخله يحترق جيف أمه وأبوه ما هتمو فيه وخصوصا هو كان فيه ثقب في القلب .. كان عمرة صغير يعني من يوم وهو نولد وهو فيه هذه الثقب ..
أبو سهيل: وعقب قال لنا الدكتور إنه ما تحتاج عمليه .. لأن كلما كبرت يصغر الثقب وعشنا معاك &nbsp;الثلاث سنين بالحلوة والمرة من مستشفى لمستشفى ومن دكتور لدكتور ويا اليوم يالي قال لنا الدكتور إنه الولد بخير وما فيه شي وكان قلبك سليم و ما فيه شي .. " وسكت أبو سهيل وكان يبي يسأل سهيل عن المرض وجيــــــف بس سهيل كان أسرع "
سهيل و بانفعال شديد: عيل جيف ياني جيـــــــــــــــــــــــ ــــــــف ؟؟ يا بوية
أم سهيل وهي كانت تصيح : أذكر الله يا سهيل أذكر الله
سهيل: لا إله إلا الله .. لا إله إلا الله &nbsp;..
أم سهيل وهي تصيح تقوم حق ولدها وتلوي عليه : بسم الله عليك يا وليدي انت من قالك هذه الكلام .. إحنا عالجناك وما قصرنا فيك يا الغالي .. فديتك " كانت أم سهيل من فعله وايد بهذه الخبر " و سهيل كان &nbsp;في حضن أمه وما يبي يصيح كان متلوم وايد من أمه وحس بأمه تثقل بين أيديه وشوي جان يشوف أمه غشيانه .. لا حظ أبو سهيل حرمته ..
سهيل وهو منفعل : أبويه ألحق أميه أميـ... ما &nbsp;دري بلاها
أبو سهيل وهو يقوم من مكانه بسرعة بسرعة وسار عند حرمته وكانت غشيانه : سهيل قوم زقر سالم &nbsp;وخبر الخدامة تيب ماي قوم .. سهيل كان حاس &nbsp;بإحساس غريب حس أن ما بيشوف أمه مرة ثانيه " ليش عاد " سار سهيل غرفة سالم ما حصله.. سالم كان عنده دوام بليل .. سار غرفة حميد بعد ما حصله &nbsp;وعقب راح غرفة عبد الله وشافه وقاعد فيها &nbsp;وقاله ينزل تحت بس ما يبي أحد يعرف ما يبي يكبر السالفة يدري بخواتة إذا خبرهم بيسون مناحة في البيت ما لها داعي :: &nbsp;وعقب سارو المستشفى .. سهيل خبر حميد بسالفة ..
حميد: هلا شمسه بلاج إنتي وين و شخبار أميه الحين
شمسه: أميه.. بلاها أميه يا حميد ؟؟
حميد: هــــــــاه
شمسه: حميد خبرني بلاها أميه
حميد: ليش انتو ما تعرفون
شمسه: ما نعرف شوووو
حميد: لا. لا ما شي عيل باي
شمسه و بانفعال : حميد قـــــول بلاها الوالدة &nbsp;:: بس حميد ما سوى سالفة لشمسه لأنه ما يحب دلع البنيات هذه يالي هيه فيه بس و صكر في ويهها ... وصل حميد للمستشفى وكان عبد الله قاعد على واحد من الكراسي ..
حميد وبخطوات سريعة : ها عبود أميه وين
عبدالله: داخل عندها سهيل وأبوية
حميد: شو قال الدكتور ؟؟
عبدالله: ما عرف دخل أبوية و سهيل وراه &nbsp;ولساعتك هذه &nbsp;وهم عندها ..
حميد: أما عندك أعصاب باردة وسالم وينه عيل
عبدالله: سالم ما يعرف شو ؟؟
حميد: والله ما دري جنه ما يعرف ..
وشوي كان سالم ياي &nbsp;وكانت شمسه عنده على التلفون : يا بنت الحلال منو قالج إنتي
شمسه: حميد خبرني .. سالم دخيلك خبرني شخبار الوالدة
سالم: شدراني أنا الحين واصل ويوم بعرف بخبرج زيــــــن يالله باي
شمسه: والله أتريــــــاك يا سالم طمني عليها
سالم وهو محتشر: زين خلصينا عاد حيـــــاج " وهو يطالع خوانه " .. &nbsp;شخبار الوالدة
حميد: ما عرف اسأل عبود يعرف كل شي
عبدالله: تتمصخر يعني حضرتك
سالم: بس انت وياه أنا الغلطان لأني سألتكم .. الحين هم وين
عبدالله وهو يأشر : في هذي الغرفة &nbsp;:: سار سالم ودخل الغرفة كانت أم سهيل منسدحه على الشبرية وتكلم سهيل وأبو سهيل واقف حذاها ويمسح على راسها ويهديها ..
سالم: السلام عليكم والرحمة
الكل : وعليكم السلام والرحمة
سالم وهو متلهف يبوس أمه على راسها و يتحمد لها بسلامه : الحمد الله على السلامة الغالية ما تشوفين شر يا أم سالم ما تشوفين شر..
أبو سهيل: أم سهيل هي مو أم سالم
سالم وهو قاعد على الشبريه: وشو فيها يعني .. &nbsp;" وهو يحط راسه على صدرها " مثل ما هي أم سهيل بعد هي أم سالم ..
سهيل: بس البجر أنا
سالم: ما عليه منك انت .. " يطالع أمه " ها الوالدة أقولج نكته
أم سهيل وهي تبي بس تسكته : قول بس وحده ما ليه خلق أنا
سالم وهو يظهر تلفونه : تامرين أمر إنتي &nbsp;.. يقولج في نذل دخل الجنة بعد يومين ما حصلوه دوروه لقوه يصب بترول على أهل النــــــار ..
أبو سهيل: أستغفر الله العظيم عيب عليك عيب
سهيل: تصدق عاد والله إنهــــــا حلوه
أبو سهيل: اسكت انت اسكت أونه حلوه عيب " وهو يهز راسه " أستغفر الله
سالم: أبويه نكته بلاك معصب
أم سهيل وهي تعبانه: خله يا بو سهيل خله .. تعرف عاد ما فهمت من يالي قاله شي
أبو سهيل جان يضحك وشوي دخل عبد الله وحميد وتطمنو على أمهم ..
حميد: ها أبويه شو قالك الدكتور عنها
أبو سهيل: لا أمكم بخير والحمد الله ما فيها شي بس كانت تدلع
عبدالله : كل هذه دلع المرة اليايه لا تدلعين علينا دلعج شوفي وين وصلنا المستشفى
حميد: فديت إلي تدلع أنا
سهيل: عبود قام يخرف
عبدالله : ما أخرف طال عمرك
سالم وتلفونه يرن: أخيج أذتنا بنتج هذه هاج كلميها وريحينا
أم سهيل: شمسه فديت عمرها دوم تحاتيني الغالية &nbsp;:: وقعدت أم سهيل تكلم بنتها شمسه يالي كانت بتموت من الزيغه على أمها ..
أبو سهيل: عيل سعيد وين
سالم: في الدوام .. أبوية أميه بتقعد في المستشفى ولا بتروح البيت &nbsp;
أبو سهيل: لا بتروح البيت
سالم: الحمد الله :: سهيل ظهر من عندهم وســـــار قعد برا وشوي دقت حقه شمه ..
سهيل: هلا شموه
شمه: سهيل صج السالفة
سهيل : إلي هيه
شمه: الوالدة &#33;
سهيل: هيه صج الحين هي الحمد الله بخير والحين بني لا تخافين
شمه: و ليش ما خبرتني يا سهيل ما حيدك
سهيل: شمه يا شمه متضايج أنا الحين يوم بي البيت سألي الأسئلة يالي تبيها على خوانج دخيلج
شمه: بلاك سهيل ليش جيه حالك ما يسر &nbsp;
سهيل تم ساكت ولا قال ولا كلمه حاس بشي غريب فيه و حاس إنه غريب عن هذه العايلة " ليش ؟؟ "
شمه: يعني ما تبي ترمس صح أجيج بخليك عيل الحين بس دير بالك على عمرك
سهيل: تسوين خير فيني فمان الله &nbsp;:: سكر سهيل عن شمه وعقب ظهرو أهله من الغرفة يالي أمه كانت فيها عقب سارو البيت من بعد ما وصاهم الدكتور براحة لأمهم &nbsp;..




سوااااااااااااااااالم</font>

<font color='#728FCE'><p align=center>مرحبا الساع مليار وان زادن لا باس.....

تسلم يمناك الشيخ.....

مشكور اخويه ع الجزء....

نتريا التكمله الشيخ ...لا تبطي علينا.......

تحياتي....

"هتان المنتدى"</p></font>

<font color='#000080'>تسلمين إختيه على الكلام الطيب

ولاعدمناج ولا عدمنا طلتج</font>

<font color='#000000'>مرحبا ....

الصراحه القصه واااااااااااااااااااااااا ااايد حلوه ....نبا التكمله لاتتأخرون علينا

اوكي &nbsp; <img src="http://oasis.bindubai.com/emoticons/smile.gif" border="0" valign="absmiddle" alt=':)'>

ومشكورييييييييييييييييييي ييين</font>

<font color='#000000'>تسلم اخوي على البارت


و بانتظار التكملة</font>

<font color='#000080'>مرااااااااحب إختيه علايه .. مشكوووورة على المرور

الطيب ولا عدمناج ..


الله يسلمج يا جود الأجواد ومشكووووورة على الطوفه


وسواااااااااااااالم</font>

<font color='#000080'>وطبعا بعد ما وصلو البيت كانو الكل مب راقد حتى سلامي " متعبينها " يتريون أم سهيل يالي كانت بتموت من التعب يوم إنها وصلت وكل معلق فيها..
عبدالله: أنا آخر العنقود ما تعلقت في أميه جيه
أم سهيل: فديتهن بناتي خلهن يا عبدالله دوم إلا تبي تواجعهن :: وهي تطالع سلامي .. فديت سلامي ليش للحين هب راقدة ليش جيه متعبين مرت أخوكم هاه..
سلامي وهي تعبانه: لا عادي عمه أصلن أنا ما بيني رقاد إلا لين أطمن عليج ..
أم سهيل: فديت روحج يا لغالية
سهيل يالي متلو من أمه وأبوه : أميه روحي رقدي الحين بتشوفينهم باجر &nbsp;إن شاء الله ..
أم سهيل وهي تطالع ولدها والدمعة في عينها: إن شاء الله الغالي بس دير بالك على عمرك انت .
الكل استغرب من كلام أمهم محد كان يعرف بسالفة طبعا بس شمه الشكوك زادت إلا تعرف شو بلاه أخوها سهيل حاسة بشي مو طبيعي قاعد يصير بس شو .. لازم تعرف .. المهم الكل سار يرقد وكانت لليله من أصعب الليالي لأم سهيل و أبو سهيل كانو متلومين من ولدهم جيف إنه يرجع حقه المرض وهم ما خلو مستشفى وإلا ودوه له.. ومر أسبوع على طيحه أم سهيل والحريم دوم في بيتهم يطمنون على أم سهيل يالي كان ما تخلي حد وألا تزورة والحين النــــــــاس قامت تزورها " الدنيا " &nbsp;.. وفي شهر ثمانية وكانت ملجه شيخه &nbsp;أخت هند وفي نفس اليوم حمد وسمر بيون من السفر وأم سلطان مستانسة لأن بنتها بتي من السفر ..
أم سلطان: ومتى بتيبهم إن شاء الله
سلطان: الساعة 7 المغرب
أم سلطان: فديـــــــت بنيتي والله كانت مهيله عليه في البيت قبل لا تزوج
سلطان: كلهم بيروحون عنج إلا أنا فديتني طبعا
أم سلطان: وتتحراني بستانس يعني لأنك بتقعد عندي لا والله بل عكس
سلطان وهو يقاطع أمه : يا ميه بلاج مستعيله
أم سلطان: لا مستعيله ولا شي بس انت ما شايف جم عمرك يا بوك بتعنس عليه &nbsp;
سلطان وهو يضحك على أمه: أعنس جيه بنية أنا بنية
أم سلطان: هيه عيل شو
سلطان وهو يبي ير أمه بالكلام : ومنوه هذه بتقبل تاخذني
أم سلطان: بنات العرب وايدات بس انت تخير أي وحده فيهن وأنا حــاضرة فديتك
سلطان وبخبث: لا أنا في بالي وحده
أم سلطان: وأنا أقول الريال ما يبي يتزوج قول يكلم ليه وحده من هالخايسات
سلطان: لا يروح فكرج لبعيد يا ميه
أم سلطان وهي معصبه : عيــــل شو منو يالي في بالك
سلطان: إلي إنتي تختارينها ليه أنا حاضر فيها بس المهم لا تعصبين
أم سلطان وهي مستانسة لأن ولدها ما عارض مثل أول: فديتك أنا بخطب لك أحسن بنت في دبي أفأ عليك انت بس ولدي العود وله أحلا بنات دبي ..
سلطان: لا فديتج مابي بنات أبي بنت وحده بس تكفي
أم سلطان: يعلني أفداك دوم يا لغالي ...
سلطان: الحين راضيه .. بس ممكن أعرف منو هذه البنية يالي بتخطبينها ليه ؟؟
أم سلطان: اختياري وأكيد ما بترفضه
سلطان: منوه عاد يا ميه
أم سلطان: بلاك مستعيل ..
سلطان: ترا إذا ما قلتي منوه هذه البنت ترا أهون
أم سلطان : لا ما عليك انت من تسمع اسمها على طول بتوافق
سلطان وهو يطالع أمه بنص عين: يعني ما بتقولين الحين
أم سلطان: بلا بقولك بس..
ويقطع عليها سلطان: خلاص هونت ما بي أعرس زين
أم سلطان: لا بقولك الحين الله يهدا بس انت يا سلطان
سلطان متنرفز بس ما يبي يبين حق أمه : منوه ؟؟؟
أم سلطان: يا شمه يا شمسه شرايك
سلطان من سمع أسم شمه أنصدم بس من سمع اسم شمسه بانت ابتسامته : فديــتج يا ميه &nbsp;
أم سلطان: و الحين هذيلا بنات عمك خذ وحده فيهن يقول المثل " دهنا في مجبتنا " ..
سلطان: يصير خير يا ميه
أم سلطان: بس ما قلتلي من يالي تبي عسب أسير و أخطبها لك ..
سلطان: إلي تشوفينه
أم سلطان: لا خذ يالي تبيها يمكن أتخير شمه و انت ما تبيها
سلطان و بانفعال : لا شمه لا
أم سلطان: ليش عاد ..
سلطان: شمه صغيرة عليه
أم سلطان: يعني خاطرك في شمسه
سلطان وعيونه تبرق: خير إن شاء الله
أم سلطان: نتوكل على الله وباجر بنسير نخطبها لك
سلطان: عسى خير الحين أنا بسير الغرفة يوم بيأذن العصر قعديني من النوم
أم سلطان: إن شاء الله :: وسار عنها سلطان وكان وايد مستانس من اختيار أمه له .. وفي بيت أبو سهيل كان سهيل يكلم أبوه عسب السفرة ..
سهيل: بس الدكتور ما حدد الموعد هو قاليه بيتصل ليه
أبو سهيل: أمك مو راضيه يا ولدي
سهيل: لين متى يعني يا الوالد &nbsp;أنا مقرر وخلاص بسير يعني بسير
أبو سهيل: انت ريال وتعرف قراراتك زين .. بس أمك..
سهيل وهو يقاطع أبوه: الوالدة خلها عليه يا بوية أنا أعرف كيف أقنعها
أبو سهيل: الله كريم والله يكتب لك الخير يا وليدي .. ما بتروح معايه &nbsp;الذيد
سهيل: لا والله الغالي هذه المرة ما أقدر أروح اسمح لي
أبو سهيل: على كيفك بقول حق سالم يسير ويايه
سهيل: ما لقيت إلا هذه عاد سالم و عبدالله ما توديهم مكان شل وياك حميد أحسن &nbsp;..
أبو سهيل: حميد الله يعينه حميد ما دري بلاه مختفس فوق وتحت
سهيل: ليش عاده؟؟ &#33;
أبو سهيل: شغله مو الأولاني &nbsp;..
سهيل: حميد ما شاء الله هب ريح في الشغل
أبو سهيل: أدريبة بس أحس شي في باله مو حميد ولدي
سهيل وهو يضحك: ليش يعني شاك في أنه ولدك
أبو سهيل وهو يطالع سهيل بنص عين: شو محد ما يعرف ولده وعن هذه الرمسه البايته إلي ما لها أول ولا تالي ..
سهيل وهو بيموت من الضحك على شكل أبو : أبويه الغالي والله كنت أسولف عنبوه &nbsp;جبريت
أبو سهيل: مو فايق حق السوالف الحين &nbsp;.. أقوله حميد ما دري بلاه يقولي مو ولدك
سهيل وبكل جديه لأن أبوه جد كان شكله مهتم في حميد: و ليش ما تكلمه يمكن شي في خاطرة
أبو سهيل: كلمته بس ماشي جواب سير كلمه انت يمكن يسمع لك ولا يقولك ..
سهيل: الوالد حميد وايد جدي بدرجه فضيعه انت ما تعرفه زين .. وصعب تقدر تاخذ وتعطي معاه..
أبو سهيل: يعني جيف أخلي ولدي جيه يعني ..
سهيل: أنا بحاول وياه وأدريبه ما بيقول شي بس بحاول عسب خاطرك يا بويه &nbsp;
أبو سهيل: تسوي فيني خير .. وعقب هذه السوالف سارو يتغدرون لأن أم سهيل زقرتهم ..
العصر الساعة 5 ونص كانت أم سهيل كـــاشخه كشخه الحريم كانت بتسير بيت بنت خالتها عندهم ملجه شيخه بنتها .. وطبعا ما بتاخذ غير شمسه بنتها وشمه وفاطمة بيقعدون عند مرت أخوهن ..
شمه: يعني أنا أبا أسير هندوه قالت ليه تعالي ..
سالم: قري في مكانج لازم تسيري يعني ونحن منو بسولنا عشا هاه
شمه: يعني كله أنا
سالم: فديتج كله إنتي
شمه وهي تطالعة بغير نفس: بس إنزين
عبدالله : جيه بعد قلبتي ويهج &nbsp;
شمه: سير انت تأخرت على ربعك سير
عبدالله : هب ساير أنا اليوم
شمه: ها أميه ما بتوديني
أم سهيل: شموه لا تصدعي فيني بتقعدي عند اخوانج
شمه: يعني ما شي أمل
فاطمة وهي تنكت : لا أمل ولا غزيل هههههههههههههه ..
شمه وهي تتمصخر على فاطمة: هههههه وايد بموت من الضحك أنا بس دخيلج لا تعيدنها
عبدالله &nbsp;وهو يضحك: أول مرة فطوم تنكت حلوه وايد حلوه &nbsp;" بس يبي يحر شمه "
سالم: عبود قم جان تبيني أوديك النادي
عبدالله: يا الله سرينا :: وسار سالم ويا عبدالله النادي أما شمه فقعدت تحن على راس أمها لكن أمها ما رضت ..
سهيل: يا الله يا ميه توكلنا
أم سهيل: يا الله هبابنا لين ما نوصل .. شمسه وين عيل ؟؟
شمسه وهي يايه: هلا أميه أنا هنيه
سهيل: يا الله يا البنات جيف تتأخرون ما ترزا عليكن
شمسه: ملجه لازم نتعدل مثل ما أنتو تتعدلون .. ما يصير بعد نروح مب كاشخات
سهيل: بس من هذه الرمسه البايته قومي خلنا نروح تأخرنا الوالدة سبقتنا &nbsp;:: طلعو برا وشغل سهيل سيارته وسارو العاصمة بوظبي الحبيبة .. وكان سهيل على أمل إنه يشوف هند وكان وده إن شمه تسير وياهم بس الظروف ضده .. أما شمه فكانت بتموت من الغيظ إلا تروح بس أمها أكبر منها وكلمتها يالي تمشي في البيت ..
شمه: حصوه بموت من الغيظ
حصة: خيرها في غيرها
شمه: تعالي إنتي شو ها المسج يالي مطرشته ما حيدج
حصة: جيه شو شايفتني
شمه: والله أقول في خاطري يمكن حصوه خرفت والله
حصة: لا خرفت ولاشي بس جيه كنت فايجه البارح
شمه: لحظه .. وكان سعيد نازل من دوامه .. فديت يالي وصل والله
سعيد: هلا شموه شخبارج وين حرمتي
شمه: الحمد الله بخير وحرمتك في المطبخ ..
سعيد: في المطبخ ليش ..؟؟&#33;&#33;
شمه وهي ترد على حصة : حصوه عقب بدق لج أوكيه باي .. وسكرت عنها وسارت حق أخوها ..
تعرف بعد حامل وتجزنا ..
سعيد سار لسلامي في المطبخ وما شاف حرمته : شموه وينها؟؟&#33;&#33;
شمه: والله كانت هنيه قالت ليه هيه بتسير المطبخ &#33;&#33;
سعيد وهو يمشي في المطبخ : سلامي. سلامي وشوي جان يحس شي تحت في ريولة ويوم شاف شاف سلامي طايحه في المطبخ وشعرها متناثر على أرضيه المطبخ &nbsp;..
سعيد وبكل خوف: سلامي عيوني بلاج .. شمه سمعت سعيد يزاعج يوم سارت له وشافته يحاول إنه يشل سلامي
شمه وبكل خوف: سعيد بلاها سلامي ليش جيه هيه
سعيد وهو يزاعج على شمه ويفتن عليها: إنتي ما تشوفيني يعني تعالي ساعدين و بلا هذه الكلام الزايد
شمه عصبت منه بس الحين هب فايجه له : زين.. سارت شمه تيب الماي حق سلامي وسعيد شل حرمته لصالة .. شمه كانت يايبه الماي وعطته حق سعيد يالي كان مفول على الآخر.. ورش الماي على سلامي يالي ما حصل منها أي جواب ..
سعيد وبصوت قوي: روحي يبي عباتج و عباتها بسرعة .. شمه كانت خايفة على سلامي وفي نفس الوقت كانت معصبه من سعيد . المهم سارت شمه فوق عسب تيب عباتها وعباه حرمه أخوها شافا حميد يالي كان ما يعرف عن هذه البيت شي صار له تقريبا أسبوعين &nbsp;وهو حابس عمرة والشغل ما يعرف عنه شي وإذا سار الشركة بيقعد يفكر وبس ..
حميد وشكله مول ماله نفس حتى يسأل : بلاج شموه شو يالي صاير
شمه: سلامي مادري بلاها طاحت علينا
حميد : ليش شو فيها بعد سلامي
شمه وكانت مستعيله : طاحت غشيانه بروح عنك الحين :: نزلت شمه وكان حميد وياها حس السالفة فيها شي أول مرة يشوف شمه بهذه الصورة .. تحت في الصالة كانت فاطمة مع سعيد تهديه وسعيد قاعد يكلم سلامي يالي من بعد محاولات قعدت من هذه الطيحه...
فاطمة: لا بتروحي لا تقعدي تتدلعين عاد خوفتينا عليج يا سلامي
سعيد: بس نبي نطمن عليج
سلامي: والله ماله لزمه
شمه وهي يايه من فوق: قومي يا الله بس نبي نطمن عليج وعلى زيودي
سلامي وهي تطالع شمه: شمه
شمه: هيه شمه قومي يا الله بسرعة
حميد: هلا سعيد .. شخبارج سلامي بلاج؟؟
سلامي: الحمد الله بخير الله يعافيك
حميد: قومي يا الله على شان خاطري هذه إذا جان عندج ليه خاطر
سلامي: إن شاء الله حميد .
سعيد: جان قلتيلي من الأول كنت بيب حميد :: ضحكت سلامي بس عسب تبي تريحهم بس منو يالي يرتاح لازم يطمنون عليها ومن عقب بيضحكون .. سار سعيد وشمه وسلامي المستشفى بينما تمت في البيت فاطمة وحميد يالي على طول سار غرفته ورجع لهمه يالي ما يعرف عنه أي حد " حتى أنا &nbsp;" الســـــــــاعة 7 المغرب وصل سعيد و دخلو الصالة وطبعا كانت فاطمة تترياهم من عقب ما صلت المغرب..
فاطمة: ها شو السالفة
سعيد: السلام عليكم ورحمه الله وبركاته .. ما خذتنا بمشراع و ميداف
فاطمة : وعليكم السلام والرحمة الله وبركاته .. يا الله عاد سعود
سعيد: أونها سعود سعيد أنا ريال متزوج وحرمتي شهر ثلاثة بتربي وتقولي سعود
فاطمة : شكله هذه ما بيقول و بيذلنا بنغيرك .. شموه شو قال الدكتور
سعيد: أيــــــه حرمتية تدخل عند دكتورة هب دكتور لا تغلطي
فاطمة خلاص بتموت من سعيد أخوها ذلها وهي تبي تتطمن على سلامي: سعيد دخيلك تسكت سلامي شو قال أوه غلطنا شو قالت الدكتورة لج..
شمه: ما قالت شي بس سلامي تشوفينها يعني ضعيفة وايد فالحمل وايد مأثر على ظهرها ومن جيه طاحت غشيانه وقالت الدكتورة بعد بتقعد في المستشفى بس هيه ما رضت تقعد ..
فاطمة: قولو من الأول ماله داعي لليوله ما لتكم
سعيد: منو يالي رزف ؟؟
فاطمة وهي تنرفزت من سعيد: أميـــــه جيف ملق بس دخيلك بس
سعيد: عيل أنا بسر أصلي وبرتاح شوي &nbsp;.. سلامي ماله داعي للحركة الزايدة تضرج زين حبيبي ..
سلامي : إن شاء الله في أوامر ثانية ..
سعيد: هيه نعم ممكن تين ويايه للغرفة عسب ما تظهرين منها موليه مدامي موجود خلاص تراني ما خذ
سنوية &nbsp;.. سلامي استانست من كلام ريلها بس كفاية غاب عنها شهر وكانت بتموت من دونه البيت ما حلو من دونه .. سارت سلامي ويا ريلها لجناحهم .. وتمت شمه وفاطمة في الصالة
فاطمة: شموه دقت حقج موزة ربيعتج حتى تلفونج ما سكت وكانت هي يالي داقه
شمه: ما عليه عقب بدق حقها .. آآآآه متى بتزوج
ما تسمع شمه إلا فاطمة ناقعة من الضحك عليه شمه عمرها ما كانت جيه صح إنها خبله وسالف بس عن العرس ما تحب ترمس هذه الرمسه &nbsp;..
شمه &nbsp;وهي مستغربه : و ليش تضحكي
فاطمة وبعدها تضحك: والله ما هقيتج مستخفة شموه
شمه: جب. جب &nbsp;.. حميد وين ؟؟
فاطمة ومن عقب ما هدت شوي : سار غرفته تعرفيه أخوج بعد من غرفته ما يظهر
شمه: بلاهم هذيلا الكل أحس متغير سهيل و الحين حميد ..
فاطمة: ليش بلاه سهيل بعد
شمه: ما فيه شي أنا سايرة أصلي قبل لا تفوت الصلاة .. وسارت عن فاطمة يالي ما سوت سالفة &nbsp;.. من وعقب ما خلصت الصلاة كانت قاعدة تسبح ودخل عليها ولدها ,,
ذياب: السلام عليج يا ميه
أم ذياب: وعليكم السلام والرحمة هلا فديتك
ذياب: هلا فيج أش قاعدة تسوين
أم ذياب وهي تشاهد على ويها : &nbsp;قاعدة أسبح ..
ذياب: أيوا
أم ذياب: ها أش عندك ياي غرفتي عيل
ذياب: يعني ما أدخل غرفتج خلاص عيل بروح
أم ذياب: خل عنك أقعد. أقعد &nbsp;
ذياب: لا أشوفج تطرديني طرده ذربه بعد
أم ذياب: لا ما أطردك فديتك .. عيل وين ولدك
ذياب: برا يلعب .. ما رضا يدخل داخله فقلت للخدامة تقعد عنده ليما يمل &nbsp;ويدخل داخل
أم ذياب: لي متى يا ذياب
ذياب وهو حاس إنه نفس الموضوع : لي متى شو
أم ذياب: تعرف قصدي يا وليدي انت بتقعد جيه بدون حرمه ترا خواتك بيهن نصيبهن ما بيقعدن لين ولدك .. وبيتك يالي ما تدخله ومن يوم ما تت حرمتك لين متى هاه لين متى..
ذياب وهو يحس بضيج: خلاص يا ميه خلاص فضيها سيره
أم ذياب: ما بهدك اليوم إلا تعطيني حل لحياتك هذه أنا ما بقعد لك انت وولدك طول العمر أنا بيني يوم بروح من هذه الدنيا من بيبقالك عقب هاه ...
ذياب: ياميه إنتي تعرفي جوابي زين والله يطول بعمرج لنـــــا ..
أم ذياب: يا ذياب انت ريال ما تنعاب وكل البنات يتمننك ..
ذياب: أدري كل البنات يتمنني " وايد واثق من نفسه " بس كل حلو وله عيب بنسبه لهم
أم ذياب: ومنوه هذه يالي بتعيبك ..
ذياب: و منو هذه إلي بتربي ولد مب ولدها هاه قوليلي إذا فيه خبريني بسير أخطبها &nbsp;
أم ذياب ما قدرت ترمس لأن كلام ولدها في نوع من الأصحية لو إنه مب متزوج &nbsp;يمكن بعد بس الحبيب أرمل وعنده ولد ..
ذياب: شفتي جيف انج سكتي ولا قلتي شي ..
أم ذياب: الله يهديك بس يا ذياب الله يهديك
ذياب وهو يرقد على ريول أمه : الله يهدي الجميع ..
أم ذياب: آمين :: وشوي يدخل مروان وهو يركض وكان متوجه حق يدته بسرعة حتى ذياب نش من على ريول أمه وقعد.. أما مروان فدخل في حضن يدته بحيث أنها دزها على صدرها هيه عصبت بس ما يهون علها حفيدها ..
أم ذياب: هلا حبيبي من وين ياي
مروان: ماماه ثوفي عموه بتدلبني
ذياب: ما تروم .. ما تروم تمس شعرة من شعرك &nbsp;
وكانت بسمه وراه : وينه ما عليه لك يا مروانوه
ذياب: خير إن شاء الله بلاج على ولديه ..
بسمه وهي ميوده على راسها: يود ولدك يا أخي عفسنا تراه &nbsp;
أم ذياب: بلاج إنزين
بسمه : ضربني على راسي بالحصاة
ذياب مات عليها من الضحك : شي مسويهتله ولا هو ما بيضربج جيه
مروان وبسرعة: ما دلبتها ما دلبتها &nbsp;..
أم ذياب: حصل خير يا بنيتي حصل خير
بسمه: أي خير بينشق راسي &nbsp;وتقولي خير
ذياب: زين تسوي فيــــــها حبيبي
أم ذياب: ذياب لا تعلم ولدك على هذه ولدك مستوي عدواني
بسمه: حمد ربك ما ضرب روضه ولا لاتراويه شغله
مروان: وين وين
ذياب: مروان بس عاد .. مروان سكت ولا قال ولا كلمه بس تم ساكت وماد بوزه لجدام زعلان الحبيب..
أم ذياب وهي تبي تغير السالفة: ذياب ما بتوديني بوطبي
ذياب: الحين ؟؟&#33;&#33;
أم ذياب: هيه الحين ربع ساعة وبني ما بنطول
ذياب: تامرين أمر بس ما قلتي لي ليش ؟؟
أم ذياب: ولد ولد عمتي بيملج اليوم وبسير حقهم ما يصير بعد كل أهلي هناك
ذياب: عيل قومي هبابنا .. ونشت أم ذياب تتزهب أما ذياب فنش شل وياه ولده وطلع برا البيت قعد عند البرنده وولده يرمس ويا بس ذياب مب ويا ولده يفكر فيه ويفكر فيه حياته" وأفكر في ودادك يا الحبيب.. &nbsp;أوووه عيبتني غنية " المهم ذياب يطالع ولده وهو يلعب فقرر إنه يودية معاة بوظبي عسب بس يسليه ومنها لا يأذي خواته : الله يدنيا صرت عله يا مروان صرت عله .. وشوي يطالعه بيته يالي كان أشبه ببيت مهجور مع إنه يديد صار له ثلاث سنين وهو مهجور ما سكن فيه إلا خمس شهور ويا حرمته يالي ذياب عايش على ذكرا ها لهذه الدقيقة .. نش ذياب وشل ولده وسار داخل عسب يروحون بعد صلاة العشا بو ظبي &nbsp; .. وفي دبي كانت فاطمة شابكه على النت وشوي
و عبود وهو ياي مسرع : فطوم. فطوم بندي النت بسرعة. بسرعة &nbsp;..
فاطمة وهي زايغة: ليش بلاك
عبدالله: بسرعة. بسرعة &nbsp;الوالد أبوية الله لا قال
فاطمة وهي منفعلة وايد: بلاه أبوية .. وعلى طول بندت النت فسار عبدالله وبكل هدوء سار ركب واير التلفون " ما عندهم شامل "
عبدالله من بعد ما دق على الرقم وهو يرمس: ألوه ها يونس متى يعني متى
يونس راعي الكفتيريا : الهين عبدالله ليش كله جلدي جلدي
عبدالله: بسرعة ينوس يوعان أنا الحين صار ليه ربع ساعة وأنا طالب لا تخليني أكنسل
يونس: لا لا الهين في ييجي
عبدالله: يا الله بسرعة بـــــــأي .. وسكر عبدالله عن راعي الكفتيريا وجان يطالع فاطمة اختة يالي كانت صج معصبة منه ... عبدالله: &nbsp;أووووه نسيت أقولج شو تريدين من الكفتيريا ..
فاطمة بعدها تطالع عبدالله يالي كان ساكت يطالع أخته يالي ما قالت ولا كلمه كانت بتموت من القهر ليش يسوي فيها هذه الحركة جان قال لها إنه يبي التلفون وهي بتعطية " &nbsp;ما له داعي لهذه الحركات البايخه منك يا عبود " &nbsp;المهم فاطمة سارت غرفتها يالي كانت في عينها دموع بس ما تبي تظهر ضعفها جدام أخوها.. أما عبدالله فكان واقف مكانه مستغرب من أخته يالي ما لها دلع البنيات ......



وبكمل خلاف ...

سواااااااااالم</font>

<font color='#000000'>تسلم اخوي على الجزء<img src="http://oasis.bindubai.com/emoticons/fa47.gif" border=0>


و نتريا الباجي

شو رايك اتنزلها لنا كلها مرة وحدة<img src="http://oasis.bindubai.com/emoticons/inlove.gif" border=0></font>

<font color='#000080'>ههههههههههههه

حلوه بفكر في الموضوع

ولا أقولج خليني أذلكم أحسن خخخخخخخخخخخ

بس البارت كبير &nbsp;أكيد ما عيبج ...؟؟؟؟؟

وتسلمين على طويفتج الحلوه</font>

<font color='#000000'>مرحبا

مشكور اخوي ع الجزء .....ويارييييت المره اليايه يكون أطول <img src="http://oasis.bindubai.com/emoticons/smile.gif" border="0" valign="absmiddle" alt=':)'> عسب نستمتع فيه



الله يحفظك....</font>

<font color='#810541'><p align=center><img src="http://oasis.bindubai.com/emoticons/015.gif" border="0" valign="absmiddle" alt=':f15'>

في انتظار الباجي </p></font>

<font color='#000000'>نتريااااااااا التكمله يا راع7ي

<img src="http://oasis.bindubai.com/emoticons/fa33.gif" border=0></font>

<font color='#000080'>مرحبــــــــا علايه .. مشكووووورة و تامرين
أمر يا الغليه مانردج في طلبج .. وتسلمين




هلا والله مها دبي مشكوووووورة على المرور لاعدمناج



إن شاء الله خلتني احبك بنكملها حبوووبه ... وتسلمين
على الطوفه الحلووووه</font>

<font color='#000080'><font color=&#39;#000080&#39;><font color=&#39;#000080&#39;>الجزء السادس




سار عبدالله تحت و كانت شمه تجلب في القنوات من ميلودي لين نجوم لين ميوزيك بلس .. ويا وقعد حذالها .. و تضايج من كثر ما هي تجلب في هذه القنوات
عبدالله: شموه ثبتي على قناة وحده والله انج كجرة
شمه: كجرة حرمتك .. وبعدين سامحني أنا بشوف فلم هندي
عبدالله: ترومي عليها حرمتي .. وبعدين يوم انج بتشوفين فلم هندي ثبتي على القناة الهندية يا الهندية
شمه: كيـفي والهندية حرمتك
سالم وهو ياي من المطبخ : بلاكم .. عبود روح جول تنادي سير:: نش عبدالله وظهر برا يشوف الخدامة ليش تزاقر..
شمه: ها سالم ما بتودينا مكان يعني والله بموت من الملل
سالم: وين يعني تبين تسيرين بهذه الليل
شمه: يعني حوطبنا وبعدين بعده ما لليل
سالم: لا قعدي أنا بروح الدوام
شمه: سالم خل عنك البارح ياي
سالم: شموه قعدي محلج أحسن :: وشوي كان حميد نازل من فوق و جان يرن التلفون وكانت حصة يالي متصلة ..
سالم وهو يشل التلفون: ألوه
حصة أقشعر بدنها من سمعت الصوت : ألوه السلام عليكم
سالم وهو عرف منو على التلفون: وعليكم السلام هلا حصة شخبارج وعلومج
حصة: الحمد الله بخير دامك بخير عيل وين شمه
سالم: لحظه شوي :: سالم وهو يعطي التلفون حق شمه
شمه: منوه ؟؟
سالم : حصوه بنت عمي :: سارت شمه وشلت التلفون وقعدت ترمس ويا حصة ..
حميد وهو يجلب في القنوات : عيل وين سهيل؟؟
سالم: سهيل في بو ظبي ليش ما تدري
حميد: لا والله الحين دريت
سالم: ما تنلام و انت حابس عمرك في هذه الغرفة والي يقول جنه محد عنده غرفه إلا انت أكيد ما بتعرف شو يصير في البيت
حميد: ما ترزا عليك أنا سألت سؤال
سالم: حميد انت بلاك
حميد: شو بلاني ليش الكل يسأل نفس السؤال :: و عبود كان ياي من برا وشال في أيده كيس وهو يرمس ربيعة مانع صديق الطفولة على قولته..
عبدالله: وتم الغالي أفا عليك ما طلبت انت خلاص خير إن شاء الله
مانع: بدق حقك يوم بوصل بيتكم صار
عبدالله: عسى خير حياك فمان الله .. وصكر عن مانع
عبدالله وهو يقعد على الغنفه: سالم معزوم تفضل..... حميد تبي
حميد: لا مشكور
سالم: مشكور حبيبي أدريبك أنا
عبدالله: أعجبك أنا تراه
حميد: سير كل برا لا توسخ الدنيا
عبدالله: ياهل أنا شايفني أعرف أكل على ما أعتقد
حميد: إذا غاب القط ألعب يا فار
سالم وهو يطالع حميد بنص عين : يعنـــــي ؟؟؟
حميد: اللبيب بالإشارة يفهم ..
سالم: سمعو انتو
عبدالله: ما عليك منه كل الحين انت :: وشوي تيهم شمه وجان تحتشر عليهم شمه نسخه ثانيه عن أمها ما تحب حد يوسخ البيت ..
شمه: عبود سلوم والله مب يهال سيرو أكلو في المطبخ لازم يعني في الصالة
سالم وهو يضحك: فديت أميه والله تذكرتها
عبدالله: إنزين بلاج إنتي ؟؟ محتشرة لا طيح بلاعيمج
شمه: عبود روح المطبخ يعلك
سالم: خلاص عبود قوم سرينا المطبخ بنرمس على راحتنا أحسن
عبدالله: انت تشوف جيه
سالم: هيه نعم قوم يا الله :: وسارو المطبخ أما حميد قعد ويا شمه يسولف وهو كان يبي يسولف مع حد يفهمه وما شي غير شمه أخته ..
حميد: شمه أنـــــا بسافر
شمه وهي تطالع حميد حميد ما يحب السفر جيف يقول هذه الرمسه : نعم ما فهمت
حميد: شمه أنا بسافر بس
شمه وهي تقاطع حميد: ليش تسافر ما حيدك تحب تسافر
حميد: هذه المرة أنا مقرر أسافر
شمه: حميد انت فيك شي
حميد تم ساكت ما يبي يتكلم زيادة مع إنه يبي يفضي إلي في قلبه : لا ما فيني شي بس يوم بأذن الأذان قوليلي
شمه وهي تطالع أخوها يلي روح عنها ومخلي ميه علامة استفهام على ويه شمه :: وفي بوطبي كانت الدنيا غير وخصوصا عند شيخه يالي كانت بتموت من المستحى الكل كان يطالعها كانت الملجه عاديه بس أهل المعرس وأهل العروس .. والكل كان يتمدح في شيخه وأما هند فكانت ويا ربيعاتها وشمسه وياهم هي ما تعرفهم بس تعرفت عليهم حبوبات و شريحات بال ..
شمسه: ما شاء الله شواخ محلوه زيادة
هند وبفستانها العنابي الفاتح " وحداوية الأخت ما تنلام " : أكيد أنا أختها
شمسه : و إنتي ما شاء الله عليج هندوه الماكياج عليج وايد غاوي
هند وهي محمره من المستحى : تسلمين حبوبه .. تعالي والله عتبانه عليكم وايد
شمسه: ليش عاد ؟؟&#33;&#33;
هند: شموه ما يبتوها وياكم
شمسه: كانت بتي بس تعرفين محد بيتم في البيت و سهيل أخويه كان مستعيل
هند سمعت أسم سهيل تغير شكلها: عيل خير إن شاء الله :: وجان يرن تلفون شمسه وكانت المتصلة سمر بنت عمها ..
شمسه وهي مو مصدقه بس قبل لاتشلة تراجعت شوي وقعدت تكلم نفسها : لا يكون هذه سلطان ولد عمي يالي داق حقي بس ليش؟&#33;؟&#33; .. ومن بعد تفكير قررت إنها تشله ..
شمسه وبتردد: ألو
سمر ومن سمعت صوت شمسه ابتسمت: مرحبـــــــــا
شمسه من سمعت صوت سمر زعجت بصوت عالي وحتى قفطت الناس كلها تطالعها : سمروه الحمد الله على السلامة
سمر: الله يسلمج
شمسه: هـــــا وصلتو
سمر: الحمد الله وصلنا وأنا الحين في بيتي
شمسه: الحمد الله على السلامة حبيبتي والله لج وحشة الغالية
سمر: و إنتي أكثر الغالية
شمسه: ومنو يالي يابكم من المطار
سمر: سلطان أخويه و حصوه أختيه
شمسه: سلطان ؟؟
سمر: هيه نعم سلطان ليش مستغربه يعني
شمسه وهي مرتبكة: لا ما قصدي أنا أصلا بسر..يعني ما من عوايده أحيده سيف يالي يهتم بهذه السوالف
سمر: ما دريبه عيل .. المهم إني رديت بسلامة
شمسه: هيه الحمد الله أنج رديتي بسلامه وتزهبي عاد باجر نحن عندج في البيت
سمر: خلاص وتم الغالية ما طلبتي :: وقعدن البنيات يرمس عن سوالفهن وعقب سكرت سمر عن شمسه لأنها بتسير ترتاح من بعد شهر عسل ما ينسى بنسبه لسمر .. سهيل كان برا وقف لأن أمه دقت حقه بيروحون البيت لأن فاطمة دقت حقها وقالت لها إن سلامي تعبانه وايد وهو للحين يترياهم بعدهم ما ظهرو وعقب 10 دقايق ظهرت أم سهيل وبنتها وسارو دبي .. ومر الإجـــازة الصيفية وشمه بتموت من الملل .. وما باقي شي على المدارس والجامعات والدوامات .. سعيد يالي مرتاح فيهم ما خذ إجازة سنوية 5 شهور أما سهيل فدوامه مثل دوامات المدارس " شركه أدنوك " وهذه السنة بيكون مهندس بترول يعني شهر بيداوم وشهر قاعد عندهم في البيت .. حميد " يحليلك يا حميد " حاله يزيد يوم بعد يوم انعزاله عن أخوانة وكان وايد يحب يقعد في غرفته وهذه المرة زادت .. و عبدالله يحوص في هذه المراكز هو وسالم " أونه يتزهب حق المدرسة " وسالم يداوم يوم بيومين لأنه دوامه في دبي " مرتاح الحبيب " متى ما يبي بياخذها .. ..
أم سهيل: شمسه تعالي حبيبتي أبيج
شمسه: نعم أمية
أم سهيل: مرت أخوج وينها
شمسه ومن غير نفس: فوق عند شموه
أم سهيل: تعالي يلسي بغيتج
شمسه: هلا
أم سهيل: ياميه أنا أمج وأبي مصلحتج
شمسه: قولي أمية شو بغيتي
أم سهيل: يا بنيتي بدش في الموضوع على طول .. ياميه في واحد ياي خاطبنج
شمسه تنتبه على أمها وتبي تسمع أمها للآخر ..
أم سهيل: ها شو قلتي
شمسه وهي مو عارفه شو تقول: شقول
أم سهيل: شقلتي على الموضوع ترا ريال وما ينعاب
شمسه: أدري ريال بس من حقي أفكر في الموضوع
أم سهيل: فكري في الموضوع وردي عليه :: شمسه قامت من عند أمها ولا قالت ولا كلمه كانت من صدمه بالخبر يالي قالته أمها من بعد ما تعلقت بسلطان والكلام يالي قاله لها مستحيل تاخذ غيرة ::
دخلت غرفتها وكانت الدموع في عينها معقولة الكلام يالي قاله لها سلطان جذب و ليش .. انتبهت عليها شمه يالي كانت قاعدة في الصالة هي و سهيل ..
شمه: بلاها شمسوه .. بروح إلها
سهيل: يلسي مكانج ما له لزمه تروحي
شمه: تصيح &#33;&#33;&#33;&#33;&#33;&#33;&#33;&#33;
سهيل: شفتها بس إنتي تتحرين إذا دقيتي عليها الباب بتفتح لج
شمه: أدري ما بتفتح
سهيل: قعدي ولا تقفطين عمرج
شمه تمت تفكر بشي يالي يخلي شمسه القوية تصيح .. أكيد أمها قالت لها شي .. قامت شمه من عند سهيل وسارت عند أمها يالي كانت قاعدة تجلب في هذه القنوات تسمع لها جم من أغنيه " خوه الحين ما نشوف شي كله أغاني " وجان تطلع لها أغنية " هب النسيم لفرقة دبي الحربية " وقعدت تسمعها .. وشوي جان توصل شمه..
شمه: أمايه بلاها شمسه ؟؟&#33;&#33;
أم سهيل: ما بلاها شي ليش ..
شمه: ما بلاها شي شو قايلتلها ؟؟
أم سهيل: شموه قومي ييبي ليه الفواله الحين أبوج الحين بي .. وايد تأخر اليوم
شمه: قولي أول شو قلتي حق شمسوه أنا مو بنتج
أم سهيل وهي تضحك : بلا بنتي بس سيري يبي حقي الفواله وعقب وبخرج
شمه: وإذا ما خبرتيني ؟؟
أم سهيل وهي تفتن عليها: بخبرج قومي الحين :: سارت شمه المطبخ ويابت الفواله حق أمها يالي كان سهيل يكلمها وعرفت شمه إنها ما بتعرف السالفة موليه ..
أم سهيل: أبوك تأخر يا سهيل
سهيل: عيل عبود مخبل به
أم سهيل: الولد هذه السنة بتكون عنده ثانوية عامه شو بيسوي فيها
سهيل: الله يعينج عيل
شمه وهي تحطي الفواله حذا أمها : وهذه هي الفواله
أم سهيل وتأشر بعينها على سهيل " يعني يا شمه عقب بخبرج بسالفة "
شمه فهمت على أمها وقعدت تتكلم ولا جنه شي صاير:: وشوي يوصل أبو سيهل وكان عبدالله وسالم وياه سايرين المزرعة يعدلون فيها لأن عبدالله عيبته بس يوم راح لها ذيج المرة كان الصبح والحين ساير لها العصر وماخذ سالم وياه وسالم عيبته المزرعة من زمان ما سار لها لأنه كان مشغول بدراسته
في كلية الشرطة والحين من عقب ما ستوى نقيب وشد حيله و ستوى ضابط حس الحين متفرغ حق أهله
وخصوصا أنه دوامه في الإمارة نفســــــها ..
السلام عليكم ..
وعليكم السلام
عبدالله: ها الوالدة شحالج
أم سهيل وهي تطالعة: بخير الحمد الله
عبدالله: صبيلي شاهي أميه
أم سهيل: إن شاء الله
سالم: لكن شو المزرعة والله إنها فن
سهيل: عيبتك.. يوم نقولك تعال ويانا انت و سواف ولد عمي قلتو لا ما نروح هذه الأماكن
عبدالله: ما شفت سيف جيف قاعد يتمشى فيها و عايبتنه والله جان ما يبي يروح
شمه: عيل ما بتودونا نحن بعد نبي نشوفها المزرعة بعد التعديل
سهيل: والله يبالنا روحه نتنفس الهوا
شمه: متى عاد هذه كله إلا كلام
أبو سهيل: إن شاء الله ليش مستعيله إنتي نحن تونا يايين منها
شمه: كلام الليل يمحيه النهار
أبو سهيل وهو يضحك: لا ما يمحيه
شمه : بلا يمحيه وبتشوف بعد
أبو سهيل: عيل وين شمسه ما شوفها معاكم
شمه: في غرفتها
أبو سهيل: وفطامي حبيبتي وين
عبدالله: مرتزة جدام الكمبيوتر بيفتك منها بتسير العين عنه
أم سهيل: مادري بلها هذه البنت ليش تبي تروح العين مع إنه دبي متروسه جامعات
شمه: بنتج خقاقه وبعدين بتفتك من عبود الحشرة
عبدالله: لو سمحتي أنا ما قلتلج شي يوم بعدين سيري حق أمج صيحي
سالم: عبود اسكت عنهم البنات صياحات
أبو سهيل وهو يطالع سالم بنظرة: بس انت وياه " وجان يفتن عليهم من الزين "
أم سهيل: بس يا بو سهيل شتبابها وبعدين شموه ما بتاخذ عليهم :: وجان يأذن عليهم أذان المغرب وسارو الشباب المسيد وشمه طبعا ما خلت أمها إلا تعرف سالفة شمسه يالي كانت في غرفتها تفكر في سالفة الريال يالي خطبها وهي طبعا ما نامت ولا تعشت كله حابسه عمرها في الغرفة حتى عبدالله
غمضته أخته وسار لها دق عليها الباب بس هيه ما بطلت الباب .. وكانت الساعة1 بليل وشمسه بتموت من اليوع : ما ترزا عليه أفكر فيك يا سلطان على الأقل هذه الريال فكر فيني و انت خسارة عليك الصياح يالي صحته لك وتفكير يالي فكرته .. نشت شمسه وفتحت باب غرفتها وسارت غرفة شمه يالي كانت تطالع الفلم الهندي هي وفاطمة يالي رقدت عنها على طول .. وشوي تسمع شمه حد يدق الباب نشت شمه وبطلت الباب وشافت جدامها شمسه يالي كانت عيونها مورمه من كثر الصياح ..
شمه ومن كثرا الخوف على شمسه: بلاج الغالية ليش شكلج غادي جيه
شمسه ما قالت غير: يوعانه
شمه: من عيوني الغالية تبين شبس ولا كاكاو عصير
شمسه: لا نزلي معايه تحت بروح المطبخ بموت من اليوع بطاط مايورعني
شمه: بس
شمسه ما سوت سالفة لشمه سارت عنها تحت تدري إن شمه بتي وراها عسب جيه سارت عنها:: وتحت كان سلطان عند سهيل قاعدين يسولفون في الميلس
سلطان: أخاف ما تبيني هيه
سهيل: ما دري والله وتبي الصج كانت معصبه هيه
سلطان: معصبه ليش ؟؟
سهيل: ما دري والله ليش معصبه ومن يوم ما خبرتها أميه العصر بسالفة وهي حابسه عمرها حتى عشا ما تعشت ..
سلطان: لاحووووول أنا أش سويت وبعدها للحين
سهيل: لدقيقتك هذه ... أية سلطان بقولك شي أنا من زمان أبي أقولك عنه
سلطان وهو مهتم : أهممممم قول
سهيل وبتردد : الصراحة أنا فكرت قبل لا أقولك هذه الشي بس
سلطان: سهيل ما أحب اللف والدوران قول إلي تباه
سهيل: سلطان أنا مريض وفيني القلب
سلطان حس هذه الخبر مثل الصعقة على راسمه حبيب عمرة سهيل وولد عمه فيه القلب وجيف : هــــــــــــــــــــاه
سهيل وهو منزل راسه : هيه نعم في ثقب في القلب من يوم وأنا صغير
سلطان: من يوم و انت صغير وما قلت ليه ليش يا سهيل ليش
سهيل: صبر يا سهيل صبر بقولك السالفة أنا من الأساس ما أعرف إني فيني القلب بس من فترة كنت أحس بألم في صدري بس ما سويت حقه سالفة و انت تذكر يوم إنيه أقولك أحس بألم في صدري .. ومن بعد فتره طحت غشيان الفير يوم إني أركض ..
سلطان وهو حاس بسهيل : شو قالك الدكتور ؟؟
سهيل: الحمد الله طلع بس ثقب في القلب حتى الدكتور قال ليه ما أحتاج عمليه بس أنا مصر عليها أكثر من قبل ..
سلطان: الحمد الله و انت ليش مصر على العملية تدري إنها مو مضمونه
سهيل: من حقي يا سلطان و لو كنت انت في مكاني لا سمح الله بتسوي نفس الشي وأكثر يا سلطان ..
سلطان مب مقتنع بكلام سهيل له: سهيل ما بي أخسرك
سهيل حاس بضيج سلطان: سلطان لا تخليني أندم لأني قلتلك وهذه وأنا وأقول محد بيوقف وياي غيرك
سلطان: حلوه هذه انت مريض شتبيني أسوي أرقص
سهيل وهو يبتسم: لا ما ترقص بس هدي أعصابك
سلطان وهو يعلي صوته: أي أهدي أعصابي يا سهيل الله يهديك
سهيل: سلطان ماله داعي تعلي صوتك الأهل رقود قصر حسك
سلطان وهو يهدي : وأمك وأبوك شقالو
سهيل: أميه و أبويه .. أميه ارتفع عليها الضغط وطاحت علينا غشيانه زين ما يتها جلطه في المخ
سلطان وهو مب مصدق: سهيل يعني الطيحه يالي طاحت فيها أمك من مرضك
سهيل وهو يهز راسه : هيه نعم مني أنا وصدقني متلوم فيهم أنا
سلطان و حاس بدموعه تحترق في عيونه سهيل كافيه يالي فيه ويقوم هو ويزيده :: نش سلطان من مكانه وسار صوب سهيل وقعد هو حذا ..
سلطان وهو يود أيد سهيل وكان يصيح : سهيل سامحني يا خوي بس والله من غلاتك عندي في قلبي سهيل دخيلك لا تخليني بروحي في الدنيا لا تسوي العملية
سهيل وهو يبي يكون قوي جدام سلطان: سلطان أفأ تصيح ما هقيتها منك .. والعملية بسويها وأنا عطيت الدكتور كلمه و انت تعرف إنيه مارد في كلمتيه ..
سلطان وهو بعد الدموع تنزل من عينه: ليش يا سهيل تبي تعذبنا ليش ما تفكر بأمك وأبوك وهند ليش ما تفكر فيها ..
سلطان ضرب على الوتر الحساس بنسبه لسهيل يالي مسوي كل هذه لجلها " سعودي " سهيل يالي كان يطالع في الأرض و محطي أيده في شعرة يالي كان شوي طويل من جدام : أنا أسوي كل هذه بس على شانها يا سلطان لا تفكر إنيه ما فكرت فيها والله أول وحده يات في بالي هيه.. سلطان سكت ما قال شي لأن سهيل كان صادق في كلامه لو مكانه كان شوى نفس الشي .. ودام الصمت بين الاثنين .. وفي المطبخ كانت شمسه تسوي حقها بيض " يوعانه الأخت " وشمه وياها كانت بعد يوعانه بس ما قالت حقها .. شمه كانت تبي تفتح السالفة مع شمسه ..
شمه: شمسوه
شمسه يالي كانت تعرف يالي في خاطر شمه: هلا
شمه: ليش كني تصيحي اليوم العصر
شمسه وهي تستهبل : البارح
شمه: هيه البارح عن الاستهبال والله قلت لين أميه ذلتني
شمسه: ما خبرتج
شمه: لاء ما خبرتني
شمسه: أحسن ماله داعي تعرفي
شمه: شمسوه والله بموت إذا ما خبرتيني
شمسه: شموه ماله داعي تعرفي ..
شمه: ليش ؟؟؟؟؟؟؟
شمسه: سوالف كبار
شمه: حلفي إنتي بس .. لا تقولي حق حد ..
شمسه وهي تضحك: إن شاء الله
شمه: ويكون في علمج أنا عمري 21 تعرفي ولا تعرفي ..
شمسه: أعرف ما له داعي
شمه وهي بتموت خلاص: شمسوه والله وغلات الغالي قولي عاده لا تذلين
شمسه: ما شي سالفة بس كنت مضايجه من حمدوه وتعرفين اختج عاده حساسة
شمه: أمره عاد أنا الحين صدقت يالي قلتيه
شمسه: فهمي يعني إني ما أبي أقولج
شمه: ما عليه الخبر اليوم بفلوس باجر ببلاش
شمسه: خلا خلصيني الحين قومي خلنا نسير الصالة بموت من اليوع قومي :: سارن البنات الصالة وقعدن ياكلن و يشوفن التلفزيون وشوي يسمعون باب ينفتح كان سهيل ياي من الميلس يبي يسوي شاي ... سهيل استغرب من خواته: و ليش للحين هب راقدات
شمه: أختك يوعانه قالت حقي تبي عشا
سهيل: عشا الحين بليل ؟؟&#33;&#33;؟؟
شمه: هيه ما فيها شي
سهيل وهو يطالع شمسه: وبلاها ما ترمس
شمه: مادري أسألها
سهيل: شمسه شخبارج
شمسه وهي تطالع سهيل بعيونها يالي تورمت من صياح: الحمد الله بخير اقرب
سهيل وهو مبتسم: جريب " وهو يفكر " عادي أكل يعني
شمسه: عادي تعال
سهيل: بيكفي لنا يعني ؟؟
شمسه: هيه بيكفي ليش
سهيل وهو يبتسم بخبث: لحظه شوي :: سار سهيل الميلس عسب يزقر سلطان
شمسه: بلاه أخوج
شمه: مادري والله :: وشوي كان سهيل ياي هو وسلطان يالي كان ماله خلق في شي من بعد الخبر يالي قاله له سهيل ..
سلطان من بعد ما انتبه على شمسه: السلام عليكم
شمسه من شافت سلطان رفعت حاجب وكانت تبي تنش بس سهيل ما خلها قعد حذاها وميود في أيدها ..
شمه: الله شحالك سلطان
سلطان وهو يطالع في شمه: الحمد الله بخير " طبعا مرتبك " هذه يالي يبيه سهيل كان يبي ينسي سلطان همه بالرمسة ويا خواته وسلطان عارف هذه الشي بس ما قال ولا كلمه ..
شمه: وين بعدي باجي وايد
سلطان: يا الله ما باجي شي على الجامعة أسبوعين
شمه: ليش تذكرنا يا أخي
سهيل: يعني بي اليوم شأتي أم أبيتي
شمه: عاشت الشأتي والأبيتي مالتك
سلطان: إنتي شرات حصوه أختيه
شمه: لا أنا غير :: وشمسه ساكتة ولا قالت ولا كلمه حتى أكل ما كملته
سهيل وبصوت خفيف: بلاج شموس ليش ما ترمسين
شمسه مستحية ومعصبه في نفس الوقت: لا عادي أبي أروح أنام
سهيل: عيب ولد عمج هنيه استحملي
شمسه: والله مب على شان شي بس عسب خاطرك
سهيل وهو يبتسم : فديت أختيه أنا
سلطان وهو ينتبه على سهيل و شمسه: بلاكم شو عنكم خبرونا
سهيل: ما عندنا شي
سلطان وهو يبتسم: شحالج شمسه
شمسه ومن غير نفس: الحمد الله بخير شخبارك انت
سلطان: بخير دامج بخير
كانت شمه ترمس هيه وسلطان وكانت شمسه تسمع سوالفهم وكانت عينها بتطلع من كثر الغيرة وشوي كانت بتصيح جدامهم بس يودت عمرها وترخصت من عندهم وعلى طول سارت فوق وقفلت على عمرها الباب وقعدت تصيح حتى يوم ظهر سلطان شافته وهو يروح بيتهم وكانت بتموت ما تبيه يروح صح ما بتكون وياهم بس بتكون وياه في نفس البيت مو البيت يالي تحلم فيه .. سارت شمسه و نسدحت على الشبريه وقعدت تفكر ما ياها رقاد مجافيها النوم مثل ما مجافي عيون ثانيه كانت بتموت على العيون يالي شافتها كانت متورمة .. بس سهيل ما قال له شسالفه .. سلطان من بعد ما لبس كندورة النوم مالته قعد يفكر حاس بضيج فضيع ما كانت من الأول تعامله جيه كانت تبتسم أول ما تشوفه وكانت فيها حيا البنات تستحي وهذه يالي يحب فيها الخجل سلطان بيموت على تراب شمسه ما يقدر يعيش من دونها كل يوم على هذه الحال يفكر فيها وجيف قلبت حياته عمرة ما ندم في حبه لها وإن شاء الله بتكتمل فرحته يوم إنها بتوافق عليه ..
وبعد ثلاثة أيام كان سهيل في غرفه شمسه يالي مالها نفس حتى في الكلام ويا سهيل..
سهيل: ليش شكلج جيه
شمسه وهي ما تبا ترمس: ما فيه شي شكلي
سهيل: الوالدة تقول ما رديتي عليها
شمسه: في شو
سهيل: عن الاستهبال عن الخطبة
شمسه وهي منزله راسها: هيييييييييه
سهيل: هيييييه شمسوه سرعة ترا سلطان مستعيل ويبا يعرس في الشتا
شمسه من سمعت اسم سلطان تلخبطت وبصدمة : سلطان؟؟
سهيل: هيه سلطان ليش ما تعرفين إن سلطان ولد عميه سالم خاطبنج
شمسه وفي خاطرها بتموت من الفرح وبخجل: لا ما عرف
سهيل وهو بيموت من الضحك على شمسه: في وحده ما تعرف منو يالي خاطبنها
شمسه: وأنا شدراني أميه ما قالت حقي إنه سلطان
سهيل: والحين خلصيني شو قلتي
شمسه وهي على ويهها ابتسامه خفيفة: سلطان ولد عمي وما بلقى أحسن عنه
سهيل: يعني أقول مبروك
شمسه: سهيل عاد
سهيل: خلاص عيل أنا بروح بخبر أميه وبخبر شموه يالي بتموت وتبا تعرف شسالفه :: سار سهيل عن أخته يالي كانت تصيح لأنها شكت في سلطان يالي كان يحبها وما زال يحبها :: و سهيل على طول سار وخبر أمه بالخبر يالي على طول سارت وخبرت أم سلطان يالي كانت الأرض ما شايلتها من الفرح
ولدها البجر بيعرس..
أم سلطان: الله يبشرج بالخير يا أم سهيل وإن شاء الله يكتب الخير حق سهيل
أم سهيل: إن شاء الله آمين .. عيل بخليج الحين بسير بشوف الغدا
أم سلطان : مرخصة يا خويتي مرخصة :: و بندت عن أم سهيل ..
حصة: بلاج أميه عيل مستانسة
أم سلطان: هيه ياميه مستانسة أخوج سلطان خطبنا له
حصة وهي فاجه حلجها : سلطان أخويه متأكدة أميه
أم سلطان: هيه يميه سلطان أخوج
حصة: ومنوه هذه يالي خطبتوها له
أم سلطان: ومن غيرها شمسه بنت عمج
حصة هنيه ما يودت عمرها : وافقت
أم سلطان: وبتلقا أحسن عن سلطان ولد عمها
حصة: يعني وافقت يا ميه
أم سلطان وهي مستانسة : هيه نعم وافقت توها أم سهيل قالت ليه
حصة ما سمعت أمها على طول ربعت غرفة أخوها سلطان يالي كان راقد في عز رقاده من بعد سهره في المقهى لين الساعة 2 ونص ..
حصة وهي تبطل الباب على أخوها سلطان: سلطان . سلطان :: بس سلطان سوى حقها أكبر طاف لأنه بعده فيه رقاد وما مستوعب يالي يصير جدامة يتحرى حلم ..
حصة وهي تسحب الكفر عن سلطان: سلطــــــان أقولك قوم يايبه لك خبر بمليون
هنيه سلطان استوعب يالي يصير من حوالية فنش من الشبريه على طول يود حصة من جتفها وراغها برا الغرفة وحصة مسكينة تبي تقوله بس هو معصب ما يحب حد يوعيه من رقاده ..
حصة: سلطان يا الكجره بقولك شي
سلطان وهو معصب : حصوه تعرفيني زين ما أحب حد يوعيني من الرقاد
حصة وبكل ثقة : بس هذه الخبر يستاهل إنك ما ترقد بعد
سلطان: ما أبي أسمع شي روحي عند أمج
حصة وهي سايره: حتى لو كان عن شمسه
سلطان هنيه استوعب الرمسه : حصوه لحظه
حصة وهي تتغلا: عيل بروح عند أميه أحسن
سلطان: حصوه تعالي قلت لج
حصة وهي تطالع في سلطان: نعم شبغيت
سلطان: بلاها شمسه ..
حصة وبخبث : ماشي في واحد يا وخطبها وهيه وافقت عليه
سلطان جان ينصدم : وافقت عليه " وهو معصب " ليييييييييييييييييييش ؟؟&#33;&#33;
حصة وهي تضحك عليه: نصيب وياها
سلطان: أوكيه وأنا شليه
حصة: انت لازم تعرف تراك
سلطان: ليش والبنت انخطبت وأنا شو دخلني فيها
حصة وهي تبتسم: فديت أخويه يالي يحب شمسوه تراها وافقت عليك وهيه بتلقا أحسن عنك فديتك
سلطان وهو يفتح عينه ويغمضها وعلى شفايفه ابتسامه : حصوه قولي الصج لاه
حصة وهي بتموت على أخوها على حركاته العفوية وعاها : والله صج
سلطان وهمه الموضوع تعالي تعالي داخل الغرفة بقولج شي
حصة وهي تدخل غرفه سلطان وتقعد على شبريته بعد: هلا اش بغيت
سلطان وبحركات العفوية : قوليلي كللللللشي كلللشي من الأول للآخر
وتقوله حصة عن كل يالي سمعته وينش سلطان ويلوي على أخته يالي يابت له الخبر يالي مسهرة الليالي وخلاه يروح المقاهي بس عسب ينسى ويهدي من باله طبعا سلطان من قده الحين معرس .. ومرت الأيام وتمت خطبه سلطان على شمسه بنت عمه يالي كانت هيه الثانية لها شعور ما له وصيف .. وبدت المدارس وفي أول أسبوع كان عبود ما يداوم بس يروح الحصص الأولى ومن عقب الثالثة يشرد من المدرسة هو وولد خالوته ومانع .. أما فاطمة فكانت في العين دار الزين يهوووو فاطمة اجتماعية بطبعها فما خلت حد ما تعرفت عليه وهي حبوبه .. أما شمه كانت داوم بروحها لأنه سلامي ممنوع عنها الحركة الزايدة وسعيد هو يالي ما خلها تروح الجامعة وتكمل دراستها من عقب ما تولد عقب جيفها عاده .. و طبعا شمه ما ينخاف عليها هبه ريح ما شاء الله عليها هيه وحصة وربايعهن غزيل وموزة يالي كانت زعلانه من شمه بس هن ما خلنهن و تراضن الحبيبات .. حميد ما يبي يروح الدوام عفت نفسه عن الدوام .. كل يالي في باله إنه يبي يسافر وبس هذه يالي في بالة بس من يالي يسمعه في هذه البيت عبود مهتمين فيه وأحياننا يحس بالغيرة اتجاه عبدالله .. سالم محد مرتاح غيره هذه الريال دوام في نفس الإمارة وراحت بال فضيعة بس بين فترة وفترة تخطر على باله حمده بس ليش شادتنه هذه البنت ؟؟
وفي يوم الأربعاء كانو النازل حتى سهيل يالي غاب عن البيت شهر كامل ..
سهيل وهو يعزف على العود: شمه سمعي هذه الأغنية والله تعيبج
شمه: ها قول .. وشوي يرن تلفون شمه كانت هند متصلة وكان التلفون حذا شمه يالي سارت ثلاجة سهيل تيب حقها عصير وحق سهيل .. سهيل انتبه على تلفون شمه
سهيل: شمه تلفونج
شمه: منوووووووه بعـــــــــــد
سهيل وهو يطالع شاشه التلفون: هنوده أونه
شمه من سمعت الاسم ربعت لتلفون وهي ترمس: فديت من يالي دق حقي والله
هند: مرحبـــــــــــا الســــــــــــاع والله
شمه: مرحبتين حبيبتي شحالج الغالية
هند : الحمد الله بخير وعافية إنتي أخبارج وعلومج
شمه: الحمد الله بخير وعافية
هند وهي تسمع سهيل يعزف العود ويغني : شموه منوه هذه حلو صوته
شمه: قولي والله حلو صوته
هند: والله العظيم جنــــــان
شمه وبخبث: هيه هذه طــــــال عمرج سهيل أخويه
هند فهمت على شمه: أهــــــــاه ما شاء الله عليه صوته حلو
شمه: مشكورة أدري
هندي: عيل أخليج حبيت بس أطمن عليكم
شمه: وين إن شاء الله لا قعدي بنرمس
هند: عيل العروس وين أنا دقيت حقها بس ما تشيله
شمه: هيه تحت وتلفونها في غرفتها سامحيها هذه المرة
هند وهي تضحك: أفا عليج بسامحها هذه المرة ويا كثر ما نسامح
شمه: شفتي عاده فديتج أنا متوله عليج
هند: يعنيه أفداج الغالية .. بخليج الحين الوالدة تناديني
شمه: وأنا بعد شكله حد يزقرني
هند: عيل سلمي عليهم
شمه: أفـــــــأ عليج إنتي بس
هند: باي. باي و صكرت شمه
سهيل: عيل منو هاي
شمه: هاي هند مال بو ظبي إلي يات بيتنا ذيج المرة وإلي .... يحلييها يايه تكمل بس سهيل قطع عليها
سهيل: عرفنا سالم قاعد يزاقر سيري :: سارت شمه إلي خلت تلفونها عند سهيل .. وهو قاعد يعزف على العود جان يسمع مسج ويوم اطالع شاف تلفون شمه يولع .. حس بفضول يبي يعرف جم رقم هند بس يبي يعرف جم رقمها شل التلفون وفتح وشاف المسج كان من عند هند كانت مطرشة حقها " خاصــــ لك ــ أنت ـــــــــه الخواطر لك سايحة و الشك زايل ومن عرف مثلك عرف قيمة خويه والذهب وان حاولو ماله بدايل والمشاعر بالغلا ماهي خفية والنوايا الصافية أصدق دلايل ""ويشهد الله شوفتك مثل الهدية"" :: سهيل حس أن هذه المسج له هند مطرشتنه له :: سهيل وهو يشوف رقمها : يريت بس تحسي فيني وشوي ويغني "" حسي فيني يا عيوني ... حسي في قلبي وشجوني
بس لو مرة تكوني ... إنتي من قلبي قريبه ""
وطبعا خصوصا أنه الرقم مهم له على طول حفظ الرقم ما وده بس والله إنها أجبرته على هذه الشي سار سهيل وعطا شمه تلفونها ودخل غرفته .. محمد على الفترة الأخيرة تعب وايد لأن الشغل كله فوق راسه وما يقدر يشتغل بروحه أيد وحده ما تصفق ..
محمد: والله يا عمي تعبت وأحس الشغل متراكم فوق راسي
أبو سهيل : و ليش حميد وينه
محمد ما يبي يسوى مشكله مع حميد وعمه : حميد ما قصر يحاول بس
أبو سهيل وهو يقاطع محمد : لا أنا أدريبه حميد شغله مو مثل أول والله ما دري بلاه هذه الولد
محمد: انت لا تشغل بالك يا عمي شده وتزول
أبو سلطان : خلاص يا محمد روح ويب ليه الملفات ..
محمد: إن شاء الله أبوية تامر على شي يا عمي
أبو سهيل: ما يامر عليك عدو يا وليدي .. ترخص محمد عن أبوه وعمه وسار عند حميد يشوفه بس مالقاه موجود في مكتبه .. وهز راسه وسار لمكتبه يكمل الشغل ويا خليفة ويجيك على الملفات يالي طلبها منه أبوه .. أما حميد فكان يالس على الكرنيش يفكر شو يالي راح يسويه كان قاعد من يوم الساعة 9 ونص الحين الساعة 1 وربع وهو ماله خلق قاعد يفكر بالي شاغل باله وكيف راح تكون حيــــاته على الأيام اليايه .. حميد وهو يسمع التلفون يرن كان أبوه..
أبو سهيل: ألوه انت وين
حميد: أنا هنيه
أبو سهيل : بسرعة تعال الشركة خلال خمس دقايق بشوفك هنيه انت سامع
حميد وهو مغمض عينه: إن شاء الله أبويه :: وسكر عنه كان حميد يجهل يالي يتراياه في الشركة ..
عويش: مريوم قومي إيمانوه عند الأخصائية ..
مريم: ليش ؟؟؟؟؟&#33;&#33;&#33;&#33;&#33;؟؟؟؟؟؟&#3 3;&#33;&#33;&#33;&#33;&#33;&#33;
عويش: طاحت عليهم في الصف تعرفينها زين إيمانوه
مريم: قومي عيل نروح حقها
عويش: بس عندج حصة ..
مريم: خلها تولي الحصة المهم إيمانوه :: سارت مريم عند الأخصائية وكانت إيمان اربيعتهم منسدحة على الغنفه وكانت صج تعبانه ما تقدر حتى تنش من مكانها ..
مريم: إيمانوه بلاج
إيمان: والله ما عرف أحس راس يعورني
مريم: سلامتج بتروحين البيت عيل
إيمان: ما با أروح
مريم وهو معصبه : إيمانوه عن الدلع الزايد يا الله دقي حق أهلج والله حالج ما يسر
إيمان: ما أقدر سيري إنتي
مريم: عويش سيري دقي حقهم
عويش: سيري زين ما أحب أرمس حد غريب أستحي
مريم: لبسي برقع ولا أقولج تغشي يوم بترمسين
عويش: تمصخري لين تنجلع عينج هب داقة يعني هب داقه
مريم: خوزي بس خوزي أبله ممكن نستعمل التلفون
الأخصائية : هيه نعم
مريم وهي دق على رقم بيت إيمان : إيمانوه محد يشله بيتكم
إيمان وهي مالها نفس : تري شوي ::
تريت مريم لين انقطع الخط: انقطع الخط و محد يشيله
عويش: دقي بيت أخوها
مريم: مادري جم الرقم تعالي إنتي
عويش: ما برمس أنا
مريم وهي معصبه: زين محد قالج تعالي رمسي قلنالج دقي البيت بس :: دقت عويش حق بيت أخو إيمان وقالت لهم إنه إيمان مريضة .. قالت لها مرت أخوها إنه بعد عشر دقايق بيشلونها من المدرسة :: وفي الشركة كان حميد توه داخل على أبوه وعمه .. على طول نش أبو سهيل من مكانه وهو معصب ويعطي حميد طراق بدون أي مقدمات " ليش؟؟؟؟ " حميد ما استوعب شي بس يوم شاف ولد عمه حميد واقف وخليفة ولد عمته وياه يطالعونه نزل راسه وهذه السؤال يالي كان محير حميد " ليش ضربه أبوه "
أبو سلطان وهو رافع أكمام كندورته: هدي أعصابك يا أبو سهيل هدي أعصابك
أبو سهيل وهو معصب: أي أهدي أعصابي هذه خلا فيني أعصاب هذه " وهو يأشر على حميد "
أبو سلطان : محمد شل عمك من هنيه ..
محمد: إن شاء الله يا بوي :: طلع محمد وياه عمه عسب يهديه .. ويقدر أبو سلطان يفهم السالفة لحميد.
أبو سلطان: ليش سويت جيه يا حميد
حميد وهو مو مستوعب أي شي حتى طراق أبوه ما يدري ليش: أنا شو سويت يا عمي
أبو سلطان: ما تعرف شو سويت
خليفة وهو رافع غترتة فوق راسه جنه صج مصيبة حلت عليهم: يا حميد انت أفسدت علينا صفقت السيايير
حميد وهو منصدم من الخبر: أنا &#33;&#33;&#33;&#33;&#33;&#33;&#33;&#33;&#33;
أبو سلطان: هيه نعم ليش سويت جيه جان راجعت الأوراق من الأول قبل تسليمها
حميد: أنا وأي أوراق
خليفة: الملف مالت الصفقة يا حميد ..
حميد وهو ما يعرف شي عن هذه الملف: هيه بس أنا ما عرف إنه فيه صفقه سيايير ولا مرة يا ني هذه الأوراق وأنا ما وقعت على أوراق بعد ..
أبو سلطان: حميد: الظاهر إنك ما تذكر
حميد: شو ما أذكر وأنا آخر مرة وقعت على أوراق من خمس شهور من صفقة الأولى لوكالة السيارات
خليفة: حميد ما تنلام انت من الفترة الأخيرة فكرك مادري وين فيه فأكيد ياتك أورق فوقعت عليها و انت ما تدري ..
حميد: خليفة ما أسمح لك أنا خلال الفترة الأخيرة ما يا تني أوراق وإذا ما تصدق أسأل السكرتيرة .. وإذا تبيني أناديها لك بنــــــاديها ..
أبو سلطان: خليفة روح نادي السكرتيرة
خليفة: إن شاء الله خالي :: ظهر خليفة من المكتب
حميد: صدقني عمي والله ما وقعت على أوراق في الفترة الأخيرة
أبو سلطان: كل شي بيبين يوم بتي جلثم :: وعقب خمس دقايق يات كلثم وكان خليفة وراها
جلثم:السلام عليكم
حميد: وعليكم السلام تعالي جلثم :: وتدخل جلثم وتقعد على الكرسي يالي مقابيل أبو سلطان
أبو سلطان: جلثم في الفترة الأخيرة ياتج أوراق حق صفقه
جلثم وهي واثقة من نفسها: لو سمحت أبو سلطان جيف لونه الملف
أبو سلطان: لونه بني فاتح
جلثم: هيه نعم ياني وعطيته حق أستاذ حميد ووقعة من بعد ما راجعة أستاذ محمد وعقب انت طلبته يا بو سلطان ..
حميد وهو يطالع عمه ويطالع جلثم وخليفة مو فاهم شي أصلن : أي ملف بني والله العظيم إنيه ما ياني
خليفة: حميد لا جذب يــــــاك البنية ما تتبلا عليك ..
حميد وهو يسر صوب جلثم وهو يزاعج عليها: جـــــــذابة والله جـــــذابة
جلثم وهوي قاعدة : حدك عاد أخويه حميد لو سمحت أنا ما جذب هذه يالي صـــــار
حميد وهو يقرب منها أكثر ويودها من جتفها : متى وقعته تحلفيــن إنتي ومتى قوليلي
جلثم كانت خايفه من حميد لا يسوي فيها شي لأنه الشرارة تطلع من عينه وطبعا هي ما تبي ترمس زيادة
أبو سلطان: حميد خوز عن البنية وصلت فيك المواصيل تيود بنت الناس جيه وجدامي بع
حميد وهو يخوز عن جلثم من بعد ما كان خليفة يبعده عنها ..
خليفة: بلاك يا حميد بلاك
حميد وهو يتنفس بعمق ويطالع خليفة وعمة : أنا ما بقول غير حسبي الله ونعم الوكيل .. " وهو يطالع عمه " عمي انت ظلمتني انت و أبويه وصدقني الحقيقة بتظهر يوم من الأيـــــــام .. وسار عنهم وهو يمشي في الممر كان محمد بعده يهدي عمه ..
حميد: أبويه
أبو سهيل وهو يصد عن ولده الصوب الثاني
حميد: أدري ما تبي ترمسني بس بقولك كلمتين وما شي غيرهن الحقيقة بتظهر يوم من الأيـام
وسار عنهم حميد يالي كانت دموعه في عينه بس ما يبي يظهر هن جدام حد حتى لو كانت أمه ..



سوااااااااااااالم

والسموحه إذا فيه أغلاط ....

وهذه جزء كــــــــــــــامل...</font></font></font>

<font color='#000000'>

تسلم اخوي على الباااارت ...
بس حرااااااام ليش استوى في حميد جي...
نترياااا ..لا تبطي علينااا</font>