لازم نرفع كلنا هالشعار...

خلوووني اتكلم .. انا اليوم وايد زعلانه ومتغصصه ...

اصلا الوكالات الاصليه منزله الاسعار من ٢٠ لين ٤٠ بالاميه في كل دول العالم!!!!! وهني الي ماخذين الوكاله رافضين ينزلون السعر ..

يعني بالمختصر "مواطنين" ورا هالسالفه .. ولا الوكالات الاصليه صادره امر من بدت هالازمه الاقتصاديه انهم ينزلون الاسعار


اكيه اعمار طارده عمال بالهبل .. ونخيل طارده ١٥٠٠ عامل .. المشاريع كلها تاجلت .. واسعار العماير في دبي اليديده واصله نص الجيمه ... معقوله السيايير ما بتتاثر فرضا!!!


الواحد يسير صوب عمان يشتري له سياره ابرك .. :m_m6awa3:


وهيه صح .. في ناس ولا جنها عايشه الازمه الاقتصاديه .. ماشفتوا هارفي وقت السيل ..... مسوينه حق كرسمس وكل الي يشترون عرب!

اكره الشوبنغ في السيل

الbmw منزله 30 الف من اسعار السيارات

شركة تيوتا لاول مره من 1854 مادري كم
لاول مره تعلن انها سرحت موظفين لانها في ازمه
والفطيم ما يبي ينزل السعر

بييكم يوووم ,,,


المشكله ان البنووك الحين ما تمول
يعني في الحالتين محد بيشتري!!

مجموعة انسان

انته وقعت في الي اغلب الناس يوقعون فيه
الاسعار لي نزلت 30 الف هي اسعار موديلات 2008
قالوا خلنا نخلص موديلات 2008 عشان ننزل موديلات 2009 و فوق سعرها 15 الف زياده
يعني الي نقصوه من موديلات 2008 بيعوضونه في موديلات 2009



بالمناسبة اسعار سيارات انفينيتي زاد سعرها بحدود 40 الى 50 الف درهم
FX50 سعرها طار من 245 الى 295 الف درهم
و المشكلة انهم يتعلثون بارتفاع صرف الين الياباني مقابل الدولار
و المصيبة العظمى انه انفينيتي تصنّع في امريكا و بايدي امريكية و بحديد امريكي و سعر النفط انخفض من 150 دولار للبرميل الى اقل من 50 دولار للبرميل و لا يزال وكلاءنا يرفعون الاسعار

خلوها تصدي و تتكسر و تحترق

وصل سعر البرميل الواحد لـ 35 !!!!

ومن 3 شهور كان فوق الـ 100

حسبي اللله ونعم الوكيل

اقتباس:

---

المشاركة الأصلية كتبت بواسطة تحفه

الواحد يسير صوب عمان يشتري له سياره ابرك .. :m_m6awa3:

---

هذا الكلام السليم .. ناخذ الياباني من عمان و المواتر الامريكيه دايركت من امريكا

و هذا اللي انا سويته و خذت موتري اليديد من عمان بأقل عن سعر الوكاله عدنا ابـ 23 الـف
و الموتر وصلني في نفس اليوم بعد من البريمي .. اهنه فالوكاله قالو اتريا شهر ولا شهر و نص لين يوصل الموتر

من شهر طالبيـن X5 2009 فوول اوبشن من امريكيا يديد وكاله ..
طلع علينا 260 الف ويا الجمارك و رسوم الشحن و التخليص واصل البلاد اب 300 الف بالضبط
و هالاسبوع ان شاء الله بيوصل ... و الحراميه عدنا فالوكاله يبيعونه ابـ 412 الف


خله السيايير اطيح في جبودهم الحين و محد يشتريها
:vampire:

توّه أخويه يقول لي إذا حد اشترا دودج فايبر يعطونه واحد ببلاش و نفس الشي عن سيايير الفورد .. قلت له : يلا عاااااااد ، جيه هو شامبو :biggrin:

بس أحس به يتكلّم بــ جد

انزين يعني نحن لو اشترينا سيايير في هالفترة عااادي ، ما بتطيح في جبودنا لو اختربت ؟

أخاف نشتريهن و نحجل بهن :doh:

كل العرب محتجّين على الحاصل و يتحرطمون مع إنه هم اللي عاطين التجار مجال يسوّون لي يبونه

لأنهم كل ما زادوا الأسعار صخّوا عنهم و اشتروا السلع اللي يبيعونها:fa55:

صح كلام تحفة و صريح ==> لازم ندوّر بديل لهالوكلاء اللي عندنا

و خلوهم يآنسون اللي يآنسونه الناس بسبة الغلا :a033:

لا مهابه

الاجانب بيشترون لو الشي غالي ونحن المواطنين بنتوهق

عيل تتحرين يوم الاسعار بترتفع بيظهرون من البلاد !

صدقك والله خيال الحب نحن لازم نوقف في ويوهم

و نخليهم في الأمر الواقع .. الصراحة الواحد ما يقدر يعيش هالعيشة .. رحت يمين يسا

ر أي مكان لازم تدفع فلوس

و أسعار السيايير واااااااااااايد غالية الواحد كم ولا كم بيدفع لهم .. لازم وزارة الاقتصاد اتشوف لهم حل


" أونها عصبت البنت " :4:


انا صح اني ما أشتغل بعدني أدرس لكن يوم أشوف أهلي يتكلمون عن المصاريف و الأسعار أحس أبي أموت :fa56:

الله يستر شو ياينه في الأيام اليايه


ما نقدر انقول غير " حسبي الله و نعم الوكيل " :d010:

اقتباس:

---

المشاركة الأصلية كتبت بواسطة المزوحي

لا مهابه
الاجانب بيشترون لو الشي غالي ونحن المواطنين بنتوهق
عيل تتحرين يوم الاسعار بترتفع بيظهرون من البلاد !

---

وامنوووو قااااال الاجانب يصرفوووون من جييبهم!!!!!!!!!!!!!!
حتى سياييرهم يحصلونها من الشركه الي يشتغلون فيها :fa44:


خلااااص لازم نزوج امريكان عشان نعيش في بلادنا مرتاحيييين :love:

اخ لااا تعوروووون قلبي
اشتريتها وسعرها مب فيها الحراميه :*-*: حتى ما كاسرت الريال لوول هات وقعت وانتهى الموضوع
صدق نحن نشتري بالعميان لا نكاسر ولا نضارب نبي نخلص عمرنا من الموضوع وكان الله غفور رحيم
بعد ما شريت السياره اقولكمXP
انا وياكم خلوو سياييرهم اتصدي واتخيس وتحترق ===> بيزات الحرام تشرد من جبدهم ان شالله XD

لين متى بيتمون مقاومين ؟؟

اذا مانباعت السيايير ترى الشركات بتسحب منهم الوكاله

مرحــــــــــــــباااا..


والله زيــــــــــــــــــــن حصلنااااااااا هالردووود المتعاااونه..

عااد ياليـــت كــل واحد فينـــا يكــلم اهــله وربعـــه عشان الكـــل يقاطـــع..

نحـــناا كنســلناا حجز بورش ولكزس ..

خلووهااا تصدييييي عندهم :fa55: على هالضباب الحلو:k_harhar1:

وبالنســـبه للانجليز مثل ما قلتو.. تراهم ما يدفعون شي من مخباهم .. يعل مخباهم الحرق :d014::bash:

بس سمعـــت انه الاجـــانب هذولا ما بيخــلونهم في البـــلاد.. يعني مــب كــل من هــب دب يااا الامارات وسوااله تجاره وقعـــد فيهـــا.. راح يكون في قوانـــين..

ونحنـــاا بانتظار التطـــبيق ان شاء الله..

وبانتـــظار رخص الاسعــــار..


قــبل قالوولنا البترول والبتروووول.. الحين البترول وصل ال40 دولار .. ولااا نزلوو نص ريال>>>الا بيزات الخبز الكبير نزلوه نص:vampire:.. وايد عليهم والله


مانقول غير الله يكون في عوون المواطنـــيـــن..


مســكيـــن انت بالمواطـــن.. كــل حــد قام ينهـــش لحمـــك من صـــوب:fa55:

والله يعينـــا على طمــع التـــجار.. الــي مب شــبعانــين من الفلووس الي عنـــدهم:fa55:

اقتباس:

---

المشاركة الأصلية كتبت بواسطة مزن هتان

شرجاوي اذا جبنا الموتر من برع ما راح نتخسبق حزت التسجيل ؟ و من هالقبيل

---

لالالا .. بس بيطلبون ورقه زايده و هي ورقة المواصفات .. تطلع ب 100 درهم من جهة تسجيل المركبه .. و تتسجل بدون اي مشكله ..