عرض للطباعة
قبل كنا حاطين في الموتر 70% ..
بس عقب يودونا شرطة بوظبي .. ^__^
الحين ركبا 30% وارف ..
بس انصحك بالتانتينيوم ..
واحد من الاهل امركب 30% ووايد اوكيه ..
عازل حراري .. بس يبين اشوي من برع ..
هو مركب في بوظبي صوب شارع السلام ..
بس ما ادري اسم المحل .. اذا تبا الاسم بسالك .. ^__^
الملهم : كم سعره هاا ! اسمه صعب يا خي ! .. !!
زين، إذا شي منه في دبي ... مب لازم يكون المخفي مظلم، المهم يمسك الحرارة
هو مركب على موتره كابرس اس اس ..
بـ 600 درهم بس ..
اكيد شيء منه في دبي ..
بس عاده وين ما ادري .. ^__^
شيء بعد لمسات ..
بس غالي .. على الكابرس اس اس 1400 درهم ..
شو لمسات ؟؟؟ اسم المخفي وإلا المحل
وين نحن عايشين ومب دارين بــ هالشغلات
صدق ماعندي خلفية ...
ههههههههه
نوع من انواع المخفي ..
لمسات ..
وهيه صح عن التانتينيوم ..
المحل يعطيك ضمان 5 سنوات على المخفي ..
^__^
الملهم مشكله لو عطونا ضمان، وانا كل سنة لازم اغير المخفي .. ما احب المخفي يتم اكثر عن سنه على الموتر
إلا إذا هو ما يتأثر بالحرارة !!
ويمكن الواحد يبيع الموتر كل 3 سنوات
مكارين هاذيل بعد
مشكور الملهم
ترا يعطونك الضمان عشان ياكدونلك ان المخفي ما يتاثر بالحرارة ..
ها اللي اعرفه .. ^__^
والعفو العفو ..
بصرااحة فكرة انه الواحد يدفع هالمبالغ الكبيرة ع مخفي ما ادش راسي ...
حراام يعني ...
إلا هو مخفي ... وبتمل منه ...
وتروم تحطله بـ 150 وتغيره كل سنة
ولا تدفع 2000 وشي ولا 1500 وشي انواع ب 2500 على مخفي مرة وحده
خطاب .. انا كنت احط قوم بو سبيعن ربيه على الموتر .. وكل مره اغيره !
بس هالمره قلت بجرب اللي بو عازل حراري .. وعليه ضمان سنتين .. بصراحه وايد فرق ..
اولا .. ما يتم الموتر ضو من داخل في الصيف خصوصا انه موتري من داخل جلد اسود.. >_< ..
ثانيا .. يكون واضح الفليل مب مظلم .. خصوصا اني ما اشوف عدل ..
ثالثا .. ما يخف بسرعه مثل المخفي العادي .. لين اليوم ما شاء الله ما اتغير مع اني مركبه من سنتين
اتصدق اخويه كان مثلك احتشر عليه يوم ركبت هالمخفي .. بس يوم ركب الموتر .. وجربه في الحر طبعا ..
اول ما خذ الدينالي سيده سار ركب عليه نفس المخفي اللي انا حاطنه .. ^_^
وخواتي نفس الشي .. قبل اشتطوا .. وقالولي حرام وما حرام .. وعقب كلهم حطوا منه ..^_^
بسير في الويك اند، عسب المخفي، بس سالفة إني اسير بن بطوطه .. ماتعرفون مكان ثاني
اعتقد انه له فرع في برجمان بعد في الباركات .. بس مادري وين بالضبط شايفنه !
هيه ،، برجمان مب مشكلة .. بدور مكانه