.:. وينك يا وزير التربية عن هذا المتوحش.:.

عرض للطباعة

عرض 40 مشاركات من هذا الموضوع لكل صفحة

10-12-07 ||, 09:06 PM
عهد الوداع

رد: .:. وينك يا وزير التربية عن هذا المتوحش.:.

وين عايشين نحن ؟؟!!
10-12-07 ||, 09:18 PM
راعي الزعـامه

رد: .:. وينك يا وزير التربية عن هذا المتوحش.:.

ياما انضربنا ضرب في المدارس وعلى يد مدرسين مواطنين بعد واستوت جدامنا احداث اشد عن جيه ،،

احيانا بسبب الطلاب وقلة ادبهم الزايده عن حدها ،، واحيانا المدرس يبالغ ،،
10-12-07 ||, 09:55 PM
أنامل قلب

رد: .:. وينك يا وزير التربية عن هذا المتوحش.:.

^^

شكلكم انتو الجنس الذكري شايفين من الويل ليمن شبعتوا ..
بس نحن البنات ماكد لقينا شي مثل هذا .. >_<
ماعرف كيف أوصف .. بس هذي وحشية .. !

وبعدين قلة الأدب زايدة ولا ناقصة ماهو بعذر ولا بسبب إن يتخذ أحد مستعرين لفظ الـ ( معلم ) رد فعل بهذا الشكل ..
هؤلاء محاسبين على كل كلمة تنقال منهم .. خاصة المعلمين ..
فمابالكم لما يبدر من أحدهم تمادي بالفعل مثل اللي شفناه اهني ..

عيل مانلوم الطلبة اذا تهجمو على واحد من هالاساتذة .. ولو حتى بالكلام ..
يعني اذا قدوتهم ومرشدهم يتبع هالسياسة وهالاسلوب المبتذل .. أكيد ابناءه الطلبة ما بيقصرون فيه .. !

كما ان النفسية تتأثر .. أصلا فشلة .. :mad:

...

راسي عورني : ( ..
10-12-07 ||, 10:15 PM
راعي الزعـامه

رد: .:. وينك يا وزير التربية عن هذا المتوحش.:.

انا وياج ،، بعض المدرسين اللي عاصرناهم من يفتح الباب ،، لاسلام و لاكلام ومعروف بعصاته الطويله يدخل الصف فيها ويجلد اي واحد يشوفه جدامه بس جيه بدون سبب ،،
ولهذا السبب بعض الطلبه قاموا يقلون ادبهم عليه ،، ويسوون اشياء استغفر الله ماتنذكر ،،

واذكر يوم نتأخر عن المدرسه ايينا وكيل المدرسه نفسه بعصاته ،، ويضربنا كل واحد 5 ضربات فعز البرد وايدينا متجمده من البرد ،، وفوق هذا نركض حول المدرسه ونحن شالين كتبنا على ظهورنا ،،،
يعني تقدرين اتقولين ان نحن عشنا حياة العسكرية تقريبا P: ،،

واظن عقبها اصدروا قانون بمنع الضرب ،،لانه في السابق كان عادي ،،
10-12-07 ||, 10:30 PM
مزايا

رد: .:. وينك يا وزير التربية عن هذا المتوحش.:.

اتوقع هالمدرس صار الحين ف عداد الاموات دام اللي ضاربنه من راس الخيمه
الخيماوين شياطين وأهل الطالب ماظن يسكتون عن المهزله اللي صارت
10-12-07 ||, 10:36 PM
أنامل قلب

رد: .:. وينك يا وزير التربية عن هذا المتوحش.:.

^^

أخوي راعي الزعامه ..

:boxed: .. !

:

الحمدلله ثم الحمدلله فالحمدلله إن ربي خلقني أنثى :rock: .. !!

...
11-12-07 ||, 05:33 PM
عيماني وكلي فخر

رد: .:. وينك يا وزير التربية عن هذا المتوحش.:.

نحن يوم كنا في المدرسة ياما أنضربنا جي وأكثر عن جي
ومثل ماقال أخوي راعي الزعامة السبب يكون فيه
الطــلاب .. وأحياناً المدرس يبالـغ

لكن أحينه مسوينها سالفة من هالفيديـوو
ولا وايد سوالف استوت قبل وأخس عن جي

وماخفيـة أعظــم !
11-12-07 ||, 09:23 PM
طير الحب

رد: .:. وينك يا وزير التربية عن هذا المتوحش.:.

وايد تضايقت...مقهورة...خاطري ازقده...حد يسوي بعيالي جي واسكت
11-12-07 ||, 11:14 PM
تحفه

رد: .:. وينك يا وزير التربية عن هذا المتوحش.:.

انا الي اعرفه ان مدارس الامارات الشماليه اقوى بوايد من مدارسنا بس انصدمت من الاستاذ هذا
يمكن الاولاد مطفرينه! بس طبعا ماتوصل لهالدرجه
هالاستاذ مب صاحي

واكبر دليل النسب الي اييبونها في الثانويه والانجازات الي يسوونها ( طبعا اتكلم عن الي ينتقلون دبي وبوظبي)
لان كلنا نعرف ان اهل الامارات الشماليه هم الي كانو مثقفين ومعظم اهل الامارات الاولين المثقفين منهم ^,^

صدق صدق صدق

عمري ماشفت ناس بطيبتهم وبذكائهم !

وتواضعهم وايد يعيبني.

اتكلم عن المتحضرين طبعا مب الغجر.

والغجر في كل مكان
11-12-07 ||, 11:17 PM
تحفه

رد: .:. وينك يا وزير التربية عن هذا المتوحش.:.

لابعد حاطين اغنيه تكسر القلب .. راويت اختي بغت تصيح لول
11-12-07 ||, 11:20 PM
تحفه

رد: .:. وينك يا وزير التربية عن هذا المتوحش.:.

اقتباس:

المشاركة الأصلية كتبت بواسطة راعي الزعـامه

انا وياج ،، بعض المدرسين اللي عاصرناهم من يفتح الباب ،، لاسلام و لاكلام ومعروف بعصاته الطويله يدخل الصف فيها ويجلد اي واحد يشوفه جدامه بس جيه بدون سبب ،،
ولهذا السبب بعض الطلبه قاموا يقلون ادبهم عليه ،، ويسوون اشياء استغفر الله ماتنذكر ،،

واذكر يوم نتأخر عن المدرسه ايينا وكيل المدرسه نفسه بعصاته ،، ويضربنا كل واحد 5 ضربات فعز البرد وايدينا متجمده من البرد ،، وفوق هذا نركض حول المدرسه ونحن شالين كتبنا على ظهورنا ،،،
يعني تقدرين اتقولين ان نحن عشنا حياة العسكرية تقريبا P: ،،

واظن عقبها اصدروا قانون بمنع الضرب ،،لانه في السابق كان عادي ،،

انته كم عمرك؟ خمسين ؟

احس هالسوالف الحين ماتصير.

بس يوم نسمع سوالف قوم بابا فالمدرسه يقولنا كان زمن اول عادي المدرس يكسر الدرج على ظهر الاولاد
11-12-07 ||, 11:35 PM
تحفه

رد: .:. وينك يا وزير التربية عن هذا المتوحش.:.

تدرون احس المسؤوليه اكبر من مجرد لقب

انا ماتكلم عن الموضوع مادري كيف انتخبو د. حنيف

يوم كان رئيس جامعتنا ماكنا نشوفه! ويوم نشوفه يكون زاير كبير معاه تلفزيون وحشره.

احس لو سليمان الجاسم سووه مدير وزارة التربيه ابرك ابوايد

وايد طيب دايما فالجامعه يسال البنات ويتكلم وياهم

ومتواضع يعني عمري ماشفت مدير ياكل فالكفتريا

ايام حنيف كان الاكل يطرش له!
وعلشان تشوفونه تحددون قبل بشهر! جيه شوه؟ حتى الشيخ محمد الي غير دبي ويتابع كلشي بنفسه مب جيه!
11-12-07 ||, 11:52 PM
خطايــا

رد: .:. وينك يا وزير التربية عن هذا المتوحش.:.

^
صح والله احيد يوم كان ايي زحمه وناس وعالم وتصوير !! مب جنه مدير الجامعه -_-

بس الكل يمدح سليمان الجاسم !
12-12-07 ||, 12:46 AM
راعي الزعـامه

رد: .:. وينك يا وزير التربية عن هذا المتوحش.:.

اقتباس:

المشاركة الأصلية كتبت بواسطة تحفه

انته كم عمرك؟ خمسين ؟

احس هالسوالف الحين ماتصير.

بس يوم نسمع سوالف قوم بابا فالمدرسه يقولنا كان زمن اول عادي المدرس يكسر الدرج على ظهر الاولاد

انتي اتحسين بس الواقع شي ثاني :shutup:
12-12-07 ||, 01:20 AM
وحي القلم

رد: .:. وينك يا وزير التربية عن هذا المتوحش.:.

أحس السالفه فيها إن :a116:

اللعبه اللى مستويه في الوزاره و سالفة المدرسين اللى امزورين الشهادات

و الحينه هالفيديو عن الاستاذ العربي اللى يضرب الولد ...!!

هذا من غير الاجانب اللى يستوردونهم بشكل مب طبيعي فوزارة التربيه :m_afaker:

شقايل هذا كله يستوي في نفس الوقت :pullhair:

عرض 40 مشاركات من هذا الموضوع لكل صفحة