يداً بيد ... يا إماراتي

تخيّلوا .. من كمن يوم كانت ختيه في السوق ..
ويا في خاطرها سندويج شاورما .. وخذت لها وحده تخيّلوا شو قال لها راعي المطعم؟!

اون الشندويجه الوحده بـ 6 دراهم ..
زادوا رواتبكم!!!

آخ يالقهر!

..

الله يطوّل عمر رئيس الدولة وحكّام الإمارات
زادوا رواتبنا عسب نقدر نساير الأسعار ونقدر نشتري مثل العالم..
قاموا يزيدون الأسعار .. اون لأن الرواتب زادت!!

بصراحه مصخت السالفة
يبالنا نرفع صوتنا ونوصّل هالكلام لـ فووووووق ...

وين وزيرة الأقتصاد عن اللعب اللي صاير في البلاد؟!؟!؟

مبروك عليكم زيادة البترول الياية الله يستر ...

حلم الطفوله

ههه صدقج الويكند الي طاف سرنا جدا الفجيره وطبعا ما يصير نخطف عن سوق الجمعه بليا غنايم اقولج البياعين مستوين شو بقول :k_icon28: حشا ما تقدرين ترمسين كلمه والثانيه قالج راتب سوي زياده فلوس زياده مافي مشكل عشرين درهم زياده قاهريييييييييييييييييييين ي

وزيرة الإقتصاد تسأل عنا تفكرون !!

أمس يوم طلعت زيادة الجيش ,, أخوي كان يبي ياخذ بيت في مجمع سكني في بوظبي ..
قبل كان سعر البيت مليون و 20 الف
الحين استوى مليون و80 ألف

هلا كيييييييييييف !!!


لالا
المشكله الثانية
المس الصبح الدكاكين ماعندهم بيض
لان زايدين سعره درهمين !!

الله يستر... من باجر

انا اقول لو نقتصد وما نشتري إلا الضروري ونأدبهم يكون احسن .. اسميهم بيخسرون .. بس منو بيطبق .. !!!!!!!

السلام عليكم..

المشكله انه في فئه كبيييييييييييره من المجتمع مستحيل تقدر تقتصد في مشاريها.. لانه ( وخصه اغراض السوبرماركت ) من الاشياء الضروريه اللي محد يقدر يستغني عنها... يعني حتى لو زادوا السعر 100% .. بعد الناس بتضطر تشتري.. شو بيسوون..

بيستوي المعاش الا حق الاكل..!

..


ليش الحكومه ساكته ..!

بصراحه فضيعيييييييييييييييييييين !!

توني راده من عند الخياط ! أسميييييييييييييييه زايد أسعار المخاوير !

ويوم هزبته قالي ...إنتوووو واااايد يعصب بعدين يدفع !!

بسم الله الرحمن الرحيم ..

يعني الحين الجماعه ما يعرفون شيء عن الأرف اللي نحن فيه :k_icon9:؟ ..

اليوم رحت لـ محل الخواتم وقلت له ابي هالخاتم فعطاني سعره وانا قلت له وايد غالي ! ..

قالي مافي مشكله انا بينزل خمس درهم بس ..

قلت له شو خمس ؟ بعد نزل خمس ولا ما اباه ..

قالي اللحين خمس شو في فرق :whistling: ؟ ..

صدقوني إني كليته اكل وحطيت عليه حط لين ماقال خلاص خلاص ارباب مافي زعلان ! ..

طبعآ هذا الصبح ..

وامس بعد صلاة العشاء رحت مع اربيعي لـ سوق الخضره لئن الأخ متوحم ع اجار الوالده ..

ولازم نشتري لومي لجل العيوز اتشد حيلها لووول ! ..

المهم اول ماوصلت قلت لهم تراني ما اشتغل ف الشرطة ولا الجيش انا اشتغل ف البلدية :birgits_giggle: ! ..

عاد هنه الهندي صاوخ وقالي شو يريد ارباب ؟ ..

اقول فبالي ارباب مايبي غير اتراعونه ف الحساب هههه ..

المهم عطاني احس لومي ف رأس الخيمة كلها ورخيص بعد لئن فايدته ربيتين بس ..

صح هي جذبه لكنهم ذبحونا الصراحه :fa52: ..

اما عن زيادة الرواتب وزيادة الأسعار ف السالفه فيها إنى و خواتها ! ..

شكرآ ع الطرح ..

السلام عليكم
الله يستر من اللي ياي

اكيد الكل عرف وسمع قصة ام احمد (المطلقه ) كانت تشتكي من غلا الاسعار وانها دخلها ما يكفي لمدة اسبوع وعندها بنتين وطلعت بنتها من الجامعه بسبت العجز المادي
لدرجة انه بنتها اللي في الثانويه تاخذ معاها بس درهم

وين فلوووس زيااااده اللي يتكلمون عنها الناس
ترى هناك ناس دخلهم محدود الله يعينهم الصراحه والله يعورون القلب

شوق القلوب ..

انا يوم اسير الجمعيه اشوف انه في ناس يشترون اللي يبونه واللي ما يبونه ..
عشان جيه قلت لازم اقترح هالإقتراح ..
والواحد لازم يوم ايي يشتري شي يفكر ابعقل هل احتاجه يعني ضروري ولا لأ ..
في مثل اجنبي يقول ..
" Buy what you need not what you want "

مشكله الحريم !!

يعني مهما الانسان بيجرب إنه يقتصد أو يشتري إلي يبغيه بس ....ما يقدر ! مب خقه لا سمح الله

بالجمعيه مثلا .... أدخل بشتري شيء معين ! أطلع بعربانه شو كبرها ؟

ومن جانب ثاني ...الأسر الكبيرة واحتياجاتها ما تساعد الانسان يقتصد ....لأنه احتياجاتها الأساسيه وايد !

نحن نبغي حل جذري للغلاء .... لأنه الاستغلال صار لا يطاق !

مهما قلنا بنقتصد الغلاء ما يشجع ...

صدى الأحزان ....قريت قصتها بجريدة الاتحاد اليوم ! بس والله هناك حالات كثيره بواقعنا بس التعفف يمنعهم من الاعتراف

انا سمعت في البث المباشر ان نحنا انروم نشتكي على المحل اللي يزود اسعار بضاعته ..
في رقم تلفون الخط الساخن بس ما اتذكر شو الرقم ..
هو في الدايرة الاقتصادية .. ممكن تتصلون بالدايرة الاقتصادية وهم بيقولونكم ..

نذكر اسم البضاعة واسم المحل ..
وكم كان قبل والحين كم سعره ..

بس ان شاء الله ها الشيء يكون مفيد ..
الله يعين .. شكلي بعيش ويا اهلي حتى عقب ما اعرس ..

باجر بنقاطع المحطات الكل يفول موتره اليوم :)

راعي الزعـامه

ذكرك الله بالشهاده *_* كنت ناسيه عيل اليوم الساعه 11 ونص هجوم ع المحطات وتفويل للمواتر *_*

والاهل ناوين ع رحلة اونه ههه بترول ماشي