او يمكن الحديد الخارجي هو الي يصدأ عشان عوامل الرطوبه والهواء !! >> افكر بصوت عالي
عرض للطباعة
او يمكن الحديد الخارجي هو الي يصدأ عشان عوامل الرطوبه والهواء !! >> افكر بصوت عالي
تــدريــن يـالعجيبــة ..
أحلـى شي فيـج انـج تشتغليـن عالمشـاريـع من الخـاطر ..
ومـا شـاء الله مشـاريـعـج متـميـزة ومفيــدة ..
للأسـف إذا وحـدة من المجمـوعة اهتمـت بالمشـروع..
الباقيـات راقـدات.. يعنـي للأسف مـاشي همـة أبـدا ..!
يعنـي يالله يالله نبـا نخـلص من المشاريـع ونفتـك ونـاخذ عليهـا الدرجـات .. وووبـس..
خسـارة حتـى مـا نستفيـد منهـا ..!
.
.
ربـي يـوفقـج يـالغـاليـة ..
وإن شـاء الله تكـونين شخصيـة ناجحـة ومتميـزة في المجتمـع ..
^_^
طيــر الحـب
شكــرا عزيزتي على التثبـيت .. وبانتظــار عودتـج وتعليقـج :yes:
سفير الخيال
لا تعتذر يا اخوي على الاطالة المفيدة ..
ردك أثــرى الموضوع وأنا أشكـرك عليه ..
وبخصوص الألمنيوم أو الخارصين ، الاثنينه يوم يصدون يكونون طبقة غير مسامية .. لكن الخارصين أفضل مثل ما قلت :yes: وعلى فكرة هالطريقة تسمى ( الجـلفـنـة ) ..
تشكر يا اخوي على الرد القيّم :fa51:
الأسطــوري
يا سلام معلومة ما كنت أعرفها .. أصلا من زمان ما يعيبني المرسدس وايد :3:
بس تدري بمـا انـك طريـت السياييــر .. يقولك سيـاييــر سكــان العين دار الزين مريحة ومكيفـّـة على الجو هنـاك ، لان جو العين يتميز بالجفاف وهالشي في صالح السياييـر اللي ما تتأذى وما تتعرض للصدأ الا بعد فترات طويلة :fa56:
وهالشي طبعا عكس امارات الدولة المطلة على البحر وفيها الرطوبة أعلى :wacko:
أشكــرك أخوي على الرد والاضافــة .. تسلم :yes:
حبــوبة دبي
وجــودج الأعـجـب .. وأهم شي استفدتي خيتــو
وأكييييــد كلنـا ممتنين لمواصلات الامارات :11:
ماشالله عليج العجيبه
والله انج عجبتيني ابهاي الشطاره
ووايد استفدت من المعلومات
لأنه كنت ابغي افهم ليش سيارات المرسدس
ما يسوولهم ( زيبارت ) في فترة فحص السياره
اما البعض من السيارات لازم تنحطلها هاي الماده عشان ما تصدء
يمكن لأنه المرسيدس تحمل تلك المواد إلي تكلمتي عنها في تركيبة الصبغه نفسها
مما يمنع تصدء السياره
.....
عجيبتنا شاكرين لج مشاركتج الطيبه
والباص الصغيروني روعه :a033:
..........
انا اصلاً ياي هني ادور وين العجيبه شردت
من قاعة مسابقة الرسم لكن حصلتج في النهايه :d014: :d014: :d014:
ربي يوفقج في كل مجالات حياتج وفي الآخره
:smile:
محاق
اممم بالبداية للعلم ماقريت كل الموضوع ..
يعني ماني مصدقة إني رديت من الدوام أروح أشوف الكيمياء بالمنتدى @_@ ..
أخ عيني .. #_@ ..
وتعالي لحظة .. شفت رد شنيع .. !
وحده من أعضاء المجموعه طلعت خاينه .. !
دموعه .. إنتِ شو تسوين اهني .. ؟
وشو قصدج راقدات .. منو قصدج ها .. لول .. ^_* ..
عقولتج .. ما شي وقت ..
(( لا وقت لإبراز القيمه .. ولا للعمل بهمه .. )) >>>>> !!
يعني حدنا نلحق نخلصهم .. مول ماعدنا وقت نتفنن ..
مثلا توني دازه لدموعتي التقرير لمشروع الكيمياء .. والاحياء بسير اغلف البحث والاحصاء اللي موهقنا ..
ووباجر آخر يوم انداوم فيه .. وفوق هذا ورانا بلاوي مب مخلصينهم ..
يعني يدوووووووب قدرنا نلحق بالغصب .. عالدقه .. !
:
اممم .. بس عدكم إنتو العكس .. ما شاء الله عليكم ..
يعني حلو إنكم تظهرون الابداع كله بالمشاريع ..
والاحلى انكم تستفيدون وتفيدون غيركم فيه ..
ما شاء الله عليج وعلى المجموعه بكبرها .. ^_^ ..
ربي لا يحرمكم هذي الهمه ولا طيب المثوبة ..
ولج مني كل الود والامتنان ..
احترامي ..
إختج أنامل قلب ..........................:: والسموحة عالحجي الزايد .. إحم ..^_^ ..
خنفــرووش
هههه يا سلام على مقدمتـك :11: ترفع المعنويات :k_smartass:
بالنسبه للتكـاليـف ، نحن ما ناقشنا هالشي ، نحن حاولنـا نتكلم في المشروع من الجانب العلمي
ولو بغينـا صدق نوصّـل المشروع ونخليه يتطبق في الواقع أكيـد بتكون له دراسة ثانية وشامله من كل النواحي واللي يدخل من ضمنها الناحية المادية ..
وفي رأيي أكيـد هو شي مكـلـف .. بس بحسبه بسيطة وسريعة وغير مدروسة ولو كنت انت راعي باص من هالباصات بتفضل إنك تستخدم الخارصين مرة وحدة، على إنك تستخدم الأصباغ كل فـتـرة ..! ولا شو رايك ؟
عمـوماً .. دامنـا خذنـا المشروع من الناحيـة العلمية فهـو مقبـــووول علميـاً وما أظن فيه عيوب !
وبخصوص المجسم .. اممم سير مدرستي هنـاك بتلقاه فارينه في النادي العلمي ، حلال عليك > يا خسارة التعب ! :fa55:
وأشكر لك وجودك وردك .. أسعدتني :icecream:
المنصــوري
عالأقـــل في الرحلات :tounge: > الحين بيقول ما كنت أروح رحلات هههاقتباس:
بصراحـة ما كنت استخدم مواصلات الإمارات وكنت دائماً ما استخدم ريولي
بخصوص التساؤل اللي طرحه الأخ خنفروش وانت عقبت عليه ..
انت قلـت في قسم الهندسة .. يعني هذا شغل كبــار .. أكيد نحن في المدرسة الثانوية وناس أول مرة نشتغل على مشاريع مب مطالبين أبـداً بدراسة مشاريعنا من كل النواحي .. لأنهم أصلا يبون يشوفون كيف تفكيرنا وكيف نقدر نطبق اللي ندرسه في حياتنا .. بس ممكن نلقى اهتمام لدرجة انهم عادي يسوولنـا براءات اختراع في حال المشروع وصل للمنطقة التعليمية ..
امممم وبخصوص الخارصين أو الصبغ .. صحيح الخارصين غالي .. لكن انت ما بتضطر تستخدمه إلا مرة وحدة بعكس الصبغ اللي بتستخدمه كل سنة وسنة ورا سنة بتزيد التكاليف وانت تقول رخيص !
ومن جهة ثانية إذا الصبغ سمح للصدأ يوصل للحديد فاتأكد انك انت كل سنة يالس تصبغ الصدأ أو يمكن يكون الحديد اللي بيكون هش من كثر عمليات الصنفرة .. فـ شو رايك ؟
وبخصوص سؤال الشطــار ..
إجابتــك صحيحة يا أستاذ :k_smartass:
وأشكر لك ردك الثـري .. دمت بخيـر ياخوي ..،
نشكر كل من تفاعل بأسلوب جميل وراقي...ينزل من التثبيت
تسلم ايدج ع الموضوع الحلوووو..
الانود الي داخل والكاثود الي برع:k_harhar1: .. تبيني اقولج شو نوع هالصدا بعداقتباس:
حافلاتنــا تصنع من الحديد ثم يطلى هذا الحديد بمـادة عازلة ( وفي الغالب هي الصبغ الأصفر ) :woot:
ولكـن ما لا نعرفه أنه بمجــرد أن يحدث خدش صغير في هذا الصبغ ، فإن ذلك يصنع خلية جلفانية طرفيها ( الحديد المعرض للعوامل المحيطة - هواء + رطوبة ) و ( الحديد الداخلي الذي مازال تحت حماية الطبقة العازلة )
والشاطـر اللي يحدد أي واحد الأنود وأي واحد الكاثـود :k_harhar1:
ها طال عمرج يسمونه pitting corrosio
وماشاء الله مشرووع حلوو ^___^
خلينا نصحح المعلومه حق بعض الناس:k_harhar1:
بنت الدلع قالت
:glare: يعني كيف ...اقتباس:
الأنود القطب السالب
والكاثود القطب الموجب
وقلتي الشاطر الي بيحدد اي واحد هو الكاثود
على حد علمي ان الحديد الداخلي هو الكاثود والحديد الخارجي هو الانود لذلك عندما يحدث الصدأ تنتقل الالكترونات من الشحنه السالبه الي الموجبه
اي من الأنود الى الكاثود !! :k_icon9:
يعني الصدأ بيكون في الحديد الداخلي ! >> صححي المعلومه من زمان ودرت الكيمياء
تراج تقولين ينتقل من السالب الى الموجب
يعني الانود هو الي يستويله التاكل لانه يفقد..
:k_harhar1: وبس
الدلــــــوووعــة
ههه جميل ، جددنا الذكريات عندج ..
عيل نحن ما قالولنـا كيف نجـرج البطاريات > هيهيهي بس نعرف نبدل البطاريات يوم تخلص :devil:
مشكورة اختي على اطلالتـج الحلوة ، اسعدتيني
بنـت الدلع
ههه عيبنـي ردج ، بس بخصوص سؤاااال الشطااااار ، معلوماتج أكل عليها الدهر وشرب
والحمدلله حصلنــا مصحح اللي هو الأخ خيال الحـب :k_smartass:
بس لا تحاتييـن انتي بعـد من الشطار اللي أحب اهتمامهم بالمواد العلمية ، والله يوفقـج دوووم
لا والله ما اعرف شو قصدج ! :look:اقتباس:
ممكن يطبقونه ولكن مب اي مدينه بتطبقه وانتي عارفه قصدي
أعتقد المدينة ما يخصها إلا إذا كنتي تقصدين ميزانية المدينة نفسها أما سياستها فهذا شيء ثاني ..
وفي الامارات نحن عندنا ما شي فرق بين باص وباص ، كل الباصات الصفرا وفي كل المدن تابعة لمواصلات الامارات ..
وبخصوص نعرض مشروعنـا في مكان ، فما أعتقــد فيه جهة تهتم بمثل هالأشياء في الوقت الحالي وخاصة انه الوقت الحين إجازة ، بعكس أيام الدوامات كانت الوزارة بكبرها مهتمة عشان تمشي وتنـجح فكرة المشاريع اللي اتطبقت هالعام ، ويمكن بعد عشرين سنة وبعد ما تتشبع فكرة المشاريع المدرسية في راس جهة معينة بنلقى اهتمام ..
عزيزتي .. شاكــرة لج حضورج وردج .. :fa35:
دمــووع قلم
نحن نفسكم بعد ، ما كنـا متقبلين فكرة المشاريع ولا في الخاطــر نشتغل ،
بس مدرستنــا شجعتنـا على هالشيء وأنا أشكـرها من خلال هالصفحة ( مس إيمـان العامـري ) على جهــــدهـا الكبيـر ويانــا ..
في هالسنة اكتشفت انه أكثر شيء خسرنــاه وما تعلمنـاه في المدرسة طول الـ12 سنة هو إننــا ما تعلمـنـا شو يعني الفريق الواحد ، ما عرفنـا شو معنى التعـاون ، تعودنـا عالانفـراد والخصوصية اللي ما تحقق شيء ! وأتمنى النظام اليـديد يتعمم عالجميع عشان ينشأ الكل على التعاون وإدراك روح الفريق الواحد !
مشكورة عزيزتي على وجودج ..،