رد: سأتزوج...ولكن بشروطي!!!
يمكن الشروط اللي تحطها .. تقبلها بعض الفتيات والبعض يعتبرها تمرد ..
اللي وصلت سن الثلاثين تحس بعد هالعمر تتزوج واحد يسألها ... وهالشي عاادي لو قالها وين سايره
وإلا رفض تسير مكان أو مع ربعها .. تطلع مع أهلها بمجرد ما ملج عليها ( عقد الزواج )
تقوول يعني أنا كنت مرتاحه .. وإيي هو يغصص عليّه ..
يمكن تقولون لااا .. هذا تفكير وحده عمرها 17 سنة
مع إنه هي في داخلها تبغي تتزوج .. ولكن بشروط مثل ماذكرت طير الحب ..
شو هي الشروط ؟؟؟!!!
واعرف شباب يقولون مابنتزوج .. عسب الحرمة ماتحرمنا من طلعاتنا ( ماله معنى )
التفاهم زين بين الزوجين .. كثرة الشروط والانتقادات ... تشوش العلاقة الزوجية
خاصة من بداية الزواج ...
تشك في تصرفاته او ترهقه في متطلباتها او حتى تقارن نفسها بالغير ... ليش وليش
هو له الحق إنه يرفض كزوج ... لكن مب كريال يرفض دون سبب مقنع ..
يحرمها حتى من صديقتها الوحيدة ومافي سبب في البنت عسب يبعد حرمته عنها ( وجهة نظر )
أحيانا الوحدة تحط شروط في بالها لكن ما إيي نصيبها ... ومرات تحط شروط وهي عمرها 18 سنة
ولكن في سن 25 يتغير تفكيرها والشروط تتغير عندها ( لوووول )
رد: سأتزوج...ولكن بشروطي!!!
صعب اقول هالشي ...
ما تهمني البنت حلوة او لا و ما يهمني اذا كانت تصلي او لا ما يهمني شو تسوي او شو سوت كل الي يهمني اني يوم انادي اسمها تقولي yes sir و تيي ركض تكون بنت هادية و مطيعة طاعة عمياء و ما تعصب هذا كل شي.
البنات من هاي النوعية نادرين للاسف الحين الحرمة شاطرة تحرق اعصاب الريال و تعاند لين ما الريال يطلقها و ترتاح.
رد: سأتزوج...ولكن بشروطي!!!
سلام عليكم يا جماعة الخير ..
اسمحوا لي ... بس بغيت اعقب ع كلام اخوي المزوحي ..
اولا .. مبروك الكاس :a034: >>>> بعدني عايشة الجو :a070:
اقتباس:
أحيانا الوحدة تحد شروط في بالها لكن ما إيي نصيبها ... ومرات تحط شروط وهي عمرها 18 سنة
ولكن في سن 25 يتغير تفكيرها والشروط تتغير عندها ( لوووول )
ما اخفيك انه نحن حطينا شروط .. انا اشوفها مب تعجيزية .. :fa46: بس يمكن انا تطلعت للأفضل او المثالية و بشكل كبير يوم كنت بنية بعمر ال 18 >>> ذكرتني بخليجي 18 :k_harhar1:
بس الحين يوم صار عمري 24 سنة و 11 شهر :glare: المفاهيم تغيرت و بشكل كبير جدا .. لأسباب اجتماعية كبيرة قد أثرت فيني و بشكل مب ايجابي .. بل بالعكس .. بشكل سلبي !!
بهالحالة انا ما اعمم بس اتكلم عن نفسي و بشكل واضح!!
المخاوف المترتبة من قصة الزواج نفسها تخوفني !!
نعم .. نبا نتزوج .. نبا الستر ... نبا بيت فيه حنان و حب .. نبا زوج واعي و متفاهم .. و نبا كل خير لنا و للغير .. و لكن حالات التحدي في مسألة الزواج بالنسبة لي ما اقدر اخوضها!!!
من احد هالأسباب اللي تخليني اتخوف فكرة الزواج بحد ذاتها هي حالات الطلاق!!! نسبة الطلاق في الدول الخليجية و بدولة الإمارات بشكل خاص تعتبر مب طبيعية!! و على اسباب سخيفة جدا!! و البعض يطلق حرمته ايام الملجة!! و المطلقة في المجتمع العربي تعتبر نكرة و محد بيحس فيها!!
اجل ليش اعور راسي .. و اتعب عمري و اتزوج و عقبها هالسيناريو لا سمح الله ممكن يتكرر!!
ممكن تقولون و ليش هالتشاؤم كله و هالتعقيد في مسألة الزواج!! و ليش هالخوف انه في احتمالية وجود طلاق !! لأنه هالشي هو المتواجد ..
و غير جي صورة الرجل في حياة كل انسانة موجودة!! هذا موضوع آآآآآآآآآآآآآآآآآآخر ما راح اتطرق له إلا لاااااااااااااااااااااااا ااحقا ان استطعت ..
و السموحة
رد: سأتزوج...ولكن بشروطي!!!
نور الايمان ...
الزواج المبكر بالنسبة للشاب زين .. يعني لو قلنا عمره 24 سنة وتزوج .. لكن يتم يتأخر برع البيت
وهاااد الحرمة وخاصة إنه توهم متزوجين ... ويوم تسأله يرد عليها خليني أعيش حياة العزوبية
مايستوي .. كلمه منه وكلمه منه .. وعاادي يمل بسرعه ومافي صبر وهي تصيح وتقول
شو اللي خلاني اتزوج ... راسمه في بالها عش الزوجية والحياة والاستقرار ...
ومن هنيه أحيانا تبتدي سالفة الطلااااق ... طبعا مب الكل ..
لكن البعض زواجه المبكر يخليه يتحمل المسؤولية أكثر عن يوم يوصل الثلاثين ويعدي ويكون متعود
على الاهمال ...
ويمكن المشكلة تكون على الطرفين ...
والعناد من أهم اسباب الطلاق او المشاكل بشكل عاااام .. ومافي تنازل من طرف واحد على الأقل ..
رد: سأتزوج...ولكن بشروطي!!!
السلام عليكم
وانا بعد لما بتزوج لازم بتكون لي شروطي ! وهالشروط وضعها الدين والأهل قبلي من حيث الدين والاخلاق ....
وبالنهايه القسمه والنصيب وإلي يكتبه رب العباد بيصير ....
كان ببالي كلام واااايد ....بس حقيقة النصيب استوقفتني ! فليش نسبق الزمن :fa35:
الثعلب الرمادي ....منطقك عجيب بهالحياة ...إن شاء الله تحصل هالإنسانه ! بس ما أتوقع تحصلها لا بهالزمن ولا بأي زمن !
رد: سأتزوج...ولكن بشروطي!!!
اعترف ان كلامي كان وايد مبالغ فيه لكن بنت خلوقة و مطيعة و ما تعصب و هادية ما اعتقد ان هالشي مستحيل .. يوم اخلص الدراسة و اشتغل ان شاء الله بتكون البنت اللي بتزوجها هي البنت المناسبة.
رد: سأتزوج...ولكن بشروطي!!!
أهلا مرة اخرى ^^
صح كلامك يالمزوحي و ما عليه غبار ..
الزواج المبكر في كل الأحوال امر محمود مهب مذموم :a070: ...
بس الزمن تغير .. و النفسيات تغيرت .. و الحالة بدل لا تكون يسيرة صارت عسيرة !!
و مثل ما تفضلت .. اكيد العناد اساس المشاكل و الطلاق و بشكل عام ..
و مثل ما قالت حلم الطفولة ليش نستبق الأحداث و كل شي قسمة و نصيب ...
بس هذا موضوع انطرح و حبينا نفكر بصوت عالي مع طارحة الموضوع و نقول اللي ف بالنا :k_smartass: و بس ..
و طلب اخوي ثعلب الرمادي مب انه مستحيل مثل ما قال .. بل موجود ووارد و الله يرزق الإنسان على قد نيته ..
و الحمدلله رب العالمين :thumbup1:
رد: سأتزوج...ولكن بشروطي!!!
أعتــرف .. أنه كلما طرق أحدهم بابنــا ،، ينتفض قلبي و يرتعــد ..
و أبــدأ في تسطير أسباب لاءاتي .. أو شروطــي ..
أخبرتهم أنني أريــده متعلم .. بحيث أنني لا أرضى له بأن يشعر مجرد شعور بأنه أدنى مني .. ربمــا هذه وضعتها و أنا أصلا لا أعرفــه .. فلربما كان لا يعير الأمر أدنى اهتمام أصــلا!!
أخبرتهم أنني لا أجـد العامل النفسي الذي سيجمعنــا .. فقــط لا أشعر به .. وهو من الطبيعي جــدا ألا أشعـر به فأنا أصــلا لا أعرفــه !!
أخبرتهم أنني أريده محــاور نـاجح مستمع جيد جدا لأنني أتكلم كثيرا مخلص في عمل لا يحبه يهتم بأمور أناس لا يعرفهم مجرب لم يعرف عالمهن ... طموح لمستقبل لا يعرفه .. مخطط لأعــوام لا يفكـر فيهــا .. مرح يضجرني بسخافاته .. مغــامر يجبرني على مشاركته مراهقته .. و حكمت عليه بأنه عكس ذلك و أنا أصلا أصــلا لا أعرفــه ..
أخبرتهم و أخبرتهم الكثير من اللاءات .. إلا أنهم لم يعلمــوا أن لاءاتي لم تصدر إلا من خوف من المجهــول لا منه .. خــوف من غد لا يحقق أحلامي به .. خــوف من مستقبل يجب أن أكون مستعدة لتحمل تبعات مسؤوليته .. خــوف من نفسيات و شخصيات و عوالم يجب أن تندمج لتلك الحيـــاة ...
أترى أحدهم يعلــم ؟!! .. أي مشاعر تعتري فتـــاة مقبلــة على حياة أخرى لا تعرفهــا !!.. و لا تعلم من شريكهــا غير اسمه و رسمه و بعض أقــوال أناس .. أترى يعلم أحدهم أي خوف و أي مشاعر تغمر تلك الفتــاة فتسبقهــا لاءاتها لا لشيء سوى أنهــا خائفــة ..
من يعلـــم ما هي فــورة و شتــات المشاعر التي تعيشها كلما طرق أحدهم بابهــا .. ؟!!
أغلبهن لا يعلمن من الأمـر سوى أنه حب جديد .. و حفلات .. وفساتين .. و هدايــا .. وشهر عســل .. وأيام حلوة .. فيسرعن لإتمام زيجاتهن .. متناسيات بأنه بعد أن ينقضي كل ذلك حيــــــــــاة بأكملهـــا ستقضيها مع شخص بعينه .. شخص ستقبع تحت سقفه .. و ستحاسب على وده و بره و إكرامه و إحترامه .. شخص قد يكون جدا سبب جنتها أو نــارها ..
لكـــل ذلك .. ســأتزوج بشروطي ،،
أن أعرفــه .. يستحيــل .. أن نخطط مسبقــا لحياتنا .. لا يحدث .. أن أعرف ما الذي يدور في عقلـه عن شكــل حياتنا .. مكانهــا .. أطفالنــا.. قبل أن أقــول " موافقـــة" .. أمر خارج عن حدود العـادات و التقاليــد ..
فكيف لنــا أن لا نتزوج بشروطنـــا ؟!!
المعــذرة .. خربطت زيادة عن اللزوم :fa34:
طفلـــة ،، تسجل إعجابهـا من جديد ..
رد: سأتزوج...ولكن بشروطي!!!
السلام عليكم
عذرا للعودة مرة أخرى .... ولكن ما قرأته منذ لحظات أستوقفني فأبهرني ووجدت نفسي فيه:fa35:
قد يكون هو الكلام الذي اجتاح مخيلتي عندما هممت بالكتابة بردي الأول ...ولكن استوقفني شيء ما فعجزت معه عن البوح المباح ...
عزيزتي طفله ... هو الخوف ! خوف من أمل عشناه كواقع بأحلامنا .... فكثرت معها تلك اللاءات بردودنا .... فاردفناها بواقع القسمه والنصيب
طفله ... والله العظيم أحب خرابيطج:a070:
رد: سأتزوج...ولكن بشروطي!!!
بحجز لي مقعد وبرجع بعد ما أشفى عسب افكر صح ):
شكرا
رد: سأتزوج...ولكن بشروطي!!!
موضوع حلو وتسلمين عليه اختيه
بس تعرفين انا فالبيت دوم اقولهم
انا كيف ابيكون ريلي
اهم شي انه يصلي كل الفروض
وثاني شي انه مايدخن ( والله عمي عقدني فالتدخين )
وثالث شي مايقولي لاتدخلين النت اوكيه بقل دخولي لاكن اني اقطع النت مابا
لاكن بعد نحن مهما حطينا شروط مانعرف القدر شو كاتب لنا
بناخذ امنو ولا امنو وشو طبعة
وها كل شي نصيب
بس بغيت اعق على كلام اخويه الملهم
هيه والله صدقكك
انا بنات خالتي كلهن تقريبا يوم امي وخالتي والحريم يرمسون عن العرس
ويقولون انه انتي حق فلان ولا فلان والله انهن يحرج
والحينه كلهن عرسن ^_^
متابعين الردود ان شاءالله
رد: سأتزوج...ولكن بشروطي!!!
موضوع لسه كنت افكر فيه فيه من كم يوم
ليش كل ماانطرى موضوع الزواج يطيح قلبي
كانه حكم بالسجن او الاعدام
والله اللي يعرف شو اسوي عشان يوخروني من هالموضوع بينقع ضحك
بس انا اسويه من الخوف و من القهر
احنا عيلتنا عادي عندهم الزواج المبكر و يقولون احسن الخطوبه في السن الصغير!!!
من صغر سني بس ياما و ياما تعرضت لمواقف جديه الله لا يحط حد فيها
خصوصا هالايام من بعد خطوبة اختي
بس انا خلاص عفت الزواج نهاااااائي
رد: سأتزوج...ولكن بشروطي!!!
طفلة من هذا الزمان ..
نعم .. كثرة اللاءات على حد قولك .. و النهي و المستحيل ووضع شروط كثيرة ... لا لشيء ..
بل مثلما أشرت في ردك .. انه فقط عامل الخوف الكبير الذي يجتاحنا ... الخوف منه .. كيف يفكر؟؟؟ كيف سيعاملني ..؟؟؟ كيف سأعيش معه .. ؟؟؟ كيف و كيف و كيف !!!
لا أعلم كيف :fa46:
و لكن كلامك قد اباح ما كان مكنون في خواطرنا و لم نعرف صياغة الفكرة بشكل صحيح ..
رد: سأتزوج...ولكن بشروطي!!!
كنت أفكـر في موضوعج من كم يوم ..
من كم سنه كان رايي وايد غيـر عن الحيـنه لاني كنت وايد صغيره عشان أفهم هالأشيـاء ..
لكن في شي لاحظته وايد .. خصوصا انه وايد من ربيعاتي تزوجوو ..
لو البنت من نفس السووشل الكلاس الى ريلها منه .. ولا اقل منه .. شروطاتها بتكون عاديـه .. مب شي هالريال مب متعوده عليه ..
لكن لو البنت شوي اكثـر .. هني تبدى المشاكل.. يا في السوشل ولا الدراسه..
شخصـيا .. ابا اعرس .. بس مب الحين:k_harhar1: أتمنى اني أعرس يوم عمري 22:fa46:
وشكرااا:tounge:
اوه نسيت احط شرووطاااتييييي
لازم ريلي يكون طيب وعفويي وفيه شوية رومانسيه *يعني لازم يطلعني نتعشا مره في الأسبوع*
ابا ريل يحب يسافر .. ماتخيل عمري متزوجه لواحد بس يسفرني في الصيف ولمدرة شهرين >_< ابا ريلي يسافر وياي كم مره في السنه بس لمده قصيره
لازم يخلني أشتغل
لازم يكوون مثقف
لازم يكون ابووو اوكيييه .. يعني نفس أبويه:fa35: .. مب يكون ابو مايهتم في عياله:glare:
لازم مايدخن ومايشرب ومايشييش وماياخذ مخدرات ومايكل لحم خنزير:a058:
لازم يكون انييييييق .. مابا ريل مال قوم وااز اببب ومسوليي كشخه:icon_rr: ويطلع يسمع راب وهيب هووب:a058:
لازم مايكون ريل يحب يرمس وايد ولا يكون ريل بااااارد مول مايرمس .. يعني في النص .. جي اوكيه!
لازم ريلي مايكووووون شييييييييييييييييييييبه ... مايكون في نفس عمري ولا انه اكبر عني وايد .. يعني جي اكبر عني بكم سنه .. احس لو في نفس عمري مابيكون اوكيه .. عقلياااتنا مختلفه تمامااا
وبس:fa46:
