الثانوية الطامة

المفروض بعد امتحانات التقويم تكون موحدة لان امتحانات استاذ تفرق عن استاذ ثاني وهني نحن يا ناخذ حق غيرنا او غيرنا ياخذ حقنا ........

اقتباس:

---

المشاركة الأصلية كتبت بواسطة ولد الشحوح

المفروض بعد امتحانات التقويم تكون موحدة لان امتحانات استاذ تفرق عن استاذ ثاني وهني نحن يا ناخذ حق غيرنا او غيرنا ياخذ حقنا ........

---

نووو، ما نبـا

أحسن كل أستاذ يدلع طلابه ..

وبعدين يوم ناخذ امتحانات التقويم نقدر نعيد الامتحان لو أجمعت كل الطالبات على إنه مب حلو، ونقدر نغيب عنه بعـد.. :icecream:

مب بس الامتحانات.. أصلا هالنظام مستحيل يكون فيه عدل بين الطلاب

لانه لكل مدرس أسلوب .. يمكن اتدرسني وحده متساهله فالدرجات و كل درجاتي تكون كامله عندها

لكن.. إذا ربيعتي فنفس مستوايه بس تدرس فمدرسه ثانيه و الى اتدرسها مشدده أكثر و تحاسب على كل شي بتنقصها على أشيا سخيفه

فهالحاله بتكون درجاتها أقل عني بوايد مع انه مستوانا واحد

و شي من المدرسين امتحاناتهم تكون معقده الصراحه.. يعني وايد يلفون و يدورون.. الى يقرا السؤال يفهمه بطريقه غير عن الى يقصدها الاستاذ .. و يحل على حسب فهمه هو .. و آخر شي ينقص..
بالله عليكم الى يدرسون عند هالمدرسين شو يسوون؟!!

يعني من سابع المستحيلات اني أييب عند هالابله درجه كاملة فالامتحان.. مع انه مادتها مب وايد صعبه و وايد أركز على مادتها عن أنقص بس المذاكره ما منها فايده عندها.. مادري من وين تيب الأسئله

الله يستر من هالسنة ... بس حرام ع آخر سنة يلعوزونا مشوار 11 سنة يضيع بقرار مب مدروس عدل وكل ما قلنا شي قالوا انتوا غلط ولا قالوا بنجوف ومحد يتحرك

تعالوا على سالفة الشكوى على الامتحان الفلاني والعلاني

أنا أشوف لو فيه شكوى منطقية ممكن نشتكي ونبح أصواتنا عليها هي

الاستراحة بين الامتحانات ..

يعني حتى يوم السبت دوام !! ومناهجنا أبدا مب هينة ..

مثلا دخلت امتحان الاحياء .. الوحدة الأخيرة قريتها قرااااااايـة ..

وأصلا نحن ( القسم العلمي ) مب ويه حفظ أو قراية وخلاص .. لازم نفهم كل نقطة وخاصة الصور ..

يعني نص يوم أبد ما كان يكفي ..!!

الحين شو الفايدة نحن أول ناس خلصنا ( يوم الخميس ) ؟؟

حتى قبل اليهـال نحن معسكرين في البيت ..

عادي والله ما نبا إجازة طويلة .. نبا نحقق شيء زيـن من هالامتحانات ..

بالعربي .. الله يعين كيف بتكون نتايجنا !!

هالنظام بيظلم الكثير والله يجازي اللي كان السبب ...

أنا وياج يا العجيبة .. يعني لو حطوا الأحيا ووراه الدين مثلاً ممكن نتقبل الوضع .. بس حطوا الأحياء وعقبه الكيمياء .. يعني يومين ورى بعض ما نرقد .. صدق عذبونا تعذيب ولا تعذيب بو غريب ..

الله يعينا ويوفقنا .. لا فوق كل ها مس الأحيا تقول انتوا تلعبون وما تسوين شي وما تشتغلون .. صدق قهر .. نحن نتعب ونتعب ومحد يقدر تعبنا ..

شو رايك .. نطرش كلنا رسالة للوزير ونناقشه بـ هـ النقطة .. لأنه لو حصل وايد شكاوى بيعطينا ويه .. بس لو أنا بس طرشت له ما بيسوي لي سالفة .. !!

اقتباس:

---

المشاركة الأصلية كتبت بواسطة الوحيدة

أنا وياج يا العجيبة .. يعني لو حطوا الأحيا ووراه الدين مثلاً ممكن نتقبل الوضع .. بس حطوا الأحياء وعقبه الكيمياء .. يعني يومين ورى بعض ما نرقد .. صدق عذبونا تعذيب ولا تعذيب بو غريب ..

الله يعينا ويوفقنا .. لا فوق كل ها مس الأحيا تقول انتوا تلعبون وما تسوين شي وما تشتغلون .. صدق قهر .. نحن نتعب ونتعب ومحد يقدر تعبنا ..

شو رايك .. نطرش كلنا رسالة للوزير ونناقشه بـ هـ النقطة .. لأنه لو حصل وايد شكاوى بيعطينا ويه .. بس لو أنا بس طرشت له ما بيسوي لي سالفة .. !!

---

يا عيني أول مرة ادري انج اتابعين السياسة وبو غريب خخخ

ما خبرتيني شو النتيجـة ؟ ولا الظاهـر كلنا في الهوى سوى .. استانسنا بنتايج التقويم والامتحانات خربت كل شـي :glare:

على سالفة نطرش رسالة .. ههه المدارس طرشت ويوه من طلابها وطالباتها .. واظني سارة طلعت من مدرستكم وما سـووا شي غير انهم ضيعوا يوم كامل في مكتب الوزير اللي وعدهم انه هو اللي بيكلمهم وآخر شي ما ادري منو طرش بداله خخخخ

عاد يمكن بيخلي الـ*** يقرا الرسالة في حال ضيعنا أوقاتنا وكتبنا له ..:14:

محد يسمعنا .... اللي خياله واسع يحلم انه وزارة التربية والتعليم تسمع وتعطي لرمستنا قيمة ....