مواصفات عرسكم.. وهل بتكلمون خطيبكم؟؟ موضوع للنقاش

السلام عليكم

الموضوع للبنات اعتقد،، بس تدرون الواحد لسانه ياكله
لازم يرمس ويتناقش :a108:

لاحظت انه مواضيعج عن الزواج،، الله يرزقج باللي تتمنينه
بس شو عن راعي البدله هههه عجيب :biggrin:

::
::

انا ما بجاوب بس برمس عن الأسئلة اللي سألتيها

أولاً
العرس لازم يكون حلو وفيه شي مميز،، بس طبعاً
مب غريب وخارج عن المألوف شرات اللي رقدت
وسووا عزا في القاعه،، لين ياها المعرس باسها
ونشت ههه


ثانياً
المهر دوم يكون بسيط،،، بس الأشياء الثانية هيه
اللي تكسر الظهر.. بالتالي الواحد يوفّر احسن لـه


ثالثاُ
انا من رايي انه ما يستوي يكلمون بعض في فترة الخطبه
يعني يشوفها مره وييلس وياها.. وهاي الشوفه الشــــرع
حللها.. وعقب ما يملجون يسولفون ويا بعض وييلســـون
ويا بعض.. لأنها خلاص حرمته.. بس ما يطلعون :k_devil2:
عشان ما تدخل عالناس في يوم زفافها حامل :k_harhar1:

فـ عشان يتفادون هالأشياء.. دوم تكون الفترة بين الخطبه
والملجة شهر بالكثيير..

::
::

والسموحه منكم

السلام عليكم


أكلمه بالخطبه ! منقووووووووووود:boxed:

وأخوي اسهر معي ليله ....ما قصر عطاكم أولا وثانيا وثالثا كاش:thumbup1:

.
.
.
أولا".. ما هي مواصفات عرسكم؟ كيف تبون يكون؟ وكم الميزانية؟
عرســي ؟!
:boxed:
لـ يّجي الصّبي بنصـلّي عالنبـي
ثانيا".. كم تبغون يكون مهركم؟ بكل صراحة وبدون مجاملات..
تقريــبا الكل يدفــع 100 ألف وانا مابطـلب اكثر عن جيـه
ثالثا".. بعد الخطوبة الرسمية، ممكن اتكلمون خطيبكم عالتيلفون؟
nO way
هالفكــره موول مب داشــه راسي
بصـراحه انا ما ايد الرمســه فتره الخطوبه ولا افكر بالرمســه في فتـره الملجـه
>> مخـالفه مادري ليش مع إنه عادي فالملجـه
حريم خواني دايما يستغربـون مني يوم أقــول انا مابرمس زوج المســتقبل في فــتره الملجـه
خلنا جيــه أحسـن عشـان نتعرف على بعض بعد العرس لوول أحــلى
.
.

عليج السلام و الرحمه
انا بكلمج عن واقع تجربه... بما اني عروس يديده :k_blush-anim-cl:


أولا".. ما هي مواصفات عرسكم؟ كيف تبون يكون؟ وكم الميزانية؟
العرس كان بسيط و راقي و الكل استانس و الحمدلله العرس عدا على خير
و الكل قال ان العرس كان حلووو :fa42:
بس العرس طاف بسرعه و ما حسيت فيه :fa36:

ثانيا"..كم تبغون يكون مهركم؟ بكل صراحة وبدون مجاملات
كلنا قلنا ما بنخسر وايد بس وقتها تصير الخساير على اصولها
لوانتي ما طلبتي اهلج بيطلبون و لو اهلج ما طلبوا اهلبه يبون يسوون حق ولدهم عرس لا صار و لا استوى
و كله يطيح على راس المعرس
انا تقريبا كان مهري مع زهبتي 100 الف
من غير باقي المصاريف (الذهب - القاعه - غدا الرياييل - "عش الزوجيه"......)



ثالثا".. بعد الخطوبة الرسمية، ممكن اتكلمون خطيبكم عالتيلفون؟
اني اكلم الريال قبل الملجه.. هالشي مرفوض عندنا
انا ما كلمته و لا شفته لين يوم الملجه
و فيوم الملجه كانت اول مره نشوف بعض و كنا مستحين و زحمة الحضور زادت من الوضع و انا ما قلت له و لا كلمه فيومها :k_blush-anim-cl:
كلمنا بعض بعد الملجه و تفاهمنا و عرسنا و كملنا شهرين و الحمدلله ما صارت مشاكل و لا تغيرت طبايعه
يعني مب لازم تكلمين خطيبج ففترة الخطبه عشان تتفاهمون لانه يمكن ما يببين لج طبايعه الشينه فوقت الخطبه :k_devil2:
بعد الملجه بتتعرفون على بعض و بعد العرس بتتفاهمون اكثر و اكثر و اذا انتي كنتي حلوه مع الريال بيكون حلو معاج :love2:

و السموحه ع الاطاله

مشكورين كلكم عالمرور..

بس بوزايد اتفضل علق..

بكير.. على هيك.. حكي.. (:

وعليكم السلام والرحمه

أولا".. ما هي مواصفات عرسكم؟ كيف تبون يكون؟ وكم الميزانية؟
حابه يكون عرسي بسيط وغير مكلف .. ومب لازم يكون في فندق 5 نجوم .. فأنا قبل كل شي.. براعي الريال وظروفه طبعا .. صح ان كل شي غالي هالايام .. لكن هذا مب معناته اني بقول للريال عطني وعطني .. وكل هذا للعرس .. عيل شو بقى لحياتنا ؟ :m_afaker:

ثانيا"..كم تبغون يكون مهركم؟ بكل صراحة وبدون مجاملات
الوالد الله يرحمه موصي يكون المهر 20 والمؤخر 20 .. وحتى لو ما كان موصي .. بيكون هذا طلبي .. واعتقد انه مافيها شي .. وعادي .. والزهبه في حدود الـ 50 .. يعني مب لازم اشتري السوق كله .. بشتري الاشياء الضروريه والخفيفه .. وعقب انا وريلي اذا احتجنا بنشتري واحلى شي يوم يكون على ذوقه .. :k_smile2:

ثالثا".. بعد الخطوبة الرسمية، ممكن اتكلمون خطيبكم عالتيلفون؟
غير مسموح ارمس الريال وقت الخطوبه .. لكن مسموح لي وقت الملجه .. واعتقد هالشي حلال لانه خلاص صار ريلي .. لكن ممنوع اظهر وياه بروحي .. وحياه في بيتنا اي وقت .. :h_mar7aba:


مشكوووره الغاليه عالموضوع الجميل :thumbup1:



نجــــــــ دبي ـــــــمة

أخت اختي...من رومانسيتي كان خاطري عرسي يكون على يخت والبس فستان ناعم واحط طوق ورد طبيعي ابيض...بس هي احلام...وخاطري للحين اعيش بكوخ على جزيرة...تعرفين بدبا شيء صخرة بالبحر دوم يوم نمر هناك أقول لريلي ما بيعطوني اياها نبني بيت عليها حتى اليهال يتهم فترة يقول هذا بيت طير يوم نروح كشتات دبا.

ما خليت سالفه طوق الورد الطبيعي بخاطري سويتها بالملجه وسويت باقتي قلب احمر من ورد جوري.

نجمة دبي...تفكيرج حلو...المفروض يكون آخر هموم البنات المظاهر....لأنه الريال الزين صار نادر...مثل ما قاموا اكثر الشباب يقولون البنات الزينات يبالهم حد يدورهم...وهذا سمعته مش من عندي....مع انه مب بشكل عام...لكن اشياء وايد طغت على مجتمعنا خلت الشاب يعزف عن الزواج والنتيجة آلالاف العوانس...في بيوت ما عندهم ولا بنت تزوجت تخيلوا واعمارهم قربت على الأربعين واللسبب التكاليف وعقب يكتشف طينة الحرمة ويندم أو يفرح.

في مسج مرة وصلني عن قيمة مهور الفتيات في مختلف إمارات الدولة ومافي داعي أذكره...بس شوفي مجتمعنا كيف قام يقيس بالمهر.


وأقلكن مهرا أكثركن سعادة وهي نصيحة من مجرب.

مــا شــاء الله آراء مختلفــة وعجيبـــة

بــس أنـا مستغربـة من ردود أغلـب العضــوات
مـو 100 ألف واااااااااااااايـــد.. ؟!!
أنـأ أشـوف 50 ألف وايـــد وبـزيـادة بعــد.. !!

يعنـي تقريبـا 20 ألـف تكـفي وتـوفــي
ولا تنسـون حـديث الرسـول صلـى الله عليه وسلـم: أقـل هـن مهـرا, أكثـر هن بـركه
ومـاحـد يقـول هـا أيـام الرسـول الحيـن كل شي تغيـر والأغـراض صـارت أغلــى,
لأن حتـى ولو جيـه السـالفـة, الأفضـل المهـر يكـون أقـل من 50 ألـــف.. !!

:look:


والسمـوحـة منــكم..

:smile: