يوم كنت صغير !! .. ^_^ حياكم ..

واللــه زمـــان.. وصدق ســـوالف

عجبني الموضوع
اذكر اني كنت بصف الاول ابتدائي واختي بالروضه بنفس المدرسه المهم كانت امي كل يوم تقول لي حط بالج علي اختج الصغيره كل يوم كل يوم وانا متعوده انه الظهر تنتظرني اختي عشان نركب السياره مع بعض
المهم ذاك اليوم اختي الصغيره تعبت فالابله اتصلت بامي وجت وخذتها وانا مدري , المهم يوم خلص الدوام يلست انطر اختي وهي مالها اثر يلست اصيح جت خالتي تاخذني من المدرسه تقول لي اشفيج اقولها المدرسه سرقة اختي ههههههههه

كل شئ فيه سين ينقلب ثاء يعني اقول ثمث يعني شمس
ثياره يعني سياره
هههههههه فضايح بس سالفة الثمث تمت معاي الي الثانويه :shocked:

احيد مره يوم كنت صغيره فتحت مناحه لاني بغيت اشتري حصان هزاز لونه ابيض* ديكور* في محل ثياب يهال في الغرير وابويه يقولي ما يستوي وما ادري شو ونا ماشي خلاص الدموع اربع اربع و البلاعيم واللوز ظهرن وانفرشت على الارض ابيها يعني ابيها

إلين ما رفقو بحالي الي يشتغلون واتصلو براعية المحل ويت ورمسها ابويه واشتريناه منها بخمس سبع تالاف .. لعبت فيه يومين و عقيته و ولا جني شليت الدنيا على راسي عشان اشتريه

اسميني كنت دلوعه احين ادفش عني محد :blush:

انا بقولكم يوم كنت روضة شو كنت اسوي

كان وياي فالصف 2 من اعيال فريجنا وانا اصلا مول ماحبهم
عاد فالفريج دوم اتظارب وياهم وفالصف بعد اتظارب وياهم وشي واحد دوم يدافع عني
يوم يظاربون وياي ويتحلفولي يوم بيشوفوني فالفريج

المهم ها اللي دافع عني حتى يوم ابا اشتري من المقصف مال روظة مايخليني ادفع هو يدفع بدالي
يوم ارد البيت امي تقولي ليش ماشتريتي اقول لا ها الوالد مايخليني اشتري من بيزاتي هو يشتريلي من بيزاته وفرحانه ^_^

ويييه .. ذكرتيني بواحد شرير ..
كان كل بريك ايي يقولي شو تبين بشتري لج ويحليلي اعطيه بيزاتي و الاوردر مالي اخر شي يروح ولا يرد وتم طول البريك اترياه في مكاني

صدق ذكـــيـــه :fa46: ســنـه كامله ونا على نفس المنوال

سالي مب أم خدود

ههههههههههههههههههه

صدق ايام الطفوله روعه :inlove:

بخبركم شي بس لا تضحكون علي


اتعرفون طبعا الاستاذ خليفة المحرزي (هم جيرانا ) وصلا هو شحي


المهم وانا لما كنت اصغيره دايما كانوا يخوفوني به

لمااسوي شي يقولون لي خليفة برع

ولما اشوفه والله كنت اخاف منه وويهي يستوي :shocked: احمر من الخوف

واصيح على طول

والحين لما يشوفني يقولي هلا بالخوافه:fa52:

وانا بس اتم اضحك اقوله انا ما اخاف:shutup: يقولي هي الحين لج حق

ما اتخافين بس قبل كنت اشوف سوبر مان يطير من يشوفني والله صدق ايام روعه


يلا ايام حلوه

مع احترامي الفنوديــــــــــــــ:fa35: ــــــــــــة

كان عندنا واحد بالكلاس كل ما يشوف بنت شعرها طويل وعشفه يقعد يتطز يا ام الحبل وجيه ومره كان يالس وري
وخذ عشفتي يبي يخفف دمه وافتر عليه واعطيه ذاك الكاف الحار اخر شئ الابله واقفتني انا واياه بره الصف:tounge:
بس بعدين هو تادب

والله من كنت صغير.. من كثر ما انا شيطان وراعي مشاكل يدتي قاعده اتسوي خبز وراحت داخل الغرفة شوي .. وصل حزته الشيطان العود ويحط يده على التاوة (( آآآآآآآآآآآآآآآآآآآآآآآآآ آآآآآآخ)

وتشتغل سيارة الأسعاف ( ويويويويويويويويوي) وانا الغبي ماحطيت ايد وحده
بصمتها بالعشرة

ههههههههههههههه


والله مواقف حلوه بس

لما الواحد يذكرها يموت على نفسة من

الضــــــــ:fa56: ــــــحك

انـــتـــو مــن وين طــلعتو هالــموضوع !! :fa46:

من سنة 2003 :fa52:

----

صــدى جــوفي ، شكرا عالمرور اختيه ..

وعـــد، حلوه سوالج :fa34:

تسلمين عالرد ..

ام خدود ..!

مبروكه عليج اللعبه ولو انها متأخره كمن سنه، و تسلمين عالمرور ^_^


الدلووووعه، يحيج والله قويه مايرومولج الشباب انتي :fa51:
شكرا عالمرور ..

الفــنوديه. .

حلوه هالذكريات و خصوصا يوم تتلاقين ويا حد كنتي اتخافين منه يوم صغيره .. !
شكرا عالمرور اختيه :)

وعد ..

انتو البنات ياحبكم للطراقات :fa46:
تسلمين عالرد ..

هواجيـــس مشتاق ..

سلامات اخويه، و تسلم عالمرور :)

اســــــــــــــميكم سواالف


انا من يوم صغيره دلووعه
وعندي عصاابة فرووخ (اولاد)

بس ما منهم فااايده
وكنت اقوودهم في المعاارك اللي غالبن ما تكللت بالهزيمه

ودووم اتصفع ويشردوون وعقب اصفعهم

يالله اسميها ايااام


مشكوور ع الموضووع رائع

:fa38: .. السلام عليكم ورحمة الله ..

:inlove: كم هي جميــلة أيـــام الطفــولـــة ، :fa52: ويوم نتذكرهـــا نيلس نضحكـ على عمرنــا شو العبط إلي كنـــا انســويـه .. !!

:fa52: بقولكم سالفـــة عيــل ، أنا كنتـ ولازالت :devil: آخر العنقــود سكـر معقــود ، بس كنت من ضمن عصابة شرير شرســه ( اخواني وخواتي ) ، ومن قـل الامــاكن هاكـ اليوم اجتمعنـا في الـ Meeting مالـنا فوق السياره ( على أيــام لكروزر القديم ) :fa38: وأخوي الزعيم فطحول زمـانه عنده الشبريت والشلق وبالغلط ولّـع الشبريت << :fa46: وشو صار أنتوا خمنوا >> هاه خمنتوا .. كلهم نقزوا من على السياره ، إنزين وبعدين ؟؟

:shocked: تميت اناقز هههههههه والشلق شغال تحتي :fa36: وتركت آثار وادربحت ( وصارت قصه لووول ) وأهم حدث إن ابوي اكتشـف آثار الشلق فوق السياره عقب :fa37: وكلهم انرطخوا إلا أنا راويته الأدلّـه على البراءه هيهيهيهي .

وأذكر إني كله كنتـ أبطل الباب واشرد من البيــت وفي وسط الفريج أيلس مكاني واصيح ( بابا ماما انا ضايع !!! ) هيهيهي

وطبعـــا قضايا السيكـــل من أهم القضايا في زمننـــا ، وكثيرا ما نترك علامات على السياره ، :fa38: واحيد على أيام الجاقور ، شخـــطت لكم الموتر من أوله لما آخر كلـــه أسود ( وما يخوز ) والحلو السياره بيضه لووول .. شو تتخيلون كان موقفي :look: !!

:shocked: أووويه شكلي هذربت وايد ( كتبت تعبير )

:fa46: شكرا اخوي لمّـاح ( المنحوس قديمــا ) على الموضوع الرائـــــع

.. :: المقاتل :: ..

دانـــة حــتا . .

تســـلمين عالمــرور و الرد الحــلو اختي . .


المـــقـــاتـــل . .

ذكــرتنـــي بـــأشــيا مــاحــب أتــذكرهـــا :boxed:

أيــــام والله، حتى ذكرتنـــي بــأيــام يوم كنــا نــلعب حـــرب بـــالــشلق، كنا نزقر ربعنا و انسوي فريقين الفريق الأول فوق السطح و الثــاني تحت في الحوي و شغاليــن انحارب بعض، قنابل على صـواريخ ...الخ

شكله المخ كان ماخذ اجازة على ايــامها :fa56:

هــذا بصــوب، و ســالفة يــوم حطيــنا صــاروخ في قـزوز الســيارة بصــوب، أونه نبا انفجرها لــكن للأســف ما انــفجرت :nono:

تســلم عالــرد الحلو :harhar1:

هههههههههه

خخخخخ اسميني نقعت من الضحك على لمـّـاح والمـقـاتل
خخخخ مافيكم حيـله
،،،

ايييييييه ايييه والله ايام وكلها خبـاال
أذكـر يوم كنت صغنووطه قولوا شو كنت اسوي
خخخخ
كنـت آكـل الـتراب
:fa34:
مادري كيف كنت آكلـه
وهاي وحده والثـانـيه مره
كنا نلعب كووره في البيت داخل الصاله وكانوا الأهل قاعدين يتغدون ويقولوليـه قري مكانـج .!!
وفـجــأة
يـت الكـوره في ويه ختـيه العـوده واستـواا حـــــمـــــــر وبالقوو بعد
والشــــــــــــــــــرده يادمعووه
خخخخ ياني شغليه عقب
:qor9anah:

،،،
امممم وشو بعد ماعرف هذا اللي اذكره
ويوم اذكر شي بقولكم
هيييييه تعالوا

مره يوم كنت في الصف الثاني ظنيه كنت في المدرسه الخاصه ( شخصية كنت )
وكان سواق الباص كشخه وسواالف وكل مااينزلنا الدكان
اشتري حقيه بيبسي وحقه
وأضرب سوالف وياه
،،
ويـوم رحنـا دبي ودرست هناكي كمن سنة نفس الحاله ويأ السواق اتحراه شرات هذاكي
وحليليه كنت طييييييييبه وعلى نياتيـه
واشتريت حقيه بيبسي واشتريتله سن توب خخخ
ويوم قتله اندووك تم يطالعني وفاج عيونه
:puppyeyes:
وجاان اترووع منه والشرده ورا آخر البـاص وأضربها مناحه
تـذكـرت سواقيـه الطيـووب
:no0:

،،،

السموحووو
ويامرحبـاني