مشاركة: عـبـدالـرحمـن الـقـيـوانـي في ذمـة اللـه .. ادعوله
اشـكـر كــل مـن رد عـلـى المـوضـوع و ترحـم له
ردا عـلـى كلام اخويه الحساس ..
وصلني خبر انه الريال الي توفى يرد البيت في بص ,, و مسوي مشكله في المدرسه عشان يطلع ويا ربيعه لانه من مسؤولية المدرسه اذا الولد طلع او صارله شي و خصوصا انه يرد في بص ,, و يقول الاستاذ انه حاول وياه بس مارام له و قاله دقيقه لا تتحرك بناديلك المدير اتفاهم وياه ,, فـ انتهز هاي الفرصه و طلع ويا ربيعه و صار الي صار:sad: شوف ربك
بس مع ها كله محد يستوعب يعني جماعه كانوا ويانا البارحه في المعشره و الي يسمعهم يرمسون يقول هاذيل هم اونه السرعه ما منها فايده و من هاي الرمسه ,, و اليوم و نحن سايرين الورقا عند الربع خاطف علينا ربيعنا طلقه يعني نحن نمشي 120 و هو مادري كم ماشي طبعا فوق ال 240 و يوم وصلنا اليلسه تخبرته كم يمشي و طلع كلامي صح يقول جريب ال 260 :fa52: ..
ليش يعني ما تفكر و تقول البارحه ربيعي توفى فحادث و انته تسرع بعد ,, و ها اكبر دليل انه معظم الشباب يوم يشوفون شي يصدمهم يصطلبون يوم بس و عقبها رد مثل اول و اخس..
انته فكر شويه ,, قول لو انته استوابك شي و طحت فالمستشفى ربعك بيزورونك اول فتره و عقب ما بيتفيجولك ,, كل واحد له مشاغله و دراسته و حياته ,, بيطرونك في الميالس "وحليله ما يستاهل" بس شو الفايده من هالكلمه ما بترد شي مثل اول أو حتى لو صحيت و الله عافاك احتمال كبير انك ما ترد شرى قبل..
بس والله ما تنفع الرمسه كم بنرمس ,, رمسناهم بالزين ما نفع و بالصريخ بعد ماشي فايده ,, لو بنرمس لين باجر ما بنخلص لأنه الكل يسمع من صوب و يطلع من صوب جنه ننفخ بلونه منطره انتعب عمارنا على الفاضي و ما نحصل نتيجه..:fa55: ..
محد بيصطلب لين ما يستويبه شي و بيقول صدقه فلان قالي و نصحني بس انا الغبي الي اتمصخرت عليه ..
الله كريم..
والسموحه طولت
اخوكم
الرايد
