الي يبا يضعــف يدخل هنــــي الحيين

لوووووووووووووول

ان شاء الله بس ييت على بالك بحسن نية


الا بس راحة نفسية ؟

بتحس الحياة حلوة

بيخووز عنك عوار الظهر + بتنش خفيف و رقادك خفيف و صلاتك خفيفة

و الرياضة تخوز التوتر و الاعصاب

و اتطول بالك

و خاصة الصيف الحين .. تعرق مافي مشكلة لانك بتتعود ويا الرياضة لوووووول

ماشي امراض استهبال .. زجام و حمى و بلاعيم ..

الزرعوني

ما شاء الله عليك
اصلا مبين عليك انك ضعفت و شكلك الحين اطول

=========

دهن العود

انا جربت جميع الطرق عشان اضعف و ماشي فايده لول

تقدرين تقولين اني مثل طبيب العيون
اتفلسف على الناس و اقنعهم يسوون ليزك و انا لابس نظاره طبية هالمتن و ما عالجت عمري لول
XD

ما طريت ع بالي إلا بكل خير بو شهاب

كل الي قلته صح ، بس سالفة الزجام والحمى والبلاعيم لك عليها شوي ..

هلا الزرعوني ماشاء الله عليك .. وعقبالنا

خطاّب شد حيلك ...

باقي لي 4 أيام

واليوم خلصت ريااضتي ، صدق رااحة نفسييييية يا نااااااااااااااااااااااس ..

حد حاس بشعوووري .. !

أخاف ما تصدقوني ، بس صدق حاس بتحسن .. ( عقب يومين )
لأني خفيت الاكل شوي ... وأحاول أقبض عمري من أشيا أشوفها جدامي وما آكلها .. شوي بس مب واايد

خــّطاب عني أنا اصدقك ... وتوني أكلم ولد عمي عن الرياضة وأقوله ابغي اسجل في نادي، بالرغم إني ما احب النوادي


احب امشي، لكن الجو ما يساعد .... وفعلا يوم كنت امشي احس براحه ... :a042:


انته وين تسوي رياضة في نادي وإلا البيت ؟ :m_atmasha:

لا منو قال انه ما يخوز هالامراض ..؟

شو اللي اييب الامراض غير اليلسة ؟؟

يوم تسوي رياضة جهاز المناعة يقوى و اسال اي دكتور فيها :)

المزوحي ، والله زين تسوي يا رياال ..
أنا أسوي رياضة في البيت ، عندي جهاز المشي ، وأمشي عليه ، حاليا ما روم أركض .. ما فييني يا ريال
خلني ع المشي أخيير .. وأسوي تمارين بطن ..

بو شهاب / سبحان الله يا خي ،، من ناحية جهاز المناعة يقوى ، حسيت به .. وخاصة في الشتا ..

أخوي المزوحي ، ناطرين النتايج !

,

انصدمت اليوم ، زايده كيلو !!!!
إلا انصعقت ، صدق مب وقته امتن ^^"

من قريت الوزن ، سيده تزهبت للرياضه ،
بين المشي والجري وتمارين الاستبس ،
يمكن لقريب الساعه ونص ..

قلت للوالد من باجر يسولي معاه جاي أخضر ،
مع اني احتمال ماروم اشربه ، ما سبق وشربت هالنوعيه ..!

باذن الله الين اسبوع بكون نزلت هالكيلو ، وفوقه نص ..

عقولة صديقتي ، نحن يبالنا رياضه لزيادة اللياقه والشد ،
وابـ نفس الوقت [ صحه ..!

,

أخوي الزرعوني ، حلو اجتهادك ..

أنامل شدي حيلج وشكلي عقب انا اللي بسألج

وباجي يومين عن تسأليني ... من الحين بقولج النتيجة .. تراني مانزلت

بس بخبرج عقب يومين ... شو التغيير ( لووووووول )

أنامل قلب // الشاي الاخضر واايد زييين ، عليج به ..

ولد أخويه جسمه استوى مب شي من أكل الكافتيريا وكرش واللبس عليه مب شي

وأنا أدري لو شفتوه ما بتقولون إنه متين .. بس مب شي مستوي

وسجل في فيتنس فيرست ( مع الرياضة وشاي اخضر ) ماشاء الله

ماشي كرشه وجسمه استوى حلو

شوفوا BMI

http://www.fitness.com/tools/bmi/

اووووووه حطمني الـ BMI

لا .. خــله يعطيك دافع وتحدي ..

ظهرلي 21.40 ..!
ولمن حطيت الوزن اللي احب اكونه ظهرلي 19.90 ..

,

أخوي المزوحي ، بنشوف تعليقك عقب :14: ،
وعني باذن الله ابـ تاريخ 5 برد اوزن واشوف النتيجة الطيبه لول ..

,

أخوي خطاب ، شربته اليوم ، شاي الوزه !
طعمه زين ، كنت متوقعته مر ^^ ..

المزوحي // لا ما عليك ، شادين حيلنا .. بس البارحة ما سويت رياضة لأني كنت في المزرعة ورديت تعباااان ..

أنامل قلب // ما شاء الله ، ويني انا ، ووينج إنتي ، بس ما عليه عقب شهر إن شاء الله بشوف شو الوزن ..
بس أحس إني نقصت شوي ، لكني ما با أوزن ، بخليه عقب شهر .. حتى كاتب ملاحظة في التقويم عندي في المبايل ..

طلعلي

17.20


=)

ابا اضعف شويتين يعني مال كيلوين بس خلال هالشهرين =)

اللي عنده شي غير عن الرياضة يقولي

لاني مااحب اسوي رياضة لول

رمش الغلا ... إذا ما تبين تسوين رياضة، على الأقل وقفي المشروبات الغازية + الحلويات والكاكاو ... الخ

برايه تاكلين عيش - معكرونه .. الخ

على اساس ما تحرمين نفسج .. وتحركي في البيت وااااايد .. سيري وردي .. لا تقولين ماروم

يقولج مرات هالحركة احسن عن واحد مسجل في نادي ويلعب على الجهاز مدة ساعة

مب قصدي احبط الغير او إنه اللي يسونه مامنه فايده، لا

ولكن اقصد كيف الحركه هاذي مهمه ..

جربي وخبرينا ... يوم إلا تبين شويتين

خــّطاب يعني عقب أول اسبوع من رمضان بتخبرنا !

شدوا حيلكم البقيه .. اللي حاب ينزل وزنه

يبالي أخق من الحلويات والبيبسي

يمكن يأثر

انا ما عندي مشكلة الا كيلوين وخلال شهرين او 3

وان شاء الله انزلهم =)

مشكور أخوي ..

أكيد بتنزلين إذا وقفتي هالشغلات ... بترتاحين

بخبركم تاريخ 26-8 إن شاء الله ..

رمش الغلا // مثل ما قالج المزوحي ، وقفي الحلويات والخرابيط ... وحاولي تركزين وجباتج في أشياء مفيدة ، وإن حسيتي إنج يوعانة كلي شي خفيف مفيد ، وابعدي عن هالخربطان ..

وابعدي عن السم هالي يسمونه مشروبات غازية ..

رمش الغلا
ما نقولج اتريقي سليسه http://oasis.bindubai.com/bin/upload...1248892688.jpg
وتغدي ورج ديايه http://oasis.bindubai.com/bin/upload...1248892688.jpg
والعصر كلي تفاحه http://oasis.bindubai.com/bin/upload...1248892754.jpg
والعشاء روب
http://oasis.bindubai.com/bin/upload...1248892688.jpg
بس وقفي هالاشياء مب تقللين وقفي نهائيا ( اقطعي ) :h_negab:
وشوفي النتيجه + تشربين وايد ماي
http://oasis.bindubai.com/bin/upload...1248892885.jpg
أنا احاول اشرب ماي في الدوام ... اجبر نفسي :3:

امبيه كيف تقولون شو تسو عشان تنزل ،
ليش تنزل أساسا لول ^^"

اختي رمش ، ضعيفه انتي وايد ، ما يبالج تنزلين هالكيلوين ،
الرشاقه حلوه بس النحافه ابتعدي عنها ..

اهو من الأساس المفروض نبتعد عن اشيا طروها اخواني صحيا ،
بس اذا يينا عالوزن الصراحه ما تحتاجين تنزلين ..!

نحن نحس الكيلوين هينين ، لكن لمن نشل أي شي كان ابـ نفس وزن هالكيلوين ،
ونتخيل ان نحن جسمنا خسر ثقل يساوي ثقل هالكيلوين !!!!!"

,

أخوي خطاب ان شاء الله بتنزل اذا حاب انك تنزل ،
ويالله ناطرين تعليقك عن النتايج عقب شهر !

المزوحي ..

أنا أكلي مش ناوية اغيره ..، بس ابا اعدل شوي

انا من النوع اللي ما عندي شي اسمه وجبات ثلاث

لا

وايد اخربط .. اكل سويت ..، على موالح وكل مرة شي

ان شاء الله ببدا الحين التزم بالوجبات ، وابتعد عن الغاازي ..

=====

انامل مش سالفة رشاقة ..، انا بس ابا انزل كيلوين لانه احس انهم مالهم داعي

يعني قبل لا ازيد هالكيلوين كانت عندي قناعة 100% من شكلي

بس الحين مب عايبني

مع انه اختي محتشرة علي ليش بين تنزلين

لكن انا مصرة لوول

وان شاء الله اقدر انزل هالكيلوين =)

رمش هالخرابيط هي اللي تسوي بلاوي

^ اويه ، وانا اقول عيل ليش زايده هالكيلو ^^"

,

اختي رمش الغلا ، بس والله انج ما تحتاجين ،
هو أكيد لمن بتزيد البنيه مهمن كان بتحس مادري شلون وان يعني قبل احسن وجي ،
بس صدق ماحسج محتاجه ، فانتي غيري نظام اكلج عشان يصير "صحي" اكثر ،
من غير ماتفكرين بسالفة الوزن ، أصلا انتي طبيعي هالفتره "عالأغلب" بتنزلين ،
فلا تضغطين على عمرج =)

حتى اول ماقريت ردج رديت اكرر قراءته ، اونه ابي اتأكد اذا كنتي كاتبه
انج حابه تنزيلين كيلوين ولا تزيدين كيلوين ، شكيت بعيوني لول ^^"

وربي ييسرلج أمورج كلها اختي ..

باجي يوم

وإلأا 24 ساعة

انا طلعلي 33 لول

اخيرا سويت مال فحص الدم
من متى اقول بسير بس الدوام مب عاطني فرصة

هالاسبوعين عندي دوام ليل و تفرغت لأشغالي الخاصة الصبح

في انتظار النتيجه

إن شاء الله خير ذنيني ..

~ِْ

ذنيـني :~

ســـلآآمي عليـكـ [طبيـب العيـون]
لوول^_^ ,, شـد حييلكـ ,وإذآ
حــاب انـي اعطيـكـ اسـم الحبـوب , تـرآهـآ
وآيـد زينـه , ونصيـحه منـي جربهـآ , دآم انـكـ جربـت
كـل شـي عسـب تظـعف P: ,,

وانـآ عـن نفسسـي مسستعيـله ابـى ارد البـلآآد
بـس للآسسـف مـآشي حجـوزآآت :(
ادعـولي ارد قبـل 10-8 ابـى اشـد حييلـي قبـل رمضـآن :(

احـس فـ رمضـآن مـآشي فـآيدة من الـدآآيت قد مـآ سوينـآ وتعبنـآ


لـي عـوده
دهـن العـود


~ِْ

صرطت حبوب لين ما قلت بس لول
كنت اسير عند د نيوترشن و اخذ الحبوب مالهم
ميجا دايت و سوبر بيرنر

و في الجم جربت اكثر من نوع من الفات بيرنر
الحين ان شاء الله يفيد موضوع فحص الدم وياي
قريت اكثر من مره الصلة العجيبه بين فئة الدم و نوعية الاكل المناسبة
و كيف انه الاكل يتفاعل بطرق مختلفه بين شخص و شخص

~ِْ

سبححـآن اللـه ,,
تـوني اعــرف سـآلفة الفحـص .!!

اللـه يوفقـك ان شـآء اللـه , خبرنـآ شـو بيستـوي
ويـآكـ




~ِْ

أخوي ذنيني ، أحس ما يباله كل هذا ^^"

بس لا تستعيل النتايج ..

على فكره نزلت كيلو ما شاء الله لول ^^"
ماقدرت أستحمل ، جان أوزن عمري اليوم !

يالله عقبال ما أنزل كيلوين زياده ، وفوقهم بعد كيلوين ،
وابـ جي بوصل للوزن اللي بخاطري ..!

,

حاليا متشدده أكثر غصبا علي مب بكيفي بما إني مرتبطه ابـ شي ،
زين جي لمن تلقون شي يحثكم ويحمسكم عشان توصلون للي تبونه ..

خففت وايد من سالفة الـ "خرابيط" ، حتى لمن نسير مثلا كوفي شوب
ما آخذ راحتي ، أطلب لي مثلا عصير برتقال ومعاه عادي شي خفيف ،
بمعنى ثاني ، ما أحرم نفسي بالمره بعد ..

ما قمت آكل حلويات مثل أول ، وأحاول ألجأ لأشيا تسدني وتغنيني ،
مثلا إني أشرب ماي أكثر + شريتلي حليب اكتيفيا أمس وتوني شربته وكملته غصب ^^"
+ خذتلي من هالحلويات مال المص ، اللي يكونون شكر فري ، جي القوطي احمر بنكهة الفراولة
"مثلثات صغيره منقطه " .. + اشرب شاي اخضر مره باليوم جي الفليل بحدود الساعه 12 ،
وابـ نفس الوقت الحمدلله امشي واسو رياضه خفيفه بشكل ممكن نقول عنه يومي ..

+ اتغدا واتعشى مثل أول ..

وووو للحين ماعرف أتريق عدل ، اللهم اذا باكل تفاحه ولا موزه ،
+ واااااايد احب التمر والرطب ، بس الحين الجأ له كـ تعويض عن السكريات الثانيه
بس ما آخذ راحتي فيه مثل قبل ، كنت عادي آكل فوق العشر حبات لول ^^"
الحين لا بس 7 ، وحلو جي تحسون عماركم خفاف ، ومرات أحس بيوع بس ما آكل شي ،
لأني كنت معوده نفسي كل شوي آكل شي ، وبالمقابل أكلي الأساسي ضعيف !

وهيك يعني ، بس قلت أعطيكم فكره يمكن أشجع أحد =]

~

أنامل كلامج بيشجعني أنا للمره الثانية، مب تراني قلت بحط لي وقت محدد وأنزل كم كيلو

لنفرض قلت لين 15/8 أبغي أنزل 3 كيلو فأحاول إني فعلا أنزل

أما عن الشاي الأخضر فأشربه مره وأودر أسبوع ... :ohboy:

^ باذن الله بتنزل ، بس للمره المليون ، حااااااااااول تصير صحي أكثر ،
وبعدين عن الشاي الأخضر ، ليش ماتشربه عالأقل يوم اي ويوم لا ..!

المهم انك كل شي تفكر فيه تاخذه من باب إن هذا صحي وهذا العكس ،
ما تحرم نفسك بالمره ، وابـ نفس الوقت تأدي حق جسمك عليك بإنك تلتزم أكثر بالأشيا اللي ما تضرك ..

+ نسيت شي مهم ، المشروبات الغازيه !
قبل كنت اشربه بزياده ، الحين جان بشرب أقل من نص قلاص ..

والله بتحس إنك خفيف ونشيط وصحي ومرتااااح جسديا ..

,

لا تخلينا نرد نسألك فتقولنا ماشي تغيير ،
ترى بنسلط عليك أخوانا ، خطاب من صوب وذنيني من صوب :fa38: ..

مو بالضروره تكون نازل خمس كيلو ،
بس عالأقل تكون حاس بإنك صرت مرتاح أكثر :smile: ..

لالا لا

أنامل عني أنا ما أشرب ( مشروبات غازية ) نادر إذا سفن آب والحين ودرته بعد :m_9admah:

زين شو رايج نحدد وقت أنا اوأنتي ونقول لين تاريخ 5/8 ننزل نص كيلو ونشوف ، هنيه التحدي بيكون غييييير :devil:

وعقب ناخذ 5 أيام غيرهم وننزل نص كيلو بعد :woot:

لأنه لو قلنا كيلو عقب 10 أيام بنشوف هالأيام بعيده ويمكن نتكاسل .. :m_atmasha:

وإلا تعتقدين نص كيلو مالتج غير عن نص كيلو مالتي :fa56:

^ لول يايه بقول بعد ، زين انك قلتها روحك بالأخير ههه ..

اذا كنت اخوي صاحب وزن زايد فأكيد بيختلف :fa46: :fa46: :fa46: ..!

,

اذا تبي تحدد تاريخ فما يخالف ،
بس أكيد حاجتك بتختلف عن حاجتي ،
والسرعه كذلك ، عالأغلب كلما كان الشخص أمتن
كل ما كانت مقدرته على انه يخسر أسرع > وهذا بيكون لصالحك ،
إذا كنت يعني جي فيك صحه زايده ..

اممم انزين ، بما اني اوريدي نزلت كيلو ،
فـ بنوي أنزل بعد كيلو إلين 5 / 8 ..!

ولا تتعامل بالنص كيلو ، خلنا نمشي على كيلو كيلو :14: ..