مــجـــلـــس الـــســـيــارات

مافي مواضيع يديده وماشي حركة في الواحات، قلنا نفجر قنبله هنيه عشان الكل يصحى :bash:


وخلنا نتكلم عن سيارات الرنج روفر بانواعها :thumbup1:


الرنج العادي HSE و الاسبورت واللي عنده معلومات لايبخل علينا ويظهر اللي عنده :k_devil2:



نخلي موضوع سعر الموتر بعد البيع ونتكلم عن الناس اللي جربوا استخدام الرنج ولكن مايكملون الموتر

فهم مابيحسون بعيوبها كثر اللي عنده هالموتر ومع هذا بقولكم في حد يمدحه حيل وحد يذمه حيل :fa46:

والبعض يقول عيب الرنج في الدفريشن وحد يقول إنه القير يحر في موديل السوبر جارج :pullhair: ياليت الاخوان يفيدونا

السلام عليكم، لدي استفسار

وحده ماخذه استيشن من البريمي، و الحين تبي تدخل الموتر تجييك الـ 1000 كيلو
الفطيم قالوا لها مش عدنا، روحي دينا ترييد ؟ اللي أعرفه انه عادي يجيكون السياره
شو هالمنكر بعد، و متردده تاخذ السياره لـ دينا و الا لأ ؟

^ خليها تاخذها لـ دينا تريد وقاطعوا الفطيم للأبد .. خلو سياراته تصدي ^__^

دينا تريد هي وكالة ثانية للسيارات إلي موردها سعود بهوان " وكيل تويوتا في عمان " ويستقبل السيارت وارد أمريكا بعد بعكس الفطيم .. وخدمته أسرع وأرخص ..

يزاك الله خير هيثم
بخبرها ان شاء الله، مشكور عـ التوضيح

العفووو مزن .. افا عليج ..

وجان تبا تتريانا يمكن ندخل الأف جي تجييك الـ 1000 كيلو يوم الأحد ^___^ لول

هههههه لا كلش ما يحتاي، ما تقصر أخوي !
بالبركه عليكم الـ FJ ربي يعطيكم خيرها و يكفيكم شرها

عندنا لكزس LX570 ونبغي نبدلها بموتر ثاني ومحتارين بين لكزس LS460 و أودي Q7

طبعا مافيه وجه مقارنه أوربي وياباني ، فورييل وصالون

لأنه وايدين ذموا الأودي بالرغم إنه الشكل اليديد احلى من قبل بس مادري عن الشغلات الثانيه ، اما اللكزس يذمون البريك والبدي !

570 جيه تبدلونها ؟!! Q7 اللي أعرفه انه قطع غيار الاودي نار و الفورويل اشوف شكلها مو حلو ابد
اذا الصالون نفس سيارة أخوي خيال الحب هيه جميله السياره :heart:

LS460
اللكزس ما عليها غبار، بس انت شو تقصد عن البدي و البريك ؟ يمكن تطري البدي انه خفيف ؟
فضيعه السياره :fa41: إذا قدرت باجر بصور لك السياره من داخل
ثبااااات ثبات السياره فـ الشارع اسرتني هالسياره من أول نظره
لكزس عيبها انها يابانيه =)

مزن لأنه اللي بتسوق الموتر حرمه وهي ماتبغي لكزس فورييل ، وثاني شي سرنا الوكاله وشفنا لكزس ال اس وشي منها نوعين

الأودي قطع غيارها نار ، بس أظن إنه عليها عرض كونتراكت مثل البي أم بس ما سألنا بعدنا

شو رايكم بالكايين اليديد او عن الكايين عامه ؟

محد مدح لي الكايين بشكل عام ، لكن مادري عن مستوى الموتر إذا تبغي بسأل لك

وشي ثاني التشيكات غاليه يمكن تعرف هذا الشي كونه موتر ألماني

ثانكس حبوب

إذا سوينا مقارنة بين الجمس سييرا دينالي والشفروليه أفالانش ..

شو الأفضل من ناحية الشكل والاستخدام والراحة والاستخدام اليومي بشكل عام ..
يعني سيرة الدوام والحواطة والمناسبات .. ؟

مع العلم إنه من ناحية القوة أكيد السييرا دينالي ..
لكن أنا اطري الاشياء الثانية ..

الصامت لاتستعيل شو بتاخذ لك والله يوفقك


الهيثم كلهم حلوات وأفالانش لها هيبه بعد ..

اما حق المناسبات كيف يعني ؟؟؟ اعتقد الدينالي لأنه تخيل حاضر مؤتمر وإلا حفلة زواج بالبك اب ..

وننتظر راي البقيه

ناوي على وحده ؟؟


...

من ايام متصلين بي وكالة متسوبيشي حشروني يبوني آخذ باجيرو اونه مسوين عروض، وقلت لهم إني عزمت آخذ رنج روفر ، لو قلت لهم اشتريت سياره يديده

من ايام ابرك، لأنه صدعوني ... اليارحه 5 مس كووول واليوم ردوا يتصلون وقلت لهم شو العروض ؟؟؟؟ قالوا انته تعال ولايهمك

وسعر 3 ابوب نفس اللي في الصوره

http://uaesm.maktoob.com/up/uploads/85fbcbd900.jpg

بالنسبه لرقم واحد مكينتها 3.8 وفول اوبشن ، يعني سيتات جلد ، فتحه ، ليتات زينون ، سنسرات ...

أما رقم 2 مكينتها 3.5

يعني بالنسبه للموديل الجديم رقم 2 مكينتها 3.0

بالنسبه للاسعار

رقم واحد 111 ألف ورقم 2 93000

هيثم طبعا السييرا دينالي و بدون مقارنه بعد
اول شي الدينالي بيك اب بحجم كامل
ثاني شي مكينته اقوى و شكله اجمل بوااايد

ثالث شي مع احترامي لـ اصحاب الافلانش, لكنه موتر فاشل بكل معنى الكلمه, ما تقدر تستعمله كـ بيك اب ولا هو موتر عادي
يعني يا تاخذلك يوكن او تاهو
او تاخذ سييرا

هالفئة وجودها ماله معنى

الافلانش .. محاوله فاشله لتقليد الإسكاليد EXT !!!!!!!

مب هني المشكلة
المشكلة انه الكاديلاك EXT هي الي تقليد عن الافلانش مش العكس

السيارة زينه, ما اقول انها مب زينه
بس الي اقصده هو انه هالسيارة لا هي بيك اب ولا هي سيارة فورويل كامله
بالمختصر سيارة فئتها غبية و الكاديلاك حالها مب افضل
اتم في نفس الفئة :k_icon28:

:pullhair:

البك اب طاحت موضته خلاص
بس كل شتا ترد موضته


الواحد يا ياخذله موتر فوريل عدل ولا صالون
الا اذا الواحد بيزاته زايده ممكن ياخذ بيك اب موتر ثاني
:yes:

ناصر ..
اللي انا اقوله انه الموتر مثلا الـEXT ما ينفع بر .. موتر شكل للشارع وستايل ..
الإفلانش .. لا هو شكل وبتتقبله ولا هو حق بر عشان اتكسره ^_^!!

انا اشوف الفورد اليديد Raptor ... فنان حق محبي البر .. والتكسير .. لأنه مسواي حق هالشيء

http://weblog.signonsandiego.com/web...ordRaptor2.jpg

اما اني آخذ موتر اكسره في البر وارد نهار ثاني اسير به الدوام .. فها ما يستوي ..
يعني موتر .. يلعب دورين ما ينفع ..

ليش ما يستوي الموتر يلعب دورين !!
الموتر الي ما بيخدمني عدل ليش اخذه ؟؟

انا اشوف اخويه .. >_<"
عنده نيسان .. يسير به البر .. ويكسره .. يرد البيت خربان ..
يمر ياخذ موتري يسير به الدوام .. لين يصلحون موتره !!!!!!!!

زين اني امخلي اللومينا سبير ولا جان اتبهدل ..

وكل ما ايسير .. على هالحاله ..
قبل كان عندي نيسان جديم حق التعرعير في البر وبعته ليتني خليته حقه .. !!!!!!
احين انا موتري حق دوام ورحلات شارع ما ينزل رمله .. ولا يحلمون انزله ..

افكر انفد اللومينا هالصيف .. وازيد شويه وآخذ لي نيسان مستعمل .. ارتبه بس حق رحلات البر والتكسير .. بحيث انه الكاديلاك يكون مرتب حق الدوام .. ^_^!!

شو رايك تفكير سليم .. صح

اقتباس:

---

المشاركة الأصلية كتبت بواسطة مايهزك ريح

انا اشوف اخويه .. >_<"
عنده نيسان .. يسير به البر .. ويكسره .. يرد البيت خربان ..
يمر ياخذ موتري يسير به الدوام .. لين يصلحون موتره !!!!!!!!

زين اني امخلي اللومينا سبير ولا جان اتبهدل ..

وكل ما ايسير .. على هالحاله ..
قبل كان عندي نيسان جديم حق التعرعير في البر وبعته ليتني خليته حقه .. !!!!!!
احين انا موتري حق دوام ورحلات شارع ما ينزل رمله .. ولا يحلمون انزله ..

افكر انفد اللومينا هالصيف .. وازيد شويه وآخذ لي نيسان مستعمل .. ارتبه بس حق رحلات البر والتكسير .. بحيث انه الكاديلاك يكون مرتب حق الدوام .. ^_^!!

شو رايك تفكير سليم .. صح

---

ليش ما تشتري بدي نيسان و تركب مكينة اللومينا عليه و ترتبه حق البر
:icon_rr:

^

فكرتك تنفع اذا حصلت موتر جديم للبيع .. :smile2:
بتطلع ارخص لي من اني ازود مكينته الأصليه ( هيدر .. فلتر K&N الخ ) اللي اصلا بتكون منتهيه .. :fa44:


بس اذا كان يديد .. معناته اعدله اوفر لي من تبديل مكينته .... :k_devil2:

ولا انته شورايك :10:


مع انه الفورد اللي حاط صورته فوق .. داخل خاطري .. بس ما ينزل إلا طلبيه وسعره 210 آلاف .. وبيفكني من الصدعه بس ضيج للرحلات ..هاي مشكلته !

مايد الفورد هذا باخذه و بكسره تكسير فالبر و برد بغسله و بكشخبه في شارع جميرا و شرط اني اغطي على سيارات سعرها ضعفين سعر الفورد
و ثاني يوم بسيربه الدوام

و نفس الكلام ينطبق على النيسان و الستيشن و هالسيايير
بتوديها البر و بتلعن والديها و بترد بتغسلها و بتحاوطبها و كأن شيء لم يكن

احس ما يخصه انه الواحد يكون عنده سيارة للبر و سيارة للكشخه و سيارة للريس و سيارة للمشاوير الصغيرة
في سيارات تسوي كل هالاشياء مره وحده

و غير هذا, مب لازم الواحد يكسر سيارته يوم يدش البر, الواحد يقدر يستانس من غير تكسير

ساعات اتنه ما تكون ساير اتكسره ..
but accident can happen
وفي اي لحظه .. يعني مثال مكان انا دايما اطوفه مسرع .. حايم كمن حدبه وطايح ومكمل ما استوى شي ..
المره اللي عقبها نفس المكان .. مشيت بسرعه اقل .. دعمت الحدبه وفتيت ويه الموتر .. كيف لا تسألني ..

ومره واحد ويانا عينه سجبه ما تم حد من الجماعه اللي يمشون وينا إلا واستوابه شي ..اللي كاسر دفريشن واللي انفجر تاير موتره طلع من الدبه ( هذا لوما شفته بعيوني ما كنت بصدق )
وغيره وغيره..

عشان جيه لازم ايكون عندي موتر اسبير .. انا هذا اللي اقصده ..
ومب لازم ايكونون موترين واحد يكفي يا انا يا اخويه ..
مع انه مره الموترين اختربن في نفس الوقت .. خليته هو يأجر له موتر .. >> نذاله

وجيه يعني .. وشو اخباركم بعد ^_^!!

اشوف اللاند واللكزس ال اكس منتشرين بشكل رهيب هاليومين، عاد ماندريبهم حق رزة الشارع وإلا حق طلعات البر ( وإلا both of them )

الاجانب احسن عنا مايهزك ريح ماشي حسد ولا غيره ، كل واحد عنده رنج وإلا اكس فايف ، العرب مادري شو بلاهم يوم بتطلع موتر تموا يسألون وايد

حتى لو يعرفون سعره في الوكاله ، يسألونك كم كلفك !

والله نحن بخير و عافية
علومك ^ـ^

السلام عليكم

اشحالكم ؟

هاليومين لاحظت انتشار سيارتين بشكل كبير بين الشباب والبنات واكيد تبون تعرفون شو هن السيارتين ..!!!


:police:




أول شي مرسيدس جي كلاس ،، الشباب يسوقونها بالهبل، هي سياره رزه الصراحه ، بس جربيتها تف نوعا ما ، يعني مب مريحه لكن مادري عن آخر موديل



:ohboy:




ثاني موتر في كل سكه أشوف البنات يسوقن رنج سبورت ، ومن غير مخفي ( مايخصنا ، حم ) بس العيون تمل شوفتها


:a018:

انا عن نفسي عقب تجربتي للأمريكي ما أفضل غيره ..

وياك يا ناصر إن الدينالي شكله غيير ومتعدد الاستخدامات .. وبالعكس البيكب موضته حلوة أشوفها ..
بس بعد إن شاء الله إذا نويت على سيارة يديدة ما بتعدى فئة السيارات الأمريكية 8 سلندر
سواء تاهو أو اسكاليد أو البيكب ..
اليوكن شكله ما يعيبني .. لكن الدينالي له هيبته

جربت النيسان والاستيشن والأف جي والبرادو ..
الاستيشن أفضلهم ، لكن سعره غالي بالمقارنة مع الأمريكي
والأف جي والبرادو والنيسان - لكم الحكم .. بعد تجربة الأمريكي .. ما شي مقارنة .. ثبات هالسيارات لا يقارن بالأمريكي ع الخط

والنيسان اليديد .. سعره مبالغ فيه جدا رغم إن مواصفاته حلوة .. لكن ما بحط هالبيزات على نيسان ..
وجهة نظري ..

ويا مرحبا بكم

أبوي يقولي خذي رنج :d010:
مش مقتنعه بالسياره، اقوله انزين لكزس ابّاه
قالي مادري سألي عمج، انزين نيسان :whistling:
بعد لأ، فاهمين الموضوع غلط صدقوني انا اللي بسوق مش أنتوا :ohboy:

أبي فورويل و يكون مقتنع فيها أبوي و أنا اقتنع فيها

قريت رد الياه فالموضوع هاكي انه شكل الرنج راح يتغير بعد سنه و شوي
اللكزس و النيسان عايبيني بس متردده
كل حد بيقول أكيد اللكزس

عايبتني البورش بس مشكلتها صغيره :fa45: بانميرا و حد قال انه سواقتي دفشه يومين و بكسرها
يمدحون البورش فـ الشارع :alien:

أقعد عـ الكامري متحملتني و تراني أحاول أسوقها و اتحملها

مزن قبل كل شي كم الميزانيه ؟؟؟

وبعدين إذا تبين فورييل ويل ياباني وإلا أوربي ؟؟

شوفي إذا كاديلاك اس ار اكس بتعيبج، لكن ماعندي فكره عن سعرها

يمكن الجماعه يفيدونج ، محبين الامريكي

http://www.resim-tr.com/data/media/5...image_1785.jpg

ابي سياره اقتنع فيها، السعر ما راح نختلف عليه
أنا بنت فـ ما اهتم لـ امريكي و الا ياباني و الا اوروبي، سياره احطها فـ الـ D و اسوقها

واصلني عـ البلاك بيري اليوم، انه أكو عيب بالنيسان اليديده
مدري اذا السالفه صج ؟!

حد ممكن يفيدنا

كل السيارات بتحصلين لها عيب بغض النظر عن اي شركة

أحيانا تكون موديل معين وكمية من السيارات لها عيوب في البريك او ماشابه ذلك

إذا تميتي جيه مابتشترين اي سياره

استخيري وشوفي على شو بترسين

عيب النيسان يكون صوت شرا الصفاره .. يطلع جدام و يكون صوب التاير اليسار .. الصوت عالي و مزعج .. يعدلون الموتر و يرد يطلع مره ثانيه

العيب موجود بس في نيسان 2010 ؟

على حسب فهمي لكلامك نفس الصوت يظهر بموتر أختي، بس أختي عدها 2009
نفس الشي الصوت من التاير صوب اليسار شرى الصفاره


شكرا

اقتباس:

---

المشاركة الأصلية كتبت بواسطة مزن هتان

العيب موجود بس في نيسان 2010 ؟

على حسب فهمي لكلامك نفس الصوت يظهر بموتر أختي، بس أختي عدها 2009
نفس الشي الصوت من التاير صوب اليسار شرى الصفاره


شكرا

---

ما ادري اذا الفتك فيه هالمشكله ولا لا .. بس النيسان اليديد فيه هالمشكله لاني اعرف كذا واحد و كلهم يتشكون منه ...

مزن على شو استقريتي ؟

سيارتي كلها كربون شو الحل غير إني ادعس بها ؟

مرحبا مروان .. انا يوم احس انها مكربنه اقبضها خط في الويكند واترد ما شي احلى منها ^_^!!

يعني يبالها خط ، خلاص ابشر في الويك اند