الي يبا يضعــف يدخل هنــــي الحيين

انا ابدل بين الجهازين كل جهاز اتم عليه 30 دقيقه عشان ما أمل ..
وعلى حسب ساعات اسوي 45 دقيقه اقسمها على الجهازين وساعات اتم اكثر !
بس انا مخفف من الأكل .. عشان ارتب جسمي .. وانزل وزني !
وفي نفس الوقت ما اظغط على عمري عشان ما اطفر واودر كل شي .. ^_^

أخس شي يوم تضغط على عمرك ..

أنا ضاربني ألم في ريلي كاره عيشتي الحين ، ما روم أيلس شرا الاوادم .. من كم يوم الحين ، بس كنت مقاوم وأسير أمشي
بس الحين قررت إني أريح ريلي وما أمشي عليها مشي رياضة ، يمكن يخف الألم ..

هالأيام اسير المولات وامشي، للحين طبعا ماشي نتيجه ...

ضعفانه بس من غير ما ينزل وزني !

يمكن مريضة لا سمح الله ( يا خي قل خيرا او أصمتا )

^ اول ما شفت التعليق فجيت عيوني / تنحت لول
بسم الله علينا وعليكم ، لا ماشي غير نقص الحديد ولله الحمد !


بس شو (أصمتا) هذي ، دورت عليها بالمعجم مالقيتها ..!

من منكم بيخليني انزل 4 كيلو خلال عشر ايام ؟

وكيف - صدق ابغي تشجيع

^ شوف بالأول شنو اهي الأشيا "الغير صحية عندك" وحاول تغيرها قبل ،
سواء كان بالأكل ولا انك مثلا قليل ماتتحرك ومن هالأشيا ..

واذا ملزم تنزل 4 كيلو بـ هالفتره ، فـ اممم تقدر إذا صدق محتاج وحاب انك تنزل ،
خفف من الأكلات اللي تمتن وكثر من سوالف السلط + كثر من الماي ،
واعصر لك لومي يوميا ، ومن الصوب الثاني تحرك وايد ، اركب وانزل من السلالم ،
مشي وركض لـ ساعه على الأقل ، وهيك ~ ..!

آمين يا رب .. اشربي حليب طازج بشكل يومي ..

( اصمتا ) :: هاي كلمة طلعت نتيجة الحماس الزايد والرغبة الشديدة في تقطيع عضوة اول حرف من اسمها " أنامل قلب " .. ^__^

شوفي أنامل انا كنت بين فتره والثانيه أمشي :m_atmasha: لكن من الحر وقفت المشي، في خيار ثاني اللي هو انظم لنادي

رياضي :m_9admah: وانا ما احب هالشغلات، ولا أحب موضوع الأجهزة في البيت ... :3:





وعن الدري، أحاول في الدوام استخدم الدري بدل اللفت .. :m_ma9dom:

الماي حطيت موضوع عنه ولا قمت أشرب، بس الحين جدامي غرشه بشلها ويايه الدوام بمزرها يوميا هناك عسب

اشربها كلها .... 750 ام ال ( وإلا حتاي اشرب اكثر ) ؟؟ :look:

قمت وايد اخربط في الحلويات والسناك ... :blush:

لازززززززززززم انزل 4 كيلو على الاقل خلال هالفتره .... ولو حد يسألني يكون احسن عسب استحي من عمري :a116:

المزوحي اتحمل عن الدري ، بييب لك آلام في الركب عقب فترة ..

أخوي خطاب ، ما أحب الحليب الطازج ، بس بجرب !
وانزيييــــــــــن :fa38: ..

,

أخوي المزوحي ، مستحيل ماتكون قادر تمارس ولو نوع واحد من الرياضه اللي تفيدك ،
لا تفكر وايد بالعوائق ، فكر بالحلول وشلون انك تبغي توصل لشي معين ..

كثر مثلا ما يحبون الرياضه أساسا ، لكن هل هذا سبب مقنع في عدم ممارسة الرياضه !
أكيد لا ، لأن الرياضه اهني ماهي شغله تريدها ، اهي شغله تحتاجها { صحيا ،
بغض النظر إن كنت صاحب وزن زايد ولا وزن طبيعي ..

فـ حاول انك تضغط على عمرك بالبداية ، وعقب بتصير الأمور عندك كـ عاده ،
مابقدر أنفعك كثرك لأنك أعلم بنظام غذائك ويومك وما إلى ذلك ..

بس برد أسألك وبشوف شو بديت تسو ، ويالله لا تفضح عمرك وتبين شخص ما يملك إراده ، بس كلام !

,

ها شجعتك ولا بعده :whistling: !

حطمتيـه .. ! .. ها تشجيييع !! لول

خــّطاب .. اولردي ركبتي تعورني وماكنت اقدر استخدم الدري، لكن قلت خلني أتجاهل الألم .. :a018:

أنامل أكيد تشجعت، لكن انا احب رياضة المشي وااااااايد ... بس مثل ما قلت أول ، عسب الجو ما يشجع وبس .. :woot:

حاسب يا ريال ، أخس شي الركبة ، والله آلامها فظييعة .. ولا تشد على عمرك وايد .. والدري معرووف إنه يأثر على الركبة بشكل سلبي .. نصيحة ، اسأل مجرب ..

امبلا تشجيع ، وماعليك /
يباله أحد يقبضه ويشد عليه إلين يوصل للشغله اللي يبيها ..

مع اني بصراحه أحس الريايل عادي يكونون عشر كيلو فوق طولهم ، من غير الـ 100 طبعا ^^"
يعني اللي طوله مثلا 160 ، عادي يكون وزنه 70 !!

بس بالنهايه السالفه تعتمد عالشخص اهو بأي وزن حاب يكون ..

,

أخوي المزوحي ، دامك تحب المشي فامشي وماعليك ،
أدري حر / بس انت اخترت هالخيار بما إنك مب حاب تسجل بنادي ،
ولا حاب إنك اتيب جهاز المشي مثلا عالبيت !

تصرف ، بـ تاريخ 23 بسألك إذا كنت نزلت ولا ؟!؟!

خــّطاب لا تحاتي وما بضغط على عمري من هالناحية .. وتسلم على النصيحة
أنامل ... بس تعرفين الوزن يكون في العظم، بس تعرفين سالفة الكرشة والارداف مب شي ... من يلسة الكمبيوتر
بعد ... والجينزات قامت ماتدخل ... في تحدي بيني وبين الجينز ... مب حلو ترى يوم الجسم يخترب
تصرف ، بـ تاريخ 23 بسألك إذا كنت نزلت ولا ؟!؟!
يااااااااااااااااااخ الجمله صدق أثرت فيني وإن شاء الله تأثر في الوزن :k_icon9:

أنامل تراني أبغي اعترف، إني بعدني مانزلت، وما باجي شي، بس احس اليوم احسن عن اليومين اللي طافوا

وقفت الحلويات والكوفي والخرابيط .... أحاول اتحرك وايد في الدوام ... شكلي نزلت 50 غرام بس

لا طبيعي إنك ماتنزل سيده بأول يومين ، بس اللي تبذله بهاليومين بيأثرون أكيد عاللي ياي ،
ويالله لا تهمل بعمرك ، زين انك بديت ابـ أشيا وكمل عليهم إلين تلقى مرادك باذن الله ..

بس حاول انك تواظب عالمشي ..

المزوحي عندنا واحد في الدوام اشتغل و هو ساكت
كان يتريق ويانا, من يرد البيت يحط راسه و يرقد
ينش العصر يسير يسوي رياضة و عقب المغرب يتعشى شي خفيف ما يتعدى سلطة او فواكه

تصور انه نزل من 109 الى 82
بس كان يمشي مشششي يوميا !
ساعتين متواصلات

بس وصل للي يباه

انا وايد عليه نزلت 4 كيلو بس !
مخفف الأكل ورياضه خفيفه .. بس احسن من ماشي .. ^_^

ذنيني أكيد المشي له مفعول، وأنا من النوع اللي يحب رياضة المشي، ما أحب التزم بنادي رياضي ولا

ألعب على أجهزة في البيت ... ولأنه الدنيا حر ما قمت أمشي ... ومن يومين وقفت كل سوالف (سناك .. الخ)

بس لو كنت أمشي بيأثر أسرع ... وفي الدوام كل شويه اتحرك ...



مايهزك ريح ... زين ماشاء الله .. خطوة حلوة ...

أنا الله يعييييني ، عندي زيااادة عن المعدل الطبيعي بشكل ملحوظ ..
وهالفترة ما شاء الله عليهم في البيت دوم أكلات دسمة ، وأنا ما روم أقااوم لول
وثلاث أسابيع الجبس كان في ريلي كان له تأثير قوي علي ، وأدى إلى زيادة الوزن بشكل مب طبيعي بحكم إنه حركتي كانت قليلة ..

اتريا إن شاء الله ريولي ترجع طبيعية .. وأقدر أمارس الرياضة عشان أخف وزني وارجع مثل ما كنت

ذنيني // ما شاء الله عليه ربيعك ، بصراحة إرادته قوية ، وأحسن شي سواه إنه ما يكثر وقت العشا .. وياكل شي خفيف ..

خــّطاب الله يشفيك وتقدر تمارس الرياضة ... هذا اللي اقصده يوم ماشي حركه، وناكل اي شي يزيد الوزن

مب شرط نقارن عمرنا باللي وزنه اكثر منا ونقول نحن ضعاف .. بس الواحد لو هد عمره عقب مابيقدر بسهوله ينزل

معاناه ..

آمين يا رب .. بالضبط يا خي ، أصلا يوم الوزن يزيد تحس بتعب وما ترتااح ..

مشكلتنا في الأكل مرواان ، ما شي نظام .. شعارنا " كل ما تشتهي بقدر ما تشتهي "

ما شاء الله ع الشباب يوم يحطون شي ابالهم يوصلون له
ولد خالي يالله شلون ضعف !!

و أنا لا جديد يذكر تركت المشي صار لي فتره
نزلت كيلو و شوي امممم

مزن شدي حيلج الحين دام إنه في حماس من صوبي وصوب خطاّاب

ماشاءالله عليـكم ،،

آنـا آلحمدالله نـزلت 2 كيـلو ،، اففف بس تعبت مب راضي ينزل يا أني انزل ها2 كيلو او ارد ازيدهن ،،
والحينه الحمدالله اسوي ايروبيـك تهد الحيـل ،، تقريبا 3 مرات اسبوعيا وساعه وحده ،،،

ومااقولكم واجذب عليكم اني امشي على نظام غذائي محدد ،، بس احاول امنع عمريه من الحلويات والغازيات الحمدالله
قد مااقدر ماااشربهن ،، والبااقي احاااول امنع عمريه كثر ماااروم ،،

صح ومن فترة كنت رايحه عند دكتورة ،، قالتلي جسمج صعب يفقد الوزن ويحرق الدهون ،، فـ عطتني حبوب تساعد ع حرق الدهون وياالرياضه وللحين ماوزنت من اسبوعين ،، بتريا بعد اسبوعين وبخبركم بالنتااايج وان شاااااااااااءالله يكون منه فايده هالرياضه والحبوب :)

^ رياضة الايروبيك صدق تنفع ، وحلوه / ترومين تسوينها وانتي مجابله أي شي !
بس يبالج تصبرين ، والأثر اذا مابان عليج من البداية بيظهر عقب ، لأن في ناس جي الأثر يظهر عليهم متأخر ،
+ نظام الغذا لا تقيدين نفسج فيه بزياده من مبدأ انج ناوية تخسرين وزن ، لكن غيريه بشكل يسير
من مبدأ إنج حابه تكونين صحية أكثر ، وشوي شوي بتتأقليم أكثر وأكثر =)

وبعدين عن السرعه ، اللي اعرفه عالأغلب إن كل ماكان الوزن فوق الحد الطبيعي أكثر ، كلما خسرو أكثر واسرع ،
+ كلن حسب جسمه ، فزين انج رايحه عند دكتوره ، بس حاولي تسئلين عن الحبوب أكثر ..

,

أخوي المزوحي ، تم لك اسبوع !

دمعة شوق // مجبورة تاخذين حبوب .. !

دمعة شوق ما يحتاي الحبوب، لو تشربين جاهي اخضر ..

أنامل .. حممم ماعرف شو أسوي ... تراني أسوي مثل دمعة شوق حاليا

أنامل قلب
على طاري انه يبين التاثير تخيلي انا وخواتيه نلعب لانها اتينا البيت ،، ف عقب مالعبنا كلاسين
تقول ختيه احس عمريه ضعفت ،، ضحكت قتلها عنبوووه مسرع ماضعفتي ،، تراه نفسيا ً،، عيل انا
اطالع عمريه واقول لا لا صدق ضعفت وانا ما كملت اسبوعين من لعبت و الرجيم لوووول !

بس يبالنا نشد حيلنا عشان صدق ينبااان ،، وانا خاصة يبالي اشد حيلي واايد !
والله يعينا ^^

خطـاب

ياخوك رحتلها مره كل شهر ،، ولاحظت انيه مانزلت غير هثنين كيلو وبعد شهر نفس الشي ارد ازيد هـ 2 كيلو
فـ هي قالت يمكن بتحسين بلوعه بس انا ماحسيت بـشي ،، وماعرف يباليه اتخبر عن هالحبوب معنها قالت لي بس تساعدج تحرقين الدهون يوم بتلعبين رياضه !

المزوحـي

آشـرب الجآآهي الآخضر مرتين يوميا ً
وعن الحبوب مادري والله !

وع فكرة حلوه صورتك الشخصية ^^

شكرا دمعة شوق ... البارحه صمميتها :)

دمعة شوق :: أنا أفضل إنج تبتعدين عن هالسوالف ، ومارسي الرياضة بشكل طبيعي مع تنظيم الأكل ..

---

أنا إن شاء الله ناوي باجر أبدأ في الرياضة ع الخفيف ..
ناوي أمشي على الجهاز عندي في البيت .. مع شوية تمارين بطن
عسب نسيطر ع الوضع وننزل الوززن كم كيلو ...
وبإذن لله ربنا يعينا على الرياضة ..

وعقب شهر بنشوف كم خسرنا ..
دعوااتكم ..

دمـعه :

إلا الحـبوب ، حـاولي تـنزلين وزنج بـ أشيـا طبيـعيه مب " حبوب " لآنـهـا راح تـأثر عـليج ف المسـتقبل


حـاليـاً مـا أريد اضعــف ولا أريــد امتــن ، ولـو ان الرياضه زينه في كل الاحوال مب للضعف بس

لكن ماشي ليـآقه

.

.

~ موفقـين

خــّطاب الله ايسر عليك إن شاء الله، بس تحمل ترد الوزن في رمضان ( وتاكل لقيمات لووول - سوالف )


الله يعيني مابقى شي وين بشرد عنها ( أنامل قلب ) :fa52:


مهابه أمشي على الخفيف ، عسب اللياقه :m_atmasha:

~ِْ

ذنيني /*

مـآ شـآآء اللـه عندنـآ دكتـور نيـوترشن بكبـره هنيـه ^^
يعـطيكـ ألـف عـآفيه اخـوي ع الهمـة والتشـجيع ,, وعسسـآكـ
ع القـوة يـآرب , فـعلآ اشكـركـ ع الحمـآس


اتمـنى ادخـل ويـآكمـ فـ النظـآم لآنـي مـي تـو ابـى اخـس بـس
شـوي ,, بـس انـآ خـآرج البلآآد ,, من ارد ان شـآء اللـه ببدآ ^^

وعـن سسـآلفة الحبـووب ,, مـن كـم شهـر انـآ كنـت بـآدية بحـبوب
تخـسيس ( بالاعشـآب) وآآيـد زيينـه .. وطبعـآآ فـ المححـل الصيدلانيـة
مـوجـوده وقـآلتلي إذآ مـآ فـآدتج اكييـد ما بتـظرج .. وانـآ عـن نفـسي استفـدت
منـهآ بـس تركتهـآ لآنـي كنـت اهلك عمـري فيهـآ .. وان ششـآء اللـه برد لهـآ
ولكـن بـ جـدول منظـم فيـه اكـل , قبـل كنـت اكلهـآ وبـدون مـآ آكـل شي لليـوم الثـآني!!

واكييـد هـذآ شـي غلط , بـس انـآ كنـت انشـغل بـآلدوآم والـدرآسـه


دمعـة :.

وانـآ بـعد يالغـآليه مـوول مـآ نصحج تـآخذين حبـوب .. إلآ إذآ كـآنت اعششـآب , لآنهـآ
عـن تجـربة .. وان شـآء اللـه تستفيـدين .



لـي عـودة
دهـن العـود


~ِْ

هذا الصيف كان تحدي بالنسبة لي


01.06.2009 كان وزني 88

15.07.2009 صار وزني 78

رجيم + تركيز على الرياضة :)

و عقبال ما اوصل 73 .. و هذا الوزن المناسب

و دمتم

والله إنك على بالي اليوم بو شهاب ..
اتذكررت يوم عرس أخو أحمد .. كنا يالسين نسولف ..

ماا شاء الله عليك .. والله كفو عليك ..
عقبالي .. أنا بديت اليوم .. وحسيت براحة نفسية بعد الرياضة ..

بحطلكم الوزن " قبل وبعد " عقب شهر إن شاء الله ..
دعواااتكم