^ وانا من النوع اللي أحب أنوع بالقراءه =]
شكلي بحطه ضمن اللسته ،
في وايد كتب للحين ما كملتهم ،
+ كتب للحين حاطتنهم ابـ بالي ^^"
,
ان شاء الله نتوفق بقراءتهم ،
ويزاج الله خير اختي ^__^ ..
عرض للطباعة
^ وانا من النوع اللي أحب أنوع بالقراءه =]
شكلي بحطه ضمن اللسته ،
في وايد كتب للحين ما كملتهم ،
+ كتب للحين حاطتنهم ابـ بالي ^^"
,
ان شاء الله نتوفق بقراءتهم ،
ويزاج الله خير اختي ^__^ ..
ان شاءالله ^^
وربي يوفقج ويحفظج :)
في كتاب تفسير للدكتور عائض القرني /
ينفع للي محتاجين لتفسير سريع للآيات باختصار ..
يعني من غير الدخول بتفاصيل كتب التفسير الأخرى ،
مجرد ايصال المعنى المباشر لكل آيه ..
عني أنا ، أقرا منه احيانا لمن أحتاج ، واستفيد أكيد ،
بس ما أعتبره كافي ، يعني في شغلات الواحد المفروض يطلع عليها أكثر ..
~ ..
حاليا أقرأ الأطفال من الجنة ...جون غراي
أحب أقرأ لعايض القرني مجهزة لسته بالكتب الي له وما شريتهن
الســلام عليكم ...
اخر ماقريته في هاليومين ..
http://www.aceshowbiz.com/images/news/00015981.jpg
الاسم: The Alchemist
الكاتب: باولو كويلو
أقل كلمة ممكن توصف هالكتاب هي كلمة "روعـة" ...
رواية نتعلم منها وايد اشيا.. مابغي اتكلم عنها .. الي يبغي يعرف عنها يقراها كامله و يكتب رايه :fa42:
http://www.hakeem-sy.com/main/files/...CLZZZZZZZ_.jpg
هالكتاب خذ مني ساعه و شوي تقريبا ... حلو و يعزز الثقه في النفس :icon_rr:
^
لـماح : حمسـتني أقـرأ الكتـآب الأول ، فـ أي مكـتبه بحصله ؟
آخـر كتـاب بديـت أقراه
http://www.khawlaalqazwini.com/Artic...EUUEEESIDB.jpg
تتـكلم الكـاتبه عـن قـصص وايـد ، النجـاح فـ حيـاة النسـاء ، مـواقف ، أمـور ، النجـاح علـى الصعـيد العـملي والشخصـي
والشهـره فـ حيـاه النسـاء ،يعـني مب كـل مشهوره نـاجحه ومـب كل ناجحه مشهـوره
هلا اختي مهابة ..
بتحصلينها في المجرودي ..
تعتبر هالرواية من افضل روايات الأدب العالمي و هي سبب شهرة باولو كويلو .. طبعا للكاتب وايد روايات ثانية مثل 11 دقيقه و غيرهن ...
و هالرواية مترجمة ايضا للغة العربية
مسا الخيراات ،،،
حاليــا بديت اقرا للكاتب السعودي عبده خـــال ،،
صرااحة أنا آخذ وقــت طووويل لين ما اقرا لأشخاص يداد .. يعني لاااازم الكتب تغبــــر ويهزبنــي طويل العمــر عقب اذكر ان عندي كتب ما قريتهــا بعدني :4:
المهم عندي له روايتين .. الطين "قريت جزء وانشغلت عنهــا " وبديت في "مدن تــأكل العشـب " هاليومين ...
بعدني ما كونت صورة واضحة عن أسلوبـه بس بعد اقترحه عليكم ,,, :thumbup1:
روايـــة مــدن تأكــل العشــب ،، http://www.adabwafan.com/content/products/1/2818.jpg
قريت آراء عن روايته "فســوق " ناوية ادورهـــا .. الاسم برووحه يخلي الوااحد :k_icon9: بس لا يروح بالكم بعيد .. اللي فهمته انها عن هيئة الأمر بالمعروف و النهي عن المنكر في السعودية وانهم ما يخلون الناس تعيش حياتها بشكل طبيعي .. كيييييف لا تسألوني بعدني ما قريتهــــا :tongue:
http://www.rclub.ws/blogjet_files/190.gif
قرااءة ممتعـــــة ...................
لماااح
شكلي بسير اشتريلي هالكتااب ..احب هالنوعيه
مهااابه
تنصحيني اقرااا هالكتااب ولا ؟؟
^
هـيه لـيش لا
حـاليـاً اريـد اخذ " للحزن خمس أصـابع " . . .
ثاانكس ..^_^
كتاب التفسير الواضح الميسر ،
لـ الشيخ محمد علي الصابوني ..
بديت اقراه من الآخر ، يعني من سورة الناس ،
وعجبني اسلوبه + افضل اقراه اكثر من كتاب التفسير للشيخ عائض القرني ..
مو استهانة بكتاب الثاني ، بالعكس الاثنين موفيين بكتابهم ،
خاصه للي حابين يقرون التفسير بشكل مبسط ومباشر ..
بس هذا الكتاب عجبني اكثر لانه مختصر
لكن من غير ما يغض عن نقاط اعتبرها مهمه ..
بعدني من كذا يوم بادية فيه ، فما عندي ذيج الخلفية المطلوبة عنه ،
بس لاحظت انه باسلوبه احيانا نوع من الشده لكن بطريقة تخليني :laugh:
فضيحة جدام البنت :fa46: / مثل لمن قال شلون النصارى يعتقدون
"بعقيدة التثليث" [ بإن الثلاثة واحد ، والواحد ثلاثة ، والجنون فنون !! ] لول
,
باختصار ، بعدني بسور جزء عم ، بس حبيته =)
ربي يجازيهم عنا كل خير ..
نسيت اقول شغله مهمه !
اممم حلو الواحد ينوي يقرا تفسير القرآن من خلال هذي الكتب ،
يعني عني انا ، ياما تستوقفني آيات ما افهمها لـ كلمه !
وياما تستوقفني آيات افهمها لكن يطلع فهمي لا علاقة له !
وياما تستوقفني آيات كنت استفهم عندها لجهلي
بالقصد منها او علاقتها بالآية اللي سبقتها وهكذا !
وياما تستوقفني آيات نفهمها ، لكن نجهل القصة من وراءها !
وياما وياما وياما وياما ..!
وياما لمن نقرا التفسير تغمرنا كلمه [ ياللـــــــــــــــه !
,
وانا اتصفح موقع الافتاء استوقفتني كلمه كانت ردا على احد الاسئلة ،
حيث سأل عن سبب عدم حفظ كل الصحابة للقرآن الكريم ،
وكيف كانت الاجابة ، بإن حفظهم يختلف عن حفظنا نحن اليوم للقرآن !
اهي فعلا شغله مافكرت فيها بهذا الشكل إلين قريت هالجلمه ،
يعني شلون انهم ما يتجاوزون الآية إلا واهمه فاهمينها بأحكامها ،
وابـ مقاصدها / يتدبرونها ، وكيف يباشرون بتطبيقها على أنفسهم ..
أكيد مانروم نقارن ، بس عالأقل نحاول نبادر بالبسيط اللي نقدر عليه ،
وشوي شوي بنلاقي أثرها على كل شي آخر ..!
وبس ، سمحولي ادري وايد ارمس :k_special2: ..
هو كتاب التفسير الميسر للصابوني من أفضل كتب التفسير الحديثة ،،
أما من كتب التفسير المفصلة ،، انا افضل تفسير الامام الحافظ بن كثير ،، اسلوبه رائع فالتفسير المفصل ،، واعتقد انه اي مكتبه اسلامية يجب ان تتوفر فيها تفسير بن كثير ،،
من الحين للاخر ،، احب افتح كتاب البداية و النهاية لابن كثير ،، كتاب يشرح بداية الخلق مرور بقصص الانبياء الى ازمنتنا حتى يوم القيامه ،، اسلوب الامام ابن كثير يجذبك ،، فما لقب بشيخ المحدثين من فراغ ،،
أنصح اللي يبا يقرا الكتاب ،، يقراه بتحقيق الشيخ مصطفى العدوي ،، لانه فيه طبعات مختصرة جدا و حاذفين بعض الاحاديث المذكورة و مصادرها ،،
والسلام عليكم ،،
^ امبلا يعيبني كتاب التفسير لابن كثير / عندي كتاب بعنوان [ مختصر تفسير ابن كثير ] 3 مجلدات < اظني اعداد الشيخ الصابوني !
وواحد ثاني باسم [ تفسير القرآن العظيم ] 4 مجلدات كذلك لابن كثير بس مادري اعداد من ، مو مذكره ^^"..
مادري أيهم تقصد ، بس الأول اهو اللي قريت منه "بشكل عشوائي" وعجبني جدا ، أما الثاني فللحين ماقريت منه شي !
وفعلا اسلوبهم جميل وتحس شلون انهم ملمين بالمحتوى + لهم فكر طيب تبارك الرحمن ..
أما بخصوص كتاب البداية والنهاية فـ ماعندي اياه ! / بس يبالي آخذه !
ووووويزاك ربي كل خير أخوي ..