~ بــــرزة الــواحــــات ~

انجــوي أخـويه مايهـزكـ ريــح

الـــواحـــات ميتــه من كــمن يــوم ليــش !

مرحبا مروان ...
رالف لورين هنيه وااايد رخيص ... بس في البلاد غالي !!!
تلقاهن على ٢٠و ٣٠ دولار !!!!


مرحبا اختي طير الغرام ..
الثلج مب مخلنا نطلع مكان .. امسات مسكرين شوارع نيويورك .. ما صدقنا نوصل مدينتنا قبل العاصفه !!!

صح طير الغرام ماشي حياه

مايهزك ريح الله يعينكم .. بس بعد استمتع بشرب الكوفي ؛ يوم مابتقدر تظهر؛ ولا صدعة الدوامات

سلامي عليك يا مايد...

استمتع بهالاجواء الحلوه..

هييييييييييه.. هالمحل اطلب منه... فرعهم البريطاني عنده كولكشن اكبر

-{ مايهزك ريح }-

الله يعينكــم ،، بس أهــم شي إنكــم غيرتــوا جــو

:

-{ المزوحــي }-

من الخــاطر :fa55:

أجوفكــــم ع خيـــر إن شاءالله بعــد خمسة أيام
بـروح ليـوا إن شاءالله ،، انحـلل الأيـام اللي بقـن من الاجـازه [ اجارتيه امطوله بس خواتيه لا ] :whistling:


http://oasis.bindubai.com/bin/upload...742bb416ae.jpg

تروحين وتردين بالسلامه إن شاءالله

عاد صوري لنا شوية نبى نشوف الأجواء كيف هالأيام
:k_smile2:

هي والله .. انا خاطري اعرف شو الاجواْ في هالاماكن

السلام عليكم

حد هنيه :k_special2:

إن شاء الله تنبسطون طير الغرام

شوق القلوب هيه والله ، بس بعد الواحد يغير جو لو أي مكان :a042:

مزن مختفيه هالفترة مالها حس

صح الاسطوري مالها حس !!

وأخيرررااااا باجر الخميس، لكن مايهزك ريح هالمره مابتقول هالكلام، لأنه أولريدي في إجازة، وبالنسبة له الخميس، موعد قرب الدوام

مزن هون =)
حيالله أخوي الاسطوري

مرحبا مزن ، يقولون ضايعه !


اليوم شو ؟؟؟


اليوم الخميس ولاتنسون ترتاحون بالويك اند

عساه ويكند رااحة وسعادة للجميع :)

وانا اقول ليش اليوم سعيد ومرتاح، كل من دعواتج :a068: آميييين دمعة شوق

الحين بخليكم

ونرد لكم عقب :a018:

^
ههه عسى دوم آن شآءالله ،
مزحوم المزوحي هالويكـند ( ربي يوفقه )
~
والجمآعه البآآقيه مختفيين لآآخر حـد !!!
شو مشكلتكم بالضبط ؟!
:/

يتغلوووون دمعه !

المزوووحي ...عساك دوووووم سعيد ومتهني يارب :)

^
شكلهم يتغلون من الخاطر

ويوفقكم يارب، مشكورين دمعة شوق وحلم الطفولة

نحن مانتغلا، بس نغير جو عقب كراف الدوام، وبما إنه ماعندكم مواضيع يديده في الواحات، تخلونا نضطر نبعد عنها ..

شو الاخبار بعد ؟

مرحبا و مسهلا أخوي المزوحي
موجوده مزن، أنتم محد =)


هـالويك اند كنت في الفجيره و رحنا الخور بعد :fa41: صج استانست،
الحمدلله و غيرت جووو

صباح الخير ..

مزن, تنصحينا نروح خورفكان يعني؟

هييه أنصحكم و بشده
بلادهم حلوه :fa41: دايم يجيني شعور انه جوهم نظيف

جوهم أبرد عن دبي بوايد "حلووو"

من 4 اربع اسابيع و أنا أروح بوظبي كل ويكند
جوها شرات دبي يعني ما كان فيه تغيير

هلا مزن، ماشاء الله شي طيب، الحمدلله غيرتوا جو

انا بعد ابغي اغير من الخاطر ،، ابغي اسوي لي مخطط سياحه داخليه

-{ الاسطـوري ،، شـوق القلوب ،، المزوحي }-

تسلمــون والله

والأجـواء رهيبــــــه واااااايـــد والجـــو بااااااااااارد
ولمــة الأهــل بس كــم تســوى ،، وبــعد ما ننسـى الدراجــات هههه يبـدا الخبـال
عـاده أنا كل سنـه أقوللهـم علمـوني نسيـت كيف يسوقون وكل مـره يقولوليـه سوقي الرينـو وأنا أقـول :4: مابا كيفـي بس بقعـد عدال اللي يسـوق
بس ولـد أخـويه السنـه أصـر إلا ويعلمنـي دقيقـــه وإلا أنــا شاخطتنــها ههههه ماادري انـه جيـه سواقـت الرينـو سخيفــه
ولا كلـه يقولوليـه انتي متهـوره انزين اعترفـوا إني حرّيفـه وكيفي إذا بسـرع خـلاص تراني احترفـت :whistling:أوني ههههه
وأحلـى شي كـان إنـه نص المحضـر فاضـي يعنـي خذنـا راحتنـا السنـه واحنـا نلعــب بـ الدراجــات

أجــواء حلــوه والله ماكــان ودنــا انــرد بـس الدوامــات خربــت علينـا شو انسـوي :fa45:

السلاااااااااااام عليكم ..
انا وصلت ..
والرقاد عندي مخترب ..

شو اخباركم

"مزن"

عيل دام جيه السالفه يبالنا نروح وإجازة المولد النبوي خلوها يوم الخميس
فبنستفيد منها ويه الويكند وممكن نطلع
نروح مكان

"طير"

الاحتراف مايي بين يوم وليلة يباله ممارسة طويلة بس حلو انج تعلمتي على المبادئ بسرعة، قبل اسبوع كان في واحد يصعد على تل الفو ببولارس رايزر مجابل البداير
ويوم وصل فوق كسر في وقت غلط وبسرعه بطيئه وانجلب حوالي 5 جلبات وكانت وحده وياه، يوم رحنا له فوق كانت
الدراجة طايحه على ريله بس زين قدرنا بسرعه نعدلها ونطلعهم
فتحملي من التهور

"مايهزك"

الحمدلله على السلامة، الامور طيبه
انت شحالك؟

الله يسلمك ..
انا بخير والحمدلله ..
افتكيت من الثلج .. كنت كلما اطلع اشل الثلج عن الموتر ..
صدق بهدله ..
الله يعينهم اللي عايشين هناك !

-{ مايهزك ريح }-

الحمــدالله ع الســـلامه بــرووو :k_smile2:

:

-{ الاســطوري }-

لا لا اتحــاتي أنـا حـدي ع الشـوارع والأمـاكن المسطحــه :4: اشلــي بـ الفلسفــه الزايــده والحركــات اللي مالهـا داعي
بس اللي كـان قاهـرني إنهـم يســرعـون وأنا وحليلي يبـوني أمشي ع بيضــه :whistling:

الله يسلمج اختي طير الغرام .. ^_^!!

الحمدلله على السلامه مايهزك ريح ،، انته معذور رقادك مخترب، لكن نحن مب طايقين عمارنا من نشة الصبح

نقوم من عز الرقاد :fa48:

عشان نوصل الدوام، ومرات الشغل بعده يبتدي متأخر بس مجبورين انسير على الوقت :k_puppyeyes:

لكن الراتب حلو :huh: مرات الواحد يتكاسل يسير لكن نخلي رصيد الاجازه حق شي يسوى :bye2:

الحمدالله على السلامه مايهزك ريح
~
طـير
آحلى شـي آلدرآجآت والرينو
p=

^

YuP

:

شكلهــم هــل الواحــات ارقــود
شـرات اللي عنـدي فـ البيــت كلهــم دوامــات وارقـود إلا أنــا :whistling:

:4:لا حبيبتي.. في ناس واعين

الله يسلمكم من الشر اخواني .. المزوحي ودمعة شوق ..

صباح الخير

مايهزك, غيرت دوامك ولا بعدك في نفس المكان؟

السلام عليكم و رحمة الله و بركاته
اذ البارحه صادني رادار، أقدر أسدد المخالفه اليوم ؟

ماتوقع المخالفة تنزل بهذي السرعة وعادي مرات يكون بس فلاش في حالة إنه
رادار ثابت، أي شارع هذا خبرينا يمكن
رادار مانعرفه
:k_special2:

مرحبا الأسطوري ..
انا ما يحتاي اغير وظيفتي .. اصلا كل مره يغيرون مكاني ..
وكل مره شي يديد ..
الحمدلله مرتاح في هالوظيفه .. ^_^!!

البارحه و أنا راده من العين اذا ما خاب ظني 3 ردارات صادوني
اول واحد فالعين ما كنت اسرع ما عديت 110و اثنين شارع العين - دبي واحد متحرك و الثاني ثابت

يعني بعيد تطمن

اسمع موضوع رادار !!!!!!!!!!!!

والله انا من اسبوعين تقريبا مسكني الرادار في شارع زعبيل، السرعه المحدده 80 وانا سقت 101 وزخني ، تشيكت عقب يومين عليّه 600 درهم ، زين انا ما اسرع بس شو هالنحاسه ؟ احس الموتر مايمشي على سرعة 100