الي يبا يضعــف يدخل هنــــي الحيين

أخوي مجموعه ،، لا تضعف جي مب زين للريال // يعني 80 عالأقل ><
انتو يبالكم رياضه وصالة ،، يعني شي يرتب هندامكم بالشكل المطلوب !

وأدري يبالي أجابل روحي ،، بس فالحه اوجه غيري خخخ
هزايم // جربي تتعلقين ابـ شي كل يوم ولمدة ربع ساعه =#

,

انزيـــــــــن وهم سكون وزنها ثابت + الطول طبعا ،، ماتخيل بعد طولي يتغير ^^"
بس أبـــــــي أضعف ،، جي مال 7 كيلو ! // عشان يكون وزني أقل عن طولي ابـ 10 + الـ 100 =$
بس اكتشفت إني فعلا مابقدر اوصل للوزن المثالي "بنظري" إلا عن طريق الرياضه واهني المصيبه لول

موووول مب متحمسه للرياضه ،، حدي بتمشى نص ساعه في حال شديت الهمه ><
أبي أحد يحمسني ،، مب جي احبـــــــــــــــاااااط // حتى اخونا المزوحي وقف :k_special2: ...!

,

لووول هزاييم مب بروحج تعانين من هالشي

قبل كنت واييييد امشي يعني تميت شهووور كل يوم امشي بس ما شوف عمري طولت =#
يمكن من كثر ما البس كعب .. فأخرب كل شي ..
يالله جربي لو فاد عقب بجرب لول



ابا اضعف صدق صدق لازم اضعف
اول مرة امتن جي !! حتى صرت اخاف اشوف وزني ..

خلاص من اليوم ان شالله ببدا بالرياضة
حتى لو بالبييييت ..

انا اشتركت في الجيم اول الشهر
اول اسبوع سرت اربع مرات
ثاني اسبوع مرتين
و هالاسبوع ولا مره لول
صدق مشغول و ما عندي وقت
مرتبش ويا المقاول و ستين مليون شغله على راسي =(

سكون برد امشي خلال هاليومين .. بس ابتدي قبلي وتشجعي

مشكلتنا يوم ننشغل يوم واحد خلاص مانكمل المشي

زدت كيــلو

اليوم وزنـت وقـالوا لي وزني بيرفـكت ، الدهون اوك ، السكر أوك ،الدم نــازل أوي

أخوي المزوحي ، بما إنك بديت صح فان شاء الله بترد صح ^^

/

بعدني نفس الوزن ، وبعدني ماسو رياضه !
احباط !!!!! ، بس الحمدلله إني مازدت ^^"

,

قررت بأني أرد أمشي، من آخر رمضان وقفت

بس هالمره غيييير

يعني يكون المشي الصبح !!!

حد جرب ZEN YOGA في ذافيلج؟
دومه زحمـه! أبا اسييييييير!!

الحمـدالله نـزلـت كيـلويـن ^^
وآطمـح فـي آلمـززززيـد

آنـآ آبـآ آضعـف ..

عـ الآقـل كيلـويـن آو 3 ..


الحين آنـا زايـده ، وصل وزني 49


كلـهم يقـولون آنـي جيه آوكي ، وآنه بيرفكت ، بس بعـد آحس آني آبـآ آضعف


شـو آسوي ؟


يعـني شو من التماريـن اللي آقـدر خلال آسبوعين مثلاً انـزل كيلـوين ، آبـآ آبدأ عـقب الفـاينل

انا وزني وصل 83

سجلت في جم نادي الضبااط
دااخل عالريااضه بقوة

^
آنـآ آبـآ آسـوي ريااضـه اففف تعبت صدق ابا اضعف من الخااااطر خلاااص لااازم
بس اتعااايز محد يمشي عنـدي ومناك ابا اروح اسجل ف النادي بس اتريا الفااينل وان شاءالله اروح
،

لانه لاااازم ااضعف
:(

\\

مهاابه بسج تمي جي

في واحد يدور نادي ممتاز بحيث المدرب يوقف على راسك

غير اكاديمية اتصالات وفيرست فتنس

دمعة شوق :

عـن خآطري ، بس كيلـوين آو 3


المزوحي :

آنـا مـآ قد رحـت نوآدي أو شي ، بس مره سجلت هنيه فـ العين روحت شهر

بس مآكآن حـد يتآبع ،

أبااااااااااا ألعب تنس:glare:
أفكر أسير تنس كورت عند فندق أتدرب:fa46:



المزوحي
انا كنت أستخدم مدربه اسمها جورجيت.. في روتشستـر في ام سقيم.. الجيم عندهم مب جيم عدل.. صغير وايد بس في نفس الوقت حلو لانه الجيم ياخذ بالكثير 3 اشخاص!
وهي رخيصه مقارنة بالمدربين الثانيييين.. اظني تاخذ 90 للساعه

ولا يقدر يسير جيمات فنادق جميرا.. عندهم مدربين ممتازين :)

مشكورين ...

بديت بالرجيم من جم يوم و الحمدالله قدرت انزل كيلوين تقريبا للحين
بس الرجيم صراحة عذاااب لول احس الرياضة واييد اسهل

اليوم بإذن الله بسير أمشي ... وقفت من عقب رمضان ...

انا اسوي رجيم و اسوي رياضة
لو اقطع لمده شهر ارد كل الي نقصته !!

البارحه وزنت في الدوام و وزني رجع شرات قبل !!


فـ ابتداء من اليوم رديت على برنامج الدايت و الرياضة
الله المستعان

GOOD LUCK ^_^

أنا عن عمري أحس أنه الواحد أحس يسوي بدون لا يخبر ..

وعقب النتايج يقول ..

ذنينييييي!
يت على بالي.. احس هالشي بيفدييك.. أحسك وايد تعاني شراتي.. اسوي رياضه ومن اوقف وزني كله يرد في اسبوع!:huh:
انا انغصبت اسير اسوي فحص دم هالويك اند.. أجيك اذا فييه امراض.. أولهم هالسكري
المهم

يعني من بين هالفحوصات المعفنه... يجيكون شو من الأكلات الى تصلحلك وهييك! يعني مثلا.. اذا انا يصلحلي آكل ستيك.. لو كلت ستيك كل يوم ولكل وجبه ولكل سناك مستحيـل امتن
وعلى قولة دكتورة الهرمونات.. اذا انتي تعرفين شو هالأكلات.. تشبعين نفسج لـ درجه انج ماتبين تاكلين أكلات ثانيه

يعني شوف.. أبويه طلع فييه مشكله بعد.. مع انه ابويه ماشاءالله كل يوم جم ساعتين وفييه عضلات.. بس بعد هو الحين جي لازم يسوي عشان ماييه السكري ولا الضغط ولا الكلسترول

ومب لازم تسوي رياضه وتذبح عمرك.. رياضه مرتين في الاسبوع كفايه

هيييه
واهم شي< هذا وايد مهم:fa56:
انت حاط في بالك شو وزنك المثالي.. نفس مال الـ bmi يقول وجي.. بس كله اخرطييي!
طلع وزني المثالي وزن دب! يعني طلع انا مب لازم اظعف وايد *وانا اقووول ليش وزني مايناسب شكلي*.. ويوم اقوولهم عظامي ثجال في البيت محد صدقنييي! اختي زين ماكفختني.. لانه وزني المثالي هو وزنها الحالي وقالولها لازم تظعف عشره كيلوو:tongue:
^
هالشي ترا وااااايد يرفع المعنويات وايد وايد:tongue:


أو شي ثاني بعد.. للكل
في مناطق في الجسم اذا جي مغبره هذا معناة الانسلين في جسمكم مرتفع وايد.. يعني فيكم السكري
فـ سيروو جيكو رقبتكم اذا وصخه < انا جييكت الحمدالله رقبتي بخير هههه فـ متفائله في النتايج:tongue:

السلام عليكم..

هالسكري سالفه سالفه.. الله يجيرنا منه..!

والله يزيغ خصه انه امي و ابوي فيهم سكري..

وانا حاليا مستويه أكل .. خرابييييييييييط... كله نشويات.. خبز و عيش..
ولا يخلو الموضوع من كمن حبه كاكاو..
هالكاكاوات الصغيره اتخليج تاكلين أكثر من القطعه الكامله العوده.. يعني اونج اتقصين على عمرج كل مره تاكلين شوي..

و اليوم في البيت امسوين تمر تارت.. لذيييييييييييذ..

المهم..

جسمي فيه خموووووووول لاخر درجه.. و شي اسمه لياقه ماشي..! عضلاتي كلها اتعورني.. ولو ركبت الدري بسرعه أهلك..
يبالي امشي.. بس ما اقدر .. حوالينا كله عمال يشتغلون لين المغرب.. :glare: و في الليل.. ممم ما ايي ع بالي :whistling:

..


شمعه..

خاطري اعرف شو الاكل اللي يناسبني وما يمتن..!

ممم تدرين المشكله انه سالفة السكري + ضغط + كلسترول في الامارات عادة يكون من الطرفين يعني من الأم والأبو وحليلنا نحن العيال نتبهدل
يعني حمدالله انا ابويه بخيرر.. بس لازم يحاسب على السكري.. الكلسترول والضغط كل شي تمام
لكن امي رايحه فيها وايد فيها اشياء تكسر الخاطر.. فيها السكري هالخفيف الى تاخذون حبوب وفوق هذا thyroid شرات اوبرا.. واشياء ثانيه
وانا المسكينه متبهدله ;_;
المهمممم نتايجي طلعن.. من ساعه اتصلو فييه.. ورا باجر بسير عندهم .. الله يستر p;


بس شووق
انتي غير لانه توج مربي.. فـ كل شي حقكم غير.. حتى الرياضه الى تسونها غير
بس ترا اذا تبين تسوين هالفحص بتتبهدلين.. صيام 12 ساعه يشلون عنج 3 تيوبات دم.. تشربين كووب عود قلوكووس تترين ساعه بعدين يسحبون عنج دم مره ثانيه.. وطول اليوم بتكونين مدوخه وراسج يعورج.. حتى ممنوع تسوقون
انا اقول تريي كم من شهر لاني ما بيبي حموودي يكبر ^_^ بس اذا تبين اقدر اعطيج رقمهم وتتأكدين منهم :)

وزني مب طايع يتغير !

يمكن من توقفون رياضه كل شي يرد، لأنه مافي حركه وتردون تاكلون بشكل أكبر عن قبل ...!

شوق أنا كنت أحس بخمول، من جيه رديت البارحه أمشي ... لأنه كله يلسة المكتب ... وماشي حركه

عقب الدوام، ومن غير سواقة السياره ...

هلا شمووووعه...

زين جان بتعطيني رقمهم.. يبالنا انسوي هالتست لاميه..

..

ترا انا شو امسكتني على عمري غير سالفه اني توه مربي.. كل ما اقول بس ابا اخفف اتذكر حمودي.. و اطنش سالفه الرجيم.. بس الحمد الله بصفه عامه جسمي رد طبيعي .. هو بس موضوع الكسل !

مسويه تحدي لنفسي !
آنا بشكل عام ما آكل وايد ، فيما عدا الحلويات !!!!
اهني عاد صدق اصير مفجوعه ^^"

ف قررت من امس اني اقطع الحلويات بانواعها لمدة اسبوع كامل ،
ابي اشوف هل بينزل وزني !

+ كل اللي اقدر اسويه اني وقت ما اشتهي حلاوه الجأ للفواكه ،
سلط ، تمر ، ومستويه اكثر من الماي الحمدلله ^^
+ بحاول اني امشي ، بس بشوف اذا بلاقي احد يحمسني بالبيت !

اظطريت اغير "اسلوب نمط حياتي" كليا وكملت 10 ايام واحس اني بنتحر..
وايد صعب ;_;
يايتني حاله هستيريه اصيح على كل شي.. ماصدق انه بعيش جي لـ على قل نص سنه.. ماقدر :( وايد صعب

موعدي الياي بعده عقب اسبوع ونص.. مادري كيف بتحملللللل
يعني اهلنا مافكروو فينا ليش هم ماتعبوو ليش نحن لازم نتعب!


والله تعبت.. مب سهل.. وطول الوقت احس اني بدوّخ.. الحين كيف هالحاله صحيه انا مادري!



شوق
الحين بطرشلج الرقم

بسم الله عليج ، شو مسوين فيج =/

,

نحن عدنا السكر مرض منتشر بالعايله ،
+ تخيلي عدنا بالبيت 4 من أصل 7 فيهم السكر !

الحمدلله اني من الـ 3 اللي مافيهم ،
بس صدق ان شاء الله يلاقون علاج فعال لهالمرض :ohboy: ،


وربي يعافينا جميعا .. !

والله عذااااااااب
خبز ممنوع < انا ياحبي لـ شي اسمه خبز
عيش وباستا ممنوع < مب مشكله
شكر ممنوع< مب مشكله
حلويات ممنوع< ماعليه
بطاط، فرايز ممنوع< ارد انتحر؟

وايد اشياء عبيطه ممنوع
ذره ممنوع
حمص ممنوع
كل السلطات عادي.. بس سلطة السيزر ممنوع!!!


والله تولههت على ستاربكس ;_;



والبارحه كان يوم مأرف في الجامعه، كانو يوزعون جوكلت ولازم يسوقونه.. والله عذاب .. كل الكلاس خذو جوكلت وانا يالسه أتأمل :s



ولا ترا ممنوع ممنوع ماشي يوم غش وجي < على قل هالاشي بيساعد بس ممنوع :(
عيدميلادي ورا باجر ومابتهنى بشي.. يالسه ادمع الحينه على هالسالفه .. بيكون اتعس عيدميلاد في حياتي.. ولأول مره مابيكون شي كيك! الحين منو يحتفل بعيدميلاده بدون كيك!! :(

:wow: !

طيب سؤال انا حاليا محتاجه اسوي رياضة عسب نقص الكالسيوم بس متى لازم اكل بعد الرياضة بكم ساعه ومتى ممكن اشرب ماي انا بس امشي نص ساعه وامارس السباحه ما ابا وزني ينزل ولا يزيد ابا يتم مثل ما هو...؟

شمعة امل
اعاني مثلج =(
احسه عذاااااااااااااب
تميت اسبوعين على هالحال بس هالاسبووع ماقدرت قمت غش
حسييييت خلاااااص ماقدر ..
الحياة من دون اكل ما تسوى لول
كنت متوقعة بخلص بالكثير باسبوعين بس مب يالسة انزل وايييد مع كل هالعذااااب
و يقولون كل ما كان الدهون اقل كل ما كان اصعب تنزليييين اففف احبااااط

الله يعينج ..

حد جرب ياكل كيوي، صدق ينزل الوزن ؟؟

المزوحي لا تصدق هالخرابيط
كل شي قالولنا ينقص الوزن لول

عليك بحمية معتدله
فيها الياف لأنها تساعد على الهضم و تمنع الامساك
و فيها بروتينات عشان تساعد عضلاتك على النمو
خفف من الدهون قدر المستطاع و من النشويات قدر المستطاع
لأنهم ساس البلا و هم الي يتحولون الى دهون

و اهم شي حاول انك ما تاكل نشويات فليل و بمعنى ادق من عقب الساعه ست لأنه النشويات تعتبر مصدر الطاقة الاول للجسم
و بشكل عام فليل الانسان ما يتحرك وايد فـ مصير هالنشويات هو انها تتحول الى دهون :3:

زين بنسير بعيد عن الكيوي، مثلا لو بغيت اسوي حميه... تراني انا احب الاكلات الايطاليه واموت في المعكرونه

يعني ماقدر اودر هالاشياء، بس في الحلويات والكاكاو انا مب وااااايد ... يعني شي يغطي على شي ...!

أنا بغيت استبدل الحليب بحليب الصويا ... وآخذ خبز اسمر ... احسن للهضم .. بس وين كله لووون مافي شي عدل

انا كنت آخذ اللي في سبينس ... في خيار ثاني ؟؟؟

عفاريتوووو ، إي صح بخصوص الدهون !

يعني تشوفين بنتين ماشين عـ نفس الرجيم ونفس الرياضه ،
[ الاولى بعد فتره تنزل عشر ، أما الثانيه يدوب كيلوين ! >> هذا وانا بزيد من عندي =/

يعني مثل ما قلتي ، السالفة فيها احباط شوي :m_afaker: ..
خاااااااااصه لمن نلاقي وزنا ثااااااااااااابت بشكل مو طبيعي :k_special2: !"

اممم ، بس بعد عادة يكون الفرق بين وزن الاولى ووزن الثانيه كبير ،
يعني مثلا وحده وزنها 100 ، والثانيه 70 ، بديهيا الاولى بتحتاج تنزل أكثر ، وهذا اللي يصير :yes: ..

,

همممم ، لازال وزني يلعب بين رقمين ، ولازلت محتاجه [ بنظري ] أنزل اممم يمكن 5 أو 6 كيلو !
مع ان مووول ما شي تشجيع ، بس اللي مسكتني ان كذا وحده قايلتلي اني ضعفانه ، ما شاء الله :doh: ..

+ أظن إني ما بستفيد من شي كثر الرياضه ، بس وين :glare: !

ليش سكون ، ما تقدرين تمشين وإلا ماشي وقت ؟

اقتباس:

---

المشاركة الأصلية كتبت بواسطة المزوحي

زين بنسير بعيد عن الكيوي، مثلا لو بغيت اسوي حميه... تراني انا احب الاكلات الايطاليه واموت في المعكرونه

يعني ماقدر اودر هالاشياء، بس في الحلويات والكاكاو انا مب وااااايد ... يعني شي يغطي على شي ...!

أنا بغيت استبدل الحليب بحليب الصويا ... وآخذ خبز اسمر ... احسن للهضم .. بس وين كله لووون مافي شي عدل

انا كنت آخذ اللي في سبينس ... في خيار ثاني ؟؟؟

---

كل يوم بتاكل معكرونه ؟
و غير جي عادي كل بس باعتدال + لا تهمل الرياضة
مب لازم ترص على عمرك بالرياضة
حاول انك تكون نشيط اطلع سير تمشى على ريولك سير البحر و ود وياك كورة و تم شوتها

انا من هالاسبوع بسير العب سكواش ويا ربيعي
باجر ان شاء الله بسير اخذ المضرب و بنبدأ من ورا باجر


انا حاليا اتريا اني انقص 10 كيلو لسبب واحد و الي هو اني ابغي ارجع مره ثانيه لركوب الخيل
على وزني هذا ركوب الخيل شي وايد صعب " على الخيل " :10:

عمي من 95 صار 67 و مستمر للحين، عقبالك ناصر =)
يجري ساعتين باليوم
3 وجبات باليوم مبتعد عن المقالي و البيبسي و ها الخربطان
اقوله اسمحلي بناديك حسن حاف بلاش من عمي
احفظ ماي ويهي

أنا من اسبوعين بلشت امشي
مو شرط عندي اضغف واااايد
المهم اكون نشيطه و نفسيتي تمام التمام