حـــاير ،، و ودك إتشــاور ؟!

ترا مركز الأميره هيا في المنـاره مسوين معرض:)
يفتحون بعد صلاة التراويح لييين يمكن 1 ولا 2..
كلهم حريم مواطنات يبيعون جلالييب وشيل ودخون وسوالف حلوه
انا اشتريتلي كم من شي من وحده من الخوانيج.. سوالفهم حلوه:thumbup1:

مالي بااارض ادور...و المشكله كلهم جاهزين الا اناا يقهر الشي,,, =(
بووت شوكريااا عزييزااتي
يوم بلقى بشكركم شكرا جما

حصلتلي خاتم وااايد حلو اليوم:inlove: حجزته:fa41:

ممكن نشوفه :b015:؟ ===> فضووول :fa46:

تعرفيـن شو استوى
سرت اليوم وقلتلهم عن الخاتم الى حجزته.. وشو طلععععععععع.. الخبله ماحجزلي اياه:k_icon28: و الريال ماكان موجود بعد
بس الحمدالله محد اشتراه والخاتم كان موجووود!
وسرت سألت الريال على كم وآخر سعر.. جا يعطيني سعـر ألفيـن أكثر عن البارحه:bash: واناااااا >> :oh:
انا اصلن ماشتريته البارحه عشان قلت للريال بيي باجر يوم بتشوف ويه امي يتعطيني سعر عايبني.. وشفتييييي شو قالي
وامي واختي كانو يتعاملون ويا ريال ثاني يشوفون خواتم بعد.. جان أسير عند امي زعلانه مبوزه وكل شي
واقوللها شوفي هالحرامي.. أول شي ماحجزولي الخاتم.. وثاني شي يعطيني سعر الفين اكثر عن البارحه:bash:
عقب الريال الى يتعاملون وياه الظاهر هاللي دوم امي تتعامل وياه.. جان يقولي مااعليه انا بعطيج أحلى سعر.. وطلع بعد عطاني سعر احسن عن سعر البارحه بوايد:laugh: .. خصم 60%:icecream:
او وبعد تعرفين ليش زعلت وايد.. هاللي يقهر تعرفيين شو قاليييييييي... كنت أسأله اذا عنده كواشي بنفس الستايل جان يقولي شو تبيبه هالخاتم خذي اللون البنفسجي جوفي غاوي ويديد والأخضر جديم وستايله مخلص:bash:

على كيفه هو يقرر شو الحلو والمب حلو:bash: هندي ماعنده ذوق:bash:


ولاني كنت زعلانه آخرشي اشتريت خاتمين:10: بس مب عندي.. سارو يغيرون مقاسهم :)



وتعرفيييييين شو اكتشفت
من كم من يوم سرنا سوق الذهب.. واكتشفت انه ألماستهم مب لين هناك. الا كم من محل.. . وأسعارهم أغلى بوايد عن هالمحل الى نحن نتعامل وياه في ابراج الامارات! حراميه قم سوق الذهب:bash:

مبروووك ، تتهنّين بهم إن شا الله يا شمعة :heart:



اممممممم تعرفين في سوق الذهب منو أحسن شي

سمرة + سوليتير :k_smile2: ===> بالنسبة لي

هالـ 2 ينصحونج لو الشي ما يستاهل تشترينه بهالسعر

و الـ2 يعطوننا خصم وايد وايد وايد

خاصة سمرة لو الخاتم مثلاً ألماس و بــ7000 يعطيني اياه بنص السعر عشان خالي =) ...

يقولون
سوليتير والأنوار ولوزان أحسن شي هناك.. ماسمعت عن سمرة
بس تصدقين
كان جي كشخه يوم سرنا! اول مره نسير لول شعور حلو!

أول مرة تسيرين سوق الذهب ؟؟؟ ، هيه كشخه =D خاصة سوق دبي أحلى شي


هيه الأنوار الذهبية كشخه بعد :thumbup1: بس مادري اذا هو اللي تقصدينه ولاّ لا :)

اممممممممممممم سمرة في سوق الذهب أحيد محلهم صغيير ، أول ما تدخلين السوق بتلقينه على يمينج قبل مجوهرات شطاف ===> عاد مادري اذا غيروا مكانهم ولا لا لأني آخر مرة سايرة لهم هناك يوم كنت في صف 6 :fa46:

هيه صدق بعد شطاف استوت مجواهراتهم كشخه =) ، لكن فيهم لواتة :bash:

بس الأحسن سوليتير + الأنوار الذهبية + و سمرة و سدرة " نفس الإدارة"


سمرة بتحصلينه في صحارى و بن بطوطة و امرتس مول و سوق الذهب و ستي الشارجة ، حلوة مجوهراتهم و أعتقد إنهم مسوين بطاقة للي يتعاملون وياهم دوم عشان يعطونهم خصم

مادري انا بس اعرف انه الانوار.. اشتريت منه طقم فيه روبيي.. ماكنت ابا شي جيه فاضي! عايبني كلاسيك 3>

انتو شكلكم دوم تسيرون سوق الذهب.. نحنا امي ماتحب الزحمه عشان جي مانسير.. حتى يوم سرنا ناخذ اطقم مايت ويانا.. لاحظت انه امي بس تحب تتعامل ويا فيريني في ابراج الامارات ومجوهرات الليالي.. الليالي مايعيبني وايد بس ساعات تحصلين عندهم اشياء نادره وعجيبه.. اشتريتلي خاتم منهم هالصيف سمبل وبسيط بس جمييييل في اللبس

هيه الروبي كشخه ، ذكرتيني بخاتم حلووووو فيه فراشة و في النص حجر
شي منه أخضر و فيه منه بالروبي كنت أبااااه و نسيت سالفته :fa46:


امممممممممم تبين الصدق من زمااااااان ما سرت سوق الذهب لووول ، لكن بعض المحلات عموه وايد تتعامل وياهم فــ ايّيونها البيت أحسن و أريح

قصايد + شمعة الرضيعه شاريه قلب من عند سمره من 3 شهور، من سوق الذهب ....

تبون تشوفونه بصوره لكم ؟؟؟ إذا حبيتوا

قصاييد
طلع اسمه الأنوار الذهبيـه xD


المزوحي
مادري






كنت يالسه أدور شي.. وحصلت هالموقع.. حصلت كم من فسـتان حلو فيه.. واسعارهم وايد رخيصه.. يمكن أغلى فستان بـ 3000 بيزاتنا.. بس عندهم كمن شي حلوو :)
واذا حد يبا يطلب.. لا تنسون انه السايزات أمريكيـه ومب بريطانيـه

http://www.edressme.com/eveningdresses.html

حبيت الفسااااتين شمعوووه ...<

وايد كيووووتين وسمبل ... حق مناسبات والا عزايم ...|~


ثااااانكس ^_^

.
.

المزوحي : امممم أوكيه راونا إيّــاه :)



شمعة : عيل هو اللي أطريه :k_smile2: ، هالمحل من سنييييييييييين نتعامل وياه
مرة يوم كنت ياهل ربحت عندهم سبيكة ذهب :4:


حلوة الفساتين اللي في الموقع =)

حصلـت ولد عـم فســتاني


شرات الحركة لي فالظهر . .


بس اهنيه سعره بـ 500 $



وانا مفصلتنه بــ 13.000

ابي تنوره صفره صفار بطن بارني وين بحصل =( ؟؟ تعبت من لف

اي احبك
join the club كلنا هنيه ندور على تنانير >_<





مهابه
لو انا في مكانج اسميني بنقهر :s الفستانين الى في بلادنا وايد غاليات بس على شو ماعرف

يعني اصيح يا شمعه :*-*:

شمعه :

أنقـهرت وخلصـت


شفـتي الفـرق كـم ؟


رغـم انه الفسـتان بسيط وناااااعم

ايه احبك
اميه انا صحت وخلصت >_<
باجر بعد بسير ادورلي وبقولج اذا احصل شي.. وايد متبهدله.. ماعندي شي ألبسه لبيت يدوه



مهابه
وايد >_<

هذي المشكله بس انوجهها يوم انسير بيت اليدات >_<

^
يـدتكم تـرضـى بالبدل ، انا يدتيه جان ماشافت علينا المخور ، بتعطينا من هـاك الزيــن . .

اسألوني انا عن التعب عشان احصل تنانير ديزايناتهم حلوه و مختلفه !
يا كله نفس الستايل ،، او ما في شي ينفع للمناسبات !
والمشكله اني ما البس غير تنانير ولا في عمري لبست بنطلون >_< ! صدق معاناه لول
.
.
المهم
ايه حبك قبل فتره بشهر ثمانيه اعتقد
كان شي تنانير لونهم اصفر في مانغو ابوظبي مول ~
ديزاين الاولى كان عادي عملي ، والثانيه كانت قطعتها للمناسبات
بس ما اتوقع للحين موجوده عندهم
لو حصلت تنوره صفرا بخبرج =)

ايه احبك
حاسه فيييج:4:

مهابه
انا يدوتي فديتهاا الله يحفظها على حسب المزاج.. مرات حتى التنانير مب عادي.. بس ماطيع ألبس كندوره.. شكلهم مب حلوين عليه مول..


أكسجين
ولا مره لبستي بنطلون؟ صدق؟
وعن بوظبي
ملاك الروح مخبرتني عن تنوره شافتها في مانغو في بوظبي.. قلت اكيد بتنفع لبدلتي.. سرت مانغو في دبي ولا حصلت شيي.. اظني مايبون نفس الشي هني؟؟ ولا الى هني يخلص بسرعه :s
يبالنا نسيـر بوظبي:thumbup1:

لووووول
لا ربي لك الحمد والشكر يرضون بالتنانير اصلا لو الود ودنا جان ما لبسنا بس لنه اولاد عمنا يدخلون ويسلمون اوووف لو عايلة قوم بيت عمومتي كلها بنات شرات عايلة قوم خوالي جان فتكينا من الرسميات لووول XD نحن كل بيت فيه 7 بنات او ولد واحد عن الحلال والحرام XP
يحليلج يا اكسجين انتي شرات ربيعتي ما لابسه بنطلون في حياتها بس تلبس صراويل لوول هيهيهي
انا وحده بس البس تنانير في الأعياد اما طول السنه بنطولونات وليقينز وغير هالمشتقات اصلا لحقه على التنانير والمخوارات يوم بنعرس ما عندنا مجال غير هالأشيا =X

انزيـن.. أنا حصلتلي تـنوره.. وبقولكم المحلات شو عندهم

سرنـا وافي

أول شي بوغاتي.. لاتعورون راسكم.. كل تنانييرهم غير لائقه للبس.. *هذا الى في فرع وافي*
بعدين روبيرتو كفالي.. عندهم تنوره سوده ساتن فيها ذيل من ورا راااااقيه جميله:thumbup1: بس اميه ماخلتني أخذها لانها تقول اني بخربها وعباله وطويله ومادري شو :(..حراام جربتها ودشت خاطري :( وشي تنوره ثانيه بنفسجي على عنابي حرير خسوووفه وأغلى تنوره عندهم ابداااااً ماتسـوى!! وشي تنانيـر برنت بعد


بعديـن شي محل ماعرف شو اسمه ماعندهم شي


بعدين آيس برغ عندهم أشياء:thumbup1: عندهم 3 تنانيـر سود! انا خذت وحده سوده من عندهم وجميله في اللبس:thumbup1: وعندهم تنوره تركاوزيه.. وتنوره عنابيه.. ومعظم أشيائهم 50%


بعدين عندكم سلام.. كان عندهم تنوره غريبه الصراحه ومول مب حلوه:fa55: والحرمه الى هناك متفجيه وايد تمت تقولي "هالفوووسطاان مثل الى بالوييندوو دسبلييي" أنا "أهاا" هي "أيي شوووفتيهاا" أنا "لاء":fa44: متفيجتلج انا فييه رقاد >_<
او صح ترا عندهم فستان أصفر سمبل وايددددد بس ماعندهم تنوره بهاللون.. لكن عندهم تنورتين وحده بنفسجي غامج والثانيه فاتحه وخسوفات بعد


وروكو بوروكو مول مب حلو.. حسيت اني داشه محل في السطوه





أحتاج تنوره بنيه مغبره.. :(

بنات .. ابا مساعده ..
الوالده اتدور دلال غاويات للعيد .. فاللي يعرف او شاف شي غاوي .. يقولي..
وشكرا مقدما

شمعة أمل .. هاي الدله من وين !

http://oasis.bindubai.com/bin/upload...1220558986.jpg

^ ما يهزك ريح : قول لها ما لــج غير جاشنماااااااااال ، عندهم من هالسوالف وايد:14: ، يوم أسير هنااااك أستااااااانس على الوعيان لووول :biggrin:

ايواااااااا .. جان ما اوديها اليوم .. !

مايهزك ريح الدلال الغاويه تبرد بسرعه، مايتم فيها شي حار، ونحن متبهدلين بالسالفه هاي ..

شي محل يبيعون وعيان أحيده في الستي وشي منه فرع في مول الامارات اسمه villeroy & boch

http://www.rixson-green.co.uk/villeroy_bluelogo.jpg





أمسات كانوا يطرونه دلاله ألمانيات ... بس مايربناه، احتمال الوالده تاخذ من عندهم ... شوف الماكنين

مايهزك ريح
ماعرف لانها واصلتنا هديـه.. بس الى اعرفه انها مب من هني

المزوحي .. Villeroy موجود حتى في زيورخ ^_^
هيه هذا دوم امر عليه .. يصرفني اسير له احين واشوف ..
هالمحل صحونه غاويات ..

شمعة أمل .. اظني مال ألمانيا .. توه الرضيعه اتقولي انهن من هناك ^_^

مايهزك ريح .. اعرفه المحل بس قلنا بنيرب الدلال هالمره

هلا مايد..

احنا عدنا من هالدله.. بس ياييبيــــنها من ألمانيا...

اسم الماركه alfa ... شي منهم هنيه.. بس اللي بتحصلهم في المانيا طبعا أشكالها واااااااااااااايد أحلى...

..

جرب سير بن سوقات عند سان ماركو... بتحصلهم عنده...

مشكورين الجماعه ..
ابصراحه امس سرت مول الإمارات ويا الوالده .. وتمت تتحرطم لأنها ما حصلت شي غاوي !

جان ما اوديها اليوم بن سوقات ^_^

بن سوقات عند سان ماركو يبيعون دلال عاديه، يعني شكل ونحن ميربين يبردن، بس مادري لو عندهم نفس اللي تطريهم

شوق ...

الوالده شاريه من عنده قبل .. بس كانن اوكيه .. احين عاد مادري ..

زين سيروا ، بس لاتنسى تكاسر، لأنه يرفع السعر !!

انا ما اعرف اكاسر .. هاي شغلة الوالده انا بس ادفع ^_^