الي يبا يضعــف يدخل هنــــي الحيين

عفاريتووو اليوم بإذن الله أمشي ونتريا ...

سكون تدرين ليش تكونين ثجيله ؟؟؟ لأنه ماتمشين صدقيني ، انا كنت جيه احس بثجل موول ماروم اتحرك وكل مره

اقول بما إني احس بثجل مابمشي اليوم، واليوم اللي عقبه يكون اخس، فأنت ابتدي بالمشي وبتشوفين النتيجه

^ هممم ،، صح ..
حتى انا باين علي // اللي محتاجته رياضه ،، مش رجيم .. . !

وووهي صح ،، وزنت اليوم واكتشفت اني نازله بعد كيلو لول ..
يعني الحين لازم أنزل ما بين الـ 7 والـ 6 كيلو ^______________^ ..

ملاحظه : كل خوفي أردهم أول يوم العيد =$

:
.

مامشيت :(
ياني رقاد العصر ورقدت :s هذا وانا روحي ناشه متأخر
والحين بعد فييه رقاد


^
فهمتو قصدي يوم اقول تعبانه.. استغفرالله كل شوي ابا ارقد


حتى البارحه بشرحلكم رقادي كيف
ناشه الصبح 8:30 .. رقدت العصر من 3 ونص ليــــــــــــن 6 O_o .. عقب الفليل من الساعه 11-12 بعد رقدت O_o عقب رديت أرقد 1 ونص
واليوم ناشه متأخر.. عـ الساعه 12.. عقب رديت أرقد العصر لـ ساعه ونص.. والحين فييه رقاد O_o
بس أنا ولا فييه شي مب طبيعي؟!!


بس لاحظت انه هالحاله يتني عقب ما وقفت الرياضه! .. والمشكله بس عندي وقت أسوي رياضه العصر! والحبيبه قامت ترقد العصر O_o بس على قل قمت ما أكل نفس قبل.. أحس بسرعه اشبع

ليش مستوي عندنا موضة الكيلو.. ليش مب خمس xD

^ جــــــــان زيـــــــن والله :tongue: ..

/

كلنا بالهوى سوى ،، بس عاده مشكلتي من نوع ثاني ..
انا وااااااايد أسهر ،، موووول ماييني رقاد قبل الساعه 6 عالأقل !

تخيلي =$

/

+ اليوم طلبنا من برجركنج // وناجروني كالعاده ^^"

صدق صدق صدق مــــــــا عرف آكل إلا وأحس ابـ ثقل ..
مستحيــــــــل أكمل الوجبه // نص السنديشه + كمن حبة بطاط + دايت ببسي ><"

مع إني اليوم ماكلت بعد الفطور // وفطوري من أساسه قليل !
+ متعشيه الساعه 12 ونص // يعني لازم أكون حدي يوعانه :surrender: ..
+ ماظنتي بتسحر !!!!

كان ودي أضعف من الرياضه مب من قلة الأكل ..
لأن الوزن جي أحسبه ما يثبت ،، مره يصعد ومره ينزل =/

.. .

تاكليين برغر كينغ يالخاااينه لول.. انا ابا الفرايز مالهم.. دش بخاطري.. زين جيي انامل!!

انا من كم يوم ماقمت اتسحر بس اشرب نص كوب حليب! مايعيبني السحور.. بس اليوم سحورنا حلوووووو p;


ليتنا مثلج مايني رقاد.. بس مادري شو يايني.. كل ساعه ابا ارقد >_< وشكليييي مايساعد مولياً

لــول ^^"

والله يعيـــــنا جميـــــــعا ،،
+ بالعافيه حبـــابه =)

.. .

لازم تمشون انتوا الهنتين لووول شوفوا منو يتكلم، روحي مامشيت اليوم، بس على الاقل امشي يوميا وأحاول قد ماقدر
ما أقطع، مب انتوا رقاد وبرجر كنج .. اتشجعوا وتراني مابغي اجلب الموضوع شات ... :3:

http://www.thewalkingsite.com/beginner.html

اليوم كان فطوري:
- كوب ماي
- ثلث صحن سلطة


ومن ساعه شربت غريين تيي


وبس




وماسويت رياضه لانه رقدت العصر لين المغرب :s لا ارادياً

شمعة أمل

انا بعد ما أحس عمري فطرت بمعنى فطرت

صحن فتوش وفيمتو ...........مول ما يركب :)

الظاهر اليوم كلنـا مب فاطرين عـدل

انا فطرت تمر ولبـن ونشيت


~ والحين اتسحر شندويجة جبن

عـ فكره ، وزنت أمس وزني لـ يومكم ثـابت ولله الحمد

أقول // أخاف أرد أوزن مره ثانيه ،،
وأكتشف إن الكيلو الأخير اللي نزلته رجع لول

><"

الاسبوع إلي طاف سويت ريااضة ثلاث مرات .. لقلة الوقت طبعا والمفروض اكثر

وهالأسبوع حتى الآن مرتين .. بس الحمدلله .. أمشي تقريبا 6 كيلو وأركض 3 كيلو ..
وبعض تمارين البطن والضغط ..

وأشعر بانتعاش ونفسية عالية عقب الرياضة كالعادة ..

^ عقبالنا لول

انا وقفت رياضتي لأنه ظهري فيه خياطه حاليا و اخاف يلتهب المكان لو عرقت
بمجرد انه يشلون الخياطه ان شاء الله برجع للرياضة مره ثانيه

وزني ما نقص لكن كـ شكل مبين اني خفيت شوي
يبالي امشي على نظام غذائي "عن التزم بس لول"

انا اللي يمشي ويايه خرب عليّه، لأنه بيسافر، قلت له خلنا نتم نمشي لين موعد السفر، قال ما احب اقطع

من جيه كسلت امشي روحي .... بشوف يمكن ابتدي السبوع الياي

انا وااااااايد انترستد في شي اسمه كونسبت 10 10 .. حد فيكم جربه؟

^ لا ، شو هذا شمعة ؟


أنا مستانسة لأنه بسبة رمضان نزلت 4 كيلو :icecream:

اقولكم انا من كثر ما اسوي جيمينج ضعفت 2 كيلو :S انا مابا اضعف شو هاااااا .... شو الحلللللل!

كونسبت 10 10 عباره عن ممم رياضيات مدروووسة عدل عدل..
تسيرين النادي مالهم.. ويعطونج ترينر خاص فيج.. لمدة عشرين دقيقه مره في الاسبوع
وتسوين عشر تمرينات مختلفة.. كل تمرين مدته دقيقتيـن.. وتستخدمين كل عضلات جسمج.. لدرجه في أول كم من سششن تهتزيين.. يعني عضلاتج تهتز لانج مب متعوده تستخدمينهم.. بس عقبه تستوين قويه ونشيطة .. الخ
لكنه بس مره في الاسبوع لـ عشرين دقيقه

اهاااا ، يعني شي مفيد =)

عاااااااد أنا هيازة الدنيا كلها تيمّعت فيّــه :3:


اليــاه : امممممم لا توقفين بس قلّلي الوقت ==> يعني لو تسوين لمدة ساعة ، سوي لمدة 40 دقيقة :biggrin: مشكلة يوم قصايد تتفلسف

بثالث أيام العيد وزنت واكتشفت إني نزلت بعد كيلو ،،
بس توه رديت وزنت واكتشفت اني رجعته لول ^^"

مستويه مفجوعه وايد آكل ،، خاصه الحلويات ><

انا وزني لأول مره *الحمدالله* ثااااااااااابت! عادة لو ماسوي رياضه كل اسبوع امتن بس الحمدالله هالمره ثابت :)

دامكـم رمسـتوا عـن الوزن !
انا أختفييييييييييت
ما اسوي رياضه ولا شيآته ، بس من 5 شهور ليومكم يمكن نزلت 5 كيلـو او اكثر

لأني نازله فالصيف 3 ويا رمضان وخلص ، وتحسون انكم تعودتوا ماتاكلون فـ رمضان فـ نزلت لي جريب 2 أو 3 كيلو

حتى مب متجرئه أشوف وزني هالأيام كم صار


لأن الكتاب ينقرأ من عنوانه ، مابا انصدم لوول
مابا امتن ، بس مابا اضعـف
كيــف ؟
هذي مشكلتي انا

^ الله يعينج ،،

انزين شوفي أنا بسلمج الحل !
بعطيج الوزن الزايد اللي ما أبيه ،، وانتي بتردين لوزنج الطبيعي الثابث ..
كلما بتخفين نطريني وانا بسدج لول ^^" >> وحده تعقدت ..

صدق من متى أبي أوصل لهالوزن المثالي بنظري ..
محد يشجع ،، كلهم يقولولي تمي جي // مابي ><

أحس صدق صدق صدق يبالي رياضه !
مشي على ركض لساعه كل يوم =#

اقـولج مابـا امتن ، تقولين لي بعطيج لوول



لا انـا آبـا حل اني مـا امتن ، ولا أضعف

^ مو تقولين انج ضعفانه واختفيتي !

انزين هممم // بصراحه ،، سواء متنتي ولا ضعفتي ..
المفروض الديرين بالج عـ صحج قبل ..

يعني مش إن ما تاكلين شي ولا يكون خفيف مقارنة بحاجتج ،،
ولا إن تاكلين شغلات ممكن تمتن (في حال ضعفي بزياده) لكونها ضاره بج
شرات اللي ينصحون بالاكثار من الأكلات السريعه والخ ..

حاولي بس تفكرين بهالاثنين (( أكلج اليومي - وإن كنتي تمارسين الرياضه ولا )) ..
وإذا حسيتي إن نظامج محتاج تعديل // تصرفي ..

وفيما عدا ذلك ،، ماقدر أقول غير طاعو من يتكلم ^^"
روحي يبالي أجابل نظامي قبل // ووووان شاء الله !

,

المشكلة الي كانت مخربه علي حليتها جذريا !!
تحيدون الموضوع الي كنت منزلنه عن الفضفضة
الي قلت فيه اني ابغي اغير نفسي فيه

الحمدلله قدرت اتغلب على الاشياء الي كانت واقفة في طريقي و احد أهم هالاشياء الي عالجتها هي مشكلة الادمان على النت
هالمشكلة كانت صدق مخربة علي و تخليني افضل اني ايلس على النت على اني اسير اسوي رياضة
و الحمدلله من يوم حليت مشكلة هالادمان و من يوم اتخذت قرار التغيير الجذري اموري تحسنت بشكل كبير و ان شاء الله

الخطوة الجايه هي اني اشترك في الـ GYM لأني ابغي صحتي تصبح افضل،، طبعا انا مخلي في بالي بانه هالشي افضل لصحتي لأنها تخلي الواحد مصحصح طول اليوم و طول اليوم بتكون فيه طاقة هائلة للشغل و لجميع النشاطات الي بيسويها و غير هذا الرياضة تساعد على اخراج السموم من الجسم،، يعني مب مخلي في بالي سالفة انقاص الوزن لأنه الوزن باي حال بينقص مع الايام لو تمرنت "هالمره عزمت و بشكل جدي مع الاقتناع التام بصحة الي اسويه"



نصيحتي لكم هي انكم تخلون النظام الغذائي الصحيح و الرياضة كـ اسلوب حياة
مش كـ وسيلة للتنحيف مثل ما انا كنت مخلي في بالي
لأني يوم كنت افكر بهالطريقة كنت دائما عقب فترة ادور الحلول الاسهل مثل "عيادة نيوترشن و حبوب الفات بيرنر و رجيم الماي و و و " و تحصلوني عقب فتره تركت الرياضة و اتجه للحلول الاسهل

بس يوم بتخلون في بالكم انه الرياضة = حياة صحية
بتستمرون فيها طول العمر ان شاء الله

صح كلامك ذنيني ... من جيه قلت حق ربيعي ، لاتخلي شي يخرب علينا المشي، لو قطعنا يوم نرد ...

وانا ماحب اسير الجم .. بس بشوف إذا حصلت مكان نظيف .. ومشكلتي العوده في إني اسير الجم .. الوقت يضيع في الدرب

اذا انته في ديره
سر ابتاون مردف او الفيستفال سيتي
فتنس فيرست

جم على مستوى و من انظف من يمكن
و مافيه من هاللوث

http://www.fitnessfirst.ae/uae/home.asp

^
فتنس فيرست وايد وايد زين.. خواتي يسيروله

ذنيني بس مب هذا مختلط ؟؟؟ لأنه امس اسمع ولد اخويه يبغي يسير له بعد ...

^
معظمهم مختلط.. بس الى في الميديا ستي & مركز الهنا شي سكشن خاص للحريم

بالعكس ياخي الواحد يتشجع يوم يكون في مكان مختلط p=
هيهي اسولف وياك


هيه مختلط
لكن الحق يقال بان المكان من افضل الاماكن في الدولة ان لم يكن افضلها على الاطلاق
سواء من ناحية المدربين او من ناحية المعدات او من ناحية البرامج

أنا اليوم ربيعتي عصبت علي ..

وقالت لي لازم تمتنين .. ولا بلعن خيرج :biggrin:

سو خلتني أتريق .. وآكل سندويجه وحده

وعقب خلتني أتغدى .. وآكل صحن جلو كباب روحي .. :biggrin: ماشاءالله

وعقب كلت سناك العصر ..

وعقب رقدت شوي ..

وقبل شوي تعشيت ..


وقالت لي أمشي على هالجدول كل يوم عسب يزيد وزني :11:

بصراحه أول يوم يمكن آكل فيه ب ضمير .. و آكل الوجبات كلها :biggrin:


أبي أمتن والله .. خلاص يئست .. :fa56:

هلا

من أواخر رمضان تركت المشي اين اليوم، وكنت بسير الجم اللي يطريه ذنيني، بس من باجر بإذن الله برد أمشي ..

بس أبغي أعرف حد منكم جرب بذرة الكتان في تخفيف الوزن ؟

^
المزوحي أنا جربتـنهـا ،،، واايد اوكيــه ،،
المفروض انك تطحنـهـا وعقب تفـورهـا وعقب تشربهـا بس وااايد مره ،،
انا كنت اطحنها واكلها ويـأ الروب والصراحه تنزل بس انا مااداومت عليـهـا عشان كـذي ^^

انا الحييين وزني ثااابت
طولي 176 وزني 78

المشكله الكرش ااااااااااخ لو تروووح

^^نفس الحااله
وزن ثاابت وطووول عفانا الله عفانا الله بعد ثاابت

ارييد اطول هل كيف اطول؟؟؟

وصح بديت امشي,,يقولون زين للظهر و يعطييه استقاامه يعني في امل للطول مدري هذا والله اعلم,, لكن المشي اللي امشيه مصخره لووول يعني ارووح انيس لأختي بالاصح اروح عسب اتلاقى مع ربيعتي و نقعد نهثرب =q


كيف يطولون الاوااادم؟؟؟؟؟؟
اخييج والله من 5 سنين و انا نفس الطووول =#