انزين انا ابا اشتري عدسة زووم ..
شو تقترحون لي .. ؟؟
عرض للطباعة
انزين انا ابا اشتري عدسة زووم ..
شو تقترحون لي .. ؟؟
بنت ناس وعرب ..
لاحظت انها اتصور 3.5 فريمز بس .. اما الـD700 ويا الباتري جريب 8 فريمز - اعتقد -
انا عن نفسي مالي حايه في الفيديو ..
بس كنت ابا اعرف سالفة البكسل .. هل اتزيد وضوح الصورة ونقاءها ولا ما ايأثر !
الملهم : كم ميزانيتك حق الزوم ؟
عندك : The best of the best
Canon 70-200 f2.8
Sigma 70-200 f2.8
OR
Canon 70-300
---------
مايهزك ريح : صح ٣.٩ لكن على فول فريم ب ٢١ ميغا بيكسل كانون ٥ دي مارك ٢ تتقارن ب نيكون دي ٧٠٠ بس الفرق في البيكسل و الفيديو
بس صدقني لمستخدمين الكانون اللي يشتري هالمكيمرا صدق بيكونون مستانسين شرات اول ما نزلت نيكون دي ٣
و الكانون فوق هذا صدقني تعتبر قويه الكميرا اذا تمت بسعر ال ١١٠٠٠ الف درهم و ٢١ بيكسل سعرها بيكسر سوق النيكون
و عن البكسل تزيد وضوح الصوره لانه الصوره تكون حجمها كبير و الكوالتي احسن و التفاصيل تكون اكثر لانه البيكسل تكون اكبر
و تبقى ميزاتها في ISO : 50 - 25400 احسن من النيكون
Cleaning System ( number 1 )
حجمها بعد عن النيكون دي ٣ احسن ( اصغر )
عندك لمحبين الAUTO Setting فيه نظام يديد في الكانون منزلينه يشتغل عليه الRAW
لو بنقعد نقارن بنحصل فيه اشيا وايد ما بين النيكون و الكانون
فكل كيمره تمتاز بشي لكن اذا اشتريت نيكون فول فريم انسى كل الكيمرات الباقيه و اقولك و نعم الاختيار
وهذا ريفيو بالفيديو
http://www.youtube.com/watch?v=Ns1TYN4mPF0
Thanks بنت ناس وعرب ..
welcome .....
عندي سؤال ..
اذا شتري من امازون او هالسايت
http://www.bhphotovideo.com/
اتكون العدسات او الكاميرات عليهن ضمان عالمي .. ولا لأ ..
هيه يكون عليها ضمان عالمي
www.adorama.com
^ i trust this site ! alot and its cheaper in delivery
i get my stuff within a week in my office
بنت ناس وعرب ..
العدسة واايد عودة ..
ابا شيء اصغر .. شيء على مستواي .. ^^
وما يكون وايد غالي .. ^^
الملهم : ٧٠-٣٠٠ هالعدسه مب عوده وايد و مب غاليه زوين سعرها
او سيقما 70-300mm F4-5.6 APO DG MACRO = سعرها بحدود ال٧٠٠ درهم اتوقع
بنت ناس وعرب .. دخلت السايت اللي حطيتيه .. معظم الكاميرات الضمان بس في امريكا !
اووه اذا جي عيل بشتريها ..
الحين بسير الستي بشتري .. ^^
الملهم .. شو العدسات اللي عندك الحاليه !
على أي أساس تحكمون على العدسة اذا كانت أوكي أو لااا ؟ ( قبل ما تشترونها وتستخدمونها )
امممم ..
انا اول شيء اشوف شو اللي احتاج من عدسة مناسبه ..
يعني مثلا اذا بغيت عدسة زووم اشوف شو اللي اوكيه واسال ..
والحينه سالت وحصلت sigma 70-300 APO Macro وتوني اشتريتها وجربتها .. حلوة وعيبتني .. ^__^
انا الحين عندي العدسة العادية مالت الـ canon 450D .. اللي هي 55-18 ..
والعدسة الثانيه اللي توني اشتريتها sigma 70-300mm ..
بس بغيت اسال ..
انا سرت المحل وسالت عن 50mm ..
قالولي ان شيء f1.8 و f1.4 .. بس فرق السعر كبير ..
بغيت اعرف شو الفرق وشو الاحسن ؟؟
الأحسن 1.4
بس ال1.8 حلوة بعد وارخص
وتقريبا كل المصورين عندهم ال1.8 لانها تفي بالغرض
اذا جي باجر بشترلي الـ 1.8
.. ^^
تسلموووون على المساعدة ..
وهيه صح ..
يبالي فلاش .. ولا عقب ؟؟
اربيعي قالي خذ لك فلاش ولا صورك ما بتطلع حلوه ..
شو رايكم ؟؟ وشو من نوع ؟؟
ما يخصه ابد
لين الحين انا ما عندي صورة بفلاش
اتريا على الفلاش لا تستعيل عليه وايد
الفلاش مكمل جميل للصوره و خاصه اذا تصور بورتريه داخل البيت ،، هو مكمل جمالي لكن مب ظروري
مايهزك ريح : انت من النوع اللي الاشيا تخترب عندك ؟ يعني يطيحن يتكسرن ؟ تعبث فيهم ؟ عشان تهتم بالضمان
لانه انا كله اشتري و حياتك النيكون دي ٣ مب ماي انجب عيها طاح مطر و انصب عليها دبه ماي و لا صار فيها شي
العدسات مثل ما ينكرفن عندي ما اتوقع عند حد ثاني مره صاعده على يبل و يتظربن في الحصا / يدقدن البيبان يوم اشل اكثر من كيمره / شنطه العدسات و حياتك في الشحن يوم سافرت و ماصار اي شي الحمدلله ( اللهم لا حسد )
اذا انت من النوع اللي حافظ حط ايدك في ماي بارد و توكل و اشتريها
اسأل ذنيني هو شاري من bh
انا شتري من adorama
بنت ناس وعرب
طلب صغيرووون أوي اوي
ماعرف كيف اطلع سعر فلاش كانون430 من النت
كم يطلع تقريبا مع التوصيل؟
سعر الفلاش ٩١٧ درهم
سعر التوصيل : ٢٠٠ درهم
------
ثانكس
welcome
يلا شوركم وهداية الله ^_^
قولوو مبرووك اخيرا تحقق الحلم المنتظر
http://www.adorama.com/images/large/NK2470AFS.JPG
احم احم
انزين انا ابي اشتري عدسه للكانون الي عندي شو تنصحوني؟
ابي وحده عمليه
مبرووووووووك بنت ناس وعرب . وعقبالي ^_^
العجيبة
كل عدسة تحتلف عن الثانية في عدة امور و منها
- حجم فتحة العدسة،، كل ما كبرت الفتحة كل ما غلا سعرها و اصبحت تصنف من ضمن العدسات البروفشنال
- نوع الزجاج المستخدم يأثر بشكل كبير على جودة العدسة
على سبيل المثال
شوفي العدسة الي ختها بنت ناس و عرب
مكتوب عليها حرف الـ N و هالشي معناه انه عدساتها الداخلية مطلية بطبقة من النانو كرستال و هالشي يقلل من الانعكاسات و التوهج الغير مرغوب فيه لكن طبعا يزيد السعر بشكل كبير
- جسم العدسة،، توجد عدسات بجسم معدني و صلب و مقاومة لعوامل الطقس
و يوجد عدسات بلاستيكية رخيصة و زجاجها الداخلي "مش حالك" و فتحتها صغيرة
بالمختصر يوجد عدة عوامل تحدد جودة العدسة و سعرها
اتمنى انه اكون قدرت اوصل الفكرة و لو بشكل بسيط
=)
البرقع
الله يعطيج خيرها و يكفيج شرها
عدسة من اروع ما يمكن D=
شكرا شكرا
بنت ناس وعرب ..
مبرووك على العدسه ^^
الله يبارك فيج ... عقبال SB900
That IS HOT lol
الله يباركلج فيها
نتريا النتايج
بليز ساعدوني بليز
كميرتي الجي 9 طاحت من عندي والظاهر انه مكان الشتر والأون والاوف اتحرك مب طايعه تعتدل شو اسوي وين اوديها او اعدلها بليز ساعدوني
:*_*:
:(
=(
وديها الوكيل المتاجر الوطنية
اتصلي فيهم و اسأليهم عن موقعهم
دمعة عيين
لو سمحتي يعني
انتي كانونية،،
عندج المارك 3 و الفايف دي تغزلي فيهم على راحتج
النيكون مالكم خص فيها p=
^
مآأقدر هآي من بني عمنى . . ! :fa41:
من شفتهآآ هآك اليوم في المحل وآنآ هآوتنهآآ ..
بس حرآم آخذهآ وأنآ إلا هآويه ، هآي حق المحترفين . . !!
يعني بيزآتهم مآبتروح ع الفآضي . . بيعوضونهآآآ بالصور إلي بيبيعونهآآ ..
:fa51:
كآنونيـَـه وكلي فخـَـر
> عآآآآآآآآآآآآآآآشووو هع
،
.
.