مــجـــلـــس الـــســـيــارات

من الليت اليمين

http://oasis.bindubai.com/bin/upload...1243711955.jpg

موتره مأمن .. لكن مادري وين بيصلحه، أول بادي قاله اخوه بيودونه كراج ربيعهم، لكن بما إنه الشي مكلف، فأخوه قال

مايخصني

قصدك المدقار و البمبر ؟؟ ولا المدقار بروحه

اذا البمبر ما تكسر .. خله يصبغه ... و المدقار اذا انشحف خله يوديه قراج مضبوط .. قوله يسير كراج البندري فالشارجه .. شغله احسن عن الوكاله و اضمن لك هالشي

انا كانت عندي صورة الموتر، لكن في الموبايل الجديم ... وإلا كنت بحطها عسب تشوف !

جنرال موتورز الامريكية لتصنيع السيارات تشهر افلاسها

[ تلفزيون الشارقة ]



توقعت انه الحكومه الامريكيه بتساعدهم، بس لبسوهم بطريقه غير مباشره
:rock:

و الحين بيستحوذون على 60% من الشركه

أعلنت عملاق صناعة السيارات الأمريكية "جنرال موتورز" إفلاسها رسميا الاثنين، بعد أن تقدمت بطلب لحمايتها من الدائنين، بحسب الفصل 11 من القانون الأمريكي.

وطلب إشهار الإفلاس يرافقه تملك الحكومة لأكثر من 60 في المائة من أسهم الشركة مقابل 30 مليار دولار.

وأوردت الإدارة الأمريكية في مستندات كشف عنها الأحد: "اليوم سيعد علامة فارقة أخرى في تاريخ الشركة.. نهاية جنرال موتورز القديمة وانطلاق الأخرى الجديدة."

ويقود جهود إنقاذ "جنرال موتورز" الحكومتان الأمريكية والكندية إلى جانب موظفي الشركة ودائنيها.

وستلتزم الحكومة الأمريكية بتقديم 30 مليار دولار أخرى بالإضافة إلى 19.4 مليار دولار قامت بضخها في وقت سابق لتغطية خسائر الشركة وتمويل عملياتها.

وفي المقابل، ستستحوذ على 60 في المائة من أسهم الشركة الجديدة، بعد إعادة هيكلتها، بجانب 8.8 مليار دولار من الديون وسندات مفضلة.

وستتملك نقابة العاملين في صناعة السيارات 17.5 في المائة من الأسهم، بالإضافة إلى حق شراء أسهم أخرى تصل نسبتها إلى 2.5 في المائة.

وستتلقى الحكومة الكندية و"أنتوريو" 12 في المائة من أسهم "جنرال موتورز" الجديدة مقابل قرض بقيمة 9.5 مليار دولار.

أما حملة الأسهم، فسيتملكون 10 في المائة من أسهم الشركة الجديدة، بالإضافة إلى أحقية تأمين 15 في المائة أخرى، مقابل تقديم 25 مليار دولار والتنازل عن بعض حقوقهم السابقة.

وستعود "جنرال موتورز" التي تعد من أكبر شركات صناعة السيارات ومفخرة الصناعة الأمريكية لعقود، للعمل كشركة صغيرة بعد إعادة هيكلتها.

وتتضمن خطط الإصلاح الاستغناء عن ألفي وظيفة جديدة وإغلاق عشرات المصانع بحلول العام 2010، لتضاف بذلك إلى خطط أخرى أعلنت عنها مسبقاً، منها خفض شبكة محلات التجزئة التابعة، إلى جانب 6 آلاف وكيل أعمال، بواقع 40 في المائة، العام المقبل.

ومن المقرر أن توقف الشركة إنتاج أربعة من موديلاتها هي: هامر وساب وساتورن وبونتياك.

وسيتأثر بإفلاس "جنرال موتورز" قرابة نصف مليون متقاعد، بالإضافة إلى أكثر من 150 ألف عائلة، من المستفيدين بالتأمين الصحي وخطط التقاعد الخاصة بالشركة، فضلاً عن نحو 300 ألف موظف من العاملين في الوكالات التابعة لها.

http://news.google.ae/news?hl=ar&q=%...num=1&ct=title

بس مبيعاتها في الشرق الأوسط ما بتتأثر مب شي

أهم شي التاهو والسييرا والسلفرادو والدينالي والاسكاليد ما يتأثرون .. ^__^ ..

بونتياك خلاص الغوها .. و هامر بيعرضونها للبيع .. ساتورن اعتقد بعد بتتوقف ..اوبل اشترتها شركه اسمها ماجنا ..

حد عنده فكرة عن الفلتر ، هل له أضرار على الموتر !
وكيف إذا بغينا نغسل المكينة .. لأنه يكون مكشوف مرات !!

وهل الأداء يفرق إذا كان مكشوف أو مغطى !!

http://www.knfilters.com/news/news.aspx?ID=1206

اول شي الفتلر اللي برع اداءة احسن . عن اللي فالبوكس لانه يدخل هوا اكثر


الفلتر فالصيف يذبح المكينه .. لانه يدخل هواا حاار طول الوقت .. فما منه فايده
شوف اذا بتركب فلتر بس ع السياره .. ما بتحس بالفرق نهائيا .. بس صوت ع الفاضي
ركب فلتر و هدرز و ( كمبيوتر ) و ااكد ع الكمبيوتر .. و بتشوف الفرق كيف

بس ما انصح فلتر بس ع الموتر .. لانه بس حشره ع الفاضي
و اذا بيزيدك قوه .. بيزيدك من 1 لين ال 5 هورس بور بس اذا كنت صدق محظوظ


و هذا راايي عن تجربه .. و يمكن حد غيري عنده رايي ثاني

ربيعي ظهر له كايين، هو كان محتار بينها وبين الأودي كيو 7 والبي ام اكس 6

الفلتر بيعطيك مشي حلو .. ركب الفلتر ويا النتيك .. و شي قطعه يسمونها الثلاجه ... ما تسمح بدخول الهوا الحار الطالع من المكينه .. و يبالك كات باك و ثروتل .. و برمجه عسب اتحس بالفرق صححح .. مشي موترك وايد بيتغير .. و الهدرز بيزيد بيحسن الادااء بعد .. لا تركب هدرز بدون برمجه .. ما انصحك

و اذا تبا الفلتر الداخلي .. اكيد الاداء بيتحسن .. بس ما بتحس بالفرق .. الا اذا قايست ويا موتر مستواه نفس مستوى موترك ..

كمبيوتر مكينة التاهو او اليوكون ما يحتاج للتبديل .. تقدر اتبرمج كمبيوتر الوكاله .. الا ذا عندك موتر ياباني .. يبالك يوني جب ارخص و احسن حل للمكاين اليابانيه

خبرنا شو المشي اللي تباه و كم ميزانيتك و نوع موترك .. و اذا تبا ضمان الوكاله ولا ما تباه

صريـح // يعني الفلتر لـ حاله ما منه فايدة ،، بس يا خي هااي سالفة ، إذا بنحط الفلتر حق الشتا وبنرد نشله ف الصيف ..

---

شرجاوي // مممممم هالشي كان فـ بالي ،، فلتر + كت باك + برمجة ،، بس الثروتل ما عرفه ،، شو ها !!
بس الهدرز بيشل الضمان ،، وحتى لو مب عسب الضمان ، سمعت إنه يهلك المكينة .. ما عرف عاد صدق ولا لا ..

وأنا البرمجة إلي حاطنها في بالي إني أبرمجه في الوكالة ، عسب كل شي يكون ع السيفتي ،، لأن كذا واحد نصحني أسير عند مراد في دبي ، يمدحون برمجته ، بس ما فيني يا ريال .. واحد من ربعنا عنده همر h3 بدل المكينة مرتين والسيارة 2008 أتوقع ، وربيعنا الثاني عنده سييرا 2009 وبدل الوالات قبل فترة والموتر بعده ما وصل ال 10 آلاف كيلو

يعني أحس موضوعه مشكلة .. خلنا على برمجة الوكالة أخيير ..

وبالنسبة للمشي إلي اباه ، مممم يعني قول 50 حصان ..والله بالضبط ما عرف بس أبا المشي يتغير
والموتر تاهو 2008 ،، لأني أحسه ثجييل في القومة ، بس عقب يفتح .. والميزانية .. مب واايد .. وطبعا ضمان الوكالة مهم .. حتى لو الضمان مب موجود ، ما با أسوي شي سلبياته اتكون أكثر واتلعوز ويا الموتر عقب ..

مراد التركي خربوطي .. لا اتبرمج عنده .. واحد من الربع مبرمج سي ار 8 عند الماني ف دبي ب 6000 .. بس شغل مضبوط الصراحه .. .. و الثروتل ها يحسب كمية الهوا الداخله للمكينه و يرسل اشارات للكمبيوتر عسب يحرق البترول بما يناسب كمية الهوا ..

شوف .. فلتر .. انتيك . ثروتل .. كات باك .. و برمجه عسب الموتر يفتح صح .. و بالتوفيج

ممممممم حلوو ..

إنزين كم بيكلفني كل هاا ؟؟

وشو نوع الفلتر إلي تنصحني فيه ! والكات باك .. !! .. وعن البرمجة أفضل الوكالة ..

مرحبا خطاب ..

انا بقولك شو تسوي .. عندك فلتر احسن عن الـ K&N .. و الي هو الـ vararam

http://www.vararam.com/tri-power/tri-power.html

هذا لنك الموقع و فيه صورة الفلتر و كل المعلومات عن بيرفورمانس الفلتر و ينباع عندنا فالبلاد بعد ..

و عليك ب كت باك كورسا السبورت .. و Throttle Body spacer هي القطعه نفسها الي قالك عنها شرجاوي .. بس بتعق الضمان .. لانه انا عندي سييرا و معدل فمكينته بطريقه انه الضمان ما يطير ..

و عن البرمجه لا تبرمج عن التركي مراد .. ربيعنا برمج Zo6 اخترب البالانس مال الكرنك و دقت المكينه و واحد برمج التاهو مال البيت راح القير لانه يعطي الموتر اقوا شي يقدر عليه ..

برمجه الوكاله بتعق الضمان عن الموتر .. لانه قبل ما تبرمج بيعطونك ورقه توقع عليها انه يشلون عنك الضمان .. مثل ما استوا بـ ربيعنا عنده سييرا بعد و يوم يا بيبرمج عندهم وقع على الورقه بدون ما يقراها و توهق عقب ..

ف لو تبرمج برع يكون احسن .. عني انا برمجت عند سعود بن عجيل .. برمجه ما عليها رمسه و سعره واايد حلو و كل تعديل برمجه مثلا اذا زدت شي فالموتر يبرمج ببلاش عكس القراجات الثانيه .. يوم ركبت وياه يبرمج موتري .. قالي لشو تباها البرمجه حق استعمال و لا سباق و لا شو .. قتله ابا شي عادي بس على السيفتي .. والله من عقب البرمجه مشي الموتر وااايد تغير على كت باك و فلتر .. مع اني كنت امبرمج عند بدر اهلي صاحب قراج فورملا .. كان مخبص بالموتر و مألف برمجه من عنده .. بس عقب هالبرمجه اليديده الصراحه مشي واااايد حلو و بيعيبك و عن الوكاله ما تسال اذا الموتر امبرمج برع ولا شي .. اللهم اذا استوت مشكله فالموتر ترد عند الي برمجلك الموتر و يردلك برمجة الوكاله و اتدخله الوكاله ولا يدرون عن شي ..

و اذا في شي تراني حاضر ^_^ ..

والسموحه منكم دخلت عرض فالموضوع .. لاني من عشااق الامريكي .. و هالموضوع اتابعه من بعيد لبعيد Pp= ..

مرحبا اخوي الرايد

ما شاء الله هالفلتر أدائه عالي .. تنصحني فيه يعني .. !

وعن الكت باك عزيزي ، الطلقات كيف اتكون !! بالشكل إلي انا أختاره ولا أشكالهم ثابتة ، ومن خبرتكم شو الاحلى على التاهو ؟؟

ممم ،، بخصوص البرمجة ، أنا موضوعي غير شوي ، وهو إني ببرمج الموتر فـ ليبرتي بحكم إني ماخذنه من عندهم
والريال خبرني إنه إذا الموتر من عندهم ما في مشكلة الضمان ما بيطيح ، وربيعي ظهرره قو هنااك ، لأنه من طرف الشيخ .. ودوم يضبطون موضوعه ..

بس يا خي خرشتني ع التضبيط ، وأنا أبا الموتر حق استعمال ، بحكم إنه متعدد الاستخدامات
موتر البيت + استعمالي .. وفـ نفس الوقت أبا مشيييه يتغيير ، لأنه خوييك خرييش شوي ..

بس الغالي ، بما إنك سويت هالأمور في الموتر ، ممكن تعطيني فكرة عن السعر ،، يعني كم كلفك كل ها !!

فلتر + كت باك + برمجة ؟؟ وكم زاد في الأحصنة عندك ؟؟

هالفلتر عجيب تبا الصدق .. لاني ناوي على واحد مع اني مركب الـ K&N احين ..

اما عن الكت باك في انواع و اشكال .. بس انا انصحك بالكورسا السبورت الي يكون شكله جي

http://scottsmotorsportsperformance....ahoe2007sm.gif

والله يخويه هالشي راجعلك .. بس انا قتلك عن شي نحن مجربينه .. و عن برمجة الوكاله تراهم يفتحولك الكتمه بس و زادولك شوية بترول و شويه كهربه و كان الله غفورا رحيما .. يعني برمجه تمشي حالك فيها ..

شوف الغالي .. انا موتري كت باك فلتر و برمجه و مفضي دبات البيئه لانه تحس بفرق وايد بعد .. مشي الموتر وااااااااايد حلو تبا الصدق .. مب انه عشان موتري بمدحه ههههه لا بس انا حسيت بالفرق .. لاني جربت ويا كذا موتر و حسيت بفرق المشي .. الانفنتي G35 ادوس وياها من الـ 100 وياها لين ال 160 خلاف تروح اكيد الانفنتي .. يعني فرق فرق فالمشي ..

و الاستعمال عاادي اعتبر الموتر وكاله .. بيني وبينك انا طار الموتر طر و الحمدلله ما اشتكي منه مع انه موتري سييرا رنقاته 17 و بدلتهن ركبت رنقات الدنالي 20 و ثجال .. مع هذا ماشالله عليه عايش ماشي مشاكل لا فالقير ولا فالمكينه ..

ممم .. عن السعر بقولك عن الي اعرفه .. الكت باك على حسب طبعاً انته شو تبا .. يعني الكورسا ب 6000 و الفلتر اضني ب 2500 بس مب متاكد منه و اذا تباه بسال عن سعره اذا موجود فالمحل ولا لا و بعطيك خبر و البرمجه ب 1800 ..

اما عن الاحصنه ماعندي فكره .. لانه ما دخلت موتري على الداينو .. ف ما اقدر اعطيك كم وصل الموتر بالظبط .. بس عن الفرق فالمشي روحك بتحسبه و بيعيبك المشي صدقني .. اسال مجرب ^_*

كلامك مقنـع عزيزي ..

اتصدق شكلي ببرمجه عند بن عجيل .. إذا ما في تأثيرات سلبية
سعر الفلتر والبرمجة حلوو ، لكن الكوورسااا شكله وااايد ..

يزاك الله خير شيخي وما قصرت ، وعيبتني هالطلقات .. وربك ييسر إن شاء الله
تسلم يالغالي واسمحلناااا ..

اسمحلي يالرايد .. دبات البيئه ما بتزيده شي .. بس صوت عالفاضي

جربت ويا يوكون و عطيتها شبتين .. ب اكاديا .. شلوا عنها دبات التلوث .. و عطيتها نفس المسافه و يمكن اكثر ..

دخلت اليوتيوب وسمعت حس التاهو عليه كت باك كورسا .. الصوت وااايد حاااد ..
حسيت البورلا أحلى ..

شرجاوي ، ،

انا فضيت الدبات و حسيت بفرق تبا الصدق بس طبعا عقب البرمجه اما اذا الموتر وكاله و تفضيهن ماشي فرق لاني فضيتهن قبل البرمجه و ما حسيت بشي الا عقب البرمجه

خطاب ، ،

الناس اذواق الغالي .. البورلا حلو تراه مب سيء بس عني انا افضل الكورسا ..

بس اذا انته تحاتي السعر .. عندنا شباب مركبين دبه نصفانيه .. مدحولي دبتين اميريكان اوف رود و ماقنا فلو .. و هي دبه بس تركب بدال الدبه الوسطانيه مالت الوكاله في فرق بسيط و صوت حلو و خفيف مش عالي ..

وهالدبات الغالي وين أحصلهن وعلى كم .. !

والشغل يكون قص ولحاام صح !!،، لأني أحيد الفتك برااغي ..

اذا بتبدل الدباات الوسطانيه .. اعتقد شغل لحام ..

اذا موترك ضمانه 3 سنوات او 60 الف .. اتريا لين ما يخلص الضمان .. و زوده ع راحتك

هالدبات رخيصه .. الاميريكان اوف رود ب 350 درهم على ما اعتقد مادري جان زاد سعرهن بس بهالحدود يعني بتحصلها عند التيمت الي فالممزر او عند رامي بس ما انصحك تسير عنده .. مم عندك pure speed فالخوانيج اضني .. و عن المقانا فلو بتحصلها عند باور كيرف الي فالممزر عند يوسف رضى على 600 مادري 700 ..

تقدر تسويها براغي ماشي مشكله .. يبطلون البيبات الي تحت و يفصلولك شراتهن على الدبه الي بتاخذها و تركب دايركت لا لحام ولا هم يحزنون و يستوي مثل ما قلت براغي شرات الفتك .. و يدخل الموتر السيرفس عادي بس اذا صادقتك مشكله تعقها الدبه وتركب دبة الوكاله بدون قص و بدون لحام فالقراجات ما بتاخذ ربع ساعه ..

شرجاوي // الموتر ضمانه لين الـ 150 ألف .. والحين ماشي 68 ألف ..


الرايد // حلوو .. بس أحيد تفصيله صعب .. لأن على كلام واحد قالي إنه القاعدة معقدة وما يقدرون يفصلون ولازم قص ..

تعرف مكان مضبوط حق هالسوالف ؟؟
ولو تعطيني عناوينهم بالضبط بتسوي فيني خير ، لأني مب لذاك الزود في هالسوالف ..

لا مب صعب ولا شي .. واحد من الربع مخترع حركه ، خذله قزوز لموتره من سكراب و ركب الدبه على القزوز و ما دق القزوز الي على موتره .. اللهم نزل لقزوز الي على موتره و ركب هذاك الي ماخذنه من السكراب و عليه الدبه ..

عندك قزوز الخليج شغلهم نضيف .. و في كذا مكان بس مب متاكد منهم بس اذا معزم بسال لك عن اماكن شغلهم عدل .. لا تحاتي ..

و عندك فوكس لا تنسا .. بس بيضربون عليك ..

انته شوف شو الي يناسبك و خبرني عشان اكون على علم بالي انته تباه .. استقر على شي و فالك طيب ..

الخليج هو نفسه فوكس اعتقد !!!! و عن تجارب الربع على مواترهم .. شغلهم غاااااااااالي عالفاضي .. لا قوه ولا عزم

الرايد ... الشغل المحلي ما يودي ولا اييب .. بعد فتره الدبات بتنصخ .. و كل مره يبالك اتبدل جازكيتات .. كاتباك بورلا احسن و اهدى عن الكورسا و الاثنين احسن عن الشغل المحلي

خطاب اسمع صوت التاهو ب كاتباك بورلا .. http://www.youtube.com/watch?v=AcIc9SWVK5c .. ف كراج فووم ف دبي

شرجاوي ، ،

لا قزوز الخليج فالرمول و فوكس فالقوز .. ما يخصهم ف بعض .. و عن الاسعار يعني مب هاااك السعر الغالي الي محد يقدر عليه .. بالعكس سعرهم معقول يعني على 4000 تقريبا الكت باك كامل .. و بالعكس فيه قوه و عزم .. مجربين على موتر ربيعنا و انا الي وديتله موتره و ركبنا الكت باك عندهم مع كاتلايزرات سبورت .. والله فرق مشيه ..

انته تقول انه الدبات تنصخ و لازم بين فتره و فتره تبدل جازكيتات .. كلامك مب صحيح .. ربيعنا ركب عند فوكس هدرز كاامل و كت باك و كمل على موتره سنتين و نص تقريبا .. على تاهو 2007 .. و يسافر فالموتر و استعامل عادي و يدوس و كل شي .. موووول ما يشتكي منه .. مره بس اتذكر نصخ عنده كان ضارب خط و القزوز حار و دخل ف ماي و نصخ من تحت و بس ، من هاك اليوم ماشالله عليه ما ياه شي القزوز .. و عندنا شباب مركبين على جماسي بعد .. يمدحونه فكوس ..

البورلا حلو صوته بعد معروف هالشي .. بس شرجاوي فووم شغلهم اي شي تبا الصدق .. انا خذت سوبر جارجTRD من عندهم حق الFJ و قالي 3 اسابيع .. خيسني 3 شهور و شي .. و انا دفعت له المبلغ كامل ويا التركيب .. و يوم وصل قتله ما بركبه و ما ردلي مبلغ التركيب طلعلي اعذار وايد .. و من غير المشاكل الي صارت ويا شباب غير ..

اذا تبا تطلب شي من برع .. سير عند حد انته تعرفه او حد يعرفه ..

ربيعنا مركب كاتباك فوكس ع موتره .. slk350 ... ب 5500 .. مشي الموتر اخترب .. القازقيتات بسرعه يختربن .. ازعاج عالفاضي

و نفس الشي .. مركبين على لومينا 2006 .. المشي هو نفسه ما تغير .. مرتين امبدلين القازقيتات .. بس الصوت 10 / 10

هاي التجارب عند فوكس ... يمدحون شغل كراج التحكم ف صناعية الشارجه .. بس ما سمعت راي حد مجرب شغله

اضمن لــ خطاب .. ياخذ بورلا او كورسا ..

شرجاوي ، ،

انا ما عندي خبره فالمرسدس .. او اللومينا ..

عن جماسي و شفر اوكي بفيدك عن ناس مجربه .. و النتيجه 10\10 في الصوت و البيرفورمانس ..

قراج التحكم خبروني عنه بس ماعرف وينه قلنا بنسير نشوف شغله ..

اكييد اضمن .. نتريا رده و على شو بيستقر ..

والله يا جماعة الخير ، أنا احتررت لول ..

عزيزي الشرجاوي ، كراج التحكم سررت له .. وكنت بفصل عنده وبسعر مغري جدا لأنه واحد من الشباب يعرف راعي الكراج
بس صدمني يوم قالي إنه بيقص سستم الوكالة مكاانين ..

وانا اهم شي عندي سستم الوكالة .. أباه يتم شرات ما هو .. " فك وتركيب " ما باهم يقصونه ويردون يلحمونه ..
والمقطع الي حطيته سمعته قبل كم يوم مع الكورسا لول ..

الرايد // مشكلة البورلا والكورسا سعرهم غالي ، بس بعد يظلون غيير وأضمن وأرقى ..

والله حاليا محتار .. وسالفة الكسر إلي فـ ريلي بتعرقل الموضوع فترة ..

كله ولا القص .. اصبر و خذلك كورسا او بورلا .. غاليين بس يستاهلون .. و سلامات ما تشوف شر

الظاهر جي بيستوي ..

عندك فكرة يالشرجاوي إذا بغيت أطلبهم من برع ، بيطلعون أرخص علي ولا !!
وكيف الطريقة .. ولد خالتي موجود في أمريكا .. بس ها لووتي دووم يضررب في السعر .. ابا أعرف سعره من هناك داايركت كم .. !

والله يسلمك ويعافيك شيخي ..

ما تشوف شر الغالي ..

الشر ما إييك شيخي ، وعساك ما تشوف مكروه فـ غالي ..

اكيد يالغالي ارخص .. بوايد

سعر البورلا .. 3930 تقريباً ( السعر من موقع بورلا )

الكورسا 3140 تقريباً .. من موقع متخصص بالشاحنات الامريكيه

لو اعرف الطريقه جان طلبت ل عمري هههههههههههه ..

شوف خدمة shop & ship مالت ارامكس .. http://www.aramex.com/shopandship/Default.aspx

حلوو .. البارحة رمست ولد خالتي الي موجود في البلاد عسب يسأل اخوه في أمريكا ، كيف الترتيب والسعر ..

تسلم عزيزي ،، وبشوف هالموقع كيف طريقتهم ..

امس ركبنا القزووز اليدييد ع الجيتي

Meisterschaft Exhaust System (Dual Side : Quad tips)

القزوز 120mm و الصووت طالع طرررر ع الاخر ع الموتر ..
بس بقى تركيب الكمبيوتر ( مبرمج في امريكا ) و بنشوف كم بيفرق فالمشي
على كلام الشركه اللي برمجته و حاطين فالحسب القزوز .. تقريبا 100 حصان


نفس هذا القزوز بالضبط

<object width="425" height="344"><param name="movie" value="http://www.youtube.com/v/dt01w68GevY&hl=en&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/dt01w68GevY&hl=en&fs=1&" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

<object width="425" height="344"><param name="movie" value="http://www.youtube.com/v/DDUZLOqitXo&hl=en&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/DDUZLOqitXo&hl=en&fs=1&" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

اتوقع هذا اول جيتي عليه هالقزووز فالامارات ... على كلام الشركه انها اول طلبيه للقزوز من الامارات
كل الجياتي اللي مركبين عليهم قزوزات فالبلاد غالبا HKS و تكون 75mm