مطعم وكوفي يستاهل ينسار له

حد جرب شي من المطاعم اليديده اللي في مردف سيتي سنتر

دمعة شوق
هي مسألة ذوق شخصي
يعني لو انا و مجموعة انسان بنجاوبج, بنقولج الاسبرسو احسن شي
يمكن غيرنا يقول الهوت جوكلت احسن شي لأنه ما يحب القهوة

فـ انتي شوفي شو الي تحبينه و خذيه ^^

شوق القلوب

ظهر الخير و البركه ^^


جربت المطعم الصيني الي ذكروه فوق, وايد حلو اكله
يسوون فاصوليا مقلايه مثل الفرنش فرايز, وايد فنانه
و عندهم ستارتر فنان اسمه DYNAMITE SHRIMP عباره عن ربيان شوي سبايسي يحطونه ويا السوس ماله في كوب

و جربت المطعم الهندي الي فوق, اسمه زافران (بالعربي زعفران) و كان حلو اكله, هندي بس من النوع الاليف, مب متروس بهارات
زين بس بالنسبه لي افضل قصر الهند و جازيبو

بس هو زين يعني عادي اسيرله مره ثانيه


و شي مطعم برغر موجود في ابتاون مردف و في الفستفال و بعد موجود في سيتي مردف
اسمه GBK غورميه برغر كيجن
برغراتهم وايد هاي كواليتي و الفرنش فرايز عندهم شي رهيب جدا

المشكلة يا ذنيني جربت كمن شـي
يآلله بجرب آلأسبرسو بمآ آني آحب شـي آسمه قهوة
^^
ثآنـكس خويـه

^
دمعه :

آنتي شرآتي تتحسفين على الآيام الخواليّه لوول ..


آنا جربت الكابتشينو مالهم بـعد ماحبيتها وايد ، بس تفي بالغرض ، ولأن الآي تي قريب مني ف قبل أول كلاس اخطف اخذ كابتشينو وآروح

الاسبريسو >< قـهوه وانا ماحب القهوووه موووليه

مثل ماقال ذنيني مسأله ذوق وبما انج تـحبين القهوه جّربي =p

هلا ناصر...

سرت جربته.. و حلو اكلهم .. يشبع اليوااااعه

طلبنا هالفاصوليا.. و نودلز دان دان ... و دياي بالكازو

..

جان جربت مطعم الفوندو الايطالي... حلو اكلهم

مطعم amici في فندق ياس ... رهيب !

سرت مطعم ستيك في فندق جميرا ابراج الامارات Rib room فنان الستيك مالهم

يا سلام.. انا وايد تام في خاطري اكل ستيك

زين شوق القلوب جربتي انتركوت اللي في دبي مول ، فنان الصراحه

في اي صوب يا المزوحي ...؟

شوق بنعتج بس اكتشفت عقب إنه عندهم wine بس اكيد بيكون مع الطلب ، مب إنه مصفف بطريقه تبين عدل

المهم إذا كنتي في ابراج الامارات الطابق الثاني ، تمرين صوب أرماني، شي لفه على اليمين ، بتلقين باب يدخلج على الفندق .. من تظهرين من الباب المطعم بيكون صوب اليمين

اسعار الاستيكات تقريبا 190 لين 400 على حسب النوع والوزن ، طبعا بيسد اللي وزنه اقل ، بالنسبة للعصاير الفرش مب شي ..

باريس كافيه الي الناس يسمونه انتركوت ما عندهم واين
جربيه ام حمد, وايد فنان,,
مكانه تحت الشلال الي فيه هالمفاليع الي يناقزون

اطلبي ثاني ستيك فالمنيو, و نصيحة اطلبيه ميديم تو ول
السبب انهم بيحطولج الستيك في صينية و تحته نار و بينطبخ عدل
لو طلبتيه من البدايه ول دن بييبونه وايد مطبوخ و عقب بيرد بينطبخ اكثر مما هو مطبوخ و بينشف و بيستوي مثل الربل

انتركوت فنان، وصح إذا ول دن بيكون محترق على الاطراف ..

مكانه ( ال جي ) صوب الشلال

المزوحي.. ع بالي انه في دبي مول...! لا مافيني ع الاماكن المشبوهه...
تسلم خيوووووو

...

ناصر...

تسلم على الاقتراح.. و ان شاء الله جان سرت بطلبه... بس سؤال عندهم سوالف ثانيه حلوه بالدياي ..؟؟ لانه الجماعه اللي عندي مايحبون اللحم..!!!
تدري.. هاك اليوم يوم سرت الصيني اللي في مردف... اختي تطالع المينيو... و انا فاتحه الواحات اجيك على اللي وصيتهم لي :4:

في مطعم ستيك يديد فتح في دبي مول اسمه outback steakhouse ماجربته في الطابق الثاني نفس سيد نعول الصغاريه بابلوسكي

شوق لا ما يسوي شي غير اللحم !!
تخيلي ما عندهم غير ثلاث انواع من الستيك بس مسوايه بنفس الطريقة

واحد امريكي و استرالي و "واغيو بيف"
======

طبعا في سوالف سويتات و ما ادري شو,, لأنه هو فالاصل كافيه

سرت مطعم اوت باك طبعا من غير خطه مسبقه، وطلبت

ستيك Victoria's Filet مديم ول ، عيبني ، يعني مب مستوى الفنادق

لكن احلى عن فرايديز، توني روماس، روبي تيوزدي :police:

طبعا طلبت وياه بيكد بوتيتو يم يمي

خدمتهم مب شي :fa45:

بخبركم عن كافيه ... مكانه في دبي مول مجابل لودري... يا سلام عندهم براوني عجيب... و طلبنا بعد جوكلت مافين و كورسون... بس وايد حبيت اكلهم...
جربوه ...!

DEAN & DELUCA .. اعتقد هذا اللي تتكلمين عنه ..
خواتي بعد يمدحونه بس انا ما جد يلست فيه !

إذا هذا اللي تطرونه يلست أول مافتح، جربت عنده كراوسون مب شي، حتى الهوت تشوكليت عادي، عيل شوق بنجرب المافين عندهم.

هو هذا اللي اقصده .. المزوحي جرب البراوني.. بتعيبك

إن شاء الله شوق بجربه

كل كوفي متميز بشي، يعني Paul ماتعيبني سندويتشاته ، يمكن فالح في السلطات و السويتس ..

^
الريوق عندهم فنان .. انا آخذ الـ complete

السلام عليكم


اكل Paul خفيف ,,وحلو .. ريوقهم ولا مره جربته للأسف ..


في كوفي PQ وجود في مردف سيتي سنتر ..وابتاون .. واعتقد بعد في اماكن ثانيه ... واهني في بوظبي ... اشوفه بس بعدني ما سرت له ... مع انه جريب مني ...

ريوقهم وايد حلو... وعندهم كيكات حلوه ...

امس اكتشفت مطعم وكوفي ..روعه ..اسمه Jones وكله اجانب ...في العمارات اللي قبل معسكر نهيان .تقريبا وراء بنك بوظبي الوطني .طبعا في بوظبي . كلها بنايات يديده تقريبا.... كل شيء عندهم لذيذ .. الحلويات انواع ... المفن والكب كيك ... انا كلت strawbarry pic وhot choclate وشفت الناس تتعشى ... سلطات وبيتزا وباستا ..حبيته الصراحه .... واحتمال اتعشى فيه اليوم وبخبركم .. :whistling:

وفي مطعم ايطالي روعه اكل خفيف وايد في فيرمونت باب البحر .. اكله لذيذ..


لي عوده اكيد :d010:يعت

احب كل شي في هافانا ..
من ريوق لعشا وحتى السويت..


اممم وايعيبني مطلعم سلونز في جروفنر هاوس صوب المرسى وايد يمي البوفيه مالهم يعييييبني ..


واحلى سوشي من عند يوسوشي
واخر مرة جربت من عند جابينغوو مااذكر نسيت اسمه بعد كان يمي

واحب الجاينيز في جابينغوووو يميييي ..
والجيز كيك بعد لذيذ عندهم شرات اللي فالمطعم الدوار في حياة ريجنسي ..

مطعم P.F .Chang's ........ صيني .. في مول الإمارات .. وله فرع في مردف سيتي سنتر !


http://oasis.bindubai.com/bin/upload...d8ac6de412.jpg

http://oasis.bindubai.com/bin/upload...d8b07e3ebd.jpg

المقبلات .. prawn dynamite + chicken dumplin

http://oasis.bindubai.com/bin/upload...d8ac70b167.jpg

Prawn honey .. chicken spicy .. chicken fried rice ..

http://oasis.bindubai.com/bin/upload...d8b07d021f.jpg

sweet ..
chocolate wall (serving 4 )

http://oasis.bindubai.com/bin/upload...d8ac71fd76.jpg


الأكل لذيييييييييييذ .. واليلسه فنانه ..

مطعم الشيكو في the walk ..

http://oasis.bindubai.com/bin/upload...6d027842d0.jpg


اللومي بالنعناع .. ما انصحكم تطلبونه لأنه وااااااااااايد حامض ..

http://oasis.bindubai.com/bin/upload...6d190387c8.jpg

cheese burger .. لذيذ ..

http://oasis.bindubai.com/bin/upload...6d0c735e76.jpg

shrimp fahita .. بعد فنان ..

http://oasis.bindubai.com/bin/upload...6d0c7058b2.jpg


Apple pie اللي قال عنها ذنيني .. صدق لذيذه ..
http://oasis.bindubai.com/bin/upload...6d027b7b09.jpg


يلسنا داخل لأنه المطعم كان حشره برع .. وداخل محد كان غيرنا .. !!!

مع إني ما أحب الابل باي، بس يبالنا تجربة عقب وصفكم انتوا الاثنين

حلوه الابل باي.. اي شي فيه جرفه و شكر.. يطلع حلووووو

في مطعم ستيكات فدبي مول - الفود كورت الي فوق- اسمه ريبز اند رمبز
جربو الـ شورت ريبز عنده
شي خيالي !! اللحم يذوب فالحلج من طراوته
وابوييييه قمت ارون انا خخخخخ

مطعم سوشيال هاوس في دبي مول بعد عيبني
برغرهم لذيذ جدا و اللزانيا بعد وايد حبيتها
و السوشي عندهم حلو بعد

هالمطعم عنده منيو اسيوي و منيو غربي و كلهم حلوين
الاكل بسيط و لذيذ و يميل للابتكار نوعا ما

مطعم assia in wok
الله يخليكم لا تشترون اللحم او الدياي المشواي على شكل اسياخ من عنده .. مول مب حلو .. اتخيلو غاطينه في sweet سوس .. الطعم فظيع !
بس طريقة تقديمهم فنان .. !

ناصر...

خليتني اضحك و الناس حذالي رقوووود .... ههههههههههه

...

المهم..

فيه كافيه تحت في مردف سيتي سنتر...في القسم الوسطاني وين زارا... كله جوكلت... عندهم مثل فكره الاسبرسو بس على جوكلت.. كان ودي اطلبه بس كنت داخله في خاطري كبتشينو.. و ما يخلى السويت الا بالكوفي... و طلبت عنهم جوكلت فوندو.. وكان يمي ..

جربوه... مكان رايق

^
بنجربه عيل .. شو ورانا .. ^_^!!

على وصفچ شوق كوفي رستريتو، كل مره اقول بسوي يوم له

لالا... سوري مب تحت... فوق.. في الدور الاول...

اظني اسمه جوكلت بار

ايوه جوكليت بار اعرفه واسير له احيانا :police:

يا سلام احب المطاعم بس والله ما احفظ اسامي

اخر مطاعم كلت فيها

مطعم برغر بشارع الشيخ زايد ما اعرف اسمه بس اكله حلو كفاست فود

مطعم شهرزاد بالفجيرة اكله ايراني حلو

مطعم اليحر بالعين مندي وايد حبيته

مطعم مدفون الخيمه للمندي والمدفون على بخيرة الشارجه مدفون اللحم والدياي حلو

جربت كذا محل في دبي مول فود كورت شغلاهم وايد حلو ه عموما


ووين بعد احب اكل نقر مشوي من وادي النيل الي با القيوين

مكس سي فود برياني حلو بتاج خورفكان...والبر والبحر..وبحر الامارات

امسات كلنا في قازيبو الي في بن سوقات بس ما حبيت ابرياني مالهم حبيت الحلوم المشوي

ويعيبني كراتشي دربار وقصر الهند

من فتره ... كله نسير نيرو... التيراميسو عندهم حلو...! بش شلو وياكم منظره و اضحكوا على
عماركم من الكوكو باودر لانهم يترسونه من الخاطر :4: